أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > استجمام > على الطــــــاير

إضافة موضوع جديد  إضافة رد
 
أدوات الموضوع
قديم 29/08/2008   #1
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي أنفلوانزا الطيور والمواطن العربي


تعريف المواطن العربي: هو كائن حي ... مكروه دوليا ... مكفر دينيا ... منعول أبو أبوه أمنيا ... مضطهد حكوميا ... مظلوم إعلاميا .... مشتت ذهنيا .... منتوف ماديا ... مقموع فكريا ... تعيس عمليا ... منكوب يوميا ... محروم كهربائيا ...منبوذ عربيا ... مستهدف أمريكيا.

تعريف الطيور: هي كائنات حية ... مطلوبة دوليا ... مطاردة عربيا... محللة دينيا ... مدعومة تموينيا ... مشهورة إعلاميا ... مرتاحة ذهنيا... معدومة تفكيريا ... متجمدة فكريا... مذبوحة يوميا ... مستهدفة بشريا... مباحة نظريا... مرغوبة مطبخيا... مدللة قفصيا.


أعراض أنفلونزا الطيور لدى المواطن العربي:
1- الشعور بالرغبة في الطيران
2- هز الرقبة بطريقة غير عادية
3- الشعور بالخوف من القطط والكلاب
4- خروج الريش من تحت الابط
5- التصفير والزقزقة في الصباح
6- الشعور بحب الأشجار وبناء الأعشاش
7- الرغبة بأكل حبوب الذره والقمح
8- الرغبة بالنوم فوق البيض
9- شرب الماء زرنقة برفع الرأس للسماء
10- عدم الحرج من التبول في أي مكان
11- الهروب من أي محاضرة فكرية
12- الرعب من حاملي الأسلحة النارية
13- الإستكانة حين زجه خلف القضبان


لمجابهة تفشي انفلونزا الطيور قررت الحكومات العربية ما يلي :
¤ إغلاق ساحة الطيران وساحة النسور وكل منطقة تحمل اسم طير حتى إشعار آخر
¤ إلغاء الجناحين الأيمن و الأيسر من تشكيلة فريق كرة القدم و جعل الهجوم من الوسط فقط
¤ التوقيف العرفي والحجر الصحي لكل من يدعى: صقر - نورس - شحرور - عصفور... وأمثالهم
¤ استحداث عقوبة الإعدام رميا بالبيض أو الإعدام بالكرسي المطبخي أمام طاولة مفتوحة لأكل الدجاج والبط المصاب بالإنفلوانزا.
¤ استبدال الشعارات العسكرية التي تحتوي على نسر في الرتب العسكرية والإستعاضة عنها بالسمك إذا ثبت أن السمك لا يصاب بانفلوانزا السمك أيضا.
¤ صك عملة معدنية جديدة بدلا من النقود المنقوش عليها صورة نسر أو صقر واستبدالها بنقوش لصور أرانب.
¤ التحذير من الزواج (العرفي) لأن الإنفلوانزا تبدأ من العرف نزولا إلى الأنف لدى الطيور
¤ إلغاء قصة زرقاء (اليمامة) من المناهج التعليمية وتأجيل تدريس كل ما يتعلق بالطيور في المراحل الدراسية كافة إلى ما بعد التخرج من الجامعة بعشرين سنة.
¤ وثمة قرارات أخرى تحاك في مجلس القمة وتناقش كمشروعات قانونية قيد الصدور تحظر تقليد الطيور في تناسلها وتجمعاتها وأشياء أخرى لا تزال سرية حتى تاريخه.



تبادل الآراء والأفكار ليس معركة
فالحقيقة عندما تظهر تصير انتصارا للجميع
ما عدا الذين لا يهمهم سوى خلق النزاعات
  رد مع اقتباس
قديم 29/08/2008   #2
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

Thumbs up


يا الله عنجد حلوة

بطيرر ضبنات العقل (ولا هي منعت كمان)

**مهما كان الضمير نائما .. لابد أن يأتي يوم ويصحى**

__**××مديرة العصفورية××**ــــ
  رد مع اقتباس
قديم 03/09/2008   #3
شب و شيخ الشباب زوربا
عضو
-- زعيـــــــم --
 
الصورة الرمزية لـ زوربا
زوربا is offline
 
نورنا ب:
May 2007
المطرح:
مطرح اللي انتحر الحسون
مشاركات:
1,011

إرسال خطاب ICQ إلى زوربا إرسال خطاب MSN إلى زوربا إرسال خطاب Yahoo إلى زوربا
افتراضي


مقارنة رائعة..

....
فلا يسعى إلى الطرق السهلة الخالية من الأخطار إلا الضعفاء......
  رد مع اقتباس
قديم 08/09/2008   #4
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
يا الله عنجد حلوة

بطيرر ضبنات العقل (ولا هي منعت كمان)
14- ومن أعراض إنفلونزا الطيور طيران ضبنات العقل ... لذلك ديري بالك ولحقي فحصي حالك قبل ما تبلشي تطيري إنتي كمان


اقتباس:
كاتب النص الأصلي : زوربا عرض المشاركة
مقارنة رائعة..
هي مقاربة أكثر منها مقارنة
بس ما قربنا كثير كثير خوفا من العدوى وملحقاتها كإصطيادنا من قبل الصيادين

شكرا لكم عالمرور
  رد مع اقتباس
قديم 08/09/2008   #5
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

Talking


قبل ما تقولها عملتها
رحت وفحصت حالي والحمد الله طلع ما عندي انفلونزا الطيور
بسسسسسسسسسسسسسسس
طلع عندي
جنون البقر
  رد مع اقتباس
قديم 08/09/2008   #6
شب و شيخ الشباب ابو الوديع
عضو
-- زعيـــــــم --
 
الصورة الرمزية لـ ابو الوديع
ابو الوديع is offline
 
نورنا ب:
Apr 2008
المطرح:
من وراء الكيبورد..عندي بالبيت
مشاركات:
852

افتراضي


ههههههههه عنجد حلوة
مشكورة

-:-:-:-:-:-:-:-

/./

...
  رد مع اقتباس
قديم 09/09/2008   #7
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
قبل ما تقولها عملتها
رحت وفحصت حالي والحمد الله طلع ما عندي انفلونزا الطيور
بسسسسسسسسسسسسسسس
طلع عندي
جنون البقر
جنون بقر ضحكتيني من قلبي الله يسعد قلبك
سلامتك ألف سلامة معافاية إنشالله
ودخلك شو أعراض جنون البقر ؟
حب الحشائش والحشيش واحدة منهن مثلا؟ وإلا حب الرضاعة والحليب والذي منو لأنو هيك عم يصير معي
بس أنا بالي لسه مشغول على ضبنات عقلك لساتن طايرين وإلا رجعو هدّو مطرحن
ترى إذا بيضلو طايرين ما بتعودي تئدري ترجعيهن وبيوالفو على غيرك وبيهدّو عندو
ألف وردة لخفة الدم والظرافة عن جد أحلى لولو
  رد مع اقتباس
قديم 09/09/2008   #8
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

Thumbs up


اقتباس:
كاتب النص الأصلي : passerby_intime عرض المشاركة
جنون بقر ضحكتيني من قلبي الله يسعد قلبك
سلامتك ألف سلامة معافاية إنشالله
ودخلك شو أعراض جنون البقر ؟
حب الحشائش والحشيش واحدة منهن مثلا؟ وإلا حب الرضاعة والحليب والذي منو لأنو هيك عم يصير معي
بس أنا بالي لسه مشغول على ضبنات عقلك لساتن طايرين وإلا رجعو هدّو مطرحن
ترى إذا بيضلو طايرين ما بتعودي تئدري ترجعيهن وبيوالفو على غيرك وبيهدّو عندو
ألف وردة لخفة الدم والظرافة عن جد أحلى لولو
الله يسلمك ويعافيك يا رب

ومشان أعراض جنون البقر فأنا ملاحظة عحالي إني عالفطور عم باكل بعض من الحشائش متل البقلة والجرجير رغم اني ما كنت حبها.....وصايرة عم اشرب كاسة حليب عالريق بس هي انا اصلا كنت حبها بس مو عالريق ........ بس كمان في أعراض تانية منها اني عم حس انو بدي انطحلي شي واحد
فبنصحك اذاحاسس بهي العوارض فلحق حالك وروح فحاص حالك وقوم بالعلاج المناسب وقول لكل يلي حواليك ما يخلوك تعصب مشان ما تنطح شي واحد فيهم ........

ومشان ضبنات عقلي لا تخاف دغري مسكتن وهم طايرين من أول ما عرفت انو انا مو مصابة بانفلونزا الطيور

وتسلم عكلامك الحلو
  رد مع اقتباس
قديم 09/09/2008   #9
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
الله يسلمك ويعافيك يا رب

ومشان أعراض جنون البقر فأنا ملاحظة عحالي إني عالفطور عم باكل بعض من الحشائش متل البقلة والجرجير رغم اني ما كنت حبها.....وصايرة عم اشرب كاسة حليب عالريق بس هي انا اصلا كنت حبها بس مو عالريق ........ بس كمان في أعراض تانية منها اني عم حس انو بدي انطحلي شي واحد
فبنصحك اذاحاسس بهي العوارض فلحق حالك وروح فحاص حالك وقوم بالعلاج المناسب وقول لكل يلي حواليك ما يخلوك تعصب مشان ما تنطح شي واحد فيهم ........

ومشان ضبنات عقلي لا تخاف دغري مسكتن وهم طايرين من أول ما عرفت انو انا مو مصابة بانفلونزا الطيور

وتسلم عكلامك الحلو
بتصدقي بالله إني ما خليت حدا حوالي إلا ونطحتو
بلشت الحاله معي من يوم ما شفت النجم الفرنسي زين الدين زيدان عم ينطح اللاعب الإيطالي بكأس العالم كنت مفكر إنو هاي حالة عرضية من أمراض النجومية وكنت عم حضر حالي لأصير نجم متلو
أتاري الشغلة أعراض جنون البقر ولي على حظي
هممممم
صار لازملها الشغلة إعادة نظر وتحميص وجهات النظر - تحميص وإلا تمحيص والله ما بعرف يمكن بيصير المعنيين بهالموضوع
يعني صار عنا عدة أعراض لمرض جنون البقر
أولا الرغبة بأكل الحشائش والحشيش ( أكل الحشيش بس مو شم الحشيش أو تدخينه)
ثانيا حب الحليب والرضاعة والذي منو ( رضاعة يعني من الببرونه الطبيعية أو الإصطناعية) مو شرب الحليب من الكاسة في فرق لأنو بحياتك شفتي بقر بيشربو من الكاسة ؟ مو ناقص غير حدا يقول إنهن صارو يستعملو شليمونه كمان
ثالثا الإحساس بالحاجة إلى نطح المزعجين عند التعصيب
رابعا أنا سمعت إن البقر بهولانده صاروا يحطولو أغاني وموسيقى ليزيد حليبو لذلك من يومها خفت على حالي كثير لأني ليل نهار بحب أسمع أغاني وموسيقى ويمكن أصلا ما جن البقر عندهن إلا من بعد ما صارو يسمعوه أغاني جيرك وسامبا ورومبا وشخلعا
إنتي هيك عم يصير معك كمان؟
خامسا يلي بيعرف أعراض أخرى لجنون البقر يضيفها للموضوع ونحن له شاكرون

والحمد الله إنو ضبنات عقلك رجعولك بالسلامة بس لا تنسي إنو لما بتبلش ضبنات العقل تطير بعد فترة بتبلش فيوزات العقل تطق
نورتي الموضوع
  رد مع اقتباس
قديم 09/09/2008   #10
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

Talking


اقتباس:
كاتب النص الأصلي : passerby_intime عرض المشاركة
بتصدقي بالله إني ما خليت حدا حوالي إلا ونطحتو
بلشت الحاله معي من يوم ما شفت النجم الفرنسي زين الدين زيدان (ليش بتحبو ؟) عم ينطح اللاعب الإيطالي بكأس العالم كنت مفكر إنو هاي حالة عرضية من أمراض النجومية وكنت عم حضر حالي لأصير نجم متلو
أتاري الشغلة أعراض جنون البقر ولي على حظي(لك لا تدعي عحالك ولا شي كلها كم يوم وبطيب ان شاء لله اذا اذخدت الدوا طبعا )
هممممم
صار لازملها الشغلة إعادة نظر وتحميص وجهات النظر - تحميص وإلا تمحيص والله ما بعرف يمكن بيصير المعنيين بهالموضوع
يعني صار عنا عدة أعراض لمرض جنون البقر
أولا الرغبة بأكل الحشائش والحشيش ( أكل الحشيش بس مو شم الحشيش أو تدخينه)(منيح انك ذكرتها ولا كانو تعبو حالون وفكرو)...(عم امزح)
ثانيا حب الحليب والرضاعة والذي منو ( رضاعة يعني من الببرونه الطبيعية أو الإصطناعية) مو شرب الحليب من الكاسة في فرق لأنو بحياتك شفتي بقر بيشربو من الكاسة ؟ مو ناقص غير حدا يقول إنهن صارو يستعملو شليمونه كمان(ليش ما سمعت !!! صاير فيشلمونة خاصة للمصابين بجنون البقر يعني مراعاة بأنهم بيكونو كتير تعبانين من كتر النطح فاخترع شلمونة بتنحط بتم المصاب وبتسحبلو الحليب لعندو كل ما عليه (علينا)يتعب حالو شوي ويبلع)
ثالثا الإحساس بالحاجة إلى نطح المزعجين عند التعصيب
رابعا أنا سمعت إن البقر بهولانده صاروا يحطولو أغاني وموسيقى ليزيد حليبو لذلك من يومها خفت على حالي كثير لأني ليل نهار بحب أسمع أغاني وموسيقى ويمكن أصلا ما جن البقر عندهن إلا من بعد ما صارو يسمعوه أغاني جيرك وسامبا ورومبا وشخلعا(ولله من ورا هالحكي يلي عم اسمعو رح خلي ماما تخبي عني الipod الhedphone كمان )
إنتي هيك عم يصير معك كمان؟
خامسا يلي بيعرف أعراض أخرى لجنون البقر يضيفها للموضوع ونحن له شاكرون

والحمد الله إنو ضبنات عقلك رجعولك بالسلامة بس لا تنسي إنو لما بتبلش ضبنات العقل تطير بعد فترة بتبلش فيوزات العقل تطق (انا هاد يلي خايفة منو)
نورتي الموضوع

النور نورك
  رد مع اقتباس
قديم 10/09/2008   #11
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
بلشت الحاله معي من يوم ما شفت النجم الفرنسي زين الدين زيدان (ليش بتحبو ؟)
طبعا بحبو لأنو كلو مهارات ومناورات ونطحات يعني فلتة كروية عربية عالمية نادرة بس الزمان العاطل خلاه يلعب باسم فرنسا بدل ما يكون كابتن المنتخب العربي الموحد


اقتباس:
كاتب النص الأصلي : a7la lolo عرض المشاركة
أتاري الشغلة أعراض جنون البقر ولي على حظي(لك لا تدعي عحالك ولا شي كلها كم يوم وبطيب ان شاء لله اذا اخدت الدوا طبعا )
دكتور الحارة جارنا قال إنو دواي اللي لازم آخده لهالحالة مو متوفر إلا في سوق الحلوين ولازم آخده عشرين مرة باليوم عناق وضم للحبايب بس يا خسارة يظهر إنو رح أبقى مريض لفترة طويلة قبل ما يتوفر الدوا

اقتباس:
كاتب النص الأصلي : a7la lolo عرض المشاركة
أولا الرغبة بأكل الحشائش والحشيش ( أكل الحشيش بس مو شم الحشيش أو تدخينه)(منيح انك ذكرتها ولا كانو تعبو حالون وفكرو)...(عم امزح)
لأ ولو ما بصير ما أوضح شو ناقصنا الأمن الجوي يدخل بالموضوع ويقول عم تنشروا دعايات لتلويث البيئة بالدخان مما يؤثر على حركة الطيران الدولي والمكوكات الفضائية والأطباق الطائرة لأ ويمكن يتهمونا بتوسيع ثقب الأوزون كمان ونحنا شو بدنا بهالشغلة شغلتنا كلها بسيطة أنفلوانزا الطيور على جنون البقر مو محرزه توصل الشغلة لمجلس العيلة الدولي وينفخوا علينا ويطيرونا مثل الدخان ونصير بخبر كان

اقتباس:
كاتب النص الأصلي : a7la lolo عرض المشاركة
ثانيا حب الحليب والرضاعة والذي منو ( رضاعة يعني من الببرونه الطبيعية أو الإصطناعية) مو شرب الحليب من الكاسة في فرق لأنو بحياتك شفتي بقر بيشربو من الكاسة ؟ مو ناقص غير حدا يقول إنهن صارو يستعملو شليمونه كمان(ليش ما سمعت !!! صاير في شلمونة خاصة للمصابين بجنون البقر يعني مراعاة بأنهم بيكونو كتير تعبانين من كتر النطح فاخترع شلمونة بتنحط بتم المصاب وبتسحبلو الحليب لعندو كل ما عليه (علينا)يتعب حالو شوي ويبلع)
بالله شو؟ عن جد ؟
ما عاد باقي غير هنن يجيبولنا ولاد ويريحونا من المجهود الحربي كمان لأ عيني ما ظبطت معي اختراعاتن الشليمونية أنا زلمة دقة قديمة خليني عالرضاعة الطبيعية أحسن ومعلش منتحمل تعب شو بدنا نساوي لأن الطبيعة بتستاهل والله

اقتباس:
كاتب النص الأصلي : a7la lolo عرض المشاركة
رابعا أنا سمعت إن البقر بهولانده صاروا يحطولو أغاني وموسيقى ليزيد حليبو لذلك من يومها خفت على حالي كثير لأني ليل نهار بحب أسمع أغاني وموسيقى ويمكن أصلا ما جن البقر عندهن إلا من بعد ما صارو يسمعوه أغاني جيرك وسامبا ورومبا وشخلعا(ولله من ورا هالحكي يلي عم اسمعو رح خلي ماما تخبي عني الipod الhedphone كمان )
له له له وبتقدري تعيشي بلا موسيقى وأغاني؟
عمرو ما يكون مرض > الله يخليلنا الأغاني وكمان معلش منتحمل جنون البقر منشانها إذا ما ريحينا أعصابنا بالموسيقى قولي لي كيف بدنا نتحمل جنون البشر ؟

اقتباس:
كاتب النص الأصلي : a7la lolo عرض المشاركة
والحمد الله إنو ضبنات عقلك رجعولك بالسلامة بس لا تنسي إنو لما بتبلش ضبنات العقل تطير بعد فترة بتبلش فيوزات العقل تطق (انا هاد يلي خايفة منو)
لا تخافي ولا شي اسألي مجرب ما فيها شي لأنو أنا جربت وشفت إنو ثلاث ارباع البشر طقت فيوزاتها من زماااااااااااااان ولسه عايشين وبالعكس مبسوطين ومروقين عالآخر والمصيبة الكبيرة الحقيقية هي إذا حدا لسه ما طقت فيوزاته ومفروض عليه يتعامل معهن أو يعيش بيناتهن يالطيف يالطيف اللطف يارب هاد أكبر مرض ومالو دوا مثل المفتح عيونو بين العوران بيضلو لاحقينو ليعمولو عينيه التنتين لأن طبع الإنسان ما بيحب يشوف حدا أحسن منه وما بيرتاح إلا إذا خلاه يصير تحت جزمته.
بتعرفي ليش جن المسكين قيس بحب ليلى العامرية؟ مو لأنو ما قدر يتحمل الحب العذري لأ مو هيك .. جن لأنو يلي حواليه كلهن كانوا مدمنين عالحب الثقيل الغميق المبلبل المسقسق وضلو ورا قيس لوقت ما جننوه حتى ما يكون فيه واحد أنظف منهن ما وصلت البلبلة لدقنو وعايش بيناتهن ولما ما قدرو يقنعوه ليتسقسق ويغطس بالبلبلة
ويقلد وساختهن سلبوه عقله يمين بالله لو عاش قيس بوقتنا هاد وجرب يحب ليجننوه بساعة واحدة بس وماكان رح يطول سنين ليجن مثل ما صار معو بوقتو
بقى خليها لهالفيوزات تنحرق ماني سائل أحسن ما يخلوني أصيف أو يشلولي الراس كله
تجي نطق فيوزاتنا مع بعض؟



آخر تعديل passerby_intime يوم 10/09/2008 في 11:12.
  رد مع اقتباس
قديم 10/09/2008   #12
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

افتراضي


[quote=passerby_intime;1109878]طبعا بحبو لأنو كلو مهارات ومناورات ونطحات يعني فلتة كروية عربية عالمية نادرة بس الزمان العاطل خلاه يلعب باسم فرنسا بدل ما يكون كابتن المنتخب العربي الموحد

ليش هالزمان رحم حدا بهالدنيا .....بعدين مو ليكون في منتخب عربي موحد

دكتور الحارة جارنا قال إنو دواي اللي لازم آخده لهالحالة مو متوفر إلا في سوق الحلوين ولازم آخده عشرين مرة باليوم عناق وضم للحبايب بس يا خسارة يظهر إنو رح أبقى مريض لفترة طويلة قبل ما يتوفر الدوا

لك يمكن هالدكتور نسي يشرحلك معنى الحبايب يعني مو شرط بني آدم يلي تحبو
اعطيك مثال دورلك عشي مخدة بهالبيت وخليها تكون طرية وحبها يا سيدي صح كلامي مو مسدق بس شو بدك تعمل بدنا انطيب

لأ ولو ما بصير ما أوضح شو ناقصنا الأمن الجوي يدخل بالموضوع ويقول عم تنشروا دعايات لتلويث البيئة بالدخان مما يؤثر على حركة الطيران الدولي والمكوكات الفضائية والأطباق الطائرة لأ ويمكن يتهمونا بتوسيع ثقب الأوزون كمان ونحنا شو بدنا بهالشغلة شغلتنا كلها بسيطة أنفلوانزا الطيور على جنون البقر مو محرزه توصل الشغلة لمجلس العيلة الدولي وينفخوا علينا ويطيرونا مثل الدخان ونصير بخبر كان

لا دخيلك كلشي الا مجلس العيلة

بالله شو؟ عن جد ؟
ما عاد باقي غير هنن يجيبولنا ولاد ويريحونا من المجهود الحربي كمان لأ عيني ما ظبطت معي اختراعاتن الشليمونية أنا زلمة دقة قديمة خليني عالرضاعة الطبيعية أحسن ومعلش منتحمل تعب شو بدنا نساوي لأن الطبيعة بتستاهل والله

ولك والله محي أصلك

له له له وبتقدري تعيشي بلا موسيقى وأغاني؟
عمرو ما يكون مرض > الله يخليلنا الأغاني وكمان معلش منتحمل جنون البقر منشانها إذا ما ريحينا أعصابنا بالموسيقى قولي لي كيف بدنا نتحمل جنون البشر ؟

لا دخيلك جنون البقر ولا جنون وحيونت البشر

لا تخافي ولا شي اسألي مجرب ما فيها شي لأنو أنا جربت وشفت إنو ثلاث ارباع البشر طقت فيوزاتها من زماااااااااااااان ولسه عايشين وبالعكس مبسوطين ومروقين عالآخر والمصيبة الكبيرة الحقيقية هي إذا حدا لسه ما طقت فيوزاته ومفروض عليه يتعامل معهن أو يعيش بيناتهن يالطيف يالطيف اللطف يارب هاد أكبر مرض ومالو دوا مثل المفتح عيونو بين العوران بيضلو لاحقينو ليعمولو عينيه التنتين لأن طبع الإنسان ما بيحب يشوف حدا أحسن منه وما بيرتاح إلا إذا خلاه يصير تحت جزمته.
أنو إنسان عم تحكي عنو مو أي إنسان متل ما انت قلت الإنسان السوري فقط
بتعرفي ليش جن المسكين قيس بحب ليلى العامرية؟ مو لأنو ما قدر يتحمل الحب العذري لأ مو هيك .. جن لأنو يلي حواليه كلهن كانوا مدمنين عالحب الثقيل الغميق المبلبل المسقسق وضلو ورا قيس لوقت ما جننوه حتى ما يكون فيه واحد أنظف منهن ما وصلت البلبلة لدقنو وعايش بيناتهن ولما ما قدرو يقنعوه ليتسقسق ويغطس بالبلبلة
ويقلد وساختهن سلبوه عقله يمين بالله لو عاش قيس بوقتنا هاد وجرب يحب ليجننوه بساعة واحدة بس وماكان رح يطول سنين ليجن مثل ما صار معو بوقتو
بقى خليها لهالفيوزات تنحرق ماني سائل أحسن ما يخلوني أصيف أو يشلولي الراس كله
تجي نطق فيوزاتنا مع بعض؟



انا خايفة اذا طقيت فيوزاتي هلا يبطل يشتغل عقلي وانا خايفة على عقلي هالسنة كتير خاصة المدارس بتبلش الأحد وانا يلي مفكرة المدارس الإثنين رح جن منها

انا متاكدة من اول يوم دوام راح يطق عقلي ويمكن اصاب بست آلاف مرض غير مكشوف عنو شي لسا

دعيلي بركي مابيصرلي من اول كام يوم
  رد مع اقتباس
قديم 10/09/2008   #13
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
انا خايفة اذا طقيت فيوزاتي هلا يبطل يشتغل عقلي وانا خايفة على عقلي هالسنة كتير خاصة المدارس بتبلش الأحد وانا يلي مفكرة المدارس الإثنين رح جن منها

انا متاكدة من اول يوم دوام راح يطق عقلي ويمكن اصاب بست آلاف مرض غير مكشوف عنو شي لسا

دعيلي بركي مابيصرلي (شي) من اول كام يوم
أوف ليش كل هلقد ئلئانة وحاملة هم المدرسة ليش مو إنتي مديرة المدرسة
على كل حال إذا بدك مساعدة انا جاهز ومن مجاميعو أدبي على علمي على تجارة على شريعة
روحي والقلب داعيلك إنشالله ما يصير معك شي لا أول كام يوم ولا آخر كام يوم لأنك مو حمل شغلات تانية أكتر من هيك إيه بمرض جنون البقر وحده ما خلصنا معك ناقصنا يصير معك شي تاني


اقتباس:
كاتب النص الأصلي : a7la lolo عرض المشاركة

لا تخافي ولا شي اسألي مجرب ما فيها شي لأنو أنا جربت وشفت إنو ثلاث ارباع البشر طقت فيوزاتها من زماااااااااااااان ولسه عايشين وبالعكس مبسوطين ومروقين عالآخر والمصيبة الكبيرة الحقيقية هي إذا حدا لسه ما طقت فيوزاته ومفروض عليه يتعامل معهن أو يعيش بيناتهن يالطيف يالطيف اللطف يارب هاد أكبر مرض ومالو دوا مثل المفتح عيونو بين العوران بيضلو لاحقينو ليعمولو عينيه التنتين لأن طبع الإنسان ما بيحب يشوف حدا أحسن منه وما بيرتاح إلا إذا خلاه يصير تحت جزمته.
أنو إنسان عم تحكي عنو مو أي إنسان متل ما انت قلت الإنسان السوري فقط
لا وحياتك مو بس السوري وعم أحكي عن خبرة وتجربة
الإنسان هو الإنسان في كل مكان نفس الطباع ونفس الغايات لأنو مجبول من طينة واحدة صدقيني


اقتباس:
كاتب النص الأصلي : a7la lolo عرض المشاركة
بالله شو؟ عن جد ؟
ما عاد باقي غير هنن يجيبولنا ولاد ويريحونا من المجهود الحربي كمان لأ عيني ما ظبطت معي اختراعاتن الشليمونية أنا زلمة دقة قديمة خليني عالرضاعة الطبيعية أحسن ومعلش منتحمل تعب شو بدنا نساوي لأن الطبيعة بتستاهل والله

ولك والله محي أصلك
واحد- صفر
هاي يظهر إنك ما استقبلتي البث منيح وراحت عليكي


اقتباس:
كاتب النص الأصلي : a7la lolo عرض المشاركة
لك يمكن هالدكتور نسي يشرحلك معنى الحبايب يعني مو شرط بني آدم يلي تحبو
اعطيك مثال دورلك عشي مخدة بهالبيت وخليها تكون طرية وحبها يا سيدي صح كلامي مو مسدق بس شو بدك تعمل بدنا انطيب
يحرء ديخ جنون البقر شو بيعمل مع الواحد لهون وصلت معك
بدك ياني ألف المخدة إيه من الهوا رح تنفعني هالوصفة
ئال مخدة ئال روحي ياه يا متلك يوصف وصفات يا بلا شو هاد
على كل هيئتها ئربت تنحل عئدتي الأزلية


اقتباس:
كاتب النص الأصلي : a7la lolo عرض المشاركة
ليش هالزمان رحم حدا بهالدنيا .....بعدين مو ليكون في منتخب عربي موحد
ماهو هاد كلامنا
إنو لو الزمان مو عاطل كان صار عنا منتحب عربي موحد أساسي ومنتخب تاني احتايطي كمان بس شو منعمل جينا بالوقت الصعب لنشوف العجب
سلام
ولاتنسي تسلميلي على بنات المدرسة وحدة وحدة ولاتنسي حدا ها

.
  رد مع اقتباس
قديم 11/09/2008   #14
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

افتراضي


اقتباس:
كاتب النص الأصلي : passerby_intime عرض المشاركة
أوف ليش كل هلقد ئلئانة وحاملة هم المدرسة ليش مو إنتي مديرة المدرسة
على كل حال إذا بدك مساعدة انا جاهز ومن مجاميعو أدبي على علمي على تجارة على شريعة
روحي والقلب داعيلك إنشالله ما يصير معك شي لا أول كام يوم ولا آخر كام يوم لأنك مو حمل شغلات تانية أكتر من هيك إيه بمرض جنون البقر وحده ما خلصنا معك ناقصنا يصير معك شي تاني
لك يلي ئلئانة عليه اني حنام بكير وفيق بكير يعني مافي سهر بعد هيك ولانومة لضحوة
من ناحية المساعدة مشكور انا ما شاء الله لي مو بحاجة لشي
هاااااااد يلي ناقصني يصير معي هلوسة بالكتب ولا قلة فهم ولا وحدة من هالأمراض المدرسية

لا وحياتك مو بس السوري وعم أحكي عن خبرة وتجربة
الإنسان هو الإنسان في كل مكان نفس الطباع ونفس الغايات لأنو مجبول من طينة واحدة صدقيني

فيها وجهة نظر


واحد- صفر
هاي يظهر إنك ما استقبلتي البث منيح وراحت عليكي

ما فهمت ش قصدك؟؟؟


يحرء ديخ جنون البقر شو بيعمل مع الواحد لهون وصلت معك
بدك ياني ألف المخدة إيه من الهوا رح تنفعني هالوصفة
ئال مخدة ئال روحي ياه يا متلك يوصف وصفات يا بلا شو هاد
على كل هيئتها ئربت تنحل عئدتي الأزلية


لعمى ليك لوين وصل جنون البقر معي ولي بسررعة لازم اعمل علاج سريع حتى لو اطريت إلجأ للعلاج الكيميائي

ماهو هاد كلامنا
إنو لو الزمان مو عاطل كان صار عنا منتحب عربي موحد أساسي ومنتخب تاني احتايطي كمان بس شو منعمل جينا بالوقت الصعب لنشوف العجب
سلام
ولاتنسي تسلميلي على بنات المدرسة وحدة وحدة ولاتنسي حدا ها

.
الله يسلمك
ولا تنسى حاول تعالج حالك بسرررررررررررعة قبل ما يصل مرضك للمرحلة يلي انا فيها
  رد مع اقتباس
قديم 14/09/2008   #15
شب و شيخ الشباب passerby_intime
عضو
-- قبضاي --
 
الصورة الرمزية لـ passerby_intime
passerby_intime is offline
 
نورنا ب:
Aug 2008
المطرح:
ترانزيت على طول.. عابر سبيل
مشاركات:
447

إرسال خطاب Yahoo إلى passerby_intime
افتراضي


اقتباس:
كاتب النص الأصلي : a7la lolo عرض المشاركة
الله يسلمك
ولا تنسى حاول تعالج حالك بسرررررررررررعة قبل ما يصل مرضك للمرحلة يلي انا فيها
عيني أنا شفيت من زمااااااااااااااااان من يلي عم تعاني إنتي منه اليوم
بتعرفي ليش؟ لأني خلصت من مرحلة هم الدراسة والمدارس يعني كنت وصلان قبلك للمرحلة يلي إنتي فيها بس تجاوزتها
بقى مين يلي لازمو معالجة بسرعة
قلبي عليكي وإنتي دايخة في المدرسة يا مسكينة والله شي بيزعل
بس يالله تحملي هانت هي عشر سنين دراسة وبتخلصي



.
  رد مع اقتباس
قديم 14/09/2008   #16
شب و شيخ الشباب satoman
عضو
-- زعيـــــــم --
 
الصورة الرمزية لـ satoman
satoman is offline
 
نورنا ب:
Mar 2008
المطرح:
Syria
مشاركات:
1,354

إرسال خطاب MSN إلى satoman
افتراضي


معناتا نص العرب عنون انفلونزا لانو اذا منرجع عالمقارنه بيتاكدلنا هالشي

0 الباب يللي بيجيك منو الريح،
0 بيكون شي نجار فهمان مركبلك ياه

0 ســــــــــــــــMan ــــــــــــــــــا تـــــــــو
  رد مع اقتباس
قديم 14/09/2008   #17
شب و شيخ الشباب barcawi
عضو
-- أخ لهلوب --
 
الصورة الرمزية لـ barcawi
barcawi is offline
 
نورنا ب:
Jul 2008
المطرح:
عروس الساحل اللاذقية
مشاركات:
106

افتراضي


حلو كتير واقع مرير بس صحيح

غيوم..كسوف..اصداء...لا شئ واضح
الرجاء اعد المحاولة مرة ثانية
  رد مع اقتباس
قديم 16/09/2008   #18
صبيّة و ست الصبايا a7la lolo
عضو
-- قبضاي --
 
الصورة الرمزية لـ a7la lolo
a7la lolo is offline
 
نورنا ب:
Feb 2008
المطرح:
.....العصفورية .....
مشاركات:
24

افتراضي


اقتباس:
كاتب النص الأصلي : passerby_intime عرض المشاركة
عيني أنا شفيت من زمااااااااااااااااان من يلي عم تعاني إنتي منه اليوم
بتعرفي ليش؟ لأني خلصت من مرحلة هم الدراسة والمدارس يعني كنت وصلان قبلك للمرحلة يلي إنتي فيها بس تجاوزتها
بقى مين يلي لازمو معالجة بسرعة
قلبي عليكي وإنتي دايخة في المدرسة يا مسكينة والله شي بيزعل
بس يالله تحملي هانت هي عشر سنين دراسة وبتخلصي



.
اي والله نيالك خلصت من هالهموم هي

مافي غيري بدو معالجة هيك شايفتلك


اي بس وحد الله انو عشر سنين كلون هال5 سنين وسلام عليكم
العمى شو صعبة المدرسة هلا يا محلاكي يا عطلة
قال انا يلي كنت مالة منها
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:49 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17027 seconds with 12 queries