كمشة عطر(زجل)

[3ajeeb]

وكمان قصيدة غزل للشاعر أسعد سعيد :

رح خبرك ما زال ما عندك خبر
شو بحب فيكي بالمفيد المختصر
بحبك تكوني غربتي وكون السفر
بحبك تكوني خمرتي وكون السكر
بحبك تكوني ليلتي وكون السهر
بحبك تكوني ريشتي وكون الوتر
لكن إذا مرة على بالك خطر
تكوني قمر ما انطال إلا بالنظر
رح انجبر اعمل زنودي غيمتين
ولفّك متل ما الغيم بيلف القمر


واكيد اكيد مشكور خيي طوروس عالقصيدة

[sona78]

كاتب النص الأصلي : 3ajeeb

واكيد اكيد مشكور خيي طوروس عالقصيدة

وانت كمان يا عجيب ....
خليتي اتمنى كون القمر والله

[3ajeeb]

كاتب النص الأصلي : sona78

وانت كمان يا عجيب ....
خليتي اتمنى كون القمر والله

اسمنو شايشة معنا وشايشة فينا نردلك ببيت عتابا وميجنا:

اووف اووووووف

ميجنا ويا ميجنا ويا ميجنا

مااحلى سمارك يا صبايا بلادنا


إلــهِـــك ريشــتو بــالنُّــور غطّا ........ ووهج نورِك ع نور الشّمس غطّى
و ع ايدك لو القمر بينام غطّى ........ صـعـبـه يعود يسـتحلــي السّحَــاب

خليل روكز

[طوروس]

كاتب النص الأصلي : sona78

وانت كمان يا عجيب ....
خليتي اتمنى كون القمر والله

سبعة العجايب بالدني اختصرو الفِكَر

وسبعة نقّوهن وجاني الخبر

بس العجيبة شفتها بين الحروف

كيف القمر عم يحلم يكون القمر

طوروس من معبد الياسمين

يسعد مساكي ياشام

[sona78]

بطلنا نصير قمار .....طلعت شغلة خطيرة

[3ajeeb]

كنت كلما زرتها ، أو سألتها موعدا ، تقول : عندي درس ،

أو وظيفة .. وبعدالامتحان واعلان النتائج ، اهتمت بالتسجيل الجامعي...

فكتبت لها ما يلي :


قديش صرلي ناطرك تتخلّصي

فحصك وتطويلي كتاب المدرسه

وتفتحيلي كتاب جامعة الهوى

كليّة العشّاق ن فرع الوسوسه

**

خلص الفحص ، قومي طويلي هالكتاب

والحب قومي فتّحيلو هالبواب

يكفي القلب يتحمّل بحبك عذاب

والعين تهوى السهر ، وانت ناعسه

**

يكفي الوقت يهرب ع درب المعرفه

وانت تقولي بتعرفي وما بتعرفي

حاجي تقولي اليوم عنّا فلسفه

وبكرا عندنا حساب ، جبر ، وهندسه

**

التاريخ ، شو التاريخ؟؟؟ يا دروب الهنى

كتاب الأدب شو فيه ؟؟ غير انت وأنا

والفيزيا ، ونيوتن ، وعلم الفلك

والكون والتكوين ، كلّو هلوسه

**

بعلم النحو ، والصرف ، وضروب الكلام

قدّيش جمّعتي قواعد .. يا سلام !!!

ضم ، فتح ، سكون ، شد ، والتزام

تعي طبّقيهن هون ... برّا المدرسه

**

كتاب القواعد .. ما حدا منّو اغتنى

والشعر تعبة قلب شو منها جنى

وبالقراءه ، قد ما تقري دروس

بيضل بدّك يا حياتي تدرسي

**

والكيميا ، والمنطق ، وعلم الحياة

وكيف عاش افلاطون ؟؟ ولاّ وكيف مات ؟؟

وكيف بدّو يعيش هلّي بيلحقوه

فكرك بيكفي بهالقضايا .. تحبسي

**

وبالأجنبي .. البنجور حلوه لفظتا

ومورنينك .. كود مورنينك .. سهله حفظتا

جي تام .. آي لوف يو .. بيكفينا دروس

فيهن منفتح جامعة ... مو مدرسه

شعر : جرجس الموراني

[3ajeeb]

كاتب النص الأصلي : طوروس

ولزغلول الدامور قصيدة صدفة

صدفة التقو بعيونها عيوني

وبعد شوية عذاب لقيناها وهي هيي لعيون اهل اخوية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[3ajeeb]

كاتب النص الأصلي : 3ajeeb

وهي قصيدة مشهورة للشاعر الزجلي الكبير موسى زغيب غناها الياس كرم وبعتقد فارس كرم . بيقول:

كاس وأنا وحِلوي صغيري مدَللي.............. ب 17 عام أزهى مَْرحَلي
التفِتتْ وشافت سِت جايِي مْعَجَّلِي.............. وصرخت إجت إمي ووَقغنا بْمَشكَلِي
هرّبتها وقِلتِلها بسرعه إنزلي.............. عاهالدراج وخلفك الباب قْفِلي
ووصْلِت الأمّ من الغضب تِغلي غلِي.............. وتصُرخ وتضرب كفها عالطاولي
قلتلها: بعدك صبيه مكحَّلي.............. وبتعرفي القيمه مَلازم تِزعَلي
جَتنِي عاهالمطعم عَزيمه مْدَوْ بَلي.............. وعْزمت بنتك ليش كِل البهدَلي
قالت: عزيمه وليل ساحر مُخملي.............. وخمر وحلا وحب وصبابه وترغلي
تِبقى اذا بتريد مرّه ثانيه.............. وفر تعب عَالبنت وعْزمْني إلي

هون الرابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[3ajeeb]

شروقية للشاعر موسى زغيب :

شو باك عاطي الدني استحقاقها شوباك
طير الحبستو حرمتو المي والموني
بعدك وبعدو الهوى وسبحان من خلاّك
تغفى بقلبي وعد وتفيء بظنوني


لوكنتْ وردة كنتْ بطلب من الأشواك
كرمال عهدك من القطّاف يحموني
ولو كنتْ حبقة كنت بسأل عن الشباك
شباك بيتك تجبلو العطر بغصوني


بكذب عحالي المسا وبقول رح انساك
والصبح عنك إذا الجيران سألوني
بخبي عيوني قصد من كتر ما بهواك
بفزع يشوفك حدا من الناس بعيوني


يالله تا نهرب سوى بالحب بترجاك
عبلاد فيها القيل وقال مدفوني
ومعليش تحكي الدني عني أنا وياك
مجنون هربتْ معو بالليل مجنوني


والرابط من هون :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sona78]

كاتب النص الأصلي : 3ajeeb

شروقية للشاعر موسى زغيب :

شو باك عاطي الدني استحقاقها شوباك
طير الحبستو حرمتو المي والموني
بعدك وبعدو الهوى وسبحان من خلاّك
تغفى بقلبي وعد وتفيء بظنوني


لوكنتْ وردة كنتْ بطلب من الأشواك
كرمال عهدك من القطّاف يحموني
ولو كنتْ حبقة كنت بسأل عن الشباك
شباك بيتك تجبلو العطر بغصوني


بكذب عحالي المسا وبقول رح انساك
والصبح عنك إذا الجيران سألوني
بخبي عيوني قصد من كتر ما بهواك
بفزع يشوفك حدا من الناس بعيوني


يالله تا نهرب سوى بالحب بترجاك
عبلاد فيها القيل وقال مدفوني
ومعليش تحكي الدني عني أنا وياك
مجنون هربتْ معو بالليل مجنوني


والرابط من هون :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

روعة جدا جدا .. يسلمو كومات

[طوروس]

شكراااا عجيب

يسلموووو ايديك على هالاختيارات الروعة

انشغلت شوي بس راجعلك

وعم استمتع كتير بزوقك الراقي

الك

[3ajeeb]

كاتب النص الأصلي : sona78

روعة جدا جدا .. يسلمو كومات

مية هلا سونا

كاتب النص الأصلي : طوروس

شكراااا عجيب

يسلموووو ايديك على هالاختيارات الروعة

انشغلت شوي بس راجعلك

وعم استمتع كتير بزوقك الراقي

الك

وينك يا رَجُل اشتقنا لمشاركاتك الرائعة وأوعا تنسا انو الموضوع موضوعك ونحنا ضيوفك

انا شخصيا بحب الشروقي كتير بالزجل اللبناني وموسى زغيب هوي الرائد بهالفن
بقا ازا بدكم منزل قصيدة جديدة لهالكاتب والفنان . شو بتقولو ؟

[el3ageed]

كتير بحييكون على هـ الموضوع الحلو و أنا من عشاق الزجل و العتابا
و رح أهديكون هي الكلمات لـ نشالله تعجبكون :

يا بنـــت وينـــك قلبي الحـزن هـــــدو
دمعـــو ســرح ســكــران عـ خــــــدو

من يوم رحتــي صار الــورد دبـــلان
و نــام الــــورق تعبـــــان عـ زنـــدو

يصرخ من قهرو للسمـا عطشــــــان
ريقو نشــــف من قـــد مـــا مــــــــدو

و الطير لـ بعمرو ما نسي العنـــــوان
راح و طــــريق البعــــد مـــــــا ردو

و عشو لي بعمرو ما صبح فضيـــان
سكر بوابو من قهر الشتي و بــــردو

رجعي لا لبّـس الجبـــل فصطــــــان
و خلـــي الورد خيطــان مزيني قـدّو

و إعمل من نور الشـــمس ألـــــوان
و أخطف لـون البحـــر من مــــــدو

و إكتــب لطـــيور السمـــا عنـــوان
و حيط لبناه العش بساعدي هـــــدو

رجعي ما فينـــي علــى الهجــــران
رجوعـك لقلبــــي الـــــروح بيــردو

العقيد - عباس - 6-9-2009