عودة فرنسية إلى التمسك بالعذرية قبل الزواج

[mahmoom]

انتم صنعتم العورة و ستتحملون الخطيئة بحق البشرية

[مسطول على طول]

كاتب النص الأصلي : mahmoom

انتم صنعتم العورة و ستتحملون الخطيئة بحق البشرية

انا مافلس فكريا ياريت تشرحلي كيف صنعنا العوره

يعني الحجاب ... ولا شفاف والبكيني

[ظل جيفارا]

كاتب النص الأصلي : ميستي

اللهم عافينا وعافي ابنائنا واستر عوراتنا وامن روعاتنا يا رب العالمين

والله العظيم حالة بنقلك مجتمعنا في انتشار كبير للعادة السرية اللي فيها خطر يمكن يفوت خطر الممارسة الجنسية
يعني وخصوصا الاناث وهم يمارسن العادة السرية لربما يفقدن عذريتهن وهذا سيبب إلما لطوال الحياة بسبب فقدان العذرية دون ممارسة
يا عمتي الشباب هم عماد المجتمع ؟
والشباب ما بيقدر يأنتج الا بعد الاكتفاء
والاكتفاء على كافة الصعد وخاصة الاكتفاء الجنسي
والشباب غير قادر على الزواج إلا في مرحلة متأخرة من العمر
يعني بيكون وصل لمرحلة يا بيأنتج ولا من ينتجون
خير انشاء الله
اخوكم بحب
ظل جيفارا

[kamikaze]

و لو يا شطور، فعلا معك حق من الخطأ الفادح أني قول عالبنات اللي بتمارس الجنس قبل ما يكونوا متزوجات عواهر، أصلا معك حق مية بالمية ، و أصلا الزواج كله مسخرة، و أنا و أنت و اللي متلك لازم نساوي مظاهرات منظمة ضد الزواج و نلغيه من الدنيا و نقول لا للزواج

إذا برأيك كلمة عاهرة فيها إساءة للبنت اللي بتمارس الجنس قبل الزواج مع مين ما بدها، أنا ما رح زعلك رح سميها عاهرة ببلاش، و جملتك القيمة اللي بتقول(( لأنو حضرتك ما بتحبي الجنس قبل ان تمنحك السطلة ورقة اثبات الجنس بالمحكمة ومن دون ما يبارك الشيخ على العهر بالجملة)) يتضح من خلالها أنك ما بيكفيك تقرا كلامي مرة وحدة لتستوعبه، لازم تقراه من 3 ل 10 مرات حتى تفهم الكلام اللي كتبته أنا، فمن خلال كلامي يا أخونا ظل جيفارا، أنا ما كنت عم أحكي عن حالي شو أنا بحب و شو أنا ما بحب، أنا أولا عم أحكي بشكل عام، و تانيا توجيهك الكلام إلي بشكل شخصي و قولك حضرتك ما بتحبي الجنس قبل ما تمنحك السلطة ورقة إثبات الجنس بالمحكمة، بيعني أنك أنت عم تقرر عني شو بحب و شو ما بحب و أنت بصراحة و من دون إهانة، خليك ملتهي بحالك و لا تقرر عن الناس شو بتحب و شو ما بتحب..

أما وصفك للزواج أنه إثبات الجنس بالمحكمة، يوضح تماما جهلك بالزواج و يوضح التناقض الذي تعيش فيه، فمرة بتقول عن الزواج أنه علاقة روحية، و مرة بتقول عن الزواج أنه إثبات جنس بالمحكمة، فيا أخونا المحترم المحكمة هي مؤسسة قانونية يتم تثبيت الزواج فيها و ليس الجنس على حد تعبيرك، و لولا القوانين التي تحكم الدول لتحول المجتمع إلى غابة، و لولا ورقة إثبات الجنس بالمحكمة بين الوالد و الوالدة الله يخليلك ياهن، لما كان عندك هوية أو جواز سفر ..

أما قولك من دون ما يبارك الشيخ عالعهر بالجملة، يوضح ضعف بمهاراتك في الحوار، فلو لاحظت أنا بكل ردودي ما قلت شيخ و لا قلت خوري، و لم أتطرق للزواج من منظور ديني، أنا أناقش الموضوع من ناحية إنسانية حضارية أخلاقية، فإذا كنت أنت ماركسي ما بحقلك تهين رجل الدين المسيحي أو المسلم و توصفه بأنه يبارك العهر، فإذا برأيك الشيخ و الخوري بباركوا العهر بالجملة، بعدين بتجي و بتقول طبعا ما كله عهر عشان هيك بتقول عهر بالجملة، أنا بحب وضحلك نقطة مهمة و هي كالتالي:

العهر يستحيل أن يتم بمباركة شيخ أو خوري، العهر يتم بمباركة أنصار العهر، و كلمة عهر اللي اخترعتها أنت تعني ممارسة الجنس لقضاء شهوة مع بنت مقابل مبلغ مادي أو مقابل عشا و سهرة بالمفهوم العصري المتحضر للعهر، أما الشيخ و الخوري فلا يباركو بالزواج حتى يقر الزوج و الزوجة أمام الناس بنيتهم الصادقة بالارتباط بعلاقة دائمة، فأكيد لو ما كانت نيتهم صادقة فما هي مشكلة الشيخ و الخوري و إنما مشكلة الزوجين اللي عم يكذبوا على حالهن و عالناس اللي شاهدين عليهم، و قولك مباركة الشيخ على العهر فيها وصف للزواج بأنه عهر، و إذا كان برأيك الزواج هو عهر و برأيك الزواج هو علاقة روحية و بالتالي حسب عقليتك العلاقة الروحية هي علاقة عهر، فالله يسلم إيديك على هالجواهر اللي عم تسمعنا ياها، و بعدين بتنسحب و بتقول بس ما كله عهر يعني الشغلة صارت على كيفك أنت بتقرر أي زواج عهر و أي زواج ما عهر، أما العلاقات الجنسية خارج إطار الزواج فأبدا ما بيحقللي قيمها على أنها عهر و إنما هي حب و ثقة.. نعم هي حب و ثقة لمدة شهرين أو سنتين ثم ينتهي هذا الحب و هذه الثقة لأسباب مجهولة!!، و لكن الزواج الذي من المفروض أن يستمر مدى الحياة هو ليس بحب و ليس بثقة و إنما عهر !!!

أما إذا كنت أنت عايش ضمن بيئة عم تشوف فيها أنه الزواج القائم على الحب صار نادر، فما فيك تعمم هالحالة عالعالم، و يا ريت تقللي العلاقات الجنسية اللي تتم خارج إطار الزواج و على أساس أنها مبنية على حب و ثقة و بتنتهي بعد مدة وجيزة كما الحال في 99% من هذه العلاقات وين الحب و الثقة فيها ؟؟؟

و قولك أنه الزواج كعلاقة روحية أصبح منقرضا، بيخللي اللي بيقرا كلامك يصدقك و يفكر أنك باحث إجتماعي مساوي دراسة لألف حالة زواج انتقيتهم بشكل عشوائي من فئات مختلفة بالمجتمع و جاية تحكي، هل بفهم منك انطلاقا من أقرب الناس إلك أنه كل المتزوجين بعيلتك زواجهن ما هو علاقة روحية و إنما....... أكيد لأ فمن وين جايب كلامك؟؟ هل زواجهم كان مجرد ورقة؟؟ هل البنت وافقت من دون ما تنسأل؟؟ ما بظن

كلامك أنه الزواج صار مجرد ورقة و البنت ما بتنسأل ممكن أعرف منين جايبه؟؟؟ شو أنت عايش بكوكب و نحنا عايشين بكوكب تاني؟؟ إذا كان في حالات شاذة بالمجتمع متل هي ما فيك تطبقها عالمجتمع كله و ما فيك تقول أنه لهادا السبب لازم نرفض الزواج و نحاربه ...

بتعرف شو هي مشكلتك؟؟ أنت بشكل غير مباشر عم تعرف الزواج على أنه اضطهاد للمرأة و ورقة محكمة، و عم تعتبر كلامك رد على كلامي، و مشكلتك عم تاخد من الجمل إدنه كما يقال، لو بدك ترد على كلامي فيا ريت ترد على مختصر كلامي اللي رح لخصلك ياه بهالسطرين واللي هو

أي علاقة جنسية غير نابعة عن حب فهي علاقة غير حضارية و غير إنسانية، أكانت ضمن إطار الزواج أم لا.. فهمت يا أستاذ؟؟؟؟؟ و أنا ما عم ناقش أنواع الزواج هون، فبصراحة اللي بيتزوج بنت ما بحبها إنسان متخلف عقليا، و اللي بتتزوج شاب ما بتحبه غبية و متخلفة، بعدين أنا ما ضد علاقة بين شب و بنت شعروا بميل روحي لبعضهن ليتأكدوا من مشاعرهن و بعدين يتزوجو عن حب، بس ضد أنهن ينسفوا فكرة الزواج تأكيدا أنه حبهم كاذب و ما عندهن رغبة باستمرارية العلاقة، و ضد أنهم يمارسوا الجنس قبل الزواج ليتأكدوا من مشاعرهن، أو لمجرد أنه ما عندهن رغبة بالزواج بالوقت الحالي، أو أنهن غير قادرين على الزواج لمجموعة من الأسباب و غيره من كذب، لأنه عمره ما كان الجنس مقياس للحب و الحب اللي مقياسه الجنس هو حتما ليس بحب و لا علاقة روحية، لأن العلاقة الروحية لا تقاس بالماديات متل المشاعر الجسدية و إنما تقاس بمشاعر طرفي العلاقة وقت بيكونو بجانب بعضهن البعض، و لو تأكدوا من حبهن لبعض فالزواج بيكون تتويج لحبهن و علاقتهن الروحية

و بتجي بعدين بتقول أنت مو مع الممارسة مع أكتر من شب لحتى نوصل للشب اللي بدنا نتزوجه، لكن ممكن تقللي أنت مع شو؟؟ و لا تقللي انو أنت مع الممارسة مع شب واحد منتزوجه وقت بتصير الظروف ملائمة، لأنه معظم هالنوع من العلاقات بينتهي بالانفصال، و لازم لتتأكد من كلامي تطلع عن نطاق البيئة اللي المحيطة فيك و تشوف شو عم يصير بالدنيا، و لا تقول أنه العذرية من غرائز البشر، فالعذرية ليست بغريزة لا بالشرق و لا بالغرب

و الجنس ليس بلحظة مقدسة، و إنما الجنس هو سلوك مقدس عنما ينبع عن حب صادق متوج بالزواج، و سلوك حيواني عندما لا ينبع عن حب، أو عندما ينبع عن حب كاذب نتهرب فيه من الزواج

و ما حدا قللك الزواج هو مقياس الجنس الصحيح، و إنما هو تتويج للحب الصادق، أما إن لم يكن الزواج نابع من هذا المنطلق فهو حماقة و ليس بعهر، فالعهر كما قلتلك من قبل هو الممارسات الجنسية المتعددة، و أكيد هذا لا ينطبق على الزواج، و لا تقول أنه تلات أرباع الممارسات الجنسية بين الزوج و زوجته غير ناتجة عن حب و تقرر من راسك شروط الزواج في شرقنا لحتى تتأكد من كلامك، فأنت و نحنا عايشين بالشرق، و اللي أنت عم تحكي ما شايفينه نحنا بالبيئة المحيطة فينا.

مايا عزيزتي أنا صدقا ما عندي أي مشكلة معك، و أنا احترمت وجهة نظرك، و قلتلك أنه لو قريتي كلامي بتشوفي أنه أنا و أنتي متوافقين بالكلام، و بصراحة ما فهمت عليكي شو قصدك بطئ البراغي، و لا فهمت عليكي شو قصدك بكلمة شخصنة، و لا فهمت شو قصدك بفضيها سيرة، بس عالعموم أنا بالموضوع نفسه الله وكيلك، و وجعني راسي من الموضوع أصلا ما في شوفة عينك إلا عشرين رد ضدي كل يوم، و كل اللي بيردوا بيقروا سطرين من كلامي و بيقومو بيقاتلوا يا ريت بيقروا الكلام كله، بس بدهن واحد يقلهن أنتو صح عيشوا بغابة متل الحيوانات و مارسوا الجنس كل كم شهر إذا ما كل كم يوم مع شخص جديد و هيك بصير أنا فهمانة و منطقية، و شكرا لتحيتك، و إلك مية تحية و مية وردة بالمقابل

[kamikaze]

وقت ليندا بتقلك يا ظل جيفارا شرعي، هي بتقصد الشرعية القانونية اللي بتحدد هوية الطفل و اللي بتقيم أفعالك إن كنت ماركسي ولا غير ماركسي، فالقانون ما هو واقع مريض يقيم الآخر على مبادئ النفس، و إذا برأيك ليكون الزواج شرعي أنت ما بحاجة بياعين عقود من رجال القضاء و الدين، فأنت عم تنسف شرعية القانون، و لكن شرعية القانون مفروضة عالجميع شئنا أم أبينا، و رفضك لشرعية القانون هو رفض للقانون، و ما أظن أنه رفض القانون أمر حضاري، و ما أظن أنه لو بدنا ناخد برأيك و نقول أنه الزواج الشرعي ليس بحاجة لأن يثبت بمحكمة حنكون بخير، فكيف بدو يكون في أطفال شرعيين يحملون إسم أمهم و أبيهم يعترف عليهم القانون لو بدنا ناخد بكلامك؟؟ ممكن تقللي

القانون إطار ينظم سلوك المجتمع، و لا يجبر المجتمع على سلوك معين، و القانون ما بيجبر تنين ما بيحبوا بعض عالزواج و إنما ينظم الزواج، فالحب هو اللي ناتج من الروح و ليس الشرعية، و أما قولك(( يعني يا إما الطرفين بيقتنعوا انو زواجهن شرعي لأنهن اصلا واصلين لمرحلة القناعة
يا إما حدهن جهنم يعملوا اللي بدهن إياه
بالحالة الاولى
طبعا بس يوصلوا لقناعة رجال الدين والقضاء شي صوري أمام قناعاتهن)) فأنا بصراحة ما قدرت أفهمه، يا ريت توضحه أكتر ..

أما يا دانيتو كلامك الجنتل اللي بتقول فيه التقيؤ الفكري و الأسلوب المدرسي التلقيني ،ممكن تقلنا شو معناته؟؟ لأنه نحنا منعرف شو معناته بس الظاهر أنت لأ، لأنه هاد الأسلوب ما حدا فينا استخدمه مع احترامي لك كمنسق..

أما فهم الجنس في فرنسا و فهمه في مجتمعاتنا و قولك أنه نحنا عم نحاول الدفاع عنه، فما في حدا عم يحاول الدفاع عن فهم الجنس بمجتمع أو آخر، نحنا عم تحاول نوضح الفرق بين الحب الصادق و الكاذب، و الفرق بي الزواج المقدس المبني على الحب و الزواج الأعمى و اللي الغرض منه جنسي أو بناء الأسرة، و رفض ممارسة الجنس كالبهائم دون قيود

و وقت بتقول(( بدون مجاملات البعض هون مانو بمستوى فكري كافي للحوار يعني تخبيص غريب عجيب والتبسيط على ابو موزة)) و بعدين مباشرة بتوجه كلامك إلي، فهدا بيوضح أنه أولا كلامك مو بس الغضب بنطوط منه إنما الغيظ و الحقد و الكراهية كمان، فوقت بتقول عن كلامي تخبيص عجيب غريب.. كلامك مردود عليك إذا ما بتحدد كلامي اللي هو تخبيص برأيك و بترد عليه فكرة فكرة، و وقت بتقول إني ما بمستوى فكري كافي للحوار، فهدا مجرد سب و شتم بطريقة مؤدبة يوضح مستواك الفكري الكافي للحوار، و أنا ما بانتظار رأيك بمستواي الفكري يا حضرة المنسق لأعرف مستواي الفكري، و إنما مستواي الفكري بيقيمو الناس اللي هنن أهل للتقييم..

و أما قولك(( بمطولاتك المقصلة اللي عم يهرهر منها ورود و تطير منها فراشات يعني كتير حلو رأيك "النظري" بالموضوع .. نظري لأنك عم تحكي مبادئ مسطحة و شديدة)) فهو يوضح مستواك الفكري بالحوار أيضا، يعني كلمة مبادئ مسطحة و شديدة مين ما قراها ما حيفهم منها شي، ممكن تقللي شو يعني مبادئ شديدة إذا مسطحة فهمناها بس شديدة شو يعني؟؟ المهم

أولا حكيت عن تلات حالات لا رابع لهما و ذكرت حالتين فقط، وين أكلت التالتة؟؟ ما بعرف شكلك بتنسى كتير، و تانيا مشكلتك ترجمت كلامي بشكل خاطئ و هادا الشي واضح من الحالات اللي اخترعتها على أنها كلامي، و هي لسا ما مشكلة، مشكلتك الأساسية يا دانيتو، أنه الحالتين اللي وصفتهن، انطلقت فيهن من الشهوة المجردة الحيوانية، و ما عم تقدر تنظر للفتاة و الشاب على أنهم ممكن ينظروا لبعض من منطلق ميل روحي يؤدي إلى حب، فأنت هون عم تجعل كل بنت و شب تقربوا لبعض فالأساس شهواني، معناها ما فرقنا عن الحيوان شي، و هادا تحقير للأشياء الأسمى في باطن الإنسان، فالحب عندك ينطلق من الشهوة، و ليس قادرا على فهم أن الشهوة يجب أن تنطلق من الحب المترجم بالزواج..

و ما كل اتنين اشتهوا بعضهم أحدهما أو كلاهما كمان لنزيد الطين بلة ،لازم يمارسوا الجنس أو يتزوجوا ،فحالاتك من أساسها مرفوضة، خاصة قولك أحدهما يللي بالنتيجة هو أحد أسباب جرائم الاغتصاب..

و مشكلتك أنك لسا ما فهمت رأيي بالموضوع و عم تقللي ما في داعي حلل و أطلق صفات، و أنت بنفس الرد عم تحلل أسلوبي و كلامي، و تطلق علي صفات و تسب و تقول مالي بالمستوى الفكري الكافي و غيره، فقبل ما تنصحني انصح حالك..

و القبول الاجتماعي للفكرة يمثل نظرة المجتمع للفكرة و الناشئة من حضارة المجتمع اللي أنت جزء منه، و نحنا أبدا ما ناقشنا الموضوع انطلاقا من نظرة المجتمع و لا من منطلق ديني إرجع إقرا الكلام اللي كتبناه قبل ما تكتب، نحنا عم نناقش الموضوع من منطلق حضاري إنساني لا أكتر و لا أقل، ما دخلنا الدين و إنما طبعا الأخلاق و العقل مرتبطة بالموضوع

و تأكد أنه صعب على البعض يدرك الموضوع من أساسه طالما عاميتهن فكرة شهوة و بس، و مشاركتك واضحة غير معقدة برأيي..

بس سؤالي أنه شو دخل الحرية بكل شي كتبته بالبداية ما فهمت؟؟ يعني النقطة اللي خلتك تكتب كل اللي كتبته هي الحرية!!! شي غريب أنك سبيت و حكيت عالفراشات و مستواي الفكري من أجل الحرية، شو جاب هاد لهاد؟؟ و الحرية الخارجة عن العرف و القانون هي ليست بحرية، هي انفلات، فالإنسان ليس حر بأن يسرق مثلا، و الحرية الخارجة عن الإنسانية هي مرض، أما الحرية الخارجة عن إطار احترام الآخرين هي حيونة كما وصفتها أنا سابقا و ليست بحرية، فأنا أبدا ما أسأت للحرية و إنما وضحت الفرق بين الحرية ما يسميه البعض على أنه حرية، و هنا تكمن الإساءة الحقيقية للحرية، و القصور الفكري الحقيقي، و هون التخبيص الحقيقي، و كل إنسان بيعتقد ما يشاء لكن لا بفعل ما يشاء، و إلا لأصبح المجتمع كالغابة كل يفعل ما يشاء..

و يا ريت ما حدا يساوي الشب اللي بيمارس الجنس عم يساوي كبديل عن العادة السرية، روحوا اطلعوا على الحوارات الغربية اللي بتدور حول المشاكل المتعلقة بالجنس و الأمراض النفسية، و اللي بتوضح أنه بمجتمعاتهم اللي الشب و البنت فيها بيمارسوا الجنس مع مين ما بدهن و بأي وقت بدهن، بيمارسوا العادة السرية بنفس الوقت كمان و البنات فيهن بيساوو ألعن من أنه مجرد عادة سرية و فهمكن كفاية، و بعدين ما شالله شايفين شبابنا اللي عم يحققوا لنفسهن الاكتفاء الجنسي شو عم ينتجوا سبقوا العالم بإنتاجهم، و مدري ليش في كتير شباب متزوجين بمرحلة غير متأخرة من العمر، بس كل واحد بيحقق اللي عم يدور عليه، اللي عم يدور على زواج مبني على حب بيحصلوا بوقت غير متأخر من عمره، و اللي عم يدور على جنس و بس، بيحصلو إيمتا ما بدو، و يمكن بعمره ما بيتزوج، و إذا تزوج بعد طول عمر بيلاقي وحدة متلو جربت عشرين واحد قبله .....

[COSTA]

صرت اكره فوت عالوضوع
بدكون تحرمونا الجنس ؟؟

رايح لف سيجارة حشيش

بركي بقدر استوعب الموضوع

وبالاخص الردود الملونة

[Odell]

كاتب النص الأصلي : كوستا

انو عم تحكوا عن الجنس
حلو الكلام

وين المشكلة اذا واحد او وحدة مارسوا الجنس؟؟؟

يعني هلأ الشرف صار بالجنس او العذرية

سخافة انا بعتبرها

طيب بنظرك ازا مو هيدا الشرف شو لكاان

كاتب النص الأصلي : krimbow

كابتن
انت شو بدك باوروبا و الصين و الواق واق
عم نحكي عن الجنس المتأخر ... مشان طانت "عذرية"، عم يطالبونا نكبت وحدة من اقوى الغرائز و الرغبات البشرية الطبيعية .... **الــــجـــنــس**
الذي من اجله قامت حرب البسوس، و حرب الداحس و الغبراء، و من اجله هدمت طروادة و قتل اخيليس
و من اجله قتل "اوديبا" اباه، لتبدأ مع هذه الجريمة ما يعرف اليوم باسم "الحضارة"
الجنس، الوحش الخرافي في خيالنا الشرقي...
مشان طانت "عذرية" لازم نحبس هالوحش الجامح بداخلنا، نتناساه، نضحك على نفسنا و على جسدنا، و نمارسو كأنو جريمة، بالسر، بالعتمة، نسرق الوقت سرقة لحتى نمارسو
و الحل الوحيد المطلوب، هوي الزواج
و بعدها بيطالبونا انو الزواج ما يكون بقصد الجنس، بل بقصد التفاهم و تكوين الاسرة و تربية الاطفال...الخ
و خود على امراض، و شوف الدكاترة النفسيين شو رح يصير عندهم شغل

يا اخي انا يلي بعرفو انو الاديان اجت لتريح الواحد و الوحدي من هالامراض يلي عما تحكي عنا

ومتل ماعندك غريزة الجنس عندكك غريزة الابوة

وفيك تحدد نسل مشان هيك الله خلقك بالقرن 21 مو قبل قرنين

بعدين نحنا منمارس جنس بالعتمة او بالصحوة خدلك ايدز وما ايدز ,, و بضلا المرا مظلومة وملفوفة بالعار

هيدي انصاف حلول عمو مابرضى فيها الرب العادل ازا البشر برضوها

كاتب النص الأصلي : كوستا

بتعرفي شغلة
انا قريت ردودك كلها
وما لقيت غير شغلة وحدة
انك مو مجربة و ما بتعرفي شي اسمو جنس
بس تعرفي الجنس شو هو على حقيقتو
تفضلي ناقشي بهيك مواضيع

انت ممارس الجنس طيب؟

كم مرة

كاتب النص الأصلي : كوستا

رح خبرك شغلة
انا لو شفت اختي كل يوم مع شب ما بتفرق معي
ليش ؟؟
لانو هي حرة بحياتها وحتى لو مارست الجنس معو بضل الموضوع عادي جدا بالنسبة الي
هاد الجسد ملكها هي ......وانا مو من حقي اتدخل فيه بتاتا
لانو متل ما انا بفوت وبطلع مع بنات و بمارس الجنس معهون
كمان هي من حقها تمارس الجنس مع مين ما بدها
والشرف يللي عم تحكي عنو مو بين رجلين البنت
الشرف يا فهمانة بعمل الانسان يللي بأدي تجاه مجتمعوا


طبعا عن حياتي الشخصية عم احكي

ول كوستا خانوم شو هالشرف يلي بتحكي عنو ؟؟

موفاهم بحياتك هالنقطة اشرحلي وصدقني جد حابب افهم هالنقطة مو بتخوت

[COSTA]

طيب بنظرك ازا مو هيدا الشرف شو لكاان

انا سبق وذكرت الشرف شو هو

انت ممارس الجنس طيب؟

كم مرة

كتير .........يعني فيك تقول بعدد شعر راسك

ول كوستا خانوم شو هالشرف يلي بتحكي عنو ؟؟

موفاهم بحياتك هالنقطة اشرحلي وصدقني جد حابب افهم هالنقطة مو بتخوت

صارو عشر صفحات وما فهمت
خليك هيك احسن

[ليندا]

[quote=ظل جيفارا;576770]والله ما بعرف بنرجع لواقعنا المريض نفسو
تقييم الأخر على مبادئ النفس
نحنا مابنقيم الاخر ع مبادئ النفس ..............نحنا بنفرض تقيمنا بحكم انا مجتمع شرقي اله تقريبا نفس العادات والتقاليد .....؟
يعني شوفي عمتي ما بيحقلك تقولي شرعي وما شرعي
الشرعي تبعك حسب مفهوم الدين والدين يا حياتي ما الكل بيأمن فيه

يااستاذ يامحترم ............صحيح انو ماالكل بيأمن بالدين بس فيك تعتبر طريق شرعي بمعنى طريق سوي قانوني مطابق للعرف والتقليد وغير شرعي بعكسه
او ازا بدك اعطيني من عندك مصطلح او لفظ جديد لانه حضرتك بتعرف مزبوط المعنى المقصود ويمكن انا ضعيفة كتير باللغه...بيجوز
يعني لازم إيجاد مفوم بديل عنه لتحديد شرعية فعل من لاشرعيته


يعني افترضي بدي امشي على طريقتك وقيم الاخر على مفاهيمي
انا ماركسي فيني قلك انك مو توب بس لأنك مو ماركسية
انا مو مع الاباحية الجنسية
بس انا كمان ما بظن انو لحنا بحاجة بياعين العقود من رجال القضاء والدين لحتى نحقق زواج شرعي ولا شو رأيكن انتو
الشرعية ناتجة من الروح نفسها ........
يعني يا إما الطرفين بيقتنعوا انو زواجهن شرعي لأنهن اصلا واصلين لمرحلة القناعة
يا إما حدهن جهنم يعملوا اللي بدهن إياه
بالحالة الاولى
طبعا بس يوصلوا لقناعة رجال الدين والقضاء شي صوري أمام قناعاتهن
هذه أرائي بحب
بتمنى من الاعضاء اللي جروا الحديث لأماكن لا تليق بمنتدانا أن تصحح كلماتها
أخوكم بحب
ظل جيفــارا


خيو انا مارح قول اكتر من يلي قالت كاميكاز لانه بظن انها وضحت الفكرة كتير ........
لو مشيت معك متل مابتقول انو الشرعيه ناتجه من الروح نفسها وان قناعة الاتنين ببعض كفايه .......بس ياترى هل كل الناس واحد؟؟؟ لان لو كل طرف وثق بالطرف الاخر بهي البساطة بعتبر انو مشاكل الدني انحلت مابيعود فيه مشاكل .......ولا صراعات بين الافراد.طالما الثقة هي العماد
بس في نقطه انت غفلان عنها ..........هي الاولاد ..والنسب انا كيف بدي اثبت ان هالولد ابن هالرجال فرضا انو هالرجال طلع ندل ومااعترف فيه شو بيثبت قدام العالم انو هالام صادقة ...الا ازا كان فيه ورقه بتوضح ان هالرجل زوجها قانونيا..
مشكلة الارث كمان .......فرضا ان هالرجال عندو ثروة ومات .....واهله كانوا خونه مابدن زوجته ..ولا بدن يعطوها حقها ..شو بيثبت ان هالمرة زوجته قانونيا

[ظل جيفارا]

قبل ما بلش عجبتني منك هيدي تبعت الردود الملونة بربي حلوة احلى كوستا
ما رح رد على جماعة الردود الملونة بس بقلهن افهموا شو عم نحكي بالاول بعدين ردوا
عيوني انا طبعا مع التخصص بالشريك يعني لكل انسان شريك خصوصي -حلوة هيدي -
يعني التخصص بالشريك من الفطرة البشرية و هيدا شي اوجدوه البشر من بداية عصورهم
وانا ما بتوقع في انسان مستعد يتشارك بشريكه مع البشر من الفطرة البشرية مفهوم الغيرة
بس انا ضد انو يكون الزواج قائم على الشريعة الموجودة حاليا
انا بحس الزواج بالكريقة الحالية متل اللي عم يقول للشباب ما تتزوجوا
تكاليف وشغلات بطعمة وبلا طعمة
كمان في فكرة تانية
الشباب هنن الفئة المنتجة في المجتمع
هلأ كمان الشب ما في ينتج بتوقعاتي إلا في مرحلة الاستقرار
والاستقرار العاطفي الذي يشمل الحالة الجنسية عامل مهم من عوامل الاستقرار
والشب اذا بده يلحق الزواج الشرعي -حسب مفهومكن للشرعية- بحياة شبابو ما رح يتزوج
لهيك بتوقع الجنس دون زواج هو الحل الوحيد قدام الشب
بس طبعا انا هيك بكون عم احكي واقع والواقع بعيد عن المثالية
اما اللي حست فيه الملونة انو تناقض فهو لا تناقض ولا شي هو مجرد الفرق بين الواقع والمثالية
اخوكم بحب
ظل جيفارا

[مايا *]

لح جاوبك عزيزتي كاميكازة , وبإختصار .
بالعذر من المتحاورين اني لح اطلع عن الموضوع شوي

كاتب النص الأصلي : kamikaze

مايا عزيزتي أنا صدقا ما عندي أي مشكلة معك،

ولا أنا تأكدي ,

كاتب النص الأصلي : kamikaze

و أنا احترمت وجهة نظرك، و قلتلك أنه لو قريتي كلامي بتشوفي أنه أنا و أنتي متوافقين بالكلام،

نوعا ما

كاتب النص الأصلي : kamikaze

و بصراحة ما فهمت عليكي شو قصدك بطئ البراغي،

هوي مصطلح سوري ( ما بعرف اذا انت سورية أو لا ) معناه انك عم توئعي بين تنين ..

كاتب النص الأصلي : kamikaze

و لا فهمت عليكي شو قصدك بكلمة شخصنة،

انك عم توجهي الموضوع لاشخاص بعينون ..
وعم تردي على كل واحد .

كاتب النص الأصلي : kamikaze

و لا فهمت شو قصدك بفضيها سيرة،

قصدت فيها أنو خلص انسي ولا عاد تبرري وتكرري كلامك ..

كاتب النص الأصلي : kamikaze

بس عالعموم أنا بالموضوع نفسه الله وكيلك، و وجعني راسي من الموضوع أصلا ما في شوفة عينك إلا عشرين رد ضدي كل يوم، و كل اللي بيردوا بيقروا سطرين من كلامي و بيقومو بيقاتلوا يا ريت بيقروا الكلام كله،

شوفي , لا تستغربي من الي عم يصير ,,
لانك انت الي تحللي بنفسيات هل العالم .. وعم تفسري تصرفاتهون على كيفك , وهاد غلط
متل ما بديتي معي وعم تتابعي ..
شوفي رددودك كلها على ..
اذا هيك رأيك معناها ..
واذا هيك فهمك معناها .. !!!
انت ريحي راسك من كل هل الصرعة , وحكيي رأيك انت بالموضوع .. وناقشي الفكرة ككل .. واختصري
وخلص ولا يهمك صافي يا لبن ..

ويعدمني الي ببالي بس ..

[krimbow]

بدي سجل اعتراف بهالموضوع
بعترف انو كاميكاز غلبتني بالنقاش، غلبتني كما غلب الجاهل الامام علي
اول مرة حدا بيغلبني بالنقاش، يمكن لأنو كل نقاشاتي السابقة ما كان هدفها من يغلب
و خدوها قاعدة، كل واحد بدو يناقشني بهدف انو يغلبني فهوي الغالب بدون منافسة و باصملو بالعشرة كمان

بخصوص اني احكي عن الحب، عفوا بس ما بقدر، لأنو الحكمة بتقول "لا ترموا درركم للخنازير"
عدا عن اني اساسا "اتنازل" ... مدري اترفع عن متابعة الحوار مع كاميكاز (مع حفظ الالقاب طبعا)

بس باعتبار انو هالمنبر حر، رح سجل قناعاتي السوقية هون رغما عن "عياطكم"
الثقة و الحب، شرطان ضروريان، و كافيان لممارسة الجنس مع الشريك
بس ابدا مش كافيين للزواج، بل يمكن يكونوا بكتير حالات زواج من ضمن الكماليات
في كتير شروط للزواج ما الها علاقة بالثقة و الحب، كالشروط المادية (بيت و مدخول ..ألخ) و الشروط الاجتماعية (تقبل الاهل، تقبل المجتمع بشكل عام...الخ) و الشروط الثقافية و شروط التفاهم و شروط الاستمرارية...الخ الخ الخ
بعيدا عن عالم العواطف المشلخة... في كتير ناس بيفكروا عشر مرات على الاقل قبل ما يحكوا مع مطلقة مثلا، اي انا هي الناحية ما بشوفها بنوب ... سوى ماضي
هي قناعاتي، و اكيد ما عم طالبكم انو تتفهموها

[kamikaze]

كوستا نصيحة لا تروح تدخن سيجارة حشيش لتفهم إذا إنت هيك و بتقول بدنا نحرمك الجنس بكره إذا حششت بتصير بتفهم من حكينا العكس و بتفكرنا عم نقلك تمارس الجنس على عدد شعر راسك على قولتك بس بتعرف شو ممكن الحشيش يفيدك بتصير بتشوف الردود الملونة بألوان جديدة مشوقة و ضيّف أخونا ظل جيفارا من سجاير الحشيش تبعك سيجارة باعتبار عجبتوه هيدي الردود الملونة و باعتبار أنه عم يعتبر أني ما عم بفهم كلامه و عم رد بركي إذا حشش بيشوف أني فهمانة كلامه مزبوط قبل ما رد..

بتعرف شو أنا بعجبك بحالة وحدة إذا بقلكن حششوا و مارسوا الجنس مع مين ما حليلكن إيمتا ما اجا عبالكن و لا تخلوا آفة من آفات المجتمع اللي بتأدي لانحداره ما تساوها هي حريتكن الشخصية اللي حترفع مجتمعنا للقمم و تزيد إنتاجكن الهائل للمجتمع و تصيروا تخترعوا اللي ما حدا سمع فيه من قبل و يعيش التحشيش..

يعني يا ظل جيفارا هلق بتقللي ما عم افهم كلامك و بتقللي كلامك ما فيه تناقض و هو فرق بين الواقع و المثالية و التناقض جزء لا يتجزأ من كلامك و على سبيل المثال بتقول التخصص بالشريك من الفطرة البشرية و بتقول هادا شي أوجده البشر من بداية عصورهم يعني يا كلامك متناقض يا أما يفتقر إلى الثقافة العامة فالفطرة البشرية يولد الإنسان عليها و لا يوجدها من بداية العصور

أما إذا أنت ضد أنه الزواج يكون قائم على الشريعة الموجودة حالا تكاليف و شغلات بطعمه و بلا طعمه و متل اللي عم يقللن للشباب لا تتزوجوا فأنا بقلك أنه هاد الشي راجع للطمع اللي صار مسيطر عالنفوس المريضة بمجتمعنا، و اللي بيكلفه الشب فوق طاقته، و ما بتقدر تطلق عليه تسميات من عندك متل أنك تقول الشريعة الموجودة حاليا ،و لكن بنفس الوقت هادا ما بيعني أنك تنسف الزواج من أصله، فلما أنت بتحب بنت و بدك تتزوجها بيكون الموضوع تفاهم بيناتكن و مالك مضطر للتكاليف و الشغلات اللي بطعمه و بلا طعمه، يعني إذا منسمع منك بنلغي شي إسمه وثيقة زواج و دفتر عائلة و هوية و جواز سفر، أصلا كلها وراق مالها طعمة حسب تحليلاتك!!!

أما رأيك أن الشب غير قادر على الإنتاج إلا في مرحلة الاستقرار مبالغ فيه، فالاستقرار مرتبط بالإنتاج و لكن القول بأنه لا إنتاج من دون إستقرار مبالغة، و أنت قلت بتمك أنه الاستقرار العاطفي عامل من عوامل الاستقرار أو لنكون أكثر وضوحا ركن من أركان الاستقرار، و لكن للأسف بنفس الوقت نسيت شو هي الأركان التانية للإستقرار و جزمت بطريقة غريبة أنه الاستقرار العاطفي هو الاستقرار و بس، و جزمت بأنه الشب إذا بده يلحق الزواج المشروع قانونا حسب مفهومنا للشرعية أو حسب مفهوم قانون الدولة للشرعية بحياته شاب ما رح يتزوج ،لأنه تثبيت زواج في المحكمة من الصعوبة بدرجة أنه ما في شاب بيقدر يساويه، و طبعا هادا الكلام يتنافى مع الواقع ،و استنبطت بالنتيجة أنه الجنس من دون زواج هو الحل الوحيد ليش لأنه ما عندك قدرة على تكاليف الزواج، و المشكلة أنه بعد ما الناس اللي عندها نفس فكرك بتمارس الجنس من دون زواج ،بيضل إنتاجها بنفس المستوى، و بتضل غير قادرة على الزواج اللي يمثل الاستقرار الفعلي للإنسان حتى يكتشف أنه البنت اللي معه مللت منه و رفسته، أو حتى يكتشف هو لسبب مجهول أنه مل من البنت و راح لغيرها ،و هادا الشي بالنتيجة بيأدي لمجتمع مثالي من الناحية الجنسية، و نعم المجتمع!!!

و للأسف أنت عم تحكي الواقع اللي أنت عايش فيه و معتبر أنه كل ما هو مخالف للواقع تبعك مثالية ،و ما بقيان عندك هم من الدنيا إلا الألوان اللي حارقتلك قلبك و بتضل بتلف و بتدور و بتحكي عنها، لأنه يظهر ما عم تشوف من كلامي إلا الألوان

مايا شكرا على ردك و نصائحك، و انشالله باخدها بعين الاعتبار بالوقت المناسب.

كريمبو طولت وين هالغيبة ؟؟؟القراء اشتاقوا لردودك!!!!!

اللي كان بيني و بينك لم يكن نقاش، و إنما رد على تهجمك، و أما قولك كما غلب الجاهل الإمام علي فبقلك:

بما أنه مدح الغير بما ليس فيه ذم.. فبالمقابل ذم الغير بما ليس فيه مديح.. و أنا أشكرك على هذا الإطراء غير المقصود طبعا..


و قولك أول مرة حدا بيغلبك بالنقاش بيدل على تكبرك ،و التكبر من صفات الجهلة اللي ضده التواضع اللي من صفات العلماء و المثقفين و أصحاب الرأي الحر..

نقاشاتك ما الهدف منها مين يغلب صح، و ما في داعي قلك شو الهدف منها لأنه كتير من المتابعين لنقاشاتك بيعرفوا شو الهدف منها، و أنا طبعا ما عم ناقشك لأغلبك ،و لكن إذا أنت اعترفت إني غلبتك فالموضوع تحصيل حاصل، و طبعا باعتبار أنك أنت طرحت فكرة الغالب و المغلوب، فأظن أنه مين يغلب مين موضوع مهم بالنسبة إلك!!!

بخصوص أنك تحكي عالحب، فإن حكيت أو ما حكيت مفهومك عن الحب واضح للجميع من خلال قناعاتك السوقية على حد تعبيرك، و يللي عم تكررها كل مرة متجاهلا أصوات الآخرين يللي عندك شعور بأنها عياط لتأثيرها الشديد عليك على ما أظن، و يللي بتقول أنت فيها الثقة و الحب شرطان ضروريان و كافيان لممارسة الجنس مع الشريك ،و اللي بتوضح أولا أنه الشريك برأيك هو شريك جنسي لا غير، طالما عندك رفض لمشاركة الشريك الحياة لتعذر شروط الزواج، و كل المهم هو ممارسة الجنس معه، و هذا بالتالي يوضح حبك و ثقتك بالشريك الذي ترفض مشاركة الحياة معه للأسباب اللي ذكرتها، و لكن لا ترفض ممارسة الجنس معه!!!! لأنه الجنس حسب كلامك هو كل ما نريده من الشريك في الباطن، مع النطق بالكلمتين الضروريتي الذكر لتبرير أفعالنا حتى لا يؤنبنا ضميرنا، و اللي هنن حب و ثقة!!!!!

أما شروط الزواج التي ذكرتها المادية و الاجتماعية يللي وضحتها، و الثقافية و شروط التفاهم و شروط الاستمرار يللي ما وضحت شو قصدك فيها متل ما وضحت الشروط اللي قبلها لأسباب مجهولة، و الشروط الأخرى المجهولة يللي سميتها إلخ، هي توضح أولا أنك على سبيل المثال ترفض الزواج حسب الشروط الإجتماعية برأيك إذا لم يتقبل المجتمع و لا أعرف لماذا لا ترفض الجنس من دون زواج حتى إذا لم يتقبل المجتمع!!!!!! و هادا تناقض واضح، و الشروط اللي ذكرتها توضح ثانيا أنك بالواقع سجين الخوف من مواجهة أخطاء المجتمع، و غير قادر على مواجهة الخطأ و إيضاح أن الزواج يمكن أن يكون أكتر تبسطا، و عم تتخذ الانفلات الجنسي حل للهروب من مواجهة الخطأ، و لا أظن أنه الزواج بالتعقيد يللي واهم حالك فيه و عم توهم الناس فيه، و إلا لبطل شي إسمه زواج بالعالم..

و وصفك لأنه الثقة و الحب حالات زواج من ضمن الكماليات دليل على أنه الزواج من منظورك مجرد قرار غبي و شروط معقدة و الحب و الثقة لا يشترط أن يتوافرا فيه، مما يوضح مفهومك التعسفي عن الزواج يللي من خلال كلامك أنت توضح أنه لمجرد بناء أسرة أنت بالغنى عنها ،و هي الناس بتشارك بعضها البعض الحياة كلها و هن ما شرط أنهن يحبوا بعض أو يثقوا ببعض، و إنما كل ما يريدوه حمل هموم تكوين أسرة و الخضوع لشروط معقدة، و بهالحالة طبعا على حسب أفكارك يللي بيتزوج مجنون، و هادا هو الكلام يللي فعلا ينافي الواقع، و لو كان واقعي ما في تنين بيتزوجوا..

أما قولك بعيدا عن العواطف المشلخة ،بيوضح احتقارك للعواطف لوصفها مشلخة، و تجردك منها، و اللتي هي أساس الحب بلا شك ،و اختتاماتك لقناعاتك بمثال المطلقة خدعة قديمة واضحة للجميع$$

أما قولك تترفع عن متابعة الحوار مع كميكاز أو تتنازل مع حفظ الألقاب، فما هو إلا مجرد كلام لا معنى له، فباعتبار أنك ذكرت إسمي أكتر من مرة بردك و هادا يعني أنك مستمر بتوجيه الكلام لكميكاز بصورة غير مباشرة، فكيف عم تقول أنك تترفع عن الحوار معي؟؟ يعني لو ما جبت سيرتي لكنا اعتبرناك عند كلامك، أما أنت عم تساوي متل المفلس يللي ما بينازل و بيشتري سيارة!!!!!!

أما أنك ما بتقدر تحكي عن الحب امتثالا للحكمة العظيمة يللي بتقول (( لا ترموا درركم للخنازير )) بيتوضحلنا هون أمور كتيرة

أولا : كلك حكم
تانيا : اقتباسك للحكم أو تحويلك الحكم لشتائم يزيد من حكمتك، يا أيها الحكيم الذي يترفع عن متابعة الحوار
ثالثا : أنا طلبت منك تحكيلنا عن مفهومك للحب لكل الناس يللي متابعة الموضوع، و وصفك إنهم خنازير و صف غير حضاري، فالخنزير و الكلب و الحمار هم بهائم، من غير اللائق أن تشبه المشاركين في المنتدى و الزوار المتابعين للموضوع بهم و أنت مشرف طولك و عرضك ،يعني بيهون عليك حدا يشبهك بالحمار؟؟ أكيد لأ فكيف عم تسمح لنفسك تشبه كل هالناس بالخنازير؟؟

[COSTA]

كوستا نصيحة لا تروح تدخن سيجارة حشيش لتفهم إذا إنت هيك و بتقول بدنا نحرمك الجنس بكره إذا حششت بتصير بتفهم من حكينا العكس و بتفكرنا عم نقلك تمارس الجنس على عدد شعر راسك على قولتك بس بتعرف شو ممكن الحشيش يفيدك بتصير بتشوف الردود الملونة بألوان جديدة مشوقة و ضيّف أخونا ظل جيفارا من سجاير الحشيش تبعك سيجارة باعتبار عجبتوه هيدي الردود الملونة و باعتبار أنه عم يعتبر أني ما عم بفهم كلامه و عم رد بركي إذا حشش بيشوف أني فهمانة كلامه مزبوط قبل ما رد..

رح قلك شغلة
انا يمكن اعطل واحد على وجه الكرة الارضية
انا يمكن اكبر حشاش على وجه الكرة الارضية
انا يمكن اكتر واحد مشهون للجنس على الكرة الارضية
لك انا يللي صلبت المسيح وخنت محمد
وانا يللي باع الجولان
منيح هيك

احتفظي بنصايحك لنفسك وطبقيها على حالك
لاني ما بدي مين يعطيني نصيحة
اذا بدك عطيني حشيش

[COSTA]

نسيت شغلة
رايح هلأ مارس الجنس كمان

[mahmoom]

و انا كمان بس مح حدا تاني

[kamikaze]

كاتب النص الأصلي : كوستا

رح قلك شغلة
انا يمكن اعطل واحد على وجه الكرة الارضية
انا يمكن اكبر حشاش على وجه الكرة الارضية
انا يمكن اكتر واحد مشهون للجنس على الكرة الارضية
لك انا يللي صلبت المسيح وخنت محمد
وانا يللي باع الجولان
منيح هيك

احتفظي بنصايحك لنفسك وطبقيها على حالك
لاني ما بدي مين يعطيني نصيحة
اذا بدك عطيني حشيش

حباب أنت أديش عمرك ؟
يعني كنت موجود وقت سقطت الجولان ؟
و على فكرة الجولان سقطت و ما حدا باعها..
لا تدخل بالسياسة و تحكي كلام أكبر منك..
و المسيح و محمد لما كانوا عايشين بتعرف أنت شو كنت أما أنك حشاش و عاطل و شهوان فمعناتها تعريفك للشرف لازم تبدله مشانك يعني ما مشان حدا..
و على سيرة الحشيش بكره بروح على حديقة عامة و بجبلك لك تكرم ..

[COSTA]

كاتب النص الأصلي : kamikaze

حباب أنت أديش عمرك ؟
يعني كنت موجود وقت سقطت الجولان ؟
و على فكرة الجولان سقطت و ما حدا باعها..
لا تدخل بالسياسة و تحكي كلام أكبر منك..
و المسيح و محمد لما كانوا عايشين بتعرف أنت شو كنت أما أنك حشاش و عاطل و شهوان فمعناتها تعريفك للشرف لازم تبدله مشانك يعني ما مشان حدا..
و على سيرة الحشيش بكره بروح على حديقة عامة و بجبلك لك تكرم ..

فوتي على ملفي الشخصي بتعرفي