مليار دولار حجم مصاريف الاستفتاء!!!

[ما بعرف]

كاتب النص الأصلي : كهربجي مثقف

يا عيني وأنا بوافقوا تماام.. يعني بفضل النظام السوري عالسعودي أو العراقي أو اللبناني

بس مو معناها إذا في أسوأ منّو صار منيح.. بيضل في أحسن منّا.. وهنن كتااار كتير

مظبوط في احسن منا ورح يضل في احسن منا
بس انت مو شايف ابداً اي تحسن
معقول ما في شي تغير وكلو نفس الشي
يعني ضل في شوية سلبيات انت بتشوفا كتيرة
وزادت كمان شوية سلبيات كمان انت بيجوز تشوفها كتيرة
بس معقول ما في ايجابيات بالمرة..؟؟؟؟

[Zahi]

شكرا شباب على الردود

أنا شخصيا أعتقد أن أي نظام .. أعيد : أي نظام! أو دولة يهرب لها شبابنا لأي سبب فهي نظام ودولة أفضل من نظامنا بأشواط! ولو كانت الدعاية ضدها تقول العكس ... وبغض النظر عن التسميات!

ونسأل : لو كلفت اموال الاستفتاء 1000 ليرة سوري بس ... أليس من الأفضل أن توضع في مكان ( مناسب ) لها؟؟

[Zahi]

بالنسبة للسؤال الذي سألته لم يجاوب عليه الا الصديق العزيز كهربجي مثقف

بس صديقي أنت جاوبت على نصف السؤال بس!

الجواب الكامل هو : الامير طلال بالبناء، و الاردن الشقيق!! ولبنان الشقيق!! بالباطون والحديد!!! طيب وين ملياراتنا نحنا ؟؟؟؟؟؟؟؟؟؟؟؟؟؟؟

بس على كل حال افترض انو الزعيم كهربجي مثقف هو الفائز وأنا وعدتو بهدية وهي هيه هديتو :

[samsoum]

انا بشوف هالمبالغ اللي انصرفت ، مع انو مبالغ فيها ، ماراحت عالفاضي، يعني على شو انصرفت؟
او خلينا نقول مين اللي استفاد منها
هالمصاري اندفعت للعمال اللي اشتغلو بالخيم والمضافات وللناس اللي اجرو هالخيم ولمحلات الاقمشة والخطاطين وللفرق الموسيقية وفرق الفنون الشعبية وللمطاعم والمطابع وأصحاب السرافيس،ومحلات تأجير الكراسي وغيرهم كثيرين ،هدول الناس ما اشتغلو ببلاش، يعني باختصار، المصاري راحت للشعب لأنو هالناس هدول من عامة الشعب، ولا لأ؟؟؟

[Barleb]

يعني شو بدو يحكي الواحد ؟؟

يلا .. الله يقويه و يحميه و يكسر راس اشباه الرجال
_
موطني موطني

الجلال و الجمال و السناء و البهاء في رباك

في رباك

و الحياة و النجاة و الهناء و الرجاء في هواك

هل اراك هل اراك ..

سالماً منعماً غانماً مكرماً

هل أراك .. في علاك ..

الحسام واليراع و الكلام و النزاع رمزنا ..

[كهربجي]

كاتب النص الأصلي : ما بعرف

مظبوط في احسن منا ورح يضل في احسن منا
بس انت مو شايف ابداً اي تحسن
معقول ما في شي تغير وكلو نفس الشي
يعني ضل في شوية سلبيات انت بتشوفا كتيرة
وزادت كمان شوية سلبيات كمان انت بيجوز تشوفها كتيرة
بس معقول ما في ايجابيات بالمرة..؟؟؟؟

مع تحيتي لطريقتك بالحوار (مؤخّراً)

يا ريت تقرا هون مشان ماكتير لت وأعجن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[ما بعرف]

كاتب النص الأصلي : كهربجي مثقف

مع تحيتي لطريقتك بالحوار (مؤخّراً)

يا ريت تقرا هون مشان ماكتير لت وأعجن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ليش مؤخراً ؟؟

[كهربجي]

شو بيعرفني... يعني بشكل عام كان مافي حوار لحتّى صار مؤخراً... بس قلي شو رأيك باللينك

[فاوست]

كل واحد بينظر من منظور ....
لما بتدها تجي أميركا لسوريا حتى تحاربها بحجة تغير نظام الحكم ( متل ما عملت بالعراق )
سوريا رح تخسر أضعاف مضاعفة من هالمبلغ ...
بقى خلي يروح هالمبلغ على الشعب الي عم يفرح و يتسلى و يشارك بالحفلات ... احسن ما يروح حق قذائف و قنابل و خسائر بالبلد و البنى التحتية ...

بكل الأحوال ... المبالغ المذكورة فوق مبالغ جدا جدا جدا فيها ... ولا يمكن يقبل فيها عقل ولا منطق .. غير حديث اعلان دمشق

والله انك عبقري نظرية رائعة جدا فيثاغورث يعني يمكن مجمع هل كلمات تجميع ما هيك
لأ وشو قال كاين معتقل رأي سابق هيك حكى صياد الطيور"فيثاغورث"
باحدى تعليقاتو يمكن حبسوا لأنو ضل نايم بمناوبة على اخوية فمرق كم مشاركة لجماعة المعارضة من دون مايضع الأخ صياد الطيور تعليقاتو العبقرية يلي عم يقنع كل العالم فيها ما شاء الله(بشار الأسد)

مع الديانة ولا بلا؟؟

مهضوم التاني هة لأ حبيب هي مع القومية

هع هع

يا ريت كل سنه يكون في حمله انتخابيه ...وحتى ولو بلى منافسيين...

الشعب كيف وهيص بهداك الشهر ...

ما ضل حدا ما روق ( غير الي اصلا ما بدو يروق ) ...!!

الكل استفاد من هالحمله ...سواء بالاكل الي كان يتوزع بالخيم ... او الدبك ...او تأجيل الامتحانات...!!!

عدا عن ذلك ... انو خاف الله او سعدو (الي بريحك) لما بتكتب هيك ارقام ...!

--------------------------------------------------------------------------------

هع هع تسلملي هل الضحكة الحلوة انشالله رقصتي ودبكتي وأكلتي منيح ولا مو فاضية عم تتعفرتي بالأردن يحرء حريشك شو لذيذة وعفريتة مو بس بهداك الشهر وبكل الشهور دخيلو الحلو

يعني برأيك اي استفتاء لمين ماكان رح يصير ببلاش
بعدين شو مصداقية الرقم المذكور
و دخلك الانتخابات الفرنسية قديش كلفت
و انتخابات الرئاسة باميركا عزمانا قديش كلفت


--------------------------------------------------------------------------------

ايه لأنو الانتحابات الفرنسية والأمريكية بيدفوعها من الدولة الفرنسية او الامريكية
وقديش كلفت دخلك هاتلنا شي كذبة من كذبات شبيهة بكذبات اعلان دمشق على قولة صياد الطيور اكيد هنن عندون كمان اعلان واشنطن واعلان باريس

[فاوست]

حتى تأتي بالدليل, فكلامك لا يستحق حتى النظر فيه"

مرحبا اخي,

ليست المرة الاولى التي يعتدي فيها المواطن الغير صالح على اخاه المواطن الصالح, من خلال الكلام التضليلي, الذي في معظمه يقوم على دوافع اجرامية تعصبية عمياء ...
حبا منك في اثبات انك لست من المضللين لاخوك المواطن, نريد دراسة اقتصادية يتبين ضمنها اين صرفت هذه المصاريف و كيف تمكنت المعارضة ((( اللا انسانية ))) من الوصول الى تلك النتيجة...
مع انه من الواضح انهم يستغلون سذاجة المواطن السوري, الذي يصدق بلا دليل ويعتمدون على الاحمق الذي يدرس في بعض المجامع الشبه دينية (( لان الدين لا يحث على التعصب الاعمى) يدرس الحقد و الكره و البغض الاعمى...

و هذه ليست معارضة. هذه مجموعة اجرامية صاحبة مصالح, ترى من خلال انانيتها انه يجب ان تحصد بعض خيرات الوطن..... لا يمكن ان تخرج من هكذا شعب معارضة انسانية.....

لبندأ بالاصلاح, لبندأ بزارعين الرعب في نفوس مواطنينا, لنبدأ بالذين يجعلوا من اغلبنا اعنام, لنبدأ بالذين يدرسون تكفير الناس و لنمنع كل كتاب فيه تكفير و حث على الكره بأي طائفة اخرى و لنطالب بحقنا كمواطنين, ان يحاسب القانون كل رجل او شيخ او قسيس او او او او يسمح لنفسه بأن يقوم بدعوى تكفيرية, لا سرا و لا جهرا...

و لبندأ بمحاربة اللا انسانيين .. الاغنام .. الاقل من الاغنام.. و لنقدس الانسانية و لنرفع رايتها .....

سدير

أهلين زرادشت شو عم يدرسكون بدل التثقيف الحزبي كتاب نيتشه هكذا تكلم زرادشت هو اساسا هذا الكتاب بالرغم من عظامة كاتبو بس استخدموا النازيين بحربن العنصرية وانتو اضرب من النازيين
يأخي مللتنا بفلسفاتك التافهة عن الأنسان الانساني ولانسان المتميز يلي يمكن سمعانها من شي حدا قريان كتاب نيتشه وجاي ترددها هون ببغائيا

[فاوست]

انا بشوف هالمبالغ اللي انصرفت ، مع انو مبالغ فيها ، ماراحت عالفاضي، يعني على شو انصرفت؟
او خلينا نقول مين اللي استفاد منها
هالمصاري اندفعت للعمال اللي اشتغلو بالخيم والمضافات وللناس اللي اجرو هالخيم ولمحلات الاقمشة والخطاطين وللفرق الموسيقية وفرق الفنون الشعبية وللمطاعم والمطابع وأصحاب السرافيس،ومحلات تأجير الكراسي وغيرهم كثيرين ،هدول الناس ما اشتغلو ببلاش، يعني باختصار، المصاري راحت للشعب لأنو هالناس هدول من عامة الشعب، ولا لأ؟؟؟

حكيلنا الشوي عن اقتصاد السوق واقتصاد السوق الاجتماعي بلا
شو هيئتك مستفيد يعني بالزمة عندك شي مكرو على الخط والا بتنصب خيم
وعلى فكرة مع اني مارح رد على نظريتك العبقرية
شوفرية المكاري كانو يطلعوا ببلاش ويلي ما طلع اكل مخالفة

[فاوست]

ورح اختملكن بهالبوستر الموجود على النت

[ما بعرف]

كاتب النص الأصلي : كهربجي مثقف

شو بيعرفني... يعني بشكل عام كان مافي حوار لحتّى صار مؤخراً... بس قلي شو رأيك باللينك

بصراحة
انت شايف نص الكاسة الفاضي

[سدير المعاني]

كاتب النص الأصلي : فاوست

أهلين زرادشت شو عم يدرسكون بدل التثقيف الحزبي كتاب نيتشه هكذا تكلم زرادشت هو اساسا هذا الكتاب بالرغم من عظامة كاتبو بس استخدموا النازيين بحربن العنصرية وانتو اضرب من النازيين
يأخي مللتنا بفلسفاتك التافهة عن الأنسان الانساني ولانسان المتميز يلي يمكن سمعانها من شي حدا قريان كتاب نيتشه وجاي ترددها هون ببغائيا

خليك بالنقطة و لا تنط, وين الدليل؟؟ و لا متوقع تلاقي شوية غنم؟؟؟ مين انتوا؟؟ انا مواطن يا ايها المجرم يا من تسلب حقي في انتمائي الى ذاتي اولا و حقي في ان يكون ما تتمنطق به له دليل.. ام انك مفكر حالك بلبنان و يحق لك ان تتهم قبل اثبات الدليل ؟؟؟ (( النفس الاجرامي طبعا يقول الكل مذنب حتى اثبات براءته)) كيف انسان انساني؟؟ مبين مخربط بين البهائمي و بين البشري الانساني.. لا الومك .. يبدو في بعد عن فهم حقيفة ما تتلفظ به.. ليش ما حضرت الندوات في زاوية الاخلاق تبع المنتدى؟ كنا ربما اتبادلنا بعض الاراء..... وانت تصرفك هذا بالادعاء بلا دليل .... انساني.. و لا حيواني؟؟
على كل حال.. من ميزات الاقل انسانية انهم غير قادرين لمعرفة ما الذي هو بانتظارهم.. اما ان تحضر دليل واما ان يحكم عليك الشعب باجرامك.. يسقط المجرمون و يعيش اهل الانسانية العادلون الكرماء اهل الفضل و الفضيلة...
بانتظار دليلك .... اللي طبعا غير موجود و ما شجعك على ادعاءك غير ثقفتك في ان السوريون غنم.. لا يسألون عن دليل.. للاسف سألتك : )) و غيري كثيرون و كثيرون يسألون و سيسألون و لن يرضوا بلا دليل...
على فكرة اذا الك علاقة بخدام. جيبو لهون.. لحتى نعرض انسانيته على مقياس الانسانية و انشوف وين كانت اخلاقه في الزمن الماضي و انشوف المال اللي عنده من حق مين هذا و بأسم اي منهج انساني ما بيعطيه للشعب اللي سرقوا منه؟؟ نحن نشك في انسانية خدام و بناء عليه نشك بكل من يتعامل معه. و ان كنت من المعارضة (( لم يشجعني سوى تكلمك معي بلهجة اني حزبي او هيك شي.. عندما قلت يدرسوكم كذا و كذا.. علما اني لست حزبي)) فانت تكون ايضا مسؤول لتعاملك مع مجرم اجرم في حق وطنه ..
سوريا بانتظار خدام و امثال خدام...
سدير

[صياد الطيور]

كاتب النص الأصلي : فاوست

والله انك عبقري نظرية رائعة جدا فيثاغورث يعني يمكن مجمع هل كلمات تجميع ما هيك
لأ وشو قال كاين معتقل رأي سابق هيك حكى صياد الطيور"فيثاغورث"
باحدى تعليقاتو يمكن حبسوا لأنو ضل نايم بمناوبة على اخوية فمرق كم مشاركة لجماعة المعارضة من دون مايضع الأخ صياد الطيور تعليقاتو العبقرية يلي عم يقنع كل العالم فيها ما شاء الله(بشار الأسد)

بما أنك ما حكيت غير العلاك و الحكي الفاضي .. و لطيــ** اذا صدقت ولا لأ ..
ولمعلومك أنا ما قلت أني معتقل رأي سابق .... صحى شوي ... أنا قلت لأسباب سياسية يا أفلاطون .. ( حرام شبهك بأفلاطون )

وبما انو هيك ردك .. رح يكون هيك ردي

الله
سوريا
بشار وبس

[verocchio]

مليار دولار تقضي على البطالة في الشام بحالها
لكن الله يهدي من يشاء

[verocchio]

أنا عندي سؤال بريء جدا جدا جدا

النتيجة معروفة طبعا ويمكن لطفل صغير أن يعرفها من دون تخمين
فلماذا اذن المصاريف الزائدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كهربجي]

كاتب النص الأصلي : ما بعرف

بصراحة
انت شايف نص الكاسة الفاضي

عن جد؟ فرجيني النص المليان لنشوف... اشرحلي يا أخي.. إذا بتحب ادخل ع هداك الموضوع أو بموضوع مستقل.. بس وقتها بعتلي اللينك تبعو...

تحياتي