لماذا يبتعد الرجال عن النساء الاكثر ثقافة منهم؟؟

[ريتــا]

كاتب النص الأصلي : ziad rahbani

لانه معقد وشرقي. كيف تكون الانثى متقوفة عليه ؟؟؟؟

دي الانثى مدرسة

لعب وفن وهندسة

ما بعتقد معقد
بس لانو اناني متل ما تقول
و كل شي لازم يكون ع ذوقو
ايه عشنا و شفنا
ثانكس ع المرور و الرد

[ريتــا]

مريومة , انتي ما بتظني او يمكن ما قابلتي حدا هيك بس صدقيني في كتير ناس هيك
و بعدين انا ما خصصت كل الرجال قلنا بشكل عام
ع قولة الاخ ارسلات لكل قاعدة استثناء
اخ سوريويو
اوكى انا قلت لكل قاعدة استثناء وو في رجال بيحبوا يتربطوا بوحدةمثقفة صحيح
هيدول بيكون عندون ثقة بمستواهم الثقافي و بيكون عارفين انو ما فرقت مين يكون مثقف اكتر او مين بيفهم اكتر
الحكاية منا منافسة ,
و متل ما قلت الانفصال وا لارتباط نتيجة عوامل كتيرة
بس ممكن يكون احيانا كتير المستوى الثقافي هو العامل الاساسي

[ريتــا]

انو .. عـ شو ؟ اعتمدتي ؟ ما فهمت ؟
ما اعتمدت ع شي , بس انو انا بلاحظ انو البنات عندون قابلية للعلم و حب لالو اكتر من الشباب و لو بنسب قليلة
و من غير زعل يعني , بس هاي وجهة نظر و ممكن تكون صح و ممكن تكون غلط


شرحو .. انو شو المشكلة وان كانت البنت مثقفة .. بالعكس .. يعني حدا بدور عبنت ما فهمانة الله وين حاططا ؟
ما هيك القصد, ما في واحد بيحب وحدة جدبة و ما بتعرف شي بالدنيا , بس كان قصدي انو احيانا ممكن البنت تكون عندا ادراك للامور اكتر من الشاب , و ممكن مثلاً تكون البنت نسبتها العلمية اكتر من الشاب, بيصير يبعد عنا و ما بعرف شو و بتصير معقدة , و بصير يحاول يخطأها بقدر الامكان
ممكن يحب يتربط بوحدة بتفهم و وعيانة بس الشرط انو ما تكون فهمانة اكتر منو
يعني سؤال, انت عندك استعداد ترتبط ببنت بتفهم اكتر منك , او ذكية اكتر منك؟؟


شكرا ع مرورك و يعطيك العافية

[ريتــا]

ظل جيفارا , كلامك مظبوط
الرجل متعود ع نظرة وحدة للمرأة
و الي هي ((شغالة بيت متل ما تقول ))
ليش الاغلب بيميل الرجل مثلا لضرب زوجته او للتقليل من قميتها
مشان يكون احسن منا
و يورجيها انو هو صاحب الكلمة و انو هوي فهمان
يعني عنجد بطلت الوحدة تحب تعطي رايها بشي
لانو بالاخير راح يقابلها بالتقليل من قيمة اراءها و معتقداتها و ما بعرف شو

[ريتــا]

جويز , الحق معك , يمكن بيحس بالضعف قدامها
و يمكن بيخاف تتكبر عليه و تجرحه
عشان هيك بيعمل شغلتين
يا اما بيقلل من شأنها
يا اما بيتركا و بروح
و ما بيحاول يتفاهم معها

[ريتــا]

كاتب النص الأصلي : ارسلان

لماذا يبتعد الرجال عن النساء الاكثر ثقافة منهم؟؟

وقد تواجه الانثى المثقفة تحدي اخر هو ان يطلب قربها بالرباط المقدس ليس لانوثتها بل لما تحمله من ثقافة
اعتقد اننا نواجه امتهان اخر للانثى

بالعكس , اذا خُيِر الرجل ما بين المثقفة و الجميلة و المليئة بالانوثة فانه بدون شك سيختار الثانية
شيء طبيعي
كتير داراسات و احصائيات اثبتت هالشيء

[بنفسجة]

هلا هيدا بيردنا لموضوع ليش البنت الجرئية الشباب بيخافو الارتباط فيا
برايي الموضوعين كتير مترابطين
يعني البنت المثقفة هي بطبيعتها جريئة لانها بتعرف تناقش بطريقة مقنعة ولهدف معين
ونحنا كنا قلنا انو الشب الشرقي بيخاف من البنت الجرئية لانو ماتعود يتعامل معها ولا الف خلال تربيتو المنزلية هيك نمط من البنات
وهيدا بينطبق على المثقفة
لكن
ما بتوقع حاليا هيدي كتير رائجة يعني الشب المثقف ابدا ما بيدور على بنت اقل منو ثقافة
اما اذا بدنا نحكي عن الشباب غير المثقف فهدول يعني كتير عليون بنت حلوة بس

[ارسلان]

لا اختلف معك ان الباحثين عن الانوثة كثر سيدتي

الا اننا لو نظرنا نظرة اخرى لوجدنا بعض المثقفات والشاعرات من لم يرتبطن باحد لان هذا الاحد لا يريدهن الا لثقافتهن وليس لانوثتهن او لكونهن نساء وليس مثقفات

[ريتــا]

صح الحق معك , في ترابط كبير بين البنت الجريئة و المثقفة
و بعدين الشاب , لانو بيحب يكون هو المسيطر بالعلاقة بيبعد عن هيدول النوعين
بس صدقيني في كتير شباب مثقفين ما بيستعملوا الثقافة كمقياس للحكم ع البنت
بيستعملوا الجمال كمقياس
والاغلب اذا لقوا البنت احسن منون بيصيروا ما بدون ياها
ما بعرف ليش
يعني الكلام كلو هيدا انعاد و نفس الكلام عم ينعاد
ما بعرف
ع العموم شكرا ع المرور و الرد و يعطيكي العافية

[ريتــا]

كاتب النص الأصلي : ارسلان

لا اختلف معك ان الباحثين عن الانوثة كثر سيدتي

الا اننا لو نظرنا نظرة اخرى لوجدنا بعض المثقفات والشاعرات من لم يرتبطن باحد لان هذا الاحد لا يريدهن الا لثقافتهن وليس لانوثتهن او لكونهن نساء وليس مثقفات

قلبت الموضوع , اغلب الشاعرات و المفكرات و المثقفات ذوات التفكير المتقدم و العالي منون مرتبطات لسبب و هو ابتعاد الرجال عنون عشانهم مثقفات , يعني , انا سألت نفس السؤال قبل لاخوة كيتر و بسأله الك ع سبيل المثال و توضيح وجهة نظري
لو صافدت فتاة , كانت اكثر منك ذكاء و ثقافة , و اكثر منك وعياً
او حتى مجموعها العلمي اكثر منك
ممكن تفكر انك ترتبط فيها؟

[ارسلان]

بكل تأكيد سيدتي
اتذكري ان للقاعدة استثناء

انا معك اختي الطيبة ولكن قد اكون مخطئ او لا فقد سمعت السيدة احلام انها رفضت الارتباط لان الذين تقدمو لها لم يتقدمو الا لثقافتها وليس لانوثتها

[ريتــا]

معظم الرجال يفضلون ويرتاحون

في الحديث مع إمرأة مثقفة ولكن عندما يرغبون في الزواج فهم يبحثون عن امرأة

ذات مستوى تعليمي متوسط وثقافة محدودة لأن الرجل الشرقي في الغالب يفضل المرأة الجاهلة

والتي تخول له امكانية استعراض عضلاته عليها فهو يحب دائما أن يراها أقل منه وهذه الفئة إن

أرادت الارتباط بامرأة مثقفة فيشترط عليها ترك عملها أو التوقف عن دراستها إن كانت تدرس

والمرأة المثقفة بدورها يصعب عليها العيش والاستمرار مع هذه العينة من الرجال

وهذا بالطبع لا يمنع من وجود فئة من الرجال تقدر وتحترم المرأة المثقفة بل وتساعدها

على النجاح في مسيرتها العلمية والعملية .

و لكن الا توافق, ان الرجل كل ما زادت المرأة ذكاء ازداد شعوره بالنقص
و ذلك لان الرجل يحب ان يشعر بحاجة المرأة اليه !!!

و اعتقد انه في حالة السيدة احلام او غيرها , ان من يتقدمون لها لا يحبون الاعتراف بأن ما لفتهم انوثتها و ليس ثقافتها , فهم يريدون الظهور بمظهر المثقفين امامها,,
لا اعلم , مثلما قلت انت , لكل قاعدة استثناء

[سوري محشش]

بتصور معظم الاراء بتتمحور حول انو الرجل بالمجتمع العربي الشرقي
متعود انو يفرض هيبتو وشخصيتو لذلك بشوف حالو ناقص اذا ارتبط بامرأة اذكا منو
بس بتصور هل شي هوة عبارة عن ردة فعل لعقدة النقص يلي موجودة في الرجل
منشان هيك انا بقلك انو اذا صايرة معك هل شغلة لا سمح الله
لا تسألي لانو بكون هوة الخسران وبكون بين على حقيقتو وشكرا عل موضوع

[باشق مجروح]

أنا رأيي انو مجتمعنا بيعاني من الذكورية ومعناها سيطرة الرجال
بالتالي لا يمكن للشاب بما انه نشأ وتربى على هذه النزعة السادية ان يفسح المجال لحواء بالتطاول على خطوطه الحمر التي خطها المجتمع في زمن الجهل.
لذلك ممكن أن يتعرض لضغط ذاتي بسبب نزعته السادية وضغط مجتمع محيط بسبب تربية هذا المجتمع وبالأخص من قريباته من النساء.
بالنهاية نحتاج لسنوات حتى نستطيع كسر العقدة الذكورية السادية في مجتمعنا حتى يقتنع الجميع أن المرأة ليست ضعيفة و قادرة على التأثير والتغيير.
نستثني بعض الحالات التي نجحت وتكللت بالفرح بسبب الحب والتحدي فان هذه الظاهرة ما زالت بعيدة عن ذهن شعبنا.
شكرا ريتا على الطرح.

[ريتــا]

هلأ انا حيكت انو صار معي موقف متل هيك
بس صدقني انا عنجد ما اهتميت
لانو الي ما بيقدرني انا ما بقدره
بس انا سمعت كتير قصص عن هالموضوع
و عنجد اتفاجأت انو في رجال هيك بيفكروا!!!
انو اوكى مش كل اصابيعك متل بعضا بس يعني مش حلوة يكون في رجال تفكيرهم ((رجعي)) بهاي الطريقة
اني واي
شكرا كتير ع ردك
و يعطيك العافية يا رب

[ريتــا]

كاتب النص الأصلي : باشق مجروح

أنا رأيي انو مجتمعنا بيعاني من الذكورية ومعناها سيطرة الرجال
هاي الحق معك فيها , مجتمعنا مجتمع ذكوري , و بينحاز للرجل
بالتالي لا يمكن للشاب بما انه نشأ وتربى على هذه النزعة السادية ان يفسح المجال لحواء بالتطاول على خطوطه الحمر التي خطها المجتمع في زمن الجهل.
يعني هلأ اذا كانت البنت اكثر ثقافة و ادراك من الشاب بيصير هيدا اسمه تطاول على خطوطه الحمرا
لذلك ممكن أن يتعرض لضغط ذاتي بسبب نزعته السادية وضغط مجتمع محيط بسبب تربية هذا المجتمع وبالأخص من قريباته من النساء.
اوكى , ما عشان نغير هيدا التفكير لازم نتقبل المرأة بشكل عام , لازم تتقبلوها كانسانة و مثقفة و مفكرة ....الخ
بالنهاية نحتاج لسنوات حتى نستطيع كسر العقدة الذكورية السادية في مجتمعنا حتى يقتنع الجميع أن المرأة ليست ضعيفة و قادرة على التأثير والتغيير.
ما بدا سنوات ولا شي , الحكاية بتبدا من الرجل نفسه , و لو كل رجل غير تفكيره ناحية المرأة و شافها بمنظور تاني كل شي بيصير منيح
نستثني بعض الحالات التي نجحت وتكللت بالفرح بسبب الحب والتحدي فان هذه الظاهرة ما زالت بعيدة عن ذهن شعبنا.
و متل ما قلنا قبل ((لكل قاعدة استثناءات)) بس مبين انو عنا راح يصير في قواعد من غير استثناءات
شكرا ريتا على الطرح.

ما في داعي للشكر , بشكرك انت على مرورك وردك
و يعطيك العافية يا رب

[باشق مجروح]

ريتا أنا عم حط السبب مو معناها اني موافق على هالشي الي بيصير .
أنا بالعكس برفض هالشي.
وبالنسبة الي بحب ارتبط ببنت مثقفة وواعية لأنو التعامل بيناتنا حيكون أريح.
ولو كانت مثقفة أكتر مني أنا ما عندي أي مشكلة بالعكس أنا بنظر للمرأة ككيان مساوي تماما للرجل بالقيمة الاجتماعية ولا أهتم بالجانب البيولوجي أو الفرق البيولوجي.

[ريتــا]

بعرف انك رافض, ما حدا بيقبل هيك شي
بالاول و الاخير المرأة انسان صح؟؟
و حلو رأيك , انت من القلائل الي بيفكروا بهاي الطريقة
و ان شاء الله تضلك هيك
و صدقني ما في احلى انو 2 يكونوا متربطين و يكونوا مثقفين و الاتنين بيتفاهموا مع بعض
بهنيك ع تفكيرك
و بهني كل الي بيفكروا بهاي الطريقة كمانا
و شكرا مرة تانية