مقلاية أخوية ( ( 4 )) - صفحة 57

Gazita · 26/08/2007

اقتباس:

كاتب النص الأصلي : Hus

ايضا بالنسبة لمين بدي حط بالمقلاي بعدي فعلى اعتبار انا العضو رقم 4 (هون) فرح حط العضو رقم 5 ..
فارس بيك .. خليه يتشوالو شي شوي ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

من عيوننا
فارس استلم

شو بيعنيلك طانطان
شو رايك باخوية بالوقت الحالي
شو سلبيات الاشراف وشو ايجابياتو
مين اول عضو اتأثرت باسلوبو
شو اول بيت شعري حفظتو
مين في نظرك افضل مشرف او منسق وليش اخترتو
مين اكتر عضو بيتواجد كتيير وكلما بتدخل بتقشع اسمو دغري

ليش اخترت اسم Fares وشو اسمك الحقيقي

شو بتدرس

عرفنا بيك بكلمتين بس.

وراجعة انشا الله

وائل 76 · 26/08/2007

اقتباس:

كاتب النص الأصلي : Hus

ما بعرف بيجوز حكيي كلو ما مفهوم بشي ولا قدر وضح شي بس اي كان .. هذا الي بهال الوقت القصير طلع معي ..

بتمنى ما تكون أسئلتي تقيلة عليك
تحياتي و إحترامي لك أخ حسام و أمنياتي إلك بدوام التقدم و النجاح ..

شكرا الك كمان

بالعكس أخ حسام كل حرف كتبته فهمته و بعتقد كتير من الشباب فهمته ..

النقطة الأولى بخصوص تجمع ( غير نخبوي ) مقنعة جداً جداً بل أي إنسان واعي لكل التناقضات يلي عم بنمر فيها بكل لحظة و عم نعاني منها متل ما تفضلت ما بيقدر إلا أنو يرفع القبعة و ينحني أمام أنسان قاد هاي المجموعة ليعمل شي و لو كان جداً بسيط لكن منطلق من فكرة كتير عظيمة و جبارة .. بدون مجاملة و ربنا شاهد على صدق كلامي .. لو في شخص واحد من كل ألف أو عشر آلاف عربي بيفكر بهاي الطريقة ما كان وصلنا لهون !!

النقطة التانية بخصوص الجولان يمكن مختلفين نوعاً ما بالنظرة بس متفقين أنو التطور و التحضر و بناء مجتمع _ سوي _ بسوريا بيعتبر أولوية من أولويات الصراع لو إفترضنا أن الصراع مانو مرتبط بالجولان .. ببساطة ما في نصر ممكن تحققه أمة ( مهزومة ) أو عم تتخبط بدروب الفساد و الرشى و المحسوبية إلى آخر أمراض العصر . طبعاً كلامي بينطبق على كل دولة عربية من المحيط للخليج ما بقصد سوريا بشكل محدد ليقيني المطلق أنو الصراع بعدو قائم حتى مع الدول _ المُطبعة _ ..

النقطة التالتة بخصوص أعمدة أخوية .. رد أكتر من رائع .. يمكن عم يشعر هلاء كريم أنو عم نجيب سيرته و عم نفتقده .. أكيد إنسان متل كريم مع كل تناقضاتنا معه إلا أنو يقيناً متفقين أنو صعب نعوض إنسان متله .. ربنا يرده سالم و يطمنا و يطمن أهله و كل حدا بيحبه عليه يا رب ..

ثقافتك ما شا الله واسعة أخ حسام بهنيك جداً عليها .. تمثيلك بقصة _ الكف _ وّصلت الفكرة بأكتر مما تتخيل ..

شكر كتير لسعت صدرك و للوقت يلي ضاع .. بس بعتقد أنو من حقنا على أخ كبير أنو ناخد جزء من وقت و بعتقد أنو حسام بيكون جداً سعيد وقت ليعرف أنو الجزء يلي راح من وقته كان عم يفيد فيه ناس يمكن لو شافها بالشارع ما بيعرف صورة وجهها ..

تحياتي إلك و كل أمنيات التقدم و النجاح دايماً بإذن الله ..