معالجات Intel

[Spook]

رح احكي عن معالجات Intel وعن تصنيفاتا وعن مواصفاتا والفروقات بين المعالجات ، وانشالله تعجبكن هالمقالة وتفيد يلي بدون يشترو كمبيوتر جديد.
أولاً : تصنيف المعالجات بحسب السوكيت (يعني طريقة اتصال المعالج مع المازربورد أو المينبورد :
1- النوع القديم من السوكيت هو PGA 478 وهو النوع يلي نزل مع نزول المعالجات من نوع P4 (بينتيوم=P) ، وهادا النوع بلش يخلص من الأسواق لأنو Intel وقفت انتاجو.
2- النوع الجديد من السوكيت هو LGA 775 وهادا النوع استمر بالتعامل مع P4 والمعالجات يلي نزلت بعدو يلي هي Pentium D , Pentium Extreme Edition .

ثانياً : تصنيف المعالجات بحسب الأداء ( ورح اذكر بس المعالجات المتوفرة بالسوق مشان ما ضيعكن ) :
1- D = Dual Core ):Pentium D) وهادا آخر اختراع نزلتو Intel ، والمعالج بيحتوي فعلياً على نواتين للمعالجة يعني فينا نقول انو عبارة عن معالجين بقلب معالج واحد
2- Pentium 4 : وهو المعالج يلي منعرفو كلياتنا ومن أكتر المعالجات المتداولة بالسوق
3- Celeron D : وهو المعالج يلي مخصص للعمل المكتبي يعني شوية أوفيس على شوية انترنيت على شوية ألعاب خفيفة
4- Celeron : وهو الجيل السابق من Celeron D وأعتقد انو بلش يخلص من السوق كمان

أما بالنسبة للمعالج Pentium Extreme Edition فهو ما بيدخل بهالتصنيفات لانو مخصص للألعاب يعني ضايفينلو شوية ميزات الا علاقة بالألعاب و حقو واوا يعني للمرتاحين فقط و غير متوفر إلا عالطلب

المواصفات العامة للمعالجات :
1- السرعة : وهي الكل بيعرفا يعني سرعة المعالج وبس نقول انو المعالج سرعتو 3 G.Hz أو 3000 بالمقصود تقنيا انو قادر يعمل أو ينفذ 3000 مليون تعليمة بالثانية و طبعاً مو مقصود بالتعليمة فتح برنامج أو تشغيل لعبة أو أمر طباعة ، التعليمة هي شغلة معقدة ليلي ما بيعرف بالهاردوير مشان هيك ما رح نحكي عنا لأنو المقال موجه للعامة مو للمختصين.
2- الذاكرة : للمعالج أكتر من ذاكرة (Level 1 , Level 2, Level 3) ونحن هون مهتمين ب L2 بس ، وهي الذاكرة هي يلي منقول عنا بالبدل " الكاش " تبع المعالج ، و منسمع بقولو ربع كاش ونص كاش و فوول كاش وهلا صار يقولو دبل كاش و طبعاً هي كلها مصطلحات سوقية شغل بياعين البحصة و خلافو من مجموعة الجهلة يلي عم يشتغلو بالكمبيوترت وبالشعب كمان ، على كل حال ربع كاش يعني 128 K.B ، و نص كاش يعني 256 K.B ، و فوول كاش يعني 512 K.B ، وهي قصص قديمة بس لما نزل ال 1024 K.B أو 1 M.B شو بدون يعطو اسم جديد وهنن وصلو لل فوول كاش ؟؟؟ بس ولا يهمكن شعبنا عندو حلول لكلشي وقادر انو يفتل ادن الجرة وين ما بدو بس المهم ما يطلعو حالن بالخجلة وطبعا لاقو اسم جديد لل 1 M.B يلي هو دبل كاش يعني دبل الفوول ، والله شي بجنن من وين بيخترعوا كل هالألقاب ، بس انا ناطر لشوف شو بدون يسمو الكاش الجديد يلي هو 2 M.B ، اكيد رح يسمو دبل دبل كاش ، الله يستر
والكاش طبعاً كل ما كبر كلما كان أحسن وبشكل طبيعي Intel عم تكبر الكاش لكل معالجاتها .
3- الناقل أو ال Bus : وهادا بعبر عن سرعة الاتصال بين المعالج و البورد ، والسرعات المتوفرة هي : 400 ، 533 ، 800 ، و قريباً ال Bus الجديد 1066 .
وهون بدي قلكن ملاحظة انو السرعة وال Bus هنن شغلتين متلازمتين لأانو الحقيقة السرعة بتنتج عن ال Bus بعد ضربو (يعني عملية الضرب الحسابية) بشي اسمو معامل الضرب ، صحي هي شغلة تقنية بس حبيت اذكرا .
4- طريقة المعالجة : كمان شغلة معقدة رح اكتفي اني خبركن انو في حالياً نوعين 32 Bit و 64 Bit وطبعا الرقم الأكبر هو الأحسن

من المواصفات الخاصة للمعالجات :
Hyper-Threading Technology (HT Technology) :
هي من الميزات الجديدة بمعالجات Intel ، بس مو كتير جديدة ، المهم انو المعالج بنفذ تعليمة وحدة فقط كل تكة من تكاة سرعتو ( بالمثال يلي فوق كانت التكات 3000 مليون تكة ) اما مع وجود ميزة HT صار المعالج قادر انو ينفذ تقريباً كل تعليمتن سوى بس مو فعلياً (رح نحكي بعد شوي عن فعلياً ) وأكيد المعالجات يلي فيا ميزة HT الأداء تبعا أحسن من يلي ما فيا هالميزة.

طبعاً في لسا كتير مواصفات إضافية بس الحقيقة انها تقنية بحتة ما رح نحكي شي عنا

وفي فلاش مهم كتير ولازم تشوفو بس ما بقدر حملو هون لانو أكبر من 1 M بس فوتو على هادا اللينك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واكبسو على الصورة المرفقة ورح تلاقوا أول شي عاليمين

وانا جاهز اذا في عندكون استفسارات

[فلاش باك]

الله يعطيك العافية يعني أنا موكتير خبير بهالشي بس يعني مشي حالي .
وياريت اذا في اي معلومات كمان حطلنا ياها هون .
وشكرا مرة تانية

[Spook]

كاتب النص الأصلي : فلاش باك

الله يعطيك العافية يعني أنا موكتير خبير بهالشي بس يعني مشي حالي .
وياريت اذا في اي معلومات كمان حطلنا ياها هون .
وشكرا مرة تانية

الله يعافيك و ما في شي محرز
اذا بدك معلومات عن شي معين او شي خاطر ببالك ابقى خبرني

[ملك الهكرز]

يسلم هالديات

بس انا بفضل معالجات AMD

[Spook]

كاتب النص الأصلي : ملك الهكرز

يسلم هالديات

بس انا بفضل معالجات AMD

المشكلة بمعالجات AMD هي سياسة التسويق يلي متبعتا

يعني بيكتبولك انو هادا المعالج بيعطي أداء متل معالج كذا عند Intel

وتاني شي الويب سايت تبعون يلي ما بفهمك شي وكلو مقارنات مع Intel

وتالت شي التقليد يعني Intel بتنزل تقنية بتقوم AMD بتقلدا و بنتزل نفس الميزة

انو يخترعولن شي ميزة و يكونوا السباقين شي مرة

ع كل يسلمو لردك وانا بحترم رأيك

واذا عنك تفاصيل ومعلومات عن معالجات AMD واذا بتقدر يا ريت تنزللنا ياها

[dimitri 2]

but AMD have many probleme because the hotTEMPÉRATURE
can damage the processeur in hot summer

[oaddah]

يسلموووووووووووووووووووووو


معالجات انتل هي الافضل

وبتلقى دعك

شكرا على الفائدة

[Reemi]

up up

[Reemi]

up up up
اقرو كرمال الي بتعبدوووووووووووووه

[كمبوترجي]

انا جربت 2 AMD وال intel بس لقيت انو AMD اقواااا بكتير
بفضلAMD وهلاء عندي كمبيوتري معالحو 3500 فئة اثلون ولوحتي MSI K8N diamond plus
والجهاز ولا احلى

[boy freind]

والله انا مقتنع انّو معالجات AMD احسن شي لأنو عندي الكومبيوتر معالجو

AMD Athlon x2 64 bit 4000 mghz مع لوحة MSI K9N NEO وبعتبر جهازي احسن جهاز بالسوق طبعا مع

الاخذ بعين الاعتبار الاسعار يعني بالاضافة للسابقين ومع رامات واحد جيجا و كرت شاشة

512 MG وهارد 80 جبجا هيتاشي و مودم وكرت صوت و سواقة و كيس و هالملحقات و بفلات وكيبورد الخ......

وبس ب 20000 عشرين ألف

عن جد سعرو احلى منّو

[Reemi]

intel وبس