تبادل الاسرى بين (صدق الوعد) و (المكاسب)..

[المحارب العتيق]

كاتب النص الأصلي : بنفسجة

هلق كرمال المكاسب السياسية فيو الحزب كان من زمان ياخد مكاسب سياسية


ولو بدو يستفيد الحزب منها سياسيا كان استفاد من سابقاتها

لموش . بس ياريت تشرحيلي كيف كان فيه يستفاد . وما أستفاد . لأني فكرت بهالكلام ماقدرت حدد قصدو

[المحارب العتيق]

كاتب النص الأصلي : L.A.

أنا
و متل ما بتعرفوا و متل ما أكد السيد حسن إنو لو كان الحزب طامع بالسيطرة على الدولة....لقام بانقلاب بليلة وحدة -ما فيها ضو قمر- و رمى فريق السلطة بالبحر...يعني مسألة السيطرة و حكم البلد مرفوضة رغم سهولتها

.

أي هو الحزب قلبو كبير

[L.A.]

انت الكبير

[sameerzag]

كاتب النص الأصلي : VivaSyria

والله ياحبيب أنا يلي سمعتو مبارح و على لسان السيد تحديداً إنو هاد النصر لكل اللبنانيين.. بقا مابعرف اذا نحنا بدنا نكون ملكيين أكتر من الملك و نزراود حتى بهي..


أما بالنسبة لهي فما بعرف شو بدي إلك ياحبيب لأنو بعمري ما وصفت طرف بالتفاهه لأنو عندو رأي غير رأي أو لأنو مصالحو غير مصالحي.. فبتمنى منك انو نحترم كل الأطراف و تحديداً لما يكونو هالأطراف شوي حبايبنا و شوي "تافهيين".. لأنو ما منعرف بكرا شو بيصير مع "المحترمين" تبع اليوم و اذا بدك أمثلة عن الناس يلي نفيناهن من لبنان 13 سنة و رجعو صارو اليوم بنظرنا أشرف من عليها بعطيك.. و إذا بدك أمثلة عن يلي مبارح كانو أبطال و اليوم صارو خونة كمان بعطيك..

بالطبع الموضوع مش موضوع تخوين
ولكن الأكيد بأن الموالاة لا يحزنها تحرير أسراهم من سجون الاحتلال لأنهم بنهاية المطاف لبنانيون
ولكن
الدي لا يناسبهم بالموضوع هو الانتصار الدي حققته المقاومة بالتوصل الى صفقة من العيار الثقيل مع الاحتلال والرابح الأكبر فيها على غير العادة ليس الاحتلال هده المرة

أما بالنسبة للموضوع الاساسي :
فهده الصفقة هي انتصار للمقاومة وانتصار للبنان وأهل الأسرى
وهي وفاء بالوعد كما عودتنا المقاومة دائما

ومن الخطا الاعتقاد بان هده العملية تمت ليحصل الحزب على مكاسب سياسية واهداف حزبوية لأن المقاومة ليست بحاجة الى هدا , فوجودها على الارض ومواقفها الثابتة هي الداعم الحقيقي لها \ وبالنسبة للمكاسب السياسية فلقد احرزتها في الدوحة

[Bonita]

كاتب النص الأصلي : VivaSyria

مقدمة: أبارك هذا التحرير أولاً من منطلق إنساني.. و أتمنى أن يطلق سراح كل الأسرى أينما كانوا و مهما كانت إنتمائتهم من أسرى حرب أو أسرى رأي و حرية تعبير..

حتى نكون موضوعيين لابد لنا من الفصل بين حزب الله كحركة مقاومة وطنية في وجه إسرائيل و بين حزب الله الحركة "السياسية" و التي تمارس نشاطها على الأرض اللبنانية..

من الناحية الأولى فلا يوجد إنسان وطني على وجه الأرض من الممكن أن لا يعترف بحق الحزب بمقاومة إسرائيل و سعيه لتحرير أرضه و أسراه.. و وجب علينا جميعاً الإعتراف بصدقية و شرف هذه المقاومة من خلال مواجهاتها المتتالية مع إسرائيل و على كافة الصعد..

أما من الناحية الثانية فحزب الله كحركة "سياسية" داخلية وقع في المحظور عددة مرات و ذلك بسبب تحالفه الإستراتيجي مع الحكومتين السورية و الإيرانية و ذلك مع العلم أن جميع الأطراف في لبنان مرتبطه بمحاور إقليمية أو دولية.. حتى وصل الحزب إلى تدخله العسكري الأخير في بيروت مما أفقد الحزب بعض مصداقيته من ناحية موضوع عدم إستخدام سلاح الحزب في الداخل..

لكن للتاريخ و الحق و الضمير وجب عليي قول كلمة في حزب الله و بغض النظر عن التطورات الأخيرة على الصعيد الإقليمي و الداخلي اللبناني و التي أنا شخصياً من أشد المعارضين لها. ومع تحفظي الشديد على ارتباطه بالنظام السوري الحالي... وجب علي قول أن حزب الله كحركة مقاومة وطنية هي من أشرف المقاومات في التاريخ الحديث..

أشاركك الرأي و الأفكار,,,,,هنيئا لك بأفكارك النيرة,,,,,

[simsima57]

الوعد الصادق مرة تاني

سمير القنطار و البائين مبرووووووووووووووووك حريتكن

السيد حسن , الله ينصرك اكتر واكتر

[fernanda bachchan kfoury]

الله ينصر سماحة السيد حسن نصر الله

مبروك سمير قنطار وكل المفروج عليهن



حزب الله هم الغالبون

[Donald Duck]

احلى شي .. انو طول اليوم .. والاسرائيلين يلطموا ..

على هالسفقة .. خصوصا انو طلعوا الجنود اموات ..

احلى نصر لاحلى حزب الله .. وانشالله نسمع بكمان عمليات اسر جنود ..

بس الي حيرني انو اليوم كانوا المحللين الاسرائيلين ..

يقولوا كيف بقبل لبنان انو يستقبل مجرم قتل بنت عمرها 4 سنين .. !! " عار على لبنان " ..

يعني كأنة همي ما بقتلوا اطفال !!

[sydra]

مبروك للمقاومة ولكل الشعوب انتصار الحرية عن جديد ومع سيد متل سماحة السيد حسن نصرلله بيعترف العدو قبل الكل بمصداقيتو وكلمتو الصادقة ورجال متل رجال المقاومة ما بظن ابدا انو في مجال للتشكيك او التفكير وكل يوم حيكون يوم نصر جديد للكلمة والناس الاحرار

[اسبيرانزا]

شايفة الاحتفال باطلاق سراح الاسرى اللبنانيين الان ع قناة الجزيرة
برافو نصرالله بردت قلوبنا بعد حرب تموز