أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 22/10/2009   #19
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : butterfly عرض المشاركة
للأمم المتحدة مو ؟ ( أنت قصدك أنو هالحقائق لازم تخجل منها الأمم المتحدة )
هـء يا فراشة..

النقطتين اللي حددتهن أنا (نسبة الكتب المترجمة، عدد براءات الاختراع) هيدول إلهن علاقة بشكل أساسي بالناس.. بالشعب.. بطريقة حياة.. كانت موجودة قبل الأمم المتحدة.. وعصبة الأمم.. والاحتلال الفرنسي وسايكس بيكو.. ومدري شو من هالمؤامرات..


في ناس مقاطعة القراية.. مقاطعة المعرفة..

مو لإنو ما معها حق كتاب.. ومو لإنو حكوماتها عم تلهيها بهموم حياتية تانية

بعرف صعب الواحد يهجي شعبو وولاد بلدو.. بس للأسف الوضع هيك..

وما بيتغيّر هالوضع.. إذا الناس ما تركوا الريموت كونترول.. ومسكوا الكتاب (ع قولة د.أبو خليل)..
ويصير الواحد يرجع ع البيت كل يوم.. وبدل عشرات كياس الخضرة.. يكون راجع ومعو كام كتاب




ربما كان عدم الاتفاق أقصر مسافة بين فكرين. (جبران النبي)

آخر تعديل Nasserm يوم 22/10/2009 في 01:32.
  رد مع اقتباس
قديم 22/10/2009   #20
صبيّة و ست الصبايا OSHAH
مسجّل
-- اخ طازة --
 
الصورة الرمزية لـ OSHAH
OSHAH is offline
 
نورنا ب:
Oct 2009
المطرح:
عمان
مشاركات:
4

إرسال خطاب MSN إلى OSHAH
افتراضي


اقتباس:
كاتب النص الأصلي : DARKNESS عرض المشاركة


المعلومات التالیة نشرت في مجلة The Economist 25 (عدد یولیو 2009 )، ونظراً لأھمیتھا وخطورة الواقع الذي
تصوره، كان من الضروري تقدیمھا إلى قرائنا وذلك لمعرفة نقاط الضعف والمشكلات التي تواجھ عالمنا العربي
والمواطنین المقیمین فیھ... فتحدید المشكلات والاعتراف بوجودھا ھو الخطوة الأولى في البحث عن علاجات ناجعة
لھا والسبیل الأمثل للخروج من ظروف تسببت في خلقھا أحداث وحقائق عانت منھا مجتمعاتنا خلال العقود
والقرون الماضیة.


وفقاً لتقریر "برنامج الأمم المتحدة للإنماء UNDP الصادر ھذا العام، فإن مواطنین اثنین من كل خمسة في
العالم العربي یعیشون بدولارین أو أقل في الیوم.
سیتوجب على دول العالم العربي خلق 50 ملیون وظیفة جدیدة بحلول العام 2020 ، نظراً للزیادة المضطردة وغیر
المنظمة في أعداد السكان.
باستثناء النفط ، إذا تم جمع صادرات كل الدول العربیة، سنجد أنھا أقل من صادرات دولة كالفلبین (التي یبلغ عدد
سكانھا نحو ثلث عدد سكان العالم العربي) أو إسرئیل (التي لا یزید عدد سكانھا عن سكان مدینة الریاض).


بین الأعوام 1980 و 2000 سجلت السعودیة والإمارات ومصر والأردن والكویت وسوریا ما مجموعھ 367 براءة
واسم تجاري في الولایات المتحدة؛ في حین سجلت كوریا الجنوبیة (في الفترة ذاتھا) 16328 وسجلت إسرائیل 652
براءة واسم تجاري.
عدد الكتب التي تتم ترجمتھا من جمیع لغات العالم كل عام إلى لغة الضاد في الدول العربیة مجتمعة یعادل الخُمس
%20 ) مما تتم ترجمتھ من قبل الیونان وحدھا إلى الیونانیة سنویاً.
من المتوقع أن یزید عدد سكان العالم العربي بنحو 150 ملیون شخص خلال العقدین القادمین؛ إلا أن نسبة البطالة في
الدول العربیة ھي الأعلى في العالم وبشكل خاص فیما یتعلق بفئة الشباب التي تشكل الأعداد الأكبر في التركیبة
السكانیة لتلك الدول.
ھذه ھي المعلومات الي نعتقد أنھا تدق ناقوس الخطر فیما یرتبط بمستقبل العالم العربي وبأجیالھ القادمة... وإذا أضفنا
إلى كل ھذا أنھ لا توجد أي جامعة عربیة في قائمة أفضل مئتي جامعة في العالم... فالواقع یصبح مقلقاً أكثر.
وقت التغییر ھو الآن.





نقلا عن مجلة أفاق العلم
انا حبيت بداية اشكرك جزيل الشكر علا اختيارك الموفق لهيك موضوع وطرحه علينا حتى لو انها الارقام مش صحيحه او مشكوك في صحتها على الاقل هي منطقية واقرب للواقع والمشاركه والفقرة بحد >اتها اكبر تعليق علا تخلف الامة العربيه وضعفها ووحدتناوتماسكنا هم الحل الوحيد لقوتنا وتقدمنا من غير شعارات تغاعل الاعضاء وردودهم على مشاركات بعض اكبر دليل على اهمية الحقائق الواردةفي الموضوع وعلى قدرتك على استثارة مافي انفسنا من خواطر تجاه هدي الحقائق حتى لو كانت بالنهاية مجرد كلام

oshah((*^_^*))
  رد مع اقتباس
قديم 22/10/2009   #21
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


نعم هذه أول ملاحظة وضعتها على شعبنا في بداية غربتي ألا و هي عدم القرائه

لقد شاهدت الناس في حافلات النقل الداخلي تقراء الكتب بدل الألتفات يمين و يسار و النظر الى بعضعم البعض الخ ؟؟؟؟؟؟؟؟؟؟؟؟؟؟

لماذا هم هكذا و نحن لا ؟

كثيراً ما كنت أسأل نفسي و أحاول أن أبرر بكلام لم أقتنع به

المهم مرت سنين و الحمد لله أتتنا النت و هناك الكثير من الأسئلة تستطيع الحصول على أجوبتها و خاصة عند العم غوغل

للأسف بل للأسف كثير ما أعاني من البحث عن موضيع لا أجدها في المواقع العربية فأطر الى اللجوء اللغة الأنكليزية لكي أجد ضالتي

أين العلماء من الأمة اللذين يعيشون في الغرب و عندهم كل ما يتمنون لماذا لا يقومون في الكتابة على النت


تصورو أني أعيش في بلد لا يتجاوز عدد اللذين يتكلمون لغته عن الأربعين مليون نسمة في كل أنحاء العالم و كثيراً ما أجد في هذه اللغة نتيجة لبحث قبل اللغة العربية

في أحدى المرات طلب مني أبني الصغير أن أكتب له كلمة الله على الباحث غوغل فقلت له لماذا تريد ذلك قال أريد أن تكتب لي الله لكي أراه على النت أكتب الله و سوفا يظهر لك الله في النت

تصورو من كثرة لجوئنا الى النت في كل مانحتاج أعتقد الطفل أنه يمكن أن يرى الله في النت

ما أريد أن أقوله أن الحياة هنا أصبحت مواكبة للعصر و أي سؤال تحتاج يمكن أن تحصل على الأجابة

ألا العربية لا يوجد جواب

جرب أكتب أسم أي علم من علوم الدنيا ستجد المليون موقع على اللغة الأنكليزية

أما بالعربي فستجد من يتحدث عن هذه العلم في مقال عابر أو في حديث بين أثنين على موقع شات محادثة لا غير

نعم نحن المخطئ

نعيب الدهر و العيب فينا

مشكور على الموضوع أخي الكريم

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 22/10/2009   #22
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : حلبي عرض المشاركة
نعم هذه أول ملاحظة وضعتها على شعبنا في بداية غربتي ألا و هي عدم القرائه
(...)
للأسف بل للأسف كثير ما أعاني من البحث عن موضيع لا أجدها في المواقع العربية فأطر الى اللجوء اللغة الأنكليزية لكي أجد ضالتي
(...)
تصورو أني أعيش في بلد لا يتجاوز عدد اللذين يتكلمون لغته عن الأربعين مليون نسمة في كل أنحاء العالم و كثيراً ما أجد في هذه اللغة نتيجة لبحث قبل اللغة العربية
(...)
ما أريد أن أقوله أن الحياة هنا أصبحت مواكبة للعصر و أي سؤال تحتاج يمكن أن تحصل على الأجابة

ألا العربية لا يوجد جواب

جرب أكتب أسم أي علم من علوم الدنيا ستجد المليون موقع على اللغة الأنكليزية

أما بالعربي فستجد من يتحدث عن هذه العلم في مقال عابر أو في حديث بين أثنين على موقع شات محادثة لا غير
بتعرف أبو حميد؟

في مليون مصطلح جديد ما إلو مقابل باللغة العربية!!

إنو الفكرة.. تقصيرنا مو فقط بإنتاج العلم (والعلم هو اللي بيخلق مصطلحات جديدة)

لأ..

كمان تقصيرنا بمواكبة الإنتاج العلمي..


إلي صديق قلّي معلومة مرّة.. بغض النظر عن دقتها.. بس مرعبة

ما يُنشر باللغة الإسبانية في سنة واحدة.. يفوق ما نـُشر باللغة العربية من عهد المأمون حتى اليوم


بسدّق هيك قصّة لسببين..

الأول:
إنو اللغة الإسبانية هي اللغة الثقافية الأولى بالعالم

التاني:
إلي علاقة شوي بدور النشر.. وبعرف أهم دور النشر شو الكتب اللي بتنشرها.. وأتخن كاتب وأهم موضوع.. قديش بينطبع منو.. وقديش بينباع من الطبعة!!
هاد بالإضافة للإحصائيات اللي بتحكي عن "معدّل قراءة الفرد العربي" بالسنة..


شي بيأسـّي صراحة..


في مثل بالفرنسي.. كتير مهم.. بيقول:

الجهل كالفقر.. يحدّ من الحريّة


  رد مع اقتباس
قديم 22/10/2009   #23
صبيّة و ست الصبايا ياسمين_الشآم
عضو
-- أخ لهلوب --
 
الصورة الرمزية لـ ياسمين_الشآم
ياسمين_الشآم is offline
 
نورنا ب:
Oct 2009
مشاركات:
179

افتراضي


والله ياناس في أشخاص مخاخها بتوزن بلد بس وين بتروح
الكل بيعرف وين بتروح ومين بيتحفظ عليها وبيستهلكها لأنن عارفين قيمتها
ونحنا هون منغض النظر عنهم
راح يتخصص في فرنسا بعلم الذرة اوفدوه ايفاد قال لحالو برجع بفيد بلدي بالرغم انهم اتمسكوا فيه كتير
رجع الزلمي قاموا حطوه ورا مكتب والزلمي مخ كبير ماعجبوا الحال أفاقوا وأحلاموكبيرة وكتيرة راح رجع عافرنسا وعم يشتغل باختصاصوا وحرصاً على عبقريتو
مابيقدر حدا يشوفوا إالا بموافقة القيادات العليا هناك .
طبعا الأمثلة كتيرة


بدنا ناس تمسك بزمام الأمور بشكل صحيح للتوجيه بشكل دقيق للمعرفة
والعلم لكن للأسف بالهم مشغوول بكيفية جمع الأموال والبزخ وغيره.

شكرا عالموضوع
  رد مع اقتباس
قديم 23/10/2009   #24
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


بغض النظر ان كانت الارقام دقيقة او لا .. انو .. للاسف يعني.. بتعبر عن الواقع

اقتباس:
هل فعلا فات الاوان!!
لا .. ما فينا نقول فات الاوان.. عمرو ما فات ولا عمرو رح يفوت
احسن هلا نغير.. من انو نستنى كمان 500 سنة و يجي غيرنا و يقول معقول فات الاوان؟ و يقتنعو انو فات و بعد 500 سنة يجي غيرهم و يسالو .. الخ
الاوان ما فات .. احنا عايشين اليوم.. مبارح راح.. و ما عاد فينا نغيرو بس بكرة بايدينا

اقتباس:
لازم نتغير, انا معاكو
اقتباس:
العربي مو عاجبو غير الاكل و النوم, اصلا هاي الشغله الكويسه منو, لانه ازا حك طيزو رح يخبص
بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع

اقتباس:
ما بعرف شو أسمو ، بس يا عمي بدنا نحاول نعمل شي بهالبلدان .. يا أخي بس ما تقلي الشعب هو المشكلة !
ما تقلي أنو هالشعب عندو الظروف المواتية للنمو .. وما عم ينمى

بس دايس على البرعم تبع فكرو ... ومانعو يرفع راسو ليشوف الشمس .. ومحاوطو بمية نظرية خوف وحرب و ...
وبعدين بدك تقلو ، ليش ما أنتجت ؟

والله ما أنتجت يمكن لأنو ملعون ديني
ما تقولي الحكومة هي المشكلة !
يا اخي التنين اتعس من بعض.. الشعب و الحكومة..
الحكومة ما رح احكي عنها هلا ما طالع ع بالي.. + انو صار دور الحكومة شي بديهي نوعا ما
منجي ع المواطن.. يا اخي المواطن العربي .. ما منختلف .. اي نعم عايش عيشة صعبة جدا
و ملتعن دينو نظامي.. بس المشكلة وقت يجي شب ينخلق و هو عم يسمع هالشي
و يكبر يكبر .. و تصير هالفكرة قناعة داخية غير قابلة للتغير
و خود اقنع فيه انو يا ربي..انت ما بتعرف قديشك مهم.. و ما بتعرف شو بيطلع معك ازا استغليت نقاط قوتك و شغلتها بالمكان الصحيح.. انو اي شخص بحاول اقنعو باهلحكي بيطلع فيني نظرة العمش شو متفائلة
لك انو نوصل لمرحلة اي حدا يجيب سيرة التغير و نقاط قوة الشباب اللي ما عم يستغلوها .. تكون هاي ردة الفعل .. منكون احنا فعلا وصلنا لمرحلة مش مطمنة

شبابنا .. عم يربى ع فكرة انو هق ما في امل.. فات الاوان.. انا الحكومة لاعنة ديني.. يلعن هيك عيشة ... الخ لخ الخ
سدقيني اغلب الشبيبة عنا ما عم تحاول تغير.. او عم تقنع حالها انها عملت اللي عليها.. و هي ما عملت شي.. او عم تتخذ الوضع المعيشي السيء كعذر


اقتباس:
وما بيتغيّر هالوضع.. إذا الناس ما تركوا الريموت كونترول.. ومسكوا الكتاب
لك ما بدي كتاب.. يفتحو ع الجزيرة الوثائقية و انا بكون في غاية الزهزهة



بعدين قرات رد كمان ... قال انو الغرب عود العرب ع انو يوصلهم كل شي ع البارد المستريح... يا بنتي (او يا ابني ما بعرف ع التمام).. انو المهم
بشرفك.. شو خطر للصين تسوق لغشاء بكارة بالشرق الاوسط؟ ع سبيل المثال لا الحصر يعني

و انو بالنهاية .... نحن مخيرون في الكثير من الامنا


سأكتب جملة أغلى من الشهداء و القبّل:
"فلسطينية كانت.. و لم تزل!"

طلقة حب و طلقة نار و نسّم يا هوا بلادي :)

you are unique, just like every one else !
  رد مع اقتباس
قديم 23/10/2009   #25
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : Nasserm عرض المشاركة
بتعرف أبو حميد؟

في مليون مصطلح جديد ما إلو مقابل باللغة العربية!!

إنو الفكرة.. تقصيرنا مو فقط بإنتاج العلم (والعلم هو اللي بيخلق مصطلحات جديدة)

لأ..

كمان تقصيرنا بمواكبة الإنتاج العلمي..


إلي صديق قلّي معلومة مرّة.. بغض النظر عن دقتها.. بس مرعبة

ما يُنشر باللغة الإسبانية في سنة واحدة.. يفوق ما نـُشر باللغة العربية من عهد المأمون حتى اليوم


بسدّق هيك قصّة لسببين..

الأول:
إنو اللغة الإسبانية هي اللغة الثقافية الأولى بالعالم

التاني:
إلي علاقة شوي بدور النشر.. وبعرف أهم دور النشر شو الكتب اللي بتنشرها.. وأتخن كاتب وأهم موضوع.. قديش بينطبع منو.. وقديش بينباع من الطبعة!!
هاد بالإضافة للإحصائيات اللي بتحكي عن "معدّل قراءة الفرد العربي" بالسنة..


شي بيأسـّي صراحة..


في مثل بالفرنسي.. كتير مهم.. بيقول:

الجهل كالفقر.. يحدّ من الحريّة

نعم أخي ناصر أنا سمعت عن هذا الموضوع من حوالي الخمس سنوات عن ترجمت الكتب في أسبانيا

و هناك من يقول لماذا طرح هكذا مواضيع

ما هي الغاية من طرح هذا الموضوع

هل يمكننا أن نتهم صاحب الموضوع بالخيانة العظمى و أنه يريد أحباط الأمة

لا يا أخواني أنه للتذكير بأننا متجهون نحو الهاوية نحن بحاجة الى أن نحث بعضنا البعض على أن نصحح أخطائنا

هناك الكثير من العلماء ضحو بحياتهم من أجل العلم بل من أجل كلمة كم تساوي كلمة

أخواني منذو مدة شاهدة فيلم وثائقي بتحدث عن أحد العلماء الكيمائيين

كان هذا العالم يقوم بتجارب على نفسه ليكتشف أثر الدواء و ردة الفعل على جسده شخصياً

هذا هو الهوس بعينه لقد أصبح غريب الأطوار

لكنه قدم للبشرية دواء أنهى مرض الطاعون و أمراض عديدة

و لم يكن عنده أي دعم من الملك و لا من أي راس مالي ليكمل أبحاثه

أين علمائنا من هذا العالم

في النهاية كفانا كبر

ميمان لا يتعلمان : مستحي و متكبر

و دمتم
  رد مع اقتباس
قديم 23/10/2009   #26
شب و شيخ الشباب عربي عربي
عضو
-- أخ لهلوب --
 
الصورة الرمزية لـ عربي عربي
عربي عربي is offline
 
نورنا ب:
Nov 2008
المطرح:
لسا ما طلعتش من راسي !, ماشي انا حاليا موجد بكوكب الارض
مشاركات:
320

افتراضي


اقتباس:
كاتب النص الأصلي : ritka عرض المشاركة

بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع

لا والله ما حسبت اني عم ناقض حالي
ايمتا كتب خربوشة بالعامية
لك انتي شو عم تخبصي, انتي مخربطه بيني وبين حدا تاني
باين عليكي بتشغلي مخك وبتحكي قبل ما يحمي الزيت تبعو,
ناقصك تمارين صباحيه للمخ عشان تصيري تجمعي قبل ما تحكي, اوكي
  رد مع اقتباس
قديم 24/10/2009   #27
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اقتباس:
كاتب النص الأصلي : عربي عربي عرض المشاركة
لا والله ما حسبت اني عم ناقض حالي
ايمتا كتب خربوشة بالعامية
لك انتي شو عم تخبصي, انتي مخربطه بيني وبين حدا تاني
باين عليكي بتشغلي مخك وبتحكي قبل ما يحمي الزيت تبعو,
ناقصك تمارين صباحيه للمخ عشان تصيري تجمعي قبل ما تحكي, اوكي**
مو انت اللي كتبت خربوشة .. هاد انا اللي كتبت خربوشة
الخربوشة كان محتواها باختصار.. انو شبابنا ما عم يحاول يتغير .. لانو بشكل اساسي اقتنع بانو مافي مجال للتغير و انو احنا ما خرجنا تغير و ما بيطلع بايدنا ... الخ

و كتير احيان و قت تحكي مع حدا عن التغير .. في شباب بتوافق نظريا .. بس وقت تيجي ع العملي الكل بيتكتف و بيرجع لنفس الاسطوانة .. بدون ما يحس بانو ناقض حالو .. و بالردين .. تطلع منيح يعني (تمعن) بتلاقي انك كتبت انو انا معكو ع التغير .. و بعدين حكيت شغلة العربي اللي ما خرجو يعمل شي
يعني مثال حي يرزق علّي كتبتو هداك اليوم ..


__________
** بخصوص اللي بالاحمر.. ما بتزكر اني حكيت معك قبل هيك , و لا بتخيل انو في موانة و خدني جيتك بيننا.. و بتخيل كمان انو احنا بالمنبر .. يعني لا بـ ع الطاير ولا بالمسابقات ولا حتى بالسقيفة
فـ بتمنى انو تخلي بـ كلامك قدر من الاحترام .. لشخص ما بتعرفو.. و لمكان عم يدور فيه حوار عن "حقائق مقلقة"
  رد مع اقتباس
قديم 25/10/2009   #28
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : ritka عرض المشاركة
لك ما بدي كتاب.. يفتحو ع الجزيرة الوثائقية و انا بكون في غاية الزهزهة
شو قصتك مع الزهزهزة والتزهزه؟



اقتباس:
كاتب النص الأصلي : ritka عرض المشاركة
بعدين قرات رد كمان ... قال انو الغرب عود العرب ع انو يوصلهم كل شي ع البارد المستريح...
هاي أنا ما قريتها.. سمعتها بهالزمانات من هابّرلو مادنة جامع بخطبة الجمعة..

طلع مع الشيخ -فض فوه- يومتها.. إنو الله سخّرلنا الغرب وأهل الغرب حتى يخترعولنا وسائل راحة.. سيارات.. طيارات.. تلفزيونات.. مراوح.. كل شي.. هاي شغلتهن بالحياة..

بينما نحنا ما لازم نشغل حالنا إلا وفقط إلا بعبادة الله..


أما علم واختراع وقراية ومدري شو!! كش برّا وبعيد
..
  رد مع اقتباس
قديم 25/10/2009   #29
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


الأرقام ما بتخوف...
الي بيخوف أكتر شي (بنظري) أنو فوق التخلف وفوق ما نحنا ثقافياً وعلمياً وأخلاقياً متذيلين أمم العالم تقريباً


فوق هالشي كلّو وبنعتبر حالنا أفضل من التانيين وبننظرلهم بفوقيّة وقرف و و و
لأ وبنعتبر غيرنا سبب بتخلفنا كمان.

بقى انسوا الأرقام

haa haaaa haatshuuu!!!!!!!..... Sorry, I'm allergic to bullshit!

Urhoy سابقاً
  رد مع اقتباس
قديم 25/10/2009   #30
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


اقتباس:
كاتب النص الأصلي : jano. عرض المشاركة
الأرقام ما بتخوف...
الي بيخوف أكتر شي (بنظري) أنو فوق التخلف وفوق ما نحنا ثقافياً وعلمياً وأخلاقياً متذيلين أمم العالم تقريباً
فوق هالشي كلّو وبنعتبر حالنا أفضل من التانيين وبننظرلهم بفوقيّة وقرف و و و
لأ وبنعتبر غيرنا سبب بتخلفنا كمان.
بقى انسوا الأرقام
حيّك يا ابن القصوارنة حيّك... أحياناً بتحك راسك وبيطلع معك أشيا خيلة .
وحياة هالدّني التعبانة مشتقلك قدّ البغل... قصدي قدّ البحر .

Mors ultima ratio
.
www.tuesillevir.blogspot.com
  رد مع اقتباس
قديم 25/10/2009   #31
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


اقتباس:
كاتب النص الأصلي : ritka عرض المشاركة
بغض النظر ان كانت الارقام دقيقة او لا .. انو .. للاسف يعني.. بتعبر عن الواقع

لا .. ما فينا نقول فات الاوان.. عمرو ما فات ولا عمرو رح يفوت
احسن هلا نغير.. من انو نستنى كمان 500 سنة و يجي غيرنا و يقول معقول فات الاوان؟ و يقتنعو انو فات و بعد 500 سنة يجي غيرهم و يسالو .. الخ
الاوان ما فات .. احنا عايشين اليوم.. مبارح راح.. و ما عاد فينا نغيرو بس بكرة بايدينا


بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع


ما تقولي الحكومة هي المشكلة !
يا اخي التنين اتعس من بعض.. الشعب و الحكومة..
الحكومة ما رح احكي عنها هلا ما طالع ع بالي.. + انو صار دور الحكومة شي بديهي نوعا ما
منجي ع المواطن.. يا اخي المواطن العربي .. ما منختلف .. اي نعم عايش عيشة صعبة جدا
و ملتعن دينو نظامي.. بس المشكلة وقت يجي شب ينخلق و هو عم يسمع هالشي
و يكبر يكبر .. و تصير هالفكرة قناعة داخية غير قابلة للتغير
و خود اقنع فيه انو يا ربي..انت ما بتعرف قديشك مهم.. و ما بتعرف شو بيطلع معك ازا استغليت نقاط قوتك و شغلتها بالمكان الصحيح.. انو اي شخص بحاول اقنعو باهلحكي بيطلع فيني نظرة العمش شو متفائلة
لك انو نوصل لمرحلة اي حدا يجيب سيرة التغير و نقاط قوة الشباب اللي ما عم يستغلوها .. تكون هاي ردة الفعل .. منكون احنا فعلا وصلنا لمرحلة مش مطمنة

شبابنا .. عم يربى ع فكرة انو هق ما في امل.. فات الاوان.. انا الحكومة لاعنة ديني.. يلعن هيك عيشة ... الخ لخ الخ
سدقيني اغلب الشبيبة عنا ما عم تحاول تغير.. او عم تقنع حالها انها عملت اللي عليها.. و هي ما عملت شي.. او عم تتخذ الوضع المعيشي السيء كعذر


لك ما بدي كتاب.. يفتحو ع الجزيرة الوثائقية و انا بكون في غاية الزهزهة



بعدين قرات رد كمان ... قال انو الغرب عود العرب ع انو يوصلهم كل شي ع البارد المستريح... يا بنتي (او يا ابني ما بعرف ع التمام).. انو المهم
بشرفك.. شو خطر للصين تسوق لغشاء بكارة بالشرق الاوسط؟ ع سبيل المثال لا الحصر يعني

و انو بالنهاية .... نحن مخيرون في الكثير من الامنا


حطيتي ايدك على الجرح تمام
الحكومة تقول الشعب ما بيشتغل والشعب يقول الحكام ربطوني وسرقوني وما بعرف شو كمان ولسا كل شيء مستحيل بنظرهم وفات الوقت وحتى في مثل بيقول
اللي قرا قرا بكري
يعني اللي ما درس واتعلم زمان بلاه العلم بهالعصر لتعيش لازم تتاجر ترشي تسرق تختلس ومافي حدا احسن من حدا
صايرين لصوص كلنا من كبيرنا لصغيرنا
وشغلة الاعلام الاسود المتشاءم هي كمان قصة لحالها بتحملي جريدة ما بتلاقي جملة وحدة تعطي امل تقولي كل يوم جنازة كنت بزعل وقت بيربطو بين التخلف والاستسلام والخنوع والتشاؤم واللغة العربية
بس وقت شوف اعلامنا برجع فكر ان معهم الف حق يفكرو هيك
الكل بيركض وراء المعلومة السهلة قديش في كوارث فسهل كتير تلاقي كارثة وتعلق عليها تعليق ماساوي
بس وين اللي بيدور على الحالات النادرة والناجحة ووين اللي بيكتب عن الفساد والتخلف وبنفس الوقت يحفز ويحرك القارئ ليعمل شيء مفيد مهما كان بسيط
اقتباس:
كاتب النص الأصلي : jano. عرض المشاركة
الأرقام ما بتخوف...
الي بيخوف أكتر شي (بنظري) أنو فوق التخلف وفوق ما نحنا ثقافياً وعلمياً وأخلاقياً متذيلين أمم العالم تقريباً


فوق هالشي كلّو وبنعتبر حالنا أفضل من التانيين وبننظرلهم بفوقيّة وقرف و و و
لأ وبنعتبر غيرنا سبب بتخلفنا كمان.

بقى انسوا الأرقام
هم فعلا احد اسباب تخلفنا ما تنسى الاستدمارات والتخريب التقافي وسرقة الثروات والاستغلال حاليا والف ومليون شغلة
بس ليش ننسى ان هم بشر ونحن بشر متل ما الهم عقل عندنا عقل
ليش عقولنا نغلفها بالاسود ونعتبرها ما بتصلح لشيء من وين جايبين هالقناعة ما بعرف

جـزائـر يـال حـكــايـة حـبي ..ويا من حـملـتي السلام لقـلـبي
ويامن سكبت الجمال بروحي ..ويا من أشعت الضياء بدربي

لحظة شروق الشمس.. لحظة غروب اليأس..
ننسى دموع الأمس.. بين الامل نطويها..
  رد مع اقتباس
قديم 26/10/2009   #32
شب و شيخ الشباب عربي عربي
عضو
-- أخ لهلوب --
 
الصورة الرمزية لـ عربي عربي
عربي عربي is offline
 
نورنا ب:
Nov 2008
المطرح:
لسا ما طلعتش من راسي !, ماشي انا حاليا موجد بكوكب الارض
مشاركات:
320

افتراضي


اقتباس:
كاتب النص الأصلي : ritka عرض المشاركة
مو انت اللي كتبت خربوشة .. هاد انا اللي كتبت خربوشة
الخربوشة كان محتواها باختصار.. انو شبابنا ما عم يحاول يتغير .. لانو بشكل اساسي اقتنع بانو مافي مجال للتغير و انو احنا ما خرجنا تغير و ما بيطلع بايدنا ... الخ
صحيح

اقتباس:
كاتب النص الأصلي : ritka عرض المشاركة
و كتير احيان و قت تحكي مع حدا عن التغير .. في شباب بتوافق نظريا .. بس وقت تيجي ع العملي الكل بيتكتف و بيرجع لنفس الاسطوانة .. بدون ما يحس بانو ناقض حالو .. و بالردين .. تطلع منيح يعني (تمعن) بتلاقي انك كتبت انو انا معكو ع التغير .. و بعدين حكيت شغلة العربي اللي ما خرجو يعمل شي
يعني مثال حي يرزق علّي كتبتو هداك اليوم ..
انا بقصد هون انو كل العرب ما رح يتغيرو, بس انا عن حالي مستعد اني كون مع التغيير

__________
اقتباس:
كاتب النص الأصلي : ritka عرض المشاركة
** بخصوص اللي بالاحمر.. ما بتزكر اني حكيت معك قبل هيك , و لا بتخيل انو في موانة و خدني جيتك بيننا.. و بتخيل كمان انو احنا بالمنبر .. يعني لا بـ ع الطاير ولا بالمسابقات ولا حتى بالسقيفة
فـ بتمنى انو تخلي بـ كلامك قدر من الاحترام .. لشخص ما بتعرفو.. و لمكان عم يدور فيه حوار عن "حقائق مقلقة"
اوكي
  رد مع اقتباس
قديم 26/10/2009   #33
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
انا بقصد هون انو كل العرب ما رح يتغيرو, بس انا عن حالي مستعد اني كون مع التغيير
التغيير بيصير قول و فعل

مو أنو منقول بدنا نتغير و ما بنعرف شو بدنا نعمل

في شي أسمو أحترام متبادل


مو انو والله انا أفهم من كل العالم

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 26/10/2009   #34
شب و شيخ الشباب عربي عربي
عضو
-- أخ لهلوب --
 
الصورة الرمزية لـ عربي عربي
عربي عربي is offline
 
نورنا ب:
Nov 2008
المطرح:
لسا ما طلعتش من راسي !, ماشي انا حاليا موجد بكوكب الارض
مشاركات:
320

افتراضي


اقتباس:
كاتب النص الأصلي : DARKNESS عرض المشاركة
التغيير بيصير قول و فعل

مو أنو منقول بدنا نتغير و ما بنعرف شو بدنا نعمل

في شي أسمو أحترام متبادل


مو انو والله انا أفهم من كل العالم
مزبوط, قول وفعل,واكيد لازم يكون في تعاون زي ما بتحكي بس شو الحل عشان الواحد يبلش وكيف
  رد مع اقتباس
قديم 26/10/2009   #35
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


تسؤ ما اقتنعت أنا لسى ، ( أحيانا بتضربني من حيثما شوية تناحة )

اقتباس:
وفقاً لتقریر "برنامج الأمم المتحدة للإنماء UNDP الصادر ھذا العام، فإن مواطنین اثنین من كل خمسة في
العالم العربي یعیشون بدولارین أو أقل في الیوم.
سیتوجب على دول العالم العربي خلق 50 ملیون وظیفة جدیدة بحلول العام 2020 ، نظراً للزیادة المضطردة وغیر
المنظمة في أعداد السكان.
باستثناء النفط ، إذا تم جمع صادرات كل الدول العربیة، سنجد أنھا أقل من صادرات دولة كالفلبین (التي یبلغ عدد
سكانھا نحو ثلث عدد سكان العالم العربي) أو إسرئیل (التي لا یزید عدد سكانھا عن سكان مدینة الریاض).


بین الأعوام 1980 و 2000 سجلت السعودیة والإمارات ومصر والأردن والكویت وسوریا ما مجموعھ 367 براءة
واسم تجاري في الولایات المتحدة؛ في حین سجلت كوریا الجنوبیة (في الفترة ذاتھا) 16328 وسجلت إسرائیل 652
براءة واسم تجاري.
عدد الكتب التي تتم ترجمتھا من جمیع لغات العالم كل عام إلى لغة الضاد في الدول العربیة مجتمعة یعادل الخُمس
%20 ) مما تتم ترجمتھ من قبل الیونان وحدھا إلى الیونانیة سنویاً.
من المتوقع أن یزید عدد سكان العالم العربي بنحو 150 ملیون شخص خلال العقدین القادمین؛ إلا أن نسبة البطالة في
الدول العربیة ھي الأعلى في العالم وبشكل خاص فیما یتعلق بفئة الشباب التي تشكل الأعداد الأكبر في التركیبة
السكانیة لتلك الدول.
حسب التقرير أنو نصف الأفراد بالوطن العربي ، بيقبضو باليوم 2 دولار تمام ؟

أنا في عالم عندو نظرية بحبها ، أسمها هي النظرية نظرية الاحتياجات
هرم ماسلو " اسمو هو العالم ماسلو "

وهي صورتو للهرم



هلق إذا جينا ع سوريا وطلعنا ع التقرير اللي صدر من نفس الأمم المتحدة الإنمائية ، بال 2006
منشوف
اقتباس:
أن نسبة الفقراء في سوريا ممن يعيشون تحت مستوى خط الفقر الادنى هي 11.4% من اجمالي السكان أي 2.1 مليون فقير ' معدم ' لم يتمكنوا من الحصول على حاجاتهم الغذائية الاساسية ، بينما وجدت نفس الدراسة أن نسبة السوريين الذين يعيشون تحت خط الفقر الأعلى هي حوالي 30.1% من اجمالي عدد السكان '
يعني بعملية جمع بسيطة منكتشف أنو نص الشعب السوري إلا شوي 41.5 % فقير
يعني الاحتياجات ، الماء .. السكن ، البقاء .. الطعام ( هي المفروض شاغلة بالو ورح تشغل بالو على مدى السنين القادمة ) فهادا بدكن تستثنو معظم هي الطبقة من مشاريع الإبداع والاختراع وتحقيق الذات .. وما إلى هنالك اللي هي بأعلى هرم الاحتياجات

هادا من دون ما أدخل بخانة تبع الاحترام وقدي الإنسان عنا حاسس حالو محترم ومحقق عندو هالحاجة الاجتماعية فلهيك بيكفي لهون لنفهم عمي .. بدها حلول اقتصادية ، وسياسية .. و .. و .. كوشة شغلات الله وكيلك ( باقي على اللي ما شاغل بالو لا انو يجيب بيت ، ولا أنو يلاقي شغل ، ولا أنو يدفع دوا ضغط ودوا شحوم ودوا مدري شو ، واللي بيشكلو نص راتبو ) باقي على هالكمالة " اللي المفروض أنو هي تكون قدام مسؤولياتها .. ( لو بيعملولنا قدي من هدول اللي ما بيشغل بالن هالقصص .. هني نصابين و فاسدين في الدولة .. وما بيعنيلن لا إبداع ولا اختراع ولا هباب السخن )
وقتا منقدر نعرف قدي في نسبة ناس فينا تبدع وتخترع وتقرا وما عم تبدع وتخترع وتقرا



انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 26/10/2009   #36
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
نسبة الفقراء في سوريا ممن يعيشون تحت مستوى خط الفقر الادنى هي 11.4% من اجمالي السكان أي 2.1 مليون فقير ' معدم ' لم يتمكنوا من الحصول على حاجاتهم الغذائية الاساسية ، بينما وجدت نفس الدراسة أن نسبة السوريين الذين يعيشون تحت خط الفقر الأعلى هي حوالي 30.1% من اجمالي عدد السكان '
مممممم

هلئ التقريرفا جأني شوي من ناحية كذا شغلة اول شي ناحية براءة الأختراع و شغلة الترجمة هول موجودين بكل الوطن العربي

بالنسبة للوضع المادي فيكي تقولي انو بسوريا في نوع من الأتزان بس يعني انو الزلمة صاير في متل المتل (ما حدا بيموت من الجوع)
يعني عايش عيشة بسيطة جدا متل العصفور بفيق جوعان بينام شبعان و بس

ما عندو مخططات لتبديل عفش البيت او ليجرب شي مطعم او يروح يعمل سبور الصبح او يتصفح شي كتاب و شغلات غايبة عن تفكيرو بشكل كامل ..

بالنسبة للترجمة و الحركة الثقافية لاحظت شغلة عنا انو الشباب بميلو للتجمعات الثقافية او الفكرية ليييييش
من شان يشوفو بنات و يستعرضو العضلات الفكرية ادامن و عا قولة ماركس قال و تشي تصرف و اليسارية بتعمل
و الراديكالية سوت .... اي الله يرحمو جدك يا شيخ ..

طبعا انا ما عم اشمل

بس بجوز من النهج التعليمي اللي عنا نحن هيك تعودنا

حلول للترجمة بصراجة ما في غير انو الواحد يتعلم لغة تانية من شان يدعم حالو لأنو المراجع لكل الأبحالث بالعالم تقريبا معدومة بالعربي
و الله يستر ما انو نضل هيك ترا لغتنا رح تنقرض.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 19:44 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.26058 seconds with 12 queries