صورة حديثة لدمشق ليلاً من جبل قاسيون !!

[engineeering]

ههههههههههههههههه
عاشت ايدك

[يمان Rooooonaldo]

كاتب النص الأصلي : engineeering

ههههههههههههههههه
عاشت ايدك

[Abu_SaMrA_212]

يفضح كبرتك يايماان هلئ هيك بتنزل صورة للشام لك وربي ماتشوفو صورة الشام من قاسيون أنها بتشفى الغليل وهي رح ورجيكون الشام وأبوووووووووووووووس ترابك ياشام وهي أحلى شام دخيل ربها جنة الله في الأرض دمشششششششق لا ابتغى سواااهااااااا

[أبو الميز]

عنجد فكرتك روعة يا يمانو ... معك حق .. عنجد حاسس حالي غريب .. كأنك مو ببلدك كأنك الأجنبي .. بتطلع حلويك صرت لما تلاقي حدا سوري لك مين ما كان شاوي .. شو ما كان أصلو المهم سوري بتنعنش .. ووالله مو قصدي شيء على الشوايا بالعكس ..

بس المقصد أديه هنن بعاد عن الشام .. بس بتحس حالك بقيت حدا من بلدك .. يا زلمة إجا رفيقي من روسي .. سوري هوه .. بيدرس هنيك .. قلي مازن ... كرمال الله أنا وين .. بشرفك قلي شو صاير ... عنجد أنا رجعت لسوريا .. والله دمعت عيني .. لما قلي هيك .. ضحكت وقلتلو إيه بسوريا ...

سيدي الحمد لله على كل حال وإلا ما ربك يفرجا .. بيوم من الأيام ...



.

[يمان Rooooonaldo]

احصائية اليوم 3 مليون و750 الف ......عراقي بدم شق للاسف

[أبو الميز]

يمانو .. شفلي لما كانت الكهربا جاية شو كان شكلها للشام ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[يمان Rooooonaldo]

حبيب وحياتك ... لو بيجيبو كهربة العالم كلو ... شامي ما بترجي شامي الا بعودة اهل الشام فيا وبس



ان شا الله بركي بعد رجعتي من السفر بتكون رجعت شامي .... لاني عنجد بحبا بححبا

[نسر الشام]

\\\\\\\\\\\\\\\\\\\\\\\\\\\\\\\\\\\


آهٍ يا شآم المجد

سقى الله أيام كان الشام عندا هويّة

هويّة خضرة بلون خضار الغوطة أيام الشتي ,
و بلون وراق النارنج و الكبّاد ببحرة بيت العيلة يلي عم تخدق فيها فيجة صافية متل صفاوة الدهب الأبيض,
و بلون صحن العوجة إدام أبو سليم يلي مالك الدنيا و هوعم يشفط بأرجيلتو وينفخ دخان أبيض من بين فتحات شواربو السماك,
خضرة متل قلب صبية صغيرة رايحة عند الخياطة وهي عم تحلم أنو تفصّل أول روب مشان تحرئص ابن الجيران.

هويّة بيضة بلون الياسمين تبع نزار قباني,
و بلون الزنبق تبع محمد الماغوط,
بيضة بلون الطبشورة يلي بيرسموا فيها الولاد على أرض الحارة,
و بلون الغبرة على خشب بواب جنة الشام السبعة,
و بلون القشطة البلدي على وش المدلوقة يلي "الله وكيلك هلآ اجتنا تازة من حماة".

هويّة حمرة بلون الورد الجوري عطول السنة بدال بس 14 شباط,
و بلون الياسمين بعيون صبية حلوة لما تحس حالا مجروحة و تقول "ياسمين دمشق تلوث بدمي"
و بلون طبعات دم الخواريف المعمولة بإيدين اللحام و مكتوب تحتها بخط مجعلك و لغة أجعلك "ربّي بارك هاذا لبيت , عين لحسود تبلى بلعمى",
حمرة بلون ليلة أبو سليم و هي مرتو عم تتغنج و تغنيلو "بعد العشا يا سيدي , قبل العشا لا لا", قبل ما يطب عليهن المسحر و يجعلكلون مجازون.

هويّة زرقة بلون السما لما الولاد منشورين عل الأساطيح ليطيروا طيارات الورق المعمولة من غرا أبيض و ورق لميع,
بلون طيارة و أحلام حدّو يلي صار أد الشنتير و لسّع عم يعطوط عالأساطيح و يعككن الجو على أبو سليم يلي بيشلفو بكيلة زرقة و يزعأ في صوت "نزيييييل و لك"
زرقة متل منظر بحرة نبع بردى و منظرالسما الصافي من قاسيون و منظر البحر يلي بترسمو ببالك و أنتا عم تسمع فيروز بقهوة النوفرة عم تغني بس إلك "شايف البحر شو كبير, مدري أد مدري كبر البحر بحبّك"

لك هوية ملونة بمية لون و لون, متل لون القضامة ع سكر و الملبّس قبل يوم العيد و انت فايت عالبزورية و عم تنتعر يمين و شمال بين أبو سليم و أبو حدّو, و ريحة الأطايب معششة بكل مخك, و كل نشاز العالم عم يهاجمك من بياعين التماري كعك حتى صوت الراديو المسكج و طالع منو صوت "المساعد جميل تبع حكم العدالة الله يبعدنا عنو"

هويّة مهرتكة عليها صورة ختيارة كلها ملامح صبا و شقاوة,
عيونا سود متل الليل بس عم يلمعوا متل ضو الكاز و صوبية الفحم بشي ليلة من آدار
وشا أبيض متل التلج , راسا مرفوع , كتافا جالس, شعراتا مدهدرين و ريحتون غار حلبي أصلي

هويّة عليها عنوان كتير صغير بس كتير كبير
"بقلب كل واحد شافك و حبّك يا شام بدون ما يحاول يغيّر هويتك"

لك أه يا شام , بس لو تعرفي شو عم يصير,شكلو ضاعت الهوية و ما رضيو بالمخفر يكتبوا ضبط لأنو مدري نزلو عالدبكة تبع علي الديك أو راحوا يفكوا العراقية من الخناءة و نسيوكي يا شام.

\\\\\\\\\\\\\\\\\\\\\\\\\\\\\\\\\\\\\

[سنان العلى]

و الله هاي صورة قديمة قبل مايبلطو الساحة

[Abu Guzef]

يمان بدك شحط خالتك بتسلم عليك

سوريا ماتمت للسوريين