العصبية الشرقية

yass · 27/03/2006

لا أنوي في هذا الموضوع نقد العصبية الشرقية اذ أنني أعتبرها من أساسيات طريقة تفكيرنا و تعاملنا .
خطر على بالي هذا الموضوع بعدما سمعت من الكثير من أصدقائي رأيهم عن طريقة تعاملي بأنها متطرفة, اذ قال لي أحد أصدقائي بالحرف:" لست أقصد بأنك متطرف بأن عقلك متحجر أو ما شابه اذ أنك مثال لاحترام الرأي الآخر, لكنني أشعر بأن دمك حامي , لا تتحدث بالسياسة بل تعيشها, حتى مباريات كرة القدم تراها و كأنك تشاهد تقرير مصير حياتك, قد يكون الأمر طبيعيا لو أنك شخص عصبي, لكنك بارد و هادئ جدا ".
استوقفتني جدا هذه الكلمات , و قضيت عطلة نهاية الاسبوع أبحث عن المعاني (كان الجو ماطرا و لم يكن لدي ما أشغل وقتي به

).
اقتنعت أخيرا أن هذا من صميم تفكيرنا الشرقي, دائما نخلط كل شيء مع العواطف, نبحث عن الجانب الحسي بكل شيء, نتطرف دون قصد في كل شيء , حتى بالرياضة... أعتقد أننا لا نستطيع أن نبعد العواطف عن أي أمر من أمور حياتنا ... لا شعوريا نعتقد أن أعطاء الأمور أهميتها تكمن بالانفعال معها , أكرر أنني لا أرى ذلك خاطئا, لكنه من أسلوب حياتنا الشرقي , و الأمثلة منه كثيرة:
1. في برامج التلفزيون من نمط ستار أكاديمي وحدنا الشرقيون قادرون على اعطاء بعد وطني للبرنامج و البحث عن مؤامرات بين القادة العرب لتقرير الفائز.
2. عدد أعلام ألمانيا أو البرازيل المعلقة في شرفات البنايات الدمشقية أيام كأس العالم يفوق عدد كل الأعلام التي يمكن أن نراها في ريو دي جانيرو أو برلين مجتمعتان.
3. في فكرنا الشرقي كي تكون سائقا جيدا يجب أن تكون الأول في السب و الشتم و التزمير عند كل تقاطع , ويا ويل من يفكر بتجاوزك.
4. الموكب المرافق لأي عميد في المخابرات في طريقه من البيت للمكتب يفوق مواكب جميع وزراء اسبانيا مجتمعين.
5. الوليمة الجيدة في منزل أحدنا ليست ذات الطعام اللذيذ و الجيد , انما هي التي يجب أن يزود فيها عشر أضعاف ما يؤكل , و أهم من ذلك...أن تفوق كلفتها عن ما كلفت وليمة الجار بضعفين على الأقل .
6. وحدنا الشرقيون نستدين لشراء سيارة فخمة .
7. في الشرق تباع أفخم أنواع الموبايلات, الغريب أن لدينا كذلك أسوء الشبكات و التغطيات .
8. مشافينا الخاصة قد تفتقر لأبسط المعدات الطبية , لكنها دون شك مبنية بالحجر الحلبي .
9. فقط عندنا تجد متاجر كاملة مخصصة فقط لزينة السيارات.
10. فقط عندنا قيمة ميت ما تعرف من أهمية الشارع الذي تم قطعه لنصب خيمة العزاء.
نستطيع أن نذكر الكثير من مظاهر حياتنا الشرقية, لكن سنكتفي بهذا القدر كي لا ننفضح أمام غيرنا...

11. الشرقي لا يكون شيوعيا حقيقيا ان لم يكن لديه جميع الصور و اللوحات الممكنة للينين , و جميع كتب الشيوعية بالعربية و الروسية , و أن يحفظ عن غيب الاعلان الشيوعي .

لا يهم ان كان عاجزا عن فهم معني ديكتاتورية البروليتاريا

آه نسيت ....عليه كذلك أن يعلم أن كارل ماركس كان يهوديا

12. فقط عندنا الأحزاب الاشتراكية تمثل طوائف معينة

فليحيا الشرق

**zen** · 27/03/2006

اقتباس:

اقتنعت أخيرا أن هذا من صميم تفكيرنا الشرقي, دائما نخلط كل شيء مع العواطف, نبحث عن الجانب الحسي بكل شيء, نتطرف دون قصد في كل شيء , حتى بالرياضة... أعتقد أننا لا نستطيع أن نبعد العواطف عن أي أمر من أمور حياتنا ... لا شعوريا نعتقد أن أعطاء الأمور أهميتها تكمن بالانفعال معها , أكرر أنني لا أرى ذلك خاطئا, لكنه من أسلوب حياتنا الشرقي , و الأمثلة منه كثيرة:

حطيت ايدك على الجرح
يعني انا بحس انو الغرب سبقونا بكتير اشيا لانو العواطف ما بتئثر على مواقفون وقرارتون ولهيك منشوفون ناجحين كتير
نحنا العرب عواطفنا جياشة لدرجة انو منسى حقنا
ولدرجة انو ممكن نوقف ابداعنا وتفكيرنا وطموحنا لأجل العواطف
كمثال صغير
معظم الشباب السوري بيعش حالة من اليائس داخل مجتمعو وبلدوا وانا واحد منون
ممكن كتير تتأمن لأي واحد منون فرصة سفر بس بيرفضها بسبب
حبه لأمه وأصدقائة وكتير اشيا وانا واحد من هالناس
فالعواطف هون وقفت بوش مستقبلوا وعطليتوا وعطلت ابداعو
وكمان مثال تاني
الامتحانات منقول حرام هالشب لازم ننقلوا
وانا تعبت وهو ما تعب انا وياه سواسية بالنتيجة
وهيك منكون ظلمنا نفسنا قبل كل العالم
بيجوز انا علقت على قصة العواطف بس لانو هي اكتر شي استفذتني لعلق ولانو بعتبرها
مشكلة كبيرة
لا ومو بس هيك
مشكلة اساسية بأبداعنا
وشكرا ياس على موضوع الكتير حلو

**krimbow** · 27/03/2006

موضوع مهم ياس

انت برا و متهم انك "حامي" او انفعالي
بتصور انو انا و انت من نفس الطينة، و مع ذلك انا جوا و متهم اني "لئيم"، و حلها ازا بتحلها

بس من جديد اكتشفت انو الشباب يللي معي بالمكتب بيسموني "تي ان تي" ... لأنو ممكن انفجر بأي لحظة

rawad · 28/03/2006

تحياتي للشباب
بس عندي سؤال انو هي العصبية والانفعال السريع العاطفي اللي أغلب الناس اللي مخها شغال عنا بتعاني منو هو بفعل مورثي بنحملها أو نتيجة واقع وظروف عشناها أو عم نعيشها؟؟؟؟؟؟؟؟؟؟
أنا بشوف إنها نتيجة طبيعية لواقعنا ..........

فيروزة · 28/03/2006

موضوع مهم ويناقش عدة نقاط

Joe · 29/03/2006

مع انو كل رفقاتي بيعرفوني اديش مسالم و حباب

... هون الناس مفكريني عنيف و احيانا عنصري او rude !!

توت توت توت · 29/03/2006

مع انو في شوية مبالغة و (اعذرني ياسين ) تخبيص بالنقاط اللي عديتن .. بس الموضوع حلو ...

ومتل ما قال رواد بس مع شوية تعديل ..
هالشي نتيجة ظروف مناخية .. جغرافية ..ثقافية . تاريخية .. فينا نقول سياسية ....
بس اكتر الشي عامل المناخ والجغرافية هوي اللي بأثر بالشخص ...
فيك تلاحظ الفرق بين ابن المدينة و ابن الريف .. بين ابن السهل وابن الجبل .... طول عمرو الأنسان الشرقي معروف بحماوة دمو .

.
الانكليزمعروفين انن ابرد من طين الشتي .. ما بيضحكوا للرغيف السخن ..

الياباني بتلاقي هادي وعم يضحك سبحااااااااان اللي خلقو ... شو ماحاكيتو بتلاقي عم يضحك يا الله ...

يعني اللي بدي وصلو .. انو هالشي بفعل عوامل خارجة عن ارادتنا .. نحنا أد ما فينا منضبط اعصابنا .. بس اذا بتلاحظ منضحك بعنف ... منزعل بعنف .. منحتد بعنف ... عنا نحنا الشرقيين قوة بالعواطف بشكل عام .. وهالشي حلو .. وبميزنا عن غيرنا ...

يعني يا أخي خلينا نتميز بشي شغلة ب*يييييز هالزمان ..
احلى زرزة يأدوووووونس ابو اليسن ..

**zen** · 29/03/2006

هلق النقط الي زكرون توت كويسات
بس كمان انا في نقاط اشرت عليا بالتعامل مو بالطبيعة البشرية لكل بلد
لانو كل بلد بعامل الظروف بتغير عن البلد التاني
مثلا بروسيا بيشربوا فوتكا كتير
بس عنا شوي لانو هني عندون برد كتير وعنا مافي هالبرد

انا عم عن عن طريقة التربية
وعن الاستقلالية الي بيتمتعو فيا حتى يقدروا بكونوا نفسوا وشخصيتون بعيد عن العواطف

dadoda · 29/03/2006

انا اقول بان الموضوع غير مبالغ فيه بل يمكن ان نزيد الكثير الكثير

yass · 29/03/2006

اقتباس:

مع انو في شوية مبالغة و (اعذرني ياسين ) تخبيص بالنقاط اللي عديتن

أي هدول كمان صفات شرقية