المد الاسلامي في سوريا..الى اين؟موضوع للنقاش

[مايسترو]

لاحظت من فترة مو قليلة ولهلق طبعا

مد اسلامي فظيع عم يصير بالبلد من دمشق لحمص لحلب الى الى الى..

لدرجة انو سمعت انو في بحلب مسجد من 5 طوابق بالاضافة لارتفاع نسبة الحجاب بشكل مخيف

طيب ماشي انو نحنا مع حرية المعتقد وهالحكي كلو

بس انو مين ورا هالمد؟ولوين لح نوصل؟وشو اسبابو وشو حلولو؟


موضوع للنقاش

[the true]

اسباب هذا المد هوا باب الحارة

[باشق مجروح]

على مر العصور تلجأ الشعوب المظلومة والمقموعة للدين ظناً منها انه هو الحل الذي يرفض كل هؤلاء الظلام تطبيقه . الدين للهروب والاختفاء والاحتماء . لتعزية النفس بأن هناك قوة خارقة ستأخذ بثأرنا اذا التزمنا بطاعتها . وتنشط في ظروف الفقر والظلم جماعات اصولية تصور للشعب بأن الحل هو الدين والعودة اليه فهو العدل والمساواة للجميع . الحجاب والتدين والتشدد والغلو كلها علامات ظلم تمارس على الشعب . هي ظاهرة ستزول مع الأيام برأيي ولكنها بحاجة للوقت والوعي اللازم . رغم ايماني بأنها ضمن حدودها المحتواة لا تعدو كونها حرية اعتقاد.

[maged-syrian]

لااعرف ماهو سبب انزعاج صاحب الموضوع من هذا المد اللي صاير بالبلد !
مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟
سبب هذا المد الاسلامي هو اقتناع الناس بأن الدنيا فانية وأنه لاملجأ الا لله عز وجل

لارتفاع نسبة الحجاب بشكل مخيف

ماكنت اعرف انو بسوريا في ناس مرعوبة لهالدرجة من هاي الظاهرة المبشرة بالخير
انت بكلامك هاد بتنطبق عليك الآية
سَنُلْقِي فِي قُلُوبِ الَّذِينَ كَفَرُواْ الرُّعْبَ بِمَا أَشْرَكُواْ بِاللّهِ مَا لَمْ يُنَزِّلْ بِهِ سُلْطَاناً وَمَأْوَاهُمُ النَّارُ وَبِئْسَ مَثْوَى الظَّالِمِينَ

الله القى في قلبك الرعب فهنيئاً الك

[bki]

كاتب النص الأصلي : باشق مجروح

على مر العصور تلجأ الشعوب المظلومة والمقموعة للدين ظناً منها انه هو الحل الذي يرفض كل هؤلاء الظلام تطبيقه . الدين للهروب والاختفاء والاحتماء . لتعزية النفس بأن هناك قوة خارقة ستأخذ بثأرنا اذا التزمنا بطاعتها . وتنشط في ظروف الفقر والظلم جماعات اصولية تصور للشعب بأن الحل هو الدين والعودة اليه فهو العدل والمساواة للجميع . الحجاب والتدين والتشدد والغلو كلها علامات ظلم تمارس على الشعب . هي ظاهرة ستزول مع الأيام برأيي ولكنها بحاجة للوقت والوعي اللازم . رغم ايماني بأنها ضمن حدودها المحتواة لا تعدو كونها حرية اعتقاد.

السلام عليكم, أخي باشق, ما بتتف معك على إنو الظلم والقمع هن سبب المد الإسلامي على حسب ماسماه صاحب المشاركة لأكثر من سبب, الشي اللي إنت عم اتصورو بينطبق على مصر مثلأً وبالتحديد الطبقة المعدومة الحال واللي لباطتها بينضحك عليها بكلمتين حلوين, أما الحالة بسوريا غير لأنو هالمد ( حسب تعبير المايسترو ) متفشي حسب ماشفت أنا بين الشباب وخاصة الجامعي والواعي لخرافة القوى الخارقة اللي رح اتساعد بس لأنو لازم اتساعد, وماننسى إنو الله أمر بأن نعد ما استطعنا من قوة مو من ايمان بلا عمل.
بعدين يا أخي الكريم سوريا وبأغلب محافظاتها كانت ملتزمة ومتمسكة بالدين وبتقاليدو وبظواهرو, وهالأمر انحسر بالعقود الأخيرة واصة بعد الأحداث الدموية للإخوان المسلمين وماتبعها واللي خلا الناس بيخافو من كلمة دين, أما هلا فالأمور رجعت لما كانت عليه أو ممكن بالطريق لإلو, وبالتالي هالأمر هو صحوة من غفوة كان الناس أخذينها عن أمور دينن.
بعدين ليش إنت شايف إنو الموضوع كالوباء اللي بيحتاج للوقت والوعي ليتعالج ويزول, لأ أخي بالعكس أنا معك برفض التشدد والتزمت الديني اللي هو مالو أي صلة بالإسلام والكل بيعرف هالشي, أما إنو الناس بيزيد ايمانها بالله وبيزيد احترامها لدينها وقواعدو فهاد بشارة خير بنظري لأنو على مر العصور ما جمع العرب غير دينهم ( وهو كان المدخل لتفرقتهم الأولى ) وبالتالي برجع وبأكد الرجوع الى الله ومعرفة والإيمان فيه شئ والتشدد شئ خر تماماً مرفوض رفضاً قطعياً.
بتمنى تكون وصلتكك وجهة نظري وإنو ننظر للموضوع بطريقة صحيحة ويكون فينا انفرق مابين الدين الحنيف وأوامرو الخالدة ومابين التقليد الأعمى والتشدد الأسود.

بعدين شو قصة العداء المخيف للحجاب, وبعتذر من الأخوة هون بس أنا بحكي بالعموم, يا أخي الصبية اللي بتضحي بالظهور بكامل زينتها وبتغطي شعرها لإيمانها إنو هالشي هو تطبيق لأمر الله عزوجل لازم تحترم لأنو بغض النظر عن اقتناعنا بالحجاب هدفها سامي وبيستاهل الإحترام, فشو صاير بالدنيا

[bki]

كاتب النص الأصلي : maged-syrian

لااعرف ماهو سبب انزعاج صاحب الموضوع من هذا المد اللي صاير بالبلد !
مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟
سبب هذا المد الاسلامي هو اقتناع الناس بأن الدنيا فانية وأنه لاملجأ الا لله عز وجل



ماكنت اعرف انو بسوريا في ناس مرعوبة لهالدرجة من هاي الظاهرة المبشرة بالخير
انت بكلامك هاد بتنطبق عليك الآية
سَنُلْقِي فِي قُلُوبِ الَّذِينَ كَفَرُواْ الرُّعْبَ بِمَا أَشْرَكُواْ بِاللّهِ مَا لَمْ يُنَزِّلْ بِهِ سُلْطَاناً وَمَأْوَاهُمُ النَّارُ وَبِئْسَ مَثْوَى الظَّالِمِينَ

الله القى في قلبك الرعب فهنيئاً الك

بالله عليك لاتحكم بالظاهر وإنت مالك اطلاع ع القلوب, كلمة الذين كفروا الله وحدو بيقدر على تحديدها فغلط اتكون سلاح بايدك أو بايد أي بشري, بالله عليكك الرسول صلى الله عليه وسلم قال أتبع السيئة الحسنة تمحها, فاتمهل برد فعلك ولا تحكم ع الناس من كلمة يمكن يكونوا أحسن منا كلنا

إلك سلامي

[ليلى]

كاتب النص الأصلي : مايسترو

لاحظت من فترة مو قليلة ولهلق طبعا

مد اسلامي فظيع عم يصير بالبلد من دمشق لحمص لحلب الى الى الى..

لدرجة انو سمعت انو في بحلب مسجد من 5 طوابق بالاضافة لارتفاع نسبة الحجاب بشكل مخيف

طيب ماشي انو نحنا مع حرية المعتقد وهالحكي كلو

بس انو مين ورا هالمد؟ولوين لح نوصل؟وشو اسبابو وشو حلولو؟


موضوع للنقاش

الحمد لله الناس بيرجعو لدينهم ... بس ما فهمت شو هو اللي فظيع و مخيف...؟؟؟ و شو هو اللي بدو حلول...؟؟؟ انت من شو خايف ياا اخ...؟؟؟

[maged-syrian]

كاتب النص الأصلي : hussienbki

بالله عليك لاتحكم بالظاهر وإنت مالك اطلاع ع القلوب, كلمة الذين كفروا الله وحدو بيقدر على تحديدها فغلط اتكون سلاح بايدك أو بايد أي بشري, بالله عليكك الرسول صلى الله عليه وسلم قال أتبع السيئة الحسنة تمحها, فاتمهل برد فعلك ولا تحكم ع الناس من كلمة يمكن يكونوا أحسن منا كلنا

إلك سلامي

بالله عليك تفهم وجهة نظري ...
لااريد لهم أن يهتدوا مااريده هو أن يتركوا المد الاسلامي وشأنه ولايهولوه ولايعتبروه خطر مثل خطر المد الصهيوني
هدول الناس مقتنعين وبناء المساجد ودور العبادة مستمر على نطاق واسع .. شو المزعج بالامر!
والنساء عم يتحجبوا كمان شو اللي زاعجو بالامر لا وفوق هاد الشيء بيهول الامر وبيقلك بشكل مخيف!!
شخصياً أنصحك بأن تخالط هؤلاء اكثر واكثر لكي تعرفهم على حقيقتهم ساعتها عنجد بتقول لكم دينكم ولي دين

سلام

[bki]

كاتب النص الأصلي : maged-syrian

بالله عليك تفهم وجهة نظري ...
لااريد لهم أن يهتدوا مااريده هو أن يتركوا المد الاسلامي وشأنه ولايهولوه ولايعتبروه خطر مثل خطر المد الصهيوني
هدول الناس مقتنعين وبناء المساجد ودور العبادة مستمر على نطاق واسع .. شو المزعج بالامر!
والنساء عم يتحجبوا كمان شو اللي زاعجو بالامر لا وفوق هاد الشيء بيهول الامر وبيقلك بشكل مخيف!!
شخصياً أنصحك بأن تخالط هؤلاء اكثر واكثر لكي تعرفهم على حقيقتهم ساعتها عنجد بتقول لكم دينكم ولي دين

سلام

ع المخالطة الحمد لله مخالط الجميع وعندي رفقة من كل الملل, بس هاد مابيلغي إنو اتهدي ولا تقسى

[maged-syrian]

كاتب النص الأصلي : ليلى

الحمد لله الناس بيرجعو لدينهم ... بس ما فهمت شو هو اللي فظيع و مخيف...؟؟؟ و شو هو اللي بدو حلول...؟؟؟ انت من شو خايف ياا اخ...؟؟؟

مظبوط كلامك هو لو اراد النقاش كان اختار كلمات لبقة ومحترمة تدعو الى نقاش استفساري عقلاني محترم
بس يبدو من كلامه هاد أنه عم يخاطب فئة معينة من الناس والمسلمين غير مدعوين الى هذا النقاش

[مسطول على طول]

هدول الناس مقتنعين وبناء المساجد ودور العبادة مستمر على نطاق واسع .. شو المزعج بالامر!

المزعج أنو لحنا بحاجة لمشافي اكتر بحاجة لجامعات خاصة مدعومة من مؤسسات أهلية وبأجور معقولة بحاجة لمعاهد بحوث دور أيتام ولاهتمام بالمرأة وخاصتاً الأرامل ... شبدي احكيلك لاحكيلك

المساجد صارت شغلة نتباها فيها ؟

مبروك نشالله كل يوم مسجد وفرع مخابرات

لدرجة انو سمعت انو في بحلب مسجد من 5 طوابق بالاضافة لارتفاع نسبة الحجاب بشكل مخيف

بس من عندي شايفو متراجع والصبايا المتبرجات والمتبرجون وولي على بعضي . هنن الي عم يزيدو

[VivaSyria]

كاتب النص الأصلي : ليلى

الحمد لله الناس بيرجعو لدينهم ...

هي مو رجعة للأديان... هي رجعه لتخلف العصور الجاهلية.

بس ما فهمت شو هو اللي فظيع و مخيف...؟؟؟

الفظيع هو حالات الجهل والاتجاه المتعصب للدين نتيجة ضيق الاحوال المعيشية وقمع الحريات... على اعتبار انو الالتزام الديني المتشدد صار حالة من حالات تنفيس الاحتقان...
أما المخيف فهو تحول هالحالات للتعصب الأعمى يلي شفنا حالات منو بالسعودية وأفغانستان... هالحالات يلي بتعدم كل مفاهيم المواطنة والانسانية والمدنية والحضارة والتقدم وبتستبدلها بالجهل والتعصب والتخلف والقمع...
متل ماقال صاحب الموضوع نحنا مو ضد الحرية الشخصية بس هالنهج المتخلف هاد وهالطريقة العمياء باتباع بعض مرتزقة الدين من شيوخ " مهند ونور وميكي ماوس" هو المصيبة... لو بيحصرو مبادئهون فيهون أبداً ما كان عنا مشكله بس المشكله بحكم انو بفكرهون كل من خالفهم فهو فاسق وكافر ويستحق العقاب...
دين النقاب واللحى وحرمان الانسان من انسانيتو لايمت لأصول الأديان بصلة...

و شو هو اللي بدو حلول...؟؟؟

ما سبق ذكره بدو حلول قبل مايتطور وياخد مجتمع متل مجتمعنا السوري المدني المسالم من أزل التاريخ على مكان وموقع مانو مكانو ولانو مكاننا...

انت من شو خايف ياا اخ...؟؟؟

خايف ينهدر دمو بعد هالموضوع

[مايسترو]

كم شو خايف امممم


خايف اانو هي رجعة للاخوان بطريقة تانية خايف انو الناس اللي عم تصلي مو عرفانة الجوهر وعم تطلع عالقشرة وبس وعم تتعامل معو بطريقة متخلفة تماما وعم نرجع الفين سنة لورا مو بس 1400 سنة

انا مو ضد الحجاب انا جبت الحجاب كمثال وكان واضح كتير هاد الحكي

الناس اللي عم تفوت وتسمع خطب الجمعة والفتاوي اللي عم تطلع كل يوم والتاني شي بيخوف لانو عم تزيد الطائفية بشكل غير مباشر والمجتمع مو ناقصو

عرفت من شو خايف انا من الاول اذا حضرتك قريت منيح شو كتبت انا كتبت انو انا مع حرية الراي والمعتقدات وما حدا قال غير هيك بس لما الموضوع بدو يصير انو نحنا بدنا نزيد موضوع عدم تقبل الاخر وما نقدر حتى نسمعه متل ما صار مع حضرتك بالضبط فهي مصيبة والله مو زاتت الرعب بقلبي لا تخاف والكلام اللي كتبتو حضرتك كان اكبر دليل على انك من الناس اللي عم احكي عنون

النبي بذاتو ما كفر حدا لحدا تجي حضرتك تكفرني


وبالاخر انا بتشكرك على تهنئتك مسيو

[MadMax]

كاتب النص الأصلي : the true

اسباب هذا المد هوا باب الحارة

والله فيها وجهة نظر


بس السؤال يللي بيطرح نفسو ... أنو ليش ينجح هيك عمل .. لولا وجود تربة خصبة من تخلف و تعصب و غير ذلك بمجتمعنا

[VivaSyria]

كاتب النص الأصلي : باشق مجروح

على مر العصور تلجأ الشعوب المظلومة والمقموعة للدين ظناً منها انه هو الحل الذي يرفض كل هؤلاء الظلام تطبيقه . الدين للهروب والاختفاء والاحتماء . لتعزية النفس بأن هناك قوة خارقة ستأخذ بثأرنا اذا التزمنا بطاعتها . وتنشط في ظروف الفقر والظلم جماعات اصولية تصور للشعب بأن الحل هو الدين والعودة اليه فهو العدل والمساواة للجميع . الحجاب والتدين والتشدد والغلو كلها علامات ظلم تمارس على الشعب . هي ظاهرة ستزول مع الأيام برأيي ولكنها بحاجة للوقت والوعي اللازم . رغم ايماني بأنها ضمن حدودها المحتواة لا تعدو كونها حرية اعتقاد.

كلام لاغبار عليه...

[باشق مجروح]

السلام عليكم, أخي باشق, ما بتتف معك على إنو الظلم والقمع هن سبب المد الإسلامي على حسب ماسماه صاحب المشاركة لأكثر من سبب, الشي اللي إنت عم اتصورو بينطبق على مصر مثلأً وبالتحديد الطبقة المعدومة الحال واللي لباطتها بينضحك عليها بكلمتين حلوين, أما الحالة بسوريا غير لأنو هالمد ( حسب تعبير المايسترو ) متفشي حسب ماشفت أنا بين الشباب وخاصة الجامعي والواعي لخرافة القوى الخارقة اللي رح اتساعد بس لأنو لازم اتساعد, وماننسى إنو الله أمر بأن نعد ما استطعنا من قوة مو من ايمان بلا عمل.

الطبقة الواعية من الشباب الجامعي هني جماعة من البشر عريضة الأحلام وفي كامل طاقتها اذا تم استثمار هالطاقة بشكل يفيد الوطن . لكن الشباب الي عانى بدراستو واجبر على دراسة فروع لا يرغب بها ولا يميل لها . الشباب الي عم بيحس انو طاقتو بالوطن مهدورة واحلامو مسروقة بالتأكيد رح يكون بطاقتو العظيمة اما ضحية لجماعات اصولية او من الممكن يلجأ للدين لنفس الاسباب والي هي الظلم والاحساس بعدم ملكيتو ومشاركتو بالوطن.

بعدين يا أخي الكريم سوريا وبأغلب محافظاتها كانت ملتزمة ومتمسكة بالدين وبتقاليدو وبظواهرو, وهالأمر انحسر بالعقود الأخيرة واصة بعد الأحداث الدموية للإخوان المسلمين وماتبعها واللي خلا الناس بيخافو من كلمة دين, أما هلا فالأمور رجعت لما كانت عليه أو ممكن بالطريق لإلو, وبالتالي هالأمر هو صحوة من غفوة كان الناس أخذينها عن أمور دينن.

هالكلام مو صحيح . سوريا بلد منفتح والتشدد فيه دخيل . والمد الديني محدث .
انا مو مزعوج متل ما قلتلك طالما هالظاهرة محتواة بيضل اسمها حرية شخصية.

بتمنى تكون وصلتكك وجهة نظري وإنو ننظر للموضوع بطريقة صحيحة ويكون فينا انفرق مابين الدين الحنيف وأوامرو الخالدة ومابين التقليد الأعمى والتشدد الأسود.

المعروف عن بلدنا وحتى المتمسكين بالدين والاسر المحافظة انها معتدلة و وسطية اما هلق عم نشوف شي جديد وهو تشدد وكره للآخر وشركاء الوطن.
بدنا الدين يكون سند ما يكون حاجز وعائق.

بعدين شو قصة العداء المخيف للحجاب, وبعتذر من الأخوة هون بس أنا بحكي بالعموم, يا أخي الصبية اللي بتضحي بالظهور بكامل زينتها وبتغطي شعرها لإيمانها إنو هالشي هو تطبيق لأمر الله عزوجل لازم تحترم لأنو بغض النظر عن اقتناعنا بالحجاب هدفها سامي وبيستاهل الإحترام, فشو صاير بالدنيا

من جهتي ما في اي عداء . حرية اللباس مقدسة ومن حق كل واحد يختار طريقة لباسو وانا ما عندي مشكلة مع المحجبات.

[محمد ابراهيم]

بالنسبة لكاتب الموضوع مابعرف ليش هالمصطلحات الضخمة المثيرة وكأنو منشئات نووية انتشرت وكأنو الحجاب اسلحة بيولوجية خطيرة على المجتمع !!!

كاتب النص الأصلي : مسطول على طول

المزعج أنو لحنا بحاجة لمشافي اكتر بحاجة لجامعات خاصة مدعومة من مؤسسات أهلية وبأجور معقولة بحاجة لمعاهد بحوث دور أيتام ولاهتمام بالمرأة وخاصتاً الأرامل ... شبدي احكيلك لاحكيلك

المساجد صارت شغلة نتباها فيها ؟

مبروك نشالله كل يوم مسجد وفرع مخابرات

الله وكيلك يا اخي صرنا فرجه ، شيئ مزعج ظاهرة الانتشار العشوائي ، يعني تلاقي بين كل مسجد ومسجد في مسجد وتفوت تشوف المصلين (بغير رمضان تلاقي اذا الصف الاول كامل بيكون هاد انجاز )
ولما تروح على معهد بحوث او مشفى تلاقي العالم كتييييييييييير ومافي مجال لانو يتلقو علاج او حتى يلاقو دور منشان الكشف (هاد اذا كان معون حقو)

بس من عندي شايفو متراجع والصبايا المتبرجات والمتبرجون وولي على بعضي . هنن الي عم يزيدو

هاد من فضل ربك على بعض عبادو (والله العالم باللي في ضميري)

[مسطول على طول]

تذكرت شغلة وهية أصحاب الحى الطويلة هدول بالفعل كترانين ودارجة موضة الكلابية الباكستانية

بصراحة لما بشوفهم بحس حالي بقندهار .. ولانكى أنو الأغلبية منون أغبياء وساذجين ( ملاحظة كلمة أغلبية لاتعني الكل )