الرئيس الأسد يصدر قانون إنشاء اتحاد الناشرين....مهزلة الاصلا

Tarek007 · 30/05/2005

الرئيس الأسد يصدر قانون إنشاء اتحاد الناشرين....مهزلة الاصلاح

الرئيس الأسد يصدر قانون إنشاء اتحاد الناشرين

القانون رقم /14/ رئيس الجمهورية ‏

بناء على أحكام الدستور، وعلى ما أقره مجلس الشعب في جلسته المنعقدة بتاريخ 11/4/1426/ هجري و19/5/2005/ ميلادي. يصدر ما يلي:
.
.
.
المادة /2/: ‏

ينشأ في الجمهورية العربية السورية تنظيم يسمى اتحاد الناشرين مركزه مدينة دمشق ويتمتع بالشخصية الاعتبارية والاستقلال المالي والاداري. ‏

وله عند الحاجة ان ينشئ فروعا له في المحافظات وفقا لاحكام هذا القانون ويضم هذا الاتحاد جميع الناشرين المرخص لهم اصولاً. ‏

المادة /3/: ‏

اتحاد الناشرين تنظيم مهني يؤمن بأهداف الامة العربية في الوحدة والحرية والاشتراكية ويلتزم بالعمل على تحقيقها وفق مقررات حزب البعث العربي الاشتراكي وتوجيهاته. ‏

Tarek007 · 30/05/2005

ما معنى ان يكون الناشرين السوريين خاضعين لمقررات حزب البعث؟؟

عاشق من فلسطين · 30/05/2005

اقتباس:

ينشأ في الجمهورية العربية السورية تنظيم يسمى اتحاد الناشرين مركزه مدينة دمشق ويتمتع بالشخصية الاعتبارية والاستقلال المالي والاداري. ‏

وله عند الحاجة ان ينشئ فروعا له في المحافظات وفقا لاحكام هذا القانون ويضم هذا الاتحاد جميع الناشرين المرخص لهم اصولاً

هي الفروع تبع المخابرات قصدون .. وهي مو له ان ينشأ هي بتنشا قبلو مشان الدعم النفسي .. وحب العزلة ..

اقتباس:

اتحاد الناشرين تنظيم مهني يؤمن بأهداف الامة العربية في الوحدة والحرية والاشتراكية ويلتزم بالعمل على تحقيقها وفق مقررات حزب البعث العربي الاشتراكي وتوجيهاته.

يا الله تنام يا الله تنام لادبحلها طير الحمام .. روح يا شعب لا تصدق بشار عم يكذب لننام ...

Tarek007 · 30/05/2005

اقتباس:

يا الله تنام يا الله تنام لادبحلها طير الحمام .. روح يا شعب لا تصدق بشار عم يكذب لننام ...

لك شو هااااااااااااااااااااااد

عاشق من فلسطين · 30/05/2005

اقتباس:

لك شو هااااااااااااااااااااااد

هي غنية لفيروز .. شو عم تجدبها ..

Tarek007 · 30/05/2005

اقتباس:

هي غنية لفيروز .. شو عم تجدبها ..

دخيل ربك ما أحلاك

عاشق من فلسطين · 30/05/2005

اقتباس:

دخيل ربك ما أحلاك

Tarek007 · 30/05/2005

شو هي

شايف حالك يعني !!!!...و لا متقل حالك ؟؟؟؟ شو حاطت بجيبتك حجر قداحة

عاشق من فلسطين · 30/05/2005

اقتباس:

شايف حالك يعني !!!!...و لا متقل حالك ؟؟؟؟ شو حاطت بجيبتك حجر قداحة

شايف حالي أني سوري ..

وحاطط بجيبتي قلم وورقة .. لهيك تقيل ...

sezar · 30/05/2005

يعني زادو الطيين بلّة من أبل و يادوب ينشرو شيي فا شلوون هيك

**Hus** · 31/05/2005

اقتباس:

هي الفروع تبع المخابرات قصدون .. وهي مو له ان ينشأ هي بتنشا قبلو مشان الدعم النفسي .. وحب العزلة ..

انت بتضرب بالمندل شي ؟؟
الك علاقات بالجن او بتحضير الأرواح ؟؟
كيف قدرت اتقدر انو الفروع هي فروح للمخابرات !!؟؟
يعني اكاديميا على شو استندت ؟؟

في شي طريقة بيقدر يعمل الرئيس اي اصلاح بالبلد هلق بدون ما يتأول مليون تأويل بطريقة سلبية ؟؟
فهمونا_فتحة فوق الفاء_ يا شباب انو شو المطلوب ..
ان عملكم اتحاد ناشرين بتقولو فروع مخابرات وان ما في اتحاد بتقولو بدنا لا مركزية وحرية ..
والله شغلتكم غريبة ..

اقتباس:

يا الله تنام يا الله تنام لادبحلها طير الحمام .. روح يا شعب لا تصدق بشار عم يكذب لننام ...

اووووووووه .. هوي مستنيكم اتنامو خوش مواعد بنت الجيران وبدو يتسلحب يقابلها على الصطوح !!
هلق في حكومة بتعمل اتحاد ناشرين كرمال اتنيم الشعب ؟؟
متل اعزمك على سهرة بكبري وقلك انا جايبك لهون مخصوص منشان انـــــــــــــام

Joe · 31/05/2005

حسام انا حسب ما فهمت من المواد يلي أصدرت الإتحاد ان الإتحاد ملزم بأهداف و بمادئ حزب البعث... بالتالي المفروض ما يصدر عنه اي كتب تعارض سياسة او توجه حزب البعث

هلأ الإتحاد بحد ذاتو مانو مشكلة... كل دار نشر حرة اذا بتحب تنضم لهل إتحاد أو لاء... بس الخوف انو مثلا ما تقدر عاد دور النشر تكون مستقلة و تكون مضطرة تكون تحت لواء هاد الإتحاد... يعني هاي ال"لاء" ما تكون اختيار

هادا الإتحاد بالتأكيد رح تكون فيه أجهزة المخابرات شغالة مشان مراقبة كل الكتب... قبل ما تنّشر.... يعني يمكن الشباب شافوا انو الوقاية خير من العلاج.. و بالتالي السيطرة على دور النشر احسن من السيطرة على الكتّاب... هيك بيعرفوا شو بدو ينطبع قبل ما ينطبع و يرجعوا يسحبوه من السوق

بدنا نفهم من الشباب اذا العضوية بهادا الإتحاد اجبارية لدور النشر السورية لما كيف... و هل يسمح لدور نشر أجنبية او عربية ان تنشر كتب بسوريا؟؟؟؟

يا ريت اذا حدى بيعرف يجاوب على هدول السؤالين لانو هدول أهم شي و منهم منفهم شو قصة إتحاد الناشرين

Joe · 31/05/2005

ملاحظة:
شباب شو رأيكم تخلوا الغزل للرسائل الخاصة و نخلي مواضيع المنبر متعلقة بالموضوع بشكل مباشر و جدي... مجرد اقتراح طبعا

عاشق من فلسطين · 01/06/2005

اقتباس:

انت بتضرب بالمندل شي ؟؟
الك علاقات بالجن او بتحضير الأرواح ؟؟
كيف قدرت اتقدر انو الفروع هي فروح للمخابرات !!؟؟
يعني اكاديميا على شو استندت ؟؟

في شي طريقة بيقدر يعمل الرئيس اي اصلاح بالبلد هلق بدون ما يتأول مليون تأويل بطريقة سلبية ؟؟
فهمونا_فتحة فوق الفاء_ يا شباب انو شو المطلوب ..
ان عملكم اتحاد ناشرين بتقولو فروع مخابرات وان ما في اتحاد بتقولو بدنا لا مركزية وحرية ..
والله شغلتكم غريبة ..

والله يا دكتور حسام أنت الشغلة الغريبة .. يعني أنا كان ردي

اقتباس:

هي الفروع تبع المخابرات قصدون .. وهي مو له ان ينشأ هي بتنشا قبلو مشان الدعم النفسي .. وحب العزلة

وهالرد كان توقع مستند الى آخر مادة بالمقال واللي كانت كالتالي

اقتباس:

المادة /3/: ‏

اتحاد الناشرين تنظيم مهني يؤمن بأهداف الامة العربية في الوحدة والحرية والاشتراكية ويلتزم بالعمل على تحقيقها وفق مقررات حزب البعث العربي الاشتراكي وتوجيهاته. ‏

فانطلاقا" من هالحكي وكونو الاتحاد تم الاشتراط عليه ليخلق أن يؤمن بالمدون أعلاه .. فشي طبيعي يكون في فروع مخابرات تراقب خروجو عن سياسة البعث ..

اقتباس:

اووووووووه .. هوي مستنيكم اتنامو خوش مواعد بنت الجيران وبدو يتسلحب يقابلها على الصطوح !!
هلق في حكومة بتعمل اتحاد ناشرين كرمال اتنيم الشعب ؟؟
متل اعزمك على سهرة بكبري وقلك انا جايبك لهون مخصوص منشان انـــــــــــــام

هلا شوف الموضوع كيف .. الحكومة البعثية مختصة في أعطاء المرورفين للشعب وتنييمه .. وبما انها أقرت مادة تسمح بأنشاء اتحاد للنشر على ؟أن لا يخرج عن أهدافها وسياستها .. وكون أن من أحد سياستها تنويم الشعب دماغيا" .. فهذا يؤدي الى انها قد أنشأته لأجل زيادة نسبة المورفين في عقول الشعب ..
وبالنسبة لبنت الجيران فأنا بظن أنو أنتي هيك عم تظلمو لأنو هوي يا حرام مرتو مو عم يفضى يشوفها من كتر ملاحقتو لهموم الشعب ومحاولته رفع سوية معيشته .. يعني حرام عليك تظلمو خطي .. والله عم يشتعل فينا لحتى يهلك ...