تعدد الزوجات جزء من الحل!!

[Nay]

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..

[حلبي]

كاتب النص الأصلي : Dndoshy

حضارة استخدام المرأة لتفريغ الشهوات الجنسية في ضوء من الحلال!!

لما بتتزوج خلي علاقتك مع زوجتك بدون حب و الذي منو

[mhsen77]

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك

[I_Love_Syria]

كاتب النص الأصلي : Dndoshy

مين انت وبلسان مين بتتكلم لحّتى تمنع وتعلّم غير أشو هوّي شغلهن

وبصفتك شو عم تناقش هالموضوع, مين حضرتك يعني وشو بيهمك بموضوع تعدد الزوجات إذا ما بيمسك لا من قريب ولا من بعيد ولا الكل صار بدو يحمل هموم العالم على كتافوا ويشتغل حلاّل مشاكل

كاتب النص الأصلي : Nay

انت مو شغلك انو تحدد اذا كان شغلي ولا لأ.. اذا عندك رد رد.. واذا مو عاجبك الحكي لا تشارك.. انت حر متل ما انا حرة.. وطالما أنا عايشة بتمنى من كل قلبي أنو النساء المسلمات وغير المسلمات ما يكونو جواري عند حدا..

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

يعني عم تاخدو حالة أو حالتين موجودين بتجمعات قاتلها التخلّف وهالحالات عم تتعمم عالباقي يعني عيلتنا فيها أكتر من خمسين مرة عمري ماسمعت وحدة فيهن متخانقة هي وجوزها وعمري ماسمعت إنو وحدة جوزها عم يضربها أو عم يعزبها
لهيك لما تناقشوا مواضيع ما تعمموها على مجتمعات كاملة
بالنسبة لردي إلي قبل هاد فأنا بكتب بالطريقة إلي بتعجبني أولاً
تانياً إستخدام كلمة هدنك مابظنها مناسبة أو بتطلع من شخص عم يحكي عن حالو مثقف وحامل هموم النساء كلها على كتافوا وماشي فيها, والمتل أو مدري مين بيقول عامل الناس كما تحب أن يعاملوك
لهيك خلّي يكون في شوية إحترام لحتى نحترمكن

[I_Love_Syria]

كاتب النص الأصلي : Nay

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..

السبب هو طريقة الطرح هاد الي بيوتر, إستخدام الألفاظ إلي بتختاروها بعناية فائقة
ومين عم يكبر الخط

[mhsen77]

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك

[Nay]

كاتب النص الأصلي : I_Love_Syria

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

يعني عم تاخدو حالة أو حالتين موجودين بتجمعات قاتلها التخلّف وهالحالات عم تتعمم عالباقي يعني عيلتنا فيها أكتر من خمسين مرة عمري ماسمعت وحدة فيهن متخانقة هي وجوزها وعمري ماسمعت إنو وحدة جوزها عم يضربها أو عم يعزبها
لهيك لما تناقشوا مواضيع ما تعمموها على مجتمعات كاملة
الموضوع عم يناقش كلام لاحد أهم رجال الدين بسوريا.. وما حدى عمم شي..
واذا انت عايش بعيلة فيها هدول الأزواج اللي بيعاملو زوجاتهون بهي الطريقة فانا بتمنى متلك تماما تصير البلد كلها متل عيلتك..

بالنسبة لردي إلي قبل هاد فأنا بكتب بالطريقة إلي بتعجبني أولاً
وأنا قلت انت حر بتكتب الل بيعجبك متل ما أنا حرة وبكتب اللي بيعجبني

تانياً إستخدام كلمة هدنك مابظمنها مناسبة أو بتطلع من شخص عم يحكي عن حالو مثقف وحامل هموم النساء كلها على كتافوا وماشي فيها, والمتل أو مدري مين بيقول عامل الناس كما تحب أن يعاملوك
لهيك خلّي يكون في شوية إحترام لحتى نحترمكن

كلمة هدنك مو مسبة.. واذا معتبرها مسبة ابعات تقرير مشاركة عاطلة..
تاني شغلة أنا ما قلت عن حالي مثقفة وما قلت أني حاملة هموم النساء على كتافي.. انا حكيت عن امنياتي لنساء سوريا

[شامي للنخاع]

نقاش حضاري بيرفع الراس.....يا حرام بس......وقت نفهم حرية عا مقاسنا........
أنا ماني صاف مع حدن ضدد حدن.......بس مبارح صار شي لفت نظري.....أنو بل غلط صار حكي عن مسيح....قامت القيامة.......وليوم عم نتمسخر عا مجموعة كاملة وعادي
هاموش: انا ماني مع الفتوة.....بس ما بقدر افرض رئيي.....بل كندرة....واحكم عا عقيدة كاملة أنو هنين متخلفين.....كرمال ما بتفق معون
وكاس حرية الرأي.......وحريات..واحترام الاخر

[ِAbu Alzooz]

هاد من منظوركن إنتو, إذا إنتو شايفين إنو المرأة عم تتعامل كجارية فهي مشكلتكن, محدا جابركن تتجوزوا من مسلمين حتى ما تصيروا جواري
ومو شغلكن تقيموا شو وضع تعدد الزوجات يعني مو من حقكن بحكم مالكن مسلمين في حال ما كنتو مسلمين وإذا كنتو مسلمين ففيكن تقيموا الوضع ضمن الوسط المحيط فيكن وتعارضوا أما أوسع من هيك مالكن مصلحة لأنو مو شغلكن ...
وقصص جمعيات المرأة فهي مسلسل مكسيكي لحالها الله يهنيكن فيها ناس فايقة ورايقة

طيب اذا نحن مو شغلنا انو نحكي انت مو شغلتك انو تمنعنا نحكي و ما بيحقلك تمنعنا نحكي
ان كان عجبك ولا ما عجبك
هالحديث بقا انت احترام حالك و اذا شايف انو في حدا جرح او غلط بأي تعبير في عندك
شي اسمو تقرير عن مشاركة عاطلة

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

بدك تشوف انزيل على المحكمة الشرعية و سماع و شوف
شوف الذل من ضرب لإهانة لحرمان
عما تنالو المرأة و كلو بإجازة الاهية
و فوق كل هاد لما بتوصل الزوجة لمرحلة انو ما عاد فيها تحتمل
بدها تضل عايشة أشهر بأحسن الحالات
لحتى توصل للطلاق دون ادنى حقوق
هيك بس عما تشتري حريتها بعد لحظات ضعف و ذل بنص المحكمة
لسبب شو تطبيق قانون صرو 1400 سنة
الناس بتتغير و القواعد لازم تتغير

و لا هادا مكروه استخدامو برمضان مثلا

[Dndoshy]

كاتب النص الأصلي : I_Love_Syria

وبصفتك شو عم تناقش هالموضوع, مين حضرتك يعني وشو بيهمك بموضوع تعدد الزوجات إذا ما بيمسك لا من قريب ولا من بعيد ولا الكل صار بدو يحمل هموم العالم على كتافوا ويشتغل حلاّل مشاكل

بصفتي أني قلت رأيي بالموضوع..بس انت شو عملت!!؟


لاك يا حبيبي اذا حكيك بدو يضل هيك بلا معنى بس صف حكي..حل عني مو فا ضيلك

[I_Love_Syria]

كاتب النص الأصلي : mhsen77

تعدد الزوجات امر مقضي بحكم الهي و نقطة انتهى

المشكلة مالها بالتشريع الإلهي من وجهة نظري عالأقل
المشكلة بتنفيذو
الناس فهمانة من الموضوع إنو والله أنا بيصحلي أربعة بتجوز أربعة وبعيش ملك زماني مع إنو التشريع هاد مالو لخدمة الرجل كرجل أو لراحة الرجل
يعني ما بعرف كيف رجال بيقدر يتجوز تنتين الواحد بوحدة ويادوب ملحق على بيتو وولادو, في جهل كبير من فئة معينة بتشجع تعدد الزوجات من غير أسباب بتوجب عليه إنو يتجوز أكتر من وحدة

[Nay]

كاتب النص الأصلي : mhsen77

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو

نقطة انتهى بنظرك محسن .. لأنك باني قناعاتك على الإيمان.. والايمان بشيء دايما بينهي النقاش..
بس اللي مو مآمن بهادا الشي بيختلف وضعو..

[mhsen77]

كاتب النص الأصلي : Nay

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..

ناي هي انا ماني متشدد و لا بعتبر حالي من المدافعين عن الفكر الاسلامي
بدافع عن شي بأمن فيه و مقتنع فيه لاني انا مقتنع فيه ان كان اسلامي او غير اسلامي

هالرد شايف انو استفزازي اكتر من كونو نقاشي بموضوع
بتمنى يكون الجدل بالموضوع هو الرد مو تعداد خصال الاخرين و سيأتهم \ بنظرك طبعا \ هو محور ردك

[ِAbu Alzooz]

و هلق بجي لرأي بالموضوع

هلق تعدد الزوجات + ما ملكت ايمانكم

هوي تحويل المرأة ل الة جنسية لتفريغ المستودع الذكوري من رغباته
يلي هوي بيحب يشمل جميع الانواع من السمر للبيض للشقر

و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل

هلق انا كانت احدى امنياتي انو يتحقق قانون الاسرة السورية

يلي هوي قانون لح يكون البديل الجيد و الموضوعي لقانون الاحوال الشخصي يلي صرو من فوق النص قرن

المهم القانون الجديد كان لازم يضم الزواج المدني
و منع تعدد الزوجات او بالاقل ربطه برضاء الزوجة و موافقة القاضي

بس للأسف تنيم بالدروج

و من هون ليشوف النور عالوعد يا كمون



ما فينا نقول الا

عوجة

شكرا ناي على النقل

[غيداء ذاك اسمي]

كاتب النص الأصلي : Dndoshy

تعدد الزوجات نوع من الدعارة "المشروعة" وراء ستار من القوانين البالية التي تسمح بذلك

انا بعتبر هالكلام تجريح للاسلام وللرسول صلى الله عليه وسلم لانه عدد زوجاته

[Nay]

كاتب النص الأصلي : mhsen77

ناي هي انا ماني متشدد و لا بعتبر حالي من المدافعين عن الفكر الاسلامي
بدافع عن شي بأمن فيه و مقتنع فيه لاني انا مقتنع فيه ان كان اسلامي او غير اسلامي

هالرد شايف انو استفزازي اكتر من كونو نقاشي بموضوع
بتمنى يكون الجدل بالموضوع هو الرد مو تعداد خصال الاخرين و سيأتهم \ بنظرك طبعا \ هو محور ردك

انت محسن ما عصبت ولا توترت.. وأرسلان كمان ما عصب او توتر..
بس دايما بتتكرر هي الحالة .. بيفوت حدا وبيصير توتر ما ألو معنى بدون ما يكون بلش النقاش لسا..

[I_Love_Syria]

كاتب النص الأصلي : ِAbu Alzooz

بدك تشوف انزيل على المحكمة الشرعية و سماع و شوف
شوف الذل من ضرب لإهانة لحرمان
عما تنالو المرأة و كلو بإجازة الاهية
و فوق كل هاد لما بتوصل الزوجة لمرحلة انو ما عاد فيها تحتمل
بدها تضل عايشة أشهر بأحسن الحالات
لحتى توصل للطلاق دون ادنى حقوق
هيك بس عما تشتري حريتها بعد لحظات ضعف و ذل بنص المحكمة
لسبب شو تطبيق قانون صرو 1400 سنة
الناس بتتغير و القواعد لازم تتغير

و لا هادا مكروه استخدامو برمضان مثلا

هاد جهل بالدين وجهل بتنفيذ أحكامو أولاً وجهل بالمسؤوليات تانياً
الواحد ماعم يعرف مسؤولياتو مزبوط لما عم يتجوز تانية وتالتة وحتى رابعة, ماعم يفكر كيف بدو يرضيهن كلهن بنفس الدرجة كيف بدو يعيشهن كلهن بنفس المستوى , وكيف بدو يربي الأولاد كيف بدو يعطيهن حنانو ويحسسن بالمعنى الحقيقي للأبوة
أنا مالي مع موضوع تعدد الزوجات من غير أسباب مقنعة لأنو بالنهاية وحدة منهن بدها تنظلم مافي مجال بس كمان تعميم حالات فردية على مجتمعات كاملة مانو صحي
ليش نرمي كلشي عالدين

[ِAbu Alzooz]

كاتب النص الأصلي : mhsen77

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك

طيب و العبودية ما حرمها التشريع الاسلامي

بدليل
( و ما ملكت ايمانكم )

بس المعاهدات الدولية و القوانين الداخلية لكل دولة منعتها بقا ما فيك تقول التشريع الهي و نسكت
على راسي التشريع الهي بس لما بيكون مع الانسانية كلها

تحياتي