أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 21/06/2009   #19
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


ايران دولة تقمع المواطنين بشتى الطرق

و تتدخل بترشيح المرشحين و بكل شي له علاقة بالانتخابات .. لذلك الانتخابات مو ديمقراطية و مو حقيقية ابدا

بس فعلا تحية للشعب الايراني اللي تحدى كل قوات الامن و الحرس الثوري و تظاهر بشكل سلمي و تحمل كل قساوة الاجهزة الامنية و مقتل 17 حسب المعلن من نظام احمدي نجاد اللي سماهم الارهابيون !

لكن قوات الامن من تقتل 17 طالب جامعي يتظاهرون من اجل الحرية و بشكل سلمي ... هي قوات غير ارهابية و مسالمة !



اليوم سمعت محمد صدقيان (رئيس مركز الدراسات العربة في ايران ) .. و صراحة طلع استاذ الصحاف بطريقة عرض الاحداث

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...

آخر تعديل suryoyo يوم 21/06/2009 في 19:54.
  رد مع اقتباس
قديم 21/06/2009   #20
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


حبيت علق على كم نقطة ...

اقتباس:
كاتب النص الأصلي : Joe عرض المشاركة
يعني المطلوب منهم يعلنوا الحرب على اميركا حتى تكون الثورة اصلية و مو كذابية؟
من يوم الثورة الاسلامية و شعارهم ضد الغرب .. حتى الحرب العراقية الايرانية .. كانت حرب ضد الغرب حسب الالة الاعلامية الايرانية بعد الثورة !


اقتباس:
و ايضا ليست واقعية في احتجاجاتها (اي بديلها).. عدى عن كونها ببساطة ليست اغلبية الشارع الايراني

يعني افرض انهم حصلوا على مبتغاهم.. وقتها سيثور الشارع الاخر و الذي هو اكبر حجما!

نعرف النظام الايراني نظام ديني بحت و الفقيه هو القائد و يمثل الامام المهدي ...

لذلك مو سهلة تصير معارضة علنية ضد النظام .. لان سيتحول المعارض الى نظام معادي للدين و للاسلام ...

و لكن اذا قل نفوذ السلطة الدينية .. ساعتها رح يبين اذا مؤيدي نجاد هم الاغلبية ام لا !
  رد مع اقتباس
قديم 22/06/2009   #21
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : عياش عرض المشاركة
أنا برأي الموضوع امتد شعبيا بسبب سياسة أحمدي النجاد بالدرجة الأولى يعني بعد ما كان خاتمي وصل لمرحلة التصدير لامريكا والتعامل المفتوح مع الغرب وبعد ما وصلو لمرحلة من الانفتاح الاجتماعي مقبولة نسبيا خصوصا إنو المجتمع الايراني بالأساس مجتمع منفتح ونسبة النساء المثقفات فيه مرتفعة رجع أحمدي النجاد بسياستو رجعون لمرحلة الثورة الاسلامية مقاطعين من دول الغرب بشكل كامل وتهديد بتطوير العقوبات وزيادتها وتهديدات مستمرة بضربة عسكرية ورجعو لخندق المواجهة تماما متل مرحلة ما بعد الثورة وخصوصا إنو النظام اللي تصارعو معو نظام صدام استبدل بنظام أمريكي وهنن هلق على خلاف واضح مع الأمريكان.
لذلك الشعب مل وزهق لانو رجع لورا وبناءاً عليه بظن إنو المظاهرات هي ضد سياسة أحمدي النجاد وتحيز الفقيه إلو أكتر من ما هية معارضة للنظام لأنو رؤوس المعارضة حاليا كلون من أبناء النظام الأوفياء ويلي إلون تراث أعمق وأقدر من تراث أحمدي النجاد بالثورة الاسلامية.
تعليق منطقي جداً بس ياترى فعلا نسبة الشعب يلي تظاهر و يلي بيعرضوها بالتلفزيونات ووسائل الاعلان حقيقية ولا مبالغ فيها


اقتباس:
كاتب النص الأصلي : jovia عرض المشاركة
يعني بالنهاية لح يقتلو بعضون واعداؤن عم يتفرجو عليهون مبسوطين لك والله عيب دولة متل ايران قوية والها هيبة يصير فيها هيك ... بدعيلون يطلعو من هالمحنة بخير نشالله ...
ومواجهة الامريكان لا بد منها لانو اساس المشكلة انو امريكا ما بدها غيرها يملك برنامج نووي يعني ما بدها حدى اقوى منها ليش لنقبل نبقى ضعاف وتحت امرتون ... بالعكس برافو عليون للي عم بيجابهو امريكا وبحيي احمدي نجاد للي كان عندو الجرأة الكافية وانشالله من قوة لقوة اكبر ومن نصر للنصر القريب لفلسطين امين يارب
ايران مهما حاولت ما رح توصل لدرجة تكون فيها اقوى من امريكا عالمدى القريب باقل تقدير و ايران وامريكا بيعرفو هالحكي بس امريكا ما بدها دولة قوية متل ايران تكون معارضة مصالحها بالمنطقة


اقتباس:
كاتب النص الأصلي : saman عرض المشاركة
القصة ع حسب مو واضحة هيي مو انقلاب ع النظام الاسلامي ولا شي ... ولا انقلاب على ولاية الفقيه ... لأنو المرشحين الاربعة ... كلهن مع هالقصة بس كل شخص الو برنامجو ...
يعني يلي مفكر هيك بيكون كتير غلطااان !
اضافة لأنو صار في ضجة اعلامية مبالغ فيها يلي شحنت الاوضاع اكتر واكتر !
الغريب بالوضع انو اميركا مانها متدخلة ابداً يعني بقصد تدخل بشكل مباشر .. وانما وكلت بريطانيا لتاخد هالمهمة عنها !
صرلها زمان بريطانيا ما لعبت دور تدخل رئيسي بالمنطقة !
اكيد الضجة الاعلامية كتير تبالغ فيها و خصوصا العربية يلي كانت من قبل الانتخابات عم تعمل لقاءات مع معارضين للنظام الايراني و بس
بالنسبة لامريكا ما بعتقد انو ما الها علاقة بلي عم يصير بس بتوقع غيرت اسلوبها مو اكتر
  رد مع اقتباس
قديم 22/06/2009   #22
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : suryoyo عرض المشاركة
حبيت علق على كم نقطة ...



من يوم الثورة الاسلامية و شعارهم ضد الغرب .. حتى الحرب العراقية الايرانية .. كانت حرب ضد الغرب حسب الالة الاعلامية الايرانية بعد الثورة !





نعرف النظام الايراني نظام ديني بحت و الفقيه هو القائد و يمثل الامام المهدي ...

لذلك مو سهلة تصير معارضة علنية ضد النظام .. لان سيتحول المعارض الى نظام معادي للدين و للاسلام ...

و لكن اذا قل نفوذ السلطة الدينية .. ساعتها رح يبين اذا مؤيدي نجاد هم الاغلبية ام لا !

كمان ما فهمت وين الربط بين كونهم نظام اسلامي معادي بشكل طبيعي للغرب و لكل.. و بين انو لازم يعلنوا حرب عسكرية حتى يثبتوا تمسكهم بافكارهم. يعني بظن سمعان انت بالانتحار صح؟

في فرق بسيط بالافكار بيني و بينك عم يأدي لاختلاف بالنتائج

الفرق البسيط هوي اني شايف انو اغلب الشعب الايراني جحش. هلق جحش ما بصير تنفهم انها مسبة. يعني ما يتحسسوا. هي مو المقصود فيها اهانة. بالعكس هادا تصوير واقعي لحالتهم الثقافية للاسف. يعني شعب فقير و جاهل و الدين مسيطر عليه بشكل سلبي... ما ذنبه
انت شايف انو الاغلبية رح تكون من الايرانيين يلي بيفهموا... بقى في حال زالت السلطة الدينية رح يتهافتوا زرافات و وحدانا لنصرة النظام العلماني!
اي انا ما بتفق معك بوجهة النظر هي... الايرانيين بدهم النظام الاسلامي بشكل عام. ما حدا رح يعمل انقلاب عام.. مجددا, الصور يلي بتشوفها للمعارضة هي بتمثل شريحة صغيرة من الشعب و ما بتمثل الاغلبية.
انت شايف انو الاغلبية من الناس الفهمانة يلي بدها علمانية... و انا شايف انو الاغلبية من الرعاع يلي بدهم النظام الاسلامي... مين يلي اتضح انه الاغلبية؟ الاغلبية هي اتباع النظام الاسلامي.. نسبة المشاركة بالانتخابات خيالية.. فقط يلي ما بيصوتوا هني ناس متل البهائيين او العلمانيين جدا يلي مستحيل يلاقوا اي رابط بينهم و بين النظام الاسلامي... هدول مانهم الاغلبية
شوف نسبة المشاركة يا رجل... ان كانت لموسوي او لنجاد فالاصوات هي كلها بتنصب تحت خانة النظام الاسلامي

ببساطة نجاد كسب الانتخابات بسبب شعبية حقيقية و هالشي عم يسبب صدمة للعلمانيين او الاصلاحيين... معقول هادا النكرة البسيط يربح؟ و الله اي معقول. بالنسبة للفقراء هوي اصلاحي كبير و عم يساعدهم كتير... و البلد اغلبه فقراء و معدمين
  رد مع اقتباس
قديم 22/06/2009   #23
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


اقتباس:
كاتب النص الأصلي : Joe عرض المشاركة
كمان ما فهمت وين الربط بين كونهم نظام اسلامي معادي بشكل طبيعي للغرب و لكل.. و بين انو لازم يعلنوا حرب عسكرية حتى يثبتوا تمسكهم بافكارهم. يعني بظن سمعان انت بالانتحار صح؟


الفرق البسيط هوي اني شايف انو اغلب الشعب الايراني جحش.


شوف نسبة المشاركة يا رجل... ان كانت لموسوي او لنجاد فالاصوات هي كلها بتنصب تحت خانة النظام الاسلامي

ببساطة نجاد كسب الانتخابات بسبب شعبية حقيقية و هالشي عم يسبب صدمة للعلمانيين او الاصلاحيين... معقول هادا النكرة البسيط يربح؟ و الله اي معقول. بالنسبة للفقراء هوي اصلاحي كبير و عم يساعدهم كتير... و البلد اغلبه فقراء و معدمين
أولاً مو كون النظام اسلامي بيجعل منو معادي للغرب وأكبر مثال السعودية نظام اسلامي ومكتر ومتفق مع الغرب ومكتر وكل دول الخليج على هذه الشاكلة الموضوع بين ايران والغرب مو شغلة اسلام ع مسيحية الموضوع خلاف مصالحي.


ثانياً بالنسبة لإنو الشعب الايراني جاهل ما بتفق معك نسبة المشاركة العالية بالانتخابات وأساسا وجود الانتخابات بيجعل منو شعب بيملك تجربة رائدة على صعيد المنطقة.

ثالثاً بموضوع التصويت إنو كلو بالنهاية لمصلحة النظام يبدو إنك كنت مركز تماماً مع مولانا آية الله خامنئي أدام الله ظله الشريف لما اعتبر إنو سواء الناس صوتت لنجاد ولا لموسوي فهي صوتت لأبناء النظام وبالتالي للنظام وبالتالي للولي الفقيه يا أخي لما بيكون الولي الفقيه عم يدعم وباستبسال مرشح وبيطلعلو 30% ما بتصوت لهلمرشح كيف اعتبراتا دعم للنظام إذا كان رأس النظام وما يشبه ربه ما عم يمون ع أصوات الشباب وما عم يطلع باديو يوقف التظاهرات طلع ع التزام اللبنانية الشيعة بتوجيهات حسن نصر الله وقارنها بالولي الفقيه بتعرف كيف بيكون التأييد مية بالمية وكيف أكتر من 5 أيام وما عم تضب معون القصة مو ضروري المتظاهرين يحشكو ع النظام لينفهم إنون ضدو إذا بلا سب نزل لهق شي 20 قتيل كيف لو بلشو من تحت الزنار.

رابعاً ليش عم تعتبر إنو العلمانيين والاصلاحيين هنن من الطبقة الرأسمالية المرتاحة والفقراء هنن المؤيدين لنجاد العلمانيين مو ضروري يكونو أغنياء هي فكرة رضعونا ياها بالابتدائي ونجاد مانو نكرة الزلمة بيجوز يكون ما بيلبس رسمي بس لعلمك هو مهندس يعني مثقف وخريج جامعة واشتغل قبل هلق محافظ وقبلها كان مستلم مهام أخرى يعني مانو من طبقة "الشعب الجحش" يلي تفضلت فيها.

اقتباس:
كاتب النص الأصلي : mhsen77 عرض المشاركة
تعليق منطقي جداً بس ياترى فعلا نسبة الشعب يلي تظاهر و يلي بيعرضوها بالتلفزيونات ووسائل الاعلان حقيقية ولا مبالغ فيها
لا شك في كتير جهات حاليا إلها مصلحها تضخم الأمور بس ببساطة كان نزل شي 20 قتيل و100 جريح عدا الاعتقالات يلا راح فيها من عيلة رفنسجاني 5 أشخاص لوما الموضوع كبير وبحجم العمنشوفو ويمكن أكتر ولولا الموضوع هيك ما كان النظام الايراني سمح للتصوير الخارجي يجي ويتأكد إنو الشغلة أعمال شغب محدودة طبعا الجواب مانو عندي أو عندك بس مع الوقت منشوف ما في بيضل مخبا.




لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
.
.
.
عندما أصر على أن أجعلك شبيها بي، فأنا في الواقع أصر على أن ألغيك.
  رد مع اقتباس
قديم 22/06/2009   #24
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : Joe عرض المشاركة

الفرق البسيط هوي اني شايف انو اغلب الشعب الايراني جحش. هلق جحش ما بصير تنفهم انها مسبة. يعني ما يتحسسوا. هي مو المقصود فيها اهانة. بالعكس هادا تصوير واقعي لحالتهم الثقافية للاسف. يعني شعب فقير و جاهل و الدين مسيطر عليه بشكل سلبي... ما ذنبه
انت شايف انو الاغلبية رح تكون من الايرانيين يلي بيفهموا... بقى في حال زالت السلطة الدينية رح يتهافتوا زرافات و وحدانا لنصرة النظام العلماني!
خلينا نربط ايران بالشرق الاوسط ...

ايران كدولة مرت ب 3 مراحل ... مرحلة مصدق و لو قصيرة بس كانت شعبية اكثر و رجعة الشاه و مرحلة ولاية الفقيه
يمكن بكل الحالات .. كان هناك تأييد كبير للحكومة ..

شعب مفروض عليه الحجاب .. بس شوف البنات شلون يتحدوا بالممكن و الموجود و المتوفر


و نفس الوقت هناك معارضة مقيمة بالخارج (مثل كل الشرق الاوسط)

اقتباس:
شوف نسبة المشاركة يا رجل... ان كانت لموسوي او لنجاد فالاصوات هي كلها بتنصب تحت خانة النظام الاسلامي
النظام ما يسمح بالبديل .. لان يعرف النتيجة مسبقا

و لذلك رح يظل مسيطر امنيا و دينيا و قوميا .... و طبعا ضد الغرب


اقتباس:
ببساطة نجاد كسب الانتخابات بسبب شعبية حقيقية و هالشي عم يسبب صدمة للعلمانيين او الاصلاحيين... معقول هادا النكرة البسيط يربح؟ و الله اي معقول. بالنسبة للفقراء هوي اصلاحي كبير و عم يساعدهم كتير... و البلد اغلبه فقراء و معدمين
نظام صدام حسين كذلك حصل ال 99 و 100 % ... و مو قصة تزوير ... القصة ما في بديل ع الارض
  رد مع اقتباس
قديم 22/06/2009   #25
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : عياش عرض المشاركة
أولاً مو كون النظام اسلامي بيجعل منو معادي للغرب وأكبر مثال السعودية نظام اسلامي ومكتر ومتفق مع الغرب ومكتر وكل دول الخليج على هذه الشاكلة الموضوع بين ايران والغرب مو شغلة اسلام ع مسيحية الموضوع خلاف مصالحي.


ثانياً بالنسبة لإنو الشعب الايراني جاهل ما بتفق معك نسبة المشاركة العالية بالانتخابات وأساسا وجود الانتخابات بيجعل منو شعب بيملك تجربة رائدة على صعيد المنطقة.

ثالثاً بموضوع التصويت إنو كلو بالنهاية لمصلحة النظام يبدو إنك كنت مركز تماماً مع مولانا آية الله خامنئي أدام الله ظله الشريف لما اعتبر إنو سواء الناس صوتت لنجاد ولا لموسوي فهي صوتت لأبناء النظام وبالتالي للنظام وبالتالي للولي الفقيه يا أخي لما بيكون الولي الفقيه عم يدعم وباستبسال مرشح وبيطلعلو 30% ما بتصوت لهلمرشح كيف اعتبراتا دعم للنظام إذا كان رأس النظام وما يشبه ربه ما عم يمون ع أصوات الشباب وما عم يطلع باديو يوقف التظاهرات طلع ع التزام اللبنانية الشيعة بتوجيهات حسن نصر الله وقارنها بالولي الفقيه بتعرف كيف بيكون التأييد مية بالمية وكيف أكتر من 5 أيام وما عم تضب معون القصة مو ضروري المتظاهرين يحشكو ع النظام لينفهم إنون ضدو إذا بلا سب نزل لهق شي 20 قتيل كيف لو بلشو من تحت الزنار.

رابعاً ليش عم تعتبر إنو العلمانيين والاصلاحيين هنن من الطبقة الرأسمالية المرتاحة والفقراء هنن المؤيدين لنجاد العلمانيين مو ضروري يكونو أغنياء هي فكرة رضعونا ياها بالابتدائي ونجاد مانو نكرة الزلمة بيجوز يكون ما بيلبس رسمي بس لعلمك هو مهندس يعني مثقف وخريج جامعة واشتغل قبل هلق محافظ وقبلها كان مستلم مهام أخرى يعني مانو من طبقة "الشعب الجحش" يلي تفضلت فيها.

سيد عياش

بخصوص الأول: كل الانظمة الاسلامية معادية للغرب. كون في مثال واحد عن طبقة حاكمة متعاملة مع اميركا اقتصاديا ما يعني انو النظام الاجتماعي للدولة صار اوكي مع الغرب. هادا مثال عن سياسة خارجية ما بتعكس تطلعات المواطن السعودي المتعصب دينيا
بس نفس الشي كل من ايران و اميركا عم يسعوا لعقد صفقة. الفكرة هيي انو شو ثمن هالصفقة بالضبط. رفسنجاني و جماعتو مستعجلين بالصفقة لانو شوي شوي عم يخسروا مصالحهم الاقتصادية و نفوذهم بالدولة. الجهة يلي رح تعقد الصلح مع اميركا رح يتذكرها التاريخ و كل شخص بدو هالشي... عدا عن انه الجهات يلي رح تكون موجودة وقتها رح تغب مصاري كتير
الخلاصة... كلها انظمة قمعية لا راحت و لا اجت. و الشعب يلي عم يثور بالشارع مخدوع

بخصوص الثانيا: هلق صحيح في ديمقراطية نوعا ما بس طالما المرشح بيحصل على موافقة المجلس و طبعا الفقيه ما بيتغير و اصلا ما بيرشح حالو بل بيرشحوه. لما قلت شعب جحش انا قصدت انو ما بيقل او بيزيد جحشنة عن اي شعب عربي. هلق اذا بدنا نختلف على الكلمة ما مشكلة نقي ايا كلمة بدك... بس هلق ايا شعب عربي بيصحلو انتخابات ما بتلاقي غير اجا الاسلاميين و الانظمة الطائفية... و هون فكرة الجحشنة المقصودة. ماني عم احكي من منطلق عنصري او دوني

ثالثا: اخي موسوي كان من اكبر المدافعين عن الثورة ضد المعارضة. هلق بعض الصحف الغربية بلشت تقول عنه معارض. هادا حكي فاضي. كتير ناس من المتدينين صوتوا لموسوي لانو فعلا من اهم رموز الثورة و كان المفضل عند الخميني.. هالشي خلاه يعتبر نفسه متل احق بالرئاسة... نحنا عم نشهد صراع ضمن نفس السيستم لتغيير الرئاسة... القصة على ما يبدو مو قصة نجاد بل بدهم يطيروا الفقيه كلو على بعضو حسب مقال هلق نزل بالعربية (طبعا العربية متحيزة جدا) .. بس يعني هل الفئة يلي رح تجي رح تحقق علمانية و رفاه للشعب الايراني؟ طبعا لاء... النظام نفسه نفسه و اصلا اسقاطه مستحيل

رابعا: بظن الصور بتحكي عن نفسها... كل الصور هي من شمال ايران. الصحافة الغربية الله يخلينا ياها بتنقل الصور يلي بتناسبها... بس شفت واحد شكلو من شكل عامة الشعب نازل تظاهر؟ كلهن لابسين احلى تياب


اخي اذا بتقرا انكليزي شفلي هالمقال بالواشنطن بوست

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



استطلاع الرأي الوحيد المحايد المذكور بهي الدراسة كان مورجي نجاد ربحان حتى بنسبة اعلى من النسبة يلي ربح فيها !!

ما في اي دليل حقيقي على تقدم موسوي باي فترة من الفترات غير تصريحات موسوي... الجماعة عم يعملوا انقلاب و عم يضحكوا على الرعاع اللابسين موديرن انو نحنا انخدعنا و غشونا... بينما ما في دليل


شفلي هالصورة من رويترز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



اذا الصورة ما ظهرت فهيي عبارة عن ناس محتشدة و مسكرة شارع عريض رئيسي عن طريق سيارات عم تحترق. صور تانية بتورجي متظاهرين عم يرموا حجر.
شوف هلق تعليق رويترز على الصورة:
EDITORS' NOTE: Reuters and other foreign media are subject to Iranian restrictions on leaving the office to report, film or take pictures in Tehran Protestors gather during a march on a street in Tehran in this picture uploaded on Twitter on June 20, 2009.
REUTERS/via Twitter


يحريق دين هالمارش. هادا مارش لما هادا عملية قطع طرق؟ تخريب ممتلكات عامة؟ عنف؟ هالشي مالو علاقة بالاعتصام السلمي... من اول يوم ما كان في اي اعتصام سلمي بل كان في رمي حجار و تكسير



بتقلي مو شعب جحش؟ يا سيدي جحش و نص


هلق شوف العربية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



"كما بحث رفسنجاني مع المراجع الدينيين إمكانية أن تكون استقالة الرئيس المنتهية ولايته محمود أحمدي نجاد حلا منطقيا يخرج إيران من عنق الزجاجة بعد أن تدخلت الولايات المتحدة والعديد من الدول الأوروبية لصالح حقوق الإنسان في إيران بسبب القمع الذي يتعرض له المتظاهرون العزل، وإصرار المرشح مير حسين موسوي على المضي في طريق الاعتراض على نتائج الانتخابات مفضلا القتل على التسليم لرغبة خامنئي في خطبة الجمعة الماضي بإنهاء التظاهرات."


رفسنجاني فورا قلبه على البلد خطي و صار حاكي و منسق مع كل المرجعيات الدينية مشان يزحلط الفقيه. لاحظ كلمة حقوق الانسان و القمع يلي يتعرض له المتظاهرون العزل... اي عزل من #$#$ .. خلي نص هيك مظاهرة تصير باميركا بركي بيحرقوا دينهم بال police brutality ... طبعا ما بدنا نقول خليها تصير بدولة عربية


شفنا صور المتظاهرين العزل السلميين حملة الشموع.. على الموتورات بالعصايات و عم يتسلقوا مبنى الباسيج و عم يحرقوا السيارات و يقطعوا الطرق
  رد مع اقتباس
قديم 22/06/2009   #26
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : suryoyo عرض المشاركة
ا

مافي خلاف. انا ماني عم دافع عن النظام الاسلامي بايران. ينفلقوا. انا عم انقل الحقائق حسب ما شايفها صارت متوضحة.. بس البديل غير موجود ابدا. لا بداخل ايران و لا بخارج ايران. عطيني اسم الجهة المعارضة و نسبة تمثيلها و ثقلها السياسي.. مافي .. في حوالي يمكن 10 او 15 بالمية من السكان توجهاتهم علمانية بس هادا كلشي.. و ما عندهم قيادة تحل محل نظام الفقيه.. موسوي و رفسنجاني ما فيك تعتبرهم بديل للنظام الاسلامي.. هدول تغيير بسيط و عملية سطو ضمن النظام نفسو

تحياتي
  رد مع اقتباس
قديم 22/06/2009   #27
شب و شيخ الشباب المحارب العتيق
عضو
-- مستشــــــــــار --
 
الصورة الرمزية لـ المحارب العتيق
المحارب العتيق is offline
 
نورنا ب:
Nov 2007
المطرح:
جرح الياسمين
مشاركات:
3,677

افتراضي


أنا بس الي كم ملاحظة بالشي يلي عم يصير بأيران

أولا العنوان الكبير للخلاف بين المجموعتين أنو لحنا أحفاد الخميني وفكرو ( المحافظين ) . لأ لحنا احفاد الخميني وفكروا بس انتو غيرتو مسيرة الدولة بعد وفاتو ولحنا بدنا نرجع نقومها ( الاصلاحيين )

تانيا ( برأيي) أنو الأمة الفارسية مليئة عبر تاريخها بل أنشقاقات الدينية ( المذهبية ) وطالما كان تاريخهم مليء بالأنشقاق بين مؤيدي الأئمة ومن يرثهم وهذا مايحدث الأن . فالكل يدعي أرث الخميني

تالتا التأخير الاسرائيلي المستغرب ( قبل فترة ) أنو أيران قاب قوسين أو أدنى من قنبلة نووية . ومع ذلك اسرائيل مكتفية بالتهديد . والاحداث الأخيرة تؤكد ان لها يد في مايحدث في مكان ما . بس ياترى ماهية تتمة مايحدث ؟( حسب الخطة )

رابعا لايمكن لشخصان أو ثلاثة أن يقومو بكل مايجري في ايران بدون أن يكون الأمر يتعلق بشخصيات كبيرة أخرى تساندهم في وجه الولي الفقيه . من ايات الله ومرجعيات عليا في قم . وهذا يثبت أنشقاق كبير في ايران وعلى جميع المستويات

خامسا أعتقد ان بيضة الميزان في كل مايجري هو الحرس الثوري وقوات الباسيج . الذان يعلنون حتى الأن الولاء المطلق لخامنئي ونجاد . وأنقلابهم سيقلب كل الطاولة

سادسا لاأعتقد أن الطهرانيين فقط هم ضد نجاد . فمن المنطقي ان يكون العرب والكرد والسنة ضد المحافظين . وهناك الكثير من التقارير التي تحدثت عن وصول متظاهرين من خارج طهران . يعملو على التخريب . وربما يكونو قد تدربو على هذا خارج أيران

سابعا من المقرف جدا ( ويشعر باللأقياء) ردة فعل الأاعلام الخليجي من مايحدث في أيران . فبرأيي التجربتين متشابهتين ( الانظمة ) مع أفضلية للديمقراطية الأيرانية . ولكن هذا الأعلام يتحدث عن ايران وكأنه يغرق في بحر الحرية

ثامنا ياترى لو صار أنقلاب بليلة وضحاها . على الخامنئي وجماعتو . وتم نفيهم الى خارج البلاد ( مجرد تصور ) . ممكن نعطيه لجوء سياسي ونجيبو يعيش بسورية ؟ . ترا لحنا اهل نخزوة والنا سوابق كتير بهاقصص ز وبيضل الزلمة صاحبنا

الفهيم بيريح

لك تاري الحمار لو شو ماسلموه بيصدق حالو وبدك تناديلو سيد حمار
  رد مع اقتباس
قديم 22/06/2009   #28
شب و شيخ الشباب talger
مسجّل
لسا يا دوب
 
الصورة الرمزية لـ talger
talger is offline
 
نورنا ب:
Jun 2009
مشاركات:
1

Lightbulb


والله انا لما شفت التضخيم الاعلامي لهل القضية تذكرت المظاهرات اللي صارت بفنزويلا مشان يسقطو تشافيز واللي كانت امريكا وراها
  رد مع اقتباس
قديم 22/06/2009   #29
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


كتير من النقط طرحوها الشباب ,,بس قبل ما قول رأيي ..حبب اذكر شوية حقائق يمكن تغني عن كتير شرح ,,و رح اتركها من دون تعليق و كل واحد يستنتج منها لشي يلي بيشوفو :

اولا .. الرئيس الأيراني دستوريا هو الرجل الثاني بالنظام بعد الولي الفقيه !

ثانيا .. المظاهرات الأخيرة كانت بالدرجة الأولى بتضم نساء و عمال و طلاب بمجملها .. ولا زالت مستمرة

ثالثا ..قالها علنا الأمام الخامنئي انو هو مع نجاد بالصراع هاد !

رابعا..اكتر من سبعين دائرة انتخابية حصل فيها نجاد على اكتر من مية بالمية من الأصوات !

خامسا.. اثناء خطبة الجمعة الأخيرة ..قاطع المصلين كلام الأمام الفقيه بهتاف " الله اكبر " عند كل مرة بيذكر فيها انو هو مع نجاد و مع توقيف المظاهرات و تحذير السياسيين من نتيجة الشي هاد !

سادسا..معظم السياسيين المعارضين موضوعين تحت اقامة جبرية و كتير من ابناؤهم معتقلين

سابعا..توقفت كتيير من المواقع الألكترونية المحلية و العالمية بأيران قبل اسابيع من الأنتخابات

.................................................. ...................................
الهروب الى الغرب

يلي بيشوف الأعلام الأيراني المريض بيلاحظ انو الصراع بين اما (الأسلام و اعداء الأسلام ) ..او ..بين ايران من جهة و مخابرات واشنطن و لندن و الدول العربية من جهة تانية ! ..و هون قمة المسخرة ..يعني المحافظ الأيراني شايف انو مشكلتو مع الغرب ..مو مع الأيرانيين نفسون يلي نزلو بالملايين على الشارع ...يعني المحافظ الغبي هاد لو اتطلع على المظاهرات و شاف مطالب المتظاهرين مو احسن من انو يقول انو" نحنا عال العال و احسن ما يكون ..بس الغرب هو يلي عم يخربها !! " ..روح التفت عشعبك العمى ضربك شو مراوغ و منافق و ديكتاتور !! ...عنجد هاد اكتر شي استفزني من كلام المحافظين الأيرانيين لأنو عم يحاولو يسخفو من ضحايا التظإهرات و يربطوها بمشروع استكبار غربي الهدف منو القضاء على المشروع الأسلامي بأيران !! مشان يوضعوا الأصلاحيين بالزاوية و يقولولن :" شو ...الشباب متعاملين مع الغرب !! " ...

خطأ الولي الفقيه ( المعصوم عن الخطأ )

لما انحاز الولي الفقيه لأتجاه معين دون اتجاه اخر مع انو متل ما قالو الشباب انو الأتجاهين مع الحكم الأسلامي ...وضع الشعب الثائر اما نزاع معه شخصيا و ليس نزاع مع الأتجاه السياسي الأخر ..و هون نزل من مكانتو درجة ..كأمام جامع لرأي المسلميين بأيران و بتحيزوا اعطى المتظاهرين التبرير لينتفضوا ضدو شخصيا و هاد الشي يلي رح نشوفو بالأيام الجايي ...اصلا هني نزلو عالشارع مو لعيون الموسوي بس كرها بالمنظومة السياسية ككل ,,و هلق صار عندون الحافز الأكبر ليوجهو للديكتاتورية صفعة .....اذا ما اكتر ....

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 22/06/2009   #30
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
Joe
اقتباس:
يعني المطلوب منهم يعلنوا الحرب على اميركا حتى تكون الثورة اصلية و مو كذابية؟ انا ما فارق معي الثورة الاسلامية ما تفهمني غلط. انا ملحد و علماني و اخر ما ارغب به هو الانظمة الاسلامية.. بس في حق و في كذب
ملحد و علماني كمان ...و بتعرف تميز بين الحق و الكذب
طبعا عم امزح ..لأنو الملحد و العلماني ...ختم الله على قلوبهم ..صم بكم عمي فهم لا يفقهون !

اكيد عزيزي الأمرين غير مرتبطين ببعض ...و ما كان واجب التوضيح لأنو ما خطر ببالي هيك شي .

اقتباس:
معقول هادا النكرة البسيط يربح؟ و الله اي معقول


اقتباس:
و اغلب الظن ان هناك يد للمخابرات الامريكية و البريطانية في الموضوع... اما الادلة فهي متعددة و كلها تصب في اتجاه واحد: ..................................
مليون بالمية الشي هاد يلي عم يصير الشباب محضرين ليعملو من زمان في حال خسرو ( بغض النظر عن نزاهة الأنتخابات ) ...بس ما يعني انو التحضير هاد نابع من تعاون و تنسيق مع الغرب و العرب بهدف ضرب الحكم الأسلامي بأيران ...التخطيط المسبق مو تهمة و شي طبيعي جدا لأنو التغيير صار ضرورة ..بس ربطو بمؤامرة عالمية ...في كتيير مبالغة

اقتباس:
EDITORS' NOTE: Reuters and other foreign media are subject to Iranian restrictions on leaving the office to report, film or take pictures in Tehran Protestors gather during a march on a street in Tehran in this picture uploaded on Twitter on June 20, 2009.
REUTERS/via Twitter
بأكدلك لو انو كاتبين Armed Upheaval او Random Confrontations او Disobedience او Uprising او حتى Public properties sabotaging بدل Marsh ,,كانو الأيرانيين رح يقولو ..شوفو ..الغرب عم يضخم القصة !! ..يعني شو ماكتبو ..ما خالصين ..ببساطة لأنو هدون مهمتون كتم الأفواه

اقتباس:
شفنا صور المتظاهرين العزل السلميين حملة الشموع.. على الموتورات بالعصايات و عم يتسلقوا مبنى الباسيج و عم يحرقوا السيارات و يقطعوا الطرق
يا رجل ...ما بعرف كيف بتختصر المواجهات هي كلها بالطريقة يلي ذكرتها ....ما بعرف .....شو ناطر لتقول انو عم يصير في تظاهر و رد جدا مبالغ فيه من الأمن ,,,تغرق البلد بحمام دم ...
  رد مع اقتباس
قديم 22/06/2009   #31
شب و شيخ الشباب Joe
مشرف متقاعد
 
الصورة الرمزية لـ Joe
Joe is offline
 
نورنا ب:
Apr 2004
المطرح:
في قلوب العذارى
مشاركات:
1,763

افتراضي


اقتباس:
كاتب النص الأصلي : Elephant And Castle عرض المشاركة
مليون بالمية الشي هاد يلي عم يصير الشباب محضرين ليعملو من زمان في حال خسرو ( بغض النظر عن نزاهة الأنتخابات ) ...بس ما يعني انو التحضير هاد نابع من تعاون و تنسيق مع الغرب و العرب بهدف ضرب الحكم الأسلامي بأيران ...التخطيط المسبق مو تهمة و شي طبيعي جدا لأنو التغيير صار ضرورة ..بس ربطو بمؤامرة عالمية ...في كتيير مبالغة



بأكدلك لو انو كاتبين Armed Upheaval او Random Confrontations او Disobedience او Uprising او حتى Public properties sabotaging بدل Marsh ,,كانو الأيرانيين رح يقولو ..شوفو ..الغرب عم يضخم القصة !! ..يعني شو ماكتبو ..ما خالصين ..ببساطة لأنو هدون مهمتون كتم الأفواه



يا رجل ...ما بعرف كيف بتختصر المواجهات هي كلها بالطريقة يلي ذكرتها ....ما بعرف .....شو ناطر لتقول انو عم يصير في تظاهر و رد جدا مبالغ فيه من الأمن ,,,تغرق البلد بحمام دم ...
ليش حتى يكون فيه كتير مبالغة؟ كل الاحتلالات يلي حوالينا و التدخلات الخارجية بالدول و مستبعد شوية تنسيق بين هالجهات المتظاهرة و بين اميركا و اوروبا؟ انا ماني من دعاة نظريات المؤامرة بس احيانا يعني ما بدها كتير خيال

بخصوص اخر مقطعين.. خيو ببساطة الصورة مانا صورة مارش.. يعني انت هلق مانك شايف طريقة الاعلام الغربي و العربي المثيرة للسخرية بتصوير الاحداث بيشرفك؟ بعمرك شفتهم ذكروا انو المظاهرات عنيفة و فيها حرق و تكسير و تخبيط؟ كل يلي بيقولوه انو مظاهرات سليمة و في قمع شديد. يعني شو متوقعين ما يكون في قمع بهيك دولة عم تتعرض لتهديد لاساساتها؟ هدول ناس عم تصرخ الموت لخامنئي بوجه الباسيج... هجموا بالعصايات عم يتسلقوا السور ليدخلوا على مقر الباسيج... اذا انت جندي قاعد جوا و محاصر شو رح تعمل؟ على كل حال الفديو الكامل تبع الزلمة يلي اتقوص موجود و بيورجيك اديش كان في تحذير قبل و اطلاق رصاص بالهوا بس اخر شي بدك تدافع عن نفسك
معلم هون باوتاوا شرطي أوف ديوتي اكل كفين من شوية ولاد زعران تاني نهار تقول الجيش الكندي صار بالحارة و مسلحين على اخر طراز. لما اجا جورج بوش.. يمكن الاف الشرطة ب full riot gear و وراهم كان شرطة بالرشاشات!!! يعني ما حدا بيتهاون لما يصير في تهديد امني

رح حاول شفلك الفديو اذا مهتم

على كل حال الموضوع بيلعي النفس لانو اخد اكبر من حجمه بنظري. مع الوقت كلشي رح يبين
  رد مع اقتباس
قديم 22/06/2009   #32
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Joe عرض المشاركة
ليش حتى يكون فيه كتير مبالغة؟ كل الاحتلالات يلي حوالينا و التدخلات الخارجية بالدول و مستبعد شوية تنسيق بين هالجهات المتظاهرة و بين اميركا و اوروبا؟ انا ماني من دعاة نظريات المؤامرة بس احيانا يعني ما بدها كتير خيال

بخصوص اخر مقطعين.. خيو ببساطة الصورة مانا صورة مارش.. يعني انت هلق مانك شايف طريقة الاعلام الغربي و العربي المثيرة للسخرية بتصوير الاحداث بيشرفك؟ بعمرك شفتهم ذكروا انو المظاهرات عنيفة و فيها حرق و تكسير و تخبيط؟ كل يلي بيقولوه انو مظاهرات سليمة و في قمع شديد. يعني شو متوقعين ما يكون في قمع بهيك دولة عم تتعرض لتهديد لاساساتها؟ هدول ناس عم تصرخ الموت لخامنئي بوجه الباسيج... هجموا بالعصايات عم يتسلقوا السور ليدخلوا على مقر الباسيج... اذا انت جندي قاعد جوا و محاصر شو رح تعمل؟ على كل حال الفديو الكامل تبع الزلمة يلي اتقوص موجود و بيورجيك اديش كان في تحذير قبل و اطلاق رصاص بالهوا بس اخر شي بدك تدافع عن نفسك
معلم هون باوتاوا شرطي أوف ديوتي اكل كفين من شوية ولاد زعران تاني نهار تقول الجيش الكندي صار بالحارة و مسلحين على اخر طراز. لما اجا جورج بوش.. يمكن الاف الشرطة ب full riot gear و وراهم كان شرطة بالرشاشات!!! يعني ما حدا بيتهاون لما يصير في تهديد امني

رح حاول شفلك الفديو اذا مهتم

على كل حال الموضوع بيلعي النفس لانو اخد اكبر من حجمه بنظري. مع الوقت كلشي رح يبين

طيب ماشي ...خلي التلفزيون الأيراني يفرجينا شو عم يصير هنيك ..,,قاعدين عم نلوم شبكات تلفزيونية غربية هدفها النهائي تحقيق ربح مادي و نسبة مشاهدة عالية ..و ما حدا عم يقول ليش ايران مانعة تصوير المظاهرات ...انو يلعن دين الحالة هي وقت امة كاملة عشرات الملايين بيعتمدو على twitter.com لينقلو للعالم الشي يلي عم يصير

ما بعرف شو الوضع بكندا ..بس مرة مات شخص علق بحصار امني حول متظاهرين ضد اجتماعات ال G20 بلندن ...و مات بسبب نوبة قلبية ...تاني يوم كل شي في مسؤوليين بالشرطة تحقق معون و انفصل كتير منون من الخدمة و استقال تانيين ..بسمع انو بريطانية كتير قريبة لكندا بكتير نواحي ..انا متأكد انك ما عم تعمل مقارنة بين ايران و كندا مثلا ...

معك حق ..الموضوع معت كتير ....يعني نحنا بسوريا مشاكلنا بتكفي ..لسا بدنا نوجع قلبنا بمشاكل غيرنا
  رد مع اقتباس
قديم 22/06/2009   #33
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


انو بحياتكون شفتوا قناة أخبارية ع اساس كتير محترمة حالها بيصير مصدر أخبارها تويتر والفيس بوك

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 22/06/2009   #34
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : zen عرض المشاركة
انو بحياتكون شفتوا قناة أخبارية ع اساس كتير محترمة حالها بيصير مصدر أخبارها تويتر والفيس بوك
يعني اذا نيجاد طرد الصحفيين ...
و منع التصوير ...

من وين تجي الاخبار ... من المخابارت الروسية مثلا ؟؟

اكيد من الشعب ...
من عناصر تناضل لاجل الحرية ضد نظام تعسفي (تعددي ديمقراطي يؤمن بالحرية الاعلامية 100% )
  رد مع اقتباس
قديم 22/06/2009   #35
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : Joe عرض المشاركة
مافي خلاف. انا ماني عم دافع عن النظام الاسلامي بايران. ينفلقوا. انا عم انقل الحقائق حسب ما شايفها صارت متوضحة.. بس البديل غير موجود ابدا. لا بداخل ايران و لا بخارج ايران. عطيني اسم الجهة المعارضة و نسبة تمثيلها و ثقلها السياسي.. مافي .. في حوالي يمكن 10 او 15 بالمية من السكان توجهاتهم علمانية بس هادا كلشي.. و ما عندهم قيادة تحل محل نظام الفقيه.. موسوي و رفسنجاني ما فيك تعتبرهم بديل للنظام الاسلامي.. هدول تغيير بسيط و عملية سطو ضمن النظام نفسو

تحياتي
عزيزي ... مو قلنالك دائما الشعوب تؤيد الحكومات اللي تجي بانقلاب عسكري ... بانتخابات نزيهة... كلو مثل بعضو

وقت ما تنقلب الامور ... يطلع كل الشعب كان معارض و خايف و يطلعوا كلهم منتمين لاحزاب محظورة من النظام !

و هذه مو جديدة على الشرق الاوسط ... من زمان جدا ... الكل تشتغل مثل وعاظ السلاطين


وقت ثورة ال 79 ... كان الشاه قوي .. و بدت المظاهرات ضد النظام

و الخميني كان بفرنسا ... بعد ما غادر العراق ...

و استمرت المظاهرات و اجت طيارة جابت الخميني للمطار .. و الشاه طلع من ايران


و الحلو الخميني راسا اعلن العداء للغرب بعد هو ما كان بفرنسا



ممكن يصير شي من هذا القبيل مو اليوم بعد عشر سنين ...

و يجوز يجي رجوي و منظمة مجاهدي خلق .. و يجوز تجي جبهة ما معروفة و لا شي
  رد مع اقتباس
قديم 22/06/2009   #36
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اقتباس:
كاتب النص الأصلي : suryoyo عرض المشاركة
يعني اذا نيجاد طرد الصحفيين ...
و منع التصوير ...

من وين تجي الاخبار ... من المخابارت الروسية مثلا ؟؟

اكيد من الشعب ...
من عناصر تناضل لاجل الحرية ضد نظام تعسفي (تعددي ديمقراطي يؤمن بالحرية الاعلامية 100% )
انا ما قصدت بالوقت الحالي قناة العربية من اول الانتخابات بتعتمد هالطريقة
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:02 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.21933 seconds with 12 queries