مــقـــلاية أخــويــــة ((5))..!

[التقرير الجوال]

مرحبا معلم..


بدك إلحشلك هالكم سؤال من دون مقدمات هيك خبط لزق


-من أنت "فيك تحكي عن حالك شو اعتقاداتك هواياتك شو بتحب شو بتكره الى ما هنالك"
-أين تحب ان تجد نفسك " المكان الذي يدخل البهجه في قلبك.
-من خلال وجهه نظرك..... -ما الشيئ الذي لم تقدمه المسيحيه للمسيحيين.
-ما الشيئ الذي لم يقدمه الاسلام للمسلمين.
-ما هي نسبه المثقفين في "أخويه"
-هل العرب مازالو يتخبطون في غياهب التخلف... أم أنهم قد خطوا الخطوات الاولى على سلم التطور.
-من وجهه نظرك... ما هو جوهر الحرب على الاديان
-نصيحه تقدمها لصاحب النظره المحدوده أو الشخص الذي لا يرى أبعد من أنفه.
- الغرب.. وجهه نظر عامه
- " إن لم يكن ما تريد...فلا تكن ما يراد"
هل انت مع هذه المقوله..هل هي شيئ من اعتقادك الشخصي.؟
-من هوي القوي.؟
-لماذا اعتناق اللا دينيه.؟ هل الاديان السماويه قاصره على التشريع و تحقيق العداله و المساواة.؟
-هل أنت لاديني شمولي أو جزئي.


ممكن ارجع و اطرح عليك أسئله " طبعاً بشرط القبول"

شكراً

[yass]

ولي!!!! رديت ع أول سؤال رجعت لقيت بوجهي كمان 4!!!

نجي ع أسئلة ريتا

عمرك؟

23

مهنتك؟

طالب طب بشري

حالتك الاجتماعية؟

عازب جدا جزيلا

بتدخن؟

أي نعم

ازا اي من ايمت؟

من شي 6 سنين

اي يلا كم سيجارة بتدخن بالنهار؟؟؟

حسب اليوم.... بين الصفر و الـ 25

شو نوع الدخان اللي بتدخنه؟

وينستون

بتشرب؟

أي

ازا اي من ايمت

من عمر الـ 18 كما يقتضي القانون

واديش؟

بالمناسبات و طلعات الشلة و حفلات الجامعة

وشو اكتر نوع بتحبه

روم

انت ليش هيك؟؟؟

هيك!!

شو اكتر غنية بتحبا؟؟ وليش؟؟؟

Ojala: Silvio Rodriguez
ما بعرف ليش بس كتير بحبها و أغنية كتير حلوة

مين مطربك المفضل؟؟

أووووووووف!!! سؤال صعب..... جدا صعب. عربيا بسمع لمارسيل و لزياد و لكلنا سوا (عدا الكلاسيكيين)

.شو المواضيع اللي تقراها بالمنتدى

المنبر يا رووووووووووووووووح!!!

شو الصفات اللي بتكرهها بالانسان

كمان سؤال صعب. كل انسان هو عالم قائم ما فيني عمم الحب أو الكره على صنف معيّن.. بس أكيد الكذب و الزيف بيفززوني

والصفات اللي بتحبها

عدا كل الصفات الحميدة بحب الانسان المباشر, بحب الحكي المباشر حتى لو قاسي, مع الناس المباشرين أنا بحس براحة نفسية حقيقية

شو حكمتك بالحياة

حكمتي في الحياة؟ و الله ما بعرف شو بدي قللك يعني و ما يصير نخترع هيك

شو هيي صفات امراة احلامك

انو تفهمني, و هالصفة شاملة لكل الاشياء الاخرى

اذا ربحت مليون دولار, شو بتعمل فيها؟؟

أكيد بزبّط أمور كتيرة بحياتي و حياة عيلتي و أحقق شيئ من الرفاهية, و بالباقي افتح دار نشر.

انت سعيد بحياتك وليش

أنا محظوط بحياتي لأنو توفرتلي فرص بيجوز ما استحقها... لكن ما بعتقد انو هالشي يعني السعادة... بس أكيد مو حزن, عايش, هيك وضع بالنص صاير

اذا لاء كمان ليش؟

جاوبت فوق

.اذا فشلت بتحقيق حلمك شو رح تكون ردت فعلك؟

بحط سي دي لفيروز, بغمّض عيوني و نام و بحلم غيرو

وشو هي اكتر مادة بتكرها و كمان ليش؟

الفيزيا الحيوية بالسنة الأولى... مادة سهلة بأغلب كليات اسبانيا و عنّا معقدة جدا... عذبتني

هل بتامن بالابراج ؟ و علل جوابك

طبعا لأ.... لأنو ماني مقتنع بفكرة انو الولادة في يوم ما أو بالاحرى شهر ما تعني شي....

هل بتامن بالقدر؟ علل جوابك

القدر؟؟ لأ. أنا مؤمن بأنو لكل انسان مجموعة ظروف و معطيات تحدد مستقبلو بشكل ما, لكن من الممكن التغلّب عليها و لو انو أمر صعب... لكن القدر بمعناه التقليدي لأ.

هل بتامن بالسحر و المشعوذين؟ علل جوابك

لأ طبعا. لأنهم دجالين و كذّابين

عرفلي البيروقراطية والديكتاتورية

البيروقراطية هي التقنية (من قناة) الزائدة لعمليات الادارة بشكل يفقدها مرونة و سرعة

الديكتاتورية هي اسلوب حكم ظالم و لا شرعي يسرق أحد أهم حقوق الشعب

شو اكتر شي بيعصبك؟

الظلم, سواء كنت أنا ضحيتو أو غيري. الكذب و الافتراء و الديماغوجيا كمان ما بطيقها... التعصب... الخ

شو اكتر شي بيفرحك؟

انو الاقي حدا مختلف عني لكن يحترمني و نقدر نناقش قضية ما بدون تابوهات أبدا

شو رايك بقضية الشرق الاوسط؟

رأيي انو في شلة من الطرفين عم يلعبو طاولة زهر أو شطرنج بالشعب, المشكلة انو الشلة شربانين و محششين زيادة

شلون تعرفت على أخوية ..؟

ما بعرف... أكيد غوغلت شي و طلع هون


شو هدفك بالحياة ...؟

أنو آخر عمري أكون رضيان عن اللي عملتو, و بعد موتي يظل حدا متذكرني لسبب جيد

مين أكتر أعضاء بتقارلون بالأخوية ..

أعضاء المنبر بشكل عام...

كم اخ و اخت عندك؟

3 صبايا بس

مين من اخواتك هوي المفضل عندك وليش؟

أختي الصغيرة... لأنو حياتها كلها صارت قدامي

شو هوي فيلمك المفضل وليش؟

العرّاب طبعا (الجزء الأول و التاني)... بعدين في كتار كمان كتير بحبهون بس هاد أحلى شي

مين ممثلك المفضل وليش؟

مارلون براندو.. لأنو كسر كل القواعد, حتى قاعدة حياتو كسرها. كمان بحب روبرت دي نيرو و آل باتشينو

شو اكتر شي بتحبو بالحياة وليش؟

الحرية أكيد... لأنو هي الحياة بمعناها الواسع

شو امنيتك بالحياة؟

هاد مو مكرر السؤال

شو ناوي تدرس؟

بس خلّص طب بعد عمر طويل راح ادرس علوم سياسية و اختص دراسات دولية, بعدو فلسفة (هدول بالجامعة الافتراضية أو أحد أساليب الدراسة اللي ممكن يتفق مع العمل).

شو أكتر معادلة كيمياء حفظتها بحياتك؟

معادلة دورة الغلوكوز بالجسم

شو أحلى قصيدة مرقت معك؟

لأنك سوريا لحسام ملحم

مع نسمة صباحية العبق..
غريبة عن رياح الليل المعتم ..
أشرقوا .. كالشمعة ..
ليحترقوا ..
ويضيئوا .. سبات الأرض ..
...
من مجازر العرف والتاريخ ..
لملموا .. أشلائهم وجراحهم ..
وتجمعوا في بحر واحد ..
استل كلن منهم ضلعا" ..
وبنوا زورقهم الصغير ..
ومضوا ..
...
مضوا بحلم الأزل ..
حلم الصخرة بالحياة ..
حلم الياسمين بانعاش القبور ....
لم يستطع الحاضر أن يحتويهم ..
حملوا .. ذاكرتهم .. وجراح آبائهم ..
وليال الأرق .. والأمل المتسلل
من تحت بوابة الزنزانة ..
والرغيف الملوث بالدم والكبرياء ..
وأسرفوا بالحلم دهرا"..
حتى أنتفض الواقع ليلبسه حقيقة ..
ويكنس النائمين عن خاصرته المترنحة ..
استرسلوا في المضي ..
تاركين ظلالهم للعابرين ..
....
كانت تتجلى هناك ..
بثوب أبيض .. يكشف مفاتنها ..
تغريهم بتفاصيلها الأنثوية ...
لطالما اشتاقوا لرؤيتها جميلة كما الآن ..
صرخوا بقلوب منهكة ..
أخلعي عنك كل الثياب ..
نريد أن نراك عارية ..
كوجه القمر بدرا" ..
أخلعي ثيابك ..
وأستحمي في دمائنا من وثن الغرية
خذي ملامحنا و أحلامنا ..
وأنسجي من اوردتنا ثوبك ..
عانقينا يا سوريا ..


شو درس العلوم المفضل يلي حفظتو؟

العلوم؟ البيولوجيا يعني... بالتاسع كان جهاز الدوران حافظو متل اسمي و كان مدرّسني ياه أبوي (طبيب قلبية)... كنت محمّل الدنيا منيّة على هالدرس و حاسس حالي دكتور

شو حدود سوريا الجغرافية؟

يحد سوريا من جميع الجهات بقية العالم

شو طبيعة لبسك : سبور -فنكي -رسمي ؟

رسمي... امي زعلانة لأنو تقول انو جدي كان يلبس شبابلك أكتر مني... بحب كون نوعا ما أنيق دون المبالغة.. كتير كلاسيكي بلبسي و خصوصا السنة هاي

شو اكتر موقف محرج صار معك؟

بمطار حلب بوحدة من جياتي ع اسبانيا كان عندي زيادة وزن فكان واحد رفيق ابوي موصي ضابط بالمطار يمشيني... رحت لعندو و الزلمة بكل لطف خدمني يعني و مشالي اموري.. أنا فكرتو شامي من حكيو, فو نحنا ناطرين الجواز سألني اذا أنا ديري و أنا رديت عليه :" مو عيب" هيك بمزح (لمن لا يعلم في شبه حساسية فكاهية بين الرقة و الدير)

طلع هوي ديري... و أنا تمنيت الارض تنشق و تبلعني


بتعتبر حالك ن الناس ياللي بيحكو كتير؟

أي بيجوز

شو اكتر اسم بتحب للشب وللبنت؟

البنات مارال
الولاد وليد أو فريد

مين قضوتك بالحياة ؟

ما عندي ايمان بمفهوم القدوة

شو رأيك بالطفولة و الولاد ؟

لما ما يكونو مزعجين حلوين مافي منهون

مين أعز شخص على قلبك و ليش ؟

أوه.... اكيد أبوي و أمي

إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟

بشبكهون ببعض و برمي حالي

شو أحلا أيام حياتك؟

أحلى الايام لسا ما أجت... دائما حتى آخر لحظة لازم نفكّر هيك منشان ما يضيع الأمل


شو الحياه بالنسبه إليك؟

فرصة

شو بنظرك بياثر اكتر دموع الفرح أم بسمة الفرح؟

أنا بكره الدموع من أي نوع..... البسمة طبعا


شوالشي الذي تتمنى أن يرجع؟

انو يرجعو شبابنا و نفرح بحريتهون و ننسى هالكابوس

موقف صار لك ولا تقدر تنساه؟

عاجز عن التحديد

شو أفضل لديك بمراحل النمو هل هو الطفوله ام المراهقه ام الشباب أم الشيب؟

المراهقة هيي الاساس لأنو بتحدد شخصية الانسان

زيت المقلاية عم يحرقك شي؟

لأ مو كتير


ازا اضطريت انو تختار بين تتين من رفقاتك شو بتعمل

بختار واحد طبعا









بكمّل بكرا يا جماعة

[hanny dagher]

يستر عالغوالي
يستر على اللي بتحبهن

هات ايدك لبوسا

غير التنسيق تبع الخط
لونو كبرو صغرو بس ما تخلي متل مو محطوط

[ريتــا]

ما بعرف جاي ع بالي اسأل اليوم حدا
مع اني ما بعرفك بس يلا بنتعرف عليك

المهم راح ارجع بعد شوي و بطلعلي كم سؤال ع الماشي هيك

[ريتــا]

رجعنا
طلعت كم سؤال خفاف هيك ما حبيت تقل بما اني ضيفة جديدة ع المنتدى

امتى بتكون مبسوط و امتى بتكون زعلان؟؟
برأيك شو سلبيات و ايجابيات اخوية؟؟
طيب , احكيلنا عن شخصيتك ب3 كلمات
في شي موقف مر عليك و تمنيت لو ترجع تعيش هالموقف مرة تانية؟؟ اذا ايه احكيلنا الموقف
شو شعورك و انت قاعد بالمقلاية هلأ؟؟؟
كل انسان فيه عيوب,, انت شو عيبك؟؟
شو البلاد او المناطق الي بتحب تزورها بالعطلات؟؟
عندك ميول شعري ؟؟ و لمين بتحب تقرا من الشعراء؟؟

خلصت الاسئلة
منون كتار صح؟؟

سوري لو تقلنا عليك بشي سؤال ,,,

تحياتي الك

[yass]

كاتب النص الأصلي : hanny dagher

يستر عالغوالي
يستر على اللي بتحبهن

هات ايدك لبوسا

غير التنسيق تبع الخط
لونو كبرو صغرو بس ما تخلي متل مو محطوط

طيب خلص بس تجي ريم نزبطو آسف كتير ما كنت بعرف انو مزعج الامر....راح نسق اعتبارا من بكرا

[باشق مجروح]

رح اسأل:
كيف شكلك ( طولك وزنك وصف عام )؟
لازم تقضي على شي واحد بس شو هو ؟
عندك قوة خارقة شو بتعمل؟
تحت ايدك جيش عربي شو اول امر عسكري؟
شو رأيك بالحب بهالوقت؟
فلسفة الحياة يعني شو الحياة بالنسبة الك بكلمات؟
شغلة بدك تغيرها بحالك؟
شغلة ما بدك تتغير بحالك؟
شي من الطفولة مو رضيان يفارقك؟
على شو بتبكي؟
شو الي بيشغل بالك كتير لوقت طويل؟
مؤمن بالاخوة بين شب وصبية ؟
ازا لا سمح الله وفشلت بشغلة كيف بتصير معنوياتك وكيف بتطلع من الحالة؟
وقت بدك ياه يطول أو ما يخلص؟
وقت بدك ياه ينقضي بسرعة؟
النوم الاكل الجنس (شو بالنسبة الك)؟
مدايق من أسئلتي؟
بس رح كمل .......
نظرتك لله؟
مين بتحترم من الي بتختلف معهن كتير؟
لو تختار حدا ميت ترجعو للحياة بس واحد؟
3 طلبات بس من مارد المصباح؟
و دمت سالما .........

[Reemi]

كاتب النص الأصلي : yass

طيب خلص بس تجي ريم نزبطو آسف كتير ما كنت بعرف انو مزعج الامر....راح نسق اعتبارا من بكرا

بركي ريم بدها تقتلك ... تاني مره لونهن انت

رح اسألك لانك عذبتني بالتلوين

بزمانو قلتلي ... انو انا "سوشيال كتير" برأيك وبصراحه تامه بعرفك ما بتمسح خوج اصلا ...

هل هادا شي منيح ..؟ او لا ..؟؟ واذا منيح لاي حد ممكن يضل منيح وبعدين يبطل ... واذا لا ليش كمان ...؟!
طبعا سؤالي موجه لحياتي بأخوية وحياتي الاجتماعيه العاديه ..!
الاقسام الي انا ماسكتها اشرافيا كيف بتشوف أدائي فيها ؟؟؟ وشو ممكن اعمل لتتحسن هالاقسام ...؟؟ وشو فيي اشياء عم اعملهم انت كياس مختارنا ما عم ترضى عليهن او عندك عليهن بعض النقاط!!!

[hanny dagher]

كاتب النص الأصلي : Reemi

بركي ريم بدها تقتلك ... تاني مره لونهن انت

رح اسألك لانك عذبتني بالتلوين

بزمانو قلتلي ... انو انا "سوشيال كتير" برأيك وبصراحه تامه بعرفك ما بتمسح خوج اصلا ...

هل هادا شي منيح ..؟ او لا ..؟؟ واذا منيح لاي حد ممكن يضل منيح وبعدين يبطل ... واذا لا ليش كمان ...؟!
طبعا سؤالي موجه لحياتي بأخوية وحياتي الاجتماعيه العاديه ..!
الاقسام الي انا ماسكتها اشرافيا كيف بتشوف أدائي فيها ؟؟؟ وشو ممكن اعمل لتتحسن هالاقسام ...؟؟ وشو فيي اشياء عم اعملهم انت كياس مختارنا ما عم ترضى عليهن او عندك عليهن بعض النقاط!!!

خوج ؟ كياس ؟

شو وين قاعدة انتي عمي عم تشتغلي بالفاعل كأنك

[Reemi]

كاتب النص الأصلي : hanny dagher

خوج ؟ كياس ؟

شو وين قاعدة انتي عمي عم تشتغلي بالفاعل كأنك

شو ما فهمت ؟؟

كان قصدي كـ ياس ..!

[*Marwa*]

هااي ياسووو..كتير منيح انك بالمقلاية

كيفك؟

رح بلّش بالاسئلة وبلا طولة سيرة


الاسم والعمر:

أهلك سموك على اسم شخص معين؟ قريب متلا؟

لو كنت انولدت من الجنس اللطيف شو كنت بتحب يكون اسمك؟

كنت بتتمنى يكون عمرك اكبر او ازغر؟ وقديه بالزبط؟

****
ليش بعدك بأخوية؟ (ما تاخدها بمعنى سلبي ..بقصد يعني شو اللي بخليك تضل بأخوية؟)

شو هو لونك المفضل؟

شو الحيوان المفضل؟

عندك بيرسينج؟ اوشام؟

عندك ادمان لشي معين؟

من واحد لعشرة قدي بتصنف رضاك ع حالك من ناحية شخصية؟

عندك عادات بتعتبرها سيئة وبتتمنى تتخلص منها؟

ازا بيعملوا فيلم عن حياتك شو بيكون اسمو؟

شو اول شي بسّلم افضلياتك او اولوياتك؟

شو نقطة ضعفك؟

بتحب صوتك؟


شي مرة :

جرحت حالك وقسيت على نفسك؟ وليش؟

حششت؟

اكلت قتلة أو طعميت حدا قتلة مرتبة؟

أضربت عن الطعام يوم كامل؟

نمت كل اليوم؟

قتلت حيوان بالغلط؟او بالقصد؟


بتآمن ؟:

بالحب من اول نظرة؟

بتتمنى لما بتنزل نجمة من السما؟

انو في حساب لكل بنآدم بعد ما يموت؟


مين هو / هي؟ :

صديقك/ صديقتك المفضل/ة؟

صديق/ة ياللي بيضحك كتير؟

صديق/ة ذكي وحكيم كتير؟

صديق/ة كتير مشتاق تكون حدو/ها ؟

بتحس انو اصحابك دايما بفهموك؟


انشالله يكونوا اسئلتي خفاف ونغشين..

[dimozi]

ياس في المقلاة, يا مرحبا يا مرحبا

شريك ما رح زيد النار تحتك



بس طمني كيف الزيتات......... أصلي ولا زيت أونا؟؟؟؟؟؟

[was616im]

ياسين بدك ما تواخذني بس ما حسنت امسك حالي و ما بعرف ليش هالموقف تبعك فرطني من الضحك يا رجل

بمطار حلب بوحدة من جياتي ع اسبانيا كان عندي زيادة وزن فكان واحد رفيق ابوي موصي ضابط بالمطار يمشيني... رحت لعندو و الزلمة بكل لطف خدمني يعني و مشالي اموري.. أنا فكرتو شامي من حكيو, فو نحنا ناطرين الجواز سألني اذا أنا ديري و أنا رديت عليه :" مو عيب" هيك بمزح (لمن لا يعلم في شبه حساسية فكاهية بين الرقة و الدير)

طلع هوي ديري... و أنا تمنيت الارض تنشق و تبلعني

خوج ؟ كياس ؟ شو وين قاعدة انتي عمي عم تشتغلي بالفاعل كأنك؟

يحرق حريشك شو هاد

راجعلك بكم سؤال

[was616im]

كيفك دكتور ياسين
الك عندي هيك كم سؤال خفاف نضاف :

1-برايك الديمقراطية بتلبق للعرب شي؟؟
2-اذا اتعينت سفير سورية باسبانيا عددلي اهم 7 شغلات بتسعى بكل جهدك انك تحققن
3-ليش تحديدا اسبانيا؟
4-ليش انت هيك جدي كتير ؟؟(هالسؤال يا ريت تتوسع بالشرح فيه قد ما بدك يعني خود راحتك باحكي عندك مساحة قاضية )
5-اذا قلتلك اني حابب بس اتخرج اني اختص عيون ف بتنصحني اجي اختص باسبانيا او روح ع دولة تانية؟
6-طيب واذا كان بدي اختص جراحة تجميلية؟
7-بدي منك 10 نصائح الي كطالب طب لساتني باول الطريق يعني لساتني سنة اولى
8-اذا اجى شي حدا و سالك شو رايك بهالبني ادم وسيم ( اللي هو انا و اعوذ بالله من كلمة انا ) شو بتقلو؟؟
9-انت محشش شي مرة؟؟و شو نوع الحشيش؟
و شكرا الك
احتمال يكون الي رجعة لا تروح
[/quote]

[Majood]

سؤال واحد فقط :

لماذا يعقمون الإبرة السامة لقتل المحكوم عليهم بالإعدام ؟

[MaTyA]

المحبة من الله,,, الناس شكلها ناطرة دورك من عبكرة الله حتى تسألك يا ياسين,,,
طيب انا بس بدي اسألك سؤالين من فكرة واحدة ( مبدئياً بس سؤالين ) .
.
.
.

يـُـقال ان قوة المرء في كظم غيظه لا بـ ان يرد بالمثل ومن هنا :::

1) هل انت ممّن يكظمون غيظهم أَم ممّن يجيبون بالمثل ؟؟؟!
2) اذا كنت من كاظمي الغيظ الى اي مدى تستطيع كظم غيظك ؟؟؟!

.
.
.

وتحية

[yass]

Gazitaما بعرفها بنوب و الله, كل اللي بعرفو انو يمكن مغربية أو ساكنة بالمغرب مو؟


Reemiلو من سنتين حدا قايللي انو أنا و EVE راح نصير صحاب كان ما صدّقت أبدا.... ريم مافي منها! صحيح تتآمر علي أحيانا هي و هداك جابي الكهربا.. بس كتير حبابة و مهضومة, و بدها تعزمني عالغدا بس انزل عالبلد

marioma alghzayalaما كتير حكينا و بصراحة ما بعرف ليش, هيي من الجمهور اللي مصرّين انو أنا بخوّف ... شفت مقطع فيديو لآخر حفلة الها و شي رائع فعلا...

hanny dagherمختار أوغاريت؟؟ مافي منو حج هاني و هلأ كمان شوي بس يتعلّم اسباني يصير عملة صعبة جدا.... على سلامتو هاني و الله

Williعصبي؟ نعم.... راديكالي؟ نعم... بس رغم انو ما كتير حكينا بس في الو ردود أشتهي قللو هات راسك أبوسو

laylaمن تراث أخوية الأولى تقريبا... من زمان ما طلّت و كتير مشتاقيلها

sezarسيز من الأعضاء اللي جدا سبسيال لألي.جدا بتعجبني طريقة تفكيرو و حكيو, عدا انو فنان من الدرجة الاولى

sweetbaby
كمان من تراث أخوية الأولى.. كتير حبابة و ظريفة جدا. لازم ما تعصّب و تنزعج على كتير شغلات ما هو الدنيي هيك... أهم شي انو تفكّر انو حسان بيخوف أكتر مني

الحاج متولي
ما بعرفو و الله

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

من رواد المنبر و ضواحيه.. أنا كتير بتّفق معو بشغلات كتيرة و بشغلات تانية ما بتّفق. أمر طبيعي يعني, بس من الأعضاء الجديرين بالاهتمام جدا

butterflyهي حبابة و ما في منها, و نشيطة جدا و من الأ عضاء اللي قدمو الكثير جدا لأخوية و فوقها مو معترف بهالتقديم أحيانا. كتير منحكي عالمسنجر و بتقلي انو أنا جفص.. اجمالا من أعضاء أخوية المفضلين بالنسبة لألي

وشم الجمال ما كتير بعرفها بس أسئلتها هون بالمقلاية حلوين.. عدا هيك ما فيني قول أكتر لأنو ما بعرف أكتر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما بعرفها بالشكل الكافي لتكوين رأي.... آسف

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

,
ما بعرفو بنوب و الله

Hashtnasht
معلمنا و الله... أبو نهلة بعتبرو من روح أخوية.. يبردو القلب فعلا.. أبو نهلة من الأعضاء اللي بنقاش حول شيء ما يجيب الفكرة أو الجملة اللي بدك ياها تجي و مو طالعة معك.. عدا عملو الممتاز بقسم الموسيقا. و هوي واحد من الناس اللي جدا بتمنى يرجعو يشاركو بالمنتدى لأنو جدا غني بأفكارو و ثقافتو, عدا ظرافتو الرائعة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يجوز ما نتفق بكتير قصص بس أنا بعزّو... و لسبب بسيط: من شي شهرين حط موضوع علمي غير دقيق فحكيت انو أخي علميا هالحكي مو مزبوط و بينتلو ليش مو مزبوط (يعني مجال دراستي).... عدة اعضاء هاجموني ع أساس دفاعا عنو كالعادة بس هو بعتلي برايفت يشكرني عالتوضيح.. هاد شي جدا يعبّر عنو.


Syrian Gay
ما كتير حكينا, بس أنا بشكل عام بحب كل اللي يكسر الحدود و خصوصا حدود الصمت. موقفو أكيد بدو شجاعة بدون شك. أحيانا لازم يلاحظ انو حالتو جديد وجودها علنا بمجتمعنا فلازم يطوّل بالو.


Fares
الكبير الآخر بالنسبة الي بعد حشت نشت. شب رائع وودود و صاحب ثقافة عالية و اطلاع ثقافي ممتاز... بلكي أنا من هون لـ 20 سنة لقدّام اقدر أقرأ اللي قراه هو لحد الآن

Geeny
من القلة اللي أقدم مني بالأخوي...كان عندها خواطر رائعة جدا... اتمنى انو ترجع قريبا عالأخوية

yass
ما بحبو
]كهربجيعلاء عضو رائع. عندو مشكلة انو ما صار مجال انو الناس تعرف انو رائع, يمكن ما عندو هالاهتمام بالحياة الاجتماعية داخل المنتدى لذلك الناس عندها يجوز نظرة خاطئة عنو.. أنا بتمنى انو يسمحلنا نتعرّف على علاء بشكل أفضل
رادياما بعرفها و الله

SABE
سعيد من الناس اللي تحكي معهون تحس انو لسا الدنيا بخير, شاب رائع و عندو ذوق موسيقي حلو كتير, ظريف و ودود كتير

HUS
شهادتي فيه مجروحة لأبن بطوطة أخوية.. عتبان عليه لأنو جابرنا نشتقلو... اتمنى تنحل كل الامور و نرجع نقرا جملة "تسالي يا مان" منو

Barleb
كمان من القدامى بالمنتدى... بحبلو كتير أفكار بس يمكن طريقة سردو المعتادة الي عليها ملاحظات...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

كتير بحترمو و بحترم آرائو... بس من فترة ظلمني و ظلم ناس ما كانت تستحق.. على كل مسامح مافي مشكلة

the light
الصراحة حسان من الشباب اللي أسعدني جدا التعرّف عليهون بالسنة الاخيرة. مثقف و واعي و معلمنا يعني بكل شي. بدي يا ه يجيني زيارة قريبا و أكيد راح نستمتع كتير.... بحس انو عنا شي مشترك سرسورة
سارة رائعة جدا... كتير بحترمها و بحب آرائها جدا... دكتورتنا يعني على سلامتها


محمد ابراهيم
أبو حميد على سلامتو و الله مافي منو.. شب مؤدب و فهمان و رأيو دائما بيهمني و ردودو طويلة

GOVERMENT
ما بعرفو للشب كتير بس يعني بحسو كتير ظريف و حبّاب

صياد الطيور
ما كتير اعرفو


اسير التشرد
كمان ما بعرفو كتير بس شفتلو شغلات بنوب ما حبيتها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أبو طريق حبيب الملايين... و الله شب منيح و عين الله حولو. بس بحسو دائما وين ما كان عندو رغبة يكون مختلف. و أحيانا عندو اسلوب رد جدا استفزازي



the morrning
ما عندي معلومات كافية لحتى اعطي رأي


COSTA
بما يخص التعامل الشخصي أنا بعتقد انو كان نوعا ما مزيّف معي و غلط بحقي جدا, غير شي ما فيني قول



handsome
ما بعرفو كتير لوسيم بس بيكفي انو أخوه لسعيد....أكيد الطيبة مسألة عائلية


abosleman
و الله مو كتير بعرفو بس شفتلو مجموعة ردود و آراء عن قضايا مختلفة عجبوني



LiOnHeArT (
سابقا
غلط بحق نفسو و بحقنا, حط الاشراف بموقف سخيف جدا رغم انو بيعرف انو غلطان.... الله يسامحو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

معانا كمشرفين كانت جدا مفترية و قليلة أدب..... بتمنى تراجع نفسها شوي


yamen_h
و الله ما كتير بعرفو ليامن, بس الشي البسيط اللي احتكينا فيه كتير حباب حسيتو


BL@CK
عبدو بيعبّي الراس و الله ع سلامتو... صحيح نتغالظ عليه انو خفف حديتك بس الصحيح أنا في مواضيع بترجى يفوت عبد يرد و يبردلي قلبي.... كتير اسعدني التعرّف عليه فعلا


MadMax
و الله من الاعضاء المميزين جدا بالأخوية... بتمنالو يستمر على هالنهج


وائل76
محترم وائل و فهمان.... بتمنى تنتهي محنة غزة سريعا و يرجعلنا

مسطول ع طول

ما كتير بعرفو.. في الو ردود كتير حلوة

شامي من طوكيو
ما بعرفو
أمرأة من ورق
رائعة جدا.. كتير بحترمها و بحب آرائها


Roaa
ما بعرفها كتير بس باينتا مهضومة كتير



مايا*
ما بعرفها

لبندا

ما بعرفها

fofo besset syria
ما كتير بعرفها و الله بس رفيقة ريم يعني أكيد دعم

Abu Guzef
ما كتير خالطتو لحتى أكوّن رأي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

,
ما بعرفو

فاوست
شخص رائع بس اسلوبو راديكالي و صدامي شوي

ظل جيفارا
ياأخي فهمان بس ماسك الشيوعية حنبلية كتير بحس... جدا احترم آرائو و أدبو بالحوار

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

لو تحل عن رب صفحة الحوادث تبعيت سيريا نيوز كان ارتاحت و ريحت

محمد السعودي

تسالي

التقرير الجوال
كتير محترم الزلمة, يمكن في مشكلة انو ما كتير مدقق انو كمان عنا قناعات ثابتة و ناتجة عن دراسة و بحث و ملاحظة نحنا المختلفين عنو وانو ما حدا ضحك علينا و حشاها براسنا, يعني ما بعرف بحس انو دائما يناقش بطريقة الاستجرار و لكل سؤال أو مسألة معنى أو قصد خفي بشكل ما آخد راحتي... مو لأنو ماني قادر أدافع عن رأيي انما لأنو خصوصا بأمور الاعتقاد ما بحب ناقش أبدا.

بس رجل محترم بحييه

secular
الله يعينو على هالعقلية

Nirvana


رائعة... بتمنى انو ترجع

[yass]

وقت الواحد بكون مظلوم ... بس ما بايدو شي .. يعني بدك ترضخ للامر غص من عنك ..

الطرف اللي ظالمك اقوى منك .. وبايدو انو ينهي حياتك ...

وعم يستغلك .. شو ممكن انك تساوي ؟

غالبا أنا كشخص ما فيني ساوي شي, الازعاج على الاكثر يعني عالقليلة ما بيتهنّى بالهدوء و هو عم يظلمني و ياخد حقي... خليه عالقليلة يسمع صوتي و نقّي و ازعاجي

برايك .. ممكن حدن ما .. بعمر ال "7 سنين او 6 او اقل ... انو يقدر يعمل شي يشكل خطر معين على دولة ما ؟

أكيد لأ....