اعتمد ع مخك بجوابك... وخلي دينك لنفسك.

[inodessa]

اخوية او السوريين بشكل عام منفتحين و علميين... و هاي صفة ايجابية.. وبتمنى عدم الاعتماد على كتب او آيات دينية معينة لاثبات او التنكير او الترغيب... بشي معين!
لآنو الاخوة باخوية لايؤمنون بمذهب واحد... فشو الفائدة من ذكر آية دينية اذا كانت الاعضاء مو مؤمنة بصحة مصدرها أصلا؟! بالعكس هاد تهميش للآخرين و استبعادهم من الموضوع... لذلك المفروض تسمعنا رأيك وبتعبيرك الشخصي... مشان اذا حدا بدو ينتقد مشاركتك, ما يسيئ لدين بانتقادو...
يعني بتعبير آخر لا تتخبى ورا الدين..

فكرة هالموضوع مكررة كتير... بس ليش في ناس مصرة تغمض عيونها و تطنش ما بعرف!!!!

المنتدى فكري... فاذا حدا بحب يذكر وجهة نظرو الشخصية مشان نتناقش فيها اوك... و اذا بدو يستشهد بقول شاعر او فيلسوف او اله او مفكر... مو غلط.. بس مو يقلب المنتدى لمنتدى ديني مقدس..!

تحياتي للجميع

[bacteria]

بتصور لازم تغير صورتك الرمزية مشان نقتنع بقناعتك بفكرة موضوعك

[inodessa]

كاتب النص الأصلي : bacteria

بتصور لازم تغير صورتك الرمزية مشان نقتنع بقناعتك بفكرة موضوعك

انا ما عم قول كل واحد يتخلى عن دينو ومعتقداتو... وانما ما يدخلها بالنقاشات و يعتبرها حقائق مطلقة الصحة للجميع وما حدا بيقدر ينتقدها!!

[bacteria]

الدين = مبادئ حياتنا وثقافتنا واكيد وجهات نظرنا رح تنشأ من خلال هالمعتقد ما بظن انو الانسان عندو فكرين فكر ديني والتاني عقلي يعني مخي هو معتقدي

[inodessa]

كاتب النص الأصلي : bacteria

الدين = مبادئ حياتنا وثقافتنا واكيد وجهات نظرنا رح تنشأ من خلال هالمعتقد ما بظن انو الانسان عندو فكرين فكر ديني والتاني عقلي يعني مخي هو معتقدي

نحنا مو بصدد تعريف الدين... المهم انو تشاركي برأيك انت و بغض النظر كيف تكوّنت او تبلورت وجهة نظرك... بحيث ناقشك الك و ما تزعلي من انتقادي لآرائك... وبحيث اذا بدك تثبتيلي شي تثبتيه بمنطق <انا> بفهمو...

[inodessa]

يعني معليش... بس مواضيع القبر و وافلام الرعب تبع بعد الموت!!! والجنة والنار و الخ... ما فيكي تناقشي فيها هون... لانو ما فيكي تثبتي كلامك ابداً الا ع اسس دينية.

[bacteria]

واضح جدا انو فكرتي ما وصلت انا يلي قصدتو انو نحنا وقت نخلق على هالارض منتربى تربية على معتقد معين ومن خلال هالتربيه رح تتشكل أفكارنا وأرئنا و وقت بتسألني شو رأيك بالكذب او بالغش اوحتى الاستنساخ او دفن الموتى او اي شي رح بيكون جوابي ناتج من خلال هالمبادئ يلي تكونت عندي ويلي انا مقتنعه فيها تماما يعني جوابي ناتج من المخ

يعني باختصار شديد ما فيك تفصل عقلك عن دينك الا ازا ما كنت مقتنع بدينك

[يمان Rooooonaldo]

واضح جدا انو فكرتي ما وصلت انا يلي قصدتو انو نحنا وقت نخلق على هالارض منتربى تربية على معتقد معين ومن خلال هالتربيه رح تتشكل أفكارنا وأرئنا و وقت بتسألني شو رأيك بالكذب او بالغش اوحتى الاستنساخ او دفن الموتى او اي شي رح بيكون جوابي ناتج من خلال هالمبادئ يلي تكونت عندي ويلي انا مقتنعه فيها تماما يعني جوابي ناتج من المخ

يعني باختصار شديد ما فيك تفصل عقلك عن دينك الا ازا ما كنت مقتنع بدينك

اختصرتي الموضوع ..

[Government]

كاتب النص الأصلي : bacteria

واضح جدا انو فكرتي ما وصلت انا يلي قصدتو انو نحنا وقت نخلق على هالارض منتربى تربية على معتقد معين ومن خلال هالتربيه رح تتشكل أفكارنا وأرئنا و وقت بتسألني شو رأيك بالكذب او بالغش اوحتى الاستنساخ او دفن الموتى او اي شي رح بيكون جوابي ناتج من خلال هالمبادئ يلي تكونت عندي ويلي انا مقتنعه فيها تماما يعني جوابي ناتج من المخ

يعني باختصار شديد ما فيك تفصل عقلك عن دينك الا ازا ما كنت مقتنع بدينك

طيب بركي واحد مالو مقتنع بالشغلات اللي متربي عليها ..
او انو يمكن كان مقنع وبطل مقتنع شاف انو مو كل الشغلات مزبوطة .. يعني انو الشغلات اللي كان مامن فيا مثلا زمان وفكر فيا بس لمدة 5 دقايق اكتشف بعدا انو اشبه بالخرافات وبضحك ع حالو كيف كان يامن فيا او يعملا او الخلق اللي حواليه كيف عبتمارسا لهلأ !!

[يمان Rooooonaldo]

بس هاد الشي مالو علاقة بالمطروح بالموضوع حسون ..كل واحد .. وحر باحلو شو لح يساوي ..

مافيني اجبرك .. ترجع تقتنع بشي انت .. ما عاد مقتنع فيه .. !

[Government]

كاتب النص الأصلي : يمان Rooooonaldo

بس هاد الشي مالو علاقة بالمطروح بالموضوع حسون ..كل واحد .. وحر باحلو شو لح يساوي ..

مافيني اجبرك .. ترجع تقتنع بشي انت .. ما عاد مقتنع فيه .. !

فهمانك اب اليمن .. بس انو هي حكت ع قصة انو المبادئ اللي بتخلق مع الانسان وانو كل انسان بجاوبك بطريقة المبادئ اللي تربى عليها .. او انو في صلة بيت الطريقة اللي تربى فيا الانسان وطريقة تعاملو مع قصة الغش او الكزب مثلا .. وهي القصة انا ماكتير معا انو كل واحد بجاوبك ع الطريقة اللي تربى فيا ماكتير مزبوطة
او انو ربط الشخص بالمجتمع المحيط فيه ونخلي انو تفكيرو يكون متسوحى من هالمبادئ اللي متربي عليها كمان شي غلط هادا .. لانو كلشي الا مايكون فيو نقص ومو شرط كل المبادئ اللي متربي عليها تكون صح ..


يعني محصلة هالحكي بتودينا لفكرة وحدة وهي الفكرة اللي حاكاها صاحب الموضوع انو لازم نستخدم عقلنا .. قبل مانفكر بالدين .. وقبل مانفكر بالمبادئ اللي تربينا عليها .. وهون الزبدة من القصة


وهادا اللي انا قصدتو بس يمكن ماعرفت اوضح فكرتي مزبوط

واحلى يمون

[inodessa]

يا جماعة كل واحد يجيب افكارو من وين مابدو.... من الدين, من ابوه, من المجتمع....
انا قصدي انو اذا انطرح موضوع ما يطلع حدا يقول انو هالشي خطأ لآنو حرام!!!!! نحنا مو هدفنا نعرف وجهة نظر كل الدين بكل قضية... وانما بهمنا وجهة نظر الناس نفسون... وبهمنا نعرف السبب المنطقي يلي بيرتكزو عليه برأيهم... مو الايات يلي بيرتكزو عليها...
بتمنى تكون وصلت الفكرة...

[inodessa]

كاتب النص الأصلي : Government

فهمانك اب اليمن .. بس انو هي حكت ع قصة انو المبادئ اللي بتخلق مع الانسان وانو كل انسان بجاوبك بطريقة المبادئ اللي تربى عليها .. او انو في صلة بيت الطريقة اللي تربى فيا الانسان وطريقة تعاملو مع قصة الغش او الكزب مثلا .. وهي القصة انا ماكتير معا انو كل واحد بجاوبك ع الطريقة اللي تربى فيا ماكتير مزبوطة
او انو ربط الشخص بالمجتمع المحيط فيه ونخلي انو تفكيرو يكون متسوحى من هالمبادئ اللي متربي عليها كمان شي غلط هادا .. لانو كلشي الا مايكون فيو نقص ومو شرط كل المبادئ اللي متربي عليها تكون صح ..


يعني محصلة هالحكي بتودينا لفكرة وحدة وهي الفكرة اللي حاكاها صاحب الموضوع انو لازم نستخدم عقلنا .. قبل مانفكر بالدين .. وقبل مانفكر بالمبادئ اللي تربينا عليها .. وهون الزبدة من القصة


وهادا اللي انا قصدتو بس يمكن ماعرفت اوضح فكرتي مزبوط

واحلى يمون

اوك Government انت بتدعو نخرج من قصة انو نكون قطيع بنفس الفكر و العادات.. و بتدعو للتغير و التطور و عدم التسليم بما تربينا عليه بكل سذاجة... كلام جميل..


بس انا هدفي الدين تحديدا...
يعني انا بتمنى بهالمنتدى ما حدا يقول كلمة حرام و كلمة جنة ونار و حسنات الخ...

[Dndoshy]

هوي النقاش لازم يصير بالأفكار والاراء..
مو الواحد كل ما حكا كلمة يجي يمزئو التاني عشيرن تليتين اية..

[bacteria]

كاتب النص الأصلي : inodessa

بس انا هدفي الدين تحديدا...
يعني انا بتمنى بهالمنتدى ما حدا يقول كلمة حرام و كلمة جنة ونار و حسنات الخ...

معك حق مو بس هيك كمان لازم يمنع ارتداء الحجاب والصليب أو نجمة داوود أو غيرو من رموز الديانات أثناء الدخول الى المنتدى أو استخدمها كصور أو تواقيع في المنتدى

[سوا ربينا]

كاتب النص الأصلي : Dndoshy

هوي النقاش لازم يصير بالأفكار والاراء..
مو الواحد كل ما حكا كلمة يجي يمزئو التاني عشيرن تليتين اية..

يا سيدي رح قلك شغلة .. هلأ نحنا متربين ع دينا .. يعني نحنا كل حياتنا بدينا .. بدنا نفكر بشغلة بيكون دينا مفكر فيها قبلنا فما فينا نفصلو عن حياتنا شو ما كانت شو ما بيخطر ببالك موجود بهالدين لهيك هوي حياتنا يعني ما بنقدر نستغني عنو والايات يلي عم تحكي عنها هي من الاسس يلي نحنا معتمدينها بحياتنا لهيك برضو ما بنقدر نستغني عنها صحيح انو اي شخص تاني ذو معتقد غير معتقدنا ما رح يقتنع فيها بسهولة ويمكن ما يقتنع نهائيا بس نحنا هيك تربينا وهيك اتعلمنا واي شخص فينا بدنا نثبتلو شي بنجيبلو ايه..

ان شالله كون وصلت الفكرة ..

[أإأبو العبد]

مارح يمشي الحال بتاتا لانك مارح تقدر تغير عقول العالم يمكن انت بتعتقد انو هاد تخلف ورجعية ومن هالحكي بس غيرك بيشوف انو وجهة نظرك هي التخلف والرجعية والخ..

فبرايي انو سكرولنا هالموضوع الله يرضى عليكم

[يمان Rooooonaldo]

انا قصدي انو اذا انطرح موضوع ما يطلع حدا يقول انو هالشي خطأ لآنو حرام!!!!! نحنا مو هدفنا نعرف وجهة نظر كل الدين بكل قضية... وانما بهمنا وجهة نظر الناس نفسون... وبهمنا نعرف السبب المنطقي يلي بيرتكزو عليه برأيهم... مو الايات يلي بيرتكزو عليها...

يبدو . حبيب ما عم توصلك الفكرة المعينة ..

انت بدك وجهة نظر الناس نفسون .. هلا وقت انت تقلي يا خيو .. تعال نروح نشرب كاس مثلا .. فلنحطا مثال ..

انا بالنسبة الي .. هاد الشي حرام .. انت ما بدك هاد الرد .. بدك ياني روح رد عليك منشان ما كون عم جاوبك من منطلق ديني .. انو مضر بالصحة مثلا ..

يعني .. ما كل هالقد زابطة .. لانو بالاصل الفكرة اللي انا بعرفها .. من الشرب انو حرام لانو مضر بالصحة مثال معين يعني ..

لزلك .. ايا واحد بدو يعطيك رأيو بدون ما يذكرلك ايات واحاديث والخ الخ .. لح يكون مبني على اساس معتقداتو .. واللي بيامن فيه شو ما كان ..

الا اذا كنت عم تطالب كل واحد يحط معتقداتو عجنب .. وكلشي بيامن فيه عجنب .. او كلشي بعتقدو عجنب .. ويفوت يحكي ويرد .. ما حتلاقي ولا اساس معين ما للرد او الفكرة .. لانو تنوع واختلاف الاراء بيجي من اختلاف العقائد والشغلات اللي انت وانا وهوة مامنين فيها ..