من هو الاله الحقيقي

[Spaik]

من هو الاله الحقيقي
بدي اطرح موضوع عقلاني و بدي رايكون فيه
ماراح احكي عن العصور القديمة والديانات بهداك الوقت راح احكي عن الوقت الحالي
كل الديانات بالعالم في عندا شي عظيم و قادر على كل شيء اسمو الله او الرب او...
وكل الديانات بالعالم عندا اسلوبا بالمكافئة والمعاقبة بعد الموت على الحياة يلي عاشا الانسان و على اعمالو
بس في نقطةمهمة انو كل ديانة بتعتبر حالا انو هي الدين الحيح و الاله تبعا هو الاله الحق
مثلا اليهود بيقولولك انو هنن شعب الله المختار والجنة الون بس
المسيحية بيقولولكنو من آمن المسيح فسيخلص
الاسلام بيقولواك انو الدين عند الله الاسلام
الهندوس بيقولولك نو انت ما بتدخل الجنة الا اذا كنت متذكر احد آلهتون و انت عم بتموت و الا فراح تضل على الارض عم تعيش وتموت وتصير حيوان و و و
كمان كل الديانات بتمن بمعجزات عملوا آلهتون او انبياؤن و الشخص يلي بيؤمن معجزات عملتا آلاهتو ما عندو الحق انو يكذب معجزات الالهة التانية لانو لا هو و لاغيرو فيون يثبتو صحة المعجزة علميا و عمليا يعني كل الالهة عندا كمان قدرة المعجزات
و من ناحية الامان فكل دين فيو قسم من المؤمنين بقوة و بدافعو عن دينون بشكل اعمى
وكل الديانات بتثبت حكيا بكتب بتقول انو مبعوتة من عند الله
يعني اذا اجى واحد من الفضاء على الارض و تمشى فيا و اطلع على كل دياناتا راح يتوصل لهالنتيجة
1-يا اما مافي الله بنوب و الانسانمن حالو اخترعو و عطا قوى خارقة
2-يا اما في اكترمن الله وكل واحد منون الو صفاتو الخاصة وجنتو ونارو الخاصة
3- يا اما الله ما عندو القدرة انو يعمل دين واحد بس وهادا بينفي فهوم الكمال و بالتالي بينفي الله


هلاء ناقشوني بهالحكي و بعدين بتابع الموضوع بس قراؤ يلي كتبتو منيح و بعدين جاوبوني يعني انا مارح اصدق واحد بكتبلي آيةبالقرآن و اكذب واحد يهودي ووكمان اي شخص بيستشهد بمعجزات او آيات ما بحقلو يعترض او يكذب اي شخص تاني عم يحكي عن معجزة تانية.....
سلام

[Kliopatra]

السلام عليكم


حلو ان لهلئ ما في ولا رد (لأن حكون الاولى)
وانا حناقشك بالموضوع مع إني ما بحب هالقسم من المنتدى بنوب, لكن مش لأنك جاري وبس, لأن الموضوع حلو وممكن يكون فعلا نقاش (عقلاني) مع إني ما بضمن أن مش رح يكون في تهجم وجرح متل معظم المواصبع لهالقسم
طيب مالنا فيها ...

الانسان مخلوق ضعيف , وبيعترف بهالشي بقرارة نفسو , وبيشوف شي أعظم .. وبالفطرة بيحاول يقربله لحتى هداك (الشي الاعظم) يوقف معه وما يوقف ضده ..
لذلك الانسان وصل تفكيره لشي اسمه (الله) اللي ما بيدركه ولا بيعرفله شكل ولا شي, لكن هو مش بشر ولا مخلوق ولا كائن عادي ,,, لأن كل الاشياء التي رآها الانسان بحياته على مر العصور ما كانت متكاملة.
فعلا الله في تصور الانسان وتفكيره ....
طيب ... وكلنا منعرف ان لما للانسان بيكون في هدف, هالشي بيساعده على الحياة,,... والانسان لما بيأمن بالله وبانه لازم يتقرب منه وبالتالي يعمل (س) شغلات لحتى الله يحبه, فهالشي بيعطيه أمل بالحياة ولحتى يحسن نفسه.
إذا ................ فالإيمان هو الأمل ......... والعبادة هي الوصول للشيء المطلق ... !!!
انا ... دون النظر للديانة يلي بعتنقها, لكن ما آمنت ولا عبدت إلا من مدة قصيرة, لما حسيت اني يجاجة لله, ان كلشي بهالدني بيقودني لعنده, ومن لما هو ناداني .. صرت حس بوجوده معي دايما, والاهم .. ان لما بطلب منه .. بيلبيلي ....
شو في احلى من ان الانسان يحس ان (الشي الاعظم) بيسمعله وبيلبيله
بصراحة وصلت ........ لشي اسمه الاكتفاء والاقتناع ............ وهالشي حلو كتير كتير بتمنى كل انسان يشعر فيه
ليعرف شو هي السعادة
وكمان بعرف ....... ان الله مش منتظر مننا (فقط) الصلاة - سواء كانت سجود أو ركوع أو كلمات ... هالشي كلو مالو معنى أدام يلي بقلب الانسان ....... وطبعا لازم يرافقه الحركات (ولو انها وبرأيي شي ... شي مو شي).
وهلئ ....... كلشي انا بتمناه من هالناحية هو انه يقويني ويقدرني على اني تم عبادته بالشكل يلي بيريد, وما اقطع صلاة ... وكون عند حسن ظنه ..........................
لاادر ورجيه اديه انا ممتنة, ما بعرف لشو بيلزمه ... لكن انا بحب ورجيه هالشي ....... وان شاء الله يثبتني عالايمان.

طبعا ما مننسى ان الايمان هو الرادع الاول للكذب .. للغش .... للجريمة ... لكلشي سيء ممكن يقترفه الانسان بهالدني ..



سبااااااايك يا جاري العزيز احكيلنا شو يلي وصلك لهالمواصيل؟ ولهالتساؤلات ؟



والسلام عليكم والرحمة والبركات

[Spaik]

حلو هاي اول واحد او بالاحرى وحدة بتوافق بانو نحن مين عملنا الله مو هو يلي عملنا

[Kliopatra]

كاتب النص الأصلي : Spaik

حلو هاي اول واحد او بالاحرى وحدة بتوافق بانو نحن مين عملنا الله مو هو يلي عملنا

انا بالاحرى بينتلك .. لشو بيلزمنا الايمان ........ وبشو بيساعدنا الرب
وكيف الانسان بعقله بيستوعب ان للكون شيء قوي قوي (دون النظر إلى الرسل مثلا), لأن انا آمنت مش من رسول ولا داعية ولا كتاب ولا لا .... انا آمنت بعقلي, من لمان بلشت اوعا, وافهم ان اكيد في رب ..............


ونوعا ما ........ فانا بوافق كلامك ... جزئيا


وبالاخير ..... فـ(سميسيل جيزني) هو الايمان ...........


والسلام

[Spaik]

لأ خيتو هدف الحياة مو الأيمان,
الأيمان ما بيقدم ولا بيأخر يمكن يخليكي تشعري بالراحة بس هادا بضل شعور شخصي يعني
وهالحكي حكا هاشتنشت من قبل

[Spaik]

مشكوروين كلكون على هالردور الحلوة بس على اي حال سكوتكون بيعني انو كلامي صح 100% او انو ماحدا منكون عندو القدرة بانو يجاوبني و يناقشني

و بالحالتين انتو اثبتو عدم نفعكون بحوار الاديان يعني وجودكون بلا معنى فروحو و طلاعو من حوار الاديان و تسلولكون بشي محل تاني روحو ل على الطاير و تسلو احسن من وجودكون هون

[Atramez_Zeton]

Kliopatraما بعرف بس كانو في عنا توارد خواطر او شي انا كاتب نفس فكرتك بس بغير محل !!!!

هلا اول شي مرحبا
تاني فالنقارن بين شخص مؤمن بوجود اله مهما كان شكله و اخر غير مؤمن بوجود اله
المؤمن بوجود اله سيقوم بالصلاة له و السجود و القيام بالطقوس و الخ..... لو نظرنا الى حالة الشخص قبل و بعد القيام بهذه الطقوس ماذا نجد ؟؟؟ في البدئ نفسية الشخص ستكون اقوى و سيزول عنه بعض هموم الحياة لان باعتقاده ان الصلاة و الطقوس التي قام بها هي مستجابة وان هذا اله سيساعده في حل مشاكله و نلحظ ذلك بالطقوس البوذية على سبيل المثال حيث ترتفع روحانية الشخص عند القيام بها على فرض ان هذه الطقوس وثنية عند من يعبدون الله
ماذا عن الانسان الغير مؤمن بوجود اله ؟
سيكون عنده ضعف من الناحية الروحية و سيحاول ايجاد مهرب له من الممكن ان يكون شيئ محرم او خطيئة كما هي التمسية معترف عليها عند عبدة الله

من ناحية اخرى صلاة المؤمن لن تقوي الهه و لن تزيد من جبروته فصلاته هي تكون مناجاة لنفسه و ليس لالهه و بالتالي هاذا خير للبشر حيث ان النظرية الفلسفية للاديان تكمن باقامة الجنة على الارض من حيث اقامة السلام و الخيرعلى الانسانية عليها و عدم القيام بالمباحات و المحرمات و الخ.....

لو نظرنا الفرق بين ارض تعمها الفساد و ارض يعمها الخير فاننا سنلحظ فرق كبير بطريقة المعيشة بين الاثنين و هذا بالطبع ما يتمناه الجميع
و لهذا ف انا افضل الايمان باله استطيع ان ارجع اليه بوقت الحاجة و ان اضحك على نفسي بوجوده فهذا يعطيني قوة وهمية استطيع التغلب بها على مشاكل الحياة الحقيقية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Kliopatra]

السلام عليكم

زيتون الطيب ..
صح في توارد افكار, لكن بيصير في تباعد باهم نقطة
الانسان لمان بيفكر انه عم يضحك على حاله ما بيكون مؤمن بجد

اما انا فعم بحكي عن الايمان بالحقيقة وليس الخدعة
ما بحب اتطرق لموضوع دين معين, لكن لو تابعت امور الدينا والطبيعة لح تعرف انه ما انوجد من العدم ... وبرجع بقول ما بدي خوض بالموضوع لان يلي هون ومن غير ديني مش حيقتنعوا, وانا بعدني ما وصلت لمرحلة بتخولني لوقف وقفة الداعية.



والسلام

[Kliopatra]

سبااايك ... حسابك معي بعدييين :P

[Spaik]

كاتب النص الأصلي : Kliopatra

سبااايك ... حسابك معي بعدييين :P

[Kliopatra]

كاتب النص الأصلي : Spaik

ما في شي بيخوف


بدي ارجيلة سليفا باناناس جنبها اكلة فرنسية

[Atramez_Zeton]

الانسان لمان بيفكر انه عم يضحك على حاله ما بيكون مؤمن بجد

لا لا مو هيك
الفكرة ابسط من هل النقطة
انا كل ردي كان على منطلق في حال كان هذا الاله غير موجود

لهذا ف انا افضل الايمان باله استطيع ان ارجع اليه بوقت الحاجة و ان اضحك على نفسي بوجوده فهذا يعطيني قوة وهمية استطيع التغلب بها على مشاكل الحياة الحقيقية

انا هون بفرض القوة غير حقيقة ولكن المؤمن بوجود هذا اله سيعطيه هذه الطاقة فاذا هي ناشئة من ايمانه به وليس من العدم
يعني او انك تنظرين الى شخص يعبد ما لا تعبدي فستقولين "كيف لا يؤمن بما لا اؤمن ...الخ" وهذا الشخص سيقول كذلك "كيف هي لاتؤمن بما لا اؤمن....الخ" و انتم الاثنان تملكون طاقة الايمان و لذ هي ليست قادمة من العدم

شكرا على السؤال الغير مباشر :P و ارجو انو الصورة تكون توضحت هلا

[بنت الإسلام]

الإله الواحد في هذا الكون واحد هو الله
رب محمد عليه السلام ورب عيسى عليه السلام ورب موسى والأنبياء جميعا
ورب البشرية جمعاء
ربنا الله الذي لا نلجأ إلا إليه في الشدائد والمحن

إذا ضل الحادي في الصحراء ، ومال الركب عن الطريق ، وحارت القافلة ، في السير ، نادوا : يا الله .

إذا وقعت المصيبة ، وحلت النكبة ، وجثمت الكارثة ، نادى المصاب المنكوب ، يا الله .

إذا أوصدت الأبواب أمام الطالبين ، وأسدلت الستور في وجوه السائلين ، صاحوا ، يا الله .

إذا بارت الحيل ، وضاقت السبل ، وإنتهت الآمال ، وتقطعت الحبال ، نادوا ، يا الله .

إذا ضاقت عليك الأرض بما رحُبت ، وضاقت عليك نفسُك بما حملت ، فاهتف ، يا الله .



ولقد ذكرتُك والخطوبُ كوالـــــح سود ووجهُ الدهر أغبرُ قاتِم

فهتفتُ في الأسحار بإسمِكَ صارخاً فإذا محياً كُل فجــرِ بإسمُ



إليه يصعد الكلم الطيب ، والدعاء الخالص ، والهاتف الصادق ، والدمع البريء ، والتفجع الواله .

إليه تُمد الأكُف في الأسحــار ، والأيادي في الحاجات ، والأعين في الملمات ، والأسئلة في الحوادث .

بإسمه تشدوا الألسن ، وتستغيث وتلهج وتنادي ، وبذكره تطمئن القلوب ، وتسكن الأرواح ، وتهدأ المشاعر ، وتبرد الأعصاب ،

ويثوب الرشد ويستقر اليقين ، ( اللَّهُ لَطِيفٌ بِعِبَادِهِ ) .

الله : أحسن الأسماء ، وأجمل الحروف ، وأصدق العبارات ، وأثمن الكلمات ( هَلْ تَعْلَمُ لَهُ سَمِيًّا ) ؟!

الله : فإذا الغنى والبقاء ، والقوة والنصرة ، والعز والقدرة والحكمة ( لِمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ ) .


الله : فإذا اللطف والعناية ، والغوث والمدت والوُد والإحسان ( وَمَا بِكُمْ مِنْ نِعْمَةٍ فَمِنَ اللَّهِ ) .

الله : ذو الجلال والعظمة ، والهيبة والجبروت .

[Syria Man]

[Spaik]

كاتب النص الأصلي : بنت الإسلام

الإله الواحد في هذا الكون واحد هو الله
رب محمد عليه السلام ورب عيسى عليه السلام ورب موسى والأنبياء جميعا
ورب البشرية جمعاء
ربنا الله الذي لا نلجأ إلا إليه في الشدائد والمحن

إذا ضل الحادي في الصحراء ، ومال الركب عن الطريق ، وحارت القافلة ، في السير ، نادوا : يا الله .

إذا وقعت المصيبة ، وحلت النكبة ، وجثمت الكارثة ، نادى المصاب المنكوب ، يا الله .

إذا أوصدت الأبواب أمام الطالبين ، وأسدلت الستور في وجوه السائلين ، صاحوا ، يا الله .

إذا بارت الحيل ، وضاقت السبل ، وإنتهت الآمال ، وتقطعت الحبال ، نادوا ، يا الله .

إذا ضاقت عليك الأرض بما رحُبت ، وضاقت عليك نفسُك بما حملت ، فاهتف ، يا الله .



ولقد ذكرتُك والخطوبُ كوالـــــح سود ووجهُ الدهر أغبرُ قاتِم

فهتفتُ في الأسحار بإسمِكَ صارخاً فإذا محياً كُل فجــرِ بإسمُ



إليه يصعد الكلم الطيب ، والدعاء الخالص ، والهاتف الصادق ، والدمع البريء ، والتفجع الواله .

إليه تُمد الأكُف في الأسحــار ، والأيادي في الحاجات ، والأعين في الملمات ، والأسئلة في الحوادث .

بإسمه تشدوا الألسن ، وتستغيث وتلهج وتنادي ، وبذكره تطمئن القلوب ، وتسكن الأرواح ، وتهدأ المشاعر ، وتبرد الأعصاب ،

ويثوب الرشد ويستقر اليقين ، ( اللَّهُ لَطِيفٌ بِعِبَادِهِ ) .

الله : أحسن الأسماء ، وأجمل الحروف ، وأصدق العبارات ، وأثمن الكلمات ( هَلْ تَعْلَمُ لَهُ سَمِيًّا ) ؟!

الله : فإذا الغنى والبقاء ، والقوة والنصرة ، والعز والقدرة والحكمة ( لِمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ ) .


الله : فإذا اللطف والعناية ، والغوث والمدت والوُد والإحسان ( وَمَا بِكُمْ مِنْ نِعْمَةٍ فَمِنَ اللَّهِ ) .

الله : ذو الجلال والعظمة ، والهيبة والجبروت .

اولا بحب اقولك انو اليهود لا يؤمنون بالمسيحية و الاسلام و الاهون بيدعيون بشعب الله المختار اما الاهك ما بيدعي اليهود بشعبالله المختار
و المسيحية ما بتؤمن الاسلام و عندون المسيح هو ابن الله و هو الله و الله بلااسلام بينفي هالحكي و بدعي الناس يلي بتؤمن بهالحكي بالمشركين و الكفرة
فانت هون خلطي 3 آلهة مختلفين مع بعضون و على فكرة انتي ليش نسيتي الديانات التانية غير اليهودية و المسيحية و الاسلام......
2ـانتي ذكرتي بعضمة لسانك انو الانسان ما بيذكر الله غير وقت بيكون عندومصيبة يعني الله بنذكرو منشان عندنا امل بحل مشاكلنا فاذا انحلت بنقول انو الله حلا و اذا ما انحلت بنقول الله الو حكمة بهالشي و بالحقيقة حل اي مشكلة بيعتمد عمل الشخص لحلا طبعا في مشاكل ما بتنحل فاذا انحلت بنقول معجزة بس هو مو معجزة هو بتكون صدفة بحتة يعني العالم عم يمشي علىالاحتمالات...والقضاء و القدر ما الون اي وجود

[أبو عبسي]

أنا متأكد أنو لو رجعنا لغينا كل الإلهة الموجودة-الحقيقية و المخترعة-..بظرف كام سنة رح يظهر ألهة جدد..
الإله مالو وجود مادي..ألو وجود روحي..و الإنسان ما بيشوف الروح و لكن يشعر بها...الإله ضروري للإنسان..
أنا حتى لو اكتشفت أنو الله مالو وجود حقيقي رح ضل آمن فيه..لأن الله هو روح المحبة المنتشرة بين الناس..و المحبة رح تضل موجودة بوجودة الإنسان مهما تدهورت أمور البشرية...
الإنسان اخترع الإلهة و حط فيها كل القوة اللي هو بيطمح لألها..حط كل الصفات المنيحة و القوية..
المسيح فعلا وجد و بغض النظر إن كان إلها أو لا ..و لكنه يمثل الله بكونه إنسانا أولا و الإنسان على صورة الله..
و ثانيا بكونه قد صنع الخير و نشر المحبة..و الله محبة..و فقط...

أبو عبسي..
و سلام..!

[s1_daoud]

و الله محبة..و فقط...

[Syria Man]

تحياتي