أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > علوم > علوم و تكنولوجيا

إضافة موضوع جديد  إضافة رد
 
أدوات الموضوع
قديم 29/09/2009   #37
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي



بوستر لأشهر المجرّات الحلزونية..


القبعة المكسيكية Sombrero Galaxy




رابــــــــــــــــط لتحميل البوستر الأصلي بالحجم الكامل (622.8 كيلو بطاطا)

رابــــــــــــــــط لتحميل البوستر بحجم مناسب لاتخاذه خلفية لسطح المكتب (148.5كيلو بطاطا)



هالمجرّة بتبعد عنّا 28 مليون سنة ضوئية.. وبتمتد بالفضاء (قطرها يعني) 50 ألف سنة ضوئية (للمقارنة.. درب التبانة قطرها 100 ألف سنة ضوئية)
بس هالمجرّة.. من أكثر المجرّات "تحلزناً".. يعني أذرع هالمجرة شديدة الالتفاف حول مركزها
ومنشوف إنها "مـُـمـَـنـطـَـقة" بـ حزام من الغبار البينجمي.. عم يحجب ضوء النجوم بطرف قرص المجرّة..

الصورة ملتقطة من تلسكوب هابل الفضائي سنة 2003

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 29/09/2009   #38
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي


اقتباس:
كاتب النص الأصلي : Nasserm عرض المشاركة
بوستر لأشهر التجمعات النجمية الكروية

تجمع/حشد هرقل M13




رابــــــــــــــــط لتحميل البوستر الأصلي بالحجم الخرافي (54597 كيلو بطاطا)

رابــــــــــــــــط لتحميل البوستر الأصلي بالحجم الكامل (11768 كيلو بطاطا)

رابــــــــــــــــط لتحميل البوستر بحجم لا بأس به (8341 كيلو بطاطا)

رابــــــــــــــــط لتحميل البوستر بحجم يناسب المعتّرين (639 كيلو بطاطا)



هالصورة وصورة القبعة المكسيكية فظيعات وجزيل الشكر عالمعلومات

ونصيحة ليلي حابب يشوف الصورة يفوت على رابط المعترين


// وأنّ حضورك في دمي مسكُ الختام //
  رد مع اقتباس
قديم 29/09/2009   #39
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي



بوستر لأشهر وأقرب السدم الكوكبية..



سديم الحلزون Helix Nebula
ميسييه 57 أو M57




رابــــــــــــــــط لتحميل البوستر الأصلي بالحجم الكامل (583.7 كيلو بطاطا)

رابــــــــــــــــط لتحميل البوستر بحجم مناسب لاتخاذه خلفية لسطح المكتب (141.7كيلو بطاطا)



أول شي.. تسمية "السديم الكوكبي Planetary Nebula" هي تسمية "تاريخية" مانها "تسمية علمية"..
يعني هالسدم ما إلها علاقة بالكواكب متاتاً.. وإنما هي "نجوم منفجرة"..

منشوف بالصورة هالة الضو الحلقية هي مادة النجم اللي انفجر وبعثرها حولو..
أما جثة النجم.. فـ هي عبارة عن كتلة كتير صغيرة باقية بمركز السديم.. مبيّنة بالصورة نقطة صغيرة

هالسديم هيدا بيشبه نهاية شمسنا بعد 5000 مليون سنة

بيبعد عنا "ميسييه 57 " حوالي 650 سنة ضوئية فقط

الصورة كمان من تلسكوب هابل الفضائي.
  رد مع اقتباس
قديم 29/09/2009   #40
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : sandra عرض المشاركة
هالصورة وصورة القبعة المكسيكية فظيعات وجزيل الشكر عالمعلومات
الحكومة هون؟

يا مرحبا.. يا مرحبا


شوفي الصورة الجاية يا ساندرا

(أنا بقعد ببحلق بهيك صور ساعات.. ت جرّب إفهم شو دين رب هالكون اللي حوالينا!!)

-----------------

بوستر لأجمل السدم الناتجة عن الانفجارات النجمية..



بقايا مستعر فائق في كوكبة ذات الكرسي
Supernova Remnant Cassiopeia A







رابــــــــــــــــط لتحميل البوستر الأصلي بالحجم الكامل (1250 كيلو بطاطا)

رابــــــــــــــــط لتحميل البوستر بحجم مناسب لاتخاذه خلفية لسطح المكتب (405.8كيلو بطاطا)



هيك سدم.. بتتكوّن نتجية انفجار نجوم أكبر من الشمس (من حيث الكتلة) بـ 3 مرات ع الأقل..
انفجارها بيكون هائل لدرجة.. إنها بتبعثر مادتها حولها بطريقة عنيفة جداً..
بالمناسبة.. الثقوب السوداء بتتشكّل من بقايا النجوم اللي متل هاي..

هالسديم هيدا إذن هو بقايا نجم منفجر.. منقدر نشوفو (بتلسكوب كبير طبعاً) بجهة كوكبة ذات الكرسي (بتبيّن بمنطقتنا بجهة الشمال الشرقي).. يمكن البعض بيعرف شكلها.. بتبقى متل حرف الـ W
إذن.. هالسديم مانو بـ كوكبة ذات الكرسي.. وإنما بيبيّن بجهتها بالنسبة إلنا.. لإنو بالحقيقة
بيبعد تقريباً 10 آلاف سنة ضوئية عن هالكوكبة

شوهد انفجار النجم اللي سبب هالسديم.. لأول مرة على الأرض سنة 1600


بالمناسبة.. الألوان بهالسديم كلها ألوان حقيقية.. غير معالجة.

من هون.. قلت إني بقعد ببحلق بهيك صور ساعات!!


الصورة ملتقطة أيضاً بواسطة تلسكوب هابل الفضائي
  رد مع اقتباس
قديم 30/09/2009   #41
صبيّة و ست الصبايا mary belle
عضو
-- زعيـــــــم --
 
الصورة الرمزية لـ mary belle
mary belle is offline
 
نورنا ب:
Aug 2008
المطرح:
dorm..
مشاركات:
1,170

افتراضي


اول مره بشوف هيك اشيا..شي روعه!
ماشالله ..

.....
التوقيع متل قلتو..
ان كتبنا او لأ ما بيتغير شي !!
**
ف أنو ,,ما عندي شي قولو..!
***
D:
  رد مع اقتباس
قديم 30/09/2009   #42
صبيّة و ست الصبايا suzaan
عضو
-- زعيـــــــم --
 
الصورة الرمزية لـ suzaan
suzaan is offline
 
نورنا ب:
Dec 2008
مشاركات:
1,355

افتراضي


وااااااااااااااو ماشاء الله كتير حلوين

مآذنُ الشّـامِ تبكـي إذ تعانقـني
و للمـآذنِ.. كالأشجارِ.. أرواحُ ....
****************
*******************
ياشام اختَصرتي .. كلَّ بقاعِ الدُنيا ..

بأطرافِ ياسَمينة .. أشرَقَتِ الشَمسُ ..

لِتُنِيرَ بياضَها ..

دِمَشقُ .


suzaan..
  رد مع اقتباس
قديم 30/09/2009   #43
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


اي شووووووووووووووووووووووو هاد حلوين كتير

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 30/09/2009   #44
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي



بوستر لأشهر الحشود/العناقيد المجرّية..


عنقود مجرات آبل Abell 1689




رابــــــــــــــــط لتحميل البوستر الأصلي بالحجم الكامل (1890 كيلو بطاطا)

رابــــــــــــــــط لتحميل البوستر بحجم مناسب لاتخاذه خلفية لسطح المكتب (434كيلو بطاطا)



بصورة مجرّة القبّعة المكسيكية.. كل نقطة ضو صغيرة شايفينها.. هي شمس.. بينما بهالصورة هون.. كل نقطة ضو شايفينها.. هي مجرّة.. ولما نقول مجرّة.. يعني فيها ع القليلة مية مليار شمس..

فـ جرّبوا تخيّلوا -إذا قدرتوا- حجم المساحة اللي شايفينها!!

مرّة تانية

كل نقطة ضو بالصورة.. هي مجرة..
وكل مجرة فيها 100 مليار شمس (ع الأقل)
وكل شمس أكبر من كوكب الأرض بمليون مرة!!!

هاد الحشد يعتبر من أكثف الحشود المجريّة المرصودة.. وبيبعد عنا مليونين سنة ضوئية..

بالصورة منلاحظ بعض "أقواس" الضوء.. هي عبارة عن "أخيلة" وهمية لمجرّات بعيدة غير مرئية.. بيسمّوا هالظاهرة "العدسات الثقالية"..
إنو الكتلة الكبيرة (متل مجرّة) بتقدر تحني مسار الضو.. متل ما بتعمل العدسة


الصورة ملتقطة أيضاً من تلسكوب هابل الفضائي
  رد مع اقتباس
قديم 30/09/2009   #45
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي



بوستر لأشهر الحشود/العناقيد المجرّية..


حقل هابل البعيد Hubble's Deep Field





رابــــــــــــــــط لتحميل البوستر الأصلي بالحجم الكامل (2740 كيلو بطاطا)

رابــــــــــــــــط لتحميل البوستر بحجم مناسب لاتخاذه خلفية لسطح المكتب (1890 كيلو بطاطا)


نفس الحكي اللي قلناه عن حشد آبل.. كل نقطة ضو شايفينها.. هي مجرّة..

ونفس الملاحظة عن "العدسات الثقالية"..

بس الفارق..

إنو هاد الحشد يعتبر من أبعد الحشود المجريّة المرصودة.. حيثو بيبعد عنا 2.2 مليار سنة ضوئية
يعني.. ألفين مليون وميتين ألف سنة ضوئية!!


حشد هابل البعيد بيضم حوالي 1500 مجرة


الصورة أيضاً من تلسكوب هابل الفضائي سنة 1995

ضل تيليسكوب هابل الفضائي عشر تيّام فاتح العدسة تبعو حتى قدر لقط هالصورة!!


  رد مع اقتباس
قديم 22/11/2009   #46
شب و شيخ الشباب jano.
عضو
-- قبضاي --
 
الصورة الرمزية لـ jano.
jano. is offline
 
نورنا ب:
Jan 2008
مشاركات:
478

افتراضي


يسلمو كتير ناصر عالصور الروعة
اقتباس:
كاتب النص الأصلي : Nasserm عرض المشاركة
بوستر لأكبر مرصد راديوي على الأرض

مرصد أرسيبو Arecibo Telescope



رابــــــــــــــــط لتحميل البوستر الأصلي بالحجم الكامل (3850 كيلو بطاطا)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

لتحميل البوستر بحجم لا بأس به (470 كيلو بطاطا)



هالمرصد هو عبارة عن وادي بين جبلين.. قطرو 305 متر.. مرصوف بصفائح ألومنيوم.. وبما إنو ثابت.. ما بيقدر يتحرّك (بعكس صحون المراصد الراديوية العادية) فـ اللي بيتحرّك هو الريسيفير اللي مربوط بأسلاك على أبراج فوق المرصد.. بيتحرّك كرمال يدرس قطاعات مختلفة من السما..

شغلة المرصد إنو يقعدوا العلماء فيه ويتنصّتوا على الرسائل الراديوية اللي جاية من السما..



الحلو بهالتلسكوب أنّو فيه الواحد وين ماكان أنو يشارك معون بالبحث والتنصّت.
الحواسب التابعة لهالتلسكوب ما بتكفي لمعالجة الكم الهائل من المعلومات يلي بيستقبلوها يومياً، لهيك أطلقوا مشروع اسموا SETI@home مقرّو جامعة باركلي بامريكا، يلي حابب فيه يشترك بالمشروع وبهالطريقة بيصير الكومبيوتر الشخصي جزء من كومبيوتر التلسكوب.
حالياً في أكتر من 5 مليون مشترك، كمبيوترات المشتركين بالإضافة للكمبيوتر الاساسي سرعتون بتوصل لـ 80 تيرا فلوبس.
التيرا = ألف غيغا
فلوبس= وحدة قياس تعبر عن عدد العمليات الحسابية بالثانية
للمقارنة: مدّة المعلومات الي تعالجت من سنة 1999 لهلّا بواسطة هالشبكة تقارن ب 2 مليون سنة تقريباً

ما شاركت معون لهلّا بس متل ما سمعت أنو لازم ننزل برنامج خاص، هالبرنامج بيسجل مقطع صوتي عجهازنا وبيطالع نتيجة التنصت، بعدين بنبعتها للشباب تبع المشروع و فينا نتطلع عليها او نسمعلها.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


اقتباس:
بركي في شي حضارة غير أرضية عم تقلنا "ألو.. مرحبا.. نحن هنا"..

ما حلوة ما نرد عليهن مو؟
ما المشكلة إذا سمعنا أو سمعوا شي فمكن يكون الصوت صرلو كم مليون او مليار سنة بالطريق لحتى وصل لعنّا

haa haaaa haatshuuu!!!!!!!..... Sorry, I'm allergic to bullshit!

Urhoy سابقاً
  رد مع اقتباس
قديم 28/11/2009   #47
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : jano. عرض المشاركة
ما شاركت معون لهلّا بس متل ما سمعت أنو لازم ننزل برنامج خاص، هالبرنامج بيسجل مقطع صوتي عجهازنا وبيطالع نتيجة التنصت، بعدين بنبعتها للشباب تبع المشروع و فينا نتطلع عليها او نسمعلها.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

المشروع طلعت فكرتو مع واحد من طلاب الماجستير بعد ما انقطعت المساعدات الرسمية (المادية) عن البرنامج.. فـ ما بقى بيقدر معهد SETI إنو يستخدم كومبيوترات ضخمة (متل كومبيوترات ناسا).. فـ

الشرط الوحيد للاشتراك بالبرنامج إنو يكون الكومبيوتر موصول بالإنترنت مشان تحميل الأرصاد..
الحسابات بتصير بوضعية "شاشة التوقف".. البرنامج اللي بيشتغلها حجمو حوالي 1 ميغا.. المفروض ياخد تنزيلو تقريباً 170 ثانية على مودم 56 كيلو بطاطا (لإنو البرنامج مضغوط فـ حجمو 341 كيلو بطاطا)

البرنامج سهل الاستخدام.. وطبعاً ما في داعي يكون الكومبيوتر موصول بالإنترنت ديماً.. البرنامج بيشتغل على وضعية "شاشة التوقف"..


فـ يالله.. قولوا الله.. واشتركوا..
لإنو أيا مشترك بيكتشف إشارة فضائية.. رح ينزل إسمو جنب إسم معهد SETI
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:06 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11409 seconds with 11 queries