استحملناكم سنوات، و لم تحتملني دقائق

[oliver68]

شكرا كتييييييييييييييييييييييي ييييير كريم على هالموضوع، و أنا عنجد آسف للتأخير بالرد بس والله هلأ لانتبهت للموضوع.
المهم بحب قول ألف مبروك لبلدي الحبيب سوريا و لكل شعبنا الغالي، و كمان عقبال فلسطين و العراق و لبنان و الجولان، يعني متل ما الشباب تمنوا. و كمان كريم بحب هنّيك من صميم قلبي على هالقرابة الرائعة و يللي عنجد بتخللي الواحد يرفع راسو فوق، و شكرا لأنك لفتللي نظري على هيك بطل من أبطال سوريا.

[..Jimy]

فارس بيك الخوري ساهم وحقق استقلال لكتير دول ومنّا مصر وتونس و استراليا وغيرها كتير.....

و بتذكر أنو استراليا بعتت (الوشاح الذهبي) للست كوليت تقديراً لجهود جدها.

بس يلي صار ويللي بزعّل أنو تعرض لتغيب كبير، عالشخص ساهم بكتابة القانون الدولي بالأمم المتحدي

وبتذكر هالقصة :
************
معروف عن فارس بيك الخوري أنو كان راسه كبير.

فمرة كان بسوق عكا (مو متأكد) ميدور عطربوش بحجم راسو وفتل ودور كتير ما كان يلاقي ... المهم بالآخر لقا محل عندو طربوش مناسب ولمّا سأل عن حقو طلب منو البائع اربع مجيديات ( يعني مو متأكد كتير من الأرقام واسم العملي) وهوي ثمنو عادة مجيدتين ولمّا سألو فارس بيك الخوري عن سبب عهالغلى...

قالو البائع أنت ما رح تلاقي غير عندي طربوش بهالحجم.

فرد عليه فارس بيك أنا إذا ما اشتريتو أنت ما رح تلاقي زبون تاني عندو راس بهالحجم وبضل الطربوش عندك مصمود عالرف وعقلبك ومو عرفان كيف بدك تبيعو وتخلص منو .

وما صار وإلا اشتراه بسعروا العادي.
************
هيي هاي القصة مو كتير حلوي بس افضل من بلا .........

[إم العز]

رائع ....
فعلا يستحق كل الإحترام
بالفعل رجل ... في عصر كان كله رجولة وقادة عظماء
ليس كما هو حالنا اليوم ...
مخلوقات تتدعي الرجولة لا أكثر

[صياد الطيور]

موضوع يستحق التثبيت ....