القتل الرحيم

[butterfly]

بس انا الي وجهة نظر تانية بالموضوع انو مو المهم نعيش...... المهم كيف نعيش...... واذا حاسين بالانسانية بحياتنا(وقبل ماتعلقي على كلمة الانسانية مو قصدي انو الانسان المريض او المعاق لازم نحنا ننظرو انو قليل انسانية بس انا عن حالي طالما انا حاليا طبيعية وقادرة عالعطاء والحياة الطبيعية واذا بعدين بمرض وبعجز انا احساسي بنفسي رح يصير انو انسرقت الانسانية مني...... يعني انو هون الانسانية قصدي فيها احساس هالانسان بنفسو ومو نظرة المجتمع الو)

ما في أنسان بيخسر أنسانيتو ... ممكن تصبح أنسانيتو مجروحة ... أنت مانك مهمة عقد مانك منتجة ... أنت مهمة لأنسانيتك ... مهما كان عطائك .... ليش منفترض أنو لازم نكون كاملين ... نحنا مرضى ومتألمين ... كلنا ... بس بدرجات ... الأشخاص اللي متلنا ( بقوتنا قصدي ) لازم يكون ألمون محفز للأخرين وحتى موتن ...

اما منشان سؤالك انو قدي احتمالية المريض يعيش؟؟ اكيد حسب مرضو ولاي درجة واصل المرض ومتفشي بجسمو...... وبرجع بقول انو اذا بتشوفي الموت الرحيم من وجهة نظر تانية بتشوفي انو قديش وفرتي عذاب عالمريض بدل ماتشوفي انو قديش نقصتي من عمرو اللي بالاصل مانو عايشو بشكل ممكن يرضيه

مين عايش عمرو بطريقةترضيو ؟؟؟ بس هادا ما بيبرر الأنتحار ؟؟ عهالحالة اللقيط يموت والمتشرد والمعاق ...... والكهل ؟؟؟؟ إذا في احتمال ولو واحد بالميةأنو المريض ما يموت ... أويعيش خبرةحلوة
قبلةحب ... احتضان حنان ... ما بيحقلي أحرمو منون

[hanny dagher]

كاتب النص الأصلي : امرأة من ورق

اكيد مابعرف عالاكيد اي رح يصير اول موت المريض بشكل طبيعي او انتاج الدوا...... بس بالاحتمالات فيي قول انو بكتير حالات رح يصير موت المريض اول
وكمان انو بدك تفكر انو بين ماصار الدواء عم تكون حالة المريض عالاغلب عم تسوء يوم عن يوم والمرض عم يستفحل ويقوى يعني اذا كانت حالتو اليوم بتسمح بالعلاج (وفقا لهاد الدوا المنتظر)بعد فترة حتى لو انتجو الدوا الاحتمال الاكبر انو ماعاد ينفع..... يعني بظن انو اغلب الادوية ومهما كانت قوية ممكن تعالج المرض لحد مرحلة معينة وبعدها مارح يضل اي علاج ينفع يعني بنكون طولنا حياة العذاب اللي عايشها هالانسان ومشي حال انتاج الدوا بس مامشي حال العلاج عليه

هلأ هون في عندي تعليق

انو قلتي بالاحتمالات طالما دخلتي بالاحتمالات معناتا في عندك احتمالين او اكتر رح اعتبر انو في احتمالين بس

اول احتمال انو يموت المريض وما يكونو اسا اكتشفو دوا
تاني احتمال انو يكتشفو الدوا قبل ما يموت المريض

(ملاحظة صغيرة بس كلمة اكتشفو دوا يعني الدوا صار جاهز للاستعمال يعني بعد كل التجارب والخ الخ الخ )

طيب انتي ومن موقع طبيب ومن موقع اهل مريض بتقدري تحددي مريضك لاي احتمال ينتمي
ومن موقع مريض (بعيد الشر عن قلبك اكيد ) بتقدري تحددي لاي احتمال بتنتمي

انا بقلك مستحيل لانو ما في شي مؤكد بجوز تقليلي انو اي اذا كان باقيلي اسبوع او شهر واسا ما كان في فكرة لدوا

برجع بسالك سؤال تاني انو انتي ضامنة حالك انو تعيشي بس اسبوع بس شهر بس سنة

بتقليلي اي بيكون واصل معي المرض لدرجة عظمى طيب هل بتضمني انو هالدوا او هالطريقة اللي عم يعالجوكي فيها ما تقدر تخفف ولو بشي بسيط من هالمرض او انو تردو لمرحلة قبل تقدري تعيشي بهالمرحلة لبين ما يكتشفو الدوا اللي بيخلصك من المرض بشكل جزري هل بتضمني انو مثلا (على قولة مرسيل يمكن ما بقى اذكر ) انو ما يكون في دكاترة جديدة في خبرات جديدة تقدر تخففلك من مرضك بشكل بسيط الى ان ...............

يعني خلينا ناخدا بشكل عام انو ما فينا نجي نوزع هالمرضى اللي مصابين بامراض مستعصية ما الها دوا على هالاحتمالين اللي ذكرتن فوق
يعني ما فينا نقول هادا وهادا وهادا على الاحتمال الاول يعني موتون موت رحيم
وهادا وهادا وهادا على الاحتمال التاني يعني خلون بدنا نعالجن

كلن لازم ياخدو فرصة متساوية ما لازم تحددي ايمت نهاية حياتو

هادا كان رد على رد امراة من ورق بردي الجاي رح حاول لخص الموضوع بشكل مبسط من وجهة نظري انا وكيف شفت الموضوع لاني حسيت في ريحة تناقضات بالحكي


حياكون

[hanny dagher]

يلعما طلعو عيوني بالعرض وانا عم اقرا الردود 55 دقيقة مبحلق بالكمبيوتر عم اقرا
انو ليش بتطولو الردود تبعيتكن

اي بداية يحضرني قول الشاعر العربي الكبير
خلص بلا بياخة
بدي اشكر الكل على النقاش المنطقي وكتنويه مبدئي انا مستعد شارك بالحوار اللي رح يصير بالصوتي بس اعلموني بالوقت لشوف اذا بقدر كون اون لاين

هلأ رح اعمل هيك تلخيص سريع للموضوع بعد ما قريت كل الردود ورح حاول وضح ريحة التناقضات اللي قريتا ببعض الردود (ما رح اقدر اقتبس الردود بس اكيد كل واحد بيعرف حالو شو رادد )

انطرح الموضوع على اساس انسان يعاني من مرض مستعصي وما امكانية تطبيق الموت الرحيم علي
هل كان من الاسباب المطروحة انو الالم اللي بيعاني في المريض واللي ممكن يصير غير محمول لدرجة انو الواحد يصير يتمنى الموت بالاضافة كعامل ثانوي هوي العملة او انو المريض ممكن يشوف
اهلو عم يدفعو مصاري كتير ممكن يتمنى الموت مشان يريح عيلتو من اعباء مالية وفي سبب تالت انطرح رح خلي رح احكي في باخر الحديث

هلأ اول ما انطلق الموضوع انطلق انو يصير الموت الرحيم بدون اخد راي صاحب العلاقة اللي هوي المريض طبعا بعد فترة كل اللي كانو مع الموت الرحيم انو اتجهو انو لاء لازم ناخد راي صاحب العلاقة يعني ما نجي نحنا نقرر منا لحالنا لاء هوي لازم يكون موافق كمان
بالمثال اللي طرحو doh84 كان المريض بحالة سبات يعني ما كان قادر ياخد اي قرار وبالتالي اللي قرر هوي العيلة (طبعا بغض النظر ان كان السبب هوي انو شوفة هالشب عم تسبب الم للعائلة او لاء او انو عم تكلفن مصاري عالفاضي من وجهة نظرن ) طبعا بهالمثل هادا تناقضت الفكرة الاولانية اللي قالو عنها الموافقين على فكرة الموت الرحيم واللي هوي موافقة المريض مع انو معظم الردود كانت داعمة لهالمثال

من نقطة تانية بالنسبة لحكي اسير التشرد (تعي لاقي بقى )

هلأ المريض بدو يموت ليرتاح من الآلم والمعاناة اللي عليه وع أهلو ... وطبعاً الحالة ميؤسة منو بمئة بالمئة بنرجع على خيار المريض ... المريض هو مالك الخيار وهو حر باختيارو ...
لانو اراد الموت والطبيب رفض ... هون رح تهتز ثقة المريض بالطبيب وبدل ما يكون الطبيب معالج ومزيل لآلمو بصير جلاد متوحش عم يزيد من معاناة بوسائل داعمة للبقاء ...
برأيي انو لازم تكون الثقة موجودة بين المريض والطبيب وتكون قوية وانو المريض يكون بصورة علاجو والوسائل المستخدمة ببقائو ...وانو يكون هالمريض ع ثقة من انو ماحدا رح يصادر قرارو ...
الحياة مقدسة بمعنها الاسمى لما بتكون ممزوجة بالكرامة والحرية ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها...
هلأ رح تتعجبو منو كيف انا عم احكي هيك وانا ماني مع فكرة الموت الرحيم !!


هلأ بغض النظر عن كلمة انسانية الحياة الانسانية اللي انا ما فهمت شو معناتها كمان

رح ناقش فكرة الثقة بين المريض والطبيب
اولا لو ما في ثقة بين المريض والطبيب وخاصة بحالة الامراض المستعصية ما كان بيضل عم يتعالج على ايدي
ثانيا لما المريض بدو يوثق بالطبيب بدو يعرف انو كل شي عم يعملو هالطبيب لصالحو والطبيب مستحيل يعمل شي مو لصالح المريض لانو متل ما قال اسير انو بتصير عندو هاي متل معركة مو مستعد يخسرا
ثالثا انا مع الصراحة بين المريض والطبيب من ناحية تقدم المرض من ناحية الدواء وتاثيراتو والخ الخ
لانو هالصراحة بتزيد من الثقة (مع بعض الاستثناءات رح احكي عليها برابعا)
رابعا واهم الشي لما المريض بدو يقول للطبيب انو يموت موت رحيم والطبيب رح يستجيب لطلبو فهون بيستحق الواحد يوقف انا ضد هالشغلة يعني انا مع انو الطبيب ما يستسلم للياس متل المريض بالعكس الطبيب لازم يكون عندو دائما امل بشفاء المريض ولازم يحاول بكل الوسائل الممكنة انو يزرع الامل بهالمريض هون بتجي الاستثناءات لما الطبيب بيحس انو المريض بلش يفقد الامل وبلش يفكر بالموت الرحيم انا ضد انو يصارحو بكل شي بقى

بالنسبة للانسانية منجيلا بعدين


نقطة تانية انو المريض يطلب الموت لانو شايف انو عيلتو عم تصرف مصاري مع انو ما حيلتها الفتيلة بعتقد حكيت بهالنقطة قبل ورح ارجع احكيها

ما في عيلة بتتمنى تخسر واحد من افرادها وما في عيلة ما مستعدة تضحي باي شي مشان تحافظ على حياة الشخص المريض اللي موجود حتى لو مضطرة تبيع كل شي حتى لو مضطرة تدين حتى لو شو ما كان انا باكدلكن انو مستعدة تعمل اي شي بس ينشفى المريض اللي عندا

كمثال على ذلك من حياتي انا

عمو لبيي انصاب بسرطان الرئة (بسبب التدخين مشان اللي بيدخنو ) ابنو عم يشتغل شغل بسيط يعني عندو سيارة بيوزع فيها بيض على المحلات بالضيعة وباللي حواليها ويا دوب معيش عيلتو لما بيمرض بيو بيضطر ياخدو على الشام كل فترة مشان يعطي ابر بتكلف الابرة 3000 ليرة
اضافة لاسطوانات الاكسجين اللي كان يجيبها واللي بتكلف الشيء الفلاني
كان البي (الوالد يعني ) على طول يدعي انو الله يموتو مشان يرتاح ومشان يريح هالعالم معو
انا لهلأ بتزكر انو ابنو كان على طول يهدي ويقلو انو الله يخليلنا ياك ويطوللنا بعمرك وانو مستعد ساوي كل شي ومستعد ضحي بكل شي بس انتي تضل بيناتنا ومن هالحكي انو كان يعطي امل بحالو انو هوي اسا موجود وانو هني بدن يا موجود وبتحسو بعد هالحكي يرتاح شوي وينسى موضوع الموت وهيك وضل على هالحالة لحتى مات موت طبيعي
يعني بالنتيجة وبعد كل هالحكي اللي فوق ما في عيلة بتبخل على بعضا بشي واكيد بس واحد يحتاج شغلة بيكونو مستعدين يقدمولو ياها
يعني منلغي عامل العملة من هالناحية هاي


بجي هلأ لعامل الانسانية من بين الردود لامراة من ورق وباكتر من رد جابت سيرة انو انا بس امرض بخسر انسانيتي ومو مقصود بانسانتي نظرة المجتمع الي بل نظرتي لنفسي انو انا كنت اعمل شي يفيد المجتمع وبعدين بس امرض بصير عالة على المجتمع واللي اعتمدت عليها اكتر شي لتقنع بفكرة الموت الرحيم

طيب انا هون بدي اسال امراة من ورق سؤال خلينا نقول انو انتي الله يطول بعمرك وصلتي لعمر التمانين سنة وبهالعمر هادا تقلت حركتك ومعد تقدري تتحركي يعني مثلا تلقحتي صار بدك حدا يقومك حدا يلبسك الجرابات لانو معد تقدري توطي بدك حدا يروح يجبلك كاسة مية لانو صعبة عليكي المشي للمطبخ مثلا بالاضافة انو ما عم تشتغلي شي تفيدي المجتمع بالاضافة انو ما في امراض مستعصية ما في الام ما في شي ابدا يعني حالة شيخوخة طبيعية

السؤال هون انتي فقدتي انسانيتك او لاء ؟ اذا كانت متعلقة شغلة الانسانية بهالشغلات اللي ذكرتين واللي بينفقدو بحالة المرض هاي كمان بحالة الشيخوخة بينفقدو

هل هادا معناتا انو انتي بحالة الشيخوخة كمان بتستحقي الموت الرحيم هل هادا معناتو انو كل ختيار ما عندو قدرة يتحرك لانو ختيار بيستحق الموت الرحيم



هادا كان ملخص للموضوع من وجهة نظري بتمنى ما كون طولت عليكن (قال ما طولت قال )


كلمة اخيرة لابو طريق وامراة من ورق مشان موضوع الطبيعة والانسان انا مهتم كتير بهالموضوع وبحب اسمع الاراء اللي رح تنطرح نسقو بينكن ونزلو الموضوع وانشالله ما حدا من هالشعب اللي ما بيفهم يشارك واذا شارك التيتة مجود موجودة وهيي بتيك كير اوف هيم

وحياكون

[hanny dagher]

ما حدا يسالني ليش غير لون الخط معي ما بعرف هيك طلع لحالو

حشش الموقع

وينك يا نيرفانا

[امرأة من ورق]

كاتب النص الأصلي : butterfly

ما في أنسان بيخسر أنسانيتو ... ممكن تصبح أنسانيتو مجروحة ... أنت مانك مهمة عقد مانك منتجة ... أنت مهمة لأنسانيتك ... مهما كان عطائك .... ليش منفترض أنو لازم نكون كاملين ... نحنا مرضى ومتألمين ... كلنا ... بس بدرجات ... الأشخاص اللي متلنا ( بقوتنا قصدي ) لازم يكون ألمون محفز للأخرين وحتى موتن ...

اكتشفت اني كتير ضعيفة بالتعبير عن فكرتي
ميمو انا مو قاصدة ابدا انو الانسان بتتحدد انسانيتو بالعطاء ...... بس قصدي انو انعدام (ولاحظي كلمة انعدام) قدرتو عالعطاء رح يعطيه هوي وهوي وبس احساس انو خسر جزء كبير من انسانيتو واذا حابة تسميها جرح لانسانيتو اوكي.... هيي جرح لانسانيتو بس جرح لايندمل وجرح اكبر ممافينا حتى نتخيلو
واكيد كمان ماعم قول انو الانسان لازم يكون كامل كلنا ناقصين صح هالحكي بس ناقصين بدرجات لما بتوصل الدرجة لحد كتير كبير انو نحس انو ناقصين تقريبا بكل شي عن جد رح نحس وقتها بفقدان الانسانية
وكمان ماعم قول انو نحنا لازم نكون حافز للاخرين للموت او الالم بالعكس لازم نضل لاخر لحظة عم نعطيون الثقة والدافع للاستمرار بس هالشي بيكون مستحيل احيانا

مين عايش عمرو بطريقةترضيو ؟؟؟ بس هادا ما بيبرر الأنتحار ؟؟ عهالحالة اللقيط يموت والمتشرد والمعاق ...... والكهل ؟؟؟؟ إذا في احتمال ولو واحد بالميةأنو المريض ما يموت ... أويعيش خبرةحلوة
قبلةحب ... احتضان حنان ... ما بيحقلي أحرمو منون

ماحدا عايش عمرو بطريقة بترضيه وكلنا بنحس بالنقص بكتير حالات بس دايما عنا شي يغطي هالنقص...... يعني بلحظة بنفشل بالعمل مثلا بيطلع عنا نجاح بشي تاني بيغطي عليه اما المريض اللي عجز تماما ماضل عندو اي شي يغطي عالنقص تبعو
اما عن حالة اللقيط او المتشرد او المعاق بيضل عندون امل كبير انو ممكن يصير شي يغير الحياة اللي عايشينها وكمان وباسوء الحالات عندون نقص باشياء بس عندون اشياء تانية ممكن تعوض عنها ومنشان العجوز رح احكي بالرد على هاني

ومنشان قبلة الحب واحتضان الحنان...... هلأ يمكن انا انسانة معقدة وعندي عزة نفس زايدة عن اللزوم...... بس لما بكون بحالة عجز كامل وبيجي حدا بيعاملني هيك حتى لو هوي بالفعل قاصد بس الحب والحنان انا رح حسها انو هي قبلة واحتضان عطف يعني مابظن اني رح حس فيها باي متعة او راحة

[امرأة من ورق]

كاتب النص الأصلي : hanny dagher

هلأ هون في عندي تعليق

انو قلتي بالاحتمالات طالما دخلتي بالاحتمالات معناتا في عندك احتمالين او اكتر رح اعتبر انو في احتمالين بس

اول احتمال انو يموت المريض وما يكونو اسا اكتشفو دوا
تاني احتمال انو يكتشفو الدوا قبل ما يموت المريض

(ملاحظة صغيرة بس كلمة اكتشفو دوا يعني الدوا صار جاهز للاستعمال يعني بعد كل التجارب والخ الخ الخ )

طيب انتي ومن موقع طبيب ومن موقع اهل مريض بتقدري تحددي مريضك لاي احتمال ينتمي
ومن موقع مريض (بعيد الشر عن قلبك اكيد ) بتقدري تحددي لاي احتمال بتنتمي

انا بقلك مستحيل لانو ما في شي مؤكد بجوز تقليلي انو اي اذا كان باقيلي اسبوع او شهر واسا ما كان في فكرة لدوا

برجع بسالك سؤال تاني انو انتي ضامنة حالك انو تعيشي بس اسبوع بس شهر بس سنة

بتقليلي اي بيكون واصل معي المرض لدرجة عظمى طيب هل بتضمني انو هالدوا او هالطريقة اللي عم يعالجوكي فيها ما تقدر تخفف ولو بشي بسيط من هالمرض او انو تردو لمرحلة قبل تقدري تعيشي بهالمرحلة لبين ما يكتشفو الدوا اللي بيخلصك من المرض بشكل جزري هل بتضمني انو مثلا (على قولة مرسيل يمكن ما بقى اذكر ) انو ما يكون في دكاترة جديدة في خبرات جديدة تقدر تخففلك من مرضك بشكل بسيط الى ان ...............

يعني خلينا ناخدا بشكل عام انو ما فينا نجي نوزع هالمرضى اللي مصابين بامراض مستعصية ما الها دوا على هالاحتمالين اللي ذكرتن فوق
يعني ما فينا نقول هادا وهادا وهادا على الاحتمال الاول يعني موتون موت رحيم
وهادا وهادا وهادا على الاحتمال التاني يعني خلون بدنا نعالجن

كلن لازم ياخدو فرصة متساوية ما لازم تحددي ايمت نهاية حياتو

هادا كان رد على رد امراة من ورق بردي الجاي رح حاول لخص الموضوع بشكل مبسط من وجهة نظري انا وكيف شفت الموضوع لاني حسيت في ريحة تناقضات بالحكي


حياكون

تعليق صغير على قصة الاحتمالات
نحنا لحد الآن عم نحكي حكي افتراضي لاقصى الدرجات وعاطفي لدرجة قصوى كمان
هلأ للاسف مافينا نجيب احصائيات او ارقام واضحة لانو غالبا الموت الرحيم عم يصير بطريقة غير شرعية وغير معلنة
بس فكر معي شوي انو لحد الآن كل او اغلب اللي تطبق عليون الموت الرحيم بسبب امراض مستعصية شو صار جايي اي دواء لاي شي من هي الامراض المستعصية؟؟؟ وبالتالي لو ماماتو موت رحيم كانو تعالجو او لأ؟؟؟ بظن انو لحد الآن ماسمعنا انو نزل عالصيدليات والمشافي اي دواء للامراض المستعصية المعروفة واللي عم تقتل هالمرضى
بظن هيك بكون وضحت انو الاحتمالات اللي عم نحكي عنها قديشها صغيرة

[Abu ToNi]

كاتب النص الأصلي : ري مي

طيب وشو عرفك انها نفس بريئة
عم امزح
انا بالنسبة الي مالي قلب خلصه من العذاب بايدي لاني رح ضل اتعذب بقية عمري

بس بعتقد ان منظر شخص عبيتعذب قدامك ومانك قادرة تساعديه ابشع بكتير من تانيب الضمير

لانه بالآخر انت مقتنعة ان الشخص القاعد قدامك عبيتعذب على الفاضي ونهايته الموت بدون أدنى شك بهاي الحالة بفضل اني اقطع عنه الأوكسجين بايدي احسن ما تبقى صورته وهو معذب مطبوعة بذاكرتي إلى ابد الآبدين

[امرأة من ورق]

كاتب النص الأصلي : hanny dagher

هلأ اول ما انطلق الموضوع انطلق انو يصير الموت الرحيم بدون اخد راي صاحب العلاقة اللي هوي المريض طبعا بعد فترة كل اللي كانو مع الموت الرحيم انو اتجهو انو لاء لازم ناخد راي صاحب العلاقة يعني ما نجي نحنا نقرر منا لحالنا لاء هوي لازم يكون موافق كمان
بالمثال اللي طرحو doh84 كان المريض بحالة سبات يعني ما كان قادر ياخد اي قرار وبالتالي اللي قرر هوي العيلة (طبعا بغض النظر ان كان السبب هوي انو شوفة هالشب عم تسبب الم للعائلة او لاء او انو عم تكلفن مصاري عالفاضي من وجهة نظرن ) طبعا بهالمثل هادا تناقضت الفكرة الاولانية اللي قالو عنها الموافقين على فكرة الموت الرحيم واللي هوي موافقة المريض مع انو معظم الردود كانت داعمة لهالمثال

اهلين هاني
هلأ ظاهريا يمكن تشوف تناقض بين فكرة موافقة المريض وبين المثل اللي عطاه doh84 بس انتبه منيح انو بهاد المثل الشخص كان ميت وماكانو الاهل ناطرين انو يلتقى علاج او اي شي بس ببساطة كانو تاركينو جثة عم تتنفس بس فعليا هوي جثة غير قابلة للتحسن يعني مستحيل يكون في اي مجال للتحسن وكمان مافي اي شي من ظواهر الحياة بس تنفس واعضاء عم تشتغل عالاجهزة

هلأ بغض النظر عن كلمة انسانية الحياة الانسانية اللي انا ما فهمت شو معناتها كمان

رح ناقش فكرة الثقة بين المريض والطبيب
اولا لو ما في ثقة بين المريض والطبيب وخاصة بحالة الامراض المستعصية ما كان بيضل عم يتعالج على ايدي
ثانيا لما المريض بدو يوثق بالطبيب بدو يعرف انو كل شي عم يعملو هالطبيب لصالحو والطبيب مستحيل يعمل شي مو لصالح المريض لانو متل ما قال اسير انو بتصير عندو هاي متل معركة مو مستعد يخسرا
ثالثا انا مع الصراحة بين المريض والطبيب من ناحية تقدم المرض من ناحية الدواء وتاثيراتو والخ الخ
لانو هالصراحة بتزيد من الثقة (مع بعض الاستثناءات رح احكي عليها برابعا)
رابعا واهم الشي لما المريض بدو يقول للطبيب انو يموت موت رحيم والطبيب رح يستجيب لطلبو فهون بيستحق الواحد يوقف انا ضد هالشغلة يعني انا مع انو الطبيب ما يستسلم للياس متل المريض بالعكس الطبيب لازم يكون عندو دائما امل بشفاء المريض ولازم يحاول بكل الوسائل الممكنة انو يزرع الامل بهالمريض هون بتجي الاستثناءات لما الطبيب بيحس انو المريض بلش يفقد الامل وبلش يفكر بالموت الرحيم انا ضد انو يصارحو بكل شي بقى

منشان فكرة انسانية الحياة الانسانية سبق وشرحتها برد من ردودي على محمد متل ماانا فهمتها بس مابعرف عالاكيد اذا هاد المعنى اللي قاصدو اسير او لأ

ومنشان الثقة بين المريض والطبيب...... هلأ بغض النظر عن انو الطبيب صارح مريض بالوضع الاكيد او لأ المريض قادر يحس انو عم يتحسن وضعو الصحي او ثابت عند حد معين او عم يسوء يعني المصارحة او عدمها ممكن تزيد يأسو او تخففو شي بسيط كتير بس مارح تمنع يأسو عالاخير

بالاضافة انو برأيي الطبيب اكتر شخص ممكن يحس باليأس من حالة مريض لانو يفترض يكون مطلع تماما عالوضع وفاهمو وكمان لازم يكون مطلع على التطور بالعلاج وبالتالي اكتر شخص رح يعرف انو شو ممكن يكون مستقبل هالمريض بالاضافة لانو الطبيب على عكسنا بيكون المريض عندو اقرب مايكون لحالة منو لشخص يعني رأيو فيه درجة عقلانية اكتر من المريض نفسو او اهلو.......بس بظن انو مو سهل انو يضل عندو امل وماييأس متل ماانتو عم تفترضو انو الطبيب بيفوت بصراع مع المرض وبس....... وبعد هاد ممكن يصارح المريض باليأس اللي عندو او لأ

نقطة تانية انو المريض يطلب الموت لانو شايف انو عيلتو عم تصرف مصاري مع انو ما حيلتها الفتيلة بعتقد حكيت بهالنقطة قبل ورح ارجع احكيها

ما في عيلة بتتمنى تخسر واحد من افرادها وما في عيلة ما مستعدة تضحي باي شي مشان تحافظ على حياة الشخص المريض اللي موجود حتى لو مضطرة تبيع كل شي حتى لو مضطرة تدين حتى لو شو ما كان انا باكدلكن انو مستعدة تعمل اي شي بس ينشفى المريض اللي عندا

كمثال على ذلك من حياتي انا

عمو لبيي انصاب بسرطان الرئة (بسبب التدخين مشان اللي بيدخنو ) ابنو عم يشتغل شغل بسيط يعني عندو سيارة بيوزع فيها بيض على المحلات بالضيعة وباللي حواليها ويا دوب معيش عيلتو لما بيمرض بيو بيضطر ياخدو على الشام كل فترة مشان يعطي ابر بتكلف الابرة 3000 ليرة
اضافة لاسطوانات الاكسجين اللي كان يجيبها واللي بتكلف الشيء الفلاني
كان البي (الوالد يعني ) على طول يدعي انو الله يموتو مشان يرتاح ومشان يريح هالعالم معو
انا لهلأ بتزكر انو ابنو كان على طول يهدي ويقلو انو الله يخليلنا ياك ويطوللنا بعمرك وانو مستعد ساوي كل شي ومستعد ضحي بكل شي بس انتي تضل بيناتنا ومن هالحكي انو كان يعطي امل بحالو انو هوي اسا موجود وانو هني بدن يا موجود وبتحسو بعد هالحكي يرتاح شوي وينسى موضوع الموت وهيك وضل على هالحالة لحتى مات موت طبيعي
يعني بالنتيجة وبعد كل هالحكي اللي فوق ما في عيلة بتبخل على بعضا بشي واكيد بس واحد يحتاج شغلة بيكونو مستعدين يقدمولو ياها
يعني منلغي عامل العملة من هالناحية هاي

كمان مرة مافهمتو عليي شو قصدي
انا ماقلت انو ممكن اي عيلة تتخلى عن شخص بالعيلة كرمال المصاري
انا قلت انو العامل المادي رح يسبب ضغط اضافي عالمريض نفسو ويخليه يحس باليأس اكتر ويصر اكتر عالموت الرحيم وركزولي انو بكل الكلام اللي عم قولو عالمصاري عم استعمل كلمةاكتر لانو المادة لحالها مستحيل تكون عامل بس هيي عامل اضافي بيجي بعد العوامل التانية كلها...... يعني لما بيكون الشخص مقرر الموت الرحيم المادة بتعطيه دافع اضافي لهلشي بس المادة بحد ذاتها مانها عامل يعني مافينا نحكي عن المادة والموت الرحيم لحالون بس كمان مافينا نلغيها عالاخير

بجي هلأ لعامل الانسانية من بين الردود لامراة من ورق وباكتر من رد جابت سيرة انو انا بس امرض بخسر انسانيتي ومو مقصود بانسانتي نظرة المجتمع الي بل نظرتي لنفسي انو انا كنت اعمل شي يفيد المجتمع وبعدين بس امرض بصير عالة على المجتمع واللي اعتمدت عليها اكتر شي لتقنع بفكرة الموت الرحيم

طيب انا هون بدي اسال امراة من ورق سؤال خلينا نقول انو انتي الله يطول بعمرك وصلتي لعمر التمانين سنة وبهالعمر هادا تقلت حركتك ومعد تقدري تتحركي يعني مثلا تلقحتي صار بدك حدا يقومك حدا يلبسك الجرابات لانو معد تقدري توطي بدك حدا يروح يجبلك كاسة مية لانو صعبة عليكي المشي للمطبخ مثلا بالاضافة انو ما عم تشتغلي شي تفيدي المجتمع بالاضافة انو ما في امراض مستعصية ما في الام ما في شي ابدا يعني حالة شيخوخة طبيعية

السؤال هون انتي فقدتي انسانيتك او لاء ؟ اذا كانت متعلقة شغلة الانسانية بهالشغلات اللي ذكرتين واللي بينفقدو بحالة المرض هاي كمان بحالة الشيخوخة بينفقدو

هل هادا معناتا انو انتي بحالة الشيخوخة كمان بتستحقي الموت الرحيم هل هادا معناتو انو كل ختيار ما عندو قدرة يتحرك لانو ختيار بيستحق الموت الرحيم

الشيخوخة موضوع مختلف تماما..... ليش؟؟
لانو بس كون وصلت للشيخوخة بكون عارفة اني عشت بالقليلة 30 سنة على رأس عمل وقدمت فيها الشئ اللي مانو قليل للمجتمع طبعا طالما كنت عم اشتغل بارادة وحاسة بواجبي خلال فترة العمل...... وكمان يفترض كون انجبت اطفال وربيتهن وهي كمان انتاج مانو قليل...... يعني اني بحس اني قدمت شي مهم نوعا ما خلال حياتي ووصلت لمرحلة صار بيحقلي فيها كون مرتاحة من الواجبات شوي
وكمان انو الشيخوخة شغلة طبيعيا ومتوقعة لكل شخص وبتجي بشكل كتير تدريجي يعني من لما الشخص بيصير عمرو اربعين خمسين سنة بيبلش يحس فيها شوي شوي وبيتحضر الها نفسيا
بينما المرض بيجي غالبا كحالة مفاجأة شوي يعني ممكن كتير خلال اشهر او سنة تحس انك فقدت كل قوتك وكل عطاءك .......ورح يمنعك بالاغلب من ممارسة الانتاج وانت بعمر كتير ممكن تكون فيه باوج العطاء لولا المرض ويمكن يحرمك من اي انتاج اذا اجى بعمر مبكر شوي..... يعني وقتها بتحس بالعجز مو بس انو فترة اجتك ولازم ترتاح فيها من العطاء اللي اعطيتو
طبعا كل هالحكي عن الشيخوخة اذا سببت العجز ومو بالضرورة تسبب العجز يعني في ناس وجدي واحد منون عاشو للمية سنة وماتو بدون مايعيشو عجز وكان جدو لقبل وفاتو باسبوع يطلع عالحقلة ويشتغل

هادا كان ملخص للموضوع من وجهة نظري بتمنى ما كون طولت عليكن (قال ما طولت قال )

هوي للي طولت طولت بس فيه فائدة

كلمة اخيرة لابو طريق وامراة من ورق مشان موضوع الطبيعة والانسان انا مهتم كتير بهالموضوع وبحب اسمع الاراء اللي رح تنطرح نسقو بينكن ونزلو الموضوع وانشالله ما حدا من هالشعب اللي ما بيفهم يشارك واذا شارك التيتة مجود موجودة وهيي بتيك كير اوف هيم

وحياكون

طيب انت تيك كير اوف ايت ونزل الموضوع لنبلش النقاش

ومية هلا

 
ما حدا يسالني ليش غير لون الخط معي ما بعرف هيك طلع لحالو :???: 

حشش الموقع :pos: 

وينك يا نيرفانا :cry:

هلأ الاخوية بتحشش احيانا
بس كمان هاني مابيقصر

وعن جد وينها نيرفانا

[moh84]

كاتب النص الأصلي : hanny dagher

هلأ هون في عندي تعليق

انو قلتي بالاحتمالات طالما دخلتي بالاحتمالات معناتا في عندك احتمالين او اكتر رح اعتبر انو في احتمالين بس

اول احتمال انو يموت المريض وما يكونو اسا اكتشفو دوا
تاني احتمال انو يكتشفو الدوا قبل ما يموت المريض

(ملاحظة صغيرة بس كلمة اكتشفو دوا يعني الدوا صار جاهز للاستعمال يعني بعد كل التجارب والخ الخ الخ )

طيب انتي ومن موقع طبيب ومن موقع اهل مريض بتقدري تحددي مريضك لاي احتمال ينتمي
ومن موقع مريض (بعيد الشر عن قلبك اكيد ) بتقدري تحددي لاي احتمال بتنتمي

انا بقلك مستحيل لانو ما في شي مؤكد بجوز تقليلي انو اي اذا كان باقيلي اسبوع او شهر واسا ما كان في فكرة لدوا

برجع بسالك سؤال تاني انو انتي ضامنة حالك انو تعيشي بس اسبوع بس شهر بس سنة

بتقليلي اي بيكون واصل معي المرض لدرجة عظمى طيب هل بتضمني انو هالدوا او هالطريقة اللي عم يعالجوكي فيها ما تقدر تخفف ولو بشي بسيط من هالمرض او انو تردو لمرحلة قبل تقدري تعيشي بهالمرحلة لبين ما يكتشفو الدوا اللي بيخلصك من المرض بشكل جزري هل بتضمني انو مثلا (على قولة مرسيل يمكن ما بقى اذكر ) انو ما يكون في دكاترة جديدة في خبرات جديدة تقدر تخففلك من مرضك بشكل بسيط الى ان ...............

يعني خلينا ناخدا بشكل عام انو ما فينا نجي نوزع هالمرضى اللي مصابين بامراض مستعصية ما الها دوا على هالاحتمالين اللي ذكرتن فوق
يعني ما فينا نقول هادا وهادا وهادا على الاحتمال الاول يعني موتون موت رحيم
وهادا وهادا وهادا على الاحتمال التاني يعني خلون بدنا نعالجن

كلن لازم ياخدو فرصة متساوية ما لازم تحددي ايمت نهاية حياتو

هادا كان رد على رد امراة من ورق بردي الجاي رح حاول لخص الموضوع بشكل مبسط من وجهة نظري انا وكيف شفت الموضوع لاني حسيت في ريحة تناقضات بالحكي


حياكون

كلام معقول

[امرأة من ورق]

كاتب النص الأصلي : gabriel

بس بعتقد ان منظر شخص عبيتعذب قدامك ومانك قادرة تساعديه ابشع بكتير من تانيب الضمير

لانه بالآخر انت مقتنعة ان الشخص القاعد قدامك عبيتعذب على الفاضي ونهايته الموت بدون أدنى شك بهاي الحالة بفضل اني اقطع عنه الأوكسجين بايدي احسن ما تبقى صورته وهو معذب مطبوعة بذاكرتي إلى ابد الآبدين

حلو هالحكي

[امرأة من ورق]

كاتب النص الأصلي : moh84

كلام معقول

كلام معقول وافتراضي وعاطفي

اهلين moh84

[أسير التشرد]

صح ما ورد بشرحك امرة من ورق طبعاً هالشي اللي كنت بقصدو بجملة انسانية الحياة الانسانية ... يمكن انتو ملاحظين هالجملة غريبة شوية... بس اكيد إلي رجوع على الموضوع للشرح والتفصيل في هالنقطة ...
وشكراً لامراة من ورق على الشرح ....

[امرأة من ورق]

كاتب النص الأصلي : أسير التشرد

صح ما ورد بشرحك امرة من ورق طبعاً هالشي اللي كنت بقصدو بجملة انسانية الحياة الانسانية ... يمكن انتو ملاحظين هالجملة غريبة شوية... بس اكيد إلي رجوع على الموضوع للشرح والتفصيل في هالنقطة ...
وشكراً لامراة من ورق على الشرح ....

اهلين اسيرد وبانتظار عودتك والتفصيل بالشرح

[Abu ToNi]

كاتب النص الأصلي : امرأة من ورق

اهلين اسيرد وبانتظار عودتك والتفصيل بالشرح

طولي بالك الهئية اسير راح يرحم له كام بني آدم

[أسير التشرد]

مرحبا يا أحبة ...
عودة منشان التوضيح..
بالبداية انا قلت بردي وما بعرف اللي فهم او ما فهم ... وهو "ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها..."
قصدي اذا بدنا نحترم حياة الانسان طبياً ما بتكون بانو نعمل عليه معارك لأجل شفاء عارفين من انو نحن الجهة الخسرانة وما في جدوى من المعركة ... ولو عملنا هالشي رح يكون جل تركيزنا ع المرض وبهيك عم نتجاهل المريض .. واحترام الحياة الانسانية بيقضي منا انو نحافظ قبل كلشي ع انسانيتها...
وامراة من ورق قالت مو كل انسان عايش عم يتنفس بيكون عايش حياة انسانية ... بيكون عايش متل الحيوان او اقل منو كمان ...
لهيك يا احبة انا طبيب بحترم انسانية مريضي واذا طلب مني انهاء عذابو فمن واجبي اني احترام قرارو لأنو اتخذ هالقرار بكامل ملكاتو العقلية ...

[أسير التشرد]

وحابب اطرح سؤال تاني فينا نقول انو بيندرج كمان تحت بند الموت الرحيم ...
لما بتكون المرأة حامل بطفل مشوه فهل يحق لها اختيار الموت الرحيم لهلطفل اللي ببطنها ؟ لأنو لو ولد هالطفل رح يكون عبء ع اهلو وع نفسو كمان ... طبعاً ما نثير سؤال قبل الاجابة وهو ايمتى بتبدء الحياة الانسانية...؟؟

[امرأة من ورق]

كاتب النص الأصلي : أسير التشرد

وحابب اطرح سؤال تاني فينا نقول انو بيندرج كمان تحت بند الموت الرحيم ...
لما بتكون المرأة حامل بطفل مشوه فهل يحق لها اختيار الموت الرحيم لهلطفل اللي ببطنها ؟ لأنو لو ولد هالطفل رح يكون عبء ع اهلو وع نفسو كمان ... طبعاً ما نثير سؤال قبل الاجابة وهو ايمتى بتبدء الحياة الانسانية...؟؟

هي الفكرة هيي عن الاجهاض وبظن انطرح الموضوع بالاخوية من قبل بس مابذكر وين

هلأ السؤال اللي طرحتو انو ايمتى بتبدء الحياة الانسانية ماعندي فكرة واضحة عنو..... يعني في ناس بتقول مجرد ماصار الحمل ومن اول يوم فهاد صار كائن بشري وناس بتقول انو لما بيبلش الجنين ياخد الملامح البشرية وبظن هالشي يعني بالشهر التالت من الحمل بس ماني واثقة من بالضبط من الشهر...... وعالاغلب قناعة الشخص بهي النقطة رح تأثر على رأيو بالاجهاض بهيك حالة

ومنشان السؤال الاساسي هون بدي احكي بغض النظر عن انو الجنين صار انسان اولأ.....هون في نقطتين كتير مهمات الاولى انو لاي درجة اعاقتو خطيرة يعني مثلا اذا فاقد لاحد اطرافو بس كل اعضائو التانية طبيعية وقتها مابظن انها اعاقة خطيرة كتير لانو ممكن انو يعيش حياة قريبة من الطبيعية اكيد مع صعوبات مضاعفة عن انسان عادي بس انو قادر يتدبر اموره
اما اذا اعاقة كاملة وقتها برأيي انو الاجهاض افضل
والنقطة التانية هيي المجتمع اللي رح يولد فيه ولاي درجة قادر يحتضن ويتقبل المعاقين ويأهلون...... اذا مجتمع عاجز عن تقبل المعاق وتأهيلو وقتها شو ماكان وضع الاعاقة بيكون الاجهاض افضل لانو هالمعاق رح يكون مرفوض بشكل كتير كبير يعني نفسيا رح يطلع كمان معاق بالاضافة لاعاقتو العقلية او الجسدية وكمان بهيك مجتمع مستحيل يتعلم اي شي وباي درجة

وشكرا اسير

[butterfly]

بس حبيت شارككون بهالمقطع .. من موضوعنا أسبوع وكاتب .. حسيتو بيخدم موضوعنا ... http://www.akhawia.net/showpost.php?...&postcount=111