أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > موسيقى

عرض نتيجة التصويت: اي حفلة فضلت ..؟؟
حفلة الـ 2008 0 0%
حفلة الـ 2009 9 100.00%
المشاركون بالتصويت: 9. لا .. مافيك اتصوت بهال الإستفتاء

إضافة موضوع جديد  إضافة رد
 
أدوات الموضوع
قديم 19/07/2009   #1
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي بخصوص حفلة زياد




مبارح كانت الحفلة الأخيرة لزياد الرحباني بقلعة دمشق

و متل ما شفنا ... اختلفت الآراء بتقييم هالحفلة

بس حسب ما أنا شفت أنو الآراء اختلفت بس بعدين بالحديث عن الحفلة

أما بأثناء الحفلة .. فــ اتفقوا الكل على أنو ..... منيحة




هلأ بالمجمل .. أي فنان لما بدو يقدم أعمالو أمام جمهور جديد .. ما بيعرف عنو شي ..بفضل ما يجازف .

فـ بحاول يقدم أعمالو المعروفة ( أو متل ما بقولو الـ best of شيتو* ) يعني الأعمال يللي بكون متأكد من نجاحها
و هيك عمل زياد السنة الماضية


أما هالسنة ... شفنا أشيا جديدة ..شفنا أشيا مش كتير معروفة .... بس اشيا مهمة

شفنا برنامج متعوب عليه ... شفنا شغل واضح غير مجرد موسيقى

شفنا زياد على طبيعتو و آخد راحتو

يعني باختصار .... شفنا زياد يللي منا و فينا




هلأ بحسب وجهة نظري اختلف تقييم الحفلة بين الجمهور .. على نوعية الجمهور

يعني يللي بيسمعوا بـزياد ....فضلوا حفلة السنة الماضية

أما يللي بيسمعوا زياد فـ ..... حبوا حفلة هالسنة أكتر ( رأي شخصي )

فـــ يا ريت من يللي حضروا الحفليتين ... يخبرونا اي حفلة فضلوا
وشو ميّز الحفلة يللي فضلوها ... عن الحفلة التانية





*شيتو = خاصتو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 19/07/2009   #2
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


انا صوتت للـ 2009 ، حبيتا اكتر ، لانو زياد ما كان نفسو زياد السنة الماضية

اللي كان السنة الماضية ، كان مغني وعازف فقط

بينما زياد هالسنة كان طبيعي اكتر ، وكان زياد بكافة جوانبو ... وجزء من جانبو السياسي - الساخر ... كان موجود

لما يكون شخص قادر يظهر كل هالشي ... ويقدر يحقق كمية هالنجاح
فـ هي بتكون حفلة استثنائية جداً

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 19/07/2009   #3
صبيّة و ست الصبايا لامار رمز الدمار
عضو
-- أخ لهلوب --
 
الصورة الرمزية لـ لامار رمز الدمار
لامار رمز الدمار is offline
 
نورنا ب:
Jun 2007
المطرح:
في مكان ماااا
مشاركات:
278

افتراضي


لاسف انا ماحضرت ولا حفلة من كتر ما شفت باخوية بيحبوا زياد صار عندي شغف تابع اعمالوو
هلئ بوشي على موضوع اعمال زياد
ورح تابع الاستبيان
مرسي ميداكس

عيش وخلي مخداااتك ريش
  رد مع اقتباس
قديم 20/07/2009   #4
شب و شيخ الشباب achelious
مشرف
 
الصورة الرمزية لـ achelious
achelious is offline
 
نورنا ب:
Oct 2006
المطرح:
الغدّ
مشاركات:
2,008

افتراضي


الحفلة الماضية كانت اتقل فحسب, انو كان فيا موسيقى أكتر ..

أما الحفلة الأخيرة فكانت منوعة .. بس مو أقل!
أهضم للي ما بيعرفوا زياد , كوني بعتبر انو الموسيقى الي بيقدما أهم بكتير من باقي الاشيا
هو موسيقار بالنهاية.

وماتبقى بوافقك الرأي شيتو


لا أحتاجُ لتوقيعٍ .. فالصفحةُ بيضا
وتاريخُ اليوم ليس يعاد ..

اللحظةُ عندي توقيعٌ ..
إن جسمكِ كانَ ليَّ الصفحات
  رد مع اقتباس
قديم 20/07/2009   #5
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


شو منشان الي ما قدرو يحضرو ولا وحدة منن؟؟

بس بكل الاحوال بالعادة اول حضور بيكون دوما غير
ان فكرة وجودك ضمن نفس القاعة مع هالشخص الي كتير بيعنيلك باعمالو والي كان كل علاقتك فيه بتم عبر السيديات والراديو وفجاة بتشوفو عالحقيقة ...ان شي غير
واذا قدر زياد بالحفلة تبع هالسنه يظهر احسن من السنه الماضيه فهالشي كمان مو غريب عليه لان الزلمة اكثر من فكرة حدا بيعزف نوطة او بيغني كم مقطع ويرجع عبيتو ...باعتقادي روح زياد راح تخلي اي حفلة يقدمها الها خصوصيتها الي مافيك تقارنها باي حفلة بيعملها قبل او بعد

اسكر اسكر اسكر...فهذا العالم مملوء بالليل
  رد مع اقتباس
قديم 20/07/2009   #6
شب و شيخ الشباب مش هيك بيكون الحكي
عضو
-- أخ لهلوب --
 
الصورة الرمزية لـ مش هيك بيكون الحكي
مش هيك بيكون الحكي is offline
 
نورنا ب:
Oct 2006
المطرح:
بين القلب وبين العين
مشاركات:
117

افتراضي


يعني بالحقيقة ما في تفضيل بين الحفلتين لأنو كل وحدة الها جوا
وحتى لو كنت صوتت للحفلة التانية
فلأنو يعني كان ناقصنا نشوف هالسكيتشات live مو أكتر
الحفلتين أحلى من بعض واللي ما حضر عن جد راحت عليه



ملاحظة: لمن لم يحضر الحفلة يمكنه سيعيد زياد نفس الحفلة في بيروت على مسرح قصر الاونيسكو في 24/25/26/ تموز

.............................................. فلا يغر بطيب العيش إنسان
  رد مع اقتباس
قديم 20/07/2009   #7
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


لكل منون جوها الخاص ومتل ما قلت سامر لما بدو يجي اول مرة بيقدم البيست اوف
وهالمرة اخد راحتو اكتر تحرك عالمسرح قدم اكتر واكتر
النقطة الخلافية الكبرى كانت انو السنة الماضية كانت منظمة اكتر بكتير من هالسنة وهاد ادى انو الى حد ما تتفوق حفلة السنة الماضية عليه
اجمالا بيضل زياد عارف ومخطط شو بده
يعني حفلة السنة الماضية كانت شبيهة بحفلة فيروز الا شوي وهالسنة الحفلة لزياد وواضح انو ولاشي من اللي قدمه بيشبه اللي كان بالحفلة الملضية

قم واضرب المستحيل بقبضتك اليسرى
انت تستطيع ذلك
http://themanofpapers.wordpress.com
  رد مع اقتباس
قديم 20/07/2009   #8
شب و شيخ الشباب ابو ريتا
عضو
-- مستشــــــــــار --
 
الصورة الرمزية لـ ابو ريتا
ابو ريتا is offline
 
نورنا ب:
Dec 2007
المطرح:
Polska-Białystok
مشاركات:
3,282

افتراضي


أنا صوتت لحفلة السنة يعني 2009 لسببين الأول : انو حفلة السنة الماضية ما حضرتا . التاني : حفلة السنة كتير حسيتها مميزة كانت موجودة رشا رزق, وعازف السكسفون هو من أعضاء الفرقة الوطنية السورية , يعني زياد جمع الناس الي هنن الأفضل و عمل مونتاج للصوت شي رائع بعمرو عنا ما حدا فيه بيساويه طبعا كان كتير حلو برنامج العرض انو موسيقا وغناء وكلام ,,, وفعلا هيك كان وقدّم بالفعل عدة مقطوعات موسيقية من ( منيحة ) , و أكتر شغلة لفتت انتباهي هي الصوبيا , حدا منكن بيعرف ليش كانوا مركبّين صوبيا ؟! للوهلة الأولى كنت مفكّر انو زياد بدو يسخن ابريق متة ....

أجمل الأمهات ..... التي انتظرت ابنها ..... أجمل الأمهات التي انتظرته
وعاد .....
..... عاد مستشهدا .....
...... فبكت دمعتين و وردة ...... ولم تنزوي في ثياب الحداد

آه ياريتا على فقيدك ...

بحبك بلا ولا شي...
بحبك يا ضيعتي البعيدة بيت ياشوط...
  رد مع اقتباس
قديم 20/07/2009   #9
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


هلا الحفلة تبع هي السنة احلا من السنة الماضية بس الترتيب بالسنة الماضية أزبط كان حاطين الستيج عاليمين وجاي صفة الكراسي بالعرض فكان الشخص اقرب منو من هي السنة حاطينو بالصدر بس انو بتحس ازا من كنت من جماعة الالف متلي انا انو انت بوادي وزياد بوادي اللهم الا شاشات الإسقاط اللي أنقذت الموقف شوي

الحفلة تمام السنة بالنسبة للاغاني وهيك

الحفلة السنة الماضية احسن من السنة من ناحية الموقع


The Best Or no Thing
======================

Its Hard To Defeat A King
======================

Feeling Doesn't Die
======================

Trust No One
======================
زبطولنا السيرفر ولو ... :)
  رد مع اقتباس
قديم 20/07/2009   #10
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : achelious عرض المشاركة
بعتبر انو الموسيقى الي بيقدما أهم بكتير من باقي الاشيا
هو موسيقار بالنهاية.
أنا ما بتفق معك انو الموسيقى هيي الجانب الاهم عند زياد ( مع أنو هو أكتر شي بيرتاح بهالجانب )

يللي عطى زياد قيمتو الحقيقية برأيي ..... هو المسرح ...و الأغاني الملتزمة و البرامج الإذاعية .. بالإضافة لكتاباتو القليلة

يعني بالمختصر كل منبر بيقدر يعرض فيه رأيو و الأفكارو




يعني الفكر و الرأي و الجرأة ...... هو أهم ما في زياد
  رد مع اقتباس
قديم 20/07/2009   #11
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : اممي عرض المشاركة
شو منشان الي ما قدرو يحضرو ولا وحدة منن؟؟

قريباً منحاول نحطلون شوية مقاطع فيديو
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 07:45 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.07381 seconds with 13 queries