أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > صحة > الكعوب العالية

إضافة موضوع جديد  إضافة رد
 
أدوات الموضوع
قديم 14/11/2009   #1
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي أجا البرد وجايبلكن وصفة ليكور بالقهوة


انسوا المنتجات الغالية والماركات التجارية وركزوا معي...
الوصفة سهلة كتير والليكور شي ناهي وظريف لمحبي النكهات القويّة وللي حابين يبهروا ضيوفون بمشروب جديد.
شفّة من ليكور جانو العجيب تضمن لك المخمخة والراحة بعد الأكلات الدسمة وتكفل لك ولجلسائك في سهرات و جلسات الشتاء صفاء الفكر وازدياد الابتسامات بنسبة 93,75 بالمئة بين الضيوف (حتى لو كانو معاليق من الطراز الرفيع)، كما لوحظ بوضوح لدي مجرّبي هذا الليكور ازدياد نسبة الإقناع ومقدار الطلاقة التعبيريّة في المناقشات الفلسفيّة والقضايا الديالكتيكيّة وبعض المسائل الوجوديّة كـ : "لو أتيح لك أن تكون رقم هاتف، فأي رقم تفضل أن يكون رقمك الأخير؟ يعني بأي رقم تحب أن تنتهي؟"

للصبايا والستّات: إذا حابين يغيروا ضيفاتكن موضوع النقاش من حفر الكوسة والتسوق والمكياج والتياب والتطرق بدلاً من ذلك لأمور الحب والنجاح والسعادة وفارس الأحلام وعرض أكتافو وهيبتو وابتسامتو وأمور مصيرية أخرى، ضيفوهن شفّة من هالليكور العجيب وراقبو التحوّل خلال 20 ثانية!!

للشباب: مافي أمل!!!!

وبما إني ما بحب كترة اللعي رح فوت فوراً بالمهم...

المقادير:

- نصف لتر قهوة عربية تازة وتقيلة!(يفضل أنو تنعمل بعد التحميص فوراً) أو نصف لتر قهوة فلاتر أو اسبريسو أو خليط من الاسبريسو وقهوة الفلتر، أهم شي ما تكون قهوة نسكافيه! أنا استعملت قهوة فلتر وعملتا قويّة شوي.
- 150 إلى 300 غرام سكّر أسمر. التحلاية طبعاً حسب الرغبة، أنا حطّيت 250 غرام. ضروري يكون السكر أسمر.
- الكحول: هوي غالباً بيستعملوا كحول نقي من الصيدليات أو من محلات خاصّة، بس أنا حطيت نص لتر براندي عنب نسبتو 42% . البراندي بينعمل بكتير نكهات ومن كتير انواع فواكه. اخترت العنب لأنو طعمو حيادي ما بيطغي عنكهة القهوة (طبعاً في انواع براندي عنب بتكون نكهتا قوية كتير ما بنستفاد منها). قوة الكحول ونوعو كمان حسب الرغبة، ضيفوا الكحول على دفعات لحتى توصلوا للقوة الي بتناسبكن.

- عود فانيليا تقريباً 7 سم، يتم فتحه الى نصفين طولياً ثم تقطيعه الى قطع صغيرة 1-2 سم. ممكن استعمال ظرف فانيليا كمان. مقدار الفانيليا كمان حسب الرغبة.
- 6 حبّات هيل
- جزء من عود قرفة، تقريباً 2 سم
- حبتين قرنفل
- ملعقة شاي (قياس كبير) قشر برتقال مبشور. أنا بشرت القشرة لشرائط كبيرة شوي (خفت انو يطلع المشروب مرّ)، وكمان لنفس السبب أخدت توابل صاغة بدل المطحونة. أنا بحب بشكل عام المرارة بهيك مشروبات، بس المرارة الناتجة عن خلط التوابل ماكتير محببة.

التحضير:
بنغلي القهوة مع السكر ونتركها عجنب لتبرد تماماً، ممكن تغلو السكر مع شوية مي لتزداد كثافتو وبعدين نضيفوه للقهوة أثناء الغلي . بالنسبة لتبريد القهوة مابعرف اذا بردناها بشكل فجائي "بالبراد" رح تحافظ على مقدار أكبر من النكهة أو لأ؟ بكل الأحوال أهم شي بهالخبصة هيي نكهة القهوة بالأخير.
بنصفّي القهوة بمصفاية ناعمة كتير أو بفلتر ونضيف التوابل والبراندي ونصب الخلطة بقنينة مناسبة ونسكّرها منيح ونخزّنها بعيد عن الضو وحرارة معتدلة أقل شي شهر، وكل 3 أو 4 أيام خلط\رج\هز القنينة منيح.....
كلما تعتّق كلما قويت النكهة وصار أطيب!

صحتين وهنا

بيتضيف حاف\سادة بكاسات صغيرة، أو ينضاف للقهوة السخنة بكل أنواعها (شوية ليكور بالكاسة بعدين صبوا القهوة فوقو). أو كاسة حليب مغلية مع كاكاو وقشطة سائلة مع شوية ليكور حسب الرغبة، أو بينضاف للحلويات والكاتو...

ملاحظة: في مليون وصفة لليكور القهوة، انا دمجت الأفكار من عدة وصفات وضفت شغلات من عندي متل التوابل وطلعت الطعمة متل ما ردت أنا... اذا حابين تجربوا ممكن تاخدو نصف المقادير أو تضيفوا\تلغوا مكونات متل ما بدكن، بس اهم شي تخبروني شو النتيجة.

haa haaaa haatshuuu!!!!!!!..... Sorry, I'm allergic to bullshit!

Urhoy سابقاً
  رد مع اقتباس
قديم 21/11/2009   #2
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اسم الله عليك .. عم تعلّم الناس على صنع المنكر وشربه
ما بعرف بس انو ما خرطت مشطي الوصفة ...
انو خلص شوية قهوة بضفلها نقطتين كحول ... بتصير ليكور ساماني .. على كيف كيفك
شو هالتخبيص هاد


احلى جانو

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 21/11/2009   #3
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


ياحرام.....

طار كلّ الحكي ......

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 21/11/2009   #4
صبيّة و ست الصبايا أم الجود
عضو
-- زعيـــــــم --
 
الصورة الرمزية لـ أم الجود
أم الجود is offline
 
نورنا ب:
Dec 2008
المطرح:
من فسط برج إيفل
مشاركات:
1,478

افتراضي


اقتباس:
كاتب النص الأصلي : ابو نجبو عرض المشاركة
ياحرام.....

طار كلّ الحكي ......
شايف شايف !!؟

والله قلت انو باينتو شي طيب كتير

يعني لا سبيت حدا ولا حكيت سبام

و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
  رد مع اقتباس
قديم 22/11/2009   #5
صبيّة و ست الصبايا Nassima
عضو
-- قبضاي --
 
الصورة الرمزية لـ Nassima
Nassima is offline
 
نورنا ب:
Aug 2006
المطرح:
بلاد الله
مشاركات:
593

افتراضي


المقادير:

- نصف لتر قهوة عربية تازة وتقيلة

مقدرو عليها

- الكحول: هوي غالباً بيستعملوا كحول نقي من الصيدليات أو من محلات خاصّة، بس أنا حطيت نص لتر براندي عنب نسبتو 42% . البراندي بينعمل بكتير نكهات ومن كتير انواع فواكه. اخترت العنب لأنو طعمو حيادي ما بيطغي عنكهة القهوة (طبعاً في انواع براندي عنب بتكون نكهتا قوية كتير ما بنستفاد منها). قوة الكحول ونوعو كمان حسب الرغبة، ضيفوا الكحول على دفعات لحتى توصلوا للقوة الي بتناسبكن.

ايـــــــــــــــــــــــ ــــــــــــــــــــــــه


- عود فانيليا تقريباً 7 سم، يتم فتحه الى نصفين طولياً ثم تقطيعه الى قطع صغيرة 1-2 سم. ممكن استعمال ظرف فانيليا كمان. مقدار الفانيليا كمان حسب الرغبة.
- 6 حبّات هيل
- جزء من عود قرفة، تقريباً 2 سم
- حبتين قرنفل

ايه فهمانتك حتى مايحسوا بالنكهة تبع الكحول

- ملعقة شاي (قياس كبير) قشر برتقال مبشور. أنا بشرت القشرة لشرائط كبيرة شوي (خفت انو يطلع المشروب مرّ)، وكمان لنفس السبب أخدت توابل صاغة بدل المطحونة. أنا بحب بشكل عام المرارة بهيك مشروبات، بس المرارة الناتجة عن خلط التوابل ماكتير محببة.

كل ها د

التحضير:
بنغلي القهوة مع السكر ونتركها عجنب لتبرد تماماً، ممكن تغلو السكر مع شوية مي لتزداد كثافتو وبعدين نضيفوه للقهوة أثناء الغلي . بالنسبة لتبريد القهوة مابعرف اذا بردناها بشكل فجائي "بالبراد" رح تحافظ على مقدار أكبر من النكهة أو لأ؟ بكل الأحوال أهم شي بهالخبصة هيي نكهة القهوة بالأخير.
بنصفّي القهوة بمصفاية ناعمة كتير أو بفلتر ونضيف التوابل والبراندي ونصب الخلطة بقنينة مناسبة ونسكّرها منيح ونخزّنها بعيد عن الضو وحرارة معتدلة أقل شي شهر، وكل 3 أو 4 أيام خلط\رج\هز القنينة منيح.....
كلما تعتّق كلما قويت النكهة وصار أطيب!

أكيد راح اعملها ................عجبتني

صحتين وهنا
على قلبك

بيتضيف حاف\سادة بكاسات صغيرة، أو ينضاف للقهوة السخنة بكل أنواعها (شوية ليكور بالكاسة بعدين صبوا القهوة فوقو). أو كاسة حليب مغلية مع كاكاو وقشطة سائلة مع شوية ليكور حسب الرغبة، أو بينضاف للحلويات والكاتو...

راح اعملها لpapa مش كل يوم بس لما أحب شي

شكرا كثير على الفائدة

NiNa
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:10 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.06155 seconds with 12 queries