عودة المنتخب الانجليزي .. الى امم اوربا واخراج اسبانيا !!!!!!!

يمان Rooooonaldo · 09/04/2008

بعد أسابيع من الشد والجذب أعلن رئيس الاتحاد الدولي لكرة القدم السويسري جوزيف بلاتر عن تجميد عضوية الاتحاد الإسباني وحرمان منتخبه الأول من المشاركة في نهائيات كأس أمم أوروبا وتعويضه بالمنتخب الإنكليزي وذلك على بعد »60« يوماً من انطلاق البطولة..

وقال بلاتر شارحاً موقف الفيفا للصحفيين: »قمنا بتحذير الحكومة الإسبانية بشكل واضح بأن عليها التوقف عن التدخل في شؤون اتحاد الكرة، لكن تم تجاهل تحذيراتنا بشكل كامل، مالم يترك أمامنا من خيار سوى حرمان منتخب إسبانيا من المشاركة«.

وبرر بلاتر اختيار المنتخب الإنكليزي بدلاً من منتخب إيرلندا الشمالية الذي حل ثالثاً في المجموعة السادسة خلف إسبانيا والسويد اعتماداً على التصنيف العالمي الذي يضع إنكلترا قبل إيرلندا الشمالية.. وقال: »المجتمع الكروي يرحب بتشكيلة المدرب فابيو كابيللو ونأمل أن يستثمر منتخب إنكلترا هذه الفرصة الثانية«..

بقي أن نشير إلى أن الخبر السابق نشرته إحدى الصحف البريطانية يوم الثلاثاء الفائت بمناسبة كذبة الأول من نيسان.

Viva Spain

بنفسجة · 10/04/2008

جد
وقفتلي قلبي يارجل
فكرت بجد عم تتدخل الحكومة الاسبانية بالقرارات تبعت الاتحاد
ييييييييييييي
كنت اكلت امقلب
ههههههههههههههه

صياد الطيور · 10/04/2008

بذمتي نهفة

yass · 10/04/2008

لا و الله مو نهفة... أو عالأقل هلأ انحلت جزئيا بس ما كانت نهفة... د

السافل هاد بلاتر رفيق رئيس الاتحاد الاسباني لكرة القدم (انخيل ماريا بيجار) .. و اللي صار هو انو كان في قرار وزاري بانو كل الاتحادات الرياضية اللي فرقها ما تأهلت لألعاب بكين لازم تعمل انتخابات رئاسية خلال الربع الأول من السنة.. و هاي حالة اتحاد كرة القدم لأنو الفريق الأولمبي ما تأهل لألعاب بكين... فكان لازم ينفذو القرار الوزاري كون الاتحاد تابع للوزارة...

هاد انخيل ماريا بيجار واحد واطي حقو فرنكين... موجود لأنو في تبادل مصالح بينو و بين رؤوساء فرق الدرجة الأولى.. هو يغض نظر عن تجاوزاتهم أحيانا مقابل يدعموه بأصواتهم بالمؤتمر تبع الاتحاد... فهو عمل مؤتمر للاتحاد و طلع معهون انو ما بدهون يعملو انتخابات, و بهالطريقة عم يخالفو الأمر الوزاري الصادر من قبل ست شهور... فلما حاولت الوزارة تطبق القرار و تجبر قضائيا على تنفيذ القانون اجا بلاتر يهدد انو اذا أجبرو اتحاد الكرة يعمل انتخابات هو راح يطالع الفرق الاسبانية من كل البطولات الدولية و راح يطالع المنتخب... و للأسف الحكومة فاوضت.. مجبورة لأنو كان في انتخابات تشريعية+ وقت للمناورة ما كان في... و يبدو هلأ عطوهون مجال لشهر تشرين الأول لحتى يعملو انتخابات..

اللي عملو بلاتر هو تدخل بشؤون ادارية لدولة.. و ما راح يتسامح عليها بنوب, الحكومة الاسبانية ما راح تسكت لهالتحدي انما راح تأجل الأمور لبعد كأس الأمم.. و مو مستبعد يلجئو للمحكمة

تحية