|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
| عرض نتيجة التصويت: الزواج المدني .. هل انت معه أم ضده .. كلمة وحدة فاصلة | |||
| اي .. أنا معو للعضم .. وممكن اتزوج مدنيا ..وماعندي مشكلة |
  
|
25 | 50.00% |
| لا .. أبدا .. وبرأيي مشروع فاشل فكرة ونتيجة .. 100 % |
  
|
18 | 36.00% |
| ما بقدر كون رأي واضح .. حسب الظروف وواقع المجتمع ببقى بفكر .. |
  
|
7 | 14.00% |
| المشاركون بالتصويت: 50. لا .. مافيك اتصوت بهال الإستفتاء | |||
 |
|
|
أدوات الموضوع |
26/07/2008
|
#19 | |||||
|
مشرف
|
إذا كنا منآمن باحترام حقوق الانسان ، فلابد من سن قانون الزواج المدني وإلا مارح يكون لمبدأ المساواة بين البشر أية قيمة .
وببلادنا مافي هالمساواة وأعني المساواة بين الأديان بقانون الزواج اقتباس:
وهيك ما استفدنا شي من الزواج المدني قضية الزواج المدني المنبثقة عن مبدأ فصل الدين عن الدولة ، مانا قضية ارتجالية فردية بتم بين يوم وليلة، هي جزء من نظام متكامل . الأفراد ما بيقدرو ياخدو هالقرار اللي بيرضيهم، إذا ما كان هالنظام قائم على سبيل المثال تزوجت مدني وكل شي ... بيطلع مشكلة الأحوال الشخصي كيف رح يتم الزواج المدني إذا ما كان فيه مؤسسة أو قوانين للأحوال الشخصية محايدة لادينية ولهالشي رح اختار الاحتمال التالت مو لأني ضد الزواج المدني بالعكس تماماً لكن حسب المجتمع والظروف بقول شعب "بهالعقلية الدينية" الحالية والتشدد الديني مارح يتقبل فكرة الزواج المدني يعني إذا تزوجت بسوريا من واحد من دين تاني مية مشكلة رح تطلعلنا ومن ضمنها دين الأولاد ولا حدا يقول ممكن تصير تربية لا دينية ... هالشي صعب وصعب كتير بيكفي أنو الدولة رح تطالب بأنو ينحط دين الوالدين الأشرف ديناً للطفل وهيك وقعنا بنفس الدوامة أو أنو بالمدرسة رح يجبروه على تلقي دروس دين معين والجيران والرفقا وال .... الخ يعني الزواج المدني بالمختصر ماهو نص قانوني وحيد مجرد اقرارو كافي لحل مشكلة الزواج المختلط ... لازم يتبعو جملة تغييرات كبيرة بالقوانين ومن ضمنها قانون الأحوال الشخصية ..ما بعرف إذا مجتمعنا بيقبل هيك تغييرات
// وأنّ حضورك في دمي مسكُ الختام //
|
|||||
|
|
26/07/2008
|
#20 | |||||||
|
مشرف متقاعد
|
اقتباس:
انا تربيت هيك واختي هلا عم تتربى هيك ... ما في شي صعب اذا كانو الاهل ع قدر من السؤوليه بتحمل القرار الي اتخذوه شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
26/07/2008
|
#21 | ||||
|
عضو
-- قبضاي --
|
الزواج من ديانة مختلفة صعبة كثير ..
لانو بجوز فيها .. يكون في تناقد مع الدين .. واذا على المجتمع .. ما بعرف اذا في رفض لهالفكرة اساسا .. وكمان في عدة مشاكل بتواجة الزواج من ديانة ثانية .. واهمها الاطفال .. بس كل اشي في اله ظروفة .. يعني بجوز احب وحدة من ديانة ثانية .. وما اقدر استغني عنها .. وبجوز اتزوجها .. بس من المفضل عدم الزواج من ديانة ثانية .. |
||||
|
|
|
26/07/2008
|
#22 | |||||
|
مشرف
|
ريمي لما بدنا نحكي عن مجتمع بدنا نحكي بالعموم
بعرف أنو في أهل حاولوا يربوا أولادهم تربية لا دينية ومشي الحال بس أديش يا ترى نسبة اللي بينجحوا بهالشي بظل هالمجتمع المتمسك بقصة أنو يدخل الدين بكل نواحي حياتو لاتنسي كمان اختلاف البيئات والمدن بيلعب دور ... بس الفكرة عم نحكي بالعموم اقتباس:
لهالشي بقول وبرجع بقول لازم يكون في تغيير كبير كتير بالقوانين المدنية لتتناسب مع فكرة الزواج المدني وهلا أم الريم  |
|||||
|
|
|
26/07/2008
|
#24 | |||||||
|
مشرف متقاعد
|
اقتباس:
و مشان يكون في زواج مدني.. لازم يكون في قانون مدني.. و لازم يكون في مدنية على الأقل...
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
26/07/2008
|
#25 | |||||
|
عضو
-- زعيـــــــم --
|
اقتباس:
بس بلا ما ننسى انو القوانين بكتير احيان بتتوافق مع حاجات ورغبات المجتمع يعني ازا صار بالمجتمع في وعي للزواج المدني وكترو متبعينو وكترو مطالبينو اكيد رح يبقى ينسن قانون بيدعم هيك نوع من الزواج بس ازا الشي من اساسو مرفوض اجتماعيا ودينيا فما حدا رح يطالب فية ولا يأيدو... |
|||||
|
|
|
26/07/2008
|
#26 | |||||||
|
مشرف
|
اقتباس:
لا أحتاجُ لتوقيعٍ .. فالصفحةُ بيضا
وتاريخُ اليوم ليس يعاد .. اللحظةُ عندي توقيعٌ .. إن جسمكِ كانَ ليَّ الصفحات |
|||||||
|
|
|
26/07/2008
|
#27 | ||||||
|
عضو
-- قبضاي --
  |
أنا شايفة انو المجتمع بلش يتغير وبلشت عقول الناس تتفتح لهل المواضيع ومو بعيدة بالمستقبل يصير الموضوع عادي ومقبول
قل ماشئت في مسبتي
فسكوتي عن اللئيم جواب لست عديم الجواب ولكن مامن أسد يجيب على الكلاب ********************* فراشة جئت ألقي كحل اجنحتي لديك فاحترقت ظلماً جناحاتي اصيح والسيف مغروز بخاصرتي والغدر حطم آمالي العريضاتِ |
||||||
|
|
|
26/07/2008
|
#30 | |||||||
|
عضو
-- قبضاي --
|
اقتباس:
المجتمع بيتقدم لأنو احنا بدنا ياه نتقدم مفروض احنا الي عم نعلم الاجيال القادمة .... |
|||||||
|
|
|
26/07/2008
|
#31 | ||||||
|
عضو
-- مستشــــــــــار --
|
باعتبار مبارح جاوبت على نفس السؤال بالصالون حبيت ارجع عيد رأيي هون :
بداية بدولنا العربية وباعتبار غالبية السكان من الإسلام من الطبيعي كون القوانين تتماشى مع العقيدة والفكر السائد وتفضيلها عن باقي الديانات بغض النظر عن صحته أو خطأه لذلك مابدي فوت بموضوع القوانين الناظمه لعمليات الزواج باعتبار في حلول بديلة للزواج من غير أديان وقانونية 100%... الزواج من منطلق إنساني هو ارتباط شخصين متفقين وبيناتهن مشاعر المحبة برباط شرعي أمام المجتمع بغض النظر شو دين هدول الشخصين... لأنو ببساطه الزواج بداية مشاعر الحب "منطقياً" والمشاعر والأحاسيس موضوع انساني بحت مافينا نقيدها بدين ولا بقانون.. وتقييدها هو قمة الإرهاب للإنسانية... كمثال على ماسبق: مسيحي متعصب.. تقدم للزواج من ابنته مسلم "كامل الصفات Full option " لايقبل بزاجها منه كونه مسلم.. تمر الأيام تكبر البنت.. يزوجها بعريس مسيحي قد يكون سيئ جداً ... شو استفاد؟؟ دمر حياة ابنته ومستقبلها... وأدخلها بمعمه طويلة من أجل الطلاق "الصعب جداً في الدين المسيحي" مثال أخر: مسلم متعصب.. تقدم للزواج من ابنته شاب مسيحي " كمان فول أوبشن" لم يقبل به وتكررت حكايته مع الإختيار السيئ.. شو استفاد؟؟ دمر حياة ابنته وأعادها إلى منزله "مطلقة" وشتت أولادها "إن وجدوا" دون ذنب.. المهم بالحالتين السابقتين لم يكن لأصحاب العلاقة "البنت والشب" دور في تقرير مصير حياتهن وقرر هالمصير الأهل وهيك دمروا هالأشخاص بدون ذنب.. مما سبق نستنتج ضرورة انو الأطراف المعنية هنن يلي يقرروا حتى لوكان قرارهن غلط بس بيبق أفضل لأنو بيبقى قرارهن يلي لازم يتحملو مسؤوليته ومابيكون أطراف أخرين المسؤولين عن هالقرار حتى لو كانو الأهل أو المجتمع... بالنهاية الزواج مؤسسة عمادها الرجل والمرأة ونجاحها وفشلها بيتعلق فيهن مو بدينهن ولا بأهلن ولا بشي تاني.. أنا أؤيد الزواج المدني وبقوة
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||
|
|
|
26/07/2008
|
#32 | |||||||
|
عضو
-- قبضاي --
|
اقتباس:
أنا معك .. رأيك سليم 100% |
|||||||
|
|
|
26/07/2008
|
#33 | |||||||
|
شبه عضو
-- اخ حرٍك --
|
اقتباس:
وانا معك بالتصويت على الخيار التاني نحنا من هاد المجتمع و مهما صرنا رح تبقى جذورنا علقانة بهالمجتمع و دائما في ناس رح يدفعوا تمن الغلطة الناتجة عن عدم التماثل الديني في اي زواج و هي المرة هني الاطفال رح يبقوا كل عمرهم اولاد الغريب او اولاد الغريبة بالنسبة لاقرب الناس لهم
لا تقل الله في قلبي لكن قل انا في قلب الله
|
|||||||
|
|
|
26/07/2008
|
#34 | |||||||
|
مشرف متقاعد
|
اقتباس:
هو صحيح ببلادنا مصيبة.. كون الدين علامة أو "دمغة" انتمائية أكثر من ما هو فكر ... لكن اذا الأب و الأم واعيين لهالمسألة و قادرين يحمو الأطفال ما شرط تكون مشكلة (أكيد ممكن تتضايق كتير أحيان من بعض الملاحظات و التدخلات الحشرية بتفاصيل حياتك و خصوصا من الأقارب... لكن تتعوّد.. و خصوصي اذا اهلك يحموك لحتى تكبر) لازم احكي كمان انو في حالات شبيهة بحالتي عايشتها و كان ناقص وعي الأباء أو حمايتهم.. و فعلا النتائج كانت كارثية.. بدها شغل كتير لحتى تنجح. و اذا نجحت ممكن تكون ذات نتائج رائعة جدا |
|||||||
|
|
|
26/07/2008
|
#35 | |||||||
|
عضو
-- مستشــــــــــار --
|
اقتباس:
|
|||||||
|
|
|
26/07/2008
|
#36 | |||||||
|
مشرف متقاعد
|
اقتباس:
مشان هيك عم قول دمغة انتمائية.. مو ايمان |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 18:49 (بحسب عمك غرينتش الكبير +3)