أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات ادارية > بريد المنتدى

إضافة موضوع جديد  إضافة رد
 
أدوات الموضوع
قديم 29/07/2009   #1
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي طلب اعتذار من مخالفتين


اكلت خلال الـ 12 ساعة الأخير مخالفتين :

الأولى : لعدم التزامي بقانون تبين انه صاحبه ما عنده سبب منطقي لوضعه وبالتالي انا غير مجبر بالتقيد فيه
في حال حدا عم يخطرله " مشرف القسم يحق له سن القوانين .. الخ الخ " الجواب بسيط جدا أنه هلشي بصير بسكنة عسكرية انه يطلع على راس الضابط قانون أو تمرين على الجميع العمل فيه واللي بخالف بوجه على الجاموقة بينما بالاخوية ما كانت بحياتها ماشية على اهواء فلان و"رؤيا" علتان وانا عم طالب بحذف المخالفة الأولى من ملفي الشخصي + تقديم اعتذار على ارسالها "بالخطأ" الي .

التانية : لاستخدامي كلمات غير لابقة بالحديث
القصة انه ما من حق المشرف نشر أمور شخصية بالعضو بالبريد بدون وجه حق
وبهي الحالة من حق العضو الاجابة بكافة الأشكال
التانية ممكن اني اتغاضى عنها لو عرفت انه المشرف مادماكس تخالف لسببين :
1 - نشر خصوصيات العضو ( الله يرحم محور احترام الخصوصية اللي نزل بزمناته بالمنبر )
2- اقتباس نص مخالف للأخوية .


بتمنى من المعنيين بالرد .. الرد
والمعنيين بالاعتذار .. الاعتذار
واللي ماله شغلة وغير معني بالامرين يا ريت ريحلي حاله مشان ما حس حالي فايت على سوق بالة او شي سوق خضرة .


رايحة تزور
كوخ مسحور
  رد مع اقتباس
قديم 29/07/2009   #2
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


آسفين


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 29/07/2009   #3
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
اكلت خلال الـ 12 ساعة الأخير مخالفتين :

الأولى : لعدم التزامي بقانون تبين انه صاحبه ما عنده سبب منطقي لوضعه وبالتالي انا غير مجبر بالتقيد فيه
من حيث المبدأ أخوية غير ملزمة بمنطقة ضوابط المشاركة , أو عالأقل غير ملزمة بنشر أسباب منطقية للضوابط , ببساطة الشي اللي انتي بتشوفيو منطقي غيرك ما شرط يقتنع فيه , و متل ما بتعرف اراضاء الناس غاية لا تدرك , و بصراحة أكتر ما عنا وقت نسرد و نعدد الأسباب المنطقية أو غير المنطقية للضوابط أو أي شي تاني بيتعلق بالعمل الاشرافي , بدك تقول أنو مشغولين حبة يعني .

بيفضل طبعا أنك انت غير مجبر تتقيد بهالضوابط , و هالشي صحيح , و صحيح كمان أنو نحنا مجبرين نتقيد بهالضوابط ,و أحد مظاهر تقيدنا بهالضوابط هو توجيه مخالفات للأعضاء اللي ما بيتقيدو بالضوابط .


اقتباس:
بينما بالاخوية ما كانت بحياتها ماشية على اهواء فلان و"رؤيا" علتان وانا عم طالب بحذف المخالفة الأولى من ملفي الشخصي + تقديم اعتذار على ارسالها "بالخطأ" الي .
بالفعل أخوية بحياتها ما كانت ماشية على الأهواء ...و اليوم ما رح تمشي على هواك كمان .

بالنسبة للمخالفة كتير ممكن يكون الموضوع بسيط و سلس و خالي من الوكليسترول لو انك طرحتو بطريقة بسيطة و سلسلة . أسلوب طرحك للموضوع بالبريد كان سيئ ,و كان الأولى فيك انك تعتذر عن اسلوبك بالطرح قبل ما تطالب باعتذارات.

اقتباس:
التانية : لاستخدامي كلمات غير لابقة بالحديث
أي و أكتر من هيك ..كتير عم تبسط الموضوع وقت بتقول انو كان لاستخدام كلمات غير لبقة ,و بالمناسبة المخالفة كانت كتير رمزية بهالصدد.


اقتباس:
القصة انه ما من حق المشرف نشر أمور شخصية بالعضو بالبريد بدون وجه حق
وبهي الحالة من حق العضو الاجابة بكافة الأشكال
ما حدا نشر معلومات شخصية عنك , أساساً ما حدا من المشرفين بيعرف معلومات شخصية عنك , اذا كان قصدك ع عدد مخالفاتك مثلاً , ما بعرف كيف صنفت هالمعلومات شخصية , الا اذا كنت بدك تطال بحقوق مليكة فكرية للمخالفات اللي انت عاملها !!

و بالمناسبة , صحيح أنو من حق العضو الاجابة بكافة الاشكال , بس بيفضل من حق الادارة تتعامل معة بكافة الاشكال كمان.

اقتباس:
التانية ممكن اني اتغاضى عنها لو عرفت انه المشرف مادماكس تخالف لسببين :
1 - نشر خصوصيات العضو ( الله يرحم محور احترام الخصوصية اللي نزل بزمناته بالمنبر )
2- اقتباس نص مخالف للأخوية .
بامكانك تستخدم زر التبليغ عن مشاركة العاطلة لتخبرنا بوجود مخالفات من اي نوع , بيفضل من واجبنا انو نتصرف تجاه هالمخالفات باللي منشوفو مناسب , أو بامكانك تتغاضى عن التبليغ و ما حدا رح يكون زعلان منك.

اقتباس:
بتمنى من المعنيين بالرد .. الرد
والمعنيين بالاعتذار .. الاعتذار
واللي ماله شغلة وغير معني بالامرين يا ريت ريحلي حاله مشان ما حس حالي فايت على سوق بالة او شي سوق خضرة .
المعنيين بالرد ببريد المنتدى هني الاشخاص اللي عندهن صلاحيات الرد , في حال كان عندك موضوع شخصي مع سين من الناس يفضل انك تخلصو معو ع الخاص , أحسن ما نضيع وقت المعنيين بالبريد .

تحياتي

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 29/07/2009   #4
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : Reemi عرض المشاركة
آسفين
ما طار لا شي من صفحتي ولسع المخالفتين قاعدين على قلبي
  رد مع اقتباس
قديم 29/07/2009   #5
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


معناها مو آسفين
  رد مع اقتباس
قديم 29/07/2009   #6
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


اقتباس:
كاتب النص الأصلي : Abu ToNi عرض المشاركة
ما طار لا شي من صفحتي ولسع المخالفتين قاعدين على قلبي
جرب هلق عميل ريفرش.. اكيد بيكونو طارو المخالفات ورجعت الردود
  رد مع اقتباس
قديم 29/07/2009   #7
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : اشراف اداري عرض المشاركة

من حيث المبدأ أخوية غير ملزمة بمنطقة ضوابط المشاركة , أو عالأقل غير ملزمة بنشر أسباب منطقية للضوابط , ببساطة الشي اللي انتي بتشوفيو منطقي غيرك ما شرط يقتنع فيه , و متل ما بتعرف اراضاء الناس غاية لا تدرك , و بصراحة أكتر ما عنا وقت نسرد و نعدد الأسباب المنطقية أو غير المنطقية للضوابط أو أي شي تاني بيتعلق بالعمل الاشرافي , بدك تقول أنو مشغولين حبة يعني .

بيفضل طبعا أنك انت غير مجبر تتقيد بهالضوابط , و هالشي صحيح , و صحيح كمان أنو نحنا مجبرين نتقيد بهالضوابط ,و أحد مظاهر تقيدنا بهالضوابط هو توجيه مخالفات للأعضاء اللي ما بيتقيدو بالضوابط .
الحكي هاد معمم بشكل كبير
انا ما عم احكي على ضوابط الاخوية بشكل عام وعلى اي اساس موزعة المخالفات وضوابط المشاركة
عم احكي على موضوع واحد واللي هوي المشرف الغير مثالي لعام 2009
نزل فيه قانون منع الأعضاء من المشاركة وعم احكي على هاد القانون بالتحديد ومن حقي اعرف ليش الاعضاء ممنوعين ولامتى رح يستمر المنع وشو الفكرة من منع الاعضاء من المشاركة بالأقسام العامة وداخل مواضيع النقاش .
برجع بقلك حكيك صحيح وبوافقك عليه من ناحية المبدأ العالم لكن الحالة الخاصة مش مشمولة بالحالة العامة كونها طلعت فجأة بموضوع وحيد والادارة مطالبة بتقديم أسباب للأعضاء على المنع وعلى مخالفة كل مين بخالف الموضوع .

عم فكر هلق انه مقولة " نفذ ثم اعترض " ما بتنطبق على حالتنا حتى
لأن مافي اي مجال للأعتراض بهي الحالة
رح تنفذ وبحياة عمرك ما رح تعترض .. اذا بالموضوع اعترضت رح تاكل مخالفة واذا اعترضت بالبريد رح يقولوك مو شغلتك فوين المحل الخاص بالاعتراض على القوانين الوضعية والحالات الاستثنائية دلوني عليه لروح دعبلة لعنده .

اقتباس:
بالفعل أخوية بحياتها ما كانت ماشية على الأهواء ...و اليوم ما رح تمشي على هواك كمان .
هواي ؟ شو هوي هواي انا ؟ انك تسمحلي بالمشاركة وما تمنعني عن حقي بالمشاركة
اذا كان هاد هوي فعظيم كتير آلية التعاون والنقاش بهلصفحة .

اقتباس:
بالنسبة للمخالفة كتير ممكن يكون الموضوع بسيط و سلس و خالي من الوكليسترول لو انك طرحتو بطريقة بسيطة و سلسلة . أسلوب طرحك للموضوع بالبريد كان سيئ ,و كان الأولى فيك انك تعتذر عن اسلوبك بالطرح قبل ما تطالب باعتذارات.
اسلوب طرحي بالبريد ؟
وقت بتنزل اعتراض واضح وبرد مفصل بيجي المعني برد عن كل الجوانب وبيترك الاعتراض نفسه هاد شو اسمه ؟
وبنفس الوقت بيتدخل بأمور شخصية وبينشر ملفك الشخصي أمام الأعضاء وبسرب معلومات ما من حق حدا الاطلاع عليها بصير اسلوبي غير لبق .

عنجد بلا تعليق بس كنت متوقع منطقية بالتعامل .. خصوصا منك بالتحديد .

اقتباس:
أي و أكتر من هيك ..كتير عم تبسط الموضوع وقت بتقول انو كان لاستخدام كلمات غير لبقة ,و بالمناسبة المخالفة كانت كتير رمزية بهالصدد.
عراسي
بس ما كان بدي آكل مخالفة رمزية
المخالفة هي ما عندي مشكلة آكلها وحتى لو بـ 20 زعلة بس على الأقل تمشي على الضوابط
بالبداية يفترض يتخالف مادماكس على شخصنة الرد ونشر ملفي الشخصي على العلن
+
اقتباس نص مخالف من الأخوية
في حال صار هلشي ما عندي مشكلة اتخالف ابدا لا بل كنت رح ارسل تقرير مشاركة عاطلة لمخالفتي في حال عرفت انه سامر تخالف وانا ما تخالفت
لكن العضو سامر خالف ضوابط الأخوية وواجب على الادارة مخالفته .. بعرف انه ما من حقي معرفه هل تخالف أو لا وما عم قلك تسربلي معلومات وتقلي .. بس متأكد انه آلية الخيار وفقوس ماشية هون وصار لازم تنتهي .

اقتباس:
ما حدا نشر معلومات شخصية عنك , أساساً ما حدا من المشرفين بيعرف معلومات شخصية عنك , اذا كان قصدك ع عدد مخالفاتك مثلاً , ما بعرف كيف صنفت هالمعلومات شخصية , الا اذا كنت بدك تطال بحقوق مليكة فكرية للمخالفات اللي انت عاملها !!
وقت عضو بطالب بمعرفة هل العضو الفلاني تمت مخالفته شو بجاوبه مشرف القسم
بالأصح شو بتجاوبه انت ؟
ما بتقله هي معلومات شخصية ما منحقك الاطلاع عليها ؟
شوية منطق يا جماعة ما بدي اكتر من هيك .
اقتباس:

بامكانك تستخدم زر التبليغ عن مشاركة العاطلة لتخبرنا بوجود مخالفات من اي نوع , بيفضل من واجبنا انو نتصرف تجاه هالمخالفات باللي منشوفو مناسب , أو بامكانك تتغاضى عن التبليغ و ما حدا رح يكون زعلان منك.

المعنيين بالرد ببريد المنتدى هني الاشخاص اللي عندهن صلاحيات الرد , في حال كان عندك موضوع شخصي مع سين من الناس يفضل انك تخلصو معو ع الخاص , أحسن ما نضيع وقت المعنيين بالبريد .

تحياتي
مارح راسل الشخص المعني لأن مافي شي شخصي بيني وبينه حتى حله على الخاص
القصة قصة قانون وتطبيق عام + قصة مخالفة ضوابط الأخوية
وطلب حذف المخالفات مانه موجه لسامر لأن بعرف ما طالع بايده شي
الطلب موجه للإشراف الاداري ليعيد النظر بالآلية بس الهيئة الاشراف الاداري مصر يحكي بكل النقاط باستثناء النقطة هي .
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:52 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.08000 seconds with 12 queries