أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > عناوين الأخبار

إضافة موضوع جديد  إضافة رد
 
أدوات الموضوع
قديم 14/06/2009   #19
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


اقتباس:
كاتب النص الأصلي : Abu ToNi عرض المشاركة
\بالنهاية الشعب اللبناني والوعي اللي بيحمله قادر وبجدارة على الخوض انتخابات ديمقراطية بكل معنى الكلمة بعيدا عن ايا صبغة طائفية ..
طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.

لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
.
.
.
عندما أصر على أن أجعلك شبيها بي، فأنا في الواقع أصر على أن ألغيك.
  رد مع اقتباس
قديم 14/06/2009   #20
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
محمد ابراهيم
اقتباس:
العالم بتسأل عن الديموقراطية (الديموقراطية هي حكم الشعب )
بالنسبة للانتخابات : الديموقراطية بالانتخابات انو لما يكون بدك تعطي صوتك لمرشح ما ، صوتك يروح الو بدون اي تلاعب او منع وهاد صار بالانتخابات اللبنانية ، ليش مابدكون تقتعو انها كانت انتخابات ديموقراطية !!!؟
كلام سليم مية بالمية و مشان موضوع بعض الوسائل يلي اتبعها المرشحين لاأستمالة الرأي اللبناني من شحن طائفي لأموال..لغيرو ,,كل هيك حالات بتصير بكل الدول الديمقراطية ...يعني شوفو الأنتخابات بأمريكا و فرنسا و بريطانية و الشحن يلي بصير بسبب العرق او الدين ..حتى انو بتشوفها واضحة ...يعني كان في مرشح جمهوري للأنتخابات الفرعية للحزب الجمهوري بأمريكا لتسمية مرشح الرئاسي عن الحزب خسر بشكل واضح بس لأنو من الطائفة المرمونية و المرشحين الأخرين حذرو من انتخابو بس لأنو مرموني ,,,بس بنفس الوقت ..ما فينا نقول انو متل هيك بلدان ما فيها ديمقراطية! ....كل الممارسات يلي انذكرت تدرج بسياق ممارسة اللعبة الديمقراطية

اقتباس:
اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .
و انا بدي احسد اللبنانين على الشي هاد ....وضعو رجلون بالطريق الصحيح ,,,و عقبال الدول العربية كلها

اقتباس:
عياش
اقتباس:
طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.
المقاربة هي انا كتير مقتنع فيها ...يعني بدون محاصصة طائفية لازم الفئة الأكبر توضع ايدها على كامل مؤسّسات الدولة ...يعني ..الشيعة بلبنان ,,و السنة بسوريا ..و باقي فئات الشعب بحكم انها اقليات فما لازم يكون الها تمثيل !!....خصوصا انو نحنا بسوريا بعد سبعين عام من الحكم العسكري الناس لازم تنتخب بوعي و تجرد عن الأنتماء الطائفي ...

انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

الدستور بيتغير و بتنسحب صلاحيات الرئيس المطلقة و بينعطى قسم منها لمجلس الشعب و قسم اخر للحكومة ..و منقبل برئيس سني ..و رئيس حكومة مسيحي ..و رئيس مجلس شعب علوي..او مناخود بمبدأ المداولة ,,يعني مرة لازم يكون رئيس سني ,,و مرة تانية مسيحي و مرة تالتة علوي ,,,..هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 14/06/2009   #21
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
محمد ابراهيم
اقتباس:
العالم بتسأل عن الديموقراطية (الديموقراطية هي حكم الشعب )
بالنسبة للانتخابات : الديموقراطية بالانتخابات انو لما يكون بدك تعطي صوتك لمرشح ما ، صوتك يروح الو بدون اي تلاعب او منع وهاد صار بالانتخابات اللبنانية ، ليش مابدكون تقتعو انها كانت انتخابات ديموقراطية !!!؟
كلام سليم مية بالمية و مشان موضوع بعض الوسائل يلي اتبعها المرشحين لاأستمالة الرأي اللبناني من شحن طائفي لأموال..لغيرو ,,كل هيك حالات بتصير بكل الدول الديمقراطية ...يعني شوفو الأنتخابات بأمريكا و فرنسا و بريطانية و الشحن يلي بصير بسبب العرق او الدين ..حتى انو بتشوفها واضحة ...يعني كان في مرشح جمهوري للأنتخابات الفرعية للحزب الجمهوري بأمريكا لتسمية مرشح الرئاسي عن الحزب خسر بشكل واضح بس لأنو من الطائفة المرمونية و المرشحين الأخرين حذرو من انتخابو بس لأنو مرموني ,,,بس بنفس الوقت ..ما فينا نقول انو متل هيك بلدان ما فيها ديمقراطية! ....كل الممارسات يلي انذكرت تدرج بسياق ممارسة اللعبة الديمقراطية

اقتباس:
اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .
و انا بدي احسد اللبنانين على الشي هاد ....وضعو رجلون بالطريق الصحيح ,,,و عقبال الدول العربية كلها

اقتباس:
عياش
اقتباس:
طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.
المقاربة هي انا كتير مقتنع فيها ...يعني بدون محاصصة طائفية لازم الفئة الأكبر توضع ايدها على كامل مؤسّسات الدولة ...يعني ..الشيعة بلبنان ,,و السنة بسوريا ..و باقي فئات الشعب بحكم انها اقليات فما لازم يكون الها تمثيل !!....خصوصا انو نحنا بسوريا بعد سبعين عام من الحكم العسكري الناس لازم تنتخب بوعي و تجرد عن الأنتماء الطائفي ...!!!!

انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

الدستور بيتغير و بتنسحب صلاحيات الرئيس المطلقة و بينعطى قسم منها لمجلس الشعب و قسم اخر للحكومة ..و منقبل برئيس سني ..و رئيس حكومة مسيحي ..و رئيس مجلس شعب علوي..او مناخود بمبدأ المداولة ,,يعني مرة لازم يكون رئيس سني ,,و مرة تانية مسيحي و مرة تالتة علوي ,,,..هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية
  رد مع اقتباس
قديم 14/06/2009   #22
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي


اقتباس:
كاتب النص الأصلي : عياش عرض المشاركة
طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.
أكيد الشعب السوري حاليا ما عندو اي وعي سياسي ولا رح يقدر ينتخب المشروع الصح مبدئيا والسبب واضح وهو 40 سنة من الدكتاتورية ونظام الحزب الواحد والقمع الذي قتل كل ذرة وعي في عقول السوريين وأصابهم بالسياسة فوبيا ولكن هادا الشي مع الزمن وخلال فترة انتقالية قد تدوم سنتين وقد تدوم عشرة سنين بعد الخلاص من الديكتاتورية ممكن نتجاوزوا ويوصل لمرحلة الوعي السياسي.

يعني على سبيل المثال اذا بنطلع على العراق بنلاقي انو بأول انتخابات بعد التحرير من نظام صدام حسين انتخبوا الطائفية والمعممين من قائمة عبد العزيز الحكيم اللي كان فيها كمان المالكي, ولكن عند تولي السيد نوري المالكي رئاسة الوزراء واتباعه سياسة ليبرالية وطنية غير طائفية بالرغم من انه زعيم حزب اسلامي فإن الشعب في الانتخابات التالية انتخبه بفارق كبير عن قائمة الحكيم الطائفية, صحيح انو ما حصل تغيير كبير بس أنا متأكد انو مستقبلا الشعب العراقي رح يوصل لمرحلة يلفظ فيها جميع السياسيين الطائفيين وما تستغربوا انو نلاقي مثلا قائمة السيد اياد علاوي هي الاولى.
  رد مع اقتباس
قديم 14/06/2009   #23
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي


هلئ شغلة أنو التجربة الديمقراطية اللبنانية مبنية على أسس وقواعد غير صحية متل المحاصصة الطائفية , هادا الشي الغلط لا يختلف عليه اثنان , ولكن وقت نشوف ونسمع واحد سوري عم يتمسخر على اللبنانيين وتجربتهن الحالية بالمطلق فهادا شي بخلي الواحد يشعر بالغثيان عنجد.

على الأقل المواطن اللبناني العادي وجد أمامو كم هائل من المرشحين وانتخب المرشح اللي هو بدو اياه بدون ما حدا يجبروا بالقوة على ذلك سواء اندفعلوا مصاري او لا المهم الشغلة بالنهاية راجعة لالو, اما عنا هون عندك مرشح واحد لا غير, وبدو ينجح سواء قلت نعم او ما صوتت حتى.

بالانتخابات اللبنانية حتى لحظة اغلاق صناديق الاقتراع ما كان معروف مين رح يفوز, بينما عنا هون في ما يسمى بانتخابات مجلس الشعب مثلا الاسماء الفائزة بتكون معروفة سلفا, وباستفتاء الرئاسة مافي غيرو.

بلبنان في اعلام موالي واعلام معارض بينما عنا هون في اعلام موالي ثم اعلام موالي ثم اعلام موالي.

الشباب الجامعي اللبناني منخرط بشكل فعال في الحياة الحزبية في جامعاتهم حيث يعقدون الندوات ويقومون بالمظاهرات ..
بينما الشباب الجامعي السوري يعيش حالة لا توصف من الرعب السياسي الذي بتخلي تمو دائما مسكر وفقط يحضر محاضرات ويدرس وينجح بدون اي نشاط اخر

وبالأخير يعني نحن كشعب سوري لازم على الاقل نشعر بالغيرة ونحسد اللبنانيين على الحرية اللي هن عايشين فيها بحيث الواحد بحكي اللي بدو اياه بدونما يلاقي الامن فوق راسو.

ولكن ان نستورد التجربة اللبنانية الطائفية الى سورية فهادا شيئ مرفوض برأيي الشخصي والاحرى بنا ان ننظر الى الديمقراطيات الاخرى المبنية على اسس صحيحة تماما
  رد مع اقتباس
قديم 15/06/2009   #24
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


الغريب أنو هي أول مرة بيكون في تبعية لكل دول العالم إلا لسورية بلبنان، ومشان هيك ما حدا من الموالاة جاب سيرة تدخل سوري، بس أنو شو بتسمي تدخل السفيرة الأميركية بتشكيل اللوايح وبتسمية المرشحين، والمصاري اللي دفعتا السعودية واللي النيويورك تايمز قالت من مصدر سعودي أنها أكتر من تكلفة حملة باراك أوباما الانتخابية.
أنا ما عم قول أبداً أنو الوضع بسورية أحسن ولا جبت هيك سيرة، بس إذا الديمقراطية هيي متل لبنان، فيا محلا الدكتاتورية.
ملاحظة: أنا جنسيتي لبنانية إذا بدك الأوراق الرسمية، بس انا انتمائي أممي

إبحث أنت عن المعرفة فالمعرفة لا تبحث عن أحد

Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not

Ghandi
  رد مع اقتباس
قديم 15/06/2009   #25
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : marochka عرض المشاركة
الغريب أنو هي أول مرة بيكون في تبعية لكل دول العالم إلا لسورية بلبنان، ومشان هيك ما حدا من الموالاة جاب سيرة تدخل سوري، بس أنو شو بتسمي تدخل السفيرة الأميركية بتشكيل اللوايح وبتسمية المرشحين، والمصاري اللي دفعتا السعودية واللي النيويورك تايمز قالت من مصدر سعودي أنها أكتر من تكلفة حملة باراك أوباما الانتخابية.
أنا ما عم قول أبداً أنو الوضع بسورية أحسن ولا جبت هيك سيرة، بس إذا الديمقراطية هيي متل لبنان، فيا محلا الدكتاتورية.
ملاحظة: أنا جنسيتي لبنانية إذا بدك الأوراق الرسمية، بس انا انتمائي أممي
بظن انو معظمنا انتماؤو اممي ,,,وَ إلا ...ما كنتِ شفتينا عم نحكي بموضوع لبنان بالشغف هاد ...

النقطة هي عدناها كتير بالأيام الأخيرة ,,,لبنان مو جنة الديمقراطية و في كتير سلبيات بالأنتخابات الأخيرة ..بس ما بتوصل الى حد انكار وجود ديمقراطية ...
  رد مع اقتباس
قديم 15/06/2009   #26
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
النقطة هي عدناها كتير بالأيام الأخيرة ,,,لبنان مو جنة الديمقراطية و في كتير سلبيات بالأنتخابات الأخيرة ..بس ما بتوصل الى حد انكار وجود ديمقراطية ...
بتقدر تقول بأنه اللي صار بلبنان " ديمقراطية " ؟؟؟
مسخ ديمقراطية .. شي بيشبه الديمقراطية ... تسميات ممكن تمرق وما حدا يفتح تمه
بس اعتبارها نموذج ديمقراطي فعدم المؤاخذة مالها علاقة لا من قريب ولا من بعيد .. الا اذا اعتبرنا صندوق وورقة = ديمقراطية وهيك منكون عم نسخف كيتر من مفهوم الديمقراطية .

رايحة تزور
كوخ مسحور
  رد مع اقتباس
قديم 17/06/2009   #27
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


اقتباس:
كاتب النص الأصلي : Elephant And Castle عرض المشاركة
انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية

بس للأسف التجربة اللبنانية لا تبشر بقانون لا طائفي وإنما تؤكد على الطائفية يعني أخشى فيما أخشاه أن قانون المحاصصة سيعزز دور الطائفية بالسياسة بحيث تصبح العماد الأساسي والطبيعي.
  رد مع اقتباس
قديم 17/06/2009   #28
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : ayhamm26 عرض المشاركة
طيب معك انو هي مو ديمقراطية

معلش تشرحلي شو هي الديمقراطية لكن؟؟
انا كمواطن سوري متل ما عم تقول ما عندي ثقافة ديمقراطية
و لهيك ما عندي شرح للديمقراطية
بس انت بتعتبر انو تقييم المرشح هوي قديش ممكن يدفعلي حتى انتخبو بتسميها ديمقراطية؟


اقتباس:
كاتب النص الأصلي : ayhamm26 عرض المشاركة
ما هو هدا انا اللي عم قولوا, مهما كانت التجربة اللبنانية فيها عيوب فبالنسبة لالنا تعتبر تجربة قابلة للتحليل و اخذ العبر منها

مو نقعد نتمسخر علين متل ما شفت البعض عم يعمل, ونحني ما عنا اصلا شي اسمو ديمقراطية
انا ما كنت عم اتمسخر اذا كنت انا المقصود بكلامك
انا عم قول رأيي و بس
و بدي ضيف كمان انو الطريق الغلط ما بيوصل لنتيجة صح يعني انو ناخد التجربة اللبنانية يلي مسمايينها ديقراطية
لو اطبقت عنا بالبلد كنا عم ندبح بعضنا للاسف
لما حضرتك بتقّيم النظام على اساس انو علوي ما عندك امكانية تطبيق الديقراطة اللبنانية لانك بتكره العلوي و عندك حقد الو \ اسف اني عم احكي بهالطريقة بس للاسف يلي شفتو من كل مشاركاتك هي مغزاه\
  رد مع اقتباس
قديم 17/06/2009   #29
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : mhsen77 عرض المشاركة
انا كمواطن سوري متل ما عم تقول ما عندي ثقافة ديمقراطية
و لهيك ما عندي شرح للديمقراطية
بس انت بتعتبر انو تقييم المرشح هوي قديش ممكن يدفعلي حتى انتخبو بتسميها ديمقراطية؟



انا ما كنت عم اتمسخر اذا كنت انا المقصود بكلامك
انا عم قول رأيي و بس
و بدي ضيف كمان انو الطريق الغلط ما بيوصل لنتيجة صح يعني انو ناخد التجربة اللبنانية يلي مسمايينها ديقراطية
لو اطبقت عنا بالبلد كنا عم ندبح بعضنا للاسف
لما حضرتك بتقّيم النظام على اساس انو علوي ما عندك امكانية تطبيق الديقراطة اللبنانية لانك بتكره العلوي و عندك حقد الو \ اسف اني عم احكي بهالطريقة بس للاسف يلي شفتو من كل مشاركاتك هي مغزاه\

اسمحلي رد على كلامك من تحت لفوق

هات لشوف جبلي شي مشاركة انا قلت فيها انو النظام علوي واني بكره النظام لانو علوي, اتفضل وانا عم استناك لشوف ايمتى انا قلت انو النظام علوي, ولا الشغلة بس هيك توزيع اتهامات وبس
اي واحد بيكون عندو راي معارض يا ببتهموه انو تكفيري يا انو عم يعارض لانو النظام علوي يا انو بيكره وطنو وعم يبيع وطنيات من برا البلد, بظن عيب هيك ما يعني عيب بنفس القدر اللي لو انا اتهمت واحد فيكن انو مخبر مدسوس بهالمنتدى

اما انو عندي حقد على العلوي, فكمان هي بتركها لكل اللي بيقروا مشاركاتي ليشوفوا انا فعلا عندي حقد على العلوي, ولا اللي بيفكر متلك متخيل انو الطوائف التانية بسوريا حاملين سواطير بدن يقطعولوا راسو وبشار الاسد هو اللي حامي منن.

هلق منرجع للموضوع نفسو, منين هي جبتها انو رح ندبح بعضنا لو صار ديمقراطية, باواخر الاربعينات والخمسينات وبعد الانفصال كان في ديمقراطية, على علمك بسوريا كان في حرب اهلية شي بهداك الوقت؟؟
الاقليات بسوريا ما كانوا مشاركين بالحياة السياسية ؟؟

التقاتل الطائفي ما بلش الا بعهد حافظ الاسد الميمون, لما استلم الحكم ب 1970 شفت الشعب طلع شي ثورة علي لانو علوي؟؟ بالعكس انا بقلك انو كتيير من الشعب صدق وعودوا وما حدا فكر بقصة انو علوي او لاء, والاضطرابات اللي بلشت بعد 9 سنين من عهدو كان سببها السياسات اللي اتبعها وليس طائفتو


وبرجع بقول اللي قلتو بمشاركة سابقة, ما حدا قال لازم تنبنى بسوريا النموذج اللبناني, بس على الاقل ندرسوا نستفيد من اللي عم صير, يا اخي على الاقل يحرك فينا شي , انو لايمتى رح يضل عنا انتخابات نتيجتها معروفة قبل 7 سنين من بدايتها ؟؟

تحياتي
  رد مع اقتباس
قديم 19/06/2009   #30
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : ayhamm26 عرض المشاركة
اسمحلي رد على كلامك من تحت لفوق

هات لشوف جبلي شي مشاركة انا قلت فيها انو النظام علوي واني بكره النظام لانو علوي, اتفضل وانا عم استناك لشوف ايمتى انا قلت انو النظام علوي, ولا الشغلة بس هيك توزيع اتهامات وبس

اول شي بخصوص هي بعتذر منك لانو اختلطت عليي الامور و انا اسف

اي واحد بيكون عندو راي معارض يا ببتهموه انو تكفيري يا انو عم يعارض لانو النظام علوي يا انو بيكره وطنو وعم يبيع وطنيات من برا البلد, بظن عيب هيك ما يعني عيب بنفس القدر اللي لو انا اتهمت واحد فيكن انو مخبر مدسوس بهالمنتدى

اما انو عندي حقد على العلوي, فكمان هي بتركها لكل اللي بيقروا مشاركاتي ليشوفوا انا فعلا عندي حقد على العلوي, ولا اللي بيفكر متلك متخيل انو الطوائف التانية بسوريا حاملين سواطير بدن يقطعولوا راسو وبشار الاسد هو اللي حامي منن.

بشار و ابوه بشكل او بأخر مانعين يوصل الخلاف بين الطوائف ليكون مشابه للبنان

هلق منرجع للموضوع نفسو, منين هي جبتها انو رح ندبح بعضنا لو صار ديمقراطية, باواخر الاربعينات والخمسينات وبعد الانفصال كان في ديمقراطية, على علمك بسوريا كان في حرب اهلية شي بهداك الوقت؟؟
الاقليات بسوريا ما كانوا مشاركين بالحياة السياسية ؟؟

جبتها من التاريخ يلي عاشتو سوريا قبل ال 1970 جبتها من احداث الاخوان المسلمين يلي التفجيرات تبعهون طالت مناطق محدد بطوائف معينة
صح ما كان في حرب اهلية بس الحرب كانت بشكل تاني
الاقليات بسوريا ما كانت مشاركة مشاركة حقيقية بالحياة العادية لحتى تشارك بالحياة السياسية
انا حتى عرف عن حالي من اقلية عانت الامرين قبل استلام حافظ الاسد الحكم و حتى من قبل من لما استلم وزارة الدفاع على عهد امين الحافظ
كان افراد جماعتي \ المرشديين \ يتحاكمو بتهمة الانتماء الى المرشدية و ينحبسو من تلت شهور لسنتين
و ما كان الهن الحق باي وظيفة و حتى يلي يبين انو مرشدي و موظف او متطوع بالجيش كان ينطرد
و طبعا هالحكي بينطبق ع الدروز بنفس الفترة
و كان هالوضع مفروض من اعلى مستويات الحكم بسوريا \ على مستوى رئيس الجمهورية و رئاسة الوزراء و دعم شعبي كمان اذا بدك \


التقاتل الطائفي ما بلش الا بعهد حافظ الاسد الميمون, لما استلم الحكم ب 1970 شفت الشعب طلع شي ثورة علي لانو علوي؟؟ بالعكس انا بقلك انو كتيير من الشعب صدق وعودوا وما حدا فكر بقصة انو علوي او لاء, والاضطرابات اللي بلشت بعد 9 سنين من عهدو كان سببها السياسات اللي اتبعها وليس طائفتو

اذا بتراجع التاريخ مليح بتشوف غير هالحكي


وبرجع بقول اللي قلتو بمشاركة سابقة, ما حدا قال لازم تنبنى بسوريا النموذج اللبناني, بس على الاقل ندرسوا نستفيد من اللي عم صير, يا اخي على الاقل يحرك فينا شي , انو لايمتى رح يضل عنا انتخابات نتيجتها معروفة قبل 7 سنين من بدايتها ؟؟

تحياتي

انا رح كرر اعتذاري منك بس صار اختلاط بينك و بين شخص تاني
انا معك انو الوضع مو صحيح 100% وفي اغلاط بس مو بهالسوء كمان يلي عم تصوروه
بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر
يعني بعطيك امثلة عاللي صار بللبنان من ضرب و قتل مشان الانتخابات
خوري من الطائفة السريانية طفشوه من المتن لانو ما قال لجماعتو لاتنتخبو ميشيل المر و بعدين هجمو على بيتو
هي هيي الديقراطية يلي بدنا ناخد منها العبر
  رد مع اقتباس
قديم 20/06/2009   #31
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : mhsen77 عرض المشاركة
انا رح كرر اعتذاري منك بس صار اختلاط بينك و بين شخص تاني
انا معك انو الوضع مو صحيح 100% وفي اغلاط بس مو بهالسوء كمان يلي عم تصوروه
بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر
يعني بعطيك امثلة عاللي صار بللبنان من ضرب و قتل مشان الانتخابات
خوري من الطائفة السريانية طفشوه من المتن لانو ما قال لجماعتو لاتنتخبو ميشيل المر و بعدين هجمو على بيتو
هي هيي الديقراطية يلي بدنا ناخد منها العبر
مو مشكلة , حصل خير بس انا استغربت انو منين نزلت عليي تهمة الطائفية

بدي بس علق على شغلة تاريخية انت ذكرتها, مشان موضوع حقوق الاقليات بسوريا بعد الاستقلال

الدروز ما كانوا ممنوعين من تولي اي منصب, اللواء شوكت شقير, المنتمي لعائلة درزية معروفة, كان رئيس اركان الجيش السوري وهو اللي سلموا اديب الشيشكلي الحكم وهرب على بيروت سنة 1954

الجيش كان بفترة الخمسينات مليان ضباط من كل الطوائف والاتجاهات السياسية , والا لو كان كلامك صحيح عن منع الاقليات من المشاركة , منين وكيف وصلوا ضباط متل محمد عمران وصلاح جديد ولا حقا حافظ الاسد للحكم؟؟

أحداث الاخوان المسلمين اللي بتستشهد فيها دائما مانها مقياس لاي شي, لانو الاخوان كانوا موجودين من 1940 بسوريا و ما سجل اي عنف من قبلن تجاه الاقليات الا بعهد حافظ الاسد و لاحظ اني قلتلك انو العنف بدء بعد سنوات من عهدو ونتيجة لسياساتو



بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر

لك خيو منيح اللي عندو قشر ديمقراطي احسن من اللي مستجحش شعبو بمسرحية 99 بالمية

واللي صار بلبنان رغم كل الوجه الطائفي القبيح, بيدل انو على الاقل عندن مجتمع حي وفي امل على الاقل يصيروا يوما ما
  رد مع اقتباس
قديم 20/06/2009   #32
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اول شي بدي اتشكرك ايهم لانك تفهمت موقفي


اقتباس:
الدروز ما كانوا ممنوعين من تولي اي منصب, اللواء شوكت شقير, المنتمي لعائلة درزية معروفة, كان رئيس اركان الجيش السوري وهو اللي سلموا اديب الشيشكلي الحكم وهرب على بيروت سنة 1954
وجود شخص بالحكم مابيعني ابدا انو كل الطائفة مشاركة بعدين انت عطيت المثال على اديب الششكلي من اكبر الديكاتوريين يلي مرو على سوريا


اقتباس:
الجيش كان بفترة الخمسينات مليان ضباط من كل الطوائف والاتجاهات السياسية , والا لو كان كلامك صحيح عن منع الاقليات من المشاركة , منين وكيف وصلوا ضباط متل محمد عمران وصلاح جديد ولا حقا حافظ الاسد للحكم؟
يلي معروف انو اغلب ضباط وعناصر الجيش هنن من العلويين من زمن الاستقلال لانو السنة هنن بالاصل اهل المدن يلي امورون المادية باغلب الاحوال ممتازة بالنسبة لباقي فئات الشعب السوري و لحد هالوقت ما بتلاقي ضباط سنة مدنيين \ من اصول مدينية \ بالجيش الا القليل القليل و هالسبب رح يأدي بالنتيجة انو الضباط العلويين يلي رح يستلمو الجيش لانون اغلبية هونيك و لانو الطرف التاني مو منافس بهالشي


اقتباس:
أحداث الاخوان المسلمين اللي بتستشهد فيها دائما مانها مقياس لاي شي, لانو الاخوان كانوا موجودين من 1940 بسوريا و ما سجل اي عنف من قبلن تجاه الاقليات الا بعهد حافظ الاسد و لاحظ اني قلتلك انو العنف بدء بعد سنوات من عهدو ونتيجة لسياساتو
بالنسبة للاخوان المسلمين قبل حكم حافظ الاسد لسوريا كان الحكم من السنة لهيك ما كانت احداث دامية متل يلي صارت بعدين و الدليل انو التفجيرات يلي قامو فيها كانت بمناطق العلويين


اقتباس:
لك خيو منيح اللي عندو قشر ديمقراطي احسن من اللي مستجحش شعبو بمسرحية 99 بالمية
القشر العاطل ما بيحمل ثمرة طيبة
  رد مع اقتباس
قديم 20/06/2009   #33
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : mhsen77 عرض المشاركة
اول شي بدي اتشكرك ايهم لانك تفهمت موقفي

عفوا

وجود شخص بالحكم مابيعني ابدا انو كل الطائفة مشاركة بعدين انت عطيت المثال على اديب الششكلي من اكبر الديكاتوريين يلي مرو على سوريا

اي بس هدا مثال صغير, عندي عشرات الامثلة عن وزراء من طوائف مختلفة بسوريا بهديك الفترة

برايي اديب الشيشكلي اللي هو فعلا كان ديكتاتور , لو قارنتو بحافظ الاسد بيطلع ملاك


يلي معروف انو اغلب ضباط وعناصر الجيش هنن من العلويين من زمن الاستقلال لانو السنة هنن بالاصل اهل المدن يلي امورون المادية باغلب الاحوال ممتازة بالنسبة لباقي فئات الشعب السوري و لحد هالوقت ما بتلاقي ضباط سنة مدنيين \ من اصول مدينية \ بالجيش الا القليل القليل و هالسبب رح يأدي بالنتيجة انو الضباط العلويين يلي رح يستلمو الجيش لانون اغلبية هونيك و لانو الطرف التاني مو منافس بهالشي

انت اخدت الواقع اللي تم ترسيخوا بعد 1963 وعممتوا على التاريخ كلو, الجيش كان بيعكس التوازن الطائفي بسوريا تماما, لحد ما صار انقلاب 1963 و اجت مجموعة اسمها اللجنة العسكرية باجندة طائفية و قلبت كل شي و النهج استمر على هالشي بعد 1970 , نهج استبعاد منهجي لطائفة عن المناصب الحساسة بهدف الايحاء انو طائفة تانية هي الحاكمة , وهالشي هو اللي خلا ابناء الطوائف التانية يبعدوا عن الجيش




بالنسبة للاخوان المسلمين قبل حكم حافظ الاسد لسوريا كان الحكم من السنة لهيك ما كانت احداث دامية متل يلي صارت بعدين و الدليل انو التفجيرات يلي قامو فيها كانت بمناطق العلويين

الاخوان ما وفروا حدا, قتلوا أئمة جوامع سنة متل ما قتلوا علويين ومن كلو , بس انا كنت بدي قول انو اللي وصل البلد لدرجة الاحتقان الطائفي الهائل بهداك الوقت كانت سياسات السلطة الطائفية الواضحة
ومشان ما نخرج عن الموضوع اكتر من هيك, بكفي تشوف لهفة السوريين وانشغالن بالانتخابات اللبنانية لتعرف انن عم يحنوا لايام زمان
  رد مع اقتباس
قديم 20/06/2009   #34
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
اي بس هدا مثال صغير, عندي عشرات الامثلة عن وزراء من طوائف مختلفة بسوريا بهديك الفترة
فيك لكن تفسرلي هي
اقتباس:
كان افراد جماعتي \ المرشديين \ يتحاكمو بتهمة الانتماء الى المرشدية و ينحبسو من تلت شهور لسنتين
و ما كان الهن الحق باي وظيفة و حتى يلي يبين انو مرشدي و موظف او متطوع بالجيش كان ينطرد
طبعا هالحكي كان قبل 1965 اي قبل ما يصير حافظ الاسد وزير للدفاع و يلي الغى المادة 207 من قانون العقوبات يلي كان افراد جماعتي يتحامكو على اساسها و الغيت هالمادة بامر شخصي من حافظ الاسد


اقتباس:
انت اخدت الواقع اللي تم ترسيخوا بعد 1963 وعممتوا على التاريخ كلو, الجيش كان بيعكس التوازن الطائفي بسوريا تماما, لحد ما صار انقلاب 1963 و اجت مجموعة اسمها اللجنة العسكرية باجندة طائفية و قلبت كل شي و النهج استمر على هالشي بعد 1970 , نهج استبعاد منهجي لطائفة عن المناصب الحساسة بهدف الايحاء انو طائفة تانية هي الحاكمة , وهالشي هو اللي خلا ابناء الطوائف التانية يبعدوا عن الجيش
لاء اخ ايهم انا متاكد من كلامي و من التاريخ \ من تاريخ الاستقلال حتى تاريخ ثورة اذار او انقلاب اذار متل ما بتحب تسميها \ يلي عم احكي عنو و يلي للاسف هالفترة بالتحديد مطموسة من تاريخ سوريا بدوافع متعددة


اقتباس:
الاخوان ما وفروا حدا, قتلوا أئمة جوامع سنة متل ما قتلوا علويين ومن كلو , بس انا كنت بدي قول انو اللي وصل البلد لدرجة الاحتقان الطائفي الهائل بهداك الوقت كانت سياسات السلطة الطائفية الواضحة
كلامك هون ما بيخالف كلامي يمكن استلام علوي الحكم هوي يلي شعل الاحداث


اقتباس:
ومشان ما نخرج عن الموضوع اكتر من هيك, بكفي تشوف لهفة السوريين وانشغالن بالانتخابات اللبنانية لتعرف انن عم يحنوا لايام زمان
لاء كلامك هون مو صح
صح شفت اللهفة و الانشغال بس انا شايف السبب مختلف
العمالة السورية بلبنان يلي عم يشتغلو بمناطق تابعة للموالاة هربو من الشغل خوف على حياتون \ وما فيك تنكر قتل شباب سوريين بلبنان لمجرد انون سوريين \ لهيك الكل مهتم انو يفشل هالاتجاه بالانتخابات اللبنانية
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 11:45 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.20677 seconds with 12 queries