سنة 1982 وحافظ الأسد

[صياد الطيور]

1982: العام الصعب للأسد في سورية ولبنان

ثمة من يعتقد أن حافظ الأسد رجل محظوظ خدمته الظروف. وثمة من يعتقد أن الرجل سخر الظروف لخدمة نظامه، وامتلك ذكاء وحنكة في إدارة السياسة. وأنا من أصحاب الرأي الثاني. ودليلي عقد الثمانينات. فقد تجلت فيه مهارة الأسد السياسية في إدارة وحسم أزماته في سورية ولبنان، في ظروف كارثية كانت ضده. وعندما أعرض اليوم العلاقة السورية ـ اللبنانية في ذلك العقد الصعب، أترك للقارئ أن يقدر ما إذا كانت الظروف خدمت حافظ الأسد، أم أنه سخر الظروف لخدمته.
دخل الأسد عقد الثمانينات مثقلا بسلسلة أزمات. أخفقت محادثات الوحدة مع بعث العراق. فقد أعدم صدام رفاقه «الوحدويين» وأقال رئيسه البكر. ثم ورط جيشه وبلده والعرب في حرب مجنونة مع ايران. في الداخل، كان على الأسد أن يواجه إضراب النقابات الليبرالية المستقلة المطالبة بالديمقراطية، وإخفاق البيروقراطية المخابراتية في استئصال عنف الإخوان المسلمين المنهمكين منذ سنوات في اغتيال الأطر القاعدية في النظام.

تَمَّ الالتفاف على مطلب الديمقراطية بـ «تأميم» نقابات المحامين والأطباء والصيادلة والمهندسين. وكانت نقابة الصحافة قد أُلحقت بنقابة عمال الطباعة. واختفى الصحافي اللبناني سليم اللوزي، ثم ظهرت جثته في أحراش لبنان وقد سلخ جلد يده التي أمسك بها القلم مهاجما النظام في سورية. وفي باريس اغتيل صلاح البيطار أحد مؤسسين اثنين لحزب البعث. أدهشني البيطار آنذاك. فقد قدم نفسه مرشحا بديلا للنظام. كان يحدثني عن إمكانية تجميع «المعارضات» الأصولية واليسارية والليبرالية تحت مظلة عريضة! وراح يهاجم النظام في مجلته «الإحياء» بجرأة غير معروفة عنه. وأدهشني النظام أكثر. فقد بعث ببرقية تعزية حارة لزوجة رئيس الوزراء الأسبق.

لم يكد الأسد يعيد «ترتيب» أوضاع خصومه ومعارضيه، حتى فوجئ بكارثة في لبنان. فقد اجتاحت اسرائيل البلد (1982). انكفأت القوات السورية الى سهل البقاع عندما ارتكب شارون حماقة التقدم نحو بيروت، وفي حسابه أنه يستطيع أن يحل محل سورية في لبنان اعتمادا على حلفائه المسيحيين. نجح شارون في احتلال بيروت و«تسفير» عرفات الى تونس بحماية أميركية، وفرض بشير الجميل رئيسا للجمهورية. لكن تقدم القوات الاسرائيلية نحو البقاع عبر منفذه الغربي (راشيا وحاصبيا) اصطدم بدبابات تي 72 السورية التي أعطبت كتيبة دبابات ميركافا، وقيل ان الجنرال إحد باراك كان قائدها الذي مني بالهزيمة هناك.

لعل عام 1982 أصعب أيام الأسد في حياته السياسية العاصفة. أسند شارون الى «القوات اللبنانية» ـ جيش حزب الكتائب المليشياوي ـ فتح جبهة عسكرية ضد السوريين في البقاع انطلاقا من مدينة زحلة الكاثوليكية. في الوقت ذاته، تحرك الإخوان في سورية متناغمين مع مأزق الأسد في لبنان، ففتحوا جبهة عسكرية ضده انطلاقا من مدينة حماه.

«من يعد العصي ليس كمن يأكلها». الصحافي أو المراقب السياسي الذي يعد العصي أقل توترا وأطول عمرا من السياسي الذي يُجلد بها. الصحافي يراقب. السياسي عليه أن يقرر. وفي كل قرار كبير احتمال نجاح أو احتمال خطأ كفيل بتقويض حياته. التوتر المستمر في حياة الأسد، وإلغاؤه السياسة واحتكار قرارها، وتحمل المسؤولية وحده... كل ذلك دمر باكرا صحة وجسد طيار قوي البنية.

لم تتحمل صحة الأسد عام الكوارث والأزمات. انهار تحت وطأة أمراض السياسة. دخل في غيبوبة. عندما أفاق في صحوة غير متوقعة، واجه كارثة في عقر داره وعاصمته. كانت وطأة الهمِّ برفعت شقيقه الأصغر المشاغب في كفة، والهمِّ بالاخوان وشارون وبيغن و«القوات» في كفة! «اللهم احمني من أشقائي وأنصاري. أما أعدائي فأنا كفيل بهم». كان رفعت الذي استبطأ صحوة شقيقه قد استنفر مليشياه العسكرية سيئة السمعة (سرايا الدفاع) وحشدها في دمشق، واستعد للوراثة معلنا نفسه «قائد المسيرة». كان على «قائد المسيرة» الأصلي أن يفك حصار شقيقه، ثم ينفيه إلى روسيا مع خصومه العسكريين الذين ضربوا بقواتهم طوقا لحصار «سراياه» في العاصمة المهددة بالدمار.

بين كل صحوة وإغماءة، تعامل الأسد بحذر مع خطر الانقسام داخل نظامه. كيف ضمن الأسد لنفسه استرداد زمام المبادرة؟! انه فن إدارة السياسة بصبر وباستغلال التناقضات والثغرات والأخطاء في معسكر الخصوم والأعداء والحلفاء على حد سواء. صبر عبد الناصر على صديقه ومشيره الانكشاري عامر، ولم يتمكن من الحسم معه إلا بعد الهزيمة المرة أمام اسرائيل. الأسد حسم سريعا مع شقيقه ومع الاخوان، ثم استدار للحسم مع اسرائيل وحلفائها في لبنان. مشكلة الأسد انه لم يكن كناصر يؤمن بالإعلام. لم يكن الأسد يملك «هيكل» الذي يفلسف سياسته ويعرِّف الشارع بها وبأحداثها. بقي السوريون واللبنانيون الى اليوم لا يعرفون شيئا عن انتصارات الأسد وهزائمه.

أعرف اني أسبب حرجا للإخوان وغيظا وغضبا لدى الحمويين عندما ألتزم أمانة التحليل السياسي النزيه، فأربط مجزرة حماه الكارثية بظرفها السياسي، وبسياقها التاريخي ومضمونها الاجتماعي. بادر الإخوان الى ذبح البعثيين والإداريين مع أسرهم في المدينة، عندما ارتكبوا حماقة الاعتصام بها، مراهنين على العصيان المدني الذي لم يحدث في سورية، وعلى دبابات صدام التي لم تأت عبر الصحراء كما وعد.

كان الانتقام أشد قسوة وهولا. انتهز النظام فرصة لا تعوض لاستئصال الاخوان بضربة واحدة، عندما تحولوا من شبح صعب الإمساك به الى قاعدة محاصرة. لكن استئصال أهل المدينة مع استئصال الإخوان الذين تسببوا بكارثتها، لا يمكن منطقيا وانسانيا الدفاع عنه. الدولة، أية دولة، عليها أن تكون حامية أرحم بمواطنيها ومدنييها، فلا تعاملهم معاملتها للخارجين عليها.

باختصار، مأساة حماه محصلة طبيعية لتاريخ من الحقد الاجتماعي المتبادل بين مدينة إقطاعية محافظة وريفها الفلاحي الذي أصبح حاكما متحكما. الظرف السياسي عجل بالاستئصال الذي لا يرحم. فقد كان النظام يخوض في لبنان معركة زحلة ضد الاسرائيليين ووكلائهم المحليين. لم تقم قيامة للإخوان بعد معركة حماه. أخيرا، استوعب الاخوان السوريون الدرس الذي لقنه ناصر للإخوان المصريين: الاغتيال السياسي لا يقلب نظاما، ولا يوصل إرهابا الى السلطة.

في استخفافه بقيمة الإعلام، لم يفتح النظام فمه الرسمي بكلمة واحدة عن معركة حماه الى الآن. لم يعرف الأسد الراحل كيف يربط أمام السوريين بينها وبين معركة سورية مع شارون وبيغن وجعجع وصدام في لبنان. لهذا، أعتقد أن كارثة حماه بقيت في مقدمة الأسباب التي تعرقل مسيرة الديمقراطية في سورية، وتحول دون الانفتاح خشية من الثأر والمحاسبة على ماض غارق في الدماء.

لولا حرب استئصال الإخوان في حماه، لما نجحت حرب الاستنزاف ضد اسرائيل وأميركا في لبنان! لست أنا الذي أقول ذلك. انه فن إدارة السياسة الذي أجاز الحسم السريع في حماه، للاستدارة نحو الحسم المشروع مع الاحتلال الاسرائيلي والإنزال الاميركي في لبنان.


منقول
__________________

[krimbow]

مرحبا اخواتي

اول شي بدي اتشكرك صياد ع الموضوع الجميل

بس انا مو مع كاتب الموضوع بعدة نقاط

ما بعرف كيف بدي بلش

طيب

الكاتب ركز ع 4 امور ...
1 الحرب اللبنانية يللي اختزلها حافظ و عملها حرب شخصية
2 الصراع السوري العراقي
3 الصراع مع الاخوان المسلمين
4 الصراع العربي الاسرائيلي... او بالاحرى ... استغلال الصراع "الفلسطينين " الاسرائيلي

و بشكل عام الكاتب ركز ع موضوع "فطنة " حافظ الاسد و قدرتو على التعامل مع الامور


نفطة مهمة كتير هيي انو نجاح اي سياسة بيعتمد مباشرة على تحقيق هالسياسة لاهدافها >>مع<< البقاء على نفس خط تحقيق الاهداف العامة او الاستراتيجية
مثال:
اذا انا بحب صبية و هدفي الاسمى او الاستراتيجي انو كون معها عيلة و عيشها حياة كريمة
و فجأة بعاني من مشكلة بشغلي
اذا حليت المشكلة بزواج مصلحة من صبية غنية لحتى ابوها يمدني بالمال بكون "نجحت " بالحفاظ على شغلي
بس اكيد بكون "فشلت " باني اتجوز الصبية يللي بحبا يللي هيي اهم شي بهدفي "الاسمى "

و كشخص عقلاني لازم قيس الامور بناءا على نتائجها

حافظ الاسد صح قدر يخللي الجيش الاسرائيلي بجنوب لبنان
و بعكس ما صور الكاتب قدر كمان يطرد ياسر عرفات من لبنان و هون التقت المصلحة السورية بالاسرائيلية بس كان المتضرر الاكبر من بقاء عرفات هوي حافظ مو اسرائيل

بس على حساب شو؟؟؟
اول شي على حساب القوى الوطنية اللبنانية متل الحزب السوري القومي و الحزب الشيوعي و الحزب الاشتراكي
يعني دمرهم و تحالف مع "حبيقة" مثلا
و قوى نفوذ "حزب الله" بالوقت يللي عم يحارب فيه " الاخوان المسلمين" ضارب بعرض الحائط كل شي اسمو علمانية نادى فيها حزب البعث
للعلم فقط ... القوى الوطنية اللبنانية هيي يللي اطلقت شرارة المقاومة الاولى ببيروت بحادثة الويمبي الشهيرة يللي عملها الحزب السوري القومي يللي متهم لليوم باغتيال بشير الجميل
و كمان هيي يلي طردت قوات المارينز يللي تصدالهم بكل بسالة عناصر الحزب الشيوعي اللبناني بداية و بعدين كل القوى الوطنية
و كل شي بتسمعو من شهداء ابطال ... هزوا الكيان الاسرائيلي متل سناء محيدلي و ابتسام حرب و خالد الازرق ( الصيدناوي السوري) و محمد سليم و كمال خير بك ... الخ كلهم بيتبعوا لهالقوى يللي هيي بالفعل ... وطنية، او على الاقل كانت بهديك الفترة وطنية و مخلصة لبلادها و قضاياها اكتر من غيفارا و حطيت غيفارا بجيبتها الصغيرة

بس هي القوى كانت لا تقبل الخيانة و لا تفضل اي مصلحة فوق مصلحة بلادها
مشان هيك عمل حافظ على تصفيتها و تدمير تنظيماتها من الداخل، خادم اسرائيل اكبر خدمة ممكنة

المهم حبيب مالنا بالطويل
النتايج هيي يلي مهمة
القوى الوطنية مهمشة و فيك تقول ضل منها شبحها فقط
كل القوى يلي وصفها نظام البعث بالخيانة بيوم من الايام هيي هلأ حلفاء النظام السوري متل حركة امل و حبيقة و شمعون و ... الخ
كل القوى يللي حاربها حافظ ... من كتائب لقوات لجيش لبنان الجنوبي لعونيين لجنبلاط ليللي بدك من ما هب و دب من كلاب و مجرمين و لصوص ... بعدهم موجودين و فاعلين بقوة ع الساحة اللبنانية

بدك تقلي لبنان موحد و ما تقسم... اول شي ما بعرف قديش هالهدف كان بيهم حافظ
تاني شي بدي قلك انو انت ما بتعرف شي بلبنان
مرة وحدة نزلت ع لبنان بسيارتي هديك السنة ... غلطت و ضعت و بدل ما انزل ع المطار فتت بطريق لقيت حالي صرت بالضاحية الجنوبية ( منطقة مسيطرين عليها الشيعة) حسيت حالي كأني انتقلت بآلة الزمن من باريس لطهران بلد تاني غير لبنان يللي بعرفو و بحبو
كل منطقة بلبنان هيي دولة مستقلة بزاتها

يتبع...

[krimbow]

عودة ....

بقصد بكلامي انو اهداف حافظ بلبنان ما تحققت على الاطلاق
وقف اطلاق النار ؟؟؟ تحقق
بس على حساب كرامة الشعب اللبناني ... على حساب انو يصير حزب الله الديني هوي القوة الرئيسية يللي الكل بيخشاها بلبنان
مسخرة عن جد لما نشوف حزب علماني متل البعث متحالف مع حزب ديني طائفي للعضم متل حزب الله بنفس الوقت يللي عم يحارب الاخوان المسلمين

في قاعدة هامة جدا بالسياسة الدولية : اذا كان لا بد من الحرب عجل بها ، فخسارة حرب محتمة اليوم افضل بكثير من خسارتها غدا

بس حافظ نسي هالقاعدة الهامة
أجل كل حروبو بلبنان
و النتيجة ... انفجار الوضع باي لحظة و المتضرر الوحيد سوريا
الله يستر من الايام القادمة لأنو مصيبة اذا لجنة ميليس اثبتت تورط سوريا ...

اما عن المحور الاسرائيلي ...
كمان حافظ اجل كل حروبو معها ... و النتيجة متل ما منعرف ... جولان ما يزال محتل و ما بتصور في نية يرجع بهالعشر سنين الجايين

اهم و اخطر موقع استراتيجي محتل

و اذا بدنا نتوسع و نتداخل بالتحليل
لحتى حافظ يضمن توازنو مع صدام قام ساند الاكراد الانفصاليين و هيك بيكون عمل توازن مع صدام و الاخوان
بس النتيجة انو الازمة الكردية السورية اليوم ممكن تنفجر بأي لحظة متل ما صار من كم سنة
و بالتأكيد كانت النتيجة خسارتنا للواء اسكندرون لحتى نرضي الاتراك يللي انزعجوا يا حرام من لجوء اوجلان لسوريا.... تاني اهم منطقة استراتيجية بعد الجولان
شو ضل؟؟ الجزيرة؟؟ يا ترا ايمت رح يتنازل عنها النظام لحتى يضمن بقاؤو؟؟؟ و اللا قولكم تنازل عنها من زمان لشركات النفط الاميركية؟؟؟
طيب و بعد ما يتنازل عنها ؟؟ عن شو رح يتنازل؟؟

يتبع ....

[krimbow]

عودة ...
شفنا " عبقرية " حافظ بالتعامل مع اسرائيل
شفنا كيف بعدو الجولان " اسرائيلي" و عم يتهود يوم ورا يوم

طبعا و بكل تأكيد خيار المقاومة بالجولان غير مطروح و اي شخص بيطرحو مصيرو المعتقل فورا
ليش ؟؟؟ لحتى يضمن النظام الاسدي بقاؤو

لازم نبكي ع اطلال البيت الابيض و نرثي الجولان بلكي الاميركان بيستعطفوا علينا بشي ضيعة او ضيعتين ...
لازم نبوس ايادي و رجلين المبعوثين الاوروبيين و الدوليين متل سولانا و رود لارسن ....

بس لا حدا يفكر او حتى يحلم انو نحرر ارضنا متل ما كل شعوب الارض حررت ارضها بكرامة

لأنو هاد بيمس صميم بقاء نظام حافظ الاسد

هي خلصنا من هالمحور

ضل المحور الاهم و الاخطر
الاخوان المسلمين

لحتى تكونوا بالصورة ... انا ضد الاخوان المسلمين ... و ضد كل حكم ثيوقراطي
و بعتبر انو اول ما تنحكم سوريا بحكم ثيوقراطي منكون دمرنا اخر ما تبقى من الحضارة السورية
سوريا لازم تبقى علمانية و الا على الدنيا السلام

يتبع... (و اسف ع الاطالة )

[krimbow]

لا يمكن بيوم من الايام انو نغفر للاخوان جريمة اغتيال الاستاذ العلامة العلوي الشهيد " محمد فاضل" يلي كان الضمير الوحيد الحي عند البعث ... و الرادع الحقيقي لحافظ الاسد و مافيات العلويين

بس الكاتب قال بكل صراحة و بكل وقاحة انو الصراع بين الاخوان و قيادات الجيش " العلوية " كان صراع طبقي
مشان هيك رح احكي بنفس الصراحة و الوقاحة

الصراع كان بين طبقة طول عمرها حاكمة و مسيطرة و كونت نظامها المعتدل و شفنا كيف تعاملت مع الحكم بسوريا متل الاتاسي و القدسي و الشيشكلي، وما في داعي انها تسرق لأنها اصلا غنية
و كان تعاملهم بمنتهى التسامح و ارتدعوا من الحركات يللي بتنادي بالحرية و الديمقراطية
و بين طبقة فقيرة معدمة بتنتمي للريف ... الريف يللي هوي بكل تأكيد اقل حضارة من المدينة و هاد الشي ما في داعي نخوض فيه
هي الطبقة فجأة وصلها حافظ الاسد لمراكز الحكم و اتخاذ القرار و "امرها " انو تغتني ع حساب اي شي
تسرق تنهب تسلب المهم تصير غنية
المهم تصير قاعدة قوية لحكمو

بعد ما كانت الطبقة العلوية عم تجاهد عن طريق العلم لتحسين مستواها حتى انها كانت تاني طبقة مثقفة بعد المسيحيين
بعد ما كان صلاح جديد عم يهيئ هالطبقة بالثقافة
بعد ما كان كل يوم نسمع عن كاتب علوي مهم او باحث علوي على مستوى العالم
اجا حافظ و امرهم انو يسيطروا ع الاقتصاد باي شكل
بلا علم بلا بلوط
المصاري هيي تاني قوة بعد الكرسي
الكرسي بايد حافظ و المال لازم يكون بايدهم
حيد كل العائلات العلوية المثقفة و الواعية و القادرة انو تستلم المراكز بضمير متل آل خير بك و آل جديد و آل علي و آل مخلوف ( بغض النظر عن تجاوزات كم واحد من هالعائلة لكنها عائلة انتجت اعظم المفكرين و المبدعين السوريين و انظلمت كتير على يد الحكم الاسدي)
و قوا عيل زبالة متل آل فياض و آل ديب و آل اصلان و آل ... مو معروفة قرعة ابوهم منوين ( مع احترامي للشرفاء من هالعيل)

نقطة نظام مهمة ...
العلاقات العائلية بسوريا متشعبة جدا ... مثلا آل الزعبي بحوران من اعرق العائلات فيها و اشرفها بس محمود الزعبي رئيس الحكومة السورية الاسبق كان بالدرك الاسفل من هالعيلة ... انتسب للبعث بهدف الوصول و تحقيق غاياتو الشخصية ... بعدين صار يدير شوية " كازينوهات " تبع النوريات بالغوطة و من هالكازينوهات تعرف ع كم واحد حثالة وصوليين متلو و التقيت المصالح و صار يللي صار و وصل لاعلى درجات الحكم السوري ( يرحم مين قال اهل الاول فضلوا الاخلاق على العلم)


يعني باختصار الصراع كان بين طبقة مقهورة اجتماعيا مع طبقة سائدة يعني كان صراع حقد اجتماعي تاريخي
بس يللي بدي ذكر فيه انو هالطبقة " السائدة " ما كانت كلها سائدة
يعني اذا كان في كم واحد بيك و اللا باشا ... هدول كانوا بيوك و باشاوات حتى ع ابناء طبقتهم
اما الانتقام الاسدي كان ع كل هالطبقة ... ع مدينة كاملة بشيوخها و اطفالها و نساءها

مجزرة حماه ... يللي صورا الكاتب على انها شر لا بد منه .... جريمة بحق الانسانية
لا يمكن بيوم انو تغتفر و لازم يجي اليوم يللي يتحاكم فيه منفذيها
متل ما مجزرة العريش وصمة عار بتاريخ الثورة الفرنسية
متل ما محاكم التفتيش وصمة عار بجبين الكنيسة الكاتوليكية

كمان حماه وصمة عار بتارخ حافظ الغير مشرف على الاطلاق
لا يمكن انو التاريخ ينسا هالمجزرة و رح يبقى حافظ الاسد مطأطأ الجبين بسببها

بعتذر كمان مرة ع الاطالة و بعتذر ع الوقاحة يلي كتبت فيها

و دمتم

[صياد الطيور]

بغض النظر على النقاط الكتيرة الي بحطها على كلامك خي كريم ...بس هي وردة لثقافتك العظيمة

[Syria Man]

بس هي وردة لثقافتك العظيمة

وهي وردة مني كمان

[أبو النسيم]

لا أحب المشاركة في موضوع بتحدث عن الديكتاتور حافظ الأسد

بس على كل حال أذا كانت معلومات عامة بدون زعبره متل العادة
الله يعطيك العافية يا صياد

[صياد الطيور]

يمكن انت شايف انو الموضوع واقعي عم يحكي حقائق ... وحتى رد الأخ كريم كان كلو واقعية ألا موضوع العلويين ألي شطح فيه كتير

[krimbow]

اخي صياد

باختصار، مأساة حماه محصلة طبيعية لتاريخ من الحقد الاجتماعي المتبادل بين مدينة إقطاعية محافظة وريفها الفلاحي الذي أصبح حاكما متحكما. الظرف السياسي عجل بالاستئصال الذي لا يرحم.

هاد هوي المقطع يللي خلاني اتوسع بالموضوع او " اشطح فيه"

بتقدر تنكر انو علوية اللادقية " اعلى مرتبة " عند مراكز الحكم من علوية طرطوس ؟؟؟

بتقدر تنكر انو علوية طرطوس من اعظم المفكرين بسوريا ؟.؟؟؟ متل سعد الله ونوس و سليمان ابو دياب؟؟
بتقدر تنكر انو علوية اللادقية من اعظم المجرمين و قطاع الطرق بسوريا ؟؟؟ متل شيخ الجبل وهارون الاسد؟؟

بعرف الاستاز سليمان ابو دياب بشكل شخصي ... مع انو هوي سفيرنا باوكرانيا و كان سفيرنا بروسيا ... مع ذلك لا يملك اكتر من شقة بمساكن برزة
بينما شخص امي متل شيخ الجبل بيملك ... جبل

[أبو النسيم]

أنا بدي شارك بنقاش بس من باب أخر يا ريت ما حدى يفهمني غلط أو يفسر كلامي بطريقة مظلة
بنسبة لموضوع العلوية والحكم في سوريا

كلام أخي كريم كلام رائع وأصاب قلب الحقيقة هناك حقد دفين في نفوس البعض من الطائفة العلوية وهذا الحقد شرح عنه كريم بما فيه الكفاية

بس في نقطة لازم البعض يعرفها وهي منهجية العقل العلوي بتفكير الأسد

الناس يلي عم تأله حافظ الأسد (مو بس بلمنبر هون ) في ناس كتيرة بتعتقد أنو حافظ الأسد أنشاء الدولة العلوية في سوريا بعد ما عانو من قهر وضلم على يد الطائفة السنية بتحديد أن كان بحماة أو بشام وهذا القهر و الضلم مرفوض تماما ولاكن الظروف في تلك الحقبة حكمت بهذا

يعتبر حافظ الأسد وأخوانه هم الذين خلصو الطائفة العلوية من الضلم والبؤس الذي التعيش فيه وأن هذا البلد قد أصبح ملكن لهم ومن حقهم أن يحكموه بشتى أنواع القمع والقهر لباقي الطوائف كما أنقهرو وأنقمعو من قبل

وحافظ الأسد لعب على هذا الوتر لعبة صحيحة وقام بتسليمهم المناصب في الجيش والمؤسسات العمة وأطلق يدهم على الأخر يسرقو وينهبو وهذا بنظرهم حق شرعي لأن الدولة لهم ومن دون حسيب ولا رقيب

طبعا الكلام لا يشمل الطائفة العلوية كلها هناك ناس أشراف
ولاكن اللعبة التي لعبها حافظ الأسد ندفع ثمنها اليوم
من عدم أحترام لقانون ألى الفساد الذي أصبحنا وبلا فخر من الدول الأولى بلعالم
كل هذا بسبب السياسية الطائفية التي أتبعها حافظ الأسد

وشكرا

[صياد الطيور]

خليني رد عليك يا كريم ويا أبو النسيم رغم انو كل هافترة كنت عم حاول ما فوت بهالموضوع ...
الطائفة العلوية ... مين هية ؟
كتير من الناس بتجمل كل أهل الساحل بالطائفة العلوية ...رغم انو في بالساحل السوري أكتر من 20 طائفة ما بتشكل العلوية منها ألا أقل من ربع عدد السكان .
والشي الي ما بتعرفوه أنو العلوية من أفقر الشعوب بسوريا ,اذا كان في عدد من الضباط اتسفادو من مراكزهم فهادا مو معناه أنو كل الطائفة علوية أغياء أو حرمية متل ما ذكرتو ..
أنا ما بنكر أنو مافي مسؤولين فاسدين بالطائفة ...بس كمان كل الطوائف التانية ومن دون اشتثناء فيها هالفساد وبنسب أكبر ..
تعدد الطوائف بالساحل السوري سبب الكتير من المشاكل ...واهمها السمعة السئية الي جابوها لهل الطائفة بسبب بعض التصرفات الرعنة من بعض المسؤولين من باقي الطوائف ...وكلو تحت مسمى ( علوية )
طيب ..كل ما واحد حكا بالقاف وقال قرد صار من العلوية ؟؟؟ ما أهل الدير كلهم بيحكو بالقاف !!
وكتير من الشخصيات وحتى ما كانت تحكي بالقاف صارت تحكي حتى تسهل أمورها ... وكلو بسبب جهل المواطن ..وصارت تستغل اللهجة بس حتى تحقق أهافها البغيضة

بيت الأسد يا سيد كريم معروفين بأنهم من الأغنياء قبل ما يوصل حافظ الأسد للحكم ... شيخ الجبل الي عم تحكي عنو من أقذر الشخصيات أنا معك ..( وأنا بعرفو شخصياً )
بس هادا ما بيمحي بقية العائلة ..في منها المنيح وفي العاطل ..وهالشي بأي عائلة كانت ...
مو كل العلوية استفادو من علوية حافظ الأسد ولا حتى ربعهم ... على العكس ..كتير تمنو لو يستلم أي شخص تاني من غير طائفة ويحكم سورية ويعمل شوية مشاريع لألهم ...
حافظ الأسد ما عمل شي للطائفة العلوية بشكل خاص ...على العكس ...كانت أكتر محافظة مهمشة فنياً هية اللاذقية حتى ما يقول أنو عم يزبط مدينتو .. وبقيت المحافظة اكتر من 10 سنين بدون أي عمل عليه القيمة يفيد هالشعب ...
ضيعتنا الي فيها أكتر من مسؤول وأكتر من ضابط رفيع المستوى لهلأ ما فيها مياه الشركة ...منجيب المي بالصهريج ..لأنو مي الشركة بتوصل كل 3 أيام مرة ...
المناصب بسوريا ما كانت حكر على العلوية وخاصة بالوزارات ...
بس الجيش أي كان عماد الجيش هو من الطائفة العلوية ...بس ليش كتير من ضباط الجيش والمخابرات وعناصرها من الطائفة ؟؟؟؟
لأنو هادا أكبر دليل انها طائفة فقيرة ... انت لو معك الأموال والجاه والعز ..شو قي بيخليك تخدم بالجيش ...
جدي كان عندو 5 شباب ... وعندو قطعة أرض عاش من وراها ... كبروا ولادو ..شو بدهن يدرسوا .... مستواهم الدراسي ممتاز وفي منهم أكتر من ممتاز ... بس شو الحل ...مافي مجال يدرسو جامعة على حسابهم لأنو تكاليفها أكبر من أنو يتحملها جدي ..
اتجهوا للجيش والتطويع الي بيوفرعليهم مصاريف الخدمة الألزامية ..بيأمن مستقبلهم بأقل التكاليف الممكنة .. مصروفهم ماشي وهنن عم يدرسو ..بينما جدي مارح يقدر يدرسهم على حسابو ومارح يقدروا يعيشوا على حساب الأرض الصغيرة الي ربيو من وراها ..
فقرروا الإتجاه نحو الجيش والمخابرات ... واحد منهم نفد وقت طلع الأول على المحافظة بالبكالوريا وعطوه منحة أيام الأشتراكية وراح درس بهنغاريا هندسة وما رجع حتى خلص دراستو لأنو بدو يوف مصاريف الروحة والرجعة ..
ووالدي .. وهي أول مرة بدي أحكيها ..لؤاء ومن أفضل وأنضف ضباط الجيش ... ما خلانا ننحرف ونلحق السوق ..
وهي أنا درست الجامعة وتخرجت وعم اشتغل بالسعودية حتى كمل الخمس سنين وادفع البدل .. مع انو لو بيقصد والدي ولا عمي ولا خوالي ...كنت بخدم أروع خدمة ..بس لاهنن بيرضوا ولا أنا ..

آسف على الحديث عن الأمور الخاصة بس الشمولية مو حلوة وحبيت اعطي توضيح عن الفكرة الغلط المأخودة عن الطائفة بسبب بعض الأقليات السلبية ..
ما بحب جدي أكتر من محبتي لحافظ الأسد رغم أنوحافظ الأسد ما عملي شي ...على عكس ابن اخوه هارون ولا شيخ الجبل ولا حيدر الي استفد منهم كتير وفادوني كتير ...بس مافيي ألا أنو ألعن هيك شباب وادعو برحمتك يا حافظ الأسد ..لأنو برأيي كان حكيم وقائد تاريخي ..هادا رأيي وأنا ما عم افلاضوا على حدا ... ولا عم اشتم حدا ...وكل واحد بيحب وبيكره متل ما بدو ..
مع حبي وتحياتي للجميع وآسف مرة تانية على الإطالة ...ولتبقى سوريا حرة للأبد

[krimbow]

اول شي الله يوفقك و بتمنى لو كل ضباطنا متل والدك و عمومك

و تحية مني لأبوك شخصيا لأنو عم تقول انو لواء و انت عم تشتغل بالسعودية و هاد دليل على نظافة الكف

تاني شي
انا ما زكرت ابدا انو الطائفة العلوية طائفة غنية
و ما هاجمت الطائفة
اذا بتلاحظ ردودي كانت انو الطائفة العلوية من اكتر الطوائف ثقافة و اغلب فنانيننا منها

و ما ممكن انو ننسى الشهيد كمال خير بيك او الراحل العظيم سعدالله ونوس او النحات الاشهر الراحل سعيد مخلوف يللي انهضمت حقوقو لأنو رفض الانتساب لحزب البعث و ما آمن بفكر الحزب و ما باع ضميرو و بقي على مبادؤو
طبعا دولتنا الكريمة بقيادة حافظ الاسد هيي يللي همشت سعيد مخلوف و امثالو من المبدعين
لأنو ضلوا نضاف و ما توسخوا

بس في نقطة ...
عيلة الاسد ما كانت عيلة غنية ابدا ... و بتقدر تتأكد من هالشي من كتاب " حافظ الاسد الصراع على الشرق الاوسط " للكاتب باتريك سيل يللي استقى مصادر الكتاب من حافظ الاسد نفسو

[صياد الطيور]

على راسي خيي كريم ...
بالنسبة لكتاب باتريك سيل كان فيه العديد من الأغلاط أو المغالطات مابعرف ...
بس متل ما بعرف وضيعتي ما بتبعد اكتر من 7 كم عن القرداحة وهالحكي من القداما ومن الناس الي ما بيهمها لا حافظ الأسد ولا البعث ولا شي بالدنيا
أنو بيت الأسد كانوا من الأقطاعيين بالزمنات ....يعني من أصحاب الأملاك والنفوذ ...و هالشي الي خلا حافظ الأسد يصير من رؤوس القادة الطلابية ببداياتو بمدرسة جول جمال باللاذقية ... لو كان فقير ما كان فاضي لهل أمور والسياسة وماشابه ..

وبشكر تحياتك لوالدي وللأقرباء يا كبير ..