عودة فرنسية إلى التمسك بالعذرية قبل الزواج

[Reemi]

لعما لما قالو كريم عم يعمل مشاكل صدقت من كل عقلي ... وجيت قريت موضوع 6 صفحات ع اخر هالليل.... وعيوني صاروا هيك ....
كل واحد ع بيتو يا ولاد .... ... والي ما بتعرفوا بتجهلوا والي بتجهلوا لا تحكي فيه... وعادي فيك تقول " بعرف اني ما بعرف "....
"شبيبة ... "

[kamikaze]

كاتب النص الأصلي : كوستا

فوتي على ملفي الشخصي بتعرفي

مابتنازل...

[COSTA]

كاتب النص الأصلي : Reemi

لعما لما قالو كريم عم يعمل مشاكل صدقت من كل عقلي ... وجيت قريت موضوع 6 صفحات ع اخر هالليل.... وعيوني صاروا هيك ....
كل واحد ع بيتو يا ولاد .... ... والي ما بتعرفوا بتجهلوا والي بتجهلوا لا تحكي فيه... وعادي فيك تقول " بعرف اني ما بعرف "....
"شبيبة ... "

امرك حكومة

[Spector]

ماذا يحدث هنا

شو مشان كوستا هاي اخرتك ؟ بعد هالعمر كلو

بعدين كاميكاز ما بتتنازلي ؟ شو مشان هلق كنتي بملف كوستا الشخصي " اخر شغل الشباب من دقيقة استعراض الملف الشخصي كوستا "

[COSTA]

كاتب النص الأصلي : GMC

ماذا يحدث هنا

شو مشان كوستا هاي اخرتك ؟ بعد هالعمر كلو

بعدين كاميكاز ما بتتنازلي ؟ شو مشان هلق كنتي بملف كوستا الشخصي " اخر شغل الشباب من دقيقة استعراض الملف الشخصي كوستا "

انت كل عمرك مخابرات

[Willi]

لك صحيح شلون بدك ياها تدخل على ملفك الشخصي.

يا عيب الشوم عليك.

استحي يا زلمة

[Spector]

كاتب النص الأصلي : Willi

لك صحيح شلون بدك ياها تدخل على ملفك الشخصي.

يا عيب الشوم عليك.

استحي يا زلمة

ليش المشرفين منحازين يا رجل

[COSTA]

كاتب النص الأصلي : GMC

ليش المشرفين منحازين يا رجل

عرفت ليش

[kamikaze]

وقت بيصير الكلام مجرد صف أحرف وتسالي منخلي الكلام للمشرفين و المنسقين..

و على ما يبدو الغضب زاد عن حده عند البعض.. و صاروا ما يعرفوا شو بدهن يحكوا !!..

بعتذر عن الرد.. لأنو المستوى نزل أكتر مما كنت بتوقع !!!..

[وائل 76]

كاتب النص الأصلي : ظل جيفارا

قبل ما بلش عجبتني منك هيدي تبعت الردود الملونة بربي حلوة احلى كوستا
ما رح رد على جماعة الردود الملونة بس بقلهن افهموا شو عم نحكي بالاول بعدين ردوا
عيوني انا طبعا مع التخصص بالشريك يعني لكل انسان شريك خصوصي -حلوة هيدي -
يعني التخصص بالشريك من الفطرة البشرية و هيدا شي اوجدوه البشر من بداية عصورهم
وانا ما بتوقع في انسان مستعد يتشارك بشريكه مع البشر من الفطرة البشرية مفهوم الغيرة
بس انا ضد انو يكون الزواج قائم على الشريعة الموجودة حاليا
انا بحس الزواج بالكريقة الحالية متل اللي عم يقول للشباب ما تتزوجوا
تكاليف وشغلات بطعمة وبلا طعمة
كمان في فكرة تانية
الشباب هنن الفئة المنتجة في المجتمع
هلأ كمان الشب ما في ينتج بتوقعاتي إلا في مرحلة الاستقرار
والاستقرار العاطفي الذي يشمل الحالة الجنسية عامل مهم من عوامل الاستقرار
والشب اذا بده يلحق الزواج الشرعي -حسب مفهومكن للشرعية- بحياة شبابو ما رح يتزوج
لهيك بتوقع الجنس دون زواج هو الحل الوحيد قدام الشب
بس طبعا انا هيك بكون عم احكي واقع والواقع بعيد عن المثالية
اما اللي حست فيه الملونة انو تناقض فهو لا تناقض ولا شي هو مجرد الفرق بين الواقع والمثالية
اخوكم بحب
ظل جيفارا

عيوني انا طبعا مع التخصص بالشريك يعني لكل انسان شريك خصوصي -حلوة هيدي -
يعني التخصص بالشريك من الفطرة البشرية و هيدا شي اوجدوه البشر من بداية عصورهم
وانا ما بتوقع في انسان مستعد يتشارك بشريكه مع البشر من الفطرة البشرية مفهوم الغيرة

تمام شريك وانا متلك مع التخصص وتفسيم العمل ومع انو كل واحد يتخصص في وحدة وكل وحدة تتخصص في واحد
لكن شريك هلاء كل واحد تخصص بوحدة وبعد مدة من التخصص قرف منها او هيا قرفت منه حتى نكون عادلين ومع حقوق المراة بالقرف المهم انهم قرفوا من بعض وتركوا !!!!! وراح كل واحد فيهم تخصص مرة تانية وتالتة ورابعة الا ترى معي ان التخصص قد ادعى بنا الى مجتمع اقرب في صورته من بيت دعارة كبير كل منا يتخصص في فتاة ؟؟؟؟؟؟؟؟؟؟؟؟
شغلة تانية شريك مين يلي قال ان التخصص اوجده البشر من بداية عصورهم ؟؟؟؟؟؟؟؟؟؟؟؟؟؟؟
التخصص بناء على فكرة الزواج لم ياتي الا من خلال تطور في الفكر الانساني صاحب تطور الانسان وتطور التجارب التي مر بها
بدأ الجنس فيه مفهومه عند الانسان على صورة الشيوع الجنسي الذي كان الدافع له الظروف لاالطبيعية التي واجهت الانسان مما دفعه الى قتل البنات والاكتفاء بالاولاد الاشداء لمواجهة الطبيعة مما ادى الى ذيادة عدد الذكور وقلة عدد الاناث فكان السبيل هو الشيوع الجنسي
ثم تطور الامر ليظهر مفهوم اخر للجنس واخذ شكل المشاركة حيث كان يشترك عدداً من الرجال بامراة واحدة وكان الاخوة يشتركوا في امراة واحدة وينسب الاطفال للاخ الاكبر
وتطور الامر بعد ذلك ليظهر( الزواج ) وليس التخصص بل الزواج بالمفهوم الذي نعرفه الان وقد ظهرت فكرة الزواج في العصر الحجري الحديث حيث كان زعيم القبيلة هو المسؤل عن تزويج افرادها و هو ما ندعوه اليوم الاشهار وكانت لكل قبيلة اعراف و قواعد تحدد حقوق الزوجة والزوج وتمنع الزوج من الاقتران باخرى والمراة كذلك وهذه هي الصورة البدائة للزواج نجدها تتشابه مع ما نعرفه الان في كثير من الصور
هلاء شريك فطرة الغيرة التي ذكرتها حلوة كتير لكن من مفهومي انا الغيرة تجعلني لا اقبل التخصص بفتاة تخصصت قبل ذلك لانو لا اعرف عدد التخصصات التي تخصصتها وما الفرق هنا بينها كمتخصصة وبين العاهرة كلاهما يتخصص واحدة مقابل المال والاخرى مقابل كلمتين حلوين او كما يقول المصريين بوئين حنان

بس انا ضد انو يكون الزواج قائم على الشريعة الموجودة حاليا

شريك بطلب منك تعطيني سبب رفضك للزواج القائم على الشريعة الحالية حتى ناقشك فيها اذا كنت مصيب ساقتنع وابصم براسي مو باصابعي العشرين وبس
لكن ان تنطلق في تعميم حكم على شريعة معينةن او حتى اي قواعد قانونية او اخلاقية او اجتماعية دون البحث في اسباب ذلك الحكم اعتقد انها ستصبح غوغائية ليس اكثر وهنا انا لا اقصدك عزيزي ظل جيفارا بل اقصد المنهجية وكل من يتحدث ان ذلك خروجاً عن الموضوع الرئيسي اعتقد انه لا يدرك مفهوم الحوار حتى في ابسط صوره
الحوار ينطلق ليحلل ويعالج كافة جوانب القضية ولا يمكن ان نصف حواراً ما بأنه كان شاملاً متكاملاً الا اذا بحث كافة الجوانب لذلك اطالبك هنا ببيان اسس رفضك للشريعة الحالية و لنتناقش فيها هنا بإعتبارها جزءاً اساسياً بل وركيزة من ركائز الموضوع لا يصح بدونها

انا بحس الزواج بالكريقة الحالية متل اللي عم يقول للشباب ما تتزوجوا
تكاليف وشغلات بطعمة وبلا طعمة

شريك في فرق بين الفكرة وبين التطبيق انا ممكن احكم على التطبيق انو خاطئ انطلاقاً من ان الفكرة اصلاً خاطئة لكن لا يمكن او لا يستقيم ان اعمم حكمي على فكرة ما انها خاطئة انطلاقأ من خطأ التطبيق هذا يجافي كل قواعد التفكير السوي بل يجافي المنطق اصلاً
يا عزيزي انا اتفق معك ان هناك مفاهيم اجتماعية عفنة اكل عليها الدهر وشرب هي من اوصلت البعض لهذا التفكير لانو العجز اصبح صيغة اساسية في اي فكرة للارتباط لكن لا يمكن لنا ان نعالج تلك المفاهيم العفنة من خلال استئصال الرقي الانساني المتمثل في فكرة الزواج القائم على الاسس الصحيحة والذي يتخذ من الجنس ركناً اساسياً في اي علاقة زواج ناجحة يا اخي بعيداً عن التحدث في المعتقدات الدينية لكني هنا اذكر مثالاً بسيطاً وهو ان الاسلام جعل من اهم حقوق الزوجة على زوجها هو المعاشرة الحسنة وهنا يندرج تحت هذا الحق عدة مفاهيم اعتقد انك تدركها جيداً

الشباب هنن الفئة المنتجة في المجتمع
هلأ كمان الشب ما في ينتج بتوقعاتي إلا في مرحلة الاستقرار
والاستقرار العاطفي الذي يشمل الحالة الجنسية عامل مهم من عوامل الاستقرار

تمام شريك نحن نبحث عن الاستقرار لكي ننتج هلاء تخيل معي تلك الصورة واحد تخصص بوحدة وهاي الفتاة كانت متخصصة قبله وبعد 7 اشهر ولدت طفل هلاء علمياً معروف انو في حالات معينة لا يستمر الحمل فيها لدة 9 اشهر هلاء هذا الرجال لسبب او لاخر ما اقتنع انو هذا الطفل ابنه ربما يكون الرجال معه حق وهذا الطفل ثمرة التخصص السابق او يكون هذا الرجال ندل وما بدو يصرف على ابنه
مين بدو هون يربي ويأمن مستقبل الطفل ومين بيقدر يلزم هذا الرجال بإبنه ويفرض عليه حقوق إبنه >>>>> هون ما في استقرار بنوب وتخيل انتشار تلك الصورة في المجتمع وتخيل شكل المجتمع كيف سيكون
تعال شريك نحسبها من منظور اخر هلاء التطور الانساني الر هيب قام على اكتاف رجال مخترعين فلاسفة عباقرة مبدعين في شتى المجالات هؤلاء هم من نقلوا البشرية من غياهب العصور الولى الى ما نحن عليه الان هل من الممكن ان نقبل فكرة انهم جميعاً بدون زواج و انهم اسسوا اشباعهم للاستقرار العاطفي والجنسي من خلال علاقات جنسية لم تكن مبنية على الزواج ؟؟؟؟؟؟؟؟؟؟؟

والشب اذا بده يلحق الزواج الشرعي -حسب مفهومكن للشرعية- بحياة شبابو ما رح يتزوج
لهيك بتوقع الجنس دون زواج هو الحل الوحيد قدام الشب

( حسب مفهومكن) هون مربط الفرس المفهوم هو الخاطئ ولذلك نحن بحاجة لتغير تلك المفاهيم لنلائم جوهر القواعد التي تأسست تلك المفاهيم عليها بعيداً عن كل الصيغ الخاطئة التي أدت بنا الى تكوين تلك المفاهيم الخاطئة
الجنس بدون زواج انما هو صيغة خاطئة اخرى تتوازى مع الصيغ و المفاهيم الخاطئة وليس انقلاباً على تلك الصيغ والمفاهيم بل تتوازى وتتقاطع معها في الاسباب والنتائج

بس طبعا انا هيك بكون عم احكي واقع والواقع بعيد عن المثالية
اما اللي حست فيه الملونة انو تناقض فهو لا تناقض ولا شي هو مجرد الفرق بين الواقع والمثالية

هاي ما حبيتها منك شريك ولا بقبل اني اسمعها منك انتا بالذات نحن من نبحث عن المثالية ونثور على واقعنا لنخلق الواقع الذي نريده ما كنا أبداً تقبل بالقيود والحواجز
لكن هون في فرق بين اني اسلك الطريق السهل واستئصل كل الرقي يلي وصل اله الانسان عير تجاربه لاسعاد البشرية
وبين اني كون ثائر على مجتمعي وعلى مفاهيمه الخاطئة التي يفرضها علينا
جميعنا نعاني من نفس المشكلة وجميعنا ينطلق من نفس المنطلقات ونبتغي نفس النتائج لكننا جميعاً ضحايا لذلك المجتمع الذي صاغ كل المفاهيم بعيداً عن جوهر القواعد لجهلاً ربما لتحقيق مآرب اخرى ربما لان غيرنا هو من صاغ تلك المفاهيم لنا ربما كثيراً من الاسباب انصهرت هنا لتشكل لنا هذا الواقع البائس الذي نعيش تنهار امالنا ونجبر ان نتخلى عن الاحلام بل اننا نجبر حتى على ان ننام بدون احلام
السبيل هنا ثورة اجتماعية على تلك المفاهيم الخاطئة وايجاد صيغ جديدة تضع في اعتبارها ملائماً بين المفهوم وبين المرتكز الذي بني عليه ذلك الفهوم وليس تجيراً لمرتكزاتنا لبث مفاهيم سقيمة توصلنا لواقع سقيم

تقبل تحياتي اخي العزيز ظل جيفارا

[ظل جيفارا]

( حسب مفهومكن) هون مربط الفرس المفهوم هو الخاطئ ولذلك نحن بحاجة لتغير تلك المفاهيم لنلائم جوهر القواعد التي تأسست تلك المفاهيم عليها بعيداً عن كل الصيغ الخاطئة التي أدت بنا الى تكوين تلك المفاهيم الخاطئة
الجنس بدون زواج انما هو صيغة خاطئة اخرى تتوازى مع الصيغ و المفاهيم الخاطئة وليس انقلاباً على تلك الصيغ والمفاهيم بل تتوازى وتتقاطع معها في الاسباب والنتائج

هون بهالمقطع هيدا بالتحديد فهمتني
انا وضحت اكتر من مرة انو انا ضد المفهوم الاباحي للجنس
كمان ضد الفهموم الحالي للزواج
وحددت ليش لأنو صاير عبارة عن عهر عام
يعني لطالما قال العرب وتفاخروا بأن (من ايمت للبنات كلمة ) هيدا الفهوم مرفوض بالنسبة إلي
كمان مفهوم انو صار الزواج مرتبط -طبعا بنسبة كبيرة وانا ما عم اشمل مشان ما ينط الف متزحلق ومتزحلقة يقولولي لأ لحنا اهلنا فري معنا -صار مفهوم الزواج مرتبط بالمادة يعني كتير ناس بتقول معك ليرة بنزوجك معك قرش حقك قرش
هيك صار الزواج متاجرة
انا قلت برجع بقول
ما رح قول عن مجتمعنا كتير كووول لدرجة يقبل الجنس قبل الزواج
وما رح فوت بغياهب المناقشة بما لن يتم لاكي اكون سرياليا
سأكون واقعيا وسأتحدث من صلب مجتمعنا
التخصص في الشريك من صلب مجتعنا
بغض النظر عن الحالات الغريبة اللي ممكن تظهر متل هالحالة

تمام شريك نحن نبحث عن الاستقرار لكي ننتج هلاء تخيل معي تلك الصورة واحد تخصص بوحدة وهاي الفتاة كانت متخصصة قبله وبعد 7 اشهر ولدت طفل هلاء علمياً معروف انو في حالات معينة لا يستمر الحمل فيها لدة 9 اشهر هلاء هذا الرجال لسبب او لاخر ما اقتنع انو هذا الطفل ابنه ربما يكون الرجال معه حق وهذا الطفل ثمرة التخصص السابق او يكون هذا الرجال ندل وما بدو يصرف على ابنه
مين بدو هون يربي ويأمن مستقبل الطفل ومين بيقدر يلزم هذا الرجال بإبنه ويفرض عليه حقوق إبنه >>>>> هون ما في استقرار بنوب وتخيل انتشار تلك الصورة في المجتمع وتخيل شكل المجتمع كيف سيكون

لهيك رح ناقش من هالناحية بس
انو الالتزام مع الزوج مطلوب في مجتعنا واكرر في مجتمعنا وللي ما فهم الفكرة برجع بحها بالاحمر مشان توضح في مجتعنا
اما ندائك للمثالية رح جاوب عنه بموضوع كامل
اخوك بحب
ظل جيفارا

[ظل جيفارا]

كاتب النص الأصلي : مايا *

شوفي , لا تستغربي من الي عم يصير ,,
لانك انت الي تحللي بنفسيات هل العالم .. وعم تفسري تصرفاتهون على كيفك , وهاد غلط
متل ما بديتي معي وعم تتابعي ..
شوفي رددودك كلها على ..
اذا هيك رأيك معناها ..
واذا هيك فهمك معناها .. !!!
انت ريحي راسك من كل هل الصرعة , وحكيي رأيك انت بالموضوع .. وناقشي الفكرة ككل .. واختصري
وخلص ولا يهمك صافي يا لبن ..

ويعدمني الي ببالي بس ..

هيدا الحكي صحيح وبيستاهل عنجد
بربي حكيك صحي الاختنا هون نازلة تحلل وتقيم على زوئها
وانا قلتلها قبل بس ما سمعت
بس انتو جنس حوا بتفهموا على بعضكن
يعني بركي بتفهم الاختنا من حضرتك

[ظل جيفارا]

من كلامك و على سبيل المثال بتقول التخصص بالشريك من الفطرة البشرية و بتقول هادا شي أوجده البشر من بداية عصورهم يعني يا كلامك متناقض يا أما يفتقر إلى الثقافة العامة فالفطرة البشرية يولد الإنسان عليها و لا يوجدها من بداية العصور

بربي وهي بربي ولأخر مرة بقول بربي
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههه
شباب الكل يورجيني زقفة طلائعية لكاميكاز

[ماما منوشه]

كاتب النص الأصلي : skipy

عودة فرنسية إلى التمسك بالعذرية قبل الزواج

الفكرة التي غابت عن مجتمعات ما بعد الحرب العالمية انطلقت من أميركا
باريس: «الشرق الأوسط»
يحمل كل واحد من الأعضاء الثلاثة آلاف، المنتمين الى جمعية «الحب الحقيقي ينتظر»، بطاقة عضوية تشبه تلك التي تمنح لمنتسبي الأحزاب والنقابات والأندية الرياضية. ويكون الشاب أو الشابة جديراً بالعضوية بعد أن يؤدي التعهد أمام رفاقه بأن يحافظ على عذريته/ عذريتها حتى العثور على الحب الحقيقي الذي يقود إلى الزواج. وجاءت هذه الفكرة، التي باتت غريبة على مجتمع ما بعد الحرب العالمية في اوروبا، من الولايات المتحدة. وانتشرت في أوساط الشباب المتدينين منذ عام 1994، لكنها لم تلفت الانتباه إلا منذ فترة بسيطة بعد أن بدأ المؤمنون بها الى «التبشير» بها في المدارس الثانوية والجامعات والتجمعات الشبابية. وزاد من التعريف بهذه الظاهرة، التي يرى فيها البعض عودة إلى «قيم التزمت» التي كانت الكنيسة تشجع عليها باستمرار، تناول وسائل الإعلام لها ونشر التحقيقات عن السهرات التي تقيمها الجمعية لأعضائها. وفي برنامج تلفزيوني جديد بثته القناة الفرنسية الثانية أخيرا طرح السؤال: «هل يمكن العيش بدون جنس»، قال رئيس الجمعية ساندي بروزي إن الجنس لا بد أن يرتبط بالحب، وإنه شخصياً حافظ على عذريته لكي يقدمها كهدية تعبر عن الحب الى الفتاة التي ارتبط بها بالزواج منذ فترة وجيزة.
وأضاف بروزي، 27 عاماً، أنه غير نادم على السنوات التي فاتت رغم أن رفاقه في المدرسة كانوا يسخرون من التعهد الذي قطعه على نفسه أمام الله. ويمكن لمن يتصفح الموقع الخاص بالجمعية على شبكة الإنترنت أن يقرأ شهادات لعدد من الأعضاء، من الجنسين، يتحدثون فيها عن تجربة الامتناع عن ممارسة الحب قبل الزواج.

لكن أحد المشرفين، الذي استقال من مركز كنسي يهتم بالشباب، قال إنه ضد الاسلوب الذي ينشر فيه الجمعيات هذا النوع من أفكارها لأنه يتسبب في تأنيب شديد للضمير لدى الذين يفشلون في الوفاء بالتعهد الذي قطعوه. كما رأى أنه من غير الصحيح استقطاب الأطفال، اعتباراً من سن 13 عاماً للدخول في الجمعية لأن خبرتهم الحياتية قليلة، ويسهل التأثير عليهم وزرع الأفكار في رؤوسهم قبل بلوغهم سن الوعي

يعني لما الواحد يقرا اساس الموضوع والحكي البيصير بالـ13 صفحة بالموضوع ما بيعرف يربط بين الاتنين إلا انو بس نحنا مو شاطرين غير بتغيير الموضوعات
الاخ سكايب عميحكي عن اتجاه اخدته احد الكنايس وعن واحد من الكنيسة معترض عليه لأنو بيصيب الشباب الي ما بيعرف ينفذ وبتغلب عليه غريزتو حالة من الاحباط وبيفكر انو نبدا بالاجيال الي ما جربت الجنس لأن بيكون التحكم عندهم اسهل
شو دخل هاد بالي عمتحكون طوال هذه الايام؟؟؟

على كل حال انا شايفة انو كما قال كريمبو بأول رد الو

يعني شغل تعهد و تبشير، مو قوانين و ضراب السخن
كل واحد بيعمل ما بدالو
يللي شايف الجنس مجرد شهوة بيطفيها مع مين ما كان، كالجوع ... فليفعل
و يلي شايفو شغل دين و هدايا ... فليفعل

وخلص الموضوع مش مستاهل كل هالحكي
من آمن فلنفسة ومن كفر فعليها
انا ما بدخل الموضوع بالدين بس هالجملة انا كتبر بعتز فيها وشايفة انها بتنطبق على كل شي بالحياة مش بس الدين
لأنو الايمان والكفر مش بالدين لكن بالمبادئ والحياة عموما
ما بدي اخرج عن الموضوع
شكرا سكايب على المعلومة
وعن رأيي بالموضوع فأنا شايفة ان هالجمعية مش اجبارية وكل واحد شايف حالو بيقدر يتحكم بالغريزة فلينضم ومن شاكك بحالو ما ينضم خلصت الشغلانة دستوركو يالي معانا
تحياتي للكل

[Danito]

كاتب النص الأصلي : kamikaze

أي والله صباح الخير

اخت كميكاز انو استغربت ردك لا والله
منسق هادا موضوع إداري (و محدود كمان) و ما بيفترض أي شي عن شخصي و بجميع الأحوال الإدارة أكيد لما بتاخد منسقين بيكون موضوع المامهم بمضوع الحوار اقل ما يمكن مقبول هاد ما بيمنع أنو انا بشارك برأيي الشخصي كدانيتو و ما بيعبر عن رأي الإدارة و لمعلوماتك كتير من اللي شاركون بالموضوع الون صفات إدارية من نوع ما

ردودك مطولات و تقليلي شو يعني مطولات هي صشتقة من طوييييييييييييل

اوكي اكيد انا وجهت جزا كبير من حكيي الك و للرد على حكيك بس مو الك حصريا

يا ستي ما حدا معصب غيرك و شوفي لهجتك

انا ما في بالعادة احكي بهي اللهجة تبع المستويات الفكرية بس أنا قصدتك انتي بالذات كنت عم احكي بشكل عام بس ما بيمنع انو قصدتك بطريقة ما و بالتحديد هي طريقة الحوار ، ما ألها علاقة بمحتوى رأيك اللي مفهوم وواضح من بداية مشاركاتك ، انا اعتراضي على اسلوبك بالحوار ، على طريقتك بتحليل ردود الآخرين و هون بدي اتبحر شوي

انا شخصيا بحترم و بفهم رأيك بموضوع العذرية و التشدد فيه ، ركزي معي هون: انا و اي حدا تاني من حيث المبدأ منحترم حقك بالرأي و هاد موضوع غير خاضع للنقاش ابدا: يعني أنتي إنسانة الك رأيك و خيارك و الآخرين بيحترموه متل ما انتي لازم تحترمي حق الآخرين بالرأي و الاختيار ، هلق أنا قلت : انا بحترم خيارك يعني هادا شي تاني انو انا بفهم دوافعك الأخلاقية و الدينية والاجتماعية ، و بقدر ميلك ليكون عندك مبادئ ، بس هون بدي قلك انو انا ما بحترم رأيك (مازلت محترم انو حقك يكون عندك رأي بس مابحترم محتوى هادر الرأي) انو تقييمك لرأي الآخرين المختلفين ، يعني رأيك برأي الآخرين و هون عدم الاحترام ، انتي حقك ما تحترمي اختيارون بس بدك تفهمي انتي و غيرك ما بيحقلك تلغي حقهم بالخيار هلق أنا استقصدت اشرح هالتداخل لفهمك شو وجهة نظري بموضوع الاختلاف و شو يعني حرية رأي ، و انا لاحظت من نقاشك تقريبا لرأي كل شخص بشخصو : انو هي النقطة عندك مو واضحة ، و هون يمكن بدي استرجع موضوع التسطيح :يعني بالفيزيا و الرياضيات النظريات الخطية ماعادت كافية ، و بالاقتصاد و الاجتماع صار يلحظو دور السلاسل و النظرية السائدة هي نظرية اللاتوازن لأنو نظرية التوازن من زمان ذهبت ادراج الريح: يعني لما منحاول نصور الحياة على أنها متل المبادئ 1+1 = 2 في سطحية , و الحكم على تصرفات العالم سهل و إطلاق الأحكام عليهم اسهل يعني تقولي أنا قناعتي هيك حلو ، اما الحماس بالهجوم على الآخرين و من منطلق أنا احسن منكون لأني متبعة لهي المبادئ المعينة هي ضرب من ضروب المزاودة : لانو ما حدا معصوم عن الخطأ و بالتالي من منكم بلا خطيئة فل يرمها بحجر ... من جهة تانية و بنقاشك لرأي الآخرين صرتي تحلليها بسطحية و بطريقة ما بتنافش فعلا طرحهم بقدر ما كنتي عم تحطيها بمواجهة مبادئك المنتصرة سلفا: يعني لما واحد بيقلك أنا ما عندي مشكلة بممارسة الجنس قبل الزواج : مو بالضرورة قصدو لازم الكل يمارس الجنس و بطريقة عشوائية، لأنو العشوائية شي و الخيانة شي و مفهوم الحرية الجنسية شي تاني و التمييز بين هي المفاهيم و غيرها شي تاني كمان، أنا ما كنت متطر اشرح كهالحكي بس بما انك شلفت مبادئ يمين و شمال و تهم للجميع و بحماس منقطع النظير و متل ما قلت بمشاركتي الأولى على طريقة : "نحنا منعرف الصح شو هو: امسك ورقة و قلم و سجل منشان تستفاد"

انا شخصيا و على هامش الموضوع ما عندي أي مشلكة بموضوع العذرية : قضية بتخص صاحبة القضية و ما دخلني بخيار الآخرين متل ما هني ما دخلون بخياري انا و شريكتي ،

هلق بتمنى ما تحولي تفندي النقط اللي بالأصل وضحتيها أكتر من مرة لأنو رأيك وصل و وضح

هلق شغلة مهمة تلميحك لموضوع الاغتصاب : في موضوع فتحتو إذا ماني غلطان بنوتة حلب و شرحو في العالم رأيون و في ردي على طرحك

يا دوموازيل هاد الحماس بالهجوم بذكرني بقصة سمعتا من صديقي الجورجي العزيز : عن وحدة مو متجوزة كانت بضيعة و ما ألها شغلة غير تنتقد سلوك البنات و لبسون و فوتاتون و طلعاتون و بشكل مبالغ فيه و حتى المتزوجات ما سلمو منها، لحتى يوم من الأيام و هي مو متجوزة ابدا حملت .. لما سألوها لك من وين لوين حملتي بهالولد: قالتلون شبكون: غلطة، أنو الواحد ما بيفهم انو الإنسان ممكن يعمل شي هوي بيعتقد انو غلط لأنو التفكير سهل بس أي إنسان معرض للخطأ

هلق آخر شي و الأهم : الحرية مفهوم إنساني اكبر من فهم البعض: لما بنسب حرية الآخرين الشخصية و منصفها بالحيونة ؟؟ يعني من كل الحكي و التعليقات ما في شي عن جد دايقني و عصبني إلا الطريقة اللي انتي و غيرك سبيتي فيها الحرية و حاولتو تنظروا شو يعني حرية : الحرية أكبر مني و منك و من كتير ناس الحرية أعظم من الصين و سورها أكبر من السعودية و صحاريها الحرية أزلية اكتر من الأنظمة الشمولية التي تحلم بالأبدية الحرية أكثر من إذاعة و تلفزيون و جريدة ممولة من دائرة مخابرات اميركية : الحرية في ناس حتى ما بتفهم شو معناتها

[butterfly]

كاتب النص الأصلي : Danito

انا شخصيا بحترم و بفهم رأيك بموضوع العذرية و التشدد فيه ، ركزي معي هون: انا و اي حدا تاني من حيث المبدأ منحترم حقك بالرأي و هاد موضوع غير خاضع للنقاش ابدا: يعني أنتي إنسانة الك رأيك و خيارك و الآخرين بيحترموه متل ما انتي لازم تحترمي حق الآخرين بالرأي و الاختيار ، هلق أنا قلت : انا بحترم خيارك يعني هادا شي تاني انو انا بفهم دوافعك الأخلاقية و الدينية والاجتماعية ، و بقدر ميلك ليكون عندك مبادئ ، بس هون بدي قلك انو انا ما بحترم رأيك (مازلت محترم انو حقك يكون عندك رأي بس مابحترم محتوى هادر الرأي) انو تقييمك لرأي الآخرين المختلفين ، يعني رأيك برأي الآخرين و هون عدم الاحترام ، انتي حقك ما تحترمي اختيارون بس بدك تفهمي انتي و غيرك ما بيحقلك تلغي حقهم بالخيار هلق أنا استقصدت اشرح هالتداخل لفهمك شو وجهة نظري بموضوع الاختلاف و شو يعني حرية رأي و الحكم على تصرفات العالم سهل و إطلاق الأحكام عليهم اسهل يعني تقولي أنا قناعتي هيك حلو ، اما الحماس بالهجوم على الآخرين و من منطلق أنا احسن منكون لأني متبعة لهي المبادئ المعينة هي ضرب من ضروب المزاودة : لانو ما حدا معصوم عن الخطأ و بالتالي من منكم بلا خطيئة فليرمها بحجر ... انا شخصيا و على هامش الموضوع ما عندي أي مشلكة بموضوع العذرية : قضية بتخص صاحبة القضية و ما دخلني بخيار الآخرين متل ما هني ما دخلون بخياري انا و شريكتي ،

هلق بتمنى ما تحولي تفندي النقط اللي بالأصل وضحتيها أكتر من مرة لأنو رأيك وصل و وضح

هلق شغلة مهمة تلميحك لموضوع الاغتصاب : في موضوع فتحتو إذا ماني غلطان بنوتة حلب و شرحو في العالم رأيون و في ردي على طرحك

يا الله دان دان قليلة قدي بحبك
عالهامش تبع الموضوع هات لنشوف .. شوي أكتر رأيك بالمقالة ...
يعني حابة ناقش حدا من دون ما نكره بعض

[kamikaze]

أولا الغريب أنكن كلكن شلة المنسقين و المشرفين عندكن نفس الرأي ولا واحد فيكن بيختلف عن التاني شوي، و كلكن فلتانين على ردودي مع بعض متل ما صار مبارح ،يعني بدت أمور معينة تصير أوضح للجميع..

تانيا أنا وقت بقلك عم ناقش الموضوع من منطلق حضاري إنساني بعيدا عن الدين، ما بسمحلك تحلل و تقيم من عندك متل ما أنتو بتقولو، و تساوي الموضوع دوافع أخلاقية و دينية و اجتماعية، أما أنك تقول بتقدر ميلي ليكون عندي مبادئ ،فهي إهانة متعمدة و أنا لمعلوماتك عندي مبادئ إن شئت يا شبه المنسق أم لا، و ما بستغرب كلامك كمنسق..

بعدين للأسف أنكن وقت بتكتبوا دائما بتكتبوا كلام ضد بعضه، ما بدي قول تخبيص حتى ما تزعل متل ما زعل غيرك، بس المرة الماضية كنت بدك نحكيلنا عن تلات حالات لا رابع لها و حكيت حالتين لا تالت لها، و هالمرة بديت السطر 13 من كلامك بقولك السديد (( أنا شخصيا بحترم و بفهم رأيك )) موجها الكلام إلي، و بعدين بعد تلات سطور قلت قولك الحكيم المأثور ((بس هون بدي قلك انو انا ما بحترم رأيك )) قلي بشرفك هلأ أنت بتحترم رأيي ولا ما بتحترم رأيي بس بتحترم خياري، و بدها خمس سطور لتقللي أنك ما بتحترم رأيي، إشو عم تحل مسألة فيزيا و رياضيات و توازن و لا توازن..

بعدين أنا ما طالبتك باحترام رأيي، يعني إذا أنت وقت بدك تكون أسرة بدك تكون أسرة مع وحدة مارست الجنس مع شلة شباب قبلك أنت حر، و لو ما بدك تكون أسرة كمان أنت حر، ما حدا قلك شو تساوي و شو ما تساوي..

و إذا برأيك تقييمي لرأي الآخرين هو عدم احترام، لكن ليش عم تقيم كلامي يا من يطالب بما لا يفعل؟؟ مو الأفضل كنت تقول هالكلام لحالك !!

أما أني إلغي رأيهم بالخيار فمن غير المنطقي إنه إذا واحد قال أنه السرقة خطأ تقلله ما بيحقلك تلغي رأي الحرامي بخيار السرقة

أما إنك بدك تفهمني وجهة نظرك بموضوع الاختلاف و حرية الرأي، فوجهة نظرك قائمة على أنه الحكم على تصرفات الناس و إطلاق الأحكام و الحماس بالهجوم خطأ، و إنت عم تساوي نفس الشي اللي معتبره خطأ بنفس الرد، فإذا إنت عم تناقض وجهة نظرك الشخصية فلازم تفهمها أول بعدين تفهمني ياها..

بعدين السطحية يللي شرحتها بطريقة سطحية تكمن في مشكلتك أنت و غيرك بقرائتكن لكلامي بشكل سطحي، و لمعلوماتك ما في داعي تشرحلنا أنه الفيزيا و الرياضيات وحدها غير كافية بعيدا عن الاقتصاد و الإجتماع يعني طالب المدرسة بيعرف هادا الشي، و أنت ما عم تجيب كلام لسه ما حدا بيعرفو

أما نظرية التوازن التي أود أن أطلعك عليها فهي لخصت في أربع احتياجات، هي الروح والعقل والجسد والعاطفة. ويؤكد كوفي صاحب النظرية على ضرورة إحداث التوازن في تلبية تلك الاحتياجات تحت شعار أن أعيش وأحب وأتعلم وأترك ورائي أثراً طيباً.
والمفتاح الأساسي لإشباع هذه الحاجات هو التوازن والتفاعل وإعطاء كل ذي حق حقه. كما يذكر كوفي أن لدى الإنسان قدرات أربع هي: إدراك الذات "قوة الشخصية"، الضمير الحي "قوة الإيمان"، الإدارة المستقلة "قوة الاستجابة"، الخيال المبدع "قوة العقل" وأن التوازن مطلوب لها أيضاً.

أما نظرية اللاتوازن السائدة عندك ممكن تلخصلي ياها

فالحياة ما منصورها متل المبادئ و لكن المبادئ هي اللي بتنظم السلوك البشري ليكون حضاري، و الدليل أنه لو فرضنا أنه واحد ما عنده مبادئ و ما عجبو حكيك، و عصب عليك و هو بيعرف مين أنت و راح ضربك لمجرد أنه ما عنده مبدأ يمنعه من السلوك الخاطئ يللي تمت ترجمته بضربك، فأكيد مجتمع الغالبية فيه متل هالشخص مجتمع غير حضاري

أما أنا فما قلت إني أحسن من حدا، و لو لقيت جملة واحدة بقول فيها حرفيا إني أحسن منكن تعال أحكي، يللي أنا بقوله غير هيك بس القراءة السطحية بمكن خلتك توصل لها النتيجة

أما قولك نحنا ما معصومين من الخطأ شي و قولك أنه الخطأ ليس خطأ شي تاني، و حلو اعترافك بأنه الجنس من غير زواج خطأ و خاصة بالمثال يللي ضربته و يللي قلك ياه صديقك الجورجي

و قولك من منكم بلا خطيئة فليرمها بحجر لا يعني السكوت على طرح الخطيئة بأنها فضيلة ،و لو ما حدا طرح الخطيئة على أنها فضيلة ما كان حدا رد بأن الخطيئة هي خطيئة و لا يمكن أن تكون فضيلة، و هون بحب وضحلك بأن توضيح الخطيئة على أنها خطيئة لا يعني رميها بحجر، و إنما القول اللي ذكرته الحكمة منه أكبر من هيك، بس بدك مين يفهم..

تحليلي لرأي الآخرين الذي أقريت بأنه خطيئة و خطأ إن كان سطحيا برأيك، فلو نرجع للحالات يللي على سبيل المثال طرحتها أنت بردك السابق و يللي بتقول(( واحد و وحدة اشتهوا بعض بالشارع أحدهما أو كلاهما يا أما بيتزوجو ليمارسو الجنس يا أما بيمارسو الجنس من غير زواج)) هي كلام سطحي و لا يحتاج إلى تحليل أصلا، فالتحليل بعمق و غير سطحية يكون بالموضع الصحيح، و طبعا من المفروض أني حلل بعمق وقت الكلام بيستاهل

أما مبادئي المنتصرة سلفا و يمين و شمال فهذا مجرد تعبير عن رأيك بمبادئي، و لا يعني أنه إذا كان هادا رأيك لازم تفرضه عالكل، و إنما لو احتفظت فيه لنفسك يمكن كان أفضل

أما قولك (( يعني لما واحد بيقلك أنا ما عندي مشكلة بممارسة الجنس قبل الزواج : مو بالضرورة قصدو لازم الكل يمارس الجنس و بطريقة عشوائية، لأنو العشوائية شي و الخيانة شي و مفهوم الحرية الجنسية شي تاني و التمييز بين هي المفاهيم و غيرها شي تاني كمان)) فلحتى ما أرجع كرر كلامي بقللك لو كان كلامك صحيح إثبت صحته، و وضحلنا شو الفرق بين العشوائية و الخيانة و الحرية الجنسية ،و شو بتعني بالتمييز بين هي المفاهيم و غيرها، و لو ما كان بالضرورة القصد من ممارسة الجنس قبل الزواج أنه لازم الكل يمارس الجنس بطريقة عشوائية لكن شو القصد؟؟

وقت بتوضح كلامك برد عليه، و إلا إذا ما قدران توضح كلامك فردي عليه رح يكون مجرد تضييع وقت ما أكتر

وقت قلتلك نحن منعرف الصح شو هو بقصد كلامي نحنا كلنا بما فيهم يللي بيعرفوا الصح و بينكروه ،بيقولو عالخطأ خطأ و خطيئة و بيحاولو يبرروه، هون بقللك مسيك ورقة و قلم و سجل مشان ما تكرر أغلاطك و تقول بعدين ما عندك مشكلة بموضوع العذرية و يللي هي بتخص صاحب الموضوع بلا شك، و لكن هاد الكلام لا يمنع إنه الواحد يقول ليش الخطأ خطأ

و رح شوف الموضوع يللي فتحته بنوتة حلب و شوف ردك على طرحي، و أكيد رح تسمع مني بهالخصوص بالوقت المناسب.

أما أنه حماسي بيذكرك بقصة الجورجي فبفهم من كلامك أنه توضيحي وين الخطأ بالخيار الخطأ شبهلك ياه مخك بالوحده اللي بنتقد سلوك البنات و كأنه تشبيهك هون تخبيص، و بفهم من كلامك أنها حملت بعدين، أنك ما فهمان شو عم تحكي، بس لمعلوماتك معظم البنات يللي بتحمل من دون زواج بهالبلد عايشين ببيئة تعتبر الجنس قبل الزواج أمر عادي ،و البقية هم البنات يللي مو عايشين بهالبيئة بس متأثرين فيها

أما أنك تقول الواحد ما بيفهم انو الإنسان ممكن يعمل شي هوي بيعتقد انو غلط لأنو التفكير سهل بس أي إنسان معرض للخطأ، فيه أولا تناقض فمرة بتقول هو بيعتقد أنه غلط، و مرة بتقول أي إنسان معرض للخطأ و هون أنت عم تعمم على أنه خطأ ،و تانيا الإنسان اللي يعتقد بمبدأ بيختلف عن الإنسان اللي يؤمن بمبدأ ،و اللي يؤمن بمبدأ معين لا يمكن أنه يخطأ و يتجاوزه.

أما عن الحرية فلو أنت شخص ما عاجبني و بالمقابل أنا ما احترمتك و مسحت كرامتك بالأرض من منطلق أني حرة هي ما إسمها حيونة ؟؟ أنا ما قلت الحرية حيونة ليش قرايتك سطحية يعني ما بعرف يللي قلته أنا أكبر من فهمكن يعني شو بدي بسط لبسط؟؟ ما بعرف

أما تعريفك للحرية هو تعريف يدل على فهمك للحرية، و اللي ما بقدر أني أبدي إعجابي فيه لأنه فيه تعاريف لناس مثقفين أرقى بكتير من تعريفك، بفضل أني أفهم الحرية من تعاريفهن.

[Government]

خيتو كاميكاز
لك عنجد شو عندك الكيبورد السحري انتي
صدقيني انا من من القراية بس وجعتني ايدي عنك
انا احيانا مابدخل عالاخوية مشان مااكتب كتيرررر


بس يلا الله يعطيكي الصحة والعافية