قصيدة حلبية للشاعر أبو حبو

[الكابتن حسون]

قصيدة شفت عيونا فسط الكاسة للشاعر أبو حبَو من الكلاسة



شفت عيونا فسط الكاسة...

فسط الكاسة..

فسط الكاسة شفت عيونا

تقدح متل الونّاسة

حلوة متل مربّى المشمش...

ونظراتا بتعبّي الطاسة--

يخرب بيتا..

يخرب بيتا شقد حبّيتا...

قلعتلي قلبي من جرنو--

ساوتني بيضة فقّاسة

كسرتتني متل البطّيخة..

حتى صرت ...حزوز حزوز

هالمخلوقة...ينعن طيخا..

حلوة متل "العنبر بوظ"--

فيزونا...

شمّطلي عيوني...

وطيّرلي من راسي الظوظ--

أخدتلي واحد شرشوح..

وهي حالة دنيتنا..حظوظ



راحت حبّت واحد غيري..

جبلا بيتين وسيارة

ودشدوش...

وجبلا سنّارة..

مابعرف إشقد كان عيارا

بس البعرف..

إنّي كل نسوان الحارة

غاروا منّا..

وشالوا عالمشتشفى الجارة

فطسانة...وما منّا شارة

لمّا شافت هالسنّارة

فلّس جوزا...

وصارت متل الجيجة العوزا

على طول مهرهر شحوارا

ورجعت لعندي زعلانة..

باستلي إيدي من الكوع..

وقالت : سامحني ...ندمانة

قلتلا : روحي من وجي

حاجة تنّقي ياكرارة..

كنتي عندي متل الوردة

وهلّق ...صرتي متل القردة

كم كاسة قهوة ضيّفتك

وكم سيكارة ستأجرتلك و كم مسكليت -

روّحت عليها سحّارة
وكم رفسة طعماني أبوي..

وكم طيّارة..

وكم حرب علقنا وكم غارة

كلّو مشانك يافصعونة

وبالآخر ...عردشتي وفصفصتي عضامي

وتركتيني متل الفارة



وحياة ترابك يا جدّي ..

وحياة الأركيلة الكانت نانتي بتشغلاّ النارة..

مالك عندي عضّة خبزة..

وقصّتنا مالا دوبارة...

أنا شعّلتك ..

وأنا طفّيتك..

وآخرتك ...فلتر سيكارة

[أإأبو العبد]

وحياة ترابك يا جدّي ..

وحياة الأركيلة الكانت نانتي بتشغلاّ النارة..

مالك عندي عضّة خبزة..

وقصّتنا مالا دوبارة...

أنا شعّلتك ..

وأنا طفّيتك..

وآخرتك ...فلتر سيكارة

كبير ياابو حبو كبييييير

[نور سلام]

والله شو بدي قول؟؟؟؟؟؟؟؟فيها كتير تعابير قوية هه.........والحقيقة النهاية احلى شي خلي يرجع كرامتو

[الكابتن حسون]

مشكورين على مروركم الحلو

وانشالله بنردلكم ياها بمشاركاتكم

[أم الجود]

ظريفة .. بتشبه كتير وحدة سبق و نزلتها بموضوع من فترة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -