الأخوة الأكارم

شكو زولو · 26/10/2004

الأخوة الأعزاء
أنا أحترم جدا ً أرائكم و أحترم جدا اراء الأخ لخليل السابع
و لكن يجب عليكم أن تحترمو كل كلمة اكتبها لأنها من المصادر الأخرة
و بالتالي أنا لي الحق أن أكتب و يلي بدي ياه طالما ماني عم خالف شروط الكتابة
و بالتالي للآخرين الحق بكتابة يلي بدون ياه
أنا هل الحكي ماني جايبو من بيت ابي بل من القرأن نفسو
و أنا ماني بحاجة لحتى حدا يعلمني العيب و بتوقع غيري كمان مانو بحاجة
لحتى حدا يعلمو العيب بس بدي أفهم وين كان العيب يلي عم تحكو فيه و هل الآراء السديدة يلي عم تتحفوني فيها وقت
كان الأخ الخليل السابع عم يشكك بعقيدتنا و بدينا كلو
بس هلق انتفضطو لأني أنا عم أكتب الشي يلي منشوفو نحنا بالأسلام
متل ما هني ألن الحق يحكو يلي بدن ياه على المسيحية
و اذا بيحبو يقنعونا بالشي يلي عم ناخدو على الإسلام
نحنا ناطرين بركي مننهدي للدين القويم بس لازم لاقي تفسير عن كلشي بتسال عليه
الفكرة أني ما ني عرفان ليش هلق لحكيتو ووقت يلي كان غيرنا عم يشكك بإيمانا ماحدا أنتخا
ااذا أنتو ما بيهمكن أنا كتير بيهمني و مؤمن بربي كتير و بدافع عنو بكل ما أجاني من قوة
و متل ماغيري بيحاجج على اشياء بيشوفا بديني ألي الحق حاجج على أشياء بدينون
و الحوار مفتوح يقنعني و أنا ما عندي اي مشكلة
و أخيرا بتمنى من الأخوة يلي أدلو برأين الكريم
قولو يلي بدكن ياه بس ما حدا يوعظ ع التاني
لأني أشترك في منتدى حر للحوار

SABE · 26/10/2004

عفواً أخ شكو زولو إذا كنت زعجتك بشي شغلة ..
بس أنا ما كان قصدي المواضيع يلي انت عمتنزلها بشكل خاص .. و أنا الموضوع على فكرة كاتبوا كنت على ورقة من شي تلت أو أربع أيام و اليوم حتى فضيت اكتبوا على الكمبيوتر.. و أنا ما كنت عمعلق على المواضيع يلي انت عمتنزلا ...
بس إسمحلي قلك انك عمتلعب نفس الدور يلي كان عميلعبوا الأخ الخليل السابع .. ولا لأنو المنتدى مسيحي ما رح يقول لا !!!
ما بيصير الواحد يكون متعصب هيك .. نحنا قلنا لا للمواضيع يلي نزلا الأخ خليل السابع ... لأنو كمتعصبي بشكل واضح .. و عفواً كمان مواضيعك متعصبة بشكل واضح..
بتمنا ما يصير زعل ... لأنو متل ما قلت ما لازم تكون نظرتنا كتير مجدودة بهالشغلات .. و سلام

yass · 26/10/2004

بالنسبة للي أنا كتبتو, برجع و بقول نفس الشي.. أنا ما قصدت حدا باسمو..ولما كان الخليل السابع يناقش ( برأيوهادا اسمو نقاش!!!!) كنا نرد عليه...بس أنا شفت أنو الشغلة كبرت و أنو صار الأول بيشكك بألوهية المسيح و بيرجع التاني مدري شو بيحكي عالاسلام...مو ناقصنا غير نعمل ميليشيات و عليهم يا عرب!!!!!
حبيبي شكو زولو ..و الله أنا فاهم أنو المواضيع اللي طلعت مست وتر حساس بالنسبة لألك...حقك الطبيعي أنك تدافع عن معتقداتك ...بس يا ترى اخترت الطريقة الأفضل؟؟ أنا بس عم بسأل..وعم بناقشك بشكل ودي لأنو متل ما شفت ما ضيعت وقت مع غيرك لأنو شفت أنو الحكي ما بينفع..بعدين الكلام اللي كتبتو كان رد على كل المواضيع بهالزاوية مو بس مواضيعك ( طبعا مواضيعك من ضمنها)....

Abo rafik · 26/10/2004

اخي العزيز زوووولوووو
انا كتير بقدر تعبك وكل كلمة كتبتها وشكرا" ..انا كتير استفدت من مواضيعك كلها وما حسيتها متعصبة حسيتها مكتوبة بروح غيورة والروح الغيورة دايما"وين ما كانت رح تتلقى لطمات وضربات كتير فاذا انت مقرر تكمل المشوار

اقتباس:

ااذا أنتو ما بيهمكن أنا كتير بيهمني و مؤمن بربي كتير و بدافع عنو بكل ما أجاني من قوة

لازم تتوقع الكتير من هدول

وايضا" من هدول

هلق في شغلة ما بتريح بالموضوع الللي صار ..ما بعرف بس انا حسيت انو علقت الحرب !!! بعتقد اذا كانت حرب ما كان لازم تصير لانو ما حدا رح يستفاد من الحرب الا الشيطان...انا فهمت شو بدكوشكرا"الك مرة تانية وبالنسبة للخليل السابع بدي اشكره لانو دخل باخوية والاخوة بيتناقرو شوي بس بيضللو بيحترموا فانشاء الله يضل الاحترام موجود...

الأستاذ · 27/10/2004

اقتباس:

هلق في شغلة ما بتريح بالموضوع الللي صار ..ما بعرف بس انا حسيت انو علقت الحرب

يا جماعة حرب شو ؟
يعني إذا الواحد سمع وجهة نظر أو عرض لفكرة و ما عجبتو ما بحقلوا أنو ينقضا أو يختلف معها،
و لما يكون عندو إثباتات إنو وجهة النظر التانية على غلط ليش لحتا ما يعرضا
و يعني المنتدى مانو مكان للملاطفة و التبويس، المنتدى هو مواجهة بين أفكار (مواجهة بناءة طبعاً مو حرب)،
و إذا بدنا نلفلف الموضوع كل ما بدو يصير جد بلا المنتدى من أصلو.
شو بدو يصير يعني خلي كل واحد يقول يلي بقلبو مو أحسن ما نضل نمثل على بعض؟
أنا هاد رأيي، طبعاً لما بتكون المشاركة للتوضيح فكر أو نقد فكر مو لما بتكون جدل عقيم بلا طعمة (متل موضوع الخليل السابع تبع التوسط).
و أنا مع كل مشاركاتك أخ شوكوزولو، و بحترما و بأيدا
و لسعيد و ياس بقلكون مشكورين و معروفة دوافعكون و حرصكون على الجو الموجود بالموقع، و وبرجع بقول التعبير عن الآراء أفضل من تخبايتا لأنو قلة التعامل و الاحتكاك مع آراء وأفكار مختلفة هيي يلي بتوصل للتطرف
و ما تواخذونا

HashtNasht · 27/10/2004

أولا ً الموضوع ليس جديد لكنه متجدد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و رح ارجع كرر وجهة نظري و صير تالت واحد بالمنتدى بيقتبس من حالو :P

اقتباس:

مرحبا يا شبيبة
بخصوص حوار الأديان لازم نميز بين نوعين من الحوار
النوع الأول هوي الحوار العقائدي وهاد النوع مامن اختصاصنا نحنا كشباب يعني هدا منتركو للمرجعيات الدينية اللي عندا المام ومعرفة وثقافة واسعة بهالموضوع أحسن ما نفوت بتخبيصات ما حدا بيعرف شو اساسا
النوع التاني هوي الحوار الأجتماعي اللي ممكن انو نحنا نشارك في لاء يا سيدي ماممكن نحنا لازم نفوت بهيك حوار
وبهادا الحوار منبتعد عن المسائل العقائدية ومنحكي بالمسائل الأجتماعية بهدف البحث عن نقاط مشتركة
مع الملاحظة انو اذا ما احترمنا الأختلاف بين هالنوعين من الحوار رح تكون نتيجة الحوار سلبية
يعني لاأنا رح أعرف جاوب حدا بشكل صحيح عن قصصص المشيءة الواحدة والأقانيم الثلاثة وبنفس الوقت ما حدا من الشباب رح يقدر يفهمني شو قصة الناسخ والمنسوخ والرافضة و ولاية الأمام الفقيه و رمي الجمرات
ف خلينا نحكي عن عاداتنا و تقاليدنا والأشيا المنيحة أحسن مان نفوت بالحيطااااااااااااااااااا ااااااااان

آخيل · 27/10/2004

والله أنا بالدرجة الأولى حابب أشكروا للأخ شوكو زولو كتير لأنو أول شي ... عم يحكي بضميرو و عم يحكي بغيرة و عم يحكي بلسان كتير ناس مسيحيين بيحبو المسيح ... و بالدرجة الأولى ما بيخجلوا بمسيحيتن ... و ما بيعملوا حالن على أساس منفتحين و أوبين مايند ... يا عدرا دخيلك .. ليش نحنا كل ما بيطلع واحد بيحكي بالشي الواقعي بالشي اللي عم نمر فيه كل يوم منحاول نناقشو و نعمل حالنا على أساس مناحاور ... ولك ياجماعة في شغلات ما بتقبل الحوار ولا بأي شكل ... صلب المسيح دخيلو بيقبل الحوار شي ؟؟؟ ألوهية المسيح بتقبل الحوار شي ؟؟؟ أسلم تسلم أو الجزية بتقبل الحوار شي ... يعني يالموت يا دفع المصاري ؟؟؟ الدين بيندفع حقوا مصاري .. شو هالدين اللي بدنا ندفعلوا مصاري لحتى نضل محتفظين بمسيحيتنا ... و أصلا ما كل اللي عم يحكوا ... اسلام و مسيحيين .. كلن أصلن مسيحيين .. لأنو سوريا ولبنان و مصر والاردن و العراق كانوا كولاياتن شعب مسيحي لحتى إجا الاسلام و أجبرن يأسلموا إلا بالأصل كولاياتن شعب مسيحي... و لك يا ناس يابشر تذكروا أصلكن.. و لك تذكروا شهداء المسيحيي اللي نصلبوا .. اللي نسلخ جلدن وهني عيشين و ضلوا مسيحيين .. تذكروا الشهداء اللي أكلتن الاسود والنمور هني و عيشين .. ومع ذلك ضلوا مسيحيين .. و الاتهم ضلوا فخورين بمسيحيتن ... بس منشان هلق و بوقتنا هادا نحنا نخلق و من أول يوم بحياتنا بنعمة مانا حاسين فيها .. نعمة أنو نخلق و نحنا مسيحيين .....

الأستاذ · 28/10/2004

اقتباس:

لأنو سوريا ولبنان و مصر والاردن و العراق كانوا كولاياتن شعب مسيحي لحتى إجا الاسلام و أجبرن يأسلموا إلا بالأصل كولاياتن شعب مسيحي...

يا زلمي مافي غير ربك بيعرف شو أصل أهل هلمناطق
بالمناسبة مو كل أهل المنطقة الاسلام هنن مسيحية أسلمو، في منن و أعدادون كبيرة عرب إجو مع الفتح الاسلامي و استوطنو بسورية وصارو من أهلا وكان إلون أثر كبير بتغيير ديموغرافية المنطقة و ثقافتها
شو القصة طلعنا برات الموضوع

Abo rafik · 28/10/2004

انا قلت حسيت ...يمكن لانو اللهجة كانت حامية من الطرفين ...

اقتباس:

لأنو قلة التعامل و الاحتكاك مع آراء وأفكار مختلفة هيي يلي بتوصل للتطرف

انا معك 100بال100 بس يكون في وعي وهدف حقيقي بالوصول للحقبقة

Espaniol · 02/11/2004

اقتباس:

يعني إذا الواحد سمع وجهة نظر أو عرض لفكرة و ما عجبتو ما بحقلوا أنو ينقضا أو يختلف معها،
و لما يكون عندو إثباتات إنو وجهة النظر التانية على غلط ليش لحتا ما يعرضا
و يعني المنتدى مانو مكان للملاطفة و التبويس، المنتدى هو مواجهة بين أفكار (مواجهة بناءة طبعاً مو حرب)،
و إذا بدنا نلفلف الموضوع كل ما بدو يصير جد بلا المنتدى من أصلو.
شو بدو يصير يعني خلي كل واحد يقول يلي بقلبو مو أحسن ما نضل نمثل على بعض؟
أنا هاد رأيي، طبعاً لما بتكون المشاركة للتوضيح فكر أو نقد فكر مو لما بتكون جدل عقيم بلا طعمة (متل موضوع الخليل السابع تبع التوسط).
و أنا مع كل مشاركاتك أخ شوكوزولو، و بحترما و بأيدا

وانا معك يا استاذ