شوفي عالهوا

[..Jimy]

أوتوغراف:ادونيس
-----------------------------
بكرا الأحد الساعة 10:00PM

تستضيف قناة المشرق الأحد القادم، معلم الشعر العربي الشاعر السوري أدونيس في حلقة خاصة ومميزة من برنامج أوتوغراف الذي تحاول فيه الإعلامية سهير الذهبي مكاشفة أدونيس طرح العديد من الملفات والقضايا والتصريحات المهمة الصادرة عنه.
أجري اللقاء في منزل الشاعر في قريته قصابين؛ وفيه سيتحدث أدونيس عن طفولته وعن شكري القوتلي، عن الحزب القومي السوري، وعن أنطون
سعادة، وسيستمر الحديث مروراً بعلاقته ببيروت ودمشق وباريس ونيويورك وعلاقته بالمثقفين السوريين والعرب، وسينتهي الجزء الأول من هذا الحوار عند مواقفه النوعية من كل هذا . يذكر أن أدونيس أكثر الشعراء العرب إثارة للإشكالات، فمنذ أغاني مهيار الدمشقي، استطاع أدونيس بلورة منهج جديد في الشعر العربي، يقوم على توظيف اللغة على نحو فيه قدر كبير من الإبداع والتجريب، وكأنه يبتدع لغة جديدة غايتها أن تسمو على الاستخدامات التقليدية دون أن يخرج أبداً عن اللغة العربية الفصحى ومقاييسها النحوية.
استطاع أدونيس أن ينقل الشعر العربي إلى العالمية، ومنذ مدة طويلة يرشحه النقاد لنيل جائزة نوبل للآداب.كما أنه - فضلا عن منجزه الشعري- يعد واحدًا من أكثر الكتاب العرب إسهاما في المجالات الفكرية والنقدية.
حصل «أدونيس» سنة 1986 على الجائزة الكبرى في «بروكسيل»، ثم جائزة التاج الذهبي للشعر «مقدونيا» تشرين الأول 1997.

[باشق مجروح]

الفنانة السورية شهد برمدا هلق ع المدينة اف ام بلقاء مباشر . سمعوها من الشام عـ 100.5 - 101.5
او سمعوها ع الانترنت :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[باشق مجروح]

اليوم . بدء عرض مسلسل ( على حافة الهاوية ) . مسلسل سوري مميز من بطولة الفنان جمال سليمان و سمر سامي و عباس النوري و كاريس بشار و باسل خياط وايمن رضا و خالد تاجا وشكران مرتجا و ديما بياعة وكوكبة من النجوم .
المسلسل رح يبدا بالعرض الساعة 8 المسا ويومياً عدا الجمعة ع قناة المشرق .
كونو ع الموعد .

[باشق مجروح]

اليوم
بحب ذكر بموعد منمنمات اجتماعية ع قناة ابو ظبي الساعة 11.30 بالليل
والساعة 10 المسا ع المشرق لقاء مع ادونيس ع المشرق .

كونو ع الموعد .

[zen]

ع قد ما ادونيس كان مبدع كان صادم
او انا حسيت هيك
اصلا هوي بيستاهل يتناقش حديثو ع المشرق
وبوكرة الساعة 12 حلقة رائعة من الانتظار
لا تفوتوها
هوي صحي انا قررت انو بطل اتفرج ع الانتظار لانو قلبي من الحامض لاوي

[Nay]

شو مشان المشرق ما فهمت ما بتحب القناة يعني ..؟!
الانتظار .. ومسلسل ليس سرابا.. هدول كتيييير حبيتون..
كل يوم بالليل بحضر الانتظار.. يمكن نفس المخرج مو زين؟؟

[..Jimy]

اي وانا كمان كنت متوقع شي تاني..مابعرف شو..

[باشق مجروح]

اعادة حلقة ادونيس بكرة الساعة 5.10 العصر بتوئيت الشام ع المشرق .
للي فاتتهون الحلقة كونو ع الموعد.

[zen]

له شو ما حب المشرق ما صدقت ع الله ايمتا صار عنا قناة متل الخلق والعالم وانبسطت لما قول هالقناة سوريا
بس مشان مسلسل الانتظار هوي مو حلو وبس هوي من اروع المسلسلات ما بمل منها جايبو ديفيدي و بحضرو كل ما بيطلع ويضل يعمل نفس التأثير يعني كاني اول مرة بشوفوا
بس اليوم من كتر الحلقة ما كانت مؤثرة وشوطلتي قلبي قلت لحالي ما بدي شوفو مع انو من بوركرة راح ارجع شو الاعادة
هههه
ليس سرابا حلو عم يطلع ع الام بي سي الساعة 5

[zen]

كاتب النص الأصلي : ..Jimy

اي وانا كمان كنت متوقع شي تاني..مابعرف شو..

اي انو بالذات مشان السلام واسرائيل
يازلمة حسيت من كلامو انو نحنا اللي بدنا الحرب ونحنا اللي اكلين عليهون ارضهون
ما اختلفنا كلنا بدنا سلام بس انو ما فهمت قصدوو يعني وظبط عليه متل المعنى في قلب الشاعر
وغير هيك لما حكي عن نيويورك استغربت بس انو اغلب الشعرا بيحبو عواصم اوربية بتاريخ معين اما نيويورك كان اول واحد بسمو بيحبها هو ادونيس

[باشق مجروح]

5.30 العصر بتوئيت الشام ع المشرق يوم التلاتا ( بكرة ) . موعدكون مع برنامج الهوا شمالي . الحلقة بتحكي عن الراحل المبدع في مجال الادب الساخر حسيب كيالي ابن ادلب الخضراء .
فكونو ع الموعد .

[باشق مجروح]

بنت البلد أصالة نصري بلقاء ع الـ mbc ببرنامج الدنيا غنوة . الأربعاء ( بعد بكرة ) . الساعة 9.30 بتوئيت الشام . بيشاركها الاعلامي عمرو اديب . طبعاً البرنامج شوية حوار و كتير اغاني .
اكيد كونو ع الموعد .

[yamen_h]

بس مشان مسلسل الانتظار هوي مو حلو وبس هوي من اروع المسلسلات ما بمل منها جايبو ديفيدي و بحضرو كل ما بيطلع ويضل يعمل نفس التأثير يعني كاني اول مرة بشوفوا
بس اليوم من كتر الحلقة ما كانت مؤثرة وشوطلتي قلبي قلت لحالي ما بدي شوفو مع انو من بوركرة راح ارجع شو الاعادة
هههه

تذكروني بآخر حلقة لما بتصيح ديما اورشو بأعلى طبقة .... مستني انااااا ...

ياخ اخر حلقة على قد ما بتخنق ...بتكملها ديما اورشو بالموسيقى التصويرية اللي عاملها العظيم طاهر مامللي ..



شكرا لاعلامنا بهالبرامج الحلوة ...

باشق و الكل لألكن احلى وردي حمصيي

[باشق مجروح]

موعد في الخيران . بعد بكرة الخميس الساعة 10.30 المسا بتوئيت الشام . ع قناة دبي . بتستضيف ميساء المغربي ببرنامجها الفنانة السورية جومانة مراد ( ) والشاعرة السورية سهام شعشاع وسهام كاتبة لكلمات اغاني و خواطر . ومن آخر اعمالها الي انشهرت غنية اصالة ( يسمحولي الكل ) .
فـ كونو ع الموعد .

[باشق مجروح]

ع قناة المشرق . رح يبدا من بكرة بموعد مسلسل الانتظار بث مسلسل نزار قباني بطولة تيم حسن كمان . كونو ع الموعد . اظن الساعة 12 بالليل بتوئيت الشام مع اعادات 5 الصبح و 12 الضهر
يلي تابعو الانتظار بيقدرو يأكدولنا موعد نزار قباني .
كونو ع الموعد ..

[باشق مجروح]

كمان ع المشرق يوم الاربعاء . الساعة 10 بالليل اضواء المدينة بيتسضيف المخرج السوري المبدع حاتم علي .

كونو ع الموعد

[باشق مجروح]

الساعة 7 يوم الخميس ع المشرق حكاية سورية بيتطرق لموضوع ( الجنس sex ) في الثقافة الشعبية وتطور هالمفهوم .
كونو ع الموعد

[باشق مجروح]

الاديب السوري سمير طحان . نقطة اول السطر ع المشرق الساعة 11.30 يالليل يوم الاربعاء .
كونو ع الموعد