لماذا يسقطون العذرية كشرط..عند الزواج بأجنبية..؟

[nour333]

كاتب النص الأصلي : fernanda bachchan kfoury

صح انا معك نور بس هوي عم يحكي انو الشب وقت بدو يتجوز مرا شرقية بيشرط انو ماباس تما غير اما
بس ليش وقت بتبينلو صبية اجنبية بينطلا وبيجري وراها وماعندو مشكلة ازا تجوزا وهيي مو عزراء

لأنو راضع تخلف من حليب امو والله لو انو صاحب مبدأ ومطبق هالشي على اي امرأة ما شي
بس ليه بغض طرف عن الاجنبية لأنو مستحيل تلاقي اجنبية مو عاملة علاقة
او مجتمعو بيتقبل اجنبية الها اسباقيات وهو ما بهمو غير كلام الناس

[Nay]

كاتب النص الأصلي : nour333

هون دفنا وهون طمرنا ما انا هاد اللي بدي احكيه يعني هالشباب مخهم متفتح وبيسامحو البنت اللي بتغلط ويوم ما بدو يدور عروس شو بدور وحده( ما باس تما غير اما ) وهاد متل سوري
وقضية احمد الفيشاوي اكبر دليل ع عقلية الرجل الشرقي فيا بنات ما تصدقو وسمعتكم احسن من ميت رجال

مزبوط نور بسمع حكي هالشباب بفكر حالي مدري وين وبفرح فيون كتير بس ما بعرف اذا كانو عايشين بسوريا والله انا شفت عدد قليييييييييييييييل للغاية بيفكر بهي الطريقة بحياتي..
بعدين الصبايا كلياتهون بسورية بيعانو كتير.. الصبايا السوريات المتحررات هنن اكتر ناس عم يدفعو ثمن.. مشان هيك حتى اكتر الصبايا تحررا مضطرة انها تحافظ على عذريتها لحتى تتزوج.. واذا ما حافظت عليها بتكون شخص مغامر كتير.. لانها مضطرة بوقت من الاوقات انها تشرح وتبرر سبب فقدانها لعذريتها ..هي في احسن الحالات اذا افترضنا انهاتزوجت شخص متحرر شوي..
وبالمقابل منشوف شخصيات تقليدية كتير بيتعرفو على صبايا غربيات بسورية او خارج سورية وبيكون موضوع انعدام العذرية مفروغ منو نهائيا.. يعني الصبية ما نها نضطرة باي شكل من الاشكال انها تعطي تقرير عن علاقاتها السابقة

[ويحد سوري]

لا تعقديها انت كيف بدك ياها ؟؟
بعذرية ولا بلا عذرية
نحنا بأمركن

لانو هالموضوع من كتر ما شفتوا صرت حس انو عايشين بمجتمع متحاور مناقش
لك يا عيني
انت انسيتي انو في بشر بيدبحوا البنت اذا لبست بنطرون جينز ( قال الشيطان بيكون فات فيها )

.. تعبت ما بدي كفي ...

[homam85]

بلا أغشية بلا ضرّاب السّخن ..

[AHMED SHAMS]

هالموضوع فعلا مهم جدا بس بدي أوجه ألكون جميعا كلمه شباب وصبايا
أنو هلا في بلدنا الشرقي صار متلو متل الغربي البنت بتطلع تسهر وتسكر وتعربد متلها متل أي شب ومافي مانع أذا رجعت على البيت عم تتطوح من شرب الكاس طيب أحنا كيف صرنا هيك ؟ وليش أهالي هادول الصبايا تاركينهن هيك ؟ هلا صار الصبايا العذارى من النوعيه النادره الغلط فينا يا شباب الي سمحنا لحالنا أننا نلمس هالبنت ونشطب على عذريتها بالخط الأسود ونمحيه والغلط كمان على البنت اللي عم تطلع وتتصرمح مع الشباب لأنها هيك بتعطي دعوه لكل شاب لتفقد جسدها وأنا مع رأي الدين أنو لازم أتزوج بأمرأه عذراء .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[homam85]

[الفجلة]

مش قصة اجنبية وعربية قصة انو الزواج اي زواج بيمر باوقات فوق وتحت وازمات وظروف قد تكون قاسية واللي ماقدرت تكون قوية قبل الزواج رح تهرب لاول حضن بعد الزواج لانها هاي طريقتها اللي تعودت عليها فهل تقبل بذلك ايها الرجل والكلام طبعا يقال للبنت وبعدين العذرية مش قصة شرف قصة قوة قصة تحدي وهاي بتقدر تربي ولاد اقوياء اكتر من الصايعة اللي ماتحملت توقف وتصمد بوجه نفسها وميولها كنت بالجامعة وكنت شوف العشاق احلى منظر وخاصة لما كانوا من اقوى الشخصيات في الصف ولما وصلنا لاخر سنة تعقدت من لنهايات كانت اشياء لاتصدق الي تركت شيخ الشباب والي كان حلم لبقية لتلحق الكوافير وتهرب معو لاقرب كنيسة وتعقد عليه والي تركت حبيب القلب لواحد اغنى او منصب حمدت ربي اني ماسمحت لنفسي بعلاقة وتحديت نفسي ورغباتيواكتشفت القصة مش قصة حب او اي شي قصة تربية الي اهلها او اهلو اهملوه عمرو ماراح يلاقي حضن يدفيه مشان هيك اغلبن بنطوا من حضن لحضن بيدوروا علي فقدوه بصغرن فهل تصلح لتكون زوجة او زوجاللي بيتنازل عن الماضي بيتنازل عن المستقبل

[باشق مجروح]

كاتب النص الأصلي : nour333

يعني سوري بس لو شب بمجتمعنا حكا هالكلام ما حد بيرضى يناسبو

الي ما بدو يناسبني بسبب افكاري بالناقص من نسبو.
انا هي فكرتي الي ما رح اخجل قولها ارضاء لحدا.

[homam85]

أحيي نضالكم

[stormsmaker]

كاتب النص الأصلي : Nay

بعدين الصبايا كلياتهون بسورية بيعانو كتير.. الصبايا السوريات المتحررات هنن اكتر ناس عم يدفعو ثمن...

يا ستنا الكريمة هنني عم يدفعو الثمن لأنو معظم البنات المتحررات بسورية
عم يكونوا للأسف فاضيين يعني ما بيفهموا شي بهالدنيا
يعني تحررون ما عم يكون عن وعي و انما عن حرية زائدة لشخص ما بيعرف يستخدم حريته و يوجها
بينما البنت المتحررة برا بنظركم و الي هيي عم تكون طبيعية بنظر مجتمعها ممكن تكون من الشخصيات القيادية بمجتمعها أو ذات دور كتير فعال لوطنها
فهاد هوي الفرقو هاي سبب المعناة يلي اتفضلتي و حكيتي عنها
و دمتم

[ِAbu Alzooz]

كاتب النص الأصلي : Nay

والله مو بالانتظار.. وصلنا لعندا من زمان ومطمورين فيها يا ابو وليام.. والمفارقة انو مفكرين انو الزبايل عم تجينا من برا ونحنا اهل المزابل..
من جهة تانية.. احيانا بستغرب بالاخوية بشوف شباب كتير ظراف ومتحررين.. بس بستغرب ليش هي الافكار ماعم نشوفها بالحياة .. يعني قليل كتير الشباب اللي بعرفهون بيفكرو هيك بالجامعة او باماكن مفترض انو بيتواجد فيها اكثر السوريين تحررا...
بتخوف احيانا.. انو يكون الفضاء الافتراضي بيأثر على قناعاتنا..
رجاء شباب حدا يقلي لأ كلامي مو صحيح مشان ضل فرحانة فيكون كتير .. كتييير .. كتييييييييييير

انا فيني احكي عن حالي و عن شي 7 شباب من الاخوية بأكدلك انو هادا رئينا

و بتعرفي ليش ما بتشوفيهون بالجامعة لأنو اذا و قفنا و حكينا

لح نطلع مع العالم بلا شرف (( شرفون التنكي ))

و قوادين و ************* و ***************** و *************

بقا انا ما بحكي الا قدام عالم لح تفهم هالحكي

___________________

و انا بشوف انو طالما في عالم عما تقرا للماغوط و حنا مينا و أدونيس و سعد الله ونوس فنحن بعاد عن مزبلة التاريخ

و طالما بتلاقي الدور واصل لعند الله على شباك بيع تذاكر لمسرحيات طبعا مو مسرحيات الأخوين قنوع بنكون لسا بخير

[ِAbu Alzooz]

كاتب النص الأصلي : ويحد سوري

لا تعقديها انت كيف بدك ياها ؟؟
بعذرية ولا بلا عذرية
نحنا بأمركن

لانو هالموضوع من كتر ما شفتوا صرت حس انو عايشين بمجتمع متحاور مناقش
لك يا عيني
انت انسيتي انو في بشر بيدبحوا البنت اذا لبست بنطرون جينز ( قال الشيطان بيكون فات فيها )

.. تعبت ما بدي كفي ...

خليني صف جنبك شريك

ايهابو شو رئيك نفتح معمل أحزمة العفة الاسمنتية

مع ريمونت كونترول و قفل كهربائي

قولتك منربح و منصير ندخن روزمان لأنو الجتان منيح بس مو عالطول

[fernanda bachchan kfoury]

الي ما بدو يناسبني بسبب افكاري بالناقص من نسبو.
انا هي فكرتي الي ما رح اخجل قولها ارضاء لحدا.

معك انا صافو ومافي داعي تخجل هي حرية تعبير وراي وكل واحد حر بافكارو

[عطر سوريا]

كاتب النص الأصلي : AHMED SHAMS

هالموضوع فعلا مهم جدا بس بدي أوجه ألكون جميعا كلمه شباب وصبايا
أنو هلا في بلدنا الشرقي صار متلو متل الغربي البنت بتطلع تسهر وتسكر وتعربد متلها متل أي شب ومافي مانع أذا رجعت على البيت عم تتطوح من شرب الكاس طيب أحنا كيف صرنا هيك ؟ وليش أهالي هادول الصبايا تاركينهن هيك ؟ هلا صار الصبايا العذارى من النوعيه النادره الغلط فينا يا شباب الي سمحنا لحالنا أننا نلمس هالبنت ونشطب على عذريتها بالخط الأسود ونمحيه والغلط كمان على البنت اللي عم تطلع وتتصرمح مع الشباب لأنها هيك بتعطي دعوه لكل شاب لتفقد جسدها وأنا مع رأي الدين أنو لازم أتزوج بأمرأه عذراء .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

كلامك صح مليون %%%%%%%%%%%%%%%%%%%%%%%%%%%%%%% بس هاد الشي كيف فينا نتداراها يعني هلئ رح يكون هاد الشيي حلو للبنت لو انها فقدت عذريتها لمجرد شهوة أو تحرر اكيد لا
بس انا طرحت الموضوع لأضيئ نقطة انو ممكن البنت تغلط بلحظت ضعف بس يعني هالشي مو الحكم عليها بالموت
اذا تابت لربها الله بيغفرلها ونحن ما بدنا اي شو نحن ومين نحن يعني نحن رح نكون أقوى من الله والعياذ بالله
خلونا نفكر شوي بعقل وتروي وشكراااااااااااا على كل الآخوة والأخوات اللي شاركو بهيك موضوع حساس
أخوكم عطر سوريا

[almurtaja]

كاتب النص الأصلي : باشق مجروح

المرأة ( ان كانت عربية او اجنبية ) ليس ما يحدد كفائتها في تربية الاولاد واقامة اسرة سعيدة وناجحة هو ذلك الغشاء المسمى بغشاء البكارة.

شخصياً لا يهمني وجوده نهائياً .
يهمني ان اتزوج بفتاة ما يربطني فيها اقوى من اغشية وعذاره .

يسلملي ربك هادا الحكي اللي بينسمع

[BL@CK]

عندي جارتنا ثاقبة إنفا مشان هازا الإختراع النبوي اللي أسمو بيرسينغ

قولكون خرج بيوم من الأيام تتزوج , و لا ما في أمل

[stormsmaker]

كاتب النص الأصلي : BL@CK

عندي جارتنا ثاقبة إنفا مشان هازا الإختراع النبوي اللي أسمو بيرسينغ

قولكون خرج بيوم من الأيام تتزوج , و لا ما في أمل

ههههههههههههههههههه
خيو اذا ما ما اجا نصيبة
احجزلي ياها أنا جاهز
بس ملعوبة منك

[BL@CK]

كاتب النص الأصلي : stormsmaker

ههههههههههههههههههه
خيو اذا ما ما اجا نصيبة
احجزلي ياها أنا جاهز
بس ملعوبة منك

هلأ طالع عالبيت لأسعرا على ضهرا "100$" و قرب جرّب .

ترا يعني فيا عطل فا بدك تدير بالك ..

بس قبل ما أمشي بدي أبدي إعجابي الشديد بصاحب الموضوع على هالنقل الظريف و الوعي المخيف و الذكاء الأكتر من لطيف ..

سلامات ...