روزنامة

[i m sam]

اليوم الثلاثاء
الثامن صفر 1430 هجري
الثالث من شباط " فبراير " 2009 غربي
الحادي والعشرون من كانون الأول 2009 شرقي
التاسع من شباط 5769 عبري

اطمئن

هرب أحد المرضى من غرفة العمليّات بلباسه الأزرق, فصادفته ممرضة, فقالت له: خير ما الذي حدث؟
فقال لها : هل سمعت ما كانت الممرضة تقوله في غرفة العمليات؟
فسألته الممرضة بتعجب: ماذا كانت تقول؟
قال المريض بهلع: كانت تقول اطمئن العملية بسيطة, وهذه ليست أول مرة, كن رابط الجأش, وحافظ على هدوئك!.
قالت الممرضة: وما المشكلة كانت تطمئنك.!
قال المريض ولكنها لم تكن تتكلم معي, كانت تخاطب الطبيب الجرّاح!!!.

[sona78]

يا حرااااااااااام
بدو طاسة الرعبة عن جد

[i m sam]

كاتب النص الأصلي : sona78

يا حرااااااااااام
بدو طاسة الرعبة عن جد

اي والله بس منيح سمعها قبل ما يبنجوه

[i m sam]

اليوم الأربعاء
التاسع من صفر 1430 هجري
الرابع من شباط " فبراير " 2009 غربي
الثاني والعشرون من كانون الثاني 2009 شرقي
العاشر من شباط 5769 عبري

لمسة حنان

إنَّ الرسائل غير الملفوظة التي نرسلها إلى الأبناء كثيرا ما تكون أكثر أهمية من الكلمات ذاتها, وكم قصَّر الأهل في مسح رؤوس أبنائهم وضمهم الى الصدور بحنان ومحبة ودفء! كم غفل الأهل عن أهمية القبلة والتربيت على الظهر والمداعبة وشيء من الملاطفة والحنان.

[قرصان الأدرياتيك]

كاتب النص الأصلي : i m sam

اليوم الأربعاء
التاسع من صفر 1430 هجري
الرابع من شباط " فبراير " 2009 غربي
الثاني والعشرون من كانون الثاني 2009 شرقي
العاشر من شباط 5769 عبري

لمسة حنان

إنَّ الرسائل غير الملفوظة التي نرسلها إلى الأبناء كثيرا ما تكون أكثر أهمية من الكلمات ذاتها, وكم قصَّر الأهل في مسح رؤوس أبنائهم وضمهم الى الصدور بحنان ومحبة ودفء! كم غفل الأهل عن أهمية القبلة والتربيت على الظهر والمداعبة وشيء من الملاطفة والحنان.

والله يا عزيزي سام أمي ما بتقصّر، من يوم ما عتب باب البيت وهي نازلة فيّ على حضن وعلى بوس... بتحسسني كأني ولد صغير، وكل ما تلقاني بغرفة أو بممر ترجع تعيد الجكاية وكأنا لأول مرة بتشوفني... ! عكس أبي باللقاء وبالوداع بس... نيال الأمهات ونيال الأنثى على مشاعر الأمومة!

[sona78]

يا ريت الشباب .. واخص الذكور منهون يقرو هالكلمات ويعطوها حقها
لانو كمان في شي اسمو عاطفة الابوة
بس عنا دائما مترتبطة كلمة بابا بالسيطرة والهيبة بعيد عن المشاعر الحقيقية يلي بيحملها الاب
ما بعرف من وين اجا الاعتقاد انو اظهار العاطفة بقلل من هيبة ومكانة الاب عند اولادو

[سوا ربينا]

كاتب النص الأصلي : sona78

ما بعرف من وين اجا الاعتقاد انو اظهار العاطفة بقلل من هيبة ومكانة الاب عند اولادو

انو انا هي اول مرة بسمعها مين قال هيك ؟؟ هلأ يعني عاطفة الأب مع اولادو بتصير تقليل من هيبتو انو لو مع حدا تاني بتنقبل بس مع اولادو

[sona78]

هيك كان ينقال وحياتك
يعني ولا مرة سمعت من صديقك انو اختلف مع ابوه.. وابوه كلمو كلام قاسي كتير ما بستاهلو الموقف
واجت الام صارت تبرر انو بالبابا بيحبك بس ما بيظهر هالشي لانو بيضل بابا وانو مكانتو كاب ما باسمحلو اظهار هالشي ؟؟
اذا ما صار معك هيك موقف ............. صار قدامي ومع ناس بعرفون مرات كتيرة ..........اكتر من اللازم

[سوا ربينا]

انو انا بحياتي ما سمعت هيك شي .. بس انو اول شي قلتيه تبعت انو مثلا يقلو كلام قاسي وهيك وبتيجي الام بتقلو انو بيحبك .. الخ .. هالشي اي موجود بس ما عمري سمعت انو بتقلو انو مكانتو ما بتسمحلو اظهار هالشي ؟؟
بس طبعا الشي المعروف انو الام هي الحنان وهي الحضن الدافي بس هالشي ما بيعني انو الاب لازم يكون جبار وقاسي مع اولادو بيكون حنون بس اقل من الام ...

[قرصان الأدرياتيك]

يا عيوني يا سوا ربينا، سونا معها حق، فغالباً ما الأب بيخفي مشاعرو وبيظهر القسوة للدلالة عالأبوّة وتعزيز لمكانة رب البيت! وإذا هالشي مو موجود بمجتمعك، فهو موجود (غالباً) بمجتمعنا وكل مجتمع شرقي زرتو، متل لبنان ومصر والعراق... والفكرة هيّ هيّ النابعة من فكرة السلطة الأبويّة المطلقة اللي حكتنا مرة عنها الصديقة مروة. بعتذر من سام لأنا خرجنا عن موضوعو بس اقتضى التوضيح.

[سوا ربينا]

اي يمكن ...بس انو انا كنت عم قلها انو انا ما شفت او سمعت هيك شي .. بس هوي يمكن .. وشكرا ع التوضيح عم قرصان...

واسفين سام عن الخروج عن الموضوع..

[i m sam]

بالعكس تماما أنا متابع ومستمتع بنقاشكم
وارجو عدم اعتبار الموضوع لي انما هو لأخوية وللجميع
كما يكفيني متعة انني الشرارة التي تتجد كل يوم لنقاشات متنوعة في مواضيع يومية مختلفة
شكرا لكم فلولاكم يصبح الموضوع جامدا باردا

[i m sam]

اليوم الخميس
العاشر من صفر 1430 هجري
الخامس من شباط " فبراير " 2009 غربي
الثالث والعشرون من كانون الثاني 2009 شرقي
الحادي عشر من شباط 5769 عبري

الأب المثالي

هو الأب الذي يدخل بيته ويتحرّى أن تكون في يده هدية أو تحفة أو طرفة, فإن لم يجد فنكتة, أو حادثة طريفة , أو قصة شيقة محببة.
والأب الفاشل من ينتظر أولاده- بصبر نافذ- لحظة مغادرته المنزل ليتنفسوا الصعداء.
جنة المرء داره إن حسنت التربية وارتقى السلوك !.

[sona78]

كتير صح
ونفس تعليقي السابق ................ عل بعض الاباء ( هي البعض كرمال سوا ربينا !!!) يقرو هالشي .. ويفهموه كمان

[i m sam]

والله مو البعض لازم تقولي على أكثر الآباء ...

[sona78]

اخخخخخخخخخخخخ
ع ايام كان بيت خالتي متل ثكنة عسكرية
يعني بس يجي الاب ع البيت الصغار لازم فورا ينامو ولو كان عز الضهر
ممنوع تشغيل التلفزيون
ممنوع الضخك الا برا البيت .. ويعني المرحبا ما كانت تطلع الا بطلوع الروح .....
قال انو اب ومعبا مركزو ........... اكيد ولادو كان يحبوه بس اذا ضل بالبيت يومين ورا بعض كانت كارثة .. لانو لا الاصدقاء ولا الاقرباء من الصغار وقتها بيجي لعندون ..........حدى بيجي لهيك بيت بهيك وضع ؟؟؟؟

[سوا ربينا]

كاتب النص الأصلي : sona78

كتير صح
ونفس تعليقي السابق ................ عل بعض الاباء ( هي البعض كرمال سوا ربينا !!!) يقرو هالشي .. ويفهموه كمان

اي اي شفتها ... ورح انا برجع وبقول انو اكيد اللي عم تحكيه صح بس انا شخصيا ما شفت هالشي بس هوي اكيد موجود ...

كاتب النص الأصلي : sona78

اخخخخخخخخخخخخ
ع ايام كان بيت خالتي متل ثكنة عسكرية
يعني بس يجي الاب ع البيت الصغار لازم فورا ينامو ولو كان عز الضهر
ممنوع تشغيل التلفزيون
ممنوع الضخك الا برا البيت .. ويعني المرحبا ما كانت تطلع الا بطلوع الروح .....
قال انو اب ومعبا مركزو ........... اكيد ولادو كان يحبوه بس اذا ضل بالبيت يومين ورا بعض كانت كارثة .. لانو لا الاصدقاء ولا الاقرباء من الصغار وقتها بيجي لعندون ..........حدى بيجي لهيك بيت بهيك وضع ؟؟؟؟

انو .. هاد يمكن لانو بيكون متعود ع الجيش والقصص تبعتو ... بس انا ابي كان بالجيش بس بعمرو ما صار جزء زغير متل هيك ...

[sona78]

متعود ع الجيش والقصص تبعتو

مين جاب سيرة انو كان ضابط؟؟؟؟؟؟؟؟؟؟
لا وحياتك لا ضابط ولا شي
قال مهندس والعين عليه ............ يبدو ما صدق حالو صار مهندس
وكونو شغيل وبيتعب فما عندو وقت لضجة الصغار .............. هيك ناس ما بعرف ليش بيتجيب اساسا ولاد