الجنسية اللبنانية للفلسطيني باتت ضرورة؟؟

[عماد خوري]

هناك من يطالب الحكومة اللبنانية بتوطين الفلسطينيين ,,,,ونسوا انو في قضية فلسطينية لازم كل العرب يتفقوا على متابعتها حتى النهاية ,توطينهم يعني طلب غير مباشر بانهم ينسوا وطنهم ويعيشوا تحت راية وطن آخر .....
من ناحية اخرى ,,,,صحيح ان الشعب الفلسطيني هو شعب مدتهض واظن كما انني متاكد ان الشعوب العربية كلها تطالب بقديتهم واللبنانيين اول المطالبين ولكن.........
على مدى سنوات طويلة مضت لقينا انو الشعب الفلسطيني المستضاف على الاراضي اللبنانية صار من اهل البيت ..المتل بيقول(قلنالو البيت بيتو ,سكر وحط المفتاح بجيبتو)صار بدن يعملو دويلة داخل الدولة ,وكل العرب بيعرفوا انو لبنان بلد متعدد الطوئفوما بيحمل نكوزه وللي في مكفي ,,,وصار بدن يحملو سلاح ويعملو حواجز امنية, وعلى قولت( اسكت ولا ويللا بطوخك)هي الحركات خلت الشعب البناني ينفر منهم ........(بوسطة عين الرمانة سبب كافي)....اذا بترجعو للحرب الاهلية اللبنانية.
انا مع القدية الفلسطينية حتى تحرير آخر شبر من فلسطين الحبيبة مسقط الانبياء, ارض الكنائس والجوامع كما اني ضد توطينهم في اي وطن غير وطنهم واتمنى لهم العودة باسرع وقت ممكن.......

[yass]

منظمة التحرير الفلسطينية تصرّفت بحماقة شديدة فعلا في لبنان و دفعت الثمن... هنا أنا معك.

و انا معك أيضا ضد توطين اللاجئين الفلسطينيين.. لكن... يا صديقي لماذا فقط تعطي خيارين أحلاهما مر و متناقضين.. اما توطين و تجنيس و اما ترحيل باسرع وقت؟ أعتقد ان وضع الفلسطينيين في لبنان سيء جدا.. و لسبب أجهله لا يتم الاستفادة منهم كيد عاملة و لا يسمح لهم بمزاولة 54 مهنة مختلفة (أحد معارفي لاجئ فلسطيني في لبنان منذ سنين طوال.. أي هو نفسه ولد في لبنان.. درس بمنحة من الآباء الفرنسيسكان بالثمانينات الطب في اسبانيا.. و يستطيع حسب شهادته العمل في أي دولة في العالم ما عدا لبنان..)

أعتقد انه من الواجب العمل على تحسين ظروف الحياة و الحقوق الأساسية للاجئين الفلسطينيين, و اعطائهم هامش حرية تصرّف بما يضمن تحسنهم الذاتي و مع تحسنهم الذاتي تستفيد لبنان كذلك

تحية

[باشق مجروح]

لو كان الوضع بلبنان مختلف . ما كنا منختلف على ضرورة توطين الفلسطينين.
لكن طبعاً لا أحد الآن يقبل بالتوطين.
بالنسبة للحلول طبعاً هناك حل وهو اعطاء الفلسطينين بطاقة لاجئ يتمتع من خلالها بحقوق دنيا مثل العمل في مؤسسات الدولة بنسبة محددة وحق تملك محدد أيضاً مع مراعاة العمل على مراقبة نشاطات والحيلولة دون تسليح بعض الجماعات هناك.
يعني من ناحية نتفادى التوطين ومن ناحية أخرى لا نعزز الظلم الممارس عليهم مما يدفعهم الى سلوك طريق التنظيمات المنحرفة.

[عماد خوري]

تكلمنا عن وضع اللاجيئن الفلسطينيين في لبنان ولا داع ان ننكر وضعهمم السيء في العيش..........
اود لو احد المشاركين يطلعني عن احوال اللاجئين الفلسطينيين في انحاء العالم العربي وخاصة في سورية....
الافضل كتابة نص مفصل عن الحقوق الحاصلين عليها في اي دولة اخرى غير لبنان...؟؟
سؤال من باب الاستفسار لا اكثر
ولكم جزيل الشكر.......

[yass]

بباقي الدول العربية ما بعرف... بس بسوريا اللاجئين الفلسطينيين و خصوصا ما قبل 67 يعيشون بما يخص الحقوق بما يتناسب مع حقوق المواطن السوري تقريبا... ما عدا أمور طفيفة لهم حق العمل و حق التملّك تماما كالمواطن السوري..

ما بعد الـ67 و بسبب الازدحام الهائل في مدينة دمشق و ضواحيها بهم (مع نازحي الجولان) فالكثير منهم يعيشون في مخيمات لكن وضعهم أفضل بكثير من وضع مخيمات لبنان بلا شك, و لهم حقوق أكثر بكثير

[باشق مجروح]

كما ذكر الأخ ياس فإن اللاجئين الفلسطينين وضعهم ينقسم الى مرحلتين:
المرحلة الأولى ( ما قبل النكسة ): جملة قرارات أوصلت اللاجئ الفلسطيني تقريباً الى مستوى المواطن السوري في الحقوق والواجبات ( ما عدا حق الانتخاب والترشيح الى البرلمان ) . وتسهيلات في اجراءات السفر واصدار وثائق السفر الخاصة بهم بالاضافة الى الحقوق المتعلقة بالتملك والتوظيف في مراكز مهمة في الدولة . وكان المواطن الفلسطيني في سوريا لا ينقصه الا الجنسية حتى يصبح مواطناً سورياً (تقريباً) كما استثنى احد القوانين الفلسطينيين من شرط الجنسية في طلب التوظيف مما حفظ لهم حقهم الكامل في الحصول على الوظيفة ومزاولة كثير من المهن.
المرحلة الثانية (بعد النكسة): نظراً للأعداد المتزايدة من اللاجئين والنازحين في سوريا اضطرت الدولة الى اعادة تنظيم واستصدار بعض القوانين المنظمة لوجود ومعاملةاللاجئين الفلسطينيين فحددت بعض الحقوق مثل حق التملك بشقة سكنية واحدة للمتزوجين ولا يحق له تملك اي شئ آخر مثل اراضي زراعية أو عقارات تجاريةوجدير بالذكر أن عدد كبير من اللاجئين بعد 67 حصل على وثائق من الأونروا الجهة المسؤولة عن تنظيم حياة اللاجئين في سوريا وبالتالي يعاملون معاملة الفئة الأولى اي تماماً كالمواطنين السوريين.
اما من لم يحصل على تلك الوثيقة فإنهم يعاملون معاملة الأجنبي المقيم اذا كانو من قطاع غزة . أو معاملة العربي المقيم اذا كانو من حملة الجوازات الأردنية.
وهناك عدد من اللاجئين وفدو الى سوريا لاحقاً من الأردن ومصر بعد مشاكل بين الفصائل الفلسطينية وحكومات تلك البلدان وهؤلاء يعتبر وضعهم الأصعب.
فالقسم الأول منهم حاصل على جوازات اردنية مؤقتة انتهى العمل فيها فـ لا يوجد قوانين واضحة لمعاملتهم و حريتهم محدودة جداً في السفر والتنقل ودخول العمل.
أما القسم الآخر حاصل على وثائق مصرية فيتطلب تجديد وثائقهم كل سنة في سوريا.

اذاً باختصار يشار لكل من دخل سوريا عام 48 بكلمة (( من هم في حكم السوريين )) حتى انهم يؤدون خدمة الزامية في جيش التحرير .. أما بعد فحاولت اني وضح بما سبق.
يحصل الفلسطينين على نسبة اعفاء ضريبي ومقاعد مجانية في الجامعات أيضاً وهم من اكثر اللاجئين تمسكاً بحق العودة ويرفضون التوطين.
يقدر عددهم بـ 450 ألف لاجئ.
بتمنى كون قدرت وصل الفكرة.

[أنصار الثورة]

لن أزيد عما قالوه الأخوة في المشاركات السابقة عن وضع اللاجئين في سورية وهو وضع ممتاز بالمقارنة مع بقية الدول

أما على صعيد لبنان

لا يريد الفلسطينيون هناك التوطين وإنما يطالبون بأن يعاملوا على أنهم بشر
فالحياة في المخيمات وخصوصاً عين الحلوة وبرج البراجنة والبرج الشمالي صعبة للغاية
والفلسطينيون وخصوصاً أصحاب الشهادات العلمية يعانون الأمرين ولا يستطيعون العمل بشهاداتهم

التوطين مرفوض ولكن الحياة الكريمة مطلوبة


أما بالنسبة لماضي الحرب الأهلية فهو ماض أليم للفلسطينيين واللبنانين على حد سواء
الكل تتضرر والكل تأذى

[صياد الطيور]

كاتب النص الأصلي : عماد خوري

شعب مدتهض واظن كما انني متاكد ان الشعوب العربية كلها تطالب بقديتهم واللبنانيين اول المطالبين ولكن.........
لبنان بلد متعدد الطوئفوما .

قلتي عم تحكي عربي ؟!

[Ahla rose]

لا يقبل أي انسان عاقل انو يعيش العيشة الي عم بعيشوها الفلسطينية في المخيمات بلبنان.

انو عنا بيقدر أي انسان يجي ع بلدنا و يستثمر في عقارات و بيوت و بنات و شباب و أطفال منفتحلو ايدينا و منزأف كمان من كل الي بيجو من البلاد العربية ولما تجي القصة للفلسطيني من قول stop و نحنا ضد التوطين...
انو ايه أكيد ضد التوطين لأنو التوطين بيعني انو عترفنا بدولة اسرائيل..بس كمان مش اذا نحنا ضد التوطين كمان ضد الأنسانية..
لازم انو الفلسطيني يعيش الحياة الطبيعية مثل أي لبناني لحتى يبطل في أي حقد أو نزاعات ويبطل في فقر عقلي في هذه المخيمات...
الجيش الأسرائلي فقط من يحاصر و يوجه السلاح ضد الفلسطنيين يعني؟؟؟؟ما بعرف شو بدي قول...

بالحرب الاهلية الي صارت بلبنان كانت درس لحتى نتعلم و ما نحقد و ما نعيد التجربة لا بلبنان ولا بالبلاد العربية الي عم نشوف شو عم بصير فيها بهيك حرب الكل بيطلع خسران.
لازم نوعى و نوعي الي ما بيعرف.......
كل الأنظمة و الحكام عم يختلفو مع بعض و بيتفقوا علينا حلنا نعرف...
تحياتي.