كوبا فيديل كاسترو

[رجل من ورق]

فيديل كاسترو الزعيم الذي حكم المدة الاطول وقف بقوة في وجه اميركا معتمدا على الاتحاد السوفييتي والدعم الكبير له
لكن كوبا اليوم في افقر حالاتها مع شبه حصار دولي عليها وحالة فقر مدقع لا توصف
كاسترو الذي كان في خطاباته يستغرق الساعات وهو بالزي العسكري والناس مستمعة بصمت رهيب يصفه اهل امريكا اللاتينية بالاب الروحي في حين يصفه كثيرون في العالم انه الديكتاتور الاول في امريكا الوسطى

فيديل الذي ترك الحكم اليوم لشقيقه راؤول ماذا سيحل بها ؟ والى اين؟

souraqia

[اسبيرانزا]

انا مو متابعة لحكم كوبا فى فترة راؤل بس ما حبيت امر ع موضوع كاسترو بدون ما ابدى اعجابى بهذا الشخص ياللى كان غول زمانو مو من حيث الديكتاتورية انما من حيث شجاعتو امام امريكا ....يعنى بتخيل كيف اب بيفاجأ ان بنتو بتظهر على تلفيزيونات امريكا لتقول ان اباها ديكتاتور وارهابى وانه يجر كوبا الى الحضيض
كيف قدر يستحمل ان بنتو يطلع منها هيك وتستقطب امريكيا الا اذا كان شخص شجاع ع المستوى الشخصى وع المستوى السياسى

كاسترو

[sona78]

كاسترو الذي امن الحليب والتعليم لجميع اطفال كوبا رغم فقر الدولة الشديد
والذي جعل كوبا مصدر الاطباء لامريكا اللاتنية
والذي وقف بوجه الطغيان الامريكي وحاليا ياخذ مردود هذه المواجهة نتيجة التطور السياسي في معظم دول امريكا اللاتينية
ترفع لهكذا شخص التحية
ولكن ..
المشكلة الدائمة لهذه الشخصية وشبيهها من الشخصيات انها لا تبني من يكون جدير بتكملة ما بناه
المشكلة الدائمة هي اننا ننسى الموت والمرض ولا نسعى لايجاد الشخص المكمل للطريق لان الطريق لا تنتهي بنهايتنا
هذه الفكرة الصغيرة تغيب للاسف من بال كثيرين... وغالبا ما يساهم شخص ما ببناء دولة ما او يمهد لتاسيس بناء دولة .. لكن عمله يزال بعد زواله .... لم نتعلم الى الان البناء لاكثر من 50 عام التي قد نضمن اننا سنكون فيها .. ولكن السنوات اللامعدودة القادمة لا نفكر فيها ولا بجيل يبنيها
الا يوجد في كوبا من هو قادر على تكملة المسيرة سوى الاخ؟؟؟ من المعقول ان دولة ما لا تحتوي من هو قادر على تكلمة المسيرة السياسية والاجتماعية والثقافية ووو سوى الاخ او الابن او احيانا الزوجةّ!!!!!!!!
هذه المشكلة ... مشكلة الخوف من فقدان السلطة هي التي تمنع هذه الشخصيات من تهيئة من هو ند لها وقادر على تكملة الطريق

كوبا ........ امل الا يندثر هذا البلد بعد غمر زعيمها بالتراب

[رجل من ورق]

كاتب النص الأصلي : sona78

كاسترو الذي امن الحليب والتعليم لجميع اطفال كوبا رغم فقر الدولة الشديد
والذي جعل كوبا مصدر الاطباء لامريكا اللاتنية
والذي وقف بوجه الطغيان الامريكي وحاليا ياخذ مردود هذه المواجهة نتيجة التطور السياسي في معظم دول امريكا اللاتينية
ترفع لهكذا شخص التحية
ولكن ..
المشكلة الدائمة لهذه الشخصية وشبيهها من الشخصيات انها لا تبني من يكون جدير بتكملة ما بناه
المشكلة الدائمة هي اننا ننسى الموت والمرض ولا نسعى لايجاد الشخص المكمل للطريق لان الطريق لا تنتهي بنهايتنا
هذه الفكرة الصغيرة تغيب للاسف من بال كثيرين... وغالبا ما يساهم شخص ما ببناء دولة ما او يمهد لتاسيس بناء دولة .. لكن عمله يزال بعد زواله .... لم نتعلم الى الان البناء لاكثر من 50 عام التي قد نضمن اننا سنكون فيها .. ولكن السنوات اللامعدودة القادمة لا نفكر فيها ولا بجيل يبنيها
الا يوجد في كوبا من هو قادر على تكملة المسيرة سوى الاخ؟؟؟ من المعقول ان دولة ما لا تحتوي من هو قادر على تكلمة المسيرة السياسية والاجتماعية والثقافية ووو سوى الاخ او الابن او احيانا الزوجةّ!!!!!!!!
هذه المشكلة ... مشكلة الخوف من فقدان السلطة هي التي تمنع هذه الشخصيات من تهيئة من هو ند لها وقادر على تكملة الطريق

كوبا ........ امل الا يندثر هذا البلد بعد غمر زعيمها بالتراب

ومين المسؤول عن الفقر ؟
بتصور انو بنا حكمه على اساس صديقه تشي

[sona78]

[quote=SOURAQIA;1103330]ومين المسؤول عن الفقر ؟
بتصور انو بنا حكمه على اساس صديقه تشي[/quote


كانك نسيت الحصار يلي عايشتو كوبا من اكتر من اربعين سنة ها
والوضع يلي اتردى اكتر لما انهار داعمها الاساسي الاتحاد السوقبتي
انو يعني هوي لحالو سبب الفقر ومننسى شو عملو بكوبا
بس مشكلتنا انو نحنا مننقد الشخص لسبب ما وخلص ما منشوف غير هالنقيصة وكلشي تاني منجاهلو
كاسترو بتوقع ما سرق كوبا ولا عمل ملايين لحالو من شان انحملو مسؤولية الفقر
غريبة عن جد

تشي جيفارا كان صديقو وساهم معو ( ساهم هي توكيد لفظي) بالثورة ما هوي يلي عمل الثورة
اكيد دور تشي جيفارا اساسي بس التنين كملو بعض ما بوافق بالمرة انو كاسترو بنا مجدو ع اكتاف رفيقو
ابدا ما بوافق

[رجل من ورق]

[quote=sona78;1103339]

كاتب النص الأصلي : SOURAQIA

ومين المسؤول عن الفقر ؟
بتصور انو بنا حكمه على اساس صديقه تشي[/quote


كانك نسيت الحصار يلي عايشتو كوبا من اكتر من اربعين سنة ها
والوضع يلي اتردى اكتر لما انهار داعمها الاساسي الاتحاد السوقبتي
انو يعني هوي لحالو سبب الفقر ومننسى شو عملو بكوبا
بس مشكلتنا انو نحنا مننقد الشخص لسبب ما وخلص ما منشوف غير هالنقيصة وكلشي تاني منجاهلو
كاسترو بتوقع ما سرق كوبا ولا عمل ملايين لحالو من شان انحملو مسؤولية الفقر
غريبة عن جد

تشي جيفارا كان صديقو وساهم معو ( ساهم هي توكيد لفظي) بالثورة ما هوي يلي عمل الثورة
اكيد دور تشي جيفارا اساسي بس التنين كملو بعض ما بوافق بالمرة انو كاسترو بنا مجدو ع اكتاف رفيقو
ابدا ما بوافق

ومين كان السبب بحصاره هاد ؟
وشو عمل هلق ؟
ما حدا بينكر انو عمل تعليم وصحة لا يستهان بها بس كمان اله مساوئ كثيرة

[sona78]

[quote=SOURAQIA;1103380]

كاتب النص الأصلي : sona78

ومين كان السبب بحصاره هاد ؟
وشو عمل هلق ؟
ما حدا بينكر انو عمل تعليم وصحة لا يستهان بها بس كمان اله مساوئ كثيرة

ما بعرف بس احيانا بحس اسئلتك هيك فيها شوية عشوائية....
برايك انت شو كان السبب بحصار كوبا؟؟؟ فيني اعرف رايك؟؟
انا بتوقع انو حصار كوبا اجا رد ع الثورة الكوبية يلي اسقطت الحكم السابق التابع للولايات المتحدة وقام بثورة شيوعية بهيدا البلد وانو الفقر ما زاد نتيجة هي الثورة وانما صار نوع من التقسيم للثروات يلي كانت موجودة على الشعب .. وباعتبار انو الشيوعية هيي ضد النمط الامريكي وانو الحكم السابق كان حليف الهون عملت هيدا الحصار ورغم ذلك قدرت كوبا انها تنهض وانها تاسس قاعدة علمية لنفسها وانو ع الاقل الناس عاشت نوع من المساواة لانو الكل فقير ما في غني وفقير .. ولما خسرت داعمها الاساسي وهوي الاتحاد السوقيتي تردت الاوضاع فيها اكتر لانها اولا واخيرا جزيرة صغيرة غير قادرة انها تلبي كل حاجاتها ذاتيا ومنطقة كوارث طبيعية
.. لهيك صار الحصار .. مو لانو فيدل كاسترو بدو الحصار وهوي سببو حسب ما فهمت من طريقة سؤالك
ما حدا قال انو نمط الحكم ما الو مساوئ وانا علقت عليها .... بس انو نشوف انو الرجل هوي المسؤول عن الحالة المتردية بكون حكمتا عليه فيه تعسف قوي .. المنطقة الرمادية احيانا كتير مهم تراعيها مو كلشي يا ابيض يا اسود
هيدا رايي فشو رايك؟

[Zero_Cool]

بيكفي انو بنا كوبا يلي حافظت على حالها بعد كل التغيرات يلي صارت
بتوقع اخوه كمان رح يستمر بنفس الشي بس بتوقع يكون في تحديثات لتحسن الوضع أكتر من هيك

[yass]

فيديل مانو مسؤول عن الحصار... أكيد لأ.. المسؤول عن الحصار هو من يحاصر و ليس المحاصَر ..

لكن فيديل كاسترو مسؤول عن أمور اخرى كثيرة.. منها التبعية العمياء للاتحاد السوفيتي (اللي ممكن تكون وليدة الظرف.. مابقول لأ.. ) و منها التصفية لخصومها الحاليين و المستقبليين (يعني اللي يشوف الطيف السياسي الكوبي ما بيلاقي غير شيوخ عمرون سبعين و تمانين سنة عم يحكو عن التحديث و التطوير... أي انو تحديث و تطوير جدو؟!) و هو بهالشكل في سبيل توطيد حكمه أنهى مرحلة الانتقال الجيلي (مافي جيل بعدو.. مافي غير شخص واحد و من الصف الثالث أو الرابع, و هو وزير الخارجية فيليبي بيريث روكي فينا نقول عنو انو شب -خمسيني الأخ- الباقي كلو من السبعين فما فوق)..

الثورة الكوبية هي مرحلة حاسمة من النضال الشعبي في القرن العشرين, و يؤسفني جدا بانو ثورة بدأت كنضال ضد المستحيل تحولت إلى ما هي عليه...

هاي ببساطة أخطاء فيديل.. غير هيك هامش المناورة عندو صغير جدا, يعني هو ما عندو غير قصب السكر و السياحة.. لكن كان ممكن تكون حياة الكوبيين أكثر انسانية (مابيقدر يعملهون مليونيرية أكيد) .. لكن في شغلات شفتها بكوبا تصل إلى انعدام الانسانية, متل انو في أبنية ممنوع الكوبيين يدخلوها, التغى هالقانون من شهور لكن لما انا رحت على كوبا أخدت معي مصاري لوصلهون لوالدة صديق يشتغل هون, و اتصلت فيها و كان بدي واعدها بالأوتيل لأنو ما بعرف امشي بالهافانا.. و ما قدرت واعدا بالأوتيل لأنو ممنوع على الكوبيين يدخلو أوتيلات بلدهون و كافتريات بلدهون.. أو انو ليكها محلات السياح فيها من كل شي.. و يجي الكوبي يوقفك بالشارع و يترجاك كسائح تفوت تشتريلو قداحة أو علبة كبريت لأنو هو ممنوع يشتري و بمحلات الدولة مافي (طبعا بكوبا مافي قطاع خاص.. كل شي بلا استثناء ملك للدولة.. حتى بقاليات مافي)

من اللي تنحسب لصالح النظام الكوبي هو نشر العلم و الثقافة بالمجان, يعني من أرقى شعوب الكون علما و ثقافة, و حتى مفهوم الجمالية عندهون (يعني صعب تلاقي كوبي مهما كان فقير ما عندو نشاط ثقافي أو فني, يا يكتب يا يعزف يا يرسم.. الكل!)

عدا انو شعب صاحب كيف... ما يتعكر مزاجو لو يتطربق الكون فوق راسو.. عندو سيجارو و كاس الروم بالدنيي كلها

[sona78]

يعني هيدا الحكي يلي كنت حابة وصلو ويلي حكيتو بردي الاول من انو الحكام عتدون صار نوع من الفزع لخسارة السلطة فما بنو حيل جديد قاد على تولي الامور
الاخطاء موجودة وبعضها كارثي وهيي فينا نقول انها مشتركة بمعظم الدول يلي اتبعت اسميا الشيوعية وطبقت نوع من الحكم الديكتاتوري هيدا انا بتفق فيه سواء الصين او السوفيت او كوبا
بس انو لهيدا السبب نلغي كل انجازاتون هيدا تعسف بكل معنى الكلمة

وما بخفيك اح ياس بحسدك لانك رحت ع كوبا ...لا نو مهما كانت المساوئ بالحياة بتضل بالنسبة الي رمز ابداع .. فيي اطلب منك .. اذا كان ممكن ومن دون حرج ..صور لكوبا ؟؟؟ طبعا اذا متوفرة .لانو غالبا صور زائر ما بتكون غير صور الدعاية السياحية .
خليها دعاية مجانية !!

[رجل من ورق]

]

فيديل مانو مسؤول عن الحصار... أكيد لأ.. المسؤول عن الحصار هو من يحاصر و ليس المحاصَر QUOTE]..


سؤالي كان بمعنى انو الحصار اللي اتعمل ضد كوبا قديه بيتحمل مسؤولية فيه

طيب اي واترحل الزلمي وارتحل راؤول وبعدين شو بيصير
شو القاعدة اللي ماسس عليها حكمه؟

هي لحالها جلطة يعني العربان ما عملوها


من اللي تنحسب لصالح النظام الكوبي هو نشر العلم و الثقافة بالمجان, يعني من أرقى شعوب الكون علما و ثقافة, و حتى مفهوم الجمالية عندهون (يعني صعب تلاقي كوبي مهما كان فقير ما عندو نشاط ثقافي أو فني, يا يكتب يا يعزف يا يرسم.. الكل!)

يعني الزلمي اله حسناته وسيئاته بس كوبا بعد فيديل لوين؟