*** مقلايـــــــــــ (أخويــــــة 7) ـــــــــــــة ***

[fofo besset syria]

كاتب النص الأصلي : VivaSyria

ريم سؤال واحد بس... شو حابه اسئلك؟

ما عرفتك وانتا حباب وحنون

خجلتنا ولو...حسيت حالي شريرة..جاي عبالي احزف اسئلتي خجلا

[VivaSyria]

كاتب النص الأصلي : fofo besset syria

ما عرفتك وانتا حباب وحنون

خجلتنا ولو...حسيت حالي شريرة..جاي عبالي احزف اسئلتي خجلا

اي اي هي خطة مشان يأنبك ضميرك وتحزفي أسئلتك

صحيح سمعت انك بعدك عم تدبكي لهلأ.. عن جد؟

[fofo besset syria]

كاتب النص الأصلي : VivaSyria

اي اي هي خطة مشان يأنبك ضميرك وتحزفي أسئلتك

صحيح سمعت انك بعدك عم تدبكي لهلأ.. عن جد؟

ما مشي الحال..ضميري للحظة حاول يأنبني بس الافكار الشريرة غلبت

اي اي والله من كتر الدبك استويت.. بدي استأجر حدا يدبك عني ...لك يسلمو يسلمووووووووووو

[VivaSyria]

كاتب النص الأصلي : fofo besset syria

ما مشي الحال..ضميري للحظة حاول يأنبني بس الافكار الشريرة غلبت

اي اي والله من كتر الدبك استويت.. بدي استأجر حدا يدبك عني ...لك يسلمو يسلمووووووووووو

هلأ الخطه الجديدة اني ضل عم احكي أنا وياكي مشان تجي ريم ماعد تلاقي الأسئلة... بقا بتريح حالها وبتقول من العجقه ماعم لاقي الأسئلة...

شو رأيك بالخطه؟

[fofo besset syria]

مع الاسف بحب بلغك انو خطتك فاشلة..

هلأ ريمي بتجي بترئعنا بهدلة عالسبام وبتجاوب الاسئلة وما بنكسب الا البهدلة من هالخطة

[VivaSyria]

كاتب النص الأصلي : fofo besset syria

مع الاسف بحب بلغك انو خطتك فاشلة..

هلأ ريمي بتجي بترئعنا بهدلة عالسبام وبتجاوب الاسئلة وما بنكسب الا البهدلة من هالخطة

ممممممممم.... مابتعملها

[fofo besset syria]

كاتب النص الأصلي : VivaSyria

ممممممممم.... مابتعملها

اي جرب لحالك انا مو مأكدة...

سؤال عالهامش مشان اضمن حالي ما اتبهدل

ريمي....
شو رأيك بأيام الجامعة؟
بتخطر ببالك نرجعلا؟
شو كان احلى شي بالجامعة؟
شو اكتر موقف بتتزكريه من مغامراتنا فيها؟
ازا هلأ خيروكي بشغل متيح او رجعة للجامعة شو بتختاري؟

[Reemi]

هلأ كنت محتارة بين 3 لزت حدا منن..بس بعد عمل قرعة (غير عشوائية) وقع القرار على ريمي

تفضلي عالساحة..وتوصولنا فيها امانة

أنا بفرجيكي ..بنتلاقى

شي بتندم انك قلتو

في شغلات قلتها لاشخاص معينين ما كان لازم قولها..لخالتي مثلا

شي بتندم انك ساويتو

ولا شي

كلمة بتحب تسمعا

ما أغلاكي

شخص بتتمنى تشوفو اسا ما شفتو (من اخوية)

ghazool

شخص بتتمنى تشوفو(شاعر...كاتب..رئيس...)

عمر الفرا..لسا ما صحلي احضرو ولا مره ..ولا شوفو ..

غنية بتحبا

حاليا حابي هالغني كتير ...

calling-Geri halliwell

غنية بتكرها

نقي اي شي لحماده هلال .

موقف حلو ما بتنساه

في كتير مواقف حلوي بحياتي ... لقائي بحضرتك مثلا

موقف بشع مابتنساه

موقف صار بعزا جدي ..

موقف محرج صار معك

مممم ماعم اتذكر ..ساعديني

بلد بتتمنى تزوره

المكسيك ..

بلد بتتمنى تعيش فيه

سوريا

شي بتتمنى تغيروبشخصيتك

العصبيه

شي بتتمنى تغيروبشكلك

ولا شي.

شي بتحبوبشخصيتك

الثقة بالنفس

شي بتحبوبشكلك

ضحكتي -شعراتي

شي ناقصك

ولا شي

بهمك رأي الناس فيك؟

تقريبا

بتحب حياتك؟

كتير..

عندك سر خطير مخبى بحياتكك ما حدابيعرفو؟

لا

بتئدرتسامح حدا غلط كتير بحقك؟

بقدر سامح ع اي شي ما عدا الكذب .

الحب

سر الحياة

الله

قوة روحانيه

الحزن

ضروري بحياتنا.. بيفيق فينا شغلات مخبايه

الوطن

امان

الحياة

سلسله حلقات ..

الموت

بداية لحياة جديده بمكان جديد

الفقر

بيخليكي تلعني الدنيا وحالك بالنهار مية مره

البخل

عاده غير صحيه ..

اخوية

مجتمع افتراضي

الوداع

ضروري احيانا وكتير

الظلم

انك تكوني مظلومه هاد احقر موقف ممكن ينحط فيه الانسان ..وانك تكوني ظالمه فانتي جردتي حالك من الانسانيه.

وين وكيف بتشوف حالك بعد 10سنين؟

وين ما بعرف ..
بس اتوقع اني لازم كون بشغل منيح .. وحياة مريحه .. وعيله بنحسد عليها


حاولي ما تفرجيني وجهك من هون لشهر

[Reemi]

ازا لا سمح الله كان الاشخاص هدول راح يموتو بكرا ومعك اخر فرصة تحكيلن شي..شو بتقليلن؟
وممنوع تحطي لا تعليق او اي شي مشابه الو..لازم توجهي رسالة..لانه بكرا ازا مات لا سمح الله بتندمي

انتي بالذات بتعرفي حساسية هالقصة بالنسبه الي.. ما كان لازم تسالي هيك سؤال ..لو عكستيها كان احسن ..

امك

انا اسفه ع كل الجرح الي بيوم من الايام يمكن كون سببتلك اياه بقصد او لا .. انتي اغلى انسان عليي وانتي بتعرفي..

ابوكي

بعتذر اذا بيوم من الايام بينتلك شي عكس الي بقصدو..كنت قاسية عليك بفتره او بلحظة..بس انا بلاك ولا شي.

ميس

يقبرني ربك ما احلاكي .. اسفي عن كل التعصيبات ..

انا

كنتي دايما الكتف المستقبل لريمي بالسراء والضراء..غيابك فراغ كبير ما حد بيعبيه..

فادي

الله يسامحك رح تروح وتتركني .. بعد ما صرت عندي كل شي ..وقف بنروح سوى

مضر

انت اغبا شخص شفتو بحياتي

ياسين

لو ما حملت القصص اكتر ما بتستاهل ما كنت وصلت لهون .. بكرا بنلتقي فوق

سامر

ابن العم .. رح قوم بواجبك ما تخاف

هاني

انت كمان رح قوم بواجبك لا تخاف

مرام

ام شريك...ضيعانك

ريتا

كنت قلك ديري بالك عحالك ما كنتي تردي

[Reemi]

Reemi

تقبر قلبي ما احلاها

marioma alghzayala

ام شريك .. اطيب قلب بالدنيا .. بتخليي عندك امل انو بعد في قلوب صافيه بهالدنيا ..

hanny dagher

ابو الهن..طيوب ماشي الحال ..بس بحسو احيانا مضيع جحشة خالتو

layla

للوش .. صديقتي العزيزه .. مجنووووونه

sezar

ابو السيز ... اهم شي مفتح عيونو تمام

sweetbaby

صغنونه دلوعه .. لسا تماما ما عرفاني شو بدا .. بس طيوبه كتير

maged-syrian

اختلفنا من قبل ...بس ما بكنلو اي عداء

butterfly

مرسيل يا مرسيل.. كانت تقلك سارا شغلات ما كنتي تردي عليها .. ضلي متذكرتيون ..

وشم الجمال

مؤخرا علاقتنا قوية .. حساسه كتير بتنفعل بسرعه ..بتحمل القصص احيانا زياده .. بتثور بدقائق وبتهدا بدقائق..

فسحة امل

بيكتب حلو .. خواطرو متابعتا

Hashtnasht

ابو نهلى .. وردة حمص ..وزينة شبابها ...ونو سموكينغ افتر توداي اب نهلى ..عقبال ما نشوفك عم تشرب متي

P A Zٍ

ابني الصغير...الله يحميه .

yass

صديقي ..وبحترمو جداً

كهربجي

رفيق

SABE

لو كنت عم تدرس علم ذرة كنت لاقيت وقت فاضي اكتر من هيك .. الله يوفقك

HUS

حاسي صار في ضرورة ترجع ع اخوية.

Barleb

ظريف .. ظررريييف

باشق مجروح

ابن العم ... قلبو عالكل ..

the light

الي بيشوف حسان عالحقيقه ما بيقول انو هاد نفسو باخوية..مريح جدا جنتل جدا .. ويمكن ما تصدقو بس مرح جدا

سرسورة

اختي ... واختي ... واختي...واختي

محمد ابراهيم

رجل الاقتصاد الاول باخوية .. اول شخص تعرفت عليه باخوية ..

Government

رفيق الدبكه هاد

صياد الطيور

اخي مازن ... الله يوفقو .. هوي وعيلتو ...ابو حيدر الغالي

رجل من ورق

لو ما هالستين الف عله بس

the morning

لو بيسألوني كيف بتمنا تكون اختي بقلهن متل شوش ..

handsome

الله يبسطو اكتر ما هوي مبسوط ... بس لو ما بيشجع المانيا ..

LiOnHeArT

نهفه هالشب .. حباب ومهضوم ...وعم يعطيني تواصي هالايام كتير

yamen_h

يموني .. يمون متل اخي الصغير .. طيب القلب لابعد الدرجات..بس الحظ مكس معو هالايام ...ولا يهمك يا يامن الا ما تفرج بيجي يوم وبتنفرج...ومدمن نسكافيه ماي كب

suryoyo

محترم جدا جدا جدا جدا ...

بنفسجة :

لموشه بنت العم ...رب الكفونه

M.E.e.R.O

ميرو الصغير بيضل مبسوط ويضحك..شفتو بسوريا .. القعده معو بضحكك غصب عن .. خليك هيييك

BL@CK

كان شي وصار شي .. تغير 180%

MadMax

ابن العم ..من فتره صار سوء تفاهم ..عمل كم تصرف ما حبيتون ...هالايام عقلان ..رجع تذكر اني بنت عمو الغاليه

أمرأة من ورق

مشتاقين لوجودك معنا كتير

Roaa

رورو يا رورو ..هالبنت ما فيي منها بنوب ... بنوب بنوب..كفو كتير وحبابه كتير .(المستشاره التجميليه لألي-بطالعلها روحها يا حرام )... الله يحميها بتستاهل كل خير.

مايا*

رايقه جدا ...بتنحسد

fofo besset syria

قطعة من قلبي هيي بتعرف تماما

Abu Guzef

بداية كان عضو متعب كتير... بس هلا اكتشفت .. انو شب رايق وحباب كتير .. وكان مخبيي مواهب عظيمية..محترم جدا علاء ...الله يوفقو..

الموسيقار,

ابن العم الغالي كتييير ...الي بيقلبو بدو يقولو ولو ع قطع رقبتو ..كبيييير

ظل جيفارا

وعدتو بشغله وما صحلي جبلو اياها .. خجلانه منو كتير كتير

Raw

بعد ما اتزوج غطسسس...الله يهنيهون

طفوله

احيانا ما بفهم عليها شو بدها .. حساسه كتير

يمان

الله يحميه ويرد عنو .. اهم شي انو شاطر بدراستو ..كنت نصحتو قبل لا يجي عالاردن ما رد عليي..ليكو عم ياكل اصابيعو ندامه ..

MaTyA

بنت العم الغاليه .. بتذكرني باختي ..بحس مستقبل اختي متل ماتيا

Sandra

الله يصلحك

zen

يا لطيف قديش آكل تعصيبات مني

AHMAD

للاسف..عم اتفاجئ فيه

اللامنتمي

حتى الحزن عندو الو طعم تاني عندو ...الله يحميه

قرصان الادرياتيك :

طول عمرو بيصلح أخطاء للعالم ....بس شفيت غليلي ..وصلحتلو خطأ و أخيرا

boy friend

لو يلتفت لدروسو بس.. ع كل الاحوال مهددتو تهديد لا رجعة فيه ..شب بيجنن..وصغنوط بيسلي وحباب

marwa hanna

بحترما جدا ..وبعزها كتير ..

ooopss

دموش .. لما ما بتناقر انا واياها بحس شي ناقص ..مشتاقتلها

YaSer

محترم كتير ..التعامل معو سهل ومريح

شوط يا قمر :

حامي حمى حمص الأبيه ..يعيش يعيش

viva syria

فيفا العضو باخوية ... لئيم وما بيسكت لحد ردودو استفزازيه احيانا بيكون متقصدها ..مواضيعو حلوة...لو بيرجع يكتب بالمنبر صار لازم يرجع...
الشخص خارج اخوية .. مختلف وكتير ... اب واخ وصديق ورفيق وحبيب وكتف وكيف ما التفت بلاقيه ... حنون كتير

Abu William

شب محترم كتير وكفوو

Abu ToNi

غابي ...صرح من صروح اخوية ...كان عندو موضوع اغاني لبنانيه محد كان معبرو غيري وقتها ...بحترمو جدا لغابي جدا جدا جدا ...!

[Reemi]

رمرش رمرش رمرش استلمي

عمرك؟

22

مهنتك؟

بشتغل بمنظمة لحقوق المرأه..وتغيير مفهوم العنف بالمجتمع

حالتك الاجتماعية؟

مرتبطه

بتدخن؟

لا بس بأركل..

بتشرب؟

اي .. عالغدا ع سهره بشي مناسبه ...

ازا اي من ايمت

من زمان

واديش؟

حسب القعده والسهره

انت ليش هيك؟؟؟

ما عم اقدر كون منيحه اكتر من هيك

شو اكتر غنية بتحبا؟؟ وليش؟؟؟

اغنية اصاله ...يا واقف عهالبوابه ناطر الكذابه ..شمتو فينا كل العالم شمتو فينا صحابي..كل يوم بتقول اليوم رح توفي بوعدا اليوم ..

مين مطربك المفضل؟؟

فيروز

.شو المواضيع اللي تقراها بالمنتدى

بقرا كل المواضيع تقريباً

شو الصفات اللي بتكرهها بالانسان

الكذب والبخل

والصفات اللي بتحبها

الوفاء

شو حكمتك بالحياة

ما فيي حكمه معينه ..

شو هيي صفات امراة احلامك

ما عندي حلم بمرا للصراحه يعني

بس فارس الاحلام : صرت ملاقيتو .. وما خرج اقعد قلك الصفات ..بخاف من العين

اذا ربحت مليون دولار, شو بتعمل فيها؟؟

بشيل مبلغ بتبرع فيه ..والباقي بصرفهن

انت سعيد بحياتك وليش

اي ..لاكتر من سبب.

.اذا فشلت بتحقيق حلمك شو رح تكون ردت فعلك؟

بضل حاول لاوصل

وشو هي اكتر مادة بتكرها و كمان ليش؟

الرياضيات

هل بتامن بالابراج ؟ و علل جوابك

اكيد ما بأمن ..بس بحب اقراهن للتسالي

هل بتامن بالقدر؟ علل جوابك

بنجبر احيانا

هل بتامن بالسحر و المشعوذين؟ علل جوابك

اكيد لا..استخفاف بعقول البشر

عرفلي البيروقراطية والديكتاتورية

البيروقراطية هي مفهوم يستخدم في علم الاجتماع والعلوم السياسية يشير إلى تطبيق القوانين بالقوة في المجتمعات المنظمة. وتعتمد هذه الانظمة على الاجراءات الموحدة وتوزيع المسؤوليات بطريقة هرمية والعلاقات الشخصية. وهنالك العديد من الامثلة على البيروقراطية المستخدمة يومياً: الحكومات، القوات المسلحة، الشركات، المستشفيات، المحاكم، والمدارس. يعود اصل كلمة البيروقراطية Bureaucracy إلى كلمة مكتب bureau المستخدمة في بداية القرن الثامن عشر ليس للتعبير عن كلمة مكتب للكتابة فقط بل للتعبير عن الشركة، واماكن العمل. و كلمة cracy وهي مشتقه من الأصل الإغريقي Kratia ومعناها The Strong أي القوه والكلمة في مجموعها تعني قوه المكتب أو سلطه المكتب... من ويكيبيديا طبعاً.


أما الديكتاتورية: بتعريف بسيط هي مشكلة أنظمة الحكم بعالمنا العربي...

شو اكتر شي بيعصبك؟

حد يناديلي اكتر من مره وكون سمعانتو من المره الاولى

شو اكتر شي بيفرحك؟

شوف اختي مبسوطه

شو رايك بقضية الشرق الاوسط؟

قضيه عويصه .. وبعمرها ما رح تنحل .. طول ما حكامنا عم يفكرو بهالطريقة

شلون تعرفت على أخوية ..؟

google

شو هدفك بالحياة ...؟

شغل منيح .. كمل دراستي .. وبيت دافي

كم اخ و اخت عندك؟

بس وحده

مين من اخواتك هوي المفضل عندك وليش؟

هيي نفسا باعتبار مافي غيرها

شو هوي فيلمك المفضل وليش؟

ما عم اتذكر فيلم محدد هلاء

مين ممثلك المفضل وليش؟

ريتشارد غير... تمثيله رائع ..بيلبس الدور لبس ...وانو هيك هيبه يعني..وشعراتو الشايبيين

شو اكتر شي بتحبو بالحياة وليش؟

الحياة بحد ذاتها متعه

شو أكتر معادلة كيمياء حفظتها بحياتك؟

شو أحلى قصيدة مرقت معك؟

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شو درس العلوم المفضل يلي حفظتو؟

دورة حياة الماء ...

شو حدود سوريا الجغرافية؟

القرداحه

شو طبيعة لبسك : سبور -فنكي -رسمي ؟

سبور...

شو اكتر موقف محرج صار معك؟

سألوني فوق وما تذكرت ..

بتعتبر حالك ن الناس ياللي بيحكو كتير؟

لا ..

شو اكتر اسم بتحب للشب وللبنت؟

للشب بحب اسم أوس ..
وللبنت بحب اسم ندى -بس ما بتخيل سمي بنتي ندى -

مين قضوتك بالحياة ؟

مافي حد معين ..بس الى حد ما أمي

شو رأيك بالطفولة و الولاد ؟

حلوين..بس لا ينجلقو ..

مين أعز شخص على قلبك و ليش ؟

أمي ..

إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟

بشبك ايديهن ببعض وبطالعهن..وبزت حالي..

شو أحلا أيام حياتك؟

صف العاشر ..وايام الجامعه..وراس السنه الماضي

شو الحياه بالنسبه إليك؟

لعبة ... بدك مين يعرف يلعبها

شو بنظرك بياثر اكتر دموع الفرح أم بسمة الفرح؟

دموع الفرح

شوالشي الذي تتمنى أن يرجع؟

مافي شي معين

موقف صار لك ولا تقدر تنساه؟

ما عم اتذكر مواقف

شو أفضل لديك بمراحل النمو هل هو الطفوله ام المراهقه ام الشباب أم الشيب؟

الشباب

زيت المقلاية عم يحرقك شي؟

يعدمني فوفو انا

[hanny dagher]

كاتب النص الأصلي : Reemi

انت كمان رح قوم بواجبك لا تخاف

هادا الشي ايجابي او سلبي (سمايلي مبحلق ) قلتيلي مضيع جحشة خالتو مهيك اي شو علي وانا كنت مفكرك بتعرفيني منيح (سمايلي بوز )

[boy freind]

ريم لا تهربي من سؤالي

[Reemi]

اسم عضو او عضوة بيعجبك (الاسم المستعار):

hashtnasht

اسم عضو او عضوة بيعجبك(من الاسماء الحقيقة) من يللي بتعرفي اسماءهن:

ري مي

اسم عضو او عضوة بتكرهيه(اسم مستعار):

ما في

اسم عضو او عضوة بتكرهيه ( من الاسماء الحقيقية) من يللي بتعرفي اسماءهن:

ما فيي

بتشتغلي بالبيت؟بتشتغلي كتير ولا هيكي شوي ؟ فينا نعتبرك ست بيت مثلا ولا لاء؟..

بشتغل شوي .. بجلي الجليات ...واحيانا قليله بمسح الغبره ... وما فيكي تعتبريني ست بيت ... لاني اتكاليه ع امي .. بس لما امي بتسافر بمشي البيت عالليره

شو الشغلة يللي بتحبي تشتغليها ؟شو الشغلة يللي ما بتحبي تشتغليها؟

بحب اجلي (وقت بيكون جاي عبالي مو وقت امي بتنق)... وما بحب قطع بقدونس(هوي بعمري ما كتيتو يعني بس مجرد الفكره مزعجه)

شغلة بتتمني تتوليها وتشتغلي فيها:

عم اشتغل ما في داعي اتمنى

شغلة ما بطيقي ولا بتتخيلي نفسك عم تشتغليها بيوم من الايام الا اذا دعيتك الحاجة لهالشي

اني اشتغل نظف بيوت

[marioma alghzayala]

مرام ام شريك...ضيعانك

ليش ؟؟

[Reemi]

كاتب النص الأصلي : boy freind

حبك لفادي هو اول حب بحياتك ولا مقطعة السمكة و ديلها ؟؟

بس

لاء مانو اول حب ... بس اكيد ماني مقطعه السمكة وديلها ...

قدامك صفات.. بدي كل صفة تلائميها لعضو او عضوة..يعني هالصفة مين بتناسب من الاعضاء (برايك):

العصبية:

صياد الطيور

العند ( تناحة ):

Reemi

صفة الجاذبية ، يعني بيجذب ، بيلفت:

The Light

حباب او حبابة (بينحب يعني):

Matya

مميز او مميزة:

عنا كتير اعضاء مميزين

مثقف او مثقفة:

الحمد لله بأخوية كتار ..

مهضوم او مهضومة..خفيف دم يعني:

شوط يا قمر

محترم او محترمة:

yass

نقاق او نقاقة:

oopssبس بتجنن نقاقه بالمزح طبعا

جدي او جدية:

قرصان

هادئ او هادئة:

اللامنتمي

مشاغب او مشاغبة ، يعني اصحاب مشاكل بكل موضوع بيفوتوه:

whiterose

صادق او صادقة:

marioma

متواضع او متواضعة:

حنون او حنونة :

فيفا سيريا

صاحب هيبة او صاحبة هيبة - يعني بتحسي في رهبة وهيبة بوجودو او وجودها:

كريم الله يفك اسرو

[Reemi]

كاتب النص الأصلي : marioma alghzayala

ليش ؟؟

عم يقلك السؤال بدك تموتي شو بتحبي قلك ما ضيعانك يعني

[MaTyA]

كاتب النص الأصلي : Reemi

بنت العم الغاليه .. بتذكرني باختي ..بحس مستقبل اختي متل ماتيا

كاتب النص الأصلي : Reemi

حباب او حبابة (بينحب يعني):
Matya

حيااااااااتي انتي ..
بس يعني بهالحكيات الحلوين عني حسيت اني رح بخجل من حالي ادا بكملك اسئلة وقلي

فا قررت انو بس ادا اقتضى الامر وخف عنك القلي بسألك اما ادا كان عليك ضغط اسئلة فـ ما بسألك

كفو بنت العم؟