للرفاق الشيوعين السوريين

[alwaleed]

كاتب النص الأصلي : اممي

صديقي ماتتدحث عنه صحيح ولكن المشكلة ان التجربة السوفيتية لازالت مخيمة على التفكير الحزبي في معظم انحاء العالم وهذه المشكلة اعتقد انها كانت احد اهم الاسباب التي ادت الي انهيار الاتحاد وفكرة انتطور الحزب اليوم ضمن الانشقاقات والخلافات الكرسوية صعبة للغاية
نتمني للشبيبة انتكون قادرة علة تطوير الفكر الماركسي بمايوافق روح العصر وان يصبح التحول الشيوعي دياليكتلي اي يقوم على مراحل وليش علة اساس الطفرات مما يومن قاعدة صلبة للحزب

التجربة السوفيتية فعلا لها اخطائها
لكن ايضا لها ايجابيات عدة
لا تنسى ان التكتيكات السوفيتية (راسمالية الدولة ) بنت دولة قوية في زمن قياسي وتحولت روسيا من دولة اقطاعية الى دولة صناعية
لكن الذي حدث بعد وفاة ستالين
اتى خروتشوف الذي استلم دولة قوية
لم يستطع ان يتبع تكتيكات للمرحلة الجديدة التي اصبحت فيها الدولة قوية راسماليا اي لم يفعل دور الحزب والنقابات والسوفيتات لتمارس دورها في المضي بمشروع الثورة الدائمة
بل ما فعله دمج الحزب مع الدولة بينما ستالين كان يعمل في الفترة الاخيرة على تقليل اعضاء الحزب وافساح المجال امام الموسسات
عزيزي اليوم نحن في عصر الامبريالية اي مرحلة الراسمالية والمنافسة ذهبت
اليوم تتحكم في العالم الكارتيلات الامبريالية التي لا يمكن ان تسمح لك بالنهوض بشكل راسمالي وطني بل تردك تابعا لها
لذلك لا بد من اللينينية والتكتيكات الينينية
انظر ماذا يحدث بفنزويلا مثلا السلطة تم انتزاعها من قبل الليبراليين بثورة
يخيل لنا ان اليسار استلم بانتخابات ديمقراطية لكن الحقيقة ان حزبا منظما كان متغلغلا في مؤسسات الدولة
وعندما نجح في صناديق الاقتراع قاد الراسماليون المدعومين امريكيا انقلابا مضادا
هذا يعني ان التحول التاريخي لا ياتي بشكل سلمي انما بشكل ثوري
راسمالية الدولة تكتيك ناجح لدول العالم الثالث المسيطر عليها من قبل الامبريالية وفي عصر باتت فيه الراسمالية الوطنية اشبه بالاسطورة

[كهربجي]

كاتب النص الأصلي : alwaleed

انا لا اؤمن بشيوعي خارج تنظيم
وان كنت غيورا على الحزب الشيوعي وخائف عليه انتسب اليه اولا
هكذا قال لينين رفيق

إي وإذا قال لينين هيك؟

[alwaleed]

كاتب النص الأصلي : كهربجي

إي وإذا قال لينين هيك؟

صديقي لا تفهم من اسشتهادي بمقولة لينين باني اتعامل معها كنص مقدس
بل استشهدت بالمقولة لانها مقولة جوهرية
تحياتي لك

[كهربجي]

هو ع راسي بس لأنو المقولة هي كتيييييييير مرتبطة زمنيّا بالاتحاد السوفييتي وفترة حكم لينين والحرب الأهلية

وطبعاً المنطق بيقول أنو هيك مقولة لازم تضل بإطارها الزمني... يعني ما تنشال منو وتتخذ كمثال.. ليش؟ لأنو الحزب الشيوعي السوفييتي مو سوري ولأنو موازين القوى تغيرت.. واللي عم يقدر يعمل شي بين كل الشيوعيين هنن التروتسكيين وحركاتهن الاجتماعية.. بس.. كمان ليش؟ لأنو عم يطلعوا من صدفة الحزب وينضجو بمعقولية بالتفاعل مع التاريخ

[أبو السييم العظيم]

والله يا رفيق ما عاد إلنا كلام لأنو الشباب كفو ووفوا و حكوا كلشي لازم ينقال بكل حيادية و مصداقية ...

أنا برأيي لا أنصح أي شاب بالإنتماء الحزبي عنا بالبلد بسبب عدة أمور ...:
أولا قد يتعرض لمضايقات من قبل أشخاص عدة و في أماكن عدة ( من قبل زملائك أو رؤوسائك في العمل - من قبل أصدقائك - أو حتى جيرانك أو أقربائك ) و ممكن إنك تخسر فرص كتيير و خصوصاً إذا كانت هي الفرص ممكن تجي من أشخاص ذوو إنتمائات حزبية أخرى ...

و بما إنو عنا ما في شي إسمو حريات شخصية أو حتى حرية رأي شخصي ، فبمجرد كونك شيوعي أو إنك تعلن عن هاد الشي فالحكم المسبق جاهز دائما و في أي وقت كان و الصفات التي تطلق على الشيوعيين من الجهلة و المتشددين و اليمينيين منتشرة و بكثرة بين أفراد شعبك . و ما فيك تناقش حدا لإنو ما حدا بيفهم يناقش بس هنن حافظين و برددو ..

عدا عن الأحزاب يللي عنا ياها و يللي كل واحد منها مشهور بصفات معينة و إتجاهات أبعد ما تكون عن الشيوعية الحقيقية ... و حتى اللجنة الوطنية لوحدة الشيوعيين السوريين (يللي أنا بحترمها كتيير )لحد الآن عليها عدة إشارات إستفهام حول تكوين هي الحركة و دعمها و مصادر تمويلها .... يعني يلفها شيء من الغموض
بالنهاية هاد رأيي يمكن كون غلطت أو بالغت كتييير ببعض الأمور بس في أمور ذكرتها أنا عشتها بنفسي و عانيت منها .....

لهاد السبب بحتفظ بفكري لنفسي و ما بطرحو غير ليللي بيقدروا .. متلكن إنتو يا أعز رفاق

[رئيس فرع أمن الدواجن]

مع كل الأحترام رفيق لرأيك بس جماعة قاسيووون أنا بعتبرهم خونة القضية والعمل الشعبي أكثر من بكداش
أنا بصراحة بأيد يوسف فيصل وحالياً حنين نمر شخص مثقف و دارس وبيعطي من قلبو ونظيف من يوم ما كان بمؤسسة الحبوب وقت سموه التاجر الأحمر
تحياتي الحمراء
رفيقي

[اممي]

كاتب النص الأصلي : رئيس فرع أمن الدواجن

مع كل الأحترام رفيق لرأيك بس جماعة قاسيووون أنا بعتبرهم خونة القضية والعمل الشعبي أكثر من بكداش
أنا بصراحة بأيد يوسف فيصل وحالياً حنين نمر شخص مثقف و دارس وبيعطي من قلبو ونظيف من يوم ما كان بمؤسسة الحبوب وقت سموه التاجر الأحمر
تحياتي الحمراء
رفيقي

ياريت توضح رفيقي شو نقاطك علي الشباب بقاسيون ؟
يعني انا عم شوف بنشاطهن شي ضد فكر الحزب وضد شوريا
ياريت تذكر نقاط امتعاضك منهن
ولك التحية

[رئيس فرع أمن الدواجن]

كاتب النص الأصلي : اممي

ياريت توضح رفيقي شو نقاطك علي الشباب بقاسيون ؟
يعني انا عم شوف بنشاطهن شي ضد فكر الحزب وضد شوريا
ياريت تذكر نقاط امتعاضك منهن
ولك التحية

أنا ما قصدت نشاطهم يكون ضد سوريا أو ضد اليسار
بس أنا قصدت نقاط عديدة أولها اللي صار بأخر مؤمر عام يعني كان من المعيب تسمية باقي الشيوعيين السوريين بالخونة لليسار
تانياً كلام الرفيق قدري جميل :
(( هل هذا الميثاق مرتبط باسم أحد؟
أحد مشاكل فن الانقسام، أن كل لحظة انقسام رُبطت بشخص، لعل أحد أشكال فن التوحيد اليوم هو أن التوحيد يجب أن لا يرتبط باسم أحد.
التوحيد يجب أن يرتبط باسم الشيوعيين ككل، وهذا الشيء الجديد الذي نريد أن نضيفه، إلى تاريخ حركتنا مستفيدين من كل تجربة الماضي.))
سبب أزمة بين الفصائل الثلاثة وهاد الكلام بالــ2001 15 أذار
يعني مهما كان أنقياد الأحزاب وراء الأشخاص هذا من تقدير الشخص الي ضحى وأكيد انا ما بقصد عبادة الفرد مثل ما بصير بفصيل البكداشية
يعني أنا ما بحب دافع عن الفصيل أللي أنا منتمي له -يوسف فيصل - بس أنا بجد أنو هو الفصيل اللي قادر حتى الان يتمسك بروح الماركسية وقلبها وجوهرها لا شكلها
وبالـــ 2003 بالمؤتمر العام في فصيل يوسف فيصل
قال الأمين العام حنين نمر كلمة مهمة
(( لو جلبنا مبادئ القطب المتجمد لبلادنا لذابت فوجب علينا التعديل بما يتوافق مع مجتمعاتنا محافظين على النهج الماركسي اللينيني ))
وأخر نقطة الي بتخلينا نعتبر قاسيون جماعة ما ألها التأثير الحقيقي مع كل الأحترام لرفاقنا من قاسيون
بس كلام قدري جميل المعروف عنه (( مكتب وأتصالات و جهاز فاكس أستطيع بهم أن أصنع حزب ))
وشكراً ألكم وأسف لو كان بكلامي نوع من التجريح الغير مقصووووود
تحية حمراء ودمتم

و

[سلمى ال000]

[quote=رئيس فرع أمن الدواجن;969422]أنا ما قصدت نشاطهم يكون ضد سوريا أو ضد اليسار
بس أنا قصدت نقاط عديدة أولها اللي صار بأخر مؤمر عام يعني كان من المعيب تسمية باقي الشيوعيين السوريين بالخونة لليسار
تانياً كلام الرفيق قدري جميل :
(( هل هذا الميثاق مرتبط باسم أحد؟
أحد مشاكل فن الانقسام، أن كل لحظة انقسام رُبطت بشخص، لعل أحد أشكال فن التوحيد اليوم هو أن التوحيد يجب أن لا يرتبط باسم أحد.
التوحيد يجب أن يرتبط باسم الشيوعيين ككل، وهذا الشيء الجديد الذي نريد أن نضيفه، إلى تاريخ حركتنا مستفيدين من كل تجربة الماضي.))
سبب أزمة بين الفصائل الثلاثة وهاد الكلام بالــ2001 15 أذار


مرحبا رفيق ...
بالاجتماعات اللجنة الوطنية لوحدة الشيوعين اتناقشت مراحل الانقسام المختلفة من رفاق من كل الفصائل
كتير من هي النقاشات نشرت بقاسيون وماكان واضح فيها ان في حساسية من نقد المرحلة السابقة
ومابعرف ليش ان هال3 اسطر حاسس ان فيهن اساءة خصوصا ان هالشي ماعم يطرق الي افكار الحزب بل الي وقائع تاريخية يمكن ان يستفاد منها كتجربة يمكن للجيل الجيل يراب الصدع الي صار بين الفصائل ليرجع هالرفاق الي بوتقة الحزب الواحد الي الولاء الاول والاخير فيه لمصالح الوطن والانسانية وبيلغي سلطة اي فرد يمكن ان تقود مصالح شخصية الي فصل ابناء الفكر الواحد عن بعض


(( لو جلبنا مبادئ القطب المتجمد لبلادنا لذابت فوجب علينا التعديل بما يتوافق مع مجتمعاتنا محافظين على النهج الماركسي اللينيني ))
وأخر نقطة الي بتخلينا نعتبر قاسيون جماعة ما ألها التأثير الحقيقي مع كل الأحترام لرفاقنا من قاسيون
بس كلام قدري جميل المعروف عنه (( مكتب وأتصالات و جهاز فاكس أستطيع بهم أن أصنع حزب ))
وشكراً ألكم وأسف لو كان بكلامي نوع من التجريح الغير مقصووووود
تحية حمراء ودمتم


الفكرة ان مابنفوت بسجالات ابطالها افراد وليس الفكر يعني المرحلة بتحتاج نخطي خطوة لقدام واي اتهام للفصيل بالتخوين هوه خطوة للوراء بعملية توحيد فصائلنا
ثم صديقي انا كرفيقة انتمي الي الحزب الشيوعي وبنفس الوقت بحترم شخص الرفيق حنين نمر الي باكثر من واقعة في قاسيون اعلن ان هوة داعم للمبادرة اللجنة الوطنية لوحدة الشيوعين وبالتالي من الغريب ان ننظر لبعض بنظرات تخوينية رغم ان نحنا هلق بمشروع اعادة توحيد الفصائل مع بعض
وهلق بلشت نشاطات مشتركة مابين قاسيون والنور ويوم الخميس طالعين الرفاق مع بعض عالجولان
وبكل الاحوال في جريدة قاسيون موجودة عالنت وفيك تراجع ارشيفها وتشوف اذا كانت هالمواقف بالنسبة لالك وطنية ام لا

[رئيس فرع أمن الدواجن]

حتى لو وجد التعاون بين الحزبين أو الفصيلين خلينا نقول
ما بدل هالشي على صحة الشغل وانا بصراحة بعد جولة طويلة بين الفصائل الشيوعية والأحزاب اليسارية بسوريا بشكل عام
بقدر قلك أنو حالياً الكل نسي المبداء بس أنا ببقى بأيد الفيصل -وليس حنين نمر - لأنو أنا بأيد فكرتو بمحاربة عبادة الفرد الموجودة بفصيل بكداش
وانا بقلك اسأل عن الحزب التارك بتيار الفيصل بتعرف أكتر عن الموضوع
وبالنسبة لقاسيون انا أجتمعت مع شبابهم أكثر من مرة و كان الموضوع الاوحد حول التنظيم والأنفصالات وصدقني
الكلام اللي قلتو عن قدري جميل صحيح تماماً
مع أحترامي لكل الفصائل
كلنا رفاااق يا رفاااق

[safie07]

كاتب النص الأصلي : alwaleed

انا لا اؤمن بشيوعي خارج تنظيم
وان كنت غيورا على الحزب الشيوعي وخائف عليه انتسب اليه اولا
هكذا قال لينين رفيق

أين و متى قالها لينين؟؟؟ دلني على المرجع من فضلك!!!!

[safie07]

كاتب النص الأصلي : alwaleed

لحد الان هم ضد الجبهة اساسا
لا اعتقد ان يقبلو الانضمام
اختلف معك حول موضوع التحزب
الحزب ضرورة من ضرورات التغيير عزيزي
لا يمكن ان تنجز تغييرا بلا تنظيم حزبي يقود النضال من اجل التغيير
اما مسألة الحد من التفكير فالحزب الماركسي الحقيقي لا يحد من التفكير ولا يمكن ان يصاب اعضاءه بالجمود
لان الماركسية ليست دوغما بل هي دليل عمل وتغيير
والماركسية علم عزيزي فيه الثابت والمتغير فيجب على الحزب ان يدرك الثابت والمتغير في الماركسية
ولا يتعامل معها كنصوص دوغمائية جامدة
وان يفهما لاعضاءة كمنهج والية تفكير ديالكتيكية وليس شيئا مقدسا كما تفعل احزابنا الشيوعية
يجب ان تعرف كيف تفكر بطريقة ديالكتيكية وكيف تستخدم المنهج الماركسي الديالكتيكي بتفسير الامور
احزابنا بعيدة عن هذا وتدرس الفكر بمدارسها الحزبية بشكل دوغمائي فتحول الفكر الماركسي من منهج علمي للتفكير الى طوق جامد يقيد العقل
اما ان الاوان لاحزابنا ان تفهم الماركسية وتستفيق
ام ان الوضع الحالي يصب في مصلحة العائلة المقدسة التي تغتصب الحزب ؟؟؟؟؟؟؟؟؟؟؟

معك في جل ما قلت عن ضرورة الحزب و تطور الفكر اجمالا ...
بس عندي سؤال أو بالاحرى فضول اعرف اكثر عن هذه الجبهة "بحكم انني لست سورية " و اطلاعي على ما يقع هناك محدود جدا.. فالمرجو الافادة

تحياتي

[بورخيس]

انا حابب قول للزميل يلي طرح الموضوع من البداية انك طبعآ وبدون تردد انك حاول تبتعد عن اي تنظيم شيوعي وخاصة جماعة بكداش او صهرهم قدري جميل يلي الخلاف بينهم فردي وشخصي حول وراثة الحزب العائلي
والمضحك بالموضوع النعوت يلي بيطلقوها على بعض
يعني جماعة قدري بسموا جماعة وصال بالتحرفيين وجماعة وصال بسموهم تروتسكيين هالتراشق بدل على فكر انقرض و اكل عليه الدهر وشرب
اصلآ الفصيلين بيأمنوا بمعتقدات انقرضت والتاريخ والحياة اثبتوا فشلها متل ديكتاتورية البلوريتاريا والمركزية الديمقراطية والستالينية وانا بتصور انه بكل الكوكب الارضي ما ضل غير 5او6 احزاب لسه بتصدق هيك افكار وخصوصآ انه نحنا بالقرن21
وانا بدي وضح فكرة اني بنفس الوقت عندي تقدير واحترام كبير لاغلبية كوادر الشيوعية ولانهم غالبآ ناس شرفاء ونضاف وخلوقين بس المشكلة بالقيادات يلي بتستغلهم لمصلحتها وانا طبعأ بستثني قيادات حزب العمل الشيوعي وحزب الشعب المكتب السياسي سابقآ لانهم ضحوا اكتر من غيرهم بعكس الثلاثي بكداش وفيصل وجميل يلي غنيوا عن طريق المتاجرة بالقضية والتنسيق مع النظام والمخابرات

[whiterose]

كاتب النص الأصلي : FIBER

ياشباب برجو عدم الخروج عم الموضوع الرئيسي ومشكور أخ بلاك على النصيحة وهاد انا يلي خايف منو أنو الشيوعين ينسو الهدف الاساسي ويركدو على المنصب فقط!

ليش شو اهداف الشيوعيين؟؟

[safie07]

كاتب النص الأصلي : whiterose

ليش شو اهداف الشيوعيين؟؟

تحقيق العدالة الاجتماعية و بناء مجتمع خالي من الاضطهاد

هده هي أهداف الشيوعيين الحقيقيين.

[سلمى ال000]

كاتب النص الأصلي : بورخيس

انا حابب قول للزميل يلي طرح الموضوع من البداية انك طبعآ وبدون تردد انك حاول تبتعد عن اي تنظيم شيوعي وخاصة جماعة بكداش او صهرهم قدري جميل يلي الخلاف بينهم فردي وشخصي حول وراثة الحزب العائلي
والمضحك بالموضوع النعوت يلي بيطلقوها على بعض
يعني جماعة قدري بسموا جماعة وصال بالتحرفيين وجماعة وصال بسموهم تروتسكيين هالتراشق بدل على فكر انقرض و اكل عليه الدهر وشرب
اصلآ الفصيلين بيأمنوا بمعتقدات انقرضت والتاريخ والحياة اثبتوا فشلها متل ديكتاتورية البلوريتاريا والمركزية الديمقراطية والستالينية وانا بتصور انه بكل الكوكب الارضي ما ضل غير 5او6 احزاب لسه بتصدق هيك افكار وخصوصآ انه نحنا بالقرن21
وانا بدي وضح فكرة اني بنفس الوقت عندي تقدير واحترام كبير لاغلبية كوادر الشيوعية ولانهم غالبآ ناس شرفاء ونضاف وخلوقين بس المشكلة بالقيادات يلي بتستغلهم لمصلحتها وانا طبعأ بستثني قيادات حزب العمل الشيوعي وحزب الشعب المكتب السياسي سابقآ لانهم ضحوا اكتر من غيرهم بعكس الثلاثي بكداش وفيصل وجميل يلي غنيوا عن طريق المتاجرة بالقضية والتنسيق مع النظام والمخابرات

ما بعرف ليش نحنا منحب نوقع بفخ الشغل ببعضنا بدل ما نشتغل بقضايانا الأساسية يعني أنت ضد عبادة الفرد وشلت الله وحطيت قدري جميل و كأنو الناس بالكوادر الشيوعية أرانب بيضا طيوبة ما بتفهم شي ومو قادرة تميز شي من شي و مضحوك عليها يا عمي كل انسان قادر يعرف اذا هالحزب عم يخدم مصالحو او لا الحزب لا يقيم بناء على فرد بل بناء على النتائج وعلى الأعضاء بالمجمل لأن كل أحزاب العالم تعرضت للأختراق و كان فيها خونة بس متل ما عم قلك العبرة بالمجمل هالحزب عمل خطوة بحياة البلد او لا
واذا بدي فوت معك بنقاش المسبات فانا كشخص متابع لقاسيون براهنك اذا كان فيها مسبات لحدا أما النقاش الفكري فهذا ليس سباب وهو مطلوب لأنه يطور و ما حدا قال في تحريفية نحنا عم نقول لازم نتعامل مع الفكر بدون جمود يعني بحركة لان ديالكتيك الطبيعة فيه حركةو هذا طبيعي
و متل مارح تشوف بأرشيف قاسيون انهها عم تطالب بالنقاش لحتى ما نبقى على فكر قديم وباللجتة الوطنية هذا النقاش عم يتم على مستوى الشيوعيين وأصدقاءهم يعني مو صح يلي عن تقولوا عن الجمود لأن نحنا متلك ضد الجمود

[اممي]

كاتب النص الأصلي : سلمى ال000

ما بعرف ليش نحنا منحب نوقع بفخ الشغل ببعضنا بدل ما نشتغل بقضايانا الأساسية يعني أنت ضد عبادة الفرد وشلت الله وحطيت قدري جميل و كأنو الناس بالكوادر الشيوعية أرانب بيضا طيوبة ما بتفهم شي ومو قادرة تميز شي من شي و مضحوك عليها يا عمي كل انسان قادر يعرف اذا هالحزب عم يخدم مصالحو او لا الحزب لا يقيم بناء على فرد بل بناء على النتائج وعلى الأعضاء بالمجمل لأن كل أحزاب العالم تعرضت للأختراق و كان فيها خونة بس متل ما عم قلك العبرة بالمجمل هالحزب عمل خطوة بحياة البلد او لا
واذا بدي فوت معك بنقاش المسبات فانا كشخص متابع لقاسيون براهنك اذا كان فيها مسبات لحدا أما النقاش الفكري فهذا ليس سباب وهو مطلوب لأنه يطور و ما حدا قال في تحريفية نحنا عم نقول لازم نتعامل مع الفكر بدون جمود يعني بحركة لان ديالكتيك الطبيعة فيه حركةو هذا طبيعي
و متل مارح تشوف بأرشيف قاسيون انهها عم تطالب بالنقاش لحتى ما نبقى على فكر قديم وباللجتة الوطنية هذا النقاش عم يتم على مستوى الشيوعيين وأصدقاءهم يعني مو صح يلي عن تقولوا عن الجمود لأن نحنا متلك ضد الجمود

حسب ماعم اقرا بقاسيون وحسب ماعم شوفوا من تحركات صادقة من قبل الشباب هونيك منشان يوحدوا الفصائل مع بعضها بعتقد ان معك حق رفيقة سلمى بس المشكلة ان مافي شي علي ارض الواقع يعني بالوقت الي الاسلامين والحركات الرجعية عم تاكل البلد لساتنا عم نخون هاد وهداك
اما ماورد بالرد تبع الرفيق فوق ان بالعالم صفا 5 او 6 احزاب شيوعية فهاد بيرد عليه
لان بكل بساطة اذا اخذنا الاحزاب اليسارية بالمجمل هيه عبارة عن نتاج المدرسة الماركسية الكبيرة وعلي مابنشوف بالاخبار اليوم اكثر من 70% من بلدان العالم يحكمها احزاب يسارية وبالتالي هالفكر ما اانقرض
بس حسب مابيقول ماركس (رحمة الله عليه) البشرية بدها تمر بمراحل لتوصل الي المجتمع الاشتراكي الكبير
وانا بنضري اليسار الحالي عم يعبد الطريق لمجتمع شيوعي راح يجي كضرورة تاريخية للظلم المتزايد الي عم يتعرض الو العمال بالعالم وسياسات التجويع الي عم يمارسها الراسمالي علي كل شعوب الارض والي نحنا بالطريق لالها

[alwaleed]

كاتب النص الأصلي : safie07

أين و متى قالها لينين؟؟؟ دلني على المرجع من فضلك!!!!

راجع كتاب ما العمل للرفيق فلاديمير لينين