الفوائد السياسية و العسكرية و الكثيرة للمته

[بدوي الجبل]

وصفة . .من طب الاعشاب من اجل سياسه افضل
لا حول و لا قوة بالمته "

...إنما للمته أفضال و فوائد كثيرة ...منها اجتماعيه و منها سياسية... و
منها قوميه بجانب الفائدة الصحية الوحيدة التي تشاطر مرقة الفول فيها و
تنافسها هي و محلول شباشيل الذرة ..... فلمته سياسيا لها دور سياسي كبير
في إنها جمعت في حلقاتها معظم القوي السياسية الموجود علي الساحة و ربما
حلقاتها أكثر و اكبر مما هو موجود تحت قبة مجلس الشعب.

أما من الناحية القومية فقد ضمت ابن الساحل علي ابن الجبل علي ابن
المدينة و هذا يعني توافق طائفي ممتاز و ذلك لتعدد الأديان و المذاهب
الموجودة في البلاد و كل هؤلاء يشكلون النسيج القومي للبلاد .

أما من الناحية الاجتماعية فبما أنها جمعت أشخاص من جميع ألوان
الطيف ...فهذا الآمر فتح المجال أمام المختلفين للتعارف وتبادل خواطر
بعضهم. ومن ثم تناقل ثقافات وعادات كل منهم إلى الأخر و بهذا كان للمته
فضل عظيم في تجانس أفراد المجتمع.

أما من الناحية العسكرية فقد استطاعت المته أن تصبر العسكر و أفراد
الأمن علي الجلوس لساعات طوال في مقر أعمالهم و إمدتهم بطولة الروح و
الصبر في ممارسة عملهم الذي يدور علي مدار الساعه في انتظار شيئا ما ان
يحدث ...عسي و لعل ان يحدث .
أما من الناحية الصحية فللمته فائدة عجيبة تشاطر فيها أو تزيد عنها
مرقة الفول و شباشيل الذرة .فكلاهم يبعث الدفء في امعاء الشارب وكلاهم مدرين
للبول و بمجرد شربك لهم فستكون من الأشخاص المتميزين في زيارة المراحيض
و قضاء جزء كبير من وقتك دون كلل أو ملل .

اما من الناحية الاقتصاديه ...فهم جدا زهيدين الثمن و قادر علي شراءهم
الفقير و الغني و هذا بحد ذاته يخلق شئ من المساواة و العدل في تقسيم
الناتج القومي للثروات . ويحقق تكافل اجتماعي بين الطبقات الاجتماعيه



و بهذا نجد أن للمته فضل كبير جدا في تعزيز الوحدة الوطنية و قد
أتتنا من حيث لا نحتسب و بدون أي خطابات سياسية ساخنة

??any one for " matteah

صحتين

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sweetbaby]

و الله طلع للمتة كل هالاد فوائد وانا ماني عرفانة

thanks

[Varon]

يا عيني على المتة والله شي مفيد....

[SABE]

متة
وينك يا أبو نهلا تجي تقرا هالموضوع ... و خصوصي إنك من المشجعين الأوائل للمتو .. أكيد رح تحبو
وصحتين و هنا

[Maher 4x4]

ع فكرة أنا بشك أنو المتة فيها كمان مواد مهدئة

لأ شو حشيش ما حشيش

لأ عنجد أنا أحياناً لما كون مزعوج بقوم بشرب متة بحس حالي هديت

[krimbow]

إني اعترض

المتة ما الها اي فائدة صحية على الاطلاق غير انو كترة شربها يؤدي إلى زيادة ادرار البول .. بس فنجان قهوة واحد بيخلينا " ندر " بول قد ابريقين متة . و كاسة بيرة كمان بتخلينا ندر بول اكتر من عشر اباريق متة

بعدين ممكن المتة انو تسبب " رمل " او بحصة بالكلي او المثانة
لأنو " مستوردي المتة " بيستوردوها بطريقة وسخة كتير

مرة واحد طالب سوري نشيط طلع يدرس باميركا و اخد معو كم كيس متة مشان "يقرقع هنيك" هوي و عم يدرس على صوت وديع الصافي ... المهم لقطوه بالمطار مفكرينو عم يهرب حشيش و بس بعدين طالعوه بعد ما اجا التحليل المخبري و كان مكتوب فيه : نبات عشبي لا ينفع و لا يضر ينفع علف للحيوان

بعدين بدال ما تعمل ديعاية لعلف حيوان شو رأيك تعمل ديعاية لليانسون ، الزهورات ، المليسة ، البابونج ، الزعتر ، الكمون و غيرو و غيرو و غيرو

و من اضرار المتة :

1 بتضيع وقت الطلاب النجيبين: ساعة برد المي ، ساعة فصلت المتة ، تلات ساعات لتنضيف الجوزة .... و ساعتين و نص روحة و جية ع الحمام مشان التفضاية

2 ازا كبيت المتة ( الفاصلة ) بالمجلى بتنصطم البلوعة تاني نهار و ما بينفع معها لا خضاضة و لا سريع و لا مريع
ما بينفع معها غير مسلك المجاري يللي بينعر منك سبعميت ليرة .. ليرة تنطح ليرة

و دمتم

[Maher 4x4]

كاتب النص الأصلي : krimbow

إني اعترض

المتة ما الها اي فائدة صحية على الاطلاق غير انو كترة شربها يؤدي إلى زيادة ادرار البول .. بس فنجان قهوة واحد بيخلينا " ندر " بول قد ابريقين متة . و كاسة بيرة كمان بتخلينا ندر بول اكتر من عشر اباريق متة

بعدين ممكن المتة انو تسبب " رمل " او بحصة بالكلي او المثانة
لأنو " مستوردي المتة " بيستوردوها بطريقة وسخة كتير

مرة واحد طالب سوري نشيط طلع يدرس باميركا و اخد معو كم كيس متة مشان "يقرقع هنيك" هوي و عم يدرس على صوت وديع الصافي ... المهم لقطوه بالمطار مفكرينو عم يهرب حشيش و بس بعدين طالعوه بعد ما اجا التحليل المخبري و كان مكتوب فيه : نبات عشبي لا ينفع و لا يضر ينفع علف للحيوان

بعدين بدال ما تعمل ديعاية لعلف حيوان شو رأيك تعمل ديعاية لليانسون ، الزهورات ، المليسة ، البابونج ، الزعتر ، الكمون و غيرو و غيرو و غيرو

و من اضرار المتة :

1 بتضيع وقت الطلاب النجيبين: ساعة برد المي ، ساعة فصلت المتة ، تلات ساعات لتنضيف الجوزة .... و ساعتين و نص روحة و جية ع الحمام مشان التفضاية

2 ازا كبيت المتة ( الفاصلة ) بالمجلى بتنصطم البلوعة تاني نهار و ما بينفع معها لا خضاضة و لا سريع و لا مريع
ما بينفع معها غير مسلك المجاري يللي بينعر منك سبعميت ليرة .. ليرة تنطح ليرة

و دمتم

هوي من دون شك البيرة غير شكل طبعاً كل شي ألو شي
القهوة بتدر البول !!!!!

المتة ألها كتير فوائد و منها أنو فيها بوتاسيوم و كالسيوم و فوسفور ..... الخ القائمة تطول !!

أما بالنسبة لقصة علف الحيوان فالقصة ما كانت عن المتة حبيبي كانت عن الملوخية

[krimbow]

كاتب النص الأصلي : Maher 4x4

المتة ألها كتير فوائد و منها أنو فيها بوتاسيوم و كالسيوم و فوسفور ..... الخ القائمة تطول !!

و الله يا معلم صرلي ساعة عم بحبش لحتى افهم الموضوع

و بدي اعتذر ازا عطيت رأيي بدون ما بحبش مزبوط ع الموضوع

عموما و بعد عزاب و شد حبال ... ساعة طلوع و ساعة نزول ... جبت امها و ابوها

خيو هي المتة فيها بوتاسيوم و منغنيز و مغنيزيوم و شغلة كمان اسمها "زانثينيس" ( xanthines)
هي الاخرانية بتشبه الكافيين .. يعني منبه

و حسب البحث يللي قريتو مختلفين كتير العلماء بخصوص المتة

بس حسب ما فهمت ( خوش ما بفهم بالطب كتير) انو المتة بترفع الضغط و كمان بتعمل خفقان بالقلب
و اختلفوا ع شغلتين ..
الاولى انو في ناس بيقولوا انو بتهدي الاعصاب : ناس قالوا بتهدي الانسجة العضلية الناعمة ( ما بعرف شو يعني بس هاد المصطلح المكتوب) و ناس قالوا انو تأثير هي الزانثينيس متل الكافيين يعني بتنبه الاعصاب و ما بتهديها

و الشغلة التانية يللي اختلفوا عليها ازا الها تأثيرات سرطانية :
ناس قالوا انو فيها عوامل مثبطة لسرطان التم و ناس قالوا انو بتعمل سرطان

عموما ازا بدكم تفوتوا بالحيط متلي فوتوا لهون ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و اخترت هالموقع بالزات لأنو خفت انو المواقع العربية يكون فيها تحيز لأنو ما شالله كل يللي كاتب عن الموضوع مواقع اهل الوادي و القلمون و جبل العرب .... يعني بيعملوا انقلاب ازا ما شربوا متة
اما هاد الموقع ... حيادي نوعا ما

و شغلة اخيرة ... مشان ما حدا يفهمني غلط .. انا شريب متة و مدخن و بشرب كحول يعني ما بتفرق معي الفوايد الطبية و المابعرف شو .... و بالاخوية بحشش
هوي عمر رح نعيشو

انا كان اعتراضي ع الفوايد السياسية و العسكرية

و دمتم

[Maher 4x4]

انا كان اعتراضي ع الفوايد السياسية و العسكرية

أنا ألي أعتراض ع الملوخية

[sweetbaby]

كاتب النص الأصلي : Maher 4x4

أنا ألي أعتراض ع الملوخية

و انا كمان اعترض ع الملوخية:mrgree n:

[Maher 4x4]

كاتب النص الأصلي : sweetbaby

و انا كمان اعترض ع الملوخية:mrgree n:

أنو لعما كيف بياكلوها هي