|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
16/08/2007
|
#1 | ||||
|
عضو
-- قبضاي --
 |
الكاميرا الخفية
المقلب الأول :
انت يا مواطن وقف عندك ............ أنا سيدي ايه انت ..... مو انت شب ضايع نعم سيدي طلاع بالسيارة ولاك ليش يا سيدي والله ما ساويت شي والله ما حكيت شي , اموري كلها تمام معي أحلى ثانوية صناعية وعم أدرس بالمعهد الصناعي وفرص العمل مافي أكتر منها بس أنا حبيت اشتغل بياع صبارة لأنو شوكها بيحسسني بقيمة القرش وبيخليني ما ضيعو على ملذاتي الشخصية ووفر لحتى اتجوز و.. بس بس عم نمزح معك نحنا الكاميرا الخفية المقلب الثاني : انت انت صف عاليمين أنا سيدي اي انت .. مو انت شوفير افندي نعم سيدي أنا نزيل من السيارة ولا ليش سيدي والله ما ساويت شي والله ما حكيت شي سيارتي صينية كاملة المواصفات والكفالة خمس نجوم وترسيمها رخيص كتير والبنزين نظيف والشوارع متل المراية وما في زحمة ومافي طحش ولا دفش ولا مطبات ولا ريكارات ولا حفر والأحلى شرطة المرور هدول حبايبنا وقمة بالنزاهة والثقافة واللطافة وال.. بس بس سامحنا أخي نحنا الكاميرا الخفية المقلب الثالث : انت يا مواطن وقف محلك ولا حركة خير سيدي شو مساوي مو انت مواطن غلبان نعم سيدي أنا طلاع بالسيارة ولا والله ياسيدي أنا درويش على باب الله ماعملت ولا حكيت ولا بشكي من شي راتبي بيكفيني لآخر الشهر شنو الخضرة رخيصة واللحمة مو مغشوشة والباصات الحضارية يا بلاش والفواتير رغم أنها خفيفة عالجيبة بس عمتقسطولنا ياها وحارتنا مزفتة ونظيفة ومافي ناموس ولا دبان وما في شوب بنوب بنوب حتى اني ما بشغل مروحة مع انو الكهربا جاية 24/24 والمي فيجة ونظيفة وما بتنقطع والانترنت ولا أسرع و... لك خراس خراس لعما بعيونك لعما رفعتلي ضغطي ورح تجلطني لك طلعت أكذب من الكاميرا الخفية
رب صن سوريا
|
||||
|
|
16/08/2007
|
#2 | ||||||
|
عضو
-- مستشــــــــــار --
|
هههههههههههههههه خيلة هالمقالب
يعطيك العافية افندي  |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 20:11 (بحسب عمك غرينتش الكبير +3)