شيوعي متدين - صفحة 2

**zen** · 19/04/2006

انو في شي نص بيفرض ع الشخص الي بدوا يكون شيوعي ما يأمن بالله

HashtNasht · 19/04/2006

اقتباس:

كاتب النص الأصلي : zen

انو في شي نص بيفرض ع الشخص الي بدوا يكون شيوعي ما يأمن بالله

ا ي اي اي

ملك الهكرز · 19/04/2006

لك الشيوعي مو عرفان الله وين حاطو

بيحاول يقنع الاخرين بشي هوي مو فهمانو

وهوي متل ما قال كريم فلسفة مخربطة

اقتباس:

واذا بدك ابو شريك نزيل أنت بالأس و انا باكول بالختيار اللطش اللي بعدو . شو الطرنيب ؟؟؟

--------------------------------------------------------------------------------

فئسها وقليب على التركس

**krimbow** · 19/04/2006

اقتباس:

كاتب النص الأصلي : zen

انو في شي نص بيفرض ع الشخص الي بدوا يكون شيوعي ما يأمن بالله

زين
ازا حابب تصير شيوعي
بس بتآمن بالله

رح افتيلك ياها

روووووووووووووووووح شايفلك

HashtNasht · 19/04/2006

بس ليش ما حدا حابب يقلي شو يعني شيوعي ؟؟؟

أخي اذا في شي حدا شيوعي هون يحكي

بزمناتو سألتو لارنستو انو لك يا رفيق مين هو الشيوعي

قلي يا رفيق

الشيوعي هو آخر من يأكل و آخر من ينام و أول من يموت

أنا هاد النوع ما شفتو هون بالبلد ....حدا منكن شاف هيك شي ؟؟

**krimbow** · 19/04/2006

اقتباس:

كاتب النص الأصلي : hashtnasht

بس ليش ما حدا حابب يقلي شو يعني شيوعي ؟؟؟

أخي اذا في شي حدا شيوعي هون يحكي

بزمناتو سألتو لارنستو انو لك يا رفيق مين هو الشيوعي

قلي يا رفيق

الشيوعي هو آخر من يأكل و آخر من ينام و أول من يموت

أنا هاد النوع ما شفتو هون بالبلد ....حدا منكن شاف هيك شي ؟؟

شريك ...

هداك الحزب الشيوعي يللي اول من يشبع و آخر من يجوع
و المشكلة انو كل الاحزاب الشيوعية بالدنيي بطنها كبيرة

هلأ مين هوي الشيوعي؟؟؟
يعني يا ريت لو بتخدمنا فيها للشغة

بشكل عام برأيي انو الشيوعي هوي المنتسب لشي حزب شيوعي
هيك بكل بساطة

لأنو برأيي ما بينفع انك تكون شيوعي على حالك مثلا

انو كيف بتطبق الايديولجيا؟؟
على مين اساسا عم تطبق هالايديولجيا ؟؟؟

شو قولك ؟؟؟؟

HashtNasht · 19/04/2006

خيو

أنا برايي أنو هدول الشيوعيين متل مصاصي الدماء و ال vampires يعني هني بالحقيقة ما موجودين الا بخيالنا

و أنو أميركا و من جر جرها من اسلاميين و قوميين و ...و ...الخ

عم يخوفونا بالشيوعيين مشان نضل حبابين

و إلا أذا كانو موجودين .....وينن ؟؟؟

لك أخي شو هني الله لحتى ما يبينو

whiterose · 19/04/2006

اقتباس:

أما أغرب ما سمعت فهو الأخ عبد الله فهو :

أولا استاذ ابتدائي

تانيا عضو لجنة منطقية بالحزب الشيوعي السوري

تالتا مؤذن مسجد القرية

رابعا حرامي صندوق زكاة المسجد

خامسا بيعترف بكل التهم المذكورة أعلاه.

أي بعرفوا كمان عنا في منو
بس في فرق
هو ما بآذن بالجامع
مشتري شريط كاسيت
معير كل وقت صلاة بأدن لحالو

me2 · 19/04/2006

اقتباس:

كاتب النص الأصلي : whiterose

أي بعرفوا كمان عنا في منو
بس في فرق
هو ما بآذن بالجامع
مشتري شريط كاسيت
معير كل وقت صلاة بأدن لحالو

كان خطو حلووو ؟؟؟

سرسورة · 20/04/2006

ابدا مو صح انو الشيوعيين ما بيعرفوا الله وين حاططون....بالعكس هني من اول الاحزاب اللي كان الون نظرية ثابتة...بالاضافة انو مبادؤن كتير حلوة..بغض النظر عن الايمان او الله او غيرو...بس نحنا ببلدنا خرسوون....حزب البعث خرسون...وصدقوني انون عم يحاولو يشتغلو هون بالبلد و هلأ بس بدون وقت كتير لحتى يطلع صوتون....في كتير ناس بعرفون شيوعيين....بس هني عنجد شيوعيين مو بس بالاسم و انا بشوفون قمة الرقي...ما بيخوفو متل ما قال البعض

fady juventus · 20/04/2006

اقتباس:

كاتب النص الأصلي : سرسورة

ابدا مو صح انو الشيوعيين ما بيعرفوا الله وين حاططون....بالعكس هني من اول الاحزاب اللي كان الون نظرية ثابتة...بالاضافة انو مبادؤن كتير حلوة..بغض النظر عن الايمان او الله او غيرو...بس نحنا ببلدنا خرسوون....حزب البعث خرسون...وصدقوني انون عم يحاولو يشتغلو هون بالبلد و هلأ بس بدون وقت كتير لحتى يطلع صوتون....في كتير ناس بعرفون شيوعيين....بس هني عنجد شيوعيين مو بس بالاسم و انا بشوفون قمة الرقي...ما بيخوفو متل ما قال البعض

عم يحاولوا يشتغلوا بالبلد ؟؟؟!!! والدليل إنن إنقسموا وصاروا حزبين ؟ ماهيك

يا سارا أنا لهلأ ما شفت بالشيوعية شي مميز ، غير أحلام وأوهام "بالمبادىء تبعن"
و مصايب للشعب لما بيصيروا بالحكم "ما في داعي للأمثلة"
وإذا بدك تقولي الصين... الصين عملت شيوعية بمفهوم خاص بدليل إنفتاحها إقتصادياً ، ونوعاً ما سياسيا ... حتى إنها دخلت منظمة التجارة العالمية جنباً إلى جنب مع الدول الرأسمالية الكبرى بالعالم .

MR.SAMO · 20/04/2006

اعتقد انه الشيوعية والشيوعيين اثبتوا فشلهم بدول الاتحاد السوفيتي السابق والنتيجة اكبر برهان
لأنه معظم افكار الشيوعية غير قابلة للتطبيق

me2 · 20/04/2006

اقتباس:

كاتب النص الأصلي : MR.SAMO

اعتقد انه الشيوعية والشيوعيين اثبتوا فشلهم بدول الاتحاد السوفيتي السابق والنتيجة اكبر برهان
لأنه معظم افكار الشيوعية غير قابلة للتطبيق

بس اليوم روسيا دولة عظمى ..... بغض النظر عن رأيي بالمسخرة و الشرشحة اللي صارت على أتوتستراد المزة من كام يوم .. قال مدري شو اعتصام شيوعي ... شو دخل الشيوعية بأنو ينتشرو متل النور بنص الطريق ؟؟؟ بدهم يموتو يروحو على فلسطين ,مو يزتو حالهون قدام دواليب السيارات و يبلونا فيون ...

fady juventus · 20/04/2006

زكرتني بأمين الحافظ أبو عبده
وقت قلن للفلسطينيين اللي عم يخربوا ويكسروا ويبعبعوا على أساس مقهورين على فلسطين
"هاي الباصات على فلسطين اللي بده يجاهد يركب والله معه"
طبعاً ماحدا راح !!!

me2 · 20/04/2006

اقتباس:

كاتب النص الأصلي : fady juventus

زكرتني بأمين الحافظ أبو عبده
وقت قلن للفلسطينيين اللي عم يخربوا ويكسروا ويبعبعوا على أساس مقهورين على فلسطين
"هاي الباصات على فلسطين اللي بده يجاهد يركب والله معه"
طبعاً ماحدا راح !!!

شو يعني قدامي فرصة ؟؟؟؟ هههههههههه يلعنك على هالاستفقادة ..

MR.SAMO · 20/04/2006

اقتباس:

كاتب النص الأصلي : me2

بس اليوم روسيا دولة عظمى ..... بغض النظر عن رأيي بالمسخرة و الشرشحة اللي صارت على أتوتستراد المزة من كام يوم .. قال مدري شو اعتصام شيوعي ... شو دخل الشيوعية بأنو ينتشرو متل النور بنص الطريق ؟؟؟ بدهم يموتو يروحو على فلسطين ,مو يزتو حالهون قدام دواليب السيارات و يبلونا فيون ...

من اي ناحية دولة عظمى انت شايف مستوى معيشة شعبها كيف
صحي هيي عظمى بسلاحها وصواريخها بس بمعيشة شعبها كتير سيئة
ببتذكر صفقة الصواريخ اللي كانت بدها تبيعنا ياها راح لعندها وزير خارجية اسرائيل وعطاها سعرها وقلها لحكومة روسيا خليها عندك وماتبيعيها لسورية

me2 · 20/04/2006

اقتباس:

كاتب النص الأصلي : MR.SAMO

من اي ناحية دولة عظمى انت شايف مستوى معيشة شعبها كيف
صحي هيي عظمى بسلاحها وصواريخها بس بمعيشة شعبها ومعيشة شعبها كتير سيئة

في مجموعة من الدول قرروا أنهم G8 .. أنا ما دخلني ..

**zen** · 20/04/2006

اقتباس:

كاتب النص الأصلي : hashtnasht

ا ي اي اي

ممكن تقلي وين لانو انا قريت العقائد وافكار الحزب ما لقيت هي شي