ساحة الشــــــــــــــــــــــ ـــ14 شباط ــهداء جملة من التناقضات

[طونيTonny]

صور و يافطات كثيرة رفعت في ساحة 14 شباط، ومنها لا ضرورة لرفعها، لأن رمزيتها لا تلتقي مع فحيح الخطباء ولا مع شعاراتهم ولا مع (عنطزاتهم) التي قد
تودي بالبلاد الى الهلاك. لم نفهم لماذا رفعت صورة الرئيس الشهيد رينيه معوض في ساحةٍ يعتلي منبرها من يطالب بالطلاق وليس بالتلاقي، و الرئيس معوض هو "شهيد الوفاق ووحدة لبنان" وليس شهيد أحدى فصائل ووحدات 14 شباط. لقد استكثروا عليه وعلينا قيام محكمة دولية في وقتٍ كان المنبر يهدد بمحكمة رفيق الحريري. لم نفهم لماذا رفعت صورة البطريرك صفير، فغبطته بطريرك أنطاكية وسائر المشرق، وهو حي يرزق و ليس شهيداً لا سمح الله، أنه بطريرك التلاقي والتوحد وهو رأس كنيسة جامعة رسولية مقدسّة واحدة فلم نفهم لماذا رفعت صورته هناك تحت المطر، وهناك فوق المسرح وتحت السرادق حيث كان أبطال القرقعة والجعجعة يدعون الى الحرب. ننتظر و نأمل ألا تنزل صورة بطريرك أنطاكية و سائر المشرق الى زواريب وساحات وحسابات أحد. في المناسبة لفت نظرنا عدم وجود صورة للمفتي الشهيد حسن خالد، لماذا لم ترفع صورته؟ هل للأسباب التي لم ترفع صورة الشهيد طوني فرنجية من أجلها؟ وهل كان قاتلهما فوق المنبر؟ ولم نفهم لماذا رفعت صورة العماد ميشال سليمان؟ والرجل هو قائد مؤسسة واحدة موحدة وحدت اللبنانيين خلفها، ما علاقة هذا الرمز بهؤلاء الذين كانوا يقرعون طبول الحرب والفتنة و طبول الطلاق؟ لم نفهم لماذا كان أمين الجميل واقفاً على المسرح و هو يريد العماد ميشال عون رئيساً للجمهورية؟ أكان كما حلفاؤه بانتظار "طاسة الرعبي" ؟ نعم في حضوره و غيابه مرعوبين. نعم هؤلاء هم عناتر لبنان وقد غاب بعض منهم ممن كانوا ولا يزالون قطع (أكسسوار) أو متاريس ترفع في ساحات المسيحيين، ولن ننسى عنتر ابن جعجع الذي يوزع المراجل كما توزّع المتفجرات والأسلحة والعصي والسكاكين والمهمات. لقد ذكّرنا هذا (الغضنفر) بزجلية قيلت على المنبر تقول :" بوعلي عندو كديشي عامل حالو خيالا ربطها بالعريشي و صار يخيل عاجلالا. "ربنا ستر و كان في شتي تا تغسلت ساحة الشهدا"

[Muhammad Shahwan]

يسلمون طوني والله حكيك درر

[بنفسجة]

بدك تسال عن سبب رفع صورة بطريرك انطاكية وسائر المشرق ؟
انا بفضل تسال صاحب العلاقة يلي ارتضى لنفسو يكون طرف في صراع بدل ما يكون طرف حل
للاسف هيدا مش من اخلاقيات القامات الدينية يلي المفروض تكون جامعة
خاصة البطرك صفير بما يمثله ليس فقط في لبنان انما في سائر الشرق

[طونيTonny]

بشكر مروركن محمد وبنفسجة

ما هون المشكلة يا بنفسجة وئالها سليمان فرنجية
انو يلي بيحكينا دين بنحترمو وبنحطو على راسنا
بس يلي بيحكينا سياسة نحنا من واجبنا انو نحكيه سياسة
ووئت بيطلعلك البطريرك صفير ويئول علنا ً
ليس لسوريا اصدقاء وحلفاء في لبنان بل لها عملاء؟
بيكون عم يحكي سياسة وبيكون مع طرف من اللعبة السياسية من دون طرف تاني
وهيك بيستغل هالطرف وئفة صفير معو وبيثير الرأي العام بالوسط المسيحي على سليمان فرنجية
بس الف الحمدلله انو الوسط العام المسيحي كان اوعى من هيك
ونشالله تتحلحل الأمور قريبا ً باللبنان
بشكر مروركن مرة تانية اصدقائي
ونشالله بنلتقي بحوارات تانية

[sandra]

أهلاً بك طوني
ولو سمحت يا ريت تستخدم لون أغمق من هاللون
لأن مزعجة القراءة لعيوننا وألا بدي طالبك بتكاليف دكنور العيون والنظارة
بالنسبة لموضوعك عن البطريرك صفير أو أي رجل دين تاني
فانا ضد تدخل رجال الدين بالسياسة لأن كل واحد مجال مختلف بالحياة
رجل دين بيحكي بالدين ورجل السياسة بيهتم بالسياسة ومشكلتنا هي الخلط بين الأمرين
وشكراً للموضوع

[بنفسجة]

كاتب النص الأصلي : طونيTonny

بشكر مروركن محمد وبنفسجة

ما هون المشكلة يا بنفسجة وئالها سليمان فرنجية
انو يلي بيحكينا دين بنحترمو وبنحطو على راسنا
بس يلي بيحكينا سياسة نحنا من واجبنا انو نحكيه سياسة
ووئت بيطلعلك البطريرك صفير ويئول علنا ً
ليس لسوريا اصدقاء وحلفاء في لبنان بل لها عملاء؟
بيكون عم يحكي سياسة وبيكون مع طرف من اللعبة السياسية من دون طرف تاني
وهيك بيستغل هالطرف وئفة صفير معو وبيثير الرأي العام بالوسط المسيحي على سليمان فرنجية
بس الف الحمدلله انو الوسط العام المسيحي كان اوعى من هيك
ونشالله تتحلحل الأمور قريبا ً باللبنان
بشكر مروركن مرة تانية اصدقائي
ونشالله بنلتقي بحوارات تانية

انا هيدا الموضوع بالنسبة الي عادي يطلع من البطرك
بس يلي مش عادي انو يطالب رئيس الجمهورية بالاستقالة وهو يعرف انو مافي بديل ومافي توافق على البديل
ويلي مش عادي انو شايف كرسي الراسة فارغ والناس عم تتنازع عليه وهو ملهي بالمحور السوري الايراني المفترض
ويلي مش عادي انو بيدخل بكل شي الا الشي الوحيد يلي لازم يتدخل فيه ويكون الو كلمتو فيها وهي جمع شمل القوى المسيحية لانقاذ ما تبقة من هيبة كرسي الراسة
ويلي مش عادي انو يدخل مهاترات جابية مع بعض الرعية وهو المفروض يكون يحتوي الكل ما يفوت بحملة هجوم وهجوم مضاد لان مش شغتلو
ويلي بيحر اكتر انو بيعرف انو كلمتو مش مسموعة من ابناء طائفتو فكيف من الطوائف التانية فليش ليحكي وليش ليعطي اسماء للرؤساء المحتملين وهالقائم بيعرف هو انو ماحدا رح ياخد فيها
عيب الواحد يحط حالو بهيك موقف وبهيك وضع بيحط من شان ليس شخص البطرك انما كيان البطركية وبكركي

[Donald Duck]

هو من وينتا كان ما في تدخل لرجال الدين في السياسة !!

في كل العالم في الهم تدخل .. بس يكون تدخل الو مصلحة للشعب مو لضدو ..

يعني بحق لاي رجل دين يتدخل بالسياسة .. بس لمصلحة الناس .. مو لمصلحتو ..

[بنفسجة]

كاتب النص الأصلي : Donald Duck

هو من وينتا كان ما في تدخل لرجال الدين في السياسة !!

في كل العالم في الهم تدخل .. بس يكون تدخل الو مصلحة للشعب مو لضدو ..

يعني بحق لاي رجل دين يتدخل بالسياسة .. بس لمصلحة الناس .. مو لمصلحتو ..

كيف بيتدخل رجل الدين بالسياسة لمصلحة الناس
برايك التدخل الديني الصاير بلبنان هو لمصلحة الناس؟

[Donald Duck]

كاتب النص الأصلي : بنفسجة

كيف بيتدخل رجل الدين بالسياسة لمصلحة الناس
برايك التدخل الديني الصاير بلبنان هو لمصلحة الناس؟

ليش يعني بدل تصوري رجل الدين على انو وحش .. ما بهمو الناس ..

في هيك وفي هيك ..

يعني رجل الدين انسان مثلو مثلنا .. الو الحق في التعبير عن رأية .. والمشاركة في سياسة الدولية ..

وبعدين في الولايات المتحدة مثلا ..

في تدخل كبير لرجال الدين في سياسة الدولة ..

يعني ما في دولة بالعالم ما فيها تدخل من قبل رجال الدين ..

[بنفسجة]

كاتب النص الأصلي : Donald Duck

ليش يعني بدل تصوري رجل الدين على انو وحش .. ما بهمو الناس ..

في هيك وفي هيك ..

يعني رجل الدين انسان مثلو مثلنا .. الو الحق في التعبير عن رأية .. والمشاركة في سياسة الدولية ..

وبعدين في الولايات المتحدة مثلا ..

في تدخل كبير لرجال الدين في سياسة الدولة ..

يعني ما في دولة بالعالم ما فيها تدخل من قبل رجال الدين ..

انا ما قلت انو رجل الدين وحش
واصلا هيدا مش نقاشنا
اقرا الموضوع جيدا حتى تعرف وين النقاش وشو المغزى
نحنا عم نطرح مسالة انحياز رجل الدين الى مجموعة من رعيته ضد مجموعة اخرى بينما عمله هو جمع الرعية
ياريت تكون وضحت الفكرة