الساعة البيولوجية للجسم

[المحارب العتيق]

شباب من فترة وأنا صاير لاليلي ليل ولا نهاري نهار . أوقات النوم والأستيقاظ عندي مشربكة وفايتة بالحيط . الشي يلي عم يخليني دائما اشعر بتعب شديد . عدا عن انو نهاري بيضيع نصو بالنوم . المعروف انو اي تغيير بهاد الروتين ممكن ينتج عنو أعراض ارهاق ووجع راس وغيرها . وانا أصلا ماعم أقدر غير هاد الروتين . فياريت تفيدونا كيف فينا نسيطر على الساعة البيولوجية للجسم بأني غير وقت نومي بأريحية .وبدون اعراض جانبية . وياريت تقدمولنا نصائح كيف فيني خفف ساعات نومي لأقل وقت ممكن بدون ماتتأثر طاقتي بهاد الشي

[ABUSHHAB]

سهلة ما بدها شي
ساوي حجامة

[المحارب العتيق]

كاتب النص الأصلي : ABUSHHAB

سهلة ما بدها شي
ساوي حجامة

وكيف بدي قلل ساعات نومي وأتحكم فيهم بالحجامة ؟

[المحارب العتيق]

دراسة: بعض الأشخاص ولدوا ليصحوا ليلاً ويناموا نهاراً
أظهرت دراسة حديثة أجرتها جامعة ألبرتا الكندية، أن بعض الأشخاص الذين يعانون من مصاعب في الاستيقاظ صباحا على عكس ما يجري لهم ليلا هو لأن أجسامهم مبرمجة على ذلك، لا لإصابتهم بالأرق أو لعيب نفسي كما كان يُعتقد.
وبرز في الدراسة أن هناك نطاق واسع من ساعات استيقاظ ونوم الأشخاص المختلفين من آخر الليل إلى ساعات الفجر الأولى، حيث يرتبط هذا الأمر بجزء من الدماغ يدعى "الوطاء" (الهيبوثالاماس)، والذي يحتوي على الساعة البيولوجية التي تقرر فترات نوم كل إنسان.
وأشار أوللي لاغركويست، أحد باحثي الدراسة، التي أجريت على 18 شخصا، إلى أن الدراسة أجريت عبر فحص مدى قوة سيقان أشخاص من النشيطين صباحا ونظرائهم من ساهري الليالي، في أوقات مختلفة من النهار، ليتبين أن قوة "النهاريين" تبقى مستمرة طوال النهار، بينما يكون "رواد الليل" على أعلى مستوى من الأداء المهني والشخصي في الليل.
وبيّن لاغركويست أنه كان يتوقع أن يكون الأشخاص "النهاريين" أكثر قوة من ذلك أثناء النهار، مضيفا أنه تبين أنهم يبقون على حالهم طوال الوقت.
وأوضح أن هذا الأمر قد يكون نظرا لأنه ظهر في أجسام "ساهري الليالي،" زيادة في استثارة القشرة الدماغية والنخاع الشوكي في المساء، وهو الأمر الذي لم يحصل "للنهاريين،" حيث تختلف أوقات استثارة النخاع الشوكي والقشرة الدماغية عندهم.
وبالمقابل، أفاد لاغركويست، بأنه رغم أن "ساهري الليالي" هم على درجة عالية من النشاط ليلا، إلا أن متطلبات الحياة والعمل تقتضي بأن يصحو نهارا، وهو أمر في غاية الصعوبة بالنسبة لهم لأنهم "مبرمجين" بيولوجيا على أن يعيشوا حياة ليلية لا نهارية، على عكس "النهاريين" الذين يبقون على نفس المعدل من النشاط طوال اليوم.
وذكر طبيب الأعصاب بجامعة ماساتشوستس الأمريكية، أن الدراسة الحديثة أكدت ما ظنه العلماء في السابق، بأن الأداء عند الرياضيين يتفاوت في أوقات مختلفة من النهار.
واللافت عند العلماء أنه تبين من هذه الدراسة أن الإنسان، مثله مثل سائر الكائنات قادر على فعل أشياء مختلفة في أوقات متفاوتة من النهار وبدرجات مختلفة من النشاط.

المصدر: CNN

[المحارب العتيق]

معقول هالدراسة صحيحة تماما . وفينا نغير هاد الشي ولا لأ ؟

[Abu ToNi]

انا كلما بفوت بفترة امتحانات بتقلب ساعتي وبصير ليلي نهار ونهاري ليل
كتير بتعذب لأرجع نظم حياتي وساعات نومي بس الحل بالنسبة الي دائما بينفع
بجبر حالي على الفيقة بساعة معينة ( شي على الـ 10 الصبح ) لمدة يومين متتالين
بوصل بآخر اليوم التاني للساعة 12 باليل بكون فيها فرطت وماني مصدق شوف الفرشة قدامي لنام

المشكلة أنك تجبر حالك تفيق علساعة 10 حتى لو كنت نايم الساعة 6 وج الصبح جبور حالك وحاول تبقي حالك مشغول طول اليوم وما تاخدلك رقدة بعد الضهر لأنها بتنزعلك كل الطبخة
ب

[المحارب العتيق]

كاتب النص الأصلي : Abu ToNi

انا كلما بفوت بفترة امتحانات بتقلب ساعتي وبصير ليلي نهار ونهاري ليل
كتير بتعذب لأرجع نظم حياتي وساعات نومي بس الحل بالنسبة الي دائما بينفع
بجبر حالي على الفيقة بساعة معينة ( شي على الـ 10 الصبح ) لمدة يومين متتالين
بوصل بآخر اليوم التاني للساعة 12 باليل بكون فيها فرطت وماني مصدق شوف الفرشة قدامي لنام

المشكلة أنك تجبر حالك تفيق علساعة 10 حتى لو كنت نايم الساعة 6 وج الصبح جبور حالك وحاول تبقي حالك مشغول طول اليوم وما تاخدلك رقدة بعد الضهر لأنها بتنزعلك كل الطبخة
ب

المشكلة انو احيانا بنجبر فيق بكير (بيكون عندي شغل ) ومع ذلك ليلتها بسهر متل العادة ومابنعس . عدا عن أني بحب الليل والسهر كتير . فياترى في طريقة الواحد يقلل ساعات نومو بدون تعب .
على الهامش
قريتلي الدراسة وشو رأيك بهاد الكلام ؟ وكم ساعة بتنام يوميا ؟

[Huzun]

مابعرف إذا بتشرب أدوية بدون وصفة طبية بس في بنادول خاص لتحسين وقت النوم
بس مو تاخد الحب كل يوم !!!




وقت بتحب تزبط نومتك بتشربها مثلا عالساعة 11 بالليل
بتنام وبتفيق بكير وهيك بعتقد بيتحسن نظام نومك.
بس أهم شي مانعتمد عليه للنوم كل يوم.

[Abu ToNi]

كاتب النص الأصلي : المحارب العتيق

المشكلة انو احيانا بنجبر فيق بكير (بيكون عندي شغل ) ومع ذلك ليلتها بسهر متل العادة ومابنعس . عدا عن أني بحب الليل والسهر كتير . فياترى في طريقة الواحد يقلل ساعات نومو بدون تعب .
على الهامش
قريتلي الدراسة وشو رأيك بهاد الكلام ؟ وكم ساعة بتنام يوميا ؟

قريتها للدراسة وحسيتها منطقية كتير
يعني الشي اللي مسمينه "برمجة" للجسم نحن بحياتنا منسميه عادة
وقت انسان بسافر من بلد لتاني بتحسه أول يوم ضايع ... ما بكون مضيع ساعات النهار بقد ما بكون مضيع الريتم تبعه

بتذكر وقت بيجي حدا من قرايبينا من أميركا على سوريا
ما بحافظ على ساعته بالعكس تماما بيقلبها ليحافظ على نمط حياته

يعني هوي متعود ما ينام ليشقشق الضو ، بتلاقيه بسوريا كمان ما بنام ليشقشق الضو
مع أنه ببلده ممكن يكون اللحظة هي فعليا وبحسب نمط حياته العادي لحظة استيقاظه
بس هوي مبرمج على نمط معين صعب يقدر يغيره

انا دائما بنجح بهي الخطة .. اني اجبر حالي على الفيقة بتوقيت معين
هلشي سببلي بيوم من الأيام استيقاظ لـ 36 ساعة متواصلة ضيعت فيها التوقيت والتاريخ وفتت بمرحلة عدم ادراك لكل شي
شي بيشبه وقت بيسكر الواحد وبيصعب عليه التركيز وبفكر وبيتصرف بطريقة لا ارادية

هية صعبة أول 3 -4 أيام بعدين كلشي بيمشي الحال جربها ما بتندم

من ناحية النوم فأنا انسان ما بشع نوم بالمرة
ما بتذكر ولا مرة اني فقت هيك لحالي لأني شبعت نوم
دائما بفيق لأن بكون عندي شغلة ولازم اعملها

[المحارب العتيق]

كاتب النص الأصلي : Huzun

مابعرف إذا بتشرب أدوية بدون وصفة طبية بس في بنادول خاص لتحسين وقت النوم
بس مو تاخد الحب كل يوم !!!




وقت بتحب تزبط نومتك بتشربها مثلا عالساعة 11 بالليل
بتنام وبتفيق بكير وهيك بعتقد بيتحسن نظام نومك.
بس أهم شي مانعتمد عليه للنوم كل يوم.

مشكورة على الوصفة . رح جربها باقرب وقت

[mary belle]

كاتب النص الأصلي : المحارب العتيق

مشكورة على الوصفة . رح جربها باقرب وقت

ما بنصح انو حدا ياخد ادويه ..
الادويه بتعمل تفاعل بالجسم و بيتعود عليها و من الصعب انك توقف عنها لأنك بتسير تحس انك مش قادر تنام بدون هالبندول

اجبر حالك كم يوم انو تنام مثلا الساعه وحده و عيرها للساعه عالسبعه..(6 ساعات مناح)
انو تجربه

بالنسبه لهي الدراسه قريتها و صح و من زمان بحس بالهشي
و ايام المدرسه و لمتحان احلا وقت عندي من بعد الساعه 12 بالليل وهيك للفجر يعني 4 او 5
لأنو الانسان بكون راسو فاضي و هي ساعات السكون بتعطي احساس بالراحه
بس يعني لازم الواحد ينام

بقلك امسكلك شي كتاب ممل و اقراه على ضو خفيف ضو شمعه يعني و هيك لحالك بتغفل انت و قاعد

------------
يللا عنجد دورت و لقيت هالكم شغله

""و لكي يكون النوم صحياً فيجب أن يتحقق فيه ثلاثة شروط :
أولها الراحة الجسدية وثانيها الراحة العاطفية والاخيرة هي الراحة الفكرية فمتى تمت هذه الشروط الثلاثة فانها تجذب للانسان النوم الصحي الملائم لجسمه فان هناك في جسم الانسان هرمون (السيروتونين) الذي يتولى مهمة تنويم جسم الانسان والعجيب في الهرمون انه يزداد افرازه في الظلام فهو يعتمد على درجة الاضاءة المحيطة بجسم الانسان قال تعالى :
( وجعلنا نومكم سباتا وجعلنا الليل لباسا وجعلنا النهار معاشا). فالنوم الطبيعي لا يكون الا في الليل.
اما الارق وعلاجه فيمكن التغلب عليه بتجنب النوم لفترات طويلة اثناء النهار والابتعاد عن المنبهات قبل النوم بثلاث ساعات على الاقل وتهيئة الجو المناسب للنوم""

[المحارب العتيق]

كاتب النص الأصلي : Abu ToNi

من ناحية النوم فأنا انسان ما بشع نوم بالمرة
ما بتذكر ولا مرة اني فقت هيك لحالي لأني شبعت نوم
دائما بفيق لأن بكون عندي شغلة ولازم اعملها

طيب ياترى فينا نخفض ساعات نومنا بدون مايتأثر جسمنا او طاقتنا أو نحس بتعب ؟ . واذا ممكن ننام بس خمس ساعات يوميا بدون تأثيرات جانبية . فشو الطريقة ؟

[المحارب العتيق]

كاتب النص الأصلي : mary belle

------------
يللا عنجد دورت و لقيت هالكم شغله

""و لكي يكون النوم صحياً فيجب أن يتحقق فيه ثلاثة شروط :
أولها الراحة الجسدية وثانيها الراحة العاطفية والاخيرة هي الراحة الفكرية

مافي ولا وحدة من هالشروط . شكلي مالي حل

فان هناك في جسم الانسان هرمون (السيروتونين) الذي يتولى مهمة تنويم جسم الانسان والعجيب في الهرمون انه يزداد افرازه في الظلام فهو يعتمد على درجة الاضاءة المحيطة بجسم الانسان قال تعالى :
( وجعلنا نومكم سباتا وجعلنا الليل لباسا وجعلنا النهار معاشا). فالنوم الطبيعي لا يكون الا في الليل.
اما الارق وعلاجه فيمكن التغلب عليه بتجنب النوم لفترات طويلة اثناء النهار والابتعاد عن المنبهات قبل النوم بثلاث ساعات على الاقل وتهيئة الجو المناسب للنوم""

مشكورة يا اكابر على المعلومات

[I_Love_Syria]

كاتب النص الأصلي : المحارب العتيق

طيب ياترى فينا نخفض ساعات نومنا بدون مايتأثر جسمنا او طاقتنا أو نحس بتعب ؟ . واذا ممكن ننام بس خمس ساعات يوميا بدون تأثيرات جانبية . فشو الطريقة ؟

فينك تخفض ساعات نومك بس بالتدريج, خمس ساعات نوم قليل الجسم بحاجة أقل شي ل ست ساعات نوم باليوم....هلأ لحتى تظبط نومتك وفيقتك لنفرض انو انت لازم تكون بشغلك الساعة تسعة الصبح بتبلش أول شي تفيق الساعة 8 وتجبر حالك عالفيقة الساعة 8 معك معك بتصير فيقة الساعة 8 سهلة وبسيطةبنجي لوقت النوم مثلاً خلّي وقت نومتك دائماً عال 12 أو عال 1 حتى لو ما كنت نعسان تسطح بالتخت أول مرة بتطول لتغفل بس معك معك بتصير نظامي لحالك بس تلاقي الساعة صارت 12 أو 1 طفيت هالضو ونمت وبتفيق الصبح بكير وآخر رواق....على فكرة النوم لساعات طويلة ومتأخرة بيعطي خمول للجسم

[المحارب العتيق]

كاتب النص الأصلي : I_Love_Syria

فينك تخفض ساعات نومك بس بالتدريج, خمس ساعات نوم قليل الجسم بحاجة أقل شي ل ست ساعات نوم باليوم....هلأ لحتى تظبط نومتك وفيقتك لنفرض انو انت لازم تكون بشغلك الساعة تسعة الصبح بتبلش أول شي تفيق الساعة 8 وتجبر حالك عالفيقة الساعة 8 معك معك بتصير فيقة الساعة 8 سهلة وبسيطةبنجي لوقت النوم مثلاً خلّي وقت نومتك دائماً عال 12 أو عال 1 حتى لو ما كنت نعسان تسطح بالتخت أول مرة بتطول لتغفل بس معك معك بتصير نظامي لحالك بس تلاقي الساعة صارت 12 أو 1 طفيت هالضو ونمت وبتفيق الصبح بكير وآخر رواق....على فكرة النوم لساعات طويلة ومتأخرة بيعطي خمول للجسم

ست ساعات بتكفي بدون اي أرهاق للجسم ؟

والنوم الطبيعي للأنسان قديش لازم يكون . وبيفرق من عمر لعمر ؟

[I_Love_Syria]

كاتب النص الأصلي : المحارب العتيق

ست ساعات بتكفي بدون اي أرهاق للجسم ؟

حسب طبيعة الشغل يلي بتشتغلو بس ست ساعات بتكفي هلأ الطبيعي لشباب بأعمارنا بين الست لل 8 ساعات حسب طبيعة الجسم
بس إذا عوّدت حالك على 7 ساعات أو 6 أو 8 مابيصير عندك مشكلة بالمرة يعني بالنهاية هي مجرد عادة

والنوم الطبيعي للأنسان قديش لازم يكون . وبيفرق من عمر لعمر ؟

حسب أحد المواقع فمتوسط ساعات النوم بين السبعة لل 8 ساعات يفضل يكون أغلبها خلال الليل يعني مثلاً ماتكون فترة النوم من 3 الصبح لل 12 وهكذا...
حسب نفس الموقع فعدد ساعات النوم ما بتتعلق بعمر البني آدم

[Huzun]

كاتب النص الأصلي : mary belle

ما بنصح انو حدا ياخد ادويه ..
الادويه بتعمل تفاعل بالجسم و بيتعود عليها و من الصعب انك توقف عنها لأنك بتسير تحس انك مش قادر تنام بدون هالبندول

ياإلهي أنا قلت إنو مايستخدمها الواحد عطول لأنها بتسبب إدمان
هلق أنا أحيانا بيتلخبط نومي ونومي صعب كتير يتحسن
بقوم باخد نص حبة (كرمال مانام كتير وكرمال ماإتعود عالحبة وإتضرر منها ) باخدها وبنام وهيك بفيق الصبح بكير نشيطة وشبعانة نوم لأني ماتعذبت الليلة الماضية
ولأني فقت بكير بقوم بنعس بالليل وبنام بكير وهيك بيتحسن نظام نومي
بس لأني واعية وبعرف إنو الدوا ممكن يسبب الإدمان بقى ماباخدها كل يوم .. للضرورة فقط ..

للعلم آخر مرة أخدت فيها هالنص حبة كانت من سبع شهور .. يعني الحمدلله بعيدة عن خطر الإدمان

[التقرير الجوال]

ليش الناس بالعادة بيصير عندها اعتياد على الـ Antihistamine ؟؟