شيوخ أخويــــــــــــة

[هشام ابو شرار]

كاتب النص الأصلي : mhsen77

بعدك جديد عالمصلحة

صار عنا خدمة شي خمس سنين

بس ترى بيحقلك تسجل معنا

طيب وشو بالنسبة للراتب التقاعدي؟

[mhsen77]

كاتب النص الأصلي : هشام ابو شرار

طيب وشو بالنسبة للراتب التقاعدي؟

بدك تشوف حدن مسؤول يزبطلك ياه بالتأمينات الاجتماعية و البطالة و مكافحة العمل بيجوز تحصل عليه

[أإأبو العبد]

كاتب النص الأصلي : marochka

أنا وقت تجوزت على لبنان فكرت حالي ما عم اتغرب، أنو المفروض الوضع كتير قريب من بعضو، يعني أصلاً كلا ساعة ساعة وشوي وبصير بنص الشام عند أهلي. بس تاري القصة مو هيك بالظبط، أول شي في بعد عن كل شي الواحد متعود عليه، يعني الرفقات والأهل وحتى الشوارع، وبعدين هون ما بتعرف كيف ماشي البلد، يعني في دولة وما في دولة، يعني بالشام صحيح كنا نضل ننق من الفساد والأمن (كسلطة طبعاً) بس أنو يا محلاهون قدام أنك كل يوم لازم تسمع الأخبار وتشوف كل زعيم شو مزاجو اليوم لتعرف شو ممكن يصير معك بس تطلع من البيت.

انا الي بعرف وضع لبنان الحال من بعضو

كاتب النص الأصلي : Sun Shine Art

هلى انا نظرتي مختلفه عن اغلب الناس ..عن الغربه ...
انا الي بالغربه 6 سنين ...ولما اتغربت كانت لاسباب عائليه ...كنت احلم كتير بالسفر بس لما صار وصرت بالغربه خفت كتير وخاص مجتمع مختلف كليا عنا ...بس لما بلشت اتأقلم مع الوضع ...اختلفت نظرتي كليا ...انا ما بقلك اني ما بشتاق لبلدي وما بتمنى ارجعلها ..بس للاسف ..لما بشوف شو الي عم يصير بالبلد والي عم ترجع لورى ..بحس بالاسف والالم ....

اما الغربه عطتيني الالم والوحده الي كمان كنت حس فيون ببلدي وطورتني عمليا لابعد الحدود ولو كنت ببلدي ما كنت اطورت ولا اتقدمت بهل الشكل .وهدا الشي مافيني انكره ...الصراحه الغربه عطتيني عمليا الي ما عطاني بلدي ...وفكريا فتحتني كتير وعلمتني كيف اتقبل الاخر .....عائليا اكيد في شوق بس يمكن للذكريات مو اكتر ...

والصراحه انا ما بفكر ارجع ...اول سنه كنت اتمنى ارجع ..بس الوقت هلى لا ..الغربه ضافتلي كتير مفاهيم ع شخصيتي وعلمتني اشياء كتير كبيره .....

حلوه ومره ...متل هل الوطن الي هو حلو ومر .....

وهي الك

بس بيضل تراب الوطن غالي
وهي الك صفصف

كاتب النص الأصلي : Nay

أنا من كتر ما بحب البلد كرهتا.. حاسة حالي كرهتا كتير.. وما عاد في شي بيربطني فيها.. وحاسة انو زيمبابوي أقرب إلي من بلدي... حاسة انو ما فيني قدملها شي ولا هيي فيها تقدملي شي .. حتى الحلم بعييييد..
أنا رايحة.. وما عاد بدي شي.. حتى ذكرياتي ما بدي ياها..

رايحة من الوطن بس صدقيني الوطن مارح يروح منك

كاتب النص الأصلي : ابو نجبو

والله يا أبو العبد جبتها عالجرح ......

يمكن انا من أول ماوعيت عالدنيا و مغهوم الغربة و شعورها عمبينمو جواتي ...
لذلك من أول فرصة الي ...غادرت ....

بس بيني وبينك ..لما تغرّبت ...اصبح عندي شعور حنيني غريب اتجاه البلد ....

من المعروف انو في كتير من الاشخاص الل بيتغرّبو ..وخاصة لبلد أجنبي متقدّم....بيصير ينظر لبلدو نظرة دونيّة ...حتّى في بشر بيرحلك سنتين زمان بيرجع غير نمط ....قرفان ...نقوزي....ومابيعرف كيف بدّو يرجع.....

أنا بالعكس ..كل ما روح و أزور بلاد تانية ...مع انو زرت بلاد كتيرة.. بتطرّف صرت ما بشوف أحلا و أجمل و أحسن من بلادنا .....

بالنسبة لالي صارت الغربة حاجة أكتر ما تكون حلم ......

يا ابو نجبو ماحدا بيتغرب الا الي ظروفو جبرتو وشو في بهالدنيا اغلى من حضن الام وحضن الوطن
وانا الحمدلله لتنين فاقدن

كاتب النص الأصلي : قرصان الأدرياتيك

الغربةُ مثل الفودكا كلاهما يفتكان في جسدي فتكَ النّسرِ بطريدته!

كنتُ في غربةٍ إبّانَ دراستي في لبنانَ، غربةٍ في لهجتي، وغربةٍ في مهجتي! كنتُ غريباً عن أجواءِ هذا البلد، عن جوّه السياسيّ، وعن جوّه الاجتماعيّ... إلخ! وما أن تآلفتُ "فكرياً" معه، بعد عامٍ أو عامين من الدراسة فيه، حتّى بدأت سلاسلُ الغربة تتفكّك عن أوصالي ولمّا تتمّ عتقي بكليّتي حتّى غادرتُه إلى بلدٍ أوروبيّ في صدرِه الغربيّ ينبضُ قلباً شرقيّا! مكثتُ فيه أربعة أعوام ونيّف وذقتُ الغربة كما لم أفعل في لبنان!

وبعدَ مضيّ هذه الأعوام... وبعدَ أن صقلتُ جهالتي، وقوّمتُ ما خلّفته العادات البالية في نفسي، ومنحتُ هذه النفس مكاناً فسيحاً تلهجُ فيه وتلهو، اقتطفتُه من حياتي الدنيا في عالمٍ غريقٍ بأسباب المادّة؛ دفعتني الظروف إلى العودة إلى بلدي. وما أن راحت الأيّامُ الأولى تعدو حتى اختنقتُ وقلتُ: غربةٌ في الوطن لأشدُّ كفراً من أيّة غربة! كنتُ غريباً عن بلدي وأبنائه في فكري وعاداتي ومهما فعلتُ إلا أنّني بقيتُ على هذه الحال قلباً واضطررتُ إلى أن أكون على غيرها قالباً!

وها قد عُدتُ لبنان وغربتي لمّا تزل على ذينك الحال!

هذا العالمُ بأسرِه لن يفكّ غربةَ نفسي عنه وعن أصحابِه!
.

اسمو في بعض الكلمات مافهمتا فاستحياطا هي الك

كاتب النص الأصلي : بنفسجة

مسافرة لحالييييييييييييييييييييي يييييييييييي لحالي وحق ربي لحالي قال العيلة قال

والي بيحلف يامين كازب ياويل ويلو من الله

انو مالقيتي غير البحرين تعملي فيها سياحة

[ابو نجبو]

كاتب النص الأصلي : أإأبو العبد

يا ابو نجبو ماحدا بيتغرب الا الي ظروفو جبرتو وشو في بهالدنيا اغلى من حضن الام وحضن الوطن
وانا الحمدلله لتنين فاقدن

مالي مختلف معك ...بس انو كتير مئرورء من البعض اللي ما بيسافرلو سنتين زمان بيرجع وتقول عايش طول عمرو بالشانزليزيه أو بالامباير ستايت....
تخيّل انو في واحد من المعارف طلع عالامارات سنة ونص ولمّا رجع قال نسي وين مكان بيت أهلو......

هيك أصناف ما بتخرط مشطي أبداً....

[msabri]

وأنا معاكم ياأحباب وكل رمضان وأنتم بخير وعيد فطر سعيد للكبار والصغار يارب .

[شامي للنخاع]

الغربة سياحة وسفر.......وتغير جو يعني
صرلي مغرب شي خمس سنين......شفت كتير وفتلت أكتر..........الغربة غيرت كتير اشيا فيي.......يمكن علمتني القسوة للدرجة كبيرة.........وخسرتني ناس وحباب كتير.........ورغم هيك أخدت منها مكاسب كبيرة....أن مادية ولا معنوية........وبنت عندي نظر جديدة للواقع

[نعمة]

سجلوني معكم عمري 32 سنة


كان حلمي اطفش من البلد وبعد ماجبت الفيزا على النمسا ( روحا بلا رجعا )

اهلي مرضو وبما اني وحيد طريت طل بل بلد منشان دير بالي عليهم


بس رح يجي يوم اطفش

[Nay]

كاتب النص الأصلي : ابو نجبو

مالي مختلف معك ...بس انو كتير مئرورء من البعض اللي ما بيسافرلو سنتين زمان بيرجع وتقول عايش طول عمرو بالشانزليزيه أو بالامباير ستايت....
تخيّل انو في واحد من المعارف طلع عالامارات سنة ونص ولمّا رجع قال نسي وين مكان بيت أهلو......

هيك أصناف ما بتخرط مشطي أبداً....

أضرب من هيك في واحد بعرفو طلع على اليونان سنتين .. وشفتو بعد ما رجع مع مجموعة من الاصدقاء.. وجه الكلام للجميع قائلا: اذا بتريدو تحكو شوي شوي لأنو نسيان الأربي أنا...

[سوا ربينا]

مسا الخير يا ختيارية كيفكن؟ وكيف ايامكن؟ ان شالله داحلين منيح ... اي شي بدكن ياه وصونا لانو يعني بدل ما تتغلبو وتتعبو حاكم انتو لانو ختيارية رح تهلكو بسرعة من المشي بس نحنا لا .. يعني اي خدمة جاهزين ها .. بلكي كسبنا ثواب من وراكن..

صحيح نسيت قول هلا والله حيالله ولعيونكن هالرقبة سدادة يا ختيارية ..

[ابو نجبو]

كاتب النص الأصلي : Nay

أضرب من هيك في واحد بعرفو طلع على اليونان سنتين .. وشفتو بعد ما رجع مع مجموعة من الاصدقاء.. وجه الكلام للجميع قائلا: اذا بتريدو تحكو شوي شوي لأنو نسيان الأربي أنا...

شكيلات ...خيلة

[حلبي]

كاتب النص الأصلي : Nay

أضرب من هيك في واحد بعرفو طلع على اليونان سنتين .. وشفتو بعد ما رجع مع مجموعة من الاصدقاء.. وجه الكلام للجميع قائلا: اذا بتريدو تحكو شوي شوي لأنو نسيان الأربي أنا...

بدك ما تاخدي على خاطرك هي ولدنة مو أكتر

كتير بشوف شباب جايين جديد على الغربة و بيحكو مع أولاد البلد بكلمات أجنبية

ههههههههه

[أإأبو العبد]

كاتب النص الأصلي : ابو نجبو

شكيلات ...خيلة

يارجل هدول ولا شي

في شب ايام الجامعة سافر عتركيا شهر بعد ما رجع رحنا عالمطعم قام طلب (واحد كاتون وواحد مندريز) طبعا طلبن بكل جدية وثقة بالنفس مع العلم انو هي اول مرة بحياتو بيطلع برات الشام

هامش : كاتون = كاتو = كيكه
مندريز = مندرين

[Nay]

كاتب النص الأصلي : أإأبو العبد

يارجل هدول ولا شي

في شب ايام الجامعة سافر عتركيا شهر بعد ما رجع رحنا عالمطعم قام طلب (واحد كاتون وواحد مندريز) طبعا طلبن بكل جدية وثقة بالنفس مع العلم انو هي اول مرة بحياتو بيطلع برات الشام

هامش : كاتون = كاتو = كيكه
مندريز = مندرين

بركدن لأنو نحنا ختايرة عقلنا ما عم يستوعب التطور

بنتبه كمان على قصة بتصير عن السوريين اللي برا.. مثلا بس ينسأل الواحد انت من وين بيقول أنا كردي .. او انا شركسي.. او انا سوري بس "مسيحي" او من أصل كذا أو كذا.. متل كأنو عم يهربو من كلمة سوري أو عربي.. ومتل كانو عم يستثنو حالهون من الرعاع العايشين بسوريا

[marochka]

كاتب النص الأصلي : Nay

بركدن لأنو نحنا ختايرة عقلنا ما عم يستوعب التطور

بنتبه كمان على قصة بتصير عن السوريين اللي برا.. مثلا بس ينسأل الواحد انت من وين بيقول أنا كردي .. او انا شركسي.. او انا سوري بس "مسيحي" او من أصل كذا أو كذا.. متل كأنو عم يهربو من كلمة سوري أو عربي.. ومتل كانو عم يستثنو حالهون من الرعاع العايشين بسوريا

مظبوط، هي أنا شفتا كتير، بس حتى العالم اللي برا بتحسيهن بيتفاجؤ بس حدا يقول أنو سوري بكل ثقة، أنا صارت معي مع واحد بروفسور سئيل بروما، عندو عقدة من السوريين من وقت ما اشتغل فترة بسوريا، وكان يعطي أمثلة عالتخلف كلا عن سوريا، ووقت لقاني بحكي أكتر من لغة صار هو يجرب يقنعني أنو أكيد فيني عرق مو سوري، وبقي ست أشهر عم يجرب يعرف شو ديني ما قدر، بس أنو معو حق بشغلة يعني خلال عشر سنين العالم عم تروح منح من سوريا ما مرق غير تنين بيحكو لغة أجنبية والباقي رايحين ما بيعرفو غير عربي ورجعو ما بيعرفو غير عربي، يعني هي النقطة كان يستغلا كتير كمثال على تخلف سوريا رغم أنها مثال بس على تخلف المسؤولين عن المنح

[Nay]

كاتب النص الأصلي : marochka

مظبوط، هي أنا شفتا كتير، بس حتى العالم اللي برا بتحسيهن بيتفاجؤ بس حدا يقول أنو سوري بكل ثقة، أنا صارت معي مع واحد بروفسور سئيل بروما، عندو عقدة من السوريين من وقت ما اشتغل فترة بسوريا، وكان يعطي أمثلة عالتخلف كلا عن سوريا، ووقت لقاني بحكي أكتر من لغة صار هو يجرب يقنعني أنو أكيد فيني عرق مو سوري، وبقي ست أشهر عم يجرب يعرف شو ديني ما قدر، بس أنو معو حق بشغلة يعني خلال عشر سنين العالم عم تروح منح من سوريا ما مرق غير تنين بيحكو لغة أجنبية والباقي رايحين ما بيعرفو غير عربي ورجعو ما بيعرفو غير عربي، يعني هي النقطة كان يستغلا كتير كمثال على تخلف سوريا رغم أنها مثال بس على تخلف المسؤولين عن المنح

اي مروشكا عندي صديقة كتير مميزة هيك متلك يعني.. عايشة كندا.. وبس حدا يسألها بتقول انها سورية ومسلمة.. وقلتلي انو الناس بتتفاجأ وبتصير متل ما عمل الدككتور تبعك تدور على منفذ بلكي رفيقتي مو سورية صافي او مسلمة بس بالهوية.. بس أروى رفيقتي دايما بتقلون انا سورية ومسلمة مؤمنة..
هي الك ولأروى

[قرصان الأدرياتيك]

كاتب النص الأصلي : Nay

بنتبه كمان على قصة بتصير عن السوريين اللي برا.. مثلا بس ينسأل الواحد انت من وين بيقول أنا كردي .. او انا شركسي.. او انا سوري بس "مسيحي" او من أصل كذا أو كذا.. متل كأنو عم يهربو من كلمة سوري أو عربي.. ومتل كانو عم يستثنو حالهون من الرعاع العايشين بسوريا

بالشق الأوّل معك حق وهنّ معن حق! كيف؟! بالنسبة ألي ما عندي أي مشكلة قول أنا سوري وين ما كان، لا بل بحب قولا برغم أنّو هالاسم بأوروبا بيوطي الراس للأرض، وبيخلي العالم تتجنبك وتنظرلك شزراً! بس كمان بنفس الوقت أنا ما بلوم السوريين يلي بيتجنبوا الاسم وبيفتخروا بانتماءاتن القبليّة والدينيّة لسبب بسيط جداً: أنّو شو مقدملن هالاسم لينتموا ألو؟! يوم سافرت من روما كتبت صفحة مذكرات بتحكي عن هالموضوع ورح نزلها شي يوم بمكانها. عموماً أنا بحب الإنسان الشجاع يلي بيعترف بجنسيتو شو ما كانت تكون.

هلا بالنسبة للشق التاني ويللي هو الهرب أو تجنب كلمة "عربي" فهو أمر صحيح وأنا بسورية وخارج سورية بتجنبها لأن أصلاً السوريين ليسوا عرباً. ودائماً بكتفي بقول عن حالي "سوري" دون أي إضافة أخرى. ومعروف تماماً شو علاقة السوريين بالعرب والقبائل العربيّة، وكمان تاريخ سورية والآثار الممتدة من شمالها لجنوبها بتأكد أنو سورية بلد السوريين ويلي ما بيعرف شو معنى الكلمة يا ريت يراجع اللغات اللاتينية أو اليونانية قبل قرن من الزمن ليعرف أنو كلمة سوري تعني سرياني بس وجود دولة بهالاسم خلانا نفصل بين اسم شعب وبين صاحب جنسيّة...

أنا هون ماني بصدد لشرح انتماء معين أو سرينة السوريين أو الدفاع عن فلان أو علتان... إلخ! أنا كتبت اللي كتبتو أعلاه بس للتأكيد على أنو من الخطأ يقول السوري عن نفسو بأنّو عربي إلا اللهمّ إذا كان منتمي لشي قبيلة عربيّة من قبائل البدو أو القرى أو المدن.
وكمان لا ننسَ أنو كلمة "العربية" اللي انضافت لاسم "الجمهورية السورية" كانت على عهد الشيشكلي يعني من نص قرن!

وبصراحة كاملة أنا ما بحب دين أي مغترب على تصرفاتو، لأن لو كان البلد مشبع ابنو ومعلمو ما كان صار هيك! فلا تلوموا حدن لأن رح يجي يوم وتمروا بنفس التجربة!
.

[sheldi]

كاتب النص الأصلي : marochka

مظبوط، هي أنا شفتا كتير، بس حتى العالم اللي برا بتحسيهن بيتفاجؤ بس حدا يقول أنو سوري بكل ثقة، أنا صارت معي مع واحد بروفسور سئيل بروما، عندو عقدة من السوريين من وقت ما اشتغل فترة بسوريا، وكان يعطي أمثلة عالتخلف كلا عن سوريا، ووقت لقاني بحكي أكتر من لغة صار هو يجرب يقنعني أنو أكيد فيني عرق مو سوري، وبقي ست أشهر عم يجرب يعرف شو ديني ما قدر، بس أنو معو حق بشغلة يعني خلال عشر سنين العالم عم تروح منح من سوريا ما مرق غير تنين بيحكو لغة أجنبية والباقي رايحين ما بيعرفو غير عربي ورجعو ما بيعرفو غير عربي، يعني هي النقطة كان يستغلا كتير كمثال على تخلف سوريا رغم أنها مثال بس على تخلف المسؤولين عن المنح

بالله بالأول سؤال قديش ضليتي بايطاليا ثانيا اسمحيلي قلك انو هالحكي هاد مانو مظبوط وهاد مو أكتر من غرور لأنو بس عشتي فترة منيحة بأوربة راح تعرفي الحقيقة لانو هنين وخصوصا الايطاليين ترى كتير مبدعين باللغات وبالنسبة للطلبة اللي بيجو قد ما تعلموا لغة ببلادون المحادثة بدون على الأقل سنة ليتقنوها وعلى العكس من اللي سمعتي اتقان اللغات مانو جيد خصوصا الجيل الشاب

[Nay]

كاتب النص الأصلي : قرصان الأدرياتيك

بالشق الأوّل معك حق وهنّ معن حق! كيف؟! بالنسبة ألي ما عندي أي مشكلة قول أنا سوري وين ما كان، لا بل بحب قولا برغم أنّو هالاسم بأوروبا بيوطي الراس للأرض، وبيخلي العالم تتجنبك وتنظرلك شزراً! بس كمان بنفس الوقت أنا ما بلوم السوريين يلي بيتجنبوا الاسم وبيفتخروا بانتماءاتن القبليّة والدينيّة لسبب بسيط جداً: أنّو شو مقدملن هالاسم لينتموا ألو؟! يوم سافرت من روما كتبت صفحة مذكرات بتحكي عن هالموضوع ورح نزلها شي يوم بمكانها. عموماً أنا بحب الإنسان الشجاع يلي بيعترف بجنسيتو شو ما كانت تكون.

هلا بالنسبة للشق التاني ويللي هو الهرب أو تجنب كلمة "عربي" فهو أمر صحيح وأنا بسورية وخارج سورية بتجنبها لأن أصلاً السوريين ليسوا عرباً. ودائماً بكتفي بقول عن حالي "سوري" دون أي إضافة أخرى. ومعروف تماماً شو علاقة السوريين بالعرب والقبائل العربيّة، وكمان تاريخ سورية والآثار الممتدة من شمالها لجنوبها بتأكد أنو سورية بلد السوريين ويلي ما بيعرف شو معنى الكلمة يا ريت يراجع اللغات اللاتينية أو اليونانية قبل قرن من الزمن ليعرف أنو كلمة سوري تعني سرياني بس وجود دولة بهالاسم خلانا نفصل بين اسم شعب وبين صاحب جنسيّة...

أنا هون ماني بصدد لشرح انتماء معين أو سرينة السوريين أو الدفاع عن فلان أو علتان... إلخ! أنا كتبت اللي كتبتو أعلاه بس للتأكيد على أنو من الخطأ يقول السوري عن نفسو بأنّو عربي إلا اللهمّ إذا كان منتمي لشي قبيلة عربيّة من قبائل البدو أو القرى أو المدن.
وكمان لا ننسَ أنو كلمة "العربية" اللي انضافت لاسم "الجمهورية السورية" كانت على عهد الشيشكلي يعني من نص قرن!

وبصراحة كاملة أنا ما بحب دين أي مغترب على تصرفاتو، لأن لو كان البلد مشبع ابنو ومعلمو ما كان صار هيك! فلا تلوموا حدن لأن رح يجي يوم وتمروا بنفس التجربة!
.

انا معك قرصان فيما يتعلق بمسألة اختلاف الانسان السوري عن العربي.. المسألة انو سؤال انت عربي؟.. ما في داعي انا اشرح لكل الناس الفرق بين العربي والسوري.. انا بحكي عربي.. وحتى لو كنت شركسية فانا بجزء مني على الاقل.. بجزء من لساني عربية.. ولما أشخاص متلي متلك ومتل مروش باوروبا بيقولو عن حالهون سورييين رح يساهمو بتغيير وجهة النظر المبالغ فيها عند الغربيين.. ورح يخلوهون يعرفو أنو في بشر طبيعيين عايشين بسوريا...
وخليني آخر شي ذكرك انو اذا انا عم استند لانتمائي الاثني بناء على رغبتي الشخصية بهادا الموضوع فهي وجهة نظر.. بس انو تكون مجرد حجة للهروب من الحقيقة المرة وهيي اني شخص سوري فهادا خطأ ..