يعني هاد غباء ولا ... شو : التلفزيون السوري يروج لمهرجان المحبة بأغنية اسرائيلية !!!!

[R O M E O]

كتييييييييييييير أذكياء

ولو أكيد بعرف هي حقيقة علمية

[December]

مرحبا..
أنا الصحفي الذي اكتشف هذا الخطأ وكتب عنه المقال الوارد أعلاه في موقع عكس السير..

بدايةً لا بد لي من الاشارة لرد السيد علاء، والتأكيد بأن الموسيقى هي لفرقة يهودية، والدليل على ذلك هو الايقاف الفوري للاعلان بعد التأكد من صحة الخبر..هل تتوقع أخي الكريم سماع أغنية عربية (بغض النظر عن كونها سورية أو لا) في مهرجان اسرائيلي؟ نعم هي انتصار لاسرائيل، فالغزو الثقافي يا عزيزي يجعل العقول الضيقة تغدو منفتحة بالسلبية على واقعها الداخلي.. فكم من شاب سوري (بالهوية) أصبح محباً لإسرائيل وشعب اسرائيل منقاداً وراء تفاهة موسيقية كهذه!!

وللنتكلم بصراحة أكثر، وسؤال: لماذا لم أُذيّل الخبر بإسمي؟
يا سادتي وردتني عشرات الاتصالات من شخصيات مسؤولة في الإذاعة والتلفزيون ترجوا مني عدم نشر الخبر بعد أن اتصلت بهم لأنبههم بضرورة ايقاف الإعلان.. أجابني أحدهم: إن الذين قاموا بإنتاج هذا الاعلان هم أناس بسطاء وجهلة.. مما زادني تصميماً على كتابة الخبر، كوني تأكدت من العبث والفوضى التي هي أقل ما يمكن أن توصف به عملية انتقاء موظفي الاذاعة والتلفزيون..
أخيراً، أعتقد -من وجهة نظري الشخصية- أن هذا الخطأ هو خطأ فاضح، وليس من السهولة بمكان التغاضي عنه نظراً لحساسية الحدث، على أمل أن يحس القائمون على الاعلام بما يدور حولهم من عشوائية غير مبررة..
وشكراً لاهتمامكم..

رافع هزاع

[samsoum]

كاتب النص الأصلي : December

مرحبا..

هل تتوقع أخي الكريم سماع أغنية عربية (بغض النظر عن كونها سورية أو لا) في مهرجان اسرائيلي؟ نعم هي انتصار لاسرائيل، فالغزو الثقافي يا عزيزي يجعل العقول الضيقة تغدو منفتحة بالسلبية على واقعها الداخلي.. فكم من شاب سوري (بالهوية) أصبح محباً لإسرائيل وشعب اسرائيل منقاداً وراء تفاهة موسيقية كهذه!!

شكرا لك اخ هزاع، وفي هذا الرابط ستجد التأكيد العملي على كل شي ذكرته، اتمنى ان تقرأ معظم الردود الموجودة فيه.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تحياتي

[blanco]

الله لا يعطيهم العافية فوق تعبهم

[بنوتة حلب]

كاتب النص الأصلي : ما بعرف

الصراحة ما سمعتا
بس عالاغلب مو منتبهين ويمكن الشغلة ما تكون اكتر من موسيقا حلوة ما عذبو حالون ليعرفو مصدرها

هههه اي والله يمكن معك حق
على اساس عم يلحقوا التطور الفني هههههههه

[Willi]

من كل اسمو مهرجان "المحبة"

[BL@CK]

كاتب النص الأصلي : December

وللنتكلم بصراحة أكثر، وسؤال: لماذا لم أُذيّل الخبر بإسمي؟

رافع هزاع

حسيت في تناقض هون لمّا لأ ..

[جان بن جاك الروسوي]

يا سلام شالو موسيقى الفوارس لسعد الحسيني وحطو موسيقى لفرقة يهودية

ما حدا يقلي بالغلط انا ما بسدق هالشي
لانو لو بالغلط المصيبة اكبر : لكان معقول مهرجان برعاية وزارة الثقافة والمؤسسة العربية للاعلان ما بيعرفو لمين الموسيقى ماشاء الله على وزارة الثقافة شو مثقفة

[farbella]

يييييييييييييييي لسا في ناس بتحضر التلفيزيون السوري والله انا كنت مفكرتو انقرض ونسيت انو في هيك قناة
اصلا التلفيزيون السوري ما بينحضر الا برمضان وبس المسلسلات لان برامجو بايخة وتافهة ومصطنعة
ومو بعيد عنهن بخبصو شي خبصة كبيرة ابدا متل تبع الموسيقى

[معتر ليش ما بعرف]

فعلا يا اخي شي بيرفع الراس .. والتطبيع مع اسرائيل عم يبلش شوي شوي وبلا ما نحس ... الله يستر من بكرا
مع احترامي

[مجنون_أصالة]

تركى عى الله ليش هن بيعرفو حالون وين هههه مصخرة و بس

[مارس]

يا عم سرقوا العصيد والبرياني والزوربيان والقات وقالوا الصهاينة انه ملكهم , الصراحة التلفزيون السوري تغلب على اليمني نحن نبث برامج الاطفال مباشر والنشره الجوية تسجيل , يبدوا ان القنب الصهيوني عرف الى اين يجب ان يذهب

[E L W A R]

أول شي السلام عليكم
تاني شي أنا رغم اني ما سمعت الاعلان ولا سمعت اي شي للفرقة الاسرائيلية لكن ::....
أنا بشوف - من وجهة نظر شخصية طبعا - انو ما فيها مشكلة حتى لو عرفوا اصل الموسيقى لمين يعني ما خربت الدنيا وبعدين بادرة حلوة لحتى نؤكد انو الموسيقى لغة العالم وما هي حكر على شعب أو ثقافة معينة
يعني حتى بالأديان ما في شي يحرم الاستفادة من العدو بكل أشكالها يعني لما نقدر نستفيد من العدو بدون ما نفيده هاد يعتبر نصر
أنا رح اعطي مثال بيجوز بيعتبروه البعض عبثي بس أنا متأكد انو اللي بيفكر بشكل موضوعي وخالي من التعصب رح يشوفو مطابق تماما ::: يعني كلنا بنعرف انو اسرائيل حاولت وتحاول كل ساعة من سنة ال 48 الى اليوم انها تستفاد من العرب بأي معلومة حتى ولو كانت خبر عادي ونفس الشي كلنا بنعرف انو هلأ في يهود عرب اسرائيليين بيغنوا تراث فلسطيني فهل يا ترى هم أغبياء..؟؟
أو ما بيعرفوا انو هاد التراث فلسطيني عربي وباغلب الاوقات بيكون اسلامي او مسيحي...........؟؟؟؟
أنا من جهتي ما بظن
وبشوف انو ما في مشكلة
يعني اذا كانت الموضة الغربية من تسريحات و البسة وحتى مشروبات -- بما انو صار الاكل والشرب من ضمن الموضة - ما عم يشوف فيها الشباب اي مشكلة فاكيد مقطوعة انعملت مشان اعلان ما هي بذات قيمة قدام موجة الموضة الغربية الي راكبها الشباب العربي وعم يتفنن فيها ويضيف الها كمان - متل البنت اللي لابسة بنطلون المارينز الامريكي وكنزة صوف مكتوبة عليها لفظ نابي من الفاظ الامريكان الشوارعية ولافة على رقبتها الكوفية الفلسطيني
فبظن انو الامر أصغر من انو ينتشر متل النار بالهشيم على شكل خبر ساخن بكل هالمواقع
بتمنى كون ابديت راي موضوعي وهاد رأيي الشخصي ما بفرضو على حدا بس اللي بتمناه انو بيكون على قدر من القيمة بحيث تناقشوني فيه
..
.
.
.
.
.
والسلام