باب الحارة .. كفى !!!! ... بقلم : عبد الحميد شاكر

[saman]

كاتب النص الأصلي : أإأبو العبد

انا عني وعليي ماتابعت غير الجزء الاول والتاني
اما التالت من اول حلقتين اجاني تلبك معوي

me too
وخصيصاً على تبديل الشخصيات
لكان بدال ديمة قندلفت ... حطو هديك المعاقة يلي بيسموها ربيع الشاشة (امارات رزق )
ولا بدال تاج حيدر (تقبر قلبي ) ... حطو وحدة ما منعرف قرعة ابوها منين

[المحارب العتيق]

كاتب النص الأصلي : a7la lolo

ولييييه .. شو حاسة انو عندكم حقد وكره لهالمسلسل ..
لك حرام عليكم .. اذا كل هالقد كرهانينو لبقا تابعو وتابعو اخبارو وقصصو ...

مع اني ضد باب الحارة 4 بس كل المسلسلات الشامية تعرضت للنقد وحتى بعزو يلي هو الجزء التاني . كان في انتقادات ضدو . حتى على سيريانيوز حطو وقتها مقال أنو العالم عم تحضر باب الحارة بدل ماتروح تحرر القدس .
والاحلى انو كلهم موشوام و بس بيعرفو تاريخ الشام وعاداتها اكتر من أهلها

[المحارب العتيق]

كاتب النص الأصلي : MadMax

كيف خيو ..؟

في كتير ناس متلك بتلزق كل تخلف سوريا بالعثمانيين ولحد هلاء .مع انهم طلعو من أكتر من 100 سن بس تخلفنا يلي لحنا فيه هلاء هنن سببو . بئال لزيق فيهم لزيق

[MadMax]

كاتب النص الأصلي : المحارب العتيق

في كتير ناس متلك بتلزق كل تخلف سوريا بالعثمانيين ولحد هلاء .مع انهم طلعو من أكتر من 100 سن بس تخلفنا يلي لحنا فيه هلاء هنن سببو . بئال لزيق فيهم لزيق

نلزق التخلف بفترة العثمانيين . .... يللي بدت من 500 سنة


أحسن ما نأكد أنو نحنا متخلفين .. ...... بأعمال فنية متل باب الحارة

[I_Love_Syria]

مسلسلات البيئة الشامية إذا صح التعبير هي عبارة عن حقائق بنسبة 10% والباقي إضافات من الكاتب والمخرج هدفها الأول والأخير الربح..
يعني باب الحارة والشام العدية التنين كاتبهن قاووق التنين بتحس إنو في شغلات ما بتدخل بالعقل بالمرة يعني عبارة عن شوية كذب مع بهارات بطريقة يخلو هالعالم تتعلق بالمسلسل وبالتالي زيادة الإعلانات ومصاري أكتر
عم يستغبو العالم عم يألفو روايات وأساطير من هالمسلسلات المنطق غايب عنها بشكل كبير
يعني وين مسلسل أيام شامية وليالي الصالحية ووين الخوالي ووين هلأ باب الحارة قديش في فرق بين هالمسلسلات هي
بس خلص بسام الملا عمل عقد مع المسلسلات من هالنوع وحالف يمين ما يتركها لحتى يطلع كلشي إمكانيات بالخرط والتأليف بهالنوع من المسلسلات

مبارح شفت حلقة من مسلسل إسمو الحصرم الشامي هاد المسلسل حصري لأوربت ولسا ما نعرض منو ولا حلقة على أي قناة تانية حسب ما فهمت...
المسلسل هاد بيحكي عن فترة الأغاوات بالشام والجماعات الي كانت موجودة بهديك الفترة إلي هي الوالي العثماني وجماعتو و العسكر والأغاوات للصراحة في أشياء شفتها بالحلقة الأولى قاري عنها قبل بكتاب بيحكي عن الشام يعني في شيء من الواقعية هالمسلسل
إلي بيحب بعطي الموقع إلي نازل فيه حلقات المسلسل هاد

[أإأبو العبد]

واحلى شي معتز شلون صاير جعاري انو اذا عيط كتير بصير ابضاي

[I_Love_Syria]

أنا ضد فكرت إنو العثمانيين هنن سبب تخلفنا حتى لو طلعنا عن الموضوع
العثمانيين خربت أحوالهن بآخر إيامهن وأي إمبراطورية بالعالم ما بتضل ماشية على نفس الوتيرة طول عمرها يعني رح يجي يوم ويبلش السوس ينخر فيها لحتى ياكلها كلها
ليش ما شفنا ولا مسلسل بيحكي عن الدولة العثمانية بأيام عزها ليش دائماً المسلسلات لما تحكي عن العثمانيين بتحكي عن آخر فترة بحياة هالدولة يعني ما بيتطرقوا لفترات قبل
وهاد تماماً إلي صار بفترة العثمانيين فينا نقول إنو بآخر 50 سنة من حكمهن بلشت تنهار هالإمبراطورية وبالتالي من الطبيعي يبلش الخوف عندهن ويلجئوا لأساليب القتل لحتى يضلوا محافظين على حالهن
لهيك أنا ما بحب إحكي إنها إحتلال عثماني متل ما البعض بيسميها

[saman]

كاتب النص الأصلي : MadMax

لك يا عمي وين رايحين بهالزحمة ....
فترة التلاتينات هي .. .... مو العصر الحجري



بالتلاتينات كانت سوريا مليانة أطباء و مهندسين

كانت مليانة مدارس ....

كان عنا جامعة مهمة



لك كلية الطب .. تأسست عام 1903

المرأة شاركت بكل الثورات يللي صارت بسوريا


كنا السباقين بسوريا بتأسيس الاحزاب التقدمية

كانت سوريا مليانة أدباء و مفكرين




بفترة التلاتينات .. بضيعتنا كان في سيارات ... معقول بالشام ما كان في غير الطنابر ..!!

فيك تقول متل هيك :

طريق الربوة .. وفي سيارات وكهربا



جامعة دمشق وفيها بنات ... وفيها بنات مو محجبات كمان

[راما الحالمه]

يكفي انه يطرح مباديء وعادات نظيفه وراقيه
يستاهل المتابعه موشايفه عليه شي ..بالعكس جدا رائع

[المحارب العتيق]

كاتب النص الأصلي : MadMax

نلزق التخلف بفترة العثمانيين . .... يللي بدت من 500 سنة


أحسن ما نأكد أنو نحنا متخلفين .. ...... بأعمال فنية متل باب الحارة

مع انو باب الحارة بهاد الفكر ومتل ماطرحو المخرج . لسا متقدم اكتر بمليون مرة من ضيع عنا . بئال بعتقد في تنقضو فنيا . اما تنقضو تأريخيا وكيف كانت العيشة صعبة عليك شوي

[MadMax]

كاتب النص الأصلي : المحارب العتيق

مع انو باب الحارة بهاد الفكر ومتل ماطرحو المخرج . لسا متقدم اكتر بمليون مرة من ضيع عنا . بئال بعتقد في تنقضو فنيا . اما تنقضو تأريخيا وكيف كانت العيشة صعبة عليك شوي

العاصمة .... لازم تكون متقدمة ... أكتر من كل مدن الوطن .. فما بالك بالريف




بس حسب باب الحارة ..... أنأى قرية بافريقيا متقدمة كتير عالشام






هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك

[المحارب العتيق]

كاتب النص الأصلي : MadMax

العاصمة .... لازم تكون متقدمة ... أكتر من كل مدن الوطن .. فما بالك بالريف




بس حسب باب الحارة ..... أنأى قرية بافريقيا متقدمة كتير عالشام






هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك

متقدم قلتلي . حبيب أنا سافرت لعدة بلدان عربية . وكل يلي جابو سيرة باب الحارة . جابو سيرة مجموعة القيم والمبادئ يلي طرحها . اذا مابينت معك فأكيد عندك مشكلة فيها . لا تستغرب هيك رأي اغلب اهل الشام
وحتى منشوف أنو الشام بايامها كانت أفضل من الشام هلاء

[I_Love_Syria]

كاتب النص الأصلي : MadMax

هامش
بستغرب من أهل الشام .. يللي بدافعوا عن هيك صورة ...


هادا في حال كان رأي كل أهل الشام هيك

من وجهة نظري هالمسلسلات بكل الكذب يلي فيها بس فيها شي بيحبوا أهل الشام وبيحبو يضل متذكرينو إلي هو العلاقات جوات العيلة الوحدة, العلاقات بين الجيران طريقة التعاطي بين الأب والأولاد, الأب وإخواتو وبين الأولاد مع بعضن
يعني بما إني واحد من أهل الشام فحياتي جوا البيت وعلاقتي بأهلي ما بتختلف كتير عن يلي مطروح بهيك نوعية من المسلسلات حتى علاقاتنا مع جيرانا ما بتختلف كتير

[blackiris2009]

بصراحة مش بحب هاد المسلسل
تابعته مرتين
بس شخصية العقيد مو مريحة

يعني يمكن لو كان هاد الممثل بادوار اجتماعية وحديثة بلبقلو
بس عقيد ما حبيته

[المحارب العتيق]

كاتب النص الأصلي : I_Love_Syria

من وجهة نظري هالمسلسلات بكل الكذب يلي فيها بس فيها شي بيحبوا أهل الشام وبيحبو يضل متذكرينو إلي هو العلاقات جوات العيلة الوحدة, العلاقات بين الجيران طريقة التعاطي بين الأب والأولاد, الأب وإخواتو وبين الأولاد مع بعضن
يعني بما إني واحد من أهل الشام فحياتي جوا البيت وعلاقتي بأهلي ما بتختلف كتير عن يلي مطروح بهيك نوعية من المسلسلات حتى علاقاتنا مع جيرانا ما بتختلف كتير

أنا معك تماما

لك شفت لبنانية وامارتية وسعودية واردنية . كلهم مدحو بهاد الشي وأكدو أنو كمان كان موجودعندهم . وانو لحنا بحاجة نستنهضوا بمجتمعاتنا . بالوقت يلي بتلاقي فيه ناس من قلب سورية . بتهاجم هاد الشي . بس لأنو بيحكي عن الشام

[I_Love_Syria]

كاتب النص الأصلي : المحارب العتيق

أنا معك تماما

لك شفت لبنانية وامارتية وسعودية واردنية . كلهم مدحو بهاد الشي وأكدو أنو كمان كان موجودعندهم . وانو لحنا بحاجة نستنهضوا بمجتمعاتنا . بالوقت يلي بتلاقي فيه ناس من قلب سورية . بتهاجم هاد الشي . بس لأنو بيحكي عن الشام

في كتير ناس بعرفها عم يحاولوا يحافظوا على هالنمط من العلاقات وهالنمط من العادات ومو بس من أهل الميدان إلي كتير ناس هلأ بتنتقضهن على إنهن كتير منغلقين على حالهن وكتير متمسكين بعاداتهن لحد الآن وماعم يغيروا فيها متلهن متل أهالي الشاغور وشوي من أهالي الصالحية بالعكس في ناس من برّا حارات الشام في أكتر من عيلة بعرفها من تل منين عايشين نفس هالنمط من الحياة ومتمسكين فيه كتير

[marochka]

المسلسل فعلاً اللي نجّحو هو حنين الناس للعلاقات الاجتماعية اللي كانت موجودة بالماضي، ومشان هيك الجزئين الأول والناي كانو حلوين لأنو ركزو على هالنواحي وكانت الخلفية التاريخية كتير خفيفة، بس المشكلة أنو الأجزاء الباقية أو اللي مبين منها لهلأ صارت عم تركز على حوادث تاريخية مهمة، بس عم تحاول تركبا على الشخصيات الموجودة أصلاً بالمسلسل وهون المشكلة، يعني إذا صارت القصة عن تاريخ الشام، فالمسلسل عم يغفل أشيا كتيرة صعب الواحد يبلع تجاهلا، وإذا بدو يستمر بشغلة العلاقات الاجتماعية فهي استهلكت بالأجزاء التلاتة الأولى، مشان هيك مبين في شوية ضياع بالموضوع، بس اللي مخلي المسلسل هو القدرات الإخراجية المميزة عند بسام الملا واللي صعب الواحد ينكرا، وخصوصاً قدرتو على اختيار الممثلين المناسبين، وواضح أنو اللجوء لمنى واصف، هو لإنقاذ المسلسل من نقص القدرات التمثيلية القوية اللي أصابه بعد خروج كتير من نجومو.

[Black Orchid]

[quote=I_Love_Syria;1324683]أنا ضد فكرت إنو العثمانيين هنن سبب تخلفنا
يعني كانو سبب تقدمنا.....انت شو عم تحكي.
لهيك أنا ما بحب إحكي إنها إحتلال عثماني متل ما البعض بيسميها
شو بتحب تسميهن مثلا (الاخت الفاضله عثمانيا)