|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
20/11/2008
|
#1 | ||||||
|
عضو
-- زعيـــــــم --
 |
صالة الانتظار / مونولج
احلى شي هون
كلنا متساويين يلي بدو يطير ويكمل دراسته وليك هاد وهدوليك لابسين الابيض وطايرين يحجوا وهداك هوي والصبية شكلون رايحين شهر عسل وهي الصبية قاعدة ولا بسة اسود يا بتكون مطلقة او حدا ميت من عيلتها شكله ماحدا مهاجر الا انا وكاني الوحيد يلي عم يعاني من سد الحلق هههه شكلون اخترعوا دوا وماني عرفان اي سيدي عالاقل هونيك ماحدا رح يقلي وين رايح ووين جايي عالاقل بقدر عيش حياتي بس معقول تتحقق المقولة يلي بيوقلها الماغوط: اذا هربنا من الوطن فالوطن لا يهرب منا لك سيدي اي خليه المهم اخلص بقا ياترى كيف رح يكون الطقس هونيك؟ اول شي رح اعمله رح اشبع رغبتي الطفولية بالكرواسان الاصلي مو هاد الستوك اللي بيجيبوه عنا بس بدي انتبه لانو هنيك ما في حدا ادين منه ويمكن يطلع غالي كتير يعني بدي اتقشف اي اي ورح اتمشى بالشانزيليزيه وطق طق صور قد ما بدي وعيش بهالنعيم يا ابو طريق ووووووووووووووووو اي اي رح ضل روح واجي بالترامواي وكمان لا لا لا بدي صير التزم بالمحاضرات لانو هونيك الدكاترة كتير ظراف اي اي يعني ابتداء من 24 تشرين رح كون طالب ملتزم ولطيف وبدي اتعلم كيف كون جنتلمان هونيك يااااااااااااه 6ساعة وبيبدا يوم 20 تشرين وبصير بهالوقت طاير بالجو لك صحي يوم 20 تشرين يوم عيد ميلادي يعني بيصير عمري 25 سنة يعني صرلي عم بستنى ليصير عمري 25 سنة 25 سنة 25 سنة يعني 9125 يوم happy birthday to you happy birthday to you happy birthday to you happy birthday to kenano happy birthday to you . شو هالانجاز الحلو؟ شو عملت فيون ؟ ولا شي 25 سنة وانا عم فيق على صوت ابي وهو عم بيبهدلنا وصوت امي وهي عم تحط الفطور وتجهزنا وصوت الاخبار 25 سنة وانا عم روح من المدرسة للجامعة وشغلتي بالحياة اني ادرس وبس وهي شهادة هالقدا ما عملتلي شي 25 سنة وانا مو على لساني الا حاضر تكرم عيونكون متل ما بدكون انتو بتامروا . 25 سنة وانا محكوم بقاعدة نفذ ثم اعترض ومامرة اعترضت مشان مايصيروا 25 سنة ويوم خليه هاليوم يكون اول يوم بحياتي يتبع
قم واضرب المستحيل بقبضتك اليسرى
انت تستطيع ذلك http://themanofpapers.wordpress.com |
||||||
|
|
20/11/2008
|
#2 | ||||||
|
عضو
-- قبضاي --
|
بتعرف شو زعلت من قلبي مع انو صرلي زمان ما زعلت هيك ليش ؟؟؟ ما بعرف خيو اذا مسافر على كل موفق و عقبال ما يصير عمري 25 سني 
على هذه الأرض ما يستحق الحياة
الموت لا يعني لنا شيئا نكون فلا يكون ان صرخت بكل قواك و رد عليك الصدى من هناك...فقل للهوية شكرا ان تذكرت حرفا من اسمك و اسم بلادك كن ولدا طيبا ليقول لك الرب شكرا بلاع يا وطن بلاع و أضيف بلاع يا أخوية بلاع |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 20:10 (بحسب عمك غرينتش الكبير +3)