|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
07/07/2008
|
#128 | ||||||
|
عضو
-- مستشــــــــــار --
|
غابي
غريبة يمكن صير حبك 
*** لنصير مزبلة و بدون تاريخ ***
"محمد الماغوط " حطم سيفك , تناول فأسك , و اتبعني و ازرع السلام و المحبة في كبد الأرض "رسالة الرب بعل إلى شعبه السوري " عالوعد يا كمون أخوية ... أبو وليام على طول الدرب |
||||||
|
|
07/07/2008
|
#131 | ||||||||
|
عضو
-- مستشــــــــــار --
|
اقتباس:
 اقتباس:
|
||||||||
|
|
|
07/07/2008
|
#133 | ||||||
|
عضو
-- مستشــــــــــار --
|
ما اختلفنا علتان : ويا سيدي لا تقول لي ، كل الحق عليه فلان : بالله شو وليش كل الحق عليه عيني علتان : شلون ليش الحق عليه ؟! ما هوي اللي جاب رجلهن لهون فلان : لا مو هوي ، هنن بالأساس كانوا ناويين يجوا ، ان كان عن طريقه او عن طريق غيره رح يجوا علتان : ما اختلفنا بس هوي اللي عطاهم الحجّة لحتى يجوا فلان : لك شيلنا بقا يا من هاد الحكي ، اي في مليون حجة وحجة لحتى يجوا علتان : ما اختلفنا بس هوي لو ما فات هديك الفوتة ما كان صار اللي صار فلان : ما اختلفنا بس لو ما كان هنن مشجعينه ، كمان ما فات هديك الفوتة علتان : ما اختلفنا لو ما كان ناوي ما كان تشجع فلان : ما اختلفنا بس لو ما كانوا هنن مستفذينه ما كان نوا على هيك نيّة علتان : ما اختلفنا بس لو ما هوي كان شايف حاله ما كان استفذ ها !! فلان : مو خلاف مو خلاف بس لو مو هنن عاطينه الضو الأخضر ما كان شاف حاله علتان : ما اختلفنا بس لو ما محقق لهم مصالحهم ما عطوا له الضو الأخضر فلان : لا خلاف على ذلك بس لو ما كانو هنن متفقين معه من تحت لتحت ما كان حقق لهم مصالحهم علتان : ما اختلفنا بس لو ما هوي قال لهم اي ما كانوا اتفقوا معه من تحت لتحت فلان : لك اي ما اختلفنا بس لو ما كان هنن مقدمين له مغريات ما كان قال لهم اي علتان : اي ما اختلفنابس لو ما هوي بالأساس مقدم لهم ما قدموا له مغريات فلان : لك اخي ما اختلفنا بس لو ما كانوا هنن داعمينه ما كان قدر يقدم لهم شي علتان : ما اختلفنا بس لو ما هوي .. فلان ( مقاطعا بعصبية ):خلصنا بقى لسا اختلفنا وما اختلفنا لشو بدك تصل بالآخر يعني علتان : بدي اصل انه هوي الحق عليه فلان : وليش الحق عليه عيني ؟! علتان : شو لي الحق عليه لو ما دخل هديك الدخلة ما كان صار اللي صار فلان : ما اختلفنا بس لو ما كان شايف حاله ما كان استفذ كل هال قد علتان : ما اختلفنا بس هوي اصلا لو ما كان عاطيهم كلمة اي ما كانوا عطوه مغريات وفتحوا له الضو الأخضر فلان : ما اختلفنا ولو ما كانوا متفقين من تحت الطاولة ما كانوا عطوه الضو الأخضر
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
 |
||||||
|
|
|
08/07/2008
|
#135 | ||||||
|
عضو
-- مستشــــــــــار --
|
ضد الكسر علتان واضعا الساعة على اذنه ومصغيا إليها باهتمام فلان (سائلا ):عمّا توشوشك ؟! علتان ( ناظرا إلى ساعته بألم ) : عقدتني يا رجال ... مالها صوت !! عبحاول اسمع تكتكاتها .. مالها صوت !! فلان ( ماددا يده ):فرجيني لشوف علتان ( مناولا ) : امسيك فلان ( راميا الساعة بعد تفحصها بسرعة):روح كبها روح .. علتان : ليش كبها ؟!! واحد وعشرين حجر !! فلان :ان شاء الله تكون مية حجر .. مو مزبوطة علتان : اي مو مزبوطة منزبطها .. فلان( مشقشقا بفمه ): شق .. ما بتزبط علتان : ايــــــــــه روح عنا ياه .. ما بتزبط .. ليش هي الأنتيكة اللي حاطتها بايدك احسن !! فلان ( مبرزا ساعته ومشيرا إليها ):هي الأنتيكة اللي مو عاجبتك بتعرف قديش عمرها علتان : قديش ؟! فلان : ما بعرف .. بس أكتر من ستيـــن سنة .. ( مستطردا ) صاحبها الاساسي بتعرف شلون مات علتان : ما بعرف .. شو بعرفني فلان :غرق بالبحر .. أبي لاقاه على وج البحر هيك مشلّخ تشليخ ..مو صفيان منه صاغ سليم غير هال ساعة مو صايبها شي علتان : اي عادي .. ضد المي .. ما كل الساعات هال ايام ضد المي فلان ( متحديا ): طيب بتعرف ابي كيف مات .. علتان : وشو بعرفني شلون مات !؟!؟ فلان :وقع من الطابق العاشر .. ما ضل فيه شي الا وتكسّر تكسير ( مشيرا إلى الساعة ) باستثناء هذه الساعة علتان : اي عادي .. ضد الكسر .. كل الساعات هال أيام ضد الكسر فلان : ستين سنة ما قدمت وما اخّرت ولا مرة ... شو رأيك ؟! علتان : اي روح عنا يا ... انا ما بآمن بهيك شغلات .. يا سيدي لنفرض انه قدّمت مو دقيقة تمن ( 8 ) ثواني شو رح يعرفك !!؟! فلان :بحس عليها علتان : شلون رح تحس !؟ ... ما رح تعرف فلان :لا بعرف .. بشوف اذا كان العقارب تحركوا من محلهم علتان : اي قول انها واقفة !!!! لسع عبتشرح لي كل واحد شلون مات .. فلان :لك مو قلت لك انه ما قدمت ولا اخرت بحياتها !!! علتان : وليش حاطتها بايدك ؟! خدها لعند المصلّح فلان :مشان شو !؟!؟ مشان يخرب لي ياها !! علتان : هلق المصلح رح يخرب لك ياها ؟! فلان :طبعاً ... رح يخليها تمشي .. بينما هيك ... عبتعطيني الوقت عال مزبوط ايوا ... لا قدّم ولا اخّر ...
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
09/07/2008
|
#136 | ||||||
|
عضو
-- مستشــــــــــار --
|
ملاحظة او ملحوظة شوف اللي بيتفعك خده ، لا يوجد عنوان للحلقة التالي فـ تمعنا فـ استشفينا فـ فضّلنا فـ ارتقينا فـ سمينا الحلقة التالي بعنوان " العريضة "
العريضة فلان ( متأفئفا): وبعدين ... بدي افهم وبعدين !!! علتان :بعدين شو ؟! فلان : وبعدين معنا انا وانت .. لامتى رح نضل ساكتين !! علتان ( متفاجقا " ليس بالكلمة السابقة خطا مطبعي " ): انا وانت ساكتين !! اي عليم الله منحكي قد بلد فلان : لك شفت !! هلق قلتها بعضمة لسانك .. منحكي ... اصلا نحن مو شاطرين غير بالحكي علتان : ليش شو طالع بايدنا غير نحكي فلان : بيطلع .. وحياتك لو بدنا بيطلع .. ( بحماس واضح ) خطر لك شي مرة تكتب عريضة .. علتان : عريضة ؟! لا والله صراحة ما خطر لي فلان : ها شفت .. لك نحن ماننا شاطرين غير بالحكي علتان ( متعجبا ): يعني هلق اذا كتبنا عريضة منكون عملنا شي فلان ( منفتقا ): افففف.... طبعا علتان ( باحثا عن ورقة بجيبه ) : ايــــه هيه فلان : كتوب كل شي بيخطر على بالك علتان : لا توصي حريص فلان : ولا تنسى تكتب عن هديك الشغلة علتان : انو شغلة ؟! فلان : ولك الشغلة اللي طنطنت فيها الفضائيات علتان ( منكبا على الكتابة بحماس): اي اييييييه هي مهمة منيح ذكرتني فيها وها ... فلان : كمان ولا تنسى تكتب عن الموضوع اللي حكينا فيه بآخر جلسة ( ملاحظة : آخر جلسة عندهم غير آخر جلسة عندنا ها مشان ما يروح فكركم لبيعد ) علتان ( مستفسرا ): تبع الديمقراطية ؟!؟! فلان ( منطعجا بخفّة ):لك لـــلا .. الديمقراطية حكينا فيه بالجلسة قبل قبل قبل قبل قبل الماضية .. بالجلسة الماضية حكينا عن غير شيييييي علتان( شاعلا لمبة فوق مخّه ): ايــــــــي تذكرت .. هي بالذات لازم اكتبها فلان : كتبها كتبها .. حكي الشفهي لوحده ما بفيد .. علتان ( رافعا رأسه من الورقة ): شو في قضايا كمان نحكي فيها فلان : شوف لي كام وحدة طلعوا معك .. علتان ( معدعدا ): 1 .. 2 .. . .. .5 خمسة فلان : اي بيكفي خمسة علتان : هلق معقول كل هال شغلات اللي معترضين انا وياك عليها ما يطلع معنا غير خمسة ..!! فلان : لك مشان نكتب عريضة تانية يا حوبة شو ان شاء الله مفكر هي اوّل وآخر عريضة علتان ( موقعا على الورقة وموجها حديثه إلى فلان) : تفضل وقّع فلان ( ممسكا بالقلم وموقعا على الورقة ): وهي توقيعي علتان ( متحدثا مع نفسه وهو يرنو الورقة ): عريضة حلوة فلان : حلوة وبس .. بتطير العقل علتان : خاصة بكرا لما بتندرز درز بتواقيع الناس فلان ( ناتشا الورقة من يد علتان ): شو بتندرز درز ؟!!؟ شو بدك تخرب بيتنا انت ؟!! علتان : طيب ؟!؟! مو هي العريضة بتنعمل ليوقعوها الناس ؟!؟! فلان : ليش انا وانت مو ناس ؟! ولا مو معبين عينك ؟! علتان : اي بس .. فلان ( مقاطعا ): بس شو ؟! علتان ( راميا قلمه ) : هلق هي هية العريضة ؟! فلان : بالنسبة النا هي هية وبزيادة كمان ( شاققا " يقطع عمر هال كلمة شقد طلعت تقيلة " الورقة ) علتان : ليش شقيتها ؟! فلان : لك مشان نكتب غيرها بعدين .. علتان : ونشقها ؟! فلان : اي طبعا منشقها علتان : اي طيب لامتى ؟! فلان : لحتى تتحقق مطالبنا علتان : طيب شلون بدها تتحقق مطالبنا اذا ما حدا قراها ؟! فلان ( مشيرا بيده باستخفاف ): على اساس اذا حدا قراها رح تتحقق مطالبنا علتان : اي طيب شو طعمة كل هال شغلة لكان ؟! فلان : لك اي قاعدين عمنتسلى شو في ورانا .. طالع طالع ورقة تانية اكتب عليها علتان : اي اي ..شو عليه... فلان : وحط فيها شغلات اهم من هديك ... علتان : اي اصلاً في كام شغلة نسيناها بهديك العريضة .. ما رح تزبط معك ...
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
11/07/2008
|
#138 | ||||||
|
عضو
-- مستشــــــــــار --
|
الديمقراطية علتان يشرب المتة فلان يبدا الحديث بشكل هادئفلان :بتعرف .. اكتشفت لك شغلة مهمة كتير كتير كتير ..اكتشفت لك انه الديمقراطية ، وحرية ابداء الرأي ، واحترام الرأي الآخر ، هدول مسائل جوهرية للتقدم والتطور والازدهار بعدين شوف يا اخي ، شوف هال دول المتطورة والمتحضرة ، يعني كيف هيك عايشين تحت كنف الديمقراطية واحترام الرأي الآخر علتان ( ينظر بتعجب ويتابع شرب المتة ) فلان :بعدين حبيبي هاد الزمن هوي زمن النقاش وتبادل الآراء ووجهات النظر مو زمن العضلات !! علتان ( ينظر مرة أخرى إلى فلان ويهز برأسه موافقا ويتابع شرب المتة ) فلان :يا سيدي متل ما عما قول لك ( بحزم ) الديمقراطية واحترام الراي الآخر هنن اساس الحضارة والتطور .. ابدا .. هي القصة ما في تنين ( 2 ) بيحكوا فيها علتان : بس .. فلان ( مقاطعا ): لك لا بس ولا شي .. لا تقول لي .. الديمقراطية واحترام الرأي الآخر .. هدول الشغلتين بساوا المجتمع متين ومتماسك وقوي وصالح علتان : قصدي انا .. فلان ( مقاطعا بعصبية ):لك شو قصدك وما قصدك !!! .. شو قصدك ؟!.. قول لي دخيل الله قول لي ..لك يا بني آدم انا عبقول لك شغلة ما بيختلفوا عليها تنين ( 2 ) .. مافي حل لمشاكلنا غير بالديمقراطية نقطة انتهى . علتان : ايـــــي ... بس .. فلان ( مقاطعا بعصبية اكبر ): لك لسّا ببس بس لي !! لك العمى اللي ضربك شو انك عنيد ومكيد وما بتفهم ..ولك يا بني آدم هاد الموضوع مافي نقاش فيه نهائياً .. الشغلة حطها حلقة بأدانك ولا تناقش فيها نهائيا .. مافي حل لمشاكلنا غير بالديمقراطية واحترام الرأي الآخر . علتان : لك طيب ..طيب ..بس خليني .. فلان ( مقاطعا ) : الله لا يخليني اذا بخليك تحكي .. لك يخرب بيتك شو راسك ماكن وما بتستحي .. هادا الموضوع اكبر منّك ومنّي .. لك الديمقراطية واحترام الراي الآخر .. هنن شغلة منيحة كتير .. منيحة كتير غصباً عنك ان قلت اي وان قلت لأ .. عبتفهم ولا ما عبتفهم ؟!؟! علتان : والله فهمان عليك بس .. فلان ( جاننا " من كتر ما عصب جن يعني " ) : لسا بقول لك بس ( فلان يلح علتان كف ) لك العمى اللي ضربك شو انك تيس .. ولا تحكي حرف .. سد نيعك ولا تحكي شي .. لك الديمقراطية يعني ديمقراطية مو على كيفك .. علتان : لك بس .. فلان : ولا بس ولا حرف علتان : لك طيب .. فلان ( ضاربا علتان بالجريدة على راسه ): لسا لسّا بيحكي .. لسّا بيحكي .. ولك هادا الموضوع غير قابل للنقاش .. نهائياً .. لا تجادل .. علتان ( سعلة بسيطة يحاول كبحها ) فلان : هس ولا حرف .. بلعها .. بلعها .. ( يبدا فلان بقراءة الجريدة ويتمتم ) : شعب ما بيجي غير هيك ..
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
12/07/2008
|
#139 | ||||||
|
عضو
-- مستشــــــــــار --
|
اخ يا قابي
|
||||||
|
|
|
12/07/2008
|
#142 | ||||||
|
عضو
-- مستشــــــــــار --
|
نتيجة لفشلنا في مهمة تحديد عنوان الحلقة التي بين ايدينا ونتيجة ان مراقنا غير رايق ولواقط الاستشعار عن بعد آخدة اجازة كون اليوم سبت فـ تمعنا فـ استشفينا فـ فضّلنا فـ ارتقينا فـ عفنا عنوان الحلقة متل ما جاي على السيدي AVSEQ09
AVSEQ09 فلان ( يصبّ الشاي ويقدم الكاس لعلتان ويسأله ) : خير .. شبك صافن .. علتان ( سارحا بأفكاره ): آهـــــ عبفكّر طلق المرا فلان ( مرتشفا الشاي بهدوء ): اوف .. ليش شو صاير معكم علتان : يا اخي نقاقة فلان :سيدي ..كل النسوان بنقوا .. علتان ( مشقشقا بفهمه ): شق شق شق شق ... مرتي غير شكل فلان :ليش شو بدها ؟!؟ علتان : البيت مو عاجبها ... فلان :ليش شبه علتان :قال البيت ضيق عليها .. فلان :هلق انتوا مو بالبيت سبع ( 7 ) اشخاص متل حكايتنا علتان :اي .. وبيتنا متل بيتكم .. فلان ( مؤكداً ): مزبوط .. علتان (بهدوء وألم ):ايه .. اي قال مو عاجبها فلان ( مستنكراً ): هلق بيت .. فيه غيرفة اربعة بأربعة ( 4 × 4 ) سيّاحة نيّاحة .. ومطبخ فيه مجلى ومو عاجبها .؟!؟! اي يخرب بيتها .. علتان : شق .. مو بس هيك .. قال مصروف البيت قليل .. فلان : العمى بعيونها .. شو قلله ؟!؟ علتان : لا .. وكل كام شهر بتقول لي " الولد الفلاني بده قميص ، التاني بده دفتر ، التالت بده كندرة ، والرابع بده .. " خليها على الله .. فلان :العمى شو تافهة .. لك شو هي ما بتخاف ربها .؟!!؟ علتان :لا .. وآخر طب الكيل .. قال بدها ياني امّن لها حرام صوف للولاد .. شو؟! قال الشتوية واقفة على البواب .. فلان : اي شي يوقف لها قلبها شو قليلة ضمير .. علتان :لا وهلق قبل ما اجي طلعت لي بتفنكة .. قال شو ؟! قال الولاد ناموا بلا عشا .. فلان : اي تاكل زهرمان بخاري شو طماعة ومانها شبعانة ببيت اهلها علتان :وقعود يا ابو الشباب تحمّل غلاظتها وطلباتها وبعزقتها !!! فلان : اي روح يا.. هي مرا مافي بقلبها شقفة رحمة .. علتان :يعني معي حق طلقها ولا لا ؟! فلان : فوراً .. وبلا تردد .. الآن الآن وليس غدا .. تروح .. الله لا يردها .. علتان : هادا اللي عبفكر فيه .. فلان ( بحماس وعصبية ):بتعرف ... انا كمان عبفكر طلقها لهي اللي عندي .. نفس الغلاظة ونفس الطلبات .. علتان ( بعصبية ) :يا اخي .. يا اخي .. شو بدنا بهال حكي الشغلة بدها شويــــة رحمة فلان : اي والله .. بدها شوية رحمة .. علتان : العمى بعيونون العمى ..فلان : لك بتقول مو شايفينا كيف عايشين !! شو هاد !!! ما رح تزبط معك ......
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
12/07/2008
|
#143 | ||||||
|
عضو
-- مستشــــــــــار --
|
العودة علتان ( مهمهما):همممم .... هلق برايك رحا ترجع ولا ما رحا ترجع فلان : والله يا صاحبي... انا بظن انها ما رح ترجع علتان :افففففف .. وليش كل هال تشاؤم هاد فلان : شق .. مو تشاؤم .. هي اسمها واقعية علتان : هلق الواقعية انو ما ترجع .. ؟! فلان : اي نعم ... واقعية .. بعدين عدم المؤاخذة ( ضحكة مكتومة ) يعني لو بدها ترجع كانت رجعت من زمااااااااان . علتان : اي بس هادا مو معناتها انو نفقد الأمل ... بضل في شي اسمه أمل .. ولازم الواحد يتمسّك فيه .. فلان : لك انو أمل هااااااااد ؟!؟! ... خلصنا بقى يا .. اساسا نحن مو شاطرين الا بهال شغلة .. علتان : شو هال الشغلة ؟ فلان : التعلّق بالآمال الكاذبة .. ( ضحكة مكتومة ) قال بدها ترجع قال ...لك مين بده يرجعها آها ..قول لي مين .. علتان : اي مو ضروري حدا يرجعها بجوز ... عبقول بجوز ها .. ترجع لحالها .. فلان : بالله .. ( ضحكة مكتومة ) لك آخ .. آخ نحنا العرب شو اتكاليين ... علتان :مو قصة اتكاليين .. بس .. فلان ( مقاطعا ): بس شو ؟! .. هي انا وياك اكبر مثال .. ليكنا قاعدين على الطاولة وكل الوقت على ثرثرة وعلاك فاضي وعمنشرب شاي وقهوة ومتة علتان :والله بهي غلبتني .. معك حق .. على الأغلب ما عاد ترجع .. فلان : مو على الأغلب عيني مو على الأغلب .. أكيد ما رح ترجع .. علتان :يعني ما في هيك .. ولا بصيص أمل .. فلان : والله اذا بدنا نحكي بالبصيص ... بيلتقى علتان :آها ... يا عيني عليك فلان : بس بصيص صغير كتير ها .. علتان :مو مشكلة .. المهم موجود .. فلان : لا لا على الموجود .. موجود .. بس كيف بدي قول لك .. يعني هيك خيط واهي متل خيوط العنكبوت ..اذا ما كان أرفع .. علتان : المهم موجود هاد الشي بكفيني .. وبزيد ايماني انها رح ترجع ... فلان : ( ضحكة مكتومة ) متل ما بدك .. بس هاد الكلام .. في جزء كبير منه .. وهم علتان : ( ضحكة من علتان ) شو يعني .. رجعت بكلامك ..؟! فلان : مو قصة رجعت بكلامي .. بس .. علتان ( مقاطعا ): بس شوووو .. قووول احكي .. فلان : أخي معليش .. حتى لو بدك تزعل .. انا برأيي ما رحا ترجع .. علتان ( بصرامة ):وانا رأي رحا ترجع فلان : متل ما بدك .. متلك متل كل هال أمّة .. عايشين على الوهم .. علتان :افففففف ..( فجاة ينظر إلى الافق ويصرخ ) ما قلت لك رحا ترجع !! هي رجعت .. فلان ( مزبطّا شواربه ومتفقدا قبعته ويعيد ترتيب جلسته ) علتان ( مزبّطا جاكيته ): بس ا نشاء الله تقعد مقابيلنا .. ( يوجه فلان وعلتان نظرهما إلى نقطة مشتركة ويتابعان جسم متحرك خلف الكاميرا ) فلان : ان شاء الله يا رب ..( مرتشفا الشاي ) يا اخي انت .. قلت لك عندك رؤيا مستقبلية للأشياء ما رح تزبط معك ..
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
تحية لكاتب الحلقة رافي وهبي .. |
||||||
|
|
|
12/07/2008
|
#144 | |||||||
|
عضو
-- مستشــــــــــار --
|
اقتباس:
جابي
,, Abu Mustafa ,,
الخيار لك...والرغبة منك...والحل بيدك...لنكون كلنا معا في سبيل مستقبل أخوية... .. عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له .. .. احتجاج دماغي . |
|||||||
|
|
