تساؤلات في الفكر المادي

[المحارب العتيق]

حابب حط كم تساؤل صغار . للشباب يلي بيحكو عن الفكر المادي . بما انو متل مابشوف أنو كتير مقتنعين بأفكارهم فحابب أستفيد من معلوماتهم بكم تساؤل عندي . بلك بوصل لشي كان ناقصني . او بصل لجواب سؤال كان محيرني . رح حط كل فترة سؤال ومنتناقش فيه وبعدين منحط غيرو

[المحارب العتيق]

هلأ يقال أنو الكون والحياة . وجدت عبر معادلة فيزيائية . وهي المعادلة ( يلي تسمى الانفجار الكبير ) نتجت عن حادث فلكي ما ( معادلتو غير معروفة ) . السؤال قدر العلم يثبت أي شي تاني صنع من معادلة غير معروفة . متل حياتنا على الأرض ؟

[Nasserm]

كاتب النص الأصلي : المحارب العتيق

هلأ يقال أنو الكون والحياة . وجدت عبر معادلة فيزيائية . وهي المعادلة ( يلي تسمى الانفجار الكبير ) نتجت عن حادث فلكي ما ( معادلتو غير معروفة ) . السؤال قدر العلم يثبت أي شي تاني صنع من معادلة غير معروفة . متل حياتنا على الأرض ؟

الموضوع مانو موجه لإلي (لإني مو من الشباب اللي بيحكوا عن الفكر المادي) بس في كام شغلة فيني فيدك فيهن.. أول باشتان.. وجود الكون مو من (معادلة فيزيائية غير معروفة) لإنو الانفجار الأعظم هو نظرية صح.. بس في عليها إثباتات تجريبية كتيرة بعلم الفيزياء الفلكية (منها تباعد المجرات،درجة حرارة الإشعاع الكوني الخلفي، توسع الكون وغيرها).. تاني باشتان.. اللي مو معروف لسا بالانفجار الأعظم هو شو صار بأجزاء الثانية الأولى بعد الانفجار (لإنو تقريباً كل شي بعدو معروف).. وعم يشتغلوا العلماء من فترة على هالقصة وبيحتاجوا لنظرية موحدة (بين الثقالة والكوانتم) وهني ماشيين ع الطريق.. بدك تطوّل بالك عليهن شوي.. لإنو كل فهمنا للقصة ما صرلوا سبعين تمانين سنة.. في وقت لسا.. تالت باشتان.. بناء على ما سبق.. بيصير سؤالك ما كتير راكب.. إنو شو يعني إثبات شي من معادلة غير معروفة؟ صيغ السؤال بطريقة تانية ت إفهم عليك.. وقتها ممكن نكمّل حكي.. تحياتي

[DARKNESS]

كاتب النص الأصلي : المحارب العتيق

هلأ يقال أنو الكون والحياة . وجدت عبر معادلة فيزيائية . وهي المعادلة ( يلي تسمى الانفجار الكبير ) نتجت عن حادث فلكي ما ( معادلتو غير معروفة ) . السؤال قدر العلم يثبت أي شي تاني صنع من معادلة غير معروفة . متل حياتنا على الأرض ؟

نظرية الأنفجار الكوني لا علاقة لها بالمعادلة الغير معروفة المعادلة الغير معروفة اللي عم تتكلم عنها هي معادلة الها علاقة بالنظرية النسبية اللي فيها
لأنو في شغلات انشتاين عجز عن تفسيرها بالنسبة لحدود الكون فضاف مجهول لمعادلة اتساعية الكون و بصراحة المسألة معقدة جدا بالنسبة لهالمجهول
و ما فيني اشرحو بالشكل المطلوب لأنو اللي حطو ما عرف ليش حطو و انشتاين بأخر ايامو قال انو هالرقم هو اكبر غلط بالمعادلة
هالشي شفتو ببرنامج وثائقي بيتكلم عن حدود الكون و الأنفجار الكبير

بينما المعادلة المنطقية الغير معروفة انو ليش خلقنا و كيف و من وين و لشو و شو في بعد الموت

هالشي فسرو البعض بشكل فلسفي اسمو الصدفة انو كل شي صار صدفة الكون و الحياة و ما بعرف شو
و هاد مذهب فلسفي اكتر مانو مذهب علمي لأنو ما ألو دليل بس كمان ما أو نقض بنفس الوقت و بعدين بحسب قوانين الفيزياء لكل سبب مسبب فهو مرفوض علميا و لكن مؤيدينه بيعتبرو انو هاد ما يدعى الحالة الشاذة بنشوء الكون و الصدفة اي انها بحسب مبدآ لكل قاعدة أستثناء فالكون في تشكلو خرج عن هالقاعدة و بدا و بديت الحياة
و الحديث طويل بهالمجال و في نظريات كتير يعني بجوز يكون حدا سمعان نظرية تانية بتعارض كل شيء قلتو
و كمان ما فيني احكي معو شي لأنو لحد الآن كل شي لساتو فرضيات و الأنفجار الكوني في كتير غموض حوله
و حول نشوء الزمن من بعده لأنو الزمن ما نشأ إلا بعد الإنفجار الكوني


اسف اذا في شي مو مفهوم

للحديث تتمة

سلام..

[Nasserm]

كاتب النص الأصلي : DARKNESS

لأنو في شغلات انشتاين عجز عن تفسيرها بالنسبة لحدود الكون فضاف مجهول لمعادلة اتساعية الكون و بصراحة المسألة معقدة جدا بالنسبة لهالمجهول
و ما فيني اشرحو بالشكل المطلوب لأنو اللي حطو ما عرف ليش حطو و انشتاين بأخر ايامو قال انو هالرقم هو اكبر غلط بالمعادلة

سلامات دارك.. بس توضيح صغير.. المجهول -والأصح نقول (ثابت أو معامل)- أضافو آينشتاين 1924.. بعد ما حل إلكسندر غاموف معادلات النسبية العامة وطلع معو إنو الكون رح يكون: إما متوسع.. أو متقلص.. فـ هالنتيجة ما عجبت آينشتاين.. قام آينشتاين حط هالثابت بمعادلاتو.. حتى يصير الكون ساكن ومستقر.. فيما بعد.. وبالزبط سنة 1929 اكتشف إدوين هابل بالرصد إنو المجرات عم تتباعد (لما رصد انزياح طيف معظم المجرات القريبة نحو الأحمر).. يعني هذا فيما يعنيه إنو الكون عم يتوسع.. هون.. وبتواضع العلماء.. تراجع آينشتاين عن غلطو.. وقال إنو هيدا أكبر خطأ بحياتو.. بس هيدا ما كان بآخر حياتو.. هيدا الحكي كان قبل بشي عشرين سنة ما يتوفى آينشتاين (على ما أذكر توفى آينشتاين 1956)

[jovia]

مابدي صارع بشي ما بفهم فيه كتير ولا بدي قلك انو الانسان متلما قال الله والقصص والروايات هي لانو انا نفسي بقول لحالي انو كيف وصلت قصة ادم وحوا بالتواتر وباقي قصص الانبياء يلي وصلتلنا من حوالي 2009 سنة قبل هلا .... احيانا بقول كلو هاد ادعاءاات وكلو فيه تحريف ان كان بالمسيحية او بالاسلام لانو مو معقول ينتقل اكتر من الفين حديث عن النبي هاد ازا كان بالمفترض يكون في نبي ... بدون ما يكون في تحريف خلا كل هالاعوام فبالنهاية بقلك انو برجح تقرا عن هالشي بكتب العلماء افضل ما تسالنا هون لانو ح تنفتح جبهات دينية وفلسفية وعلمانية بهالموضوع متل غيرو

[I_Love_Syria]

كاتب النص الأصلي : jovia

مابدي صارع بشي ما بفهم فيه كتير ولا بدي قلك انو الانسان متلما قال الله والقصص والروايات هي لانو انا نفسي بقول لحالي انو كيف وصلت قصة ادم وحوا بالتواتر وباقي قصص الانبياء يلي وصلتلنا من حوالي 2009 سنة قبل هلا .... احيانا بقول كلو هاد ادعاءاات وكلو فيه تحريف ان كان بالمسيحية او بالاسلام لانو مو معقول ينتقل اكتر من الفين حديث عن النبي هاد ازا كان بالمفترض يكون في نبي ... بدون ما يكون في تحريف خلا كل هالاعوام فبالنهاية بقلك انو برجح تقرا عن هالشي بكتب العلماء افضل ما تسالنا هون لانو ح تنفتح جبهات دينية وفلسفية وعلمانية بهالموضوع متل غيرو

إي وإنتي شو عملتي هلأ, واضح إنو الموضوع الو علاقة بالأديان ليه فتي ودحشتي الأديان بالنص ولا المهم نحط رد
ومتل ما سبق وقلتي إنو مابدك تصارعي بشي مابتفهمي فيه فكان الأولى إنو ما تضيفي هالرد التحفة

[jovia]

مممممم هلا يمكن كلامك صح بس بالاول انا هاد رايي ولما حكيتو ما اكدتو يعني كان ممكن وقابل للطعن لانو انا نفسي مو مثبتو ... بعدين ايدك على قلبك ليوقع ولاتحرق اعصابك كتير لانو بالفعل ازا تفسير وجود الانسان من نظرية علمية اكيد اصحاب الدين حيقلولك لا من نظرية دينية ومنشا ديني فانا ما عم بحكي كلام بالهوى هالسؤال انا على ثقة انو كل مين حيفسرها حسب معتقدو و ايمانو بالتالي وبالنهاية وبكل بساطة واريحية انا ما عم سيئ لمحارب ابو عمير لانو صديقي الغالي وما ممكن اني دايقو بس ابديت رايي متلي متل اي حدا وحبيت اتظارف معو انت شو حشرك وليش دخلت بيناتنا ااه ...
دخلك لا تنسى تشربلك حبوب مهدئة لانو شكلو مخك على وشك يطئ

[DARKNESS]

كاتب النص الأصلي : Nasserm

سلامات دارك.. بس توضيح صغير.. المجهول -والأصح نقول (ثابت أو معامل)- أضافو آينشتاين 1924.. بعد ما حل إلكسندر غاموف معادلات النسبية العامة وطلع معو إنو الكون رح يكون: إما متوسع.. أو متقلص.. فـ هالنتيجة ما عجبت آينشتاين.. قام آينشتاين حط هالثابت بمعادلاتو.. حتى يصير الكون ساكن ومستقر.. فيما بعد.. وبالزبط سنة 1929 اكتشف إدوين هابل بالرصد إنو المجرات عم تتباعد (لما رصد انزياح طيف معظم المجرات القريبة نحو الأحمر).. يعني هذا فيما يعنيه إنو الكون عم يتوسع.. هون.. وبتواضع العلماء.. تراجع آينشتاين عن غلطو.. وقال إنو هيدا أكبر خطأ بحياتو.. بس هيدا ما كان بآخر حياتو.. هيدا الحكي كان قبل بشي عشرين سنة ما يتوفى آينشتاين (على ما أذكر توفى آينشتاين 1956)

و الله عا راسي انت

بس انا قصدي انو انشتاين اعتبر انو اكبر غلطة بحيات هو اضافة هالمتغير يعني بعتبرو غلطة عمرو و هالشي قالو بي اخر عمرو حسب ما بعرف
بس في عالم لحد هلق بتعتبر هالرقم لازم يكون موجود

و شكرا عالتوضيح
سلام

[Nasserm]

كاتب النص الأصلي : jovia

مابدي صارع بشي ما بفهم فيه كتير ولا بدي قلك انو الانسان متلما قال الله والقصص والروايات هي لانو انا نفسي بقول لحالي انو كيف وصلت قصة ادم وحوا بالتواتر وباقي قصص الانبياء يلي وصلتلنا من حوالي 2009 سنة قبل هلا .... احيانا بقول كلو هاد ادعاءاات وكلو فيه تحريف ان كان بالمسيحية او بالاسلام

نقطة مهمة جوفيا.. هلق في عندنا طرحين.. الطرح التراثي (أو الديني) اللي بيحكي عن قصة للخلق (آدم وحوا بتراثنا، وقصص تانية مشابهة أو مختلفة بثقافات تانية).. بس هيدول قصص مو أكتر.. منقولات.. ما في عليها أدي دليل.. أما الطرح التاني.. اللي هو الطرح العلمي.. النظريات إذا بدنا.. فـ هيدي ع القليلة قائمة على بحث منهجي.. كلمالها عم تتدعّم ببراهين.. يمكن لهلق ما وصل الإنسان لـ نظرية نهائية صحيحة.. بس لساتو عم يشتغل.. ويصحح معلوماتو.. يعني أنا عني.. مثلاً.. بين قصة الخلق والتطور اللي بشوفها بأي متحف علوم بالدنية (بتوضح وبتشرح بالنماذج والمكتشفات تطور الكائنات الحية من أصغر خلية لأعقد شكل حي) وبين قصة بتقلي ياها ستي أو بقراها بكتاب دين أو كتاب أساطير.. بميل لتصديق الرواية الأولى أكتر من التانية.. لإنو التانية بدها إيمان فقط.. وما في عليها أي دليل تجريبي.

[Nasserm]

كاتب النص الأصلي : DARKNESS

و الله عا راسي انت

بس انا قصدي انو انشتاين اعتبر انو اكبر غلطة بحيات هو اضافة هالمتغير يعني بعتبرو غلطة عمرو و هالشي قالو بي اخر عمرو حسب ما بعرف
بس في عالم لحد هلق بتعتبر هالرقم لازم يكون موجود

و شكرا عالتوضيح
سلام

سعيدة.. بخصوص الفكرة الأخيرة (الاتجاه مؤخراً بين بعض العلماء بالعودة إلى ثابتة آينشتاين) فهالحكي صحيح.. ولكن التوجه هلق لاستخدامها مو بنفس السياق أو لنفس الغرض اللي استخدمها فيها آينشتاين.. المشكلة هلق إنو الكون عم يتوسع أكيد (مثبت تجريبياً).. وعم يدرسوا العلماء نهاية هالأمر.. إنو هل رح يوقف التوسع بمرحلة ويرجع يتقلص؟ بس لا يوجد في الكون (حسب ما هو مرصود لهلق) مادة كافية للجم التوسع ثقالياً.. من هون رجع الحكي عن (معامل آينشتاين) وإمكانية وجودو.. بس بدك تقول.. لساتو حكي

[Paradox]

مرحبا شباب وهاي طلة من بعد غياب . . بس يا حيف ما حدا سأل ولا استفقدني !! ما علينا

بداية بوجه تحية للرفيق Nasserm كلامه صح تماما ومعلوماته واثق منها . . لكن في نقطة أساسية بحب وجهها للرفيق صاحب الموضوع.

مناقشة الفكر المادي أو أي فكر آخر لا ينطلق من خلال هيك نوعية من التساؤلات، والسبب ببساطة إنه العلم والعلوم التجريبية حصريا علاقتها محصورة بدراسة الواقع والوجود المادي كما هو واسكتشاف القوانين الناظمة له دون أي محاولة للإجابة على تساؤل ميتافيزيقي مثل من أوجد الكون، أو من أوجد الحياة.

ولو فرضنا جدلا أن هذه التساؤلات يتداولها العلماء (طبيعي يتداولونها ما هم بشر بالنهاية ولديهم فضول ومعتقدات مثلهم مثل غيرهم) فهي تساؤلات لا علاقة لها بالعلم بتاتا بل فيك تعتبرها تساؤلات فلسفية محضة.

وعليه . . أي شخص مؤمن بالله أو غير مؤمن وصدف وتخرج من كلية ر ف ك وصار عالم فيزياء نوورية رح يدرس الوجود بدون أن يؤثر معتقده على طبيعة الدراسة.


تحية وحكيت كتير.

[Nasserm]

كاتب النص الأصلي : Paradox

مرحبا شباب وهاي طلة من بعد غياب . . بس يا حيف ما حدا سأل ولا استفقدني !! ما علينا

بداية بوجه تحية للرفيق Nasserm كلامه صح تماما ومعلوماته واثق منها . . لكن في نقطة أساسية بحب وجهها للرفيق صاحب الموضوع.

مناقشة الفكر المادي أو أي فكر آخر لا ينطلق من خلال هيك نوعية من التساؤلات، والسبب ببساطة إنه العلم والعلوم التجريبية حصريا علاقتها محصورة بدراسة الواقع والوجود المادي كما هو واسكتشاف القوانين الناظمة له دون أي محاولة للإجابة على تساؤل ميتافيزيقي مثل من أوجد الكون، أو من أوجد الحياة.

ولو فرضنا جدلا أن هذه التساؤلات يتداولها العلماء (طبيعي يتداولونها ما هم بشر بالنهاية ولديهم فضول ومعتقدات مثلهم مثل غيرهم) فهي تساؤلات لا علاقة لها بالعلم بتاتا بل فيك تعتبرها تساؤلات فلسفية محضة.

وعليه . . أي شخص مؤمن بالله أو غير مؤمن وصدف وتخرج من كلية ر ف ك وصار عالم فيزياء نوورية رح يدرس الوجود بدون أن يؤثر معتقده على طبيعة الدراسة.


تحية وحكيت كتير.

هلا بارادوكس.. يسعدك.. حكيك حلو.. بس نقطة توضيحية.. السؤال عن (وجود الكون أو الحياة) واللي هو من أهم الأسئلة وأقدمها ولحد هلق أكثرها راهنية.. هالموضوع بيتضمن سؤالين (كيف ولماذا).. أما (كيف؟).. فـ جوابو بيكون باستكشاف القوانين الناظمة متل ما قلت حضرتك.. وهيدا جانب مهم.. بس السؤال الأهم هو موضوع الـ لماذا؟.. ليش هيك؟ وهيدا اليوم (من القرن العشرين وهيك) صار موضوع علمي.. أكيد ما فيه وجود لقوة غير طبيعية.. بس السؤال علمياً مطروح طبعاً.. ولازم يكون فيه جواب لإلو.. في قول لآينشتاين.. عن موضوع إمكانية العقل البشري لفهم الكون.. ما بتذكرو بالحرف.. بس بيقول بالآخر: ((إن الطريق موجود.. ويمكننا اكتشافه))

[marioma alghzayala]

من الصالون

[Nasserm]

كاتب النص الأصلي : marioma alghzayala

من الصالون

هاي الحكومة شحطتنا من الصالون!! خرجكن.. الله لا يقيم الشدة عن قلبكن.. يعني كان ضروري هالتفزلكات هاي؟