اخوية بكفة والحكومة بكفة...ومو رايحة غير ع المعتر....

[TheLight]

كاتب النص الأصلي : Majood

بتعرف شو صاير فينا .......... متل غنية الولاد الصغار هي تبع .....و المفتاح عند الحداد و الحدادبدو بيضة و البيضة عند الجاجة والجاجة بالطاحون و الطاحون مسكرة فيها مي معكرة

ما دارتلي

[Majood]

انو كل المتطلبات المفروض تصير بأخوية مرتطبة ببعضها متل السلسلة .... بغياب احدى الحلقات السلسلة ما بكنلا معنى و ما بتأدي وظيفتها

[TheLight]

كاتب النص الأصلي : Majood

انو كل المتطلبات المفروض تصير بأخوية مرتطبة ببعضها متل السلسلة .... بغياب احدى الحلقات السلسلة ما بكنلا معنى و ما بتأدي وظيفتها

هلق دارتلي

[Euphoria]

مرحبا,اذا ممكن اشارك برأيي ..I think it's natural that the members are conserned about the integrity of this place..TheLight ppl fear the unknown and they want everything to stay the same way it was ,but nothing stays the same change is good in a way,look at you ,you were new too i bet some of your friends at first thought "here comes another wanna be" but look at you now.. in short i'm saying that you should give new members a chance before you yell"Off with their heads" peace

[Majood]

يــــــــــــــــــــــابــــــــــــــــــــ ـا
يور انجليش فري فري كود .....

[jazz_music]

لك يا صديقي انا و الله ( بكسر الهاء) رح اطفش بس مارح اطفش غير لحتى طفش كم واحد متعصب و متدين ..

لك و الله صار منبر الأخوية للسببة و النقاشات يلي بت***

و صار كلما فات واحد سعودي و حكا شي شغلة مزعجة بتقوم الدنيا و ما تقعد .. و غيرو كتير ..


بس و الله الموقع كان حلو بس هلء هههههههههههههههه ...


باي باي مع السلامة اخوية .

[TheLight]

كاتب النص الأصلي : Euphoria

مرحبا,اذا ممكن اشارك برأيي ..I think it's natural that the members are conserned about the integrity of this place..TheLight ppl fear the unknown and they want everything to stay the same way it was ,but nothing stays the same change is good in a way,look at you ,you were new too i bet some of your friends at first thought "here comes another wanna be" but look at you now.. in short i'm saying that you should give new members a chance before you yell"Off with their heads" peace

It isn't a matter of accepting or rejecting new people...it is all about respect and nothing but respect....u r right,once i was a new member in this forum but at least i was respecting the others without being aggressive or raciste....nowadays it is different,althought we had a lot of respectful new members but on the other we have thousands of impolite members who express theirselves with the most agressive possible way....

[Majood]

كاتب النص الأصلي : jazz_music

لك و الله صار منبر الأخوية للسببة و النقاشات يلي بت***

ألو ألو............ روووء حبيب ........ و ين شايف هالمسبات و الحكي الفاضي .........
خيو المنبر متابع قدر الأمكان و ازا مرء شي و ما شفنا ......فيك تبعتلنا فيه تقرير مشاركة عاطلة ...... مو الشطارة نحكي شروي غروي
عاملينلي المنبر شمّاعة و نازلين فيه ....... حاج يا

بس و الله الموقع كان حلو بس هلء هههههههههههههههه ...

على أساس صرلك عمر انت بأخوية مو ......... ما انت ابن شهرين ...... ازا عم تتحسر على هديك الأيام ( يعني قبل شهرين ) معناها و الله لنكيف


باي باي مع السلامة اخوية .

بالسلامة و داعيلك

[Euphoria]

Then leave it to time only the worthy shall stay..members with bad intentions or ppl come here only to disrespect others won't last long..Be well

[Reemi]

دانيتو...اختفى

داني ما اختفى...داني سافر ع دبي وعنده شغل كتير...ولسا ما استقر عم بفت يسلم عليي شي عشر دقايق ويطلع... بس يستقر بيرجعلنا واحسن من اول
بس يا ريت ضيف ع الاسماء
سعيد sabe
here i am ابو المجد
وكبيرناوحبيبنا وابونا وكل شي كريم karimbow
اي خيو بانتظار البقية...
مشان التسجيل والاقتراحات اقتراحنا كتير ..

[ِAbu Alzooz]

و الله يا خي ذا لايت الوضع بيقرف
طالما بتفوت على الصالون و بتشوف موضيع عن أعرف شخصيتك
من للون كيلوتك و ينك يا طارق
أعرف أننا من خرا لأخرا
ولا المشرفين صايرين متل الأخلاقية
على كم صورة بالمايو لهيفا صرت
أنا سبب بفساد الشباب العربي
و البطالة و إغتيال رفيق الحريري مع تنبيه و شي كم زعلة
ومع تحذير بحذفي ومنع إشتركات بسبب صورة داعرة
تصور يرعاك الله
بقا بأي نفس بدي أرجع

[اب حمرا]

حبيبي مو صار في شي اسمو عملة اخوية
يعني الموقع بدو يصير يئبض عملة مشان يعطيك ميزات
اي مشان هيك حبيبنا ولو

[butterfly]

ردي عل الموضوع وعموضوع أبو وليم
http://www.akhawia.net/showthread.php?t=59190

[oliver68]

كاتب النص الأصلي : اب حمرا

حبيبي مو صار في شي اسمو عملة اخوية
يعني الموقع بدو يصير يئبض عملة مشان يعطيك ميزات
اي مشان هيك حبيبنا ولو

لك يا ميت السلامي، وين هالغيبة يا زلمي؟؟؟؟؟؟؟؟؟؟، اشتقنالك

[محمد ابراهيم]

كاتب النص الأصلي : TheLight

مي تو راح....
Nirvana....قرفت
دانيتو...اختفى
كوستا...يللي كان يضل بأخوية 24 ساعة صار يفوت ساعو ويا دوب يكتب شي
نمر سوريا..تهجر وانترك بلا تفسير....

بالنسبه لدانتيو ريم جاوبتك عن سر غيابو

اما علي المنبري وعلي ستالايتات
فالاول ويدعى مي تو صديق قديم اعرفو من قبل ما يسجل هون في اخويه
وهو ترك الاخويه للتالي ,هو قالي "كل الفكرة تبع المنتديات غلط و مضيعة للوقت "
و
"ما عندي وقت و لا عندي خلق ضيع ثانية بمهاترات و ولدنات "
هاد كان ردو لما سالتو عن سبب تركو للاخويه.

اما عن علي ستالايتات
فهو ترك الاخويه وعمل موضوع يقول فيه ليش رح يترك الاخويه
والسبب كان سوء تفاهم بينو وبين مجد , اكتر من شخص حاولو يزيلز سوء التفاهم بس للاسف ما امكن , حتى انا ما قدرت اقنع علي "نمر سوريا " للي بدو يعرف اخبارو هو بخير ومبسوط ومشرف على قسم ستالايتات باحد المنتديات

وكمان مي تو بخير وبصحه جيده


اخر اسمين في القايمه الي تعليق عليهم

نيرفانا وكوستا التنين مسجلين ب شهر 6 سنة 2006
نيرفانا ب: 19/06/2006
وكوستا 21/06/2006

ما هو الذي يمكن استنتاجه ؟؟؟
عضوين يشتركو بنهاية شهر 6 وفي فتره بسيطه جدا يثبتو نفسهم ويصيرو مؤثرين في الاخويه , دليل على ان ترك باب التسجيل مفتوح يساعد على ضخ دماء جديده للأخويه اكيد اخويه في حاجه اليها
طبعا مو كل الاعضاء الجديده رح تكون مؤثره ومفيده
بس هاد حال الدنيا مافي حد رح يعمر 20 سنه في اخويه (هيك توقعي)
وبناء عليه يجب ضخ دم جديد

ومن محاسن الصدف ايضا ان صاحب الموضوع نفسو
تاريخ اشتراكو 19/5/2006

اكيد انا صح في ان فتح التسجيل اضاف بعض الشخصيات المفيده جايز ليسوا على نفس درجة تالقكم وجايز اكبر (بس ننتظر نعطيهم الفرصه الكافيه )
وبعدين مش كل الشغله سلبيات فيها كمان ايجابيات

بيجوز تقول انو يللي بدو يضل اهلا وسهلا فيه ويللي بدو يروح الله معو

هاي سياسه ملعونه وما رح تجيب غير خروج الاعضاء المؤثره

[Hus]

سلامات .. كيفكم ؟

الحقيقة انا مش بصدد الإجابة او التوضيح او التبرير حتى .. هون ، الموضوع بالسقيفي وبالصدفة احدهم مشكورا قام بتمرير الرابط لي.. فإطلعت عليه ..

بس عاد بدي احكي هيك هوامش سريعة (اذا في مجال)

• إغلاق باب التسجيل: نعم هو ضمن قانون الطوارئ ، بمعنى يتم اغلاق باب التسجيل بالحالات التي حلها الوحيد هو بإغلاق باب التسجيل ..
  
  وهذا مش بسبب ان اخوية تسعى للزيادة الكمية (كما يدعي البعض او يتهمنها) ، لأن هون متل ما بيصنفوها الأجانب
  "nonprofit organization" -منظمات غير الربحية- ،
  
  والزيادة العددية و الكمية سواء بالأعضاء او المواضيع ، ماهي سوء عبئ اضافي وإضافي (مادي، ومعنوي، ولوجستي وكيف ما شقلبتها)
  
  بس الموضوع ان إغلاق باب التسجيل طويل الأمد ، والي هوي ضمنا تأسيس لبيئة مغلقة ، يتنافى و سياسة اخوية وفلسفتها البنائية، .. اخوية اولا ثم اولا مشروع بنائي، .. هو ليس مجتمع نخبوي ولا نسعى لذلك، هو ليس مجتمع ترفيهي ولا نسعى لذلك، هو ليس مجتمع عشوائي ولا نسعى لذلك .. بمعنى آخر نعم إغلاق باب التسجيل رح بيريح الكل ، الأعضاء مع بضعون و المشرفين والإدارة ، .. بس هذا ما بينفع ، ما بينفع تكون عم تبني و مسكر الباب على حالك ! ما بينفع تطبع كتاب و تشتري كل النسخ وتحطهم بالخزاني؟ ولا بينفع تألف مقطوعة موسيقية و تحطها بالدرج ..
  اخوية قبل ان يكون للجيدين والصالحين هو للمحتاجين والطالحين ، نحن نعتقد ان الصالحين (سواء المثقفين، النخبويين، المتعلمين، المتنورين.. الخ) ليسو بحاجة لأخوية ، او للدقة حاجتهم لأخوية لا توازي حاجة الآخرين .. و اخوية اولا للأخرين (ما رح خصص هروبا من الإتيان بصفات قد تفهم من باب الإمتهان ..)
  
  بمرحلة من مراحل اخوية ، كنا نقول معلش خلي الإسلامي المتطرف، او الإرهابي يدخل ويسب على المسيحية ويفش كل قرو ، يقول كلشي عندو ، يفضي كلشي نافخلو عقلو وقلبو منهم عبر حياتو (وخاصة ان في شرائح من هذا النوع هي لم تتعرف الى الآخر عن كثب ابدا ، هي كل معلوماتها عن الآخر مستقاة من شيخ الزاوية، ولا مثلا الجماعة (بين هللالين) ولا كتب مقارنة الأديان الي تباع على الأرصفة ..
  كنا نقول ولو بدي قولها بالعامية، معلش.. خليه يدخل يفش كل خلقو، يسبني ، يسبك ، يسبو للصبح ، كلشي بدو يقولو، مافي مشكلة ، خليه يفرغ هون بالعياط والسباب ولا الإسائة ولا التجريح ، ولا يجي بكرا يمرق على بسكليت ويكب مية نار على أختي هيي وماشيي بالشارع ! ولا يفجر حالو بمجمع سكني تقنطنه صديقتي، ولا يطلق النار على اهلي وناسي واولاد حارتي ولا مدينتي ولا بلدي الخ ..
  
  (طبعا مش رح اتطرق هون لموجبات تغيير هال السياسة او التحوير بها ، وليش بطلنا نسمح لهم بالتنفيس هون .. لا متسع الآن)
  
  وعليه نهاية باب التسجيل من غير الممكن يعاد إغلاقه لفترات طويلة او إلى الأبد او اي شيئ من هذا القبيل، برجع بقول هذا يتنافى و أهم ركائز اخوية كما ويتنافيى تماما وفلسفتها البنائية ..
  في رد كان هون http://www.akhawia.net/showpost.php?...57&postcount=9
  لشب اسمو وائل (كنت شكرتو عليه) لمن قريتو حسيت عم يحكي بلسان حالنا تماما ..
  خاصة بمجال نقل الخبرة بالممارسة ، وهو مكمن البنائية الممكنة التحقيق بالحد الأدنى ، لمن نتحاور حوار بناء، لمن نحط مواضيع جيدة، ونطرح آرائنا بديمقراطية و حرية بنائة .. هيك بننقل خبرتنا للآخرين ، هيك منخلق قوانين الي بتحدد الإصطفاء الطبيعي لهال الجماعة او لهال العقد الإجتماعي هذا .. خود الموضوع هذا الي احنا فيه ؟ مافيه او ما شفت اي رد محزوف، ولا رد ما بمحلو ولا رد من باب الي هوي بتصنفوه "خليجي " هذا مثل كتير صغير عن واقع فرض حالو من خلال الممارسة والعمل مش فقط التنظير (طبعا لمن قلت فقط قبل كلمة تنظير لوضح ان التنظير مهم ، وقد يكون جدا، لكن الممارسة -على الأقل بتقديرنا- هي الأساس هي المدرسة الأولى ..)
• عن موضوع الإشراف و الإدارة و القوانين :نعم في تقصير مستديم بأخوية ، بس الموضوع دائما جديد ، اي ان المرض هذا مرض التقصير العام مش مرض مزمن بأخوية ! اخوية بكادرها الحالي، هي لمن كان عدد الأعضاء بحدود 1000-2000 عضو ، نفس الكارد بنفس العدد والعدة ، واليوم يفوق ال 30 الف عضو .. و لهيك رح يفضل دوم في تقصير نسبي ، عم بنحاول بالفترة الحالية (الي هيي بالنسبة لنا كان مفاجئة، بمعنى ما كان بتقديراتنا رح يكون في تضخم بهال القدر وهال الكم بهال الفترة القصيرة، ما كنا حاسبين يعني ان ببضعة اشهر رح يتضاعف عدد الأعضاء و المشاركات 10-15 مرة ! .. ) لهيك كان شوي مفاجئ بالنسبة لنا الموضوع ، للوهلة الأولى حتى ما عرفنا كيف ممكن نتصرف، (يعني العدة مش جاهزي) ، ما كان في فكرة دورة اشرافية ، ما كان في فكرة نظام مخالفات و تنويهات .. في كذا امر ما كانو بإعتباراتنا وفق انو الزيادة بأخوية كانت يعني وفق هيك منحنى طبيعي .. مافيه طفرات نوعية ،
  عموما اليوم او مؤخرا كنا بصدد العديد من الأمور التقنية واللوجستية الي اتناولتوها هون بإقتراحاتكم نحو "اخوية افضل" مشكروين على طرحها ، لأن دائما الحلول والإقتراحات هي الأجدى للخوض ..
  
  بقدر قول كل الإقتراحات التحسينية مأخودي بعين الإعتبار بالنقلة الجديدة ، و انشاء الله يعني ما بيستغرف الوضع وقت طويل لتحقيق هال النقاط ، وليومها بلكت بتكونوا اعديتوا شوية مواضيع نقدية بنائة جديدة ، على شوية اقتراحات و هيك الى ما شاء الله (قا منقضيها على خدني جيتك )
• اما عن الراحلين : اخوية بث تجريبي "روداج" -هاي العبارة بتطلع فوق دوم ، عن قصد طبعا- ، لليوم اخوية بعدها اصدار تجريبي مرشح للإطلاق، .. اي .. بحدود 3 سنين على نصف مليون مشاركة على كذا الف عضو .. بس بعدنا بالإصدار التجريبي المرشح للإطلاق ، منأمل لمن نطلق اخوية ، و تتبلور الأمور بها بالطريقة الي هيي بتعبر عن اخوية ، الي رحل يرجع يطل ويجرب حالو ، اذا بينفع او ما بينفع ، اذا اخوية المبلورة بتواتي صحتو او لاء..
  مافيني قول غير هيك ، الي عم يرحل ما بيدايقنا الموضوع، ابدا ، وخاصة الي عم يرحل لأسباب شخصية، شخص عم يتلهى بأخوية عن عملو عن درسو عن حياتو الإجتماعية ، هذا من الأفضل يرحل، اذا ضل بأخوية بالصيغة هاي (بصيغة انو آخدي وقتو كلو)، فكيف فيني عبر عن انو بيزعجنا هذا او بمعنى بنستاء من وجود شخص بأخوية على حساب نفسه يعني ..
  والي عم يرحل بسبب عدم توافق اخوية و شخصه او فكره ، قلت فوق بعدنا بث تجريبي، بس نطلق الموقع منأمل يرجع يطل يجرب حالو ويشوف .. بس اثناء البث التجريبي عارف بيبقى الخسائر ما بتنحسب على الأشخاص او هيك ..
  
  اما الي هون ، الفاضلين هون "الي لاطيين هون " فهني اليوم الي عم بيصيغو اخوية عم بيأسسو لأخوية.. والي رح يطلقو اخوية بكرا.. (مش بكرا بكرا ، ما اتدقق على كل كلمة يعني ما حبكت بكرا .. انو كلمي وبتنقال عن المستقبل .. يعني ..)
• الأشخاص غير المناسبين، و اخوية:كنا حكينا بالبداية عن مدى عدم توافق انشاء مجتمع مغلق و فكر اخوية وفلسفتها .. الي حابب زيدو شوي بهال الصدد ..
  اخوية ما عم تسعى لإنشاء يوتوبيا او مجتمع مثالي افتراضي .. اخوية اولا إنعكاس للواقع برتوشنا، (هيك لازم) .. بصالحاتو وطالحاتو .. من غير الجيد تكون مجتمع وهمي تعيش فيه للحظات الي فيها انت على النت مبسوط ، وترجع بعد شوي تطلع على الواقع تشوف شيئ مختلف تماما ، شيئ مغاير تماما.. (ما بنكون عملنا شي..)
  كما و انعدام وجود الأشخاص السلبيين بأخوية هوي ظاهرة غير صحيّة ..
  ما بعرف اذا طاوعتني الكلمات بقدر قول _مجازا_ اخوية الواقع كما نشتهي ونسعى ان يكون .. وانا بالعموم دقيق حبتين وخاصة بمجال التعبير، قلت كما نشتهي ان يكون وليس كما ينبغي ان يكون ، وليس كما هو او كما يكون .. ينبغي ، بتدخلك بالمثالية الغير قابلة للتطبيق (من خبرة الحضارات بتكوينهم هيك وجدو انو انشاء مجتمع يتوبي مثالي فكرة غير قابلة للتطبيق)، بس كما نشتهي ونسعى يعني عرفت كيف، انو لو بيكون في حبة هال الديمقراطية بالواقع _ ما بيصير شي_، لو بيكون في حبة هالقبول للآخر _يا ريت والله_، لو بيكون في حبة هال التنور شوي _بكون ممنونك _..
  
  الي ليوم عم بتقابلو بأخوية و عم تستاء منو ، سواء لانو متخلف"بحسب فهمك للتخلف" سواء "طائفي" بسحب فهمك للطائفية، سواء "مارق" بحسب فهمك للمارقية مثلا .. لمن أتطفشو من اخوية ، او لمن اخوية تحظرو (بنسميها نفي داخليا -بمعنى تحول دون دخولو الموقع) .. هذا حل مسكن ، حل مؤقت جدا جدا ،، هذا حل بيخليك هال الحظة مبسوط .. وبس ،
  بس هذا الشخص شو بك تعمل فيه بالمجتمع ، شو بك تعمل بكرا لمن تلاقيه زميلك بالعمل، ولا جارك بالبناي، شو بك تعمل فيه لمن تلاقيه صار نائب _قال عنك!!_ بالبرلمان ، ولا قيادي ببلدك .. شو بك تعمل وقتها ..
  اليوم قدامك فرصة تساعدو ((إنو يساعد حالو)) ، بتضمنلك انك بالحد الأدنى تقلص إحتمالات انك تلاقيه بكرا بوشك بالمجتمع على الأرض .. اليوم قدامك فرصة لتساعدو ((إنو يساعد الي على شاكلته)) ،، منشان ما تصادفهم بكرا ، ومنشان ما يصادفوهم ابنائك بالجيل القادم ..
  
  اليوم انت كفرد امامك فرصة ( والفرد نواة المجتمع، المجتمع الي هوي مجموعة من الأفراد)، انت كفرد لمن تساعدو اولا عم بتساعد حالك ، ثم اولا ثم اولا ، فمصلحة الجماعة (مجموعة مصالح افرادها) هي مصلحتك ، ولمن انت تساعد فلان ، فلان يساعد آخر ، عم بتساعد بالمحصلة الجماعة الي انت تنتمي لها ، والي بمساعدة افرادها رح ينعكس عليك اولا هذا .. كفرد ضمن الجماعة مصلحته من مصلحتها و مصلحتها من مصلحته ..
  وهون اخوية هي الوسيلة .. (ليست غاية بذاتها) هي وسيلة نحو هال البنائية .. وسيلة نحو تعمل تحسين بالي مش عاجبك .. لو فضلت تقول مش عاجبني كتير كتير ، ما رح بيغير شي ، بس لو مسكت واحد ما عاجبك و ساعدتو .. و كام واحد تانين عملو متلك ، ما رح تنزعج بكرا وتقول مش عاجبني هيك ، مش منيح هيك ،، رح تقدر توصل ليوم تبتسم وتقول اوووه ، والله تمام، .. يا سلام .. هيك الوضع صار منيح ..
  
  الي عم قولو هون (ولو بصيغة اخرى رح صيغو)، ان مساعدة الآخر ابدا ليست ضرب من الغيرية المتقعة ، او الطوباوية .. مساعدة الآخر ضمن الجماعة هي بالنهاي مصلحة شخصية، لا بل و ضرب من الأنانية ..
  ((احنا غالبا الأشخاص الي منصنفهم بخانة "الوطنيّة" متل شخص بيضحي بحياتو في سبيل بلدو .. او امته .. لو بتنظر ليهم عن كثب، هم اشخاص أنانيين حتى الصميم، هو لا يكتفي بالحياة الهنيئة الآنية ، وانما بدو يعيش هوي بسعادة و بدو ابنه يعيش بسعادة وحفيده ، وحفيد حفيده ، و كل قريب ينتمي هو له ان يكون بسعادة ، هال الأنانية المفرطة لدرجة بتخليه مستعد يضحي بحياته ،، اقصد نزعته الأنانية نحو انو يكون هو و كل من لم لمه سعيد هي الي بتخليه يكون بخانتنا "وطني" او "غيري" او حتى انسان صالح..
  
  
  

اي .. هاي اجتك الفرصة لحد عندك شرف .. على طبق من دهب خيو ، استغلها يا شاطر، واستغلها كنك شاطر

انا طولت على ما يبدو او اطلت (يمكن)، كنا جايين نكتب هوامش، رحنا كاتبين عريضة .. يالله سلامات .. و شكرا مجددا لتعاونكم ، لنقدكم البناء، ولإقتراحاتكم..

[Government]

يلاااااااااااااااا ياشباب

تحية للحكيم
تحيييييييييييييييييييييييييييية



و 500 محروقة للحكيم



والى الأبد الى الأبد ياحافظ الأسد
قصدي ياحكيم لاتواخذونا

[TheLight]

اول شي حابب اشكر حسام (DrHus) ع المداخلة القيمة تبعيتو ويللي وضحتلي - انا شخصيا - عن فلسفتو الخاصة بأخوية وبهدفو من انشاء اخوية يللي (متل ماقال) مو مفروض تكون بيئة منغلقة على نفسها رافضة لوجهات نظر الاخرين انطلاقا من نظرتو لاخوية كمشروع (بكلمة او بأخرى) ثقافي تربوي وبنفس الوقت ترفيهي....
طبعا كل الكلام المذكور لا اعتراض عليه لا من حيث المبدأ ولا من حيث الفكرة....الاعتراض او خلينا نقول (بطريقة أدق وأصح) النقد يللي صار هو نقد لألية التطبيق و النتائج يللي عم نشوفها ع أرض الواقع أو ع أرض أخوية.....
طبعا انا حابب علق ع موضوع اغلاق باب التسجيل....وانا اعتراضي ع فتح باب التسجيل ليس بهدف الانغلاق ع بعضنا ضمن اطار واحد بيضم داخله اشخاص ذوي عقليات وطرق تفكير ومبادىء متشابهة متقاربة...وانا شخصيا ضد هالشيء (وهو سبب من الأسباب يللي خلتني فوت ع أخوية من البداية ويلي ما عم تسمحلي فوت ع المنتدى الجديد يللي انعمل وعم يضم اشخاص كتير متقاربين فكريا وممكن حتى مذهبيا)....اقتراح انو يرجع ينغلق باب التسجيل هو بهدف اتاحة المجال لترجع تنتظم الامور بأخوية بعد فترة الاظطرابات يللي صارت مؤخرا ويللي لساتنا عم نمر فيها ولكن هالمرة بشكل مختلف.....لبينما نقدر نطور أليات عمل جديدة تسمح للادارة والمشرفين انهم يقدرو ينظمو الامور بأخوية....ومن هالطرق والأليات ممكن يكون تفعيل الاشراف وغيرها من الطرق يللي براس الحكيم....
هاد هو التعقيب الوحيد يللي براسي هلق.....
مع المحافظة ع اقتراح تاني والاصرار عليه.....اعادة تنظيم الارشيف....
شكرا